بطولة وينينج اليفن6

السلام عليكم


شباب بس بغيت اشوف اذا فيه احد مشارك في بطولة وينينج اليفن 6 في مقهى كوكب الرياضه ؟؟

تحياتي :)

ودي اعرف تكفون وشلون اقدر اشارك ومتى يبدى البطولة لاني احس انها قوية وانا ودي اتحدى اللي فيها علموني تكفوت

أنا أبغى أشارك علموني تكفون متى؟؟؟؟؟؟؟؟؟؟؟؟؟؟؟؟؟؟؟؟

المسابقه راح تكون في مقهى كوكب الرياضه با لعليا
الشروط
1 دفع مبلغ 50 ريال

2 الدوري راح يكون با لا نديه

3 خرج المغلوب


4 ما تقدر تلعب بانديه الماستر الى في الممري كارد

المسابقه بتكونفي 3/6/1423

الجائزه الا ولى (1500+ps2)

الجائزه الثانيه(750)


:D :D :D

الدمام مافيها بطولات:D

انا البارح كنت عندهم وأشتركت

ونظام البطلوة زي كأس العالم , يعني مجموعات بعدين دور ال16 بعدين دور ال 8 وهكذا .

وممنوع تلعب بأي نادي او فريق سري ( نجوم العالم ) فقط منتخبات , والي يتأخر 10 دقايق يعتبر منسحب .

أما الجوائز فهي جوالات .

والبطولة تبدأ يوم الثلاثاء القادم بعد صلاة العشاء

وكلامي متأكد منه ( أخذته من المسؤول عن المسابقه في المقهى)

متى التسجيل في البطوله من فترة كم الى فترة كم
ارجو الرد بسرعه

عفوا شباب اجلو البطولة ليوم الخميس , يقولون ان يوم الثلاثاء فيه مباراه بين يوفنتوس ومدري مين اظن روما , على كاس السوبر حقهم .

والي يبي يسجل يسجل متى ما يبي بس قبل لا تبدا البطولة

يا أخ صحن قلابه انتم طلعتو من الموضوع الاساسي :p :p


لكن انا برجعكم له واحب أقولك اني انا مشترك في البطوله:cool: :cool: :cool:


وأتمنى ان نتقابل هناك;-) ;-) ;-)

بما أنك مشترك ابغى منك نبذه مختصره عن البطوله يا أفلاطون

والله يا أخ عشوق الأخ صحن قلابه ما قصر وقال كل شي:-)

والبطوله زي ما قال راح تكون بالمتخبات وما فيه مانع اكثر من لاعب يختار نفس المنتخب;-)

وراح تكون البطوله بنفس طريقة كأس العالم أول شي مجموعات بعدين يبدا دوري ال16

ونفس ما قال الاخ صحن قلابه اللي يتأخر عشر دقايق يعتبر منسحب من المباراة

وأحب اضيف نقطه على اللي قاله الأخ صحن قلابه وهي أن الاعب ما يحق له توقيف اللعب أثناء المباراة الا ثلاث مرات فقط

وقيمة الاشتراك 50 ريال

وأعتقد اذا العدد المطلوب أكتمل راح يوقفون التسجيل في البطوله هذي


واتمنى أني أشوفك هناك;-)




















والعفو على الرد السريع:p :p :p :p :D :D :D :D

افا
أنا بعيد عن الرياض حاليا وابروح الرياض الثلاثاء
وأتوقع ان العالم سجلت وانتهى التسجيل
أحد يقدر يدبر لي رقم جوال واحد من اللي هناك عشان اتفاهم معه
:" :" :" :" :" :" :" :" :" :" :" :" :" :" :" :"

مشكور على التوضيح اخوي افلاطون , لكن توني ادري ان ممنوع اكثر من ثلاث توقيفات , انا كل دقيقه لي خطه :):)

وأتمنا اباريك هناك :)

-----------

اخوي العشوق

لا لا تخاف هم ماهم حريصين على العدد , يعني لو تعدو ال32 ممكن تشارك عادي , اصلا هم الحين وصلو تقريبيا 25 وحتى لو ما اكتمل العدد راح يبدون يوم الخميس .

وسألتهم عن اخر موعد للتسجيل قالولي لو تجي يوم الخميس ممكن تشارك بس اهم شي معك الخمسين ريال :):)

تحياتي :)

يسلمووووووووووووووو
أخوي صحن قلابه على الرد
وأيضا مشكور يا أخ أفلاطون على النبذه المختصره

أقول صحن قلابه كل المشتركين بيلعبون يوم الخميس

<<<<<<<عنده مناسبة زواج يوم الخميس

أخوي اذا ماعليك كلافه تكتب لي توصيف محلكم ذا حق كوكب الرياضه

لالا البطولة تستمر تقريبا اسبوع يمكن بس يوم الخميس يوزعون المشتركين على مجموعات ويسوون الجدول وزي كذا .

الوصف .. انا سيء في الوصف لكن ابحاول :)

ونت في طريق الملك فهد رايح شمال بتجيك على يدك اليمين ملاهي ماادري وش اسمها , المهم خذ الخدمه وبعدين لف مع اول ملف يمين انت عاد أرفع راسك بتلقا محل كبير ومكتوب فوق كوكب الرياضه وترا جنبه مسجد على يسار المحل .

واذا انت جاي مع طريق العليا رايح جنوب تعد أشاره تقاطع العليا مع التحليه , أول ملف يمين خذه , ابتل وبتلقا مسجد , خل السجد على يسارك ولف يسار بتلقا المحل على يسارك .


تحياتي :)

حيرتونا


البطولة منتخبات

ولا انديية ؟؟؟؟؟؟؟؟؟؟؟؟



وهل فيه اعمار معينة ؟؟

أخويFigo Fan البطوله راح تكون بالمنتخبات فقط وأنا متأكد 100%


أما بالنسبه للعمر فالحد الأدنى هو 10 سنوات
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــ

أخوي صحن قلابه أنا يوم أشتركت كانو حاطين الشرط (أنك ما توقف اللعب أكثر من ثلاث مرات) في أستمارة التسجيل وغريبه أنك ما انتبهت له أو يمكن أنهم غيرو رايهم:أفكر: :أفكر: :أفكر:

مشكور أخوي صحن قلابه
بس لو دبر لي اسم الملاهي
أو اسم المخرج يعني تبع اي حي
<<<<<مو من الرياض
ولكن بينه وبين الرياض200كم بس

مشكور اخوي

بس يصلح مثلا اروح اليوم و احجز منتخب ولا عادي زي بعض؟

السلام عليكم

اخوي فيغو ماقصر ألأخ افلاطون جاوبك .


اخوي أفلاطون ابقنعهم يشيلون الشرط , صراحه شرط غبي :):):):0)


اخي العشوق , صراحه ما ادري بالظبط , لكن الوصف الثاني أسهل , بعد تقاطع العليا مع التحليه وانت رايح جنوب اول ملف يمين رح معه , بتلقا مسجد , خل المسجد على يسارك ورح يسار وخلاص انت في مقهى الرياضه


اخي فييري , لا عادي , الحين فيه تقريبا 8 اشخاص ماخذين البرازيل :)

انا مشارك هناك ... وابلعب بفرنسا :D







على فكره ... وش سالفة الاودي A3 الي واقفه برا .... حاطينها كأنها جائزه ولا شي زي كذا :أفكر:

اهلين alex

والله ماادري لكن ممكن تكون وحده من الجوائز التشجيعيه للخاسرين :D :D :D



نشوفك هناك , على فكره انا العب بأنجلترا

انا ان شاء الله ان شاركت

بلعب يا تركيا هو الاكيد

او ايطاليا

السلام عليكم ورحمة الله وبركاته:
أما بعد:
لقد كثر الجدل في حكم هذه المسألة التي هي مسابقة ويننج اليفن ولتعم الفائده ننقل لكم هذه الفتوى

أولا : إذا كانت الخمسين ريالا تعاد اليك على اساس انها تأمين فهي جائزه

ثانيا : اذا كانت الخمسين تصرف في تهيئة المكان واحضار الأجهزه فهي جائزه

ثالثا: إذا كانت تصرف على شراء الجوائز فهي حراااااااااااااااااااااااااام

والله ولي التوفيق

اخوي العشوق

ال50 هذي رسوم , بس كيف يصرفونها ما ادري

اقتباس:

---

الرسالة الأصلية كتبت بواسطة صحن قلابه
اخوي العشوق

ال50 هذي رسوم , بس كيف يصرفونها ما ادري

---

انتو سويتو الي عليكم والباقي على الله:p ?:

لو سمحتوا وصفوا لي مكانهم وصف أدق من الوصف الأول

وفرصه أسأل عن المبلغ اللي ياخذونه منا

وإذا لقيت فرصه راح أقولكم حكمها

انا شاركت ^_^ وانسحبت ^_^

وبشارك مره ثانيه ^_^ انواع الطفره :6

أبشركم شاركة في البطوله

وعلى ذمت اللي تكلم معي ان فلوس الاشتراك مالها دخل في الجوائز