شي غريب كيف تفضلواFF7 علىFF10؟؟؟؟

عرض للطباعة

24-07-2002, 09:49 AM
@THEjoker@

شي غريب كيف تفضلواFF7 علىFF10؟؟؟؟

اخواني الاعزاء انا ماكنت اعرف لعبه اسمها فاينل فانتسي الا انه وقبل فتره بسيطه قالي احد اصحابي اشتريها وفعلا اشتريت الجزء العاشر واللعبه روعه روعه روعه وحبيت اشتري الاجزاء الثانيه فشفت كثير من الاعضاء يقول ان الجزء7 احلى جزء فرحت للمحل وطلبت فاينل فانتسي السابع3دسكات.
رجعت البيت وشغلت اللعبه

ايش هذا:!
انا قاعد العب فاينل فانتسي ولا قاعد العب كمبيوتر العائله؟؟؟
صراحه الرسوم تعبانه واللاعبين غريبه اشكالهم والجرافيكس والتصوير سئ حتى وقت القتال يعني شي يجيب المرض واهم شي انه الشخصيات ماتتكلم مافي صوت؟؟؟؟
انا استغرب كيف بعض الاعضاء يفضلوا7 على10؟؟؟؟؟
ليش وايش فيه زياده
فاينل فانتسي10 صراحه روعه من جميع النواحي ولااعتقد انه فيه عيوب لكن السابع وبدون زعل ?:

فأنا حبيت اعرف ليش بعضكم يفضل7 على10 واتمنى انه لايزعل احد مني وشكرا.:)
24-07-2002, 11:23 AM
Flanteus

أخوي ذا جوكر...
الناس ..ما يطالعون في الرسوم...لأنه FF10 ...على البلايستيشن 2 ..
يعني ما في أي وجه مقارنة مع الأجزاء اللي قبلها..في الرسوم..
وثاني شيئ هذي معلومة مهمة لك ولغيرك...
أي واحد بدأ سلسلة FF من الجزء العاشر أكيد ..وغصبا عليه ..إنه حيكره..
الأجزاء اللي قبلها بسبب الرسوم...:! ...
وهذي الحركة أنا مجربها في كم واحد..:أفكر: ولاحظت إن اللي يلعبون
FF10 ..أول راح يعجبون بها ..آخر إعجاب ..(مثلك)...وإذا لعبتهم ..الأجزاء اللي قبلها...حيستنفرون منها وبشدة...إسألوا مجرب ولا تسألوا خبير..:أفكر:
..إلا ..حالات شاذة عند بعض الناس (مثلي :6 )..فيهم هوس FF ...لدرجة
لو إن يلعب FFVXIIIXV .....راح يقول FF7 ..أحسن...:أفكر:
وهذي جد مو بتريقة...
وأنا أرجو إنك تكون من الشواذ ذولي ...وتحب أجزاء FF كلها بدون ..استثناء..
وعلى فكرة هي الشغلة ماهي بغصب...وبراحتك سوي اللي تبغاه..:)
لكن لاترمي الشريط أو تبيعه..:6 ..لأنه ممكن يوم من الأيام ...
تفتكر إن كان عندك جزء من أجزاء FF .. وتروح تلعبه ...وممكن في ذيك اللحظة..........يعجبك...;-)
المهم جرب ولا تطالع في الرسوم ....:6 وإنشا ء الله تعجبك...اللعبة
وشكرا...:) ;-)
24-07-2002, 11:34 AM
عاشق كل شي

ادا تمبا افضل جزء فهو الثامن.............:)
24-07-2002, 01:35 PM
Mr. Black Man

أنا لاعب كل أجزاء فاينال فانتسي تقريباً و لاعب 7 و 8 و 9 و شايف التهايات و خاتمهم و لكن فاينال فانتسي 10 أحلى بكثيييييير منهم و هذا رأيي ;)
24-07-2002, 01:52 PM
Dark Knight

والله شوف لعبت من 6 ال10 واقولك شي اخيس جزء 10 والله القصةسقيمة وقصيرة وبس الميزة الوحيدة فيها الرسوم و الاصوات حقت الشخصيات بس والعيوب كثر التراب.
24-07-2002, 01:54 PM
Justine

انت لو شريت فاينال فانتسي 7 أول ما نزلت كان فكك السفلي طاح من حلاة الرسوم
24-07-2002, 02:20 PM
Flanteus

شايف الردود أخوي جوكر...
هاذولي فيهم هوس فاينل فانتسي:6
24-07-2002, 02:25 PM
Flanteus

شايف الردود أخوي جوكر...
هاذولي فيهم هوس فاينل فانتسي:6
24-07-2002, 02:31 PM
Flanteus

شايف الردود أخوي جوكر...
هاذولي فيهم هوس فاينل فانتسي:6
24-07-2002, 03:18 PM
cool_man

السابع مو حلو واجد لكن العاشر روعة ما توقعتة بهالقوة الجبارة القصة ما فيها شي عالعكس تشد الواحد لمعرفة المزيد ;)
24-07-2002, 03:27 PM
سكويل زيدان كلو

أكيد أجمل لعبة فاينال فانتازي 10 بعدين 9 بعدين 8 بعدين 7!!!!!!!!!!!!!!
بس في كثير يفضلون 7 عشان أول جزء من فاينال فانتازي بطلع بهذا التطور المذهل و الجرافيكس الجميل فاصبحو يحبون 7!!!!!!
;-) :-) :6
24-07-2002, 03:37 PM
M7MOOOD

هاي :)

شوف أخوي .. استمع الحين لأني راح أجاوب عليك بالتفصيل لأني لي خبرة في سلسلة فاينل فانتسي :

أولا : شلون تقارن لعبة نزلت على جهاز البلاي ستيشن 2 بلعبة نزلت على جهاز هي أقوى منه بأربع مرات و هو البلاي ستيشن 1 و لا بعد .. نزلت قبل هاللعبة بأربع سنوات .. بالله ممكن تقولي وين المنطقية :)

ثانيا : أنت تذكرني بنفسي .. فأنا أل جزء فاينل فانتسي لعبته هو الجزء الخامس اللي نزل عام 1992 على جهاز نتندو العائلي .. أنا هني كرهت الشريط فقمت و رحت المحل و بدلته بالجزء الثامن و كان وقته توه نازل .. و لما لعبته عشقته و تجنيت منه لأن الرسومات ذاك الوقت كانت أقوى رسومات لعبة ظهرت .. المهم بعد ما أنهيت الشريط قمت و شريت الجزء التاسع بدون ما أفكر في أن أشتري أحد الأجزاء السابقة .. بس أنا مرة قريت في مجلة أن اللعبة الوحيده اللي حصلت على تقدير كامل و احتلت لقب أفضل لعبة صدرت في التاريخ من جميع النواهي هي فاينل فانتسي 7 .

أنا هني تعجبت و تحمست علشان أشتري هاللعبة و أشوف شنو الشي المميز فيها عن فاينل فانتسي 8 .

رحت المحل و شريتها و لما شغلت اللعبة لقيت الرسومات كرتونية و مو قوية مثل الثامن و التاسع .. فلعنت الشريط و المجلة و المحل اللي شريط منه الشريط .. المهم خليت الشريط و ما لعبت فيه و فضلت أني أنهي الجزء الثامن مرة ثانية على أن ألعب بالسابع .

و في يوم من الأيام أهلي كانوا كلهم طالعين من البيت و كنت أنا بروحي قاعد .. قمت و طلعت الجزء السابع و لعب فيه و قلت خل شوي أسلي نفسي بالشريط علما يرجعون أهلي .. قمت و لعبت اللعبة و بعد ساعتين انهبلت فيه و ما قدرت أتركه .. فالقصة كانت في منتهى الروعة و الجمال .. و الأحداث و لا أروع .. و هني بديت أحب اللعبة و بدأت تجذب اهتماماتي .. فمت ألعب فيها و ما تركتها الا لما أنهيتها .. فالقصة هي أروع قصة سمعتها و سوف أسمعها .. اللعبة رائعة و هي تحفة لا تكرر .

و بعد ما أنهيت السابع تدري شنو عملت :)

قمت و شريت فاينل فانتسي 5 اللي شريتها من قبل و ما حبيتها .. هالمرة حاولت أفهمها و بديت ألعب فيها .. و كانت القصة حلوه .. و شريت السادس و بديت ألعب فيه و هالجزء جنني و حبيته أكثر من العاشر .. مع أن الجزء السادس نزل عام 1994 على جهاز العائلة اللي قوته 16 بت .. و العاشر نزل عام 2001 على البلاي ستيشن 2 اللي قوته 128 بت .. شوف الفرق :)

ثالثا : يا أخي العزيز .. لا تحكم على اللعبة من الرسومات .. فهناك عوامل أهم من الرسومات مثل المتعه و القصة و التسلية و الشخصيات .. و الحين بسألك سؤال .. لو فاينل فانتسي 10 نزل عام 1997 و بنفس رسومات الجزء السابع .. و السابع نزل عام 2001 بنفس رسومات العاشر .. هل كنت راح تقول نفس الكلام اللي قلته الحين عن السابع و العاشر :) ؟

يا حبيبي ترى الابداع هو ابداع .

و أنا أنصحك الحين تروحو تلعب فاينل فانتسي 7 على الأقل بس لمدة 5 ساعات ... و هذا وجهي اذا ما عجبتك و جذبت اهتمامك :)

و بالأخير أتمنى أن تقرأ كلامي هذا تكرارا و مرارا حتى تفهم المغزى .. و أنا بانتظار ردك :)
24-07-2002, 04:19 PM
vivi

انا اول لعبه لعبتها فاينال فانتسي تاكتيك

اول مالعبتها مافهمت منها شئ و نسيت الشريط مع باقي الاشرطه عاد يوم انفتحت نفسي اني العب فيه وحاولت افهم كل الاختيارات وناهبلت من كثرة الحركات وحلاوة القصه والاستراتيجيه القويه:0) وختمتها ثلاث مرات وبعدها شريت الجزء الثامن وادمنته لما ختمته وبعده شريت التاسع الي للان افضل جزء عندي ولقيت فيه معضم الادوات بستثناء اداه وحده:"
وختمته ولعبت بعده 7 الي للان ماني فاهم منه شئ:" و ان شاء الله يوم تنفتح نفسي افهم ابوه":"

اما العاشر انا للان ماشريت السوني 2 :(
24-07-2002, 04:52 PM
Flanteus

آسف على تكرار الرد ..لأنه حصل خطأ:أفكر:
محمود :غضب: :غضب:

إنت شذيhttp://www.plauder-smilies.de/happy/xyxthumbs.gif
فيفي قصتك تحزن...:"
24-07-2002, 04:56 PM
M7MOOOD

اقتباس:

الرسالة الأصلية كتبت بواسطة flanteus
آسف على تكرار الرد ..لأنه حصل خطأ:أفكر:
محمود :غضب: :غضب:

إنت شذيhttp://www.plauder-smilies.de/happy/xyxthumbs.gif

:) شكرا :)
24-07-2002, 05:15 PM
msm

باختصار ....

لأن المتعة والتسلية الي قدمها الجزء السابع في ذلك الوقت ...تفوق المتعة والتسلية الي رأيناها في الجزء العاشر حالياً ...

على الأقل بالنسبة لي ...
24-07-2002, 05:37 PM
Flanteus

يمكن....:أفكر: ...نسبة الخطأ في كلامك ..50%
24-07-2002, 05:53 PM
msm

اقتباس:

الرسالة الأصلية كتبت بواسطة flanteus
يمكن....:أفكر: ...نسبة الخطأ في كلامك ..50%

اقتباس:

الرسالة الأصلية كتبت بواسطة msm
...على الأقل بالنسبة لي ...

:أفكر:
24-07-2002, 06:47 PM
Flanteus

اقتباس:

الرسالة الأصلية كتبت بواسطة msm

:أفكر:

هاهاها..لا بريئ...:D
24-07-2002, 09:59 PM
@THEjoker@

طيب يااخواني الاعزاء لو تجوا تقارنوا بين رزدنت ايفيل من1 الى كود فيرونيكا الرسوم فيها اختلاف بسيط مره.

عندكم مثلا ميتل قير صحيح ان الرسم يختلف عن الموجود في ميتل قير2 لكن يعني كان فيها مميزات تغطي عيوب الرسوم مثل الصوت والاسلحه ووو...الخ

صحيح لعبه فاينل فانتسي7 نزلت من97 ورسومها على قدها بس بصراحه اللعبه فيها تعرجات كثيره يعني تشوف اللاعب متعرج;) .....شي ثاني الشخصيات صغيره جدا:! ...يعني ماتحس انه في حماس في اللعبه.

انا راح العب زي ماقلتوا الجزء7 و8و9 واتمنى انها تعجبني اكثر من10 مع اني ما اتوقع ابدا (من وجهه نظري) ان في جزء احلى من10.

اشكركم اخواني على ردودكم واتمنى انه محد يزعل مني وشكرا مره ثانيه
24-07-2002, 10:01 PM
M7MOOOD

أصلا أنت يا أخي صاحب هالموضوع بس جربت تلعب فاينل فانتسي 7 لخمس ساعات فقط .. و أنا متأكد أن اهتمامك راح يكبر باللعبة .. و بس لما تخلص الدسك الأول راح تعرف بنفسك ليش أغلبية اللاعبين يفضلون فاينل فانتسي 7 على فاينل فانتسي 10 .. أما أنك بس تلعب اللعبة من أول شي و تقارنها من الأول فهالشي مافي أي منطقية .. رجاءا اقرأ ردي السابق الطويل و فكر .
24-07-2002, 10:09 PM
@THEjoker@

طيب يامحمود لاتعصب:)
انا راح العب وارد عليك اوكي:)
24-07-2002, 10:25 PM
M7MOOOD

اقتباس:

الرسالة الأصلية كتبت بواسطة @THEjoker@
طيب يامحمود لاتعصب:)
انا راح العب وارد عليك اوكي:)

هذا الرد اللي يبرد القلب .. الحين قلبي برد :D
24-07-2002, 11:23 PM
MG4

اقتباس:

الرسالة الأصلية كتبت بواسطة msm
باختصار ....

لأن المتعة والتسلية الي قدمها الجزء السابع في ذلك الوقت ...تفوق المتعة والتسلية الي رأيناها في الجزء العاشر حالياً ...

على الأقل بالنسبة لي ...

دائماً كلام msm مقنع وجميل ومختصر ...واعتقد انه هو الاقرب للحقيقه

_______________________________________________

المهم انا ابي العب الجزء السابع ومالقيته في جميع االمحلات ممكن واحد يدلني على محل يبيع الجزء هذا

او واحد من الاعضاء في حي الروضه ولا قريب منه اخذ منه الشريط ولا اشتريه منه ولا اتسلفه منه
_______________________________________________
والله من وراء القصد...MG4
24-07-2002, 11:27 PM
M7MOOOD

لو كنت بالكويت جان دليتك على محل .. بس للأسف مافي باليد حيله
:(
24-07-2002, 11:56 PM
Squall 9

أنا ما لعبت الجزء7 بس أقول الجزء8 والجزء10 أحلى أجزاء الين دحين لعبتهم .

وال7 ما أقدر أحكم عليه.
25-07-2002, 02:30 AM
weskerالكويت

مع احترامي لآراء الجميع ...
فانا اشوف ان راي الاخ الغالي @THEjoker@ صحيح ..

وشكرا...............
25-07-2002, 08:00 AM
Flanteus

هاهاهاهاها...:أفكر:

اقتباس:

هذي معلومة مهمة لك ولغيرك...
أي واحد بدأ سلسلة FF من الجزء العاشر أكيد ..وغصبا عليه ..إنه حيكره..
الأجزاء اللي قبلها بسبب الرسوم... ...
وهذي الحركة أنا مجربها في كم واحد.. ولاحظت إن اللي يلعبون
FF10 ..أول راح يعجبون بها ..آخر إعجاب ..(مثلك)...وإذا لعبتهم ..الأجزاء اللي قبلها...حيستنفرون منها وبشدة...إسألوا مجرب ولا تسألوا خبير..

يا شباب ....هذي إحصائية أنا مسويها...وأكبر دليل على ذلك رد أخوي
جوكر....لأنه في الرد الثاني له ...ذكر رسوم الجزء السابع..بأنها سيئة..
وشوفو كلامي اللي فوق...حتلاحظو إن متطابق مع رده الثاني...ومع ردأخوي ويسكر الكويت...

وأنا صراحة ...أنفي قطعا ...إن اللي يحب الجزء السابع..هو اللي بدأ فيه:o
هذا خطأ وأكبر خطأ....:o ودليل كلامي الأخ محمود....(محمود من الشواذ:6)

وبعض الناس ...يحب الجزء العاشر ..مع جزء ثاني..وغالبا ما يكون هذا الجزء الثامن...شوفو رد أخوي سكوال9.. :أفكر: لكن بشرط إنه يكون لاعب الجزء الثامن قبل...:أفكر:

في النهاية ....هناك معلومة مهمة جدا...هذا الإحصاء...
ما ينطبق إلا على اللي فاهمين القصة....واللي يلعب بدون فهم للقصة..
هذا إحصاء ثاني...:6<-------مسوب حالي بروفيسور:6
25-07-2002, 09:36 AM
@THEjoker@

اخي العزيز flanteus

الجزء السابع مو بس سئ بل ممل كمان
يااخي ايش ذا والله قهرني وياريتني ماشتريته.
ممل ممل بشكل غريب.

بصراحه اسوء لعبه لعبتها هي فاينل فانتسي7 وانا مابقول كذا بس علشان الرسوم او شي بقول كذا لاني سمعت كلام الاخ محمود وضغط على نفسي ولعبتها لكن يااخي حسيت بملل رهيب مافيها حماس ولاشي يجذبك زي10 يعني سيبك من الرسوم قول ماتهم....لكن الصوت مافي والتحكم سئ.....مافي شي يشدك للعبه(اللعبه ميته)
بكل صراحه انا مادخلت مزاجي مره .
ياجماعه اللعبه الحلوه نقول عليها حلوه مو اي شي تقولوا عليه حلو.
يمكن الجزء ذا عجبكم لكن انا اعتبر هذي اللعبه او7 بالذات اسوء لعبه لعبتها.
وصدقني حتى لو لعبت لجزء7 قبل10 فما حيكون زي10 ابدا وانت تعرف ذا الشي.
والحين مين يشتريها مني ويفكني من شرها والله حرام فيها ريالين.
25-07-2002, 10:09 AM
F.B.I MOLO

ننعم اصلا الجزء ال10 ابيخ شيء و انا اقول احلا شيء هوالجزء 6و7و9 انت لا تحكيم في الصوره احكم في القصه
مع تحيات MOLO;)
25-07-2002, 10:12 AM
F.B.I MOLO

اقتباس:

الرسالة الأصلية كتبت بواسطة M7MOOOD
أصلا أنت يا أخي صاحب هالموضوع بس جربت تلعب فاينل فانتسي 7 لخمس ساعات فقط .. و أنا متأكد أن اهتمامك راح يكبر باللعبة .. و بس لما تخلص الدسك الأول راح تعرف بنفسك ليش أغلبية اللاعبين يفضلون فاينل فانتسي 7 على فاينل فانتسي 10 .. أما أنك بس تلعب اللعبة من أول شي و تقارنها من الأول فهالشي مافي أي منطقية .. رجاءا اقرأ ردي السابق الطويل و فكر .

احلا لقطه هو ايرس مو صح يا محمود هههههههههههههههههههاي:0) :D :" مو وحشتك:" :" :0)
25-07-2002, 02:01 PM
Flanteus

اقتباس:

الرسالة الأصلية كتبت بواسطة @THEjoker@
اخي العزيز flanteus

الجزء السابع مو بس سئ بل ممل كمان
يااخي ايش ذا والله قهرني وياريتني ماشتريته.
ممل ممل بشكل غريب.

بصراحه اسوء لعبه لعبتها هي فاينل فانتسي7 وانا مابقول كذا بس علشان الرسوم او شي بقول كذا لاني سمعت كلام الاخ محمود وضغط على نفسي ولعبتها لكن يااخي حسيت بملل رهيب مافيها حماس ولاشي يجذبك زي10 يعني سيبك من الرسوم قول ماتهم....لكن الصوت مافي والتحكم سئ.....مافي شي يشدك للعبه(اللعبه ميته)
بكل صراحه انا مادخلت مزاجي مره .
ياجماعه اللعبه الحلوه نقول عليها حلوه مو اي شي تقولوا عليه حلو.
يمكن الجزء ذا عجبكم لكن انا اعتبر هذي اللعبه او7 بالذات اسوء لعبه لعبتها.
وصدقني حتى لو لعبت لجزء7 قبل10 فما حيكون زي10 ابدا وانت تعرف ذا الشي.
والحين مين يشتريها مني ويفكني من شرها والله حرام فيها ريالين.

برااااااااااااااااحتك....:أفكر: سوي اللي تبغى...
أنا ما غصبتك...بس حبيت أساعدك..لأنك منت أول واحد...ما تعجبه اللعبة..
إيه منت أول واحد ..أنا ياما ناس حاولت أقنعهم ...وما قابلت منهم إلا الإساءة و التوبيخ والإستهزاء .....على الأقل كنت أبغى منهم كلمة طيبة ...مجاملة.....:( ..لكن ولا شيئ...:( ...<----بدأ يحكي قصة حياته:6
المهم براحتك أخوي...سوي اللي تبيه....ومحد وراك:6 ;-)
سلام...
25-07-2002, 05:16 PM
E:man

Re: شي غريب كيف تفضلواFF7 علىFF10؟؟؟؟

اقتباس:

الرسالة الأصلية كتبت بواسطة @THEjoker@
اخواني الاعزاء انا ماكنت اعرف لعبه اسمها فاينل فانتسي الا انه وقبل فتره بسيطه قالي احد اصحابي اشتريها وفعلا اشتريت الجزء العاشر واللعبه روعه روعه روعه وحبيت اشتري الاجزاء الثانيه فشفت كثير من الاعضاء يقول ان الجزء7 احلى جزء فرحت للمحل وطلبت فاينل فانتسي السابع3دسكات.
رجعت البيت وشغلت اللعبه

ايش هذا:!
انا قاعد العب فاينل فانتسي ولا قاعد العب كمبيوتر العائله؟؟؟
صراحه الرسوم تعبانه واللاعبين غريبه اشكالهم والجرافيكس والتصوير سئ حتى وقت القتال يعني شي يجيب المرض واهم شي انه الشخصيات ماتتكلم مافي صوت؟؟؟؟
انا استغرب كيف بعض الاعضاء يفضلوا7 على10؟؟؟؟؟
ليش وايش فيه زياده
فاينل فانتسي10 صراحه روعه من جميع النواحي ولااعتقد انه فيه عيوب لكن السابع وبدون زعل ?:

فأنا حبيت اعرف ليش بعضكم يفضل7 على10 واتمنى انه لايزعل احد مني وشكرا.:)

اجل لو جربت السادس وش تقول :o

اقول اخوي ما فيه مجال للمقارنة فالعاشر يتميز بالرسومات لا اكثر لكن السابع

القصة يعني مقارنة بسيطة بين قصة السابع وقصة العاشر فيه ظلم كبير

للسابع لانها تتفوق عليها بمراحل كبيرة وعندك اسلوب اللعبة يعني بدون

تفكير نظام الماتيريا افضل بمراحل من نظام السفير بورد

وعلى كلامك فان لعبة مثل HALO على ال XBOX تعتمد بفكرتها على قتل كل ما يواجهك

افضل بكثيييييييييييييييير من سلسلة FF كلها :)

شوف انت العبها الى نهاية الديسك الاول وحاول حاول حاول تفهم القصة

وبتفهم :)
25-07-2002, 05:56 PM
M7MOOOD

أنا قلت لك .. أول اللعبة تحس أنها باخه و بارده .. بس العب فيها 5 ساعات و شوف شلون الاثارة و الحماس راح تبتدي :o

و أنا الحين قاعد ألعب الجزء السادس و مخلي الجزء العاشر .. لأن الجزء السادس كله اثارة .. عكس العاشر اللي كله بروده :o
25-07-2002, 07:48 PM
MG4

M7MOOOD شكراً

@THEjoker@ انت من وين شريت الجزء السابع
25-07-2002, 07:50 PM
MG4

ياشباب الصوره الي انا حاطها بالتوقيع تطلع ولا لا
25-07-2002, 08:31 PM
M7MOOOD

اقتباس:

الرسالة الأصلية كتبت بواسطة MG4
ياشباب الصوره الي انا حاطها بالتوقيع تطلع ولا لا

لا .. ما تطلع ?:
25-07-2002, 08:59 PM
Flanteus

خخخخخخخخخخخخخخ:6
والتوقيع..ما يطلع...
:6 خخخخخخخخخخخخخخخخخخخخ:6
25-07-2002, 10:33 PM
@THEjoker@

MG4تبغاه تعال خذه وفكني منه بس انت فين؟؟
25-07-2002, 10:47 PM
M7MOOOD

اقتباس:

الرسالة الأصلية كتبت بواسطة @THEjoker@
MG4تبغاه تعال خذه وفكني منه بس انت فين؟؟

للأسف .. أنت تملك كنز حقيقي .. بس لا تعرف كيف تقدره :(

صدقني راح تتحسف و تندم كثر شعر راسك لما تعرف هاللعبة اللي قاعد تذمها شنو هي بالأصل .
26-07-2002, 12:10 AM
@THEjoker@

ولايهمك ياغالي راح العبها الين النهايه:)

بس ابغى منك خدمه بسيطه وهي اشياء ماني فاهمها بالله ابغاك تساعدني فيها.
1-ابغى اعرف القصه بالتفصيل الممل.
2-كيف اطور اللاعبين لاني التطوير باين هنا غير العاشر واعتقد ان التطوير من متيريا ياريت تشرح لي بالتفصيل.
3-ايش فايده كلمه اوردر
4-اللمت هو الاوفر درايف
5-لمن تلعب مع الوحوش يجي جمب اللمت مؤشر طويل مكتوب عليه تايم وش فايدته.
6-لمن تضغط مثلث تجيك قائمه الايتم وفي تحت اسم كلاود مثلا حرفي وهم
LV9
ايش معناهم وشكرا
26-07-2002, 12:44 AM
M7MOOOD

اقتباس:

الرسالة الأصلية كتبت بواسطة @THEjoker@
ولايهمك ياغالي راح العبها الين النهايه:)

بس ابغى منك خدمه بسيطه وهي اشياء ماني فاهمها بالله ابغاك تساعدني فيها.
1-ابغى اعرف القصه بالتفصيل الممل.
2-كيف اطور اللاعبين لاني التطوير باين هنا غير العاشر واعتقد ان التطوير من متيريا ياريت تشرح لي بالتفصيل.
3-ايش فايده كلمه اوردر
4-اللمت هو الاوفر درايف
5-لمن تلعب مع الوحوش يجي جمب اللمت مؤشر طويل مكتوب عليه تايم وش فايدته.
6-لمن تضغط مثلث تجيك قائمه الايتم وفي تحت اسم كلاود مثلا حرفي وهم
LV9
ايش معناهم وشكرا

مشكووووور لأنك و أخيرا قررت تلعبها .. و أنا راح أظل أساعدك للنهاية .. و هذه استفسارات أجوبتك :

1- القصة طويـــــــلة جدا جدا جدا جدا و عميــــقه حيل .. أنت مع الوقت و خلال خمس ساعات من اللعب راح تفهم نصف القصة .. و هي أحلى من قصة العاشر بمليون مرة و راح تتأكد من كلامي لما تنهي اللعبة و تشوف النهاية الطويلة الرائعة و اللي راح تندهش منها :)

2- تطوير اللاعبين سهل بالمره .. كل اللي عليك أن تتعارك في معارك عشوائية .. و الشخصيات لوحدهم راح ترتفع نقاط طاقاتهم و سحرهم و مقدراتهم .. و LV يعني مستوى الشخصية .. فمثلا اذا كان LV 9 هذا يعني أن الشخصية في المستوى التاسع .. و اذا كان LV 14 فيعني أن الشخصية في المستوى الرابع عشر .. و كل ما يرتفع LV ترتفع معاه مقدرات الشخصية و طاقته .. و الماتيريا هم البلورات اللي لما تحطها للشخصية راح يطلع لها السحر الموجود في البلورة .. و مع قتالك في المعارك العشوائية ترتفع مقدرة البلورة و السحر يصير من Fire الى Fire 2 و الى Fire 3 و هكذا :)

3- أوردر تقدر تغير منها ترتيب أفراد فريقك أثناء المعركة من خلال تحريك صور الشخصيات من تحت الى فوق .. مثلا تخلي كلاود في المرتبة الأول اذا خليت صورته أول وحده في القائمة .. و باريت بالصف الثاني اذا خليت صورته بالمرتبة الثانية في القائمة.. و هكذا .. و تراها مو مهمه :)

4- اي صح .. الليمت هو الأوفر درايف .. و مع الوقت و زيادة LV راح يطلعوا لك ليميت 2 و ليميت 3 و ليميت 4 و تقدر تحطهم للشخصية علشان تطلع لهم ليميت جديد و أقوى من الأولي :)

5- هذا مؤشر التايم اذا امتلئ فمعناه أن صار وقت الشخصية في القتال علشان تقاتل .. فلو تلاحظ كل ما تختار شخصية و تخليها تضرب الوحش يقوم التايم يفضى و يمتلئ مرة ثانية و يصير دور الشخصية.. و هكذا :)

و اي استفسار ثاني أنا حاضر .. و تذكر أني راح أظل معاك الى اللنهاية في لعبة فاينل فانتسي 7 :)
26-07-2002, 01:41 AM
MG4

@THEjoker@ اذا كنت ساكن بالرياض عطني اسم المحل بس وانا اروح واشتريها

والله من وراء القصد...MG4
26-07-2002, 03:47 AM
@THEjoker@

شكرا لك اخوي محمود وعلشانك خاطرك انا بلعبها.

اخو ام جي لست من الرياض بس اكيد لو دورت تلاقيها.
وشكرا
26-07-2002, 10:55 AM
Flanteus

أخيرا اقتنعت ..أخوي جوكر.....هذا اللي نبيه منك ...:D
إنت ألعب وشوف..بس ...وبإذن القاهر المنان ...تعجبك ...وشكرا...;-)
أي مساعدة نحن في الخدمة 24 ساعة....;-)
26-07-2002, 11:01 AM
F.B.I MOLO

ff7القصه
ff8الصخافه
ff9الممتعه
ff10الصخافه:o
26-07-2002, 11:05 AM
Flanteus

اقتباس:

الرسالة الأصلية كتبت بواسطة F.B.I MOLO
ff7القصه
ff8الصخافه
ff9الممتعه
ff10الصخافه:o

أقول كيف عرفت http://www.plauder-smilies.de/eek7.gif:6
26-07-2002, 12:33 PM
@THEjoker@

ff10للسخافه وحاط صورتها في التوقيع؟؟؟
شي غريب.

اخ محمود انا لعبت4 ساعات في اللعبه الى الان في الدسك الاول ويصراحه ماني فاهم ايش الهرجه مع اني ممتاز في اللغه الانجليزيه لكن مااحب اقرى كثير وانا وصلت الين مكان كلاود يسوي نفسه بنت علشان يدخل البيت:D ......ياريت تشرح القصه كامله الله يخليك وتقولي مين شنايرا ومين هو الرجال الي في القصر اسمه دون مدري ايش؟؟؟ نسيت اسمه والله.....وفين راح بايريت.
وشكرا
26-07-2002, 01:46 PM
gaintfoot

السلام عليكم إخواني

أخوي الجوكر والله كنت زيك كنت حاقد على الشريط FF7

مع إنه اول شريط شريته وأول جزء لعبته من أجزاء فاينال فانتاسي

اول ما شفته طب من القطار وشوف ركضته ...........قلت اسخف شريط والرسوم مش ولا بد..........فتركته إلى أن جاء اليوم ورحت لعيال عمي

وكان عندهم الشريط قلتلهم أيش تلعبوا الشريط البايخ هذا ما عطوني أي

إهتمام وقعدوا يلعبوا ويوم كذا إنشديت شوي بعدين أكثر بعدين ما بقى

إلا وتشوفني طاب على الشاشه :D من يومك لعبتها وحبيت الشريط

وأعتبرها من اروع الالعاب إلي لعبتها في حياتي........:cool: :0) :cool:

تعلمت إني ما أحكم على الشي إلا لما أجربه ..........;-)

صراحه أخوي الجوكر انا انصحك أهم شي في اللعبه هو القصه والقصه

موجوده في الكلام إلي تقولها الشحصيات فإذا انت مو قاعد تقراها

فإنك تضيع أهم عناصر اللعبه:" بس ما عليك المشوار طويل ويمديك إنشاء الله تفهمه :0)

ولكل من يقول إن عشره أفضل من سبعه أنا اوافقهم الرأي من ناحيةالقتال

والرسوم ...........بس القصه ما في زي سبعه :cool:

يالله ما أطول عليكم<<<<<<<<<طولت وخلاص:0) ..................

السلام عليكم
26-07-2002, 04:39 PM
M7MOOOD

اقتباس:

الرسالة الأصلية كتبت بواسطة @THEjoker@

اخ محمود انا لعبت4 ساعات في اللعبه الى الان في الدسك الاول ويصراحه ماني فاهم ايش الهرجه مع اني ممتاز في اللغه الانجليزيه لكن مااحب اقرى كثير وانا وصلت الين مكان كلاود يسوي نفسه بنت علشان يدخل البيت:D ......ياريت تشرح القصه كامله الله يخليك وتقولي مين شنايرا ومين هو الرجال الي في القصر اسمه دون مدري ايش؟؟؟ نسيت اسمه والله.....وفين راح بايريت.
وشكرا

طيب راح أفهمك القصة .. بس مو كلها .. فقط للمكان اللي أنت موصل فيه :

الشينرا هي شركة كبيرة تحكم مدينة ميدجار ( اللي أنت فيها الحين ) و لها نفوذ و سلطة على أغلبية دول العالم .. هالشركة ظالمة و خبيثة و طماعه .. عملت معامل في مدينة ميدجار علشان تمتص طاقة الماكو من الأرض .. و طاقة الماكو هي طاقة هائلة تعيش الأرض من خلال امتصاصها .. بش شركة النرا قاعدة تمتص الطاقة و بصورة هائلة علشان مصالحها الخاصة و مشاريعها دون أن تهتم بمصير الأرض .

و علشان جذي و بعد ما ذاقوا درعا سكان مدينة ميدجار من ظلم الشينرا عليهم .. تجمعوا بعض الشباب و الشابات الفقراء و اللي ملوا من ظلم و جبروت الشينرا عليهم ... وأسسوا عصابة ارهابية تدمر معامل الشينرا اللي تمتص طاقة الماكو , وسموا هالعصابة ( أفلانش ) .

و صار مقر العصابة السري هو مقهى ( الجنة السابعه ) اللي هو ملك لـ( تيفا ) صديقة كلاود منذ الطفولة .

و مثل ما شفت في بداية اللعبة لما نزلوا أفراد العصابة من القطار و بدأوا عمليه تفجير أحد معامل الماكو .. و كلاود كان معاهم و هذا كان أول عمل لكلاود مع عصابة الأفلانش .. طبعا مثل ما لاحظت أن كلاود كان مو مهتم و بس كان يبي تخلص هالعملية و ياخذ فلوسه .. بس و مع الوقت راح يكتشف كلاود أن هناك في شي يربطه بشركة الشينرا .. شي من الماضي .. بس كلاود فاقد الذاكرة و ما يتذكر .. و ماراح يذكر كل شي عن ماضيه الا بالدسك الثاني .

و ما أقدر أقول أكثر من جذي علشان ما أخرب عليك متعه اكتشاف القصة بنفسك :)

و أي استفسار أنا حاضر ;)
27-07-2002, 07:57 PM
mod

انا اموت على ff8 ولعبت ff9 لكن

ff7 هذي حكايه وانا مخلصها من 24 يوم

انا صراحة انصدمت من رسومها لأن الشخصيات بأشكال هندسية

يعني مربعات ....

لكن قصتها جنان وموسيقاتها ولا اروع ...

وتروا ff7 هينة انك تلعبها ....

ايش رايكم فيني انا الي العب الحين ff2

الرسوم زي البوكيمون على الجيم بوي او زي شايننج فورس على السيجا

ويا MG4 انا سافرت الى الرياض ودورت على اللعبة في كل مكان لكن ....

لقيتها :D :D عند بيت الكمبيوتر وبالتحديد من مجمع صحارى

بس انها اصلية ( تستاهل صراحة ) ب200 ريال وانا شاريها ب170 ريال

وتراني شاريها من شهرين .....
27-07-2002, 11:42 PM
@THEjoker@

اخي الغالي محمود كيفك.

وصلت في الدسك الاول انه ايرس انخطفت وتم تدمير البرج؟؟ماادري ليش ادمر وايش فايدته وليش تم خطف ايرس.....وطلعت ايميري مو والدتها؟

ووصلت الى مبنى كبير اكثر من60دور ولقيت وصارت في احداث غريبه منها انه كان في وحش اعتقد اسمه جينفا لمن شافه كلاود ماادري وش صار له........وبعدين انحبست واليوم الثاني لقيت كل الي في المبنى ميتين والوحش ماهو في وقبل كذا لقيت كلب اعتقد اسمهXIII ايش قصته هذا ومين هو هوجو(الطبيب) وماذا حدث في الاجتماع وشكرا لك.
28-07-2002, 03:49 AM
M7MOOOD

اقتباس:

الرسالة الأصلية كتبت بواسطة @THEjoker@
اخي الغالي محمود كيفك.

وصلت في الدسك الاول انه ايرس انخطفت وتم تدمير البرج؟؟ماادري ليش ادمر وايش فايدته وليش تم خطف ايرس.....وطلعت ايميري مو والدتها؟

ووصلت الى مبنى كبير اكثر من60دور ولقيت وصارت في احداث غريبه منها انه كان في وحش اعتقد اسمه جينفا لمن شافه كلاود ماادري وش صار له........وبعدين انحبست واليوم الثاني لقيت كل الي في المبنى ميتين والوحش ماهو في وقبل كذا لقيت كلب اعتقد اسمهXIII ايش قصته هذا ومين هو هوجو(الطبيب) وماذا حدث في الاجتماع وشكرا لك.

طيب .. هذه الأحداث اللي صارت :

1- لو لاحظت راح تلقى أن مدينه ميديجار مقسمه لسبعه أقسام .. و القسم اللي تم تدميره هو القطاع السابع .. و هو قسم يعيشون فقط الفقراء فيه .. الشينرا دمرت القطاع لأنها تبي تعمل مشروع جديد على القطاع السابع و هو مشروع بناء قطاع مطور و صناعي للمدينه .. و أيضا قامت الشينرا و بشلت عصابة الأفلانش بأنها هي اللي دمرت القطاع .. علشان تشوه صورتهم و تخلي الناس يكرهونهم و يحسبون أنهم ارهابيين .

بس هذا اللي أقدر أفهمك ياه .. و الباقي حلاته أنك تكتشفه بنفسك .. لأنك الجين بعد ما تطلع لخريطة العالم راح تكتشف أجزاء مهمه جدا جدا من القصة :)
28-07-2002, 10:03 AM
@THEjoker@

اوكي حبيبي انا مشيت في اللعبه الين الخريطه الي بتقول عليها.

وعندي اشياء كثيره ابغى افهمها منك.
بس انت ماجاوبت على

وليش تم خطف ايرس.....وطلعت ايميري مو والدتها؟

ووصلت الى مبنى كبير اكثر من60دور ولقيت وصارت في احداث غريبه منها انه كان في وحش اعتقد اسمه جينفا لمن شافه كلاود ماادري وش صار له........وبعدين انحبست واليوم الثاني لقيت كل الي في المبنى ميتين والوحش ماهو في وقبل كذا لقيت كلب اعتقد اسمهXIII ايش قصته هذا ومين هو هوجو(الطبيب) وماذا حدث في الاجتماع وشكرا لك.

هذي اسئله امس

;-)

واسئله اليوم هي:-
كملت من عند موقع المبنى المكون من اكثر من60 دور ولقيت الموظفين ميتين كلهم ومالقيت جنيفا (الوحش)
المهم مشيت في اللعبه الين مكان كله اخضر وفيه خريطه......المهم لمن وصلنا الفندق قعد يتكلم كلاود كلام كثير مع الي معاه وقلهم قصه واحد والله نسيت اسمه لابس اسود ايش قصته هذا بالتفصيل وايش قصه الوحوش الي في الجبل وكان طيب في البدايه بعدين حرق البلده ليش.......المهم ابغاك بالله تساعدني ياغالي وتقولي مين هو ذا المقاتل وكيف يقول ان جينوفا امه......المهم بعد ماوصلت للخريطه رحت الفندق ورحت مكان فيه الشكوبو......وماني عارف بعدين وين اروح.
شكرا لك
28-07-2002, 05:30 PM
teta

انا اشتريت سبعة كوبي
وقعدت العب فية وانسجمت حيل

بس علق لما كلاود في مدينة الملاهي راح يتسابق بالشوكوبو

بعدين رحت واشتريت ثاني

والغريبة انه يعلق بنفس المكان

مو حالة هذي كل ما انسجم بلعبة تعلق

واخرتها امس مع باراسايت ايف

وش الحل يا ترى:غضب: :غضب: :غضب: :غضب:
28-07-2002, 09:52 PM
M7MOOOD

اقتباس:

الرسالة الأصلية كتبت بواسطة @THEjoker@
اوكي حبيبي انا مشيت في اللعبه الين الخريطه الي بتقول عليها.

وعندي اشياء كثيره ابغى افهمها منك.
بس انت ماجاوبت على

وليش تم خطف ايرس.....وطلعت ايميري مو والدتها؟

ووصلت الى مبنى كبير اكثر من60دور ولقيت وصارت في احداث غريبه منها انه كان في وحش اعتقد اسمه جينفا لمن شافه كلاود ماادري وش صار له........وبعدين انحبست واليوم الثاني لقيت كل الي في المبنى ميتين والوحش ماهو في وقبل كذا لقيت كلب اعتقد اسمهXIII ايش قصته هذا ومين هو هوجو(الطبيب) وماذا حدث في الاجتماع وشكرا لك.

هذي اسئله امس

;-)

واسئله اليوم هي:-
كملت من عند موقع المبنى المكون من اكثر من60 دور ولقيت الموظفين ميتين كلهم ومالقيت جنيفا (الوحش)
المهم مشيت في اللعبه الين مكان كله اخضر وفيه خريطه......المهم لمن وصلنا الفندق قعد يتكلم كلاود كلام كثير مع الي معاه وقلهم قصه واحد والله نسيت اسمه لابس اسود ايش قصته هذا بالتفصيل وايش قصه الوحوش الي في الجبل وكان طيب في البدايه بعدين حرق البلده ليش.......المهم ابغاك بالله تساعدني ياغالي وتقولي مين هو ذا المقاتل وكيف يقول ان جينوفا امه......المهم بعد ماوصلت للخريطه رحت الفندق ورحت مكان فيه الشكوبو......وماني عارف بعدين وين اروح.
شكرا لك

طيب ... هذه الأجوبة للأسئله اللي سألتها :

1- تم خطف آيريس لأنها تعتبر آخر سلاسة ( الآنشنت ) و يبون يعملون تجارب عليها و على القوى الغريبة اللي تمتلكها .. و الآنشنت هم سلاسة قديمة سكنت الأرض و حكمتها و تمتلك قوة خارقة .. و لكنها قد انقرض عندما أتت جانوفا المخلوقة الفضائية و دارت حرب بينهم .

2- (( هوجو )) هو البروفيسور اللي يعمل لحساب الشينرا .. و يقوم بعمل الأبحاث على الآينشنت .

3- في الاجتماع تكلموا عن خطط انشاء و بناء القطاع الجديد من مدينه ميديجار مكان القطاع السابع .. و تكلموا عن خطة عمل التجارب على آيريس و مدة استغراق التجارب .

4- الشحص اللي لابس أسود هو ( سيفيروث ) .. احفظ اسمه زين لأنه يعتبر سبب المصائب كلها اللي صارت و اللي راح تصير في اللعبة .
هذا طال عمرك جندي معروف عنه بالقوة و الشجاعه .. و الكل كان يتمنى أن يتدرب تحت ايده .. و كلاود لما كان عمره 14 سنة قرر أنه يلتحق بالجندية علشان يتدرب تحت يد سيفروث .. و كلاود كان يحب سيفروث كثير و كان يعتبره المثال الأعلى .. المهم في أشياء ماراح أقولك ياها علشان ما أخرب عليك أحداث اللعبة :)

المهم سيفروث حرق البلدة و دمرها من بكرة أبيها بمن فيها لأنه صار مجنون و انجن لما عرف في المكتبه و أثناء قرائة القصص أنه ليس سوى خلية من جندي ميت .. تم سحب الخلية من الجندي الميت و تم وضعه في كبسولة تتغدى من خلال خلايا جانوفا .
يعني الوحوش اللي كانوا داخل كبسولات هم خلايا جنود ميتين .. وضعوا بالكبسولات علشان يتغدوا من خلايا جانوفا و ياخذوا القوة منها .

و الجنود الميمين لهم قصة .. فلما صارت الحرب بين سكان الأرض و جانوفا لما جيت الى الأرض .. نصف السكان خافوا من الحرب و الموت فيها و الخسارة .. فقاموا و هربوا و عاشوا في الجبال ( و هم أجداد كلاود ) .. و اللي بقوا في الحرب و ماتوا هم أجداد سيفروث .

علشان جذي عصب سيفروث و حقد على كلاود و نعته ( بالخائن ) في المكتبه .. فقام و طلع و حرق المدينه كلها و ذبح الناس اللي فيها .. و صار مجنون و راح الجبل علشان يشوف جانوفا و يحررها علشان يتحدوا و ينتقموا من البشر .

آمل أني قد ساعدتك .. و أي مساعده ثانية أنا حاضر .. و شكرا :)
28-07-2002, 09:57 PM
M7MOOOD

اقتباس:

الرسالة الأصلية كتبت بواسطة teta
انا اشتريت سبعة كوبي
وقعدت العب فية وانسجمت حيل

بس علق لما كلاود في مدينة الملاهي راح يتسابق بالشوكوبو

بعدين رحت واشتريت ثاني

والغريبة انه يعلق بنفس المكان

مو حالة هذي كل ما انسجم بلعبة تعلق

واخرتها امس مع باراسايت ايف

وش الحل يا ترى:غضب: :غضب: :غضب: :غضب:

ممكن تقولين لي المشكلة و بالتفصيل :)
29-07-2002, 05:06 AM
@THEjoker@

اشكرك ياغالي وراح اكمل واقولك الجديد:) .......بس ايش قصهXIII
29-07-2002, 04:12 PM
M7MOOOD

لا تستعجل الأحداث يا عزيزي :)

فأنت راح تعرف كل أجوبة الأسئلة اللي تدور براسك لما تكمل اللعبة ;)

و أي مشكلة تواجهك أنا حاضر ;)
30-07-2002, 05:48 PM
@THEjoker@

محمود انهيت الدسك الاول عند سباق الشكوبو.

الان ابغاك تفصفص لي الدسك الاول كويس وتبين لي الاشياء الي ماوضحتها ومين هو دين....وشكرا
30-07-2002, 09:17 PM
M7MOOOD

اقتباس:

الرسالة الأصلية كتبت بواسطة @THEjoker@
محمود انهيت الدسك الاول عند سباق الشكوبو.

الان ابغاك تفصفص لي الدسك الاول كويس وتبين لي الاشياء الي ماوضحتها ومين هو دين....وشكرا

دين :!

منو هو دين ؟

المهم قولي الحين .. أنت وين موصل بالتحديد .. قولي شنو عملت و وين رحت بالتفصيل الممل علشان أعرف الأحداث اللي صارت لك و أوضحها .
30-07-2002, 10:42 PM
@THEjoker@

ديان صديق باريت الي موت نفسه بعد مااضارب مع باريت.

وانا وصلت الين سباق الشكوبو.......يعني انهيت الدسك الاول.
انتقلت للجزيره عبر السفينه ولقيت سيفورث ولعبت ضد جنوفا وبعدين وصلت لقريه او بلده باريت وكان مهدومه واهلها لاموا باريت وقالوا له انت السبب في تدميرها ليش؟

وقعد باريت يحكي قصته الي صارت مع صاحبه ديان و و و...الخ
المهم رحت لمكان غريب جات معايا شخصيه جديده اسمها كيت شت .....واخر شي وصلت للسباق حق الشكوبو وانتهى الدسك1.
وشكرا
31-07-2002, 03:01 PM
@THEjoker@

اقتباس:

الرسالة الأصلية كتبت بواسطة @THEjoker@
ديان صديق باريت الي موت نفسه بعد مااضارب مع باريت.

وانا وصلت الين سباق الشكوبو.......يعني انهيت الدسك الاول.
انتقلت للجزيره عبر السفينه ولقيت سيفورث ولعبت ضد جنوفا وبعدين وصلت لقريه او بلده باريت وكان مهدومه واهلها لاموا باريت وقالوا له انت السبب في تدميرها ليش؟

وقعد باريت يحكي قصته الي صارت مع صاحبه ديان و و و...الخ
المهم رحت لمكان غريب جات معايا شخصيه جديده اسمها كيت شت .....واخر شي وصلت للسباق حق الشكوبو وانتهى الدسك1.
وشكرا

معليش يامحمود كنت احسب نفسي انهيت الدسك1 المهم آخر شي وصلتله هي بلدهXIII
وقابلت رئيس القبيله حقتهم على مااعتقد ووراني المجموعه الشمسيه(كواكب) ووراني انه الناس تموت وووو الخ ووداني على كهف لعبت مع وحش وهزمتوا.....الى هنا وصلت......زي ماقلتلك انا مااحب اقرى كثير فالله يخليك تحكي لي القصه من بدايه رسالتي المقتبسه....وشكرا:)
31-07-2002, 08:51 PM
M7MOOOD

و أنت عن جد قاعد تتكلم أنك ما فهمت و لا شي .. الا بعض الأمور الصغيره ?:

أكيد أنت ما تعرف انجليزي أبدا :":

على العموم كل استفساراتك عن كل الأحداث اللي صارت بفاينل فانتسي 7 تلقاها في هالموضوع ... موضوع مترجم لعبة فاينل فانتسي 7 بالتفصيل الممل .. كل المحادثات .. ادخل و راح تفهم كل شي .

و بعد أنت عاد حاول تفهم من نفسك القصة ..http://www.montada.com/showthread.ph...0&pagenumber=1
31-07-2002, 09:44 PM
@THEjoker@

لايامحمود انا ممتاز في الانجليزي بس عيبي مااحب اقرى كثير....المهم ابغاك تساعدني.....الحين وين اروح بعد ماخلصت بلدهXIII
31-07-2002, 10:02 PM
M7MOOOD

اقتباس:

الرسالة الأصلية كتبت بواسطة @THEjoker@
لايامحمود انا ممتاز في الانجليزي بس عيبي مااحب اقرى كثير....المهم ابغاك تساعدني.....الحين وين اروح بعد ماخلصت بلدهXIII

اي صح تعال ... أنت رجعت لمدينة كلاود و لا لأ و ما وصلت لها ؟؟

اذا وصلت لها لازم تدخل قصر الشينرا الموجود في قرية كلاود و تصعد للدور الثاني على اليسار و راح تلقى غرفه فيها خزانه .. و فيها لازم تدخل أربع أرقام خلال ثلاثين ثانية .. و هذه هي الأرقام :

1- ادخل رقم 36 من اليمين .

2- ادخل رقم 10 من اليسار .

3- ادخل رقم 59 من اليمين .

4- ادخل رقم 97 من اليسار .

و بعدها راح تنفتح الخزنه و راح تباري وحش .. بعد ما تباريه راح تلقى بلورة و مفتاح .. اخذ البلورة و هي بلورة وحش استدعاء جديدة و هو ( أودين ) .. و اخذ المفتاح و انزل للقبو .. دور على باب في القبو في الناحية اليسرى و لما تفتحه راح تنضم معاك شخصية جديدة .

أما بعد ما تاخذ الشخصية من قرية كلاود .

لازم تروح لقرية الصاروخ .. قرية راح تشوف طالع منها صاروخ عالي .. المهم بعد ما تروح القرية و تصير أحداث و تنتهي بهروبك منها على ظهر طائرة .. لازم بعدين تروح لغابه موجوده حوالين مقبرة الآنشنت .. و أثناء قتالك في الغابة دور في المعارك العشوائية فتاة كأنها هندية تقتلك .. بعد ما تزمها بالمعركة راح تصير محادثة بينكم و هي لازم تختار أنت هالخيارات و تكلمها بهالطريقة علشان تنضم معاك البنت في فريقك :

Talk to her and tell her you don't want to fight her again .... Then tell her your terrified of her...... When she asks if you need her help,... say "Yes" then tell her that you're leaving and don't ask for her name.

و دير بالك لا تحفظ في نقطة الحفظ اللي راح تطلع لما تدور هالمحادثة بينكم .
31-07-2002, 10:24 PM
@THEjoker@

معليش محمود تعبتك حبيبي......بس فين قريه كلاود.....هل هي اول مرحله و لاايش.
31-07-2002, 10:52 PM
M7MOOOD

اقتباس:

الرسالة الأصلية كتبت بواسطة @THEjoker@
معليش محمود تعبتك حبيبي......بس فين قريه كلاود.....هل هي اول مرحله و لاايش.

لا مافي تعب و لا شي ... أنت غالي و لو ;)

و أقصد بقرية كلاود .. هي قريته اللي أحرقها سيفروث من خمس سنوات ... اذا وصلت لها نفذ على اللي قلته لك :)
01-08-2002, 07:29 PM
@THEjoker@

يامحمود وصلت قريه كلاود ورحت لقصر الشنرا ورحت للخزنه.......وادخال الارقام مو في30 ثانيه في20 ثانيه.
المهم
الارقام الي اعطيتني هي طلعت غلط.

بدأت مشيت من اليمين الرقم سته وثلاثين ورجعت باليسار الرقم عشره ومشيت باليمين الرقم تسعه وخمسين ومشيت باليسار الين الرقم سبعه وتسعين الارقام غلط؟؟؟؟؟ الخزنه مانفتحت0
01-08-2002, 09:11 PM
M7MOOOD

اقتباس:

الرسالة الأصلية كتبت بواسطة @THEjoker@
يامحمود وصلت قريه كلاود ورحت لقصر الشنرا ورحت للخزنه.......وادخال الارقام مو في30 ثانيه في20 ثانيه.
المهم
الارقام الي اعطيتني هي طلعت غلط.

بدأت مشيت من اليمين الرقم سته وثلاثين ورجعت باليسار الرقم عشره ومشيت باليمين الرقم تسعه وخمسين ومشيت باليسار الين الرقم سبعه وتسعين الارقام غلط؟؟؟؟؟ الخزنه مانفتحت0

بس هذه الأرقام صحيحه و الكل مجربها و نفعت معاه :!

حاول و جرب مرة ثانية .. يمكن أنت غلطت في شي ?:
01-08-2002, 09:29 PM
@THEjoker@

غريبه انا جربتها كذا مره وطلعت غلط؟؟؟؟؟

حركت على جه اليمين الين وصلت36 وحركت لليسار الين رجعت10 وبعدين لليمين الين59 ولليسار الين الرقم97......حاولت كذا مره وطلع خطأ ؟؟؟....محمود يمكن انت غلطان في رقم ولا شي.
01-08-2002, 09:52 PM
M7MOOOD

صح صح في غلط ... آسف :#

هذه الخطوات الصحيحه :

1- لليسار 36

2- لليمين 10

3- لليسار 59

4- لليسار 97

و آسف مرة ثانية على الخطأ :":
01-08-2002, 09:55 PM
@THEjoker@

:غضب: :D .....ولايهمك ياقمر

على العموم انا اضفتك للماسنجر ارجوا انه تكون وصلتك الاضافه
02-08-2002, 06:56 AM
Flanteus

واضح إن الموضوع إنقلب و(الله أعلم ..كيف)...حل كامل...:أفكر:
بس أهم شيئ إن اللعبة عجبتك؟؟؟:D
وشكرا للأخ محمودوه...على وقوفه معاك...
سلام...;-)
02-08-2002, 07:01 AM
F.B.I MOLO

1 مرفق

هذا اصعب شيء في ff7مادري كريف جبته مره صعب وهذا لي محمود صور انا صويتها
02-08-2002, 07:51 AM
ريـــنــــوا

كيف تفضلوا FF7 على FF10 ??

يعني من غير ما تاخذوا في بالكم عروض 10 أو الجرافيك أو أن الشخصيات تتكلم أو الخلفيات .... يعني لو كانت 10 في نفس رسوم و مستوى الجزء السادس...

أرجع و اسأل كيف تفضول FF7 على FF10 ??
02-08-2002, 08:31 AM
F.B.I MOLO

1 مرفق

اقتباس:

الرسالة الأصلية كتبت بواسطة ريـــنــــوا
كيف تفضلوا FF7 على FF10 ??

يعني من غير ما تاخذوا في بالكم عروض 10 أو الجرافيك أو أن الشخصيات تتكلم أو الخلفيات .... يعني لو كانت 10 في نفس رسوم و مستوى الجزء السادس...

أرجع و اسأل كيف تفضول FF7 على FF10 ??

داخله عرض يا حلوه:6 ;-)

الساعة الآن 09:40 AM

جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة لا تعبر عن رأي موقع منتدى المنتدى .

User Editable Threads, Thread Admins and Group Moderators provided by Threadmins and Group Moderators (Lite) - vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.