من سيقابل من في الدور الثاني(16) ادخل وتعرف

اولا مسيتم بالخير وثانيا والله اني مابي حيل اكتب تحليل اليوم لاني والله كرفت اليوم انواع الكرف انا واسامه وبيني وبينك مجموعه ماتستاهل مافيها الا بلاتيني زميلنا بالمنتدى الي لعب بحسبتهم لعب وفاز 4_ 0 و4_1 و7_0 وبيني وبينكم في واحد معه الارجنتين ماشاء الله عليه خلوق ويستاهل يتاهل مع بلاتيني لانه اخلاق وفن اما الباقين مع احترامي صب قهوه واحد صغير لاكن ان شاء الله نشوفه مستقبلا افضل وطبعا كل كبير يبدا صغيرا وواحد ما ادري وشي يبي مع احترامي له حاط ريميه حارس فرنسا دفاع الله يخلف الزبده كذا بيكون دور ال16

مباريات يوم الاثنين
1_ ابراهيم العبدالسلام _ فهد ابو نيان .

2_مساعد المنصور _ ياسر العائد .

3_ احمد العيسى _ صالح الدهش.

4_محمد الدرع _ محمد البصري.

مباريات يوم الثلاثاء

1_ محمد الشتوي _ وليد الحمين .

2_ عبدالعزيز الماضي:D _ حسن ال مجادب .

3_ محمد عاشور _ يزيد المنصور.

4_ نواف الاحمد _ عبدالرحمن الحمين .


وعلى كل عضو يعرف احد المدونه اساميهم اعلامه بموعد مباراته وشكرا لتعاونكم واسعد الله مسائكم (مسوي النشره الجويه)

الله يعافيك

بس غريبه ليش انت تضحك عند عبدالعزيز الماضي

عندي سؤال المباريات مكتوبه على ترتيبها؟؟؟؟؟؟؟؟؟؟؟؟؟؟؟

عذراً للمداخلة،،،

المباريات بنفس الترتيب حسب كلام الاخ أسامة لي

ايه كل شي مرتب

قويحصوه ماتحس انك كبيت اسامينا

انا ثامر عبدالله الضلعان ومافيها شي امشي عدال يحتار عدوك فيك وبعدين هذي الاسامي وصلتني من المنظم وقالي انشرها زي ماهي والظاهر مافي شي يعيب الرجال واذا كنت غلط على احد ابشرو والله هذي اخر مشاركه لي ومع السلامه واشوفكم على خير

وش دعوه اخوي زعلت،،،

اذا تسمح لي اغير فيهم..

قويحصوه كلتني

خلاص اذا تبغى اسم امي خذه

لا قصدي ابوي

نواف عبدالاله الأحمد

ياخي انا ماكتبت فلان الفلاني جنبه النك نيم او المعرف انا كتبت الاسامي عشان الناس يعرفون متى مباراتهم وبعدين اي ذنب ارتكبناه عشان نخاف توضع اسامينا واي قانون كسرناه عشان نعاقب عليه المهم عشوق انا ماقلت اسمك واذا ماتبي احد يعرفك ياخي لاتشترك بدوري ثاني مره

اخوووي قويحص وش فيك زعلت
امسحها بوجهي هالمره
المهم انا سجلت في البطوله وقال لي السوداني اللي اسمه ياسر يمكن مبارتك السبت أو الاحد الجاي
وهذا اسمي : سعد محمد الربيّع
ويقول لي لازم تجي يوم الجمعه عشان تضبط جدولك ؟؟؟؟
المهم ابغاك تعرف لي متى مباراتي الله لا يهينك

قويحص لاتسبق مره ثانيه زين;-)

هلابك سعد الدوري الجاي راح يبدا باذن الله الاسبوع القادم وعليكم انكم تراجعونا الجمعه عشان تعرفون وضعكم والله الله بالمشاركين لان العدد لدوري الجاي للحين قليل شوي ويبيلكم تشدون حيلكم وحنا نشد حيلنا وهذا رقم خله معك بينفعك 053221621 وبيسير بعد كم يوم استضافه خاصه مع المنظم راح يرد على كل شي (الرقم الي فوق لاسامه المنظم)
اخوك ثامر (مانيب قايل قويحص)

عشوق تصدق انك عسل بس لاتنسى مباراتك يوم الاثنين الله يوفقك انت واخو ابو بدر

يعني لااااازم اجي يوم الجمعه
طيب أي وقت اجي ؟؟؟؟

والله ياخي الموضوع ما يستاهل اخوي ثامر(علشان ما تزعل) كل هالعصبية،،، وترا كل اللي سويته اني نقلت لك وجهة نظر الاعضاء ..يكون بعلمك ان اول واحد قرى موضوعك انا...ولا قلت شي،،وبعد مسحت لك 5 مواضيع (مكرر الموضوع 5 مرات الله يهديك)...
بس شكلك اليوم منت رايق:o

الاثنين

شكيت في عيوني

أخوي ابوبدر

أخوك اللي بلعب معه هو اللي معك ذاك اليوم

وسؤال اخر كم تفوز عليه بالعاده انت؟

<<<<<<مسوي بيكشف اللاعب المقابل

ههههههه يحليلك يا قويحص..ما كنت اليوم تقول شلون ننشر اساميهم الكامله بالموقع..والحين خقيت:p ..اقول امزح معاك لا تقولي زعلت وبترك المنتدى والنت وبأعتزل الحياة وبطلق المره وبفضي البنزين ومن هالكلام:p

المهم..

مساعد المنصور ذا وش منتخبه؟

وايضا حسن ال مجادب؟

ماعليك تعال بعد صلاة العشاء اما انت يابو بدر انت على العين والراس انت وعشوق وكل اخواني بالمنتدى

اقتباس:

---

الرسالة الأصلية كتبت بواسطة عشوق
أخوي ابوبدر

أخوك اللي بلعب معه هو اللي معك ذاك اليوم

وسؤال اخر كم تفوز عليه بالعاده انت؟

<<<<<<مسوي بيكشف اللاعب المقابل

---

ايه هو،،،
اكذب عليك ان قلت انه ما يهزمني
<========فضح روحه:D

افا يعني حدي دور ال16 بس

:" :" :" :" :" :" :" :" :" :" :" :" :"

طيب وش منتخبه؟؟؟؟؟؟؟؟؟؟؟؟؟؟؟؟؟؟؟؟؟

اقتباس:

---

الرسالة الأصلية كتبت بواسطة قويحص_الخبل
ماعليك تعال بعد صلاة العشاء اما انت يابو بدر انت على العين والراس انت وعشوق وكل اخواني بالمنتدى

---

تسلم عيونك

انت يابو بدر تستاهل عيوني وروحي ماشاء الله عليك اخلاق وفن

هلا ثامر ..



اقول ... مساعد المنصور من اي مجموعه ؟؟





وبعدين انا يوم اطلع عند اسامه قالي انت بتلعب مع محمد الدرع




وشلون الحين صرت ابلعب مع مساعد ?:



ولا غيرتوا رايكم ... كالعاده :أفكر:

:0) :0) :0) :0) :0) :0) :0) :0) راح يكون فيه لقاء ممتع يوم الثلاثاء
انتضروني ;) ;) ;) ;) ;) ;) ;) ;) ;)

اقتباس:

---

الرسالة الأصلية كتبت بواسطة alex

ولا غيرتوا رايكم ... كالعاده :أفكر:

---

شكلك متعذب مننا:D :D

alex هذا الجدول النهائي المطابق لجدول كاس العالم .
KUBAj انا اشهد انك جحده عقب امس (والرجال انا اشهد انه اخلاق بس لعب مهناش).
الجنـرال يوفقك ربي.

يخليك ربي ياكوباج ( اشوفك قاعد تقلل من قدرك )

والله انك فنااااااااااااااااااااااااااااااان ومرشح للبطولة كمان :أفكر: :أفكر:

قوووووووووووووووول انشالله

--------------------------------------------------------------
اما انت يا قويحص ( نبي نشوفك اليوم اوكيييييييييه )

انت طلعت بالحظ :" :" لو يصلح نتبادل انا اطلع وانت تتأهل
عاااااااااااااااااااادي اصلا انت احق مني ( انا ماكنت في الفورمه )
والله ياشباب ما اجامل لو انكم جايين في مجموعتنا وشفتوا مباراياته وخاصة اللقاء الاخير ( مع كوباج الخطيير )
كان قويحص يحتاج الفوز حتى يتأهل وبالفعل كان متقدم للدقيقة 80
ومطرود منه اثنين لكن جاااب كوباج هدددددف
وطللع قويحص ( الاحق بالتأهل ) و تأهل الجنرال ( المحظوظ )
لكن اوعدكم انشالله ان دور 16 غييييييييييييييييير
وراح اقدم الي عندي انشالله واكثر

والله من حصل شي يستاهله وبعدين انت تلعب تكتيك وفن اما انا طقها والحقها وخوباج ما كان شاد معي لانه كان ضامن التاهل

كوباج وش قصتك وقفوك

شكرا اخوي قويحص

وان شاء الله تكون مباراتي مع اخوي الجنرال من افضل المباريات ;) .