اقول خل عنك القيل والقال وادخل وشف تحليل اليوم
اولا كيف الصحه اكيد برد وكحه اعرفكم مايروح شهر الاانواع الامراض
(مسوي مستوصف حكومي) المهم يا شطار ههذا تحليل مباريات اليوم
والي كان بالفعل يوم منتدانا لان المتبارين اليوم ثمانيه منهم سته من
المنتدى طبعا تاهل اربعه من المنتدى ومانقدر نقولهم الا مبروك وهم ابو
بدر واخوه وكنج خوباج:D وبلاتيني وللاسف طلع الجنرال وعشوق(عشوق
اليوم بكب عشاه من جد),
المبارات الاولى جمعت محمد الشتوي بمنتخب ايطاليا و ابو بدر بمنتخب
ايطاليا الثاني طبعا فريق ابو بدر لبس الابيض لان معه اليد الثانيه المهم
بدات المبارات هادئه نوعا ما حتى اتت الدقيقه 9 باول تهديد رسمي على
مرمى ابو بدر من راسية فيري ولاكن بوفون كان متمركز صح وضل ابو بدر
يعاني من مشكلة ام الركب حتى الدقيقه 33 والي قدر انزاقي انه يسجل
في مرمى ابو بدر اول اهداف محمد (وخل ام الركب تنفع ابو بدر) وبعد
مضي الدقائق بدت ام الركب تتخلى عن ابو بدر وبدا ابو بدر ينقل كوره صح
ومن هجمه منظمه من فيري لتوتي ينفرد ولاكن ام الركب تعاود الظهور
مرة اخرى وتضيع الفرصه وانتهى الشوط الاول على كذا ام ركب لابو بدر
وهدف لمحمد.
طبعا الشوط الثاني كان كلام ثاني ابو بدر حجروه العيال وقالوله ياحنا يا ام
الركب وطبعا ابو بدر ولد حلال اختار اخوياه(طبعا اخوياه مو خوينه) ومن
هجمه منظمه ينفرد فيري واشوا اخيرا ابو بدر دل الباب وقدر يسجل هدف
حلو من تحت بوفون(موهب كبري) ما امداه يفرح ابو بدر بالتعادل الا الحكم
طارد نستا يوم راح فيها ابو بدر وغدا وجهه سنه مسطور كف من يد
صعيدي يعني كذا:! ومحمد استانس:0) بس اول ماشاف فيري اصيب غدا
وجه محمد ?: وابوبدر مستانس بس مسوي ماهمه:أفكر: المهم قعدو ا
لاثنين يتعازمون على الكوره كلن ينفرد ويضيع تقول حالفين عليهم
مايسجلون الين الوس تايم توتي مسوي يعدي بمالديني والله عدى محمد
طرطع:غضب: اداله امبراشه والنتيجه توتي اصابه وابو بدر ماله الا يغيره
بعد ثواني صفر الحكم واعلن عن وقت اضافي.
المهم لعبو الاضافي بحذر في شوطه الاول بس بصراحه ابو بدر بدع رغم
النقص بس مسيطر عيني عليه بارده(وش نقول قصمنجي واخاف اجربعه
بعين) بس بقت مشكلة ام الركب في الوقت الاضافي وما امدى الدقيقه
تجي 15 الشوط الثاني الا الحكم مطنقر صفر على طول لا لوس تايم ولا
غيره وكان على الفريقين لعب ركلات الموت الترجيحيه والي شات (شات
ولا دردشه) كل فريق خمس نفذ لمحمد توتي ومونتلا ودلبيرو صح وضيعها
دلفيكيو وجابها بعده زمبروتا بس ابو بدر طلق ام الركب في البلنتيات وجاب
لاعبينه مترازي وفيرا ودوني وفيوري وانزاقي اهداف ليعلن تاهل ابوبدر
لدور الثمانيه الف مبروك.
وفي المبارات الثانيه والتي تقابل فيها ابو خوباج الحلو العزيز على قلبنا
(الا قاعد على قلبنا):0) مع حسن ال مجدب ولعب خوباج بايطاليا وحسن
بالارجنتينن والله ثم والله اني معطيه خمسه علوك كل علك بهدف والله ثم
والله اني شجعته من قلب انا واحمد واخوه(باين) والكس المهم منجد كان
الولد يستاهل الفوز ماشاء الله اداء راقي تنظيم دفاعي عالي ارتداد رائع
وقت الهجمه تنسيق جميل داخل الملعب وفي الاخير تالق كبير لفيري
فيري تمكن من احراز اربعة اهداف في الدقائق 8 و43 و78 و89 وكان
لانزاقي هدف في الدقيقه 12 وكان هدف الارجنتين الوحيد (الي على قولة
احمد زكاة انا ماقلت شي) في الدقيقه 45 بس هذه المبارات اثبتت ان
خوباج يريد الكاس ولا شي غير الكاس بالتوفيق ياخوباج.
وفي المبارات الثالثه والي جمعت عضوين عزيزين علينا هم الجنرال
(ايطاليا) وبلاتيني(هولندا) وكان الاداء راقي وممتاز من الطرفين وكان لابد
من وجود ضحيه ولاكن عزانا في وجود فائز من المنتدى طبعا تمكن بلاتيني
من احراز الفوز بهدفين توزعو بالعدل بين الشوطين الاول من راسية ستام
من ركنيه في الدقيقه 9 والثاني من راسية كلايفرت من خلال اوفر جميل
من اوفرمارس في الدقيقه 61 بعد هذا الهدف حاول الجنرال لاكن دون
فائده فقد كانت المحاولات يائسه وانتهت المبارات بهذه النتيجه.
وفي المبارات الثانيه والي جمعت اخو ابو بدر بايطاليا وعشوق بفرنسا فقد
شهدت تالق الطليان وانهزاميه واضحه من عشوق الذي قال لم يكن
بالامكان افضل مما كان والي انصك من اول دقيقه بهدف من توتي بعدها
اصيب بوتي وغيره وفي بدايت الشوط الثاني صرح عشوق بان هذا مستواه
(يعني انه صب قهوه) وبعد مضي عشر دقائق من الشوط الاول تمكن
توتي من احراز هدف اخر يقول عشوق انه بسبب مجيء احد اخوياه(شكل
خويه نحس) وبعد الهدف بدقائق قال عشوق انه يخشى ان يقوم ابو بدر
المراقب بحذف مواضيع عشوق والاستقعاد له اذا مافاز على اخو ابو بدر
وقال عشوق يابي اثنين يكفي وكاد مثل(تمسكن لين تمكن) ان ينطبق
على عشوق حينما ضغط على المرمى من خلال تسديدات من كل اتجاه
لاكن بوفون الرائع قال وبصوت قوي (يمين ماتدخل) ومع الراسيه الرائعه
من تريزقيه صرخ بوفون علي بالطالاق من راسها ماتدخل واستقعد لعشوق
استقعاد والله من جد انواع الضحك .
وفي الختام ما اقول الا شكرا (ثامر) قويحص الخبل.
