أول يوم طيران Flight Simulator 2002

السلام عليكم


اليوم شريت اللعبة هذي ... ممتازة صراحه :) وعلطول نطيت بالبوينج 707 ودقيتها سلف ... شوفوا مسار الرحلة وتحليلها
http://www.arab3.com/images1/11993618.jpg

الخط الاحمر المتعرج هذا اهو مسار الطيارة بالجو !! فوق تحت فوق تحت بالغصب وبهبوط اضطراري بعد :)

بس حبيت اسأل سؤالين .. انا حملت الطيارات الكويتية والسعوديه بس للاسف تطلع الطيارة من غير عدادات داخلية !!! شنو السبب؟

والبرنامج هذا اللي مع اللعبة شنو الفايدة منه ؟
Flight Instructor
Install Fighter Ace 2

؟؟؟

باجر بطبق الرحلة من الرياض للكويت لاخونا المشرف :)

لا تحجزون على طيارة الساعه وحده الظهر .... انا الكابتن ترى :)

بالتوفيق

زيي طلعت لي المشكله ... بس شلته و حملته من جديد و أشتغل ..

و على فكره أحسن طياره هي بوينج 777 ...

و أحلى شي الرحلات في العواصف ... تراها روعه ... ;)

بجرب العواصف هذي وكل الفصول :)

بس قولي انت شنو اللي شلته وركبته مره ثانيه ؟ اللعبه كلها والا بس الطيارة اللي ضفتها ؟

بالتوفيق

شلت اللعبه كلها ... ولما نزلتها نزلتها كامله حتى المطارات نزلتها كلها

على الهارد دسك

بس ياخوي في عيب باللعبة ... الطيارة اذا طاحت او سويت لاندنج غلط ما تنفجر !! وين يقولون اللعبة واقعيه 100% !!


ما لقيت عندي طيارة حجم بوينج 777 !!!!

بالتوفيق

على فكرة أحسن طيارة بوينج 777 على الحقيقة أنا ركبتها من أسبوع وهي روعة على فكرة أنا مهتم بالطائرات فما هي أحسن لعبة طيران مدني

هذي افضل لعبة طيران مدني

Flight Simulator 2002

3 سيدي من انتاج شركة مايكروسوفت

بالتوفيق

السلام عليكم

اخ ريش مان ازا تبغى العدادات حقت الطيارات السعودية الخ
خش ملف اللعبة محل ماثبتها وادخل ملف الطيارات وروح لأي
طائرة (707 مثلا) وادخل ملف الpanel بتاعها وانسخ الملفات
كلها والصقها في ملف panel حق الطيارة السعودية وبس

السلام عليكم


فعلا اخوي انا فكرة بالشي هذا لكن مو كل الطيارات لها نفس العدادات ... يعني لازم تكون من نفس الموديل والحجم ... بس هم خوش فكرة :)

بالتوفيق

أحسن و أسهل طياره في العالم هي 777 ... و مافي أحسن منها

حتى باللعبه تلاقيها تمام .... و ماعليك إلا أنك تحط الطريق ... و تجلس

تشوف المناظر الحلوه .. .. .. .. عليك الإقلاع و الهبوط بس

بس على فكرة ايش احسن جوستك لها :0)

روح موقعwww.thrustmaster.com
www.thrustmaster.com

السلام عليكم


هذي اهي الافضل ... اللعبة تنصح فيها

http://www.microsoft.com/products/ha...B2/default.asp

بالتوفيق

كيف تلعبونها ؟

بالكي بورد ولا الجويستك

ارجو المساعده وشو نوع الجويستك؟

السلام عليكم


انا والله العبها بالكيبورد والماوس والجيم باد مع بعض :)

بس ترى تصير روعه بالجويستييك :)

هاليومين بشتري وحده ... اتعب على ماركة مايكروسوفت او كرييتف وكلش كلش ماركت جينيس


بالتوفيق

اسمعوا ياشباب
Flight Simulator 2002
هل نقدر ننزل هده اللعبة من الإنترنت؟
تراكم جننتونا وشهيتونا بيها
ازا كان في هاتوها الله يخليكم

والله انا في اعتقادي ما تقدر تنزلها من النت لانها عندي على 3 اسطوانات
الاسطوانة
1رقم مليانة لعينها و رقم 3 كمان
بس رقم 2 تقريبا نصها (:": ) مدري ليش

بس كل شي جائز في هالدنيا

اخوي الكريستال
ممكن تقول لي كم حجم السيديات الثلاثة لأني راح انزلهم من الأنترنت
وشوف انا بقولك احجامهم وقولي صح وغلط
الأول:602 ميغا
الثاني:230ميغا
الثالث640ميغا صح ولا لا؟

الاولى : 591 ميغا
الثانية : 224 ميغا
الثالثة : 634 ميغا
والعبة بعد مانتزل على الجاهز تاخذ 1.89 جيجا

من جد انت بتحملها من النت :":

الله بعينك

لا لا الظاهر اني هونت بشتريها من جرير بس هي بكم واشكرك على سرعة الرد

والله ما ادري

انا اللي عندي نسخ :6 اشتريتها تقريبا 10$
:0)

حبيت اخش معكم عرض
على فكرة شباب اللعبة عندي ورهيبة عشانها ماخذ احسن كرت صورة بالسوق
مع اني ماخذها كوبي :p :p
المه اللعبة تقدر تلعبها اونلاين مع ناس واجد وببلاش وتقدرون تتحادثون وتطيروا سوا
وانصحكم تشترون جويستيك ترا رخيص الدعوة خمسين ريال لو ماعندك واجد فلوس
والسلام

السلام عليكم
اخوي WaLaD_NaS|Zer0
انا في جده ... ممكن تقول لي من وين أخذت اللعبه كوبي ؟؟

بالله في جدة ما تعرف من وين
انا من مكة واشتريتها من محل للكمبيوتر عادي

روح لاية محل كمبيوتر ..... ولا اقلك روح مركز الشمالية للكمبيوتر تحصل عندو انشاء الله