و أخيرا و بعد 10 ساعات من اللعب المتواصل حصلت على الشكوبو الذهبي .. و لكن !!
مرحبا :)
أنا أمس قعدت من الساعة 2 الفجر الى الساعة 12 الظهر لليوم الثاني و أنا ألعب فاينل فانتسي 7 .. أقوم و أركب الهايويند و أطير من مكان الى مكان أصيد الشكوبو و أرجع للمزرعة و أقعد أوكل فيهم و أزوج فيهم و أروح فيهم الجولد سوسر و أتسابق فيهم .. و يالله يالله حصلت على الشكوبو الذهبي :0)
طبعا أنا هني ما صدقت روحي .. قمت و ركبته و قاعد أور و أحوس في خريطة العالم عليه و أنا فرحان .. قمت و أخذت بواسطته بلورة الاستدعاء الأخير .. الفرسان الـ13 .
بس بعدين ما لقيت شي آخذه و لا لقيت شي أستفيد منه من هالشكوبو الذهبي ?:
يعني قعدت 10 ساعات كاملة علشان أحصله .. و لما أحصل عليه ما ألقى أي فايده منه سوى بلورة الاستدعاء الأخير :غضب:
أنا الحين بعرف ... شنو فايدة الشكوبو الذهبي غير أخذ بلورة الاستدعاء الأخير .. لأني ما لقيت منه فايده .. و تعبي كله ضاااااع :"
و أيضا أنا دخلت غابة الآنشنت .. و لقيت فيه لغز الضفادع .. ما عرفت أعدي اللغز ... و ما عرفت شنو الفايده من هالغابه ?:
فممكن تقولون لي شنو فايدة غابة الآنشنت هذه و شلون أحل لغز الضفادع .. و شنو فايده الشكوبو الذهبي و شنو أقدر أحصل من خلاله أشياء ثانية :(
و ممكن تقولون لي شلون أحصل على سلاح كلاود الأخير .. و سلاح يوفي الأخير ؟؟
و شكرا لكم :)
اي صح على فكرة .. أنا رحت لمدينة ليند بيلم .. و دخلت لغرفة تيفا و عزفت على البيانو و تيفا كانت معاي .. و طلع صوت بعد ما خلصت المعزوفه .. أنا أعرف أني راح القى ليميت تيفا الأخير .. بس أنا عزفت المقطوعة و لا لقيته .. هل الليميت الرابع ما يطلع لي الا اذا كانت تيفا موصلة لليميت الثالث .. و لا يصير آخذ الليميت الرابع و تيفا عندهاالليميت الثاني فقط !!
و شكرا لكم مرة ثانية مقدما :)
