جمييييع الكروت النادره في FF8 بالتفصيل

عرض للطباعة

06-09-2002, 02:05 PM
FF Expert

جمييييع الكروت النادره في FF8 بالتفصيل

السلام عليكم

هذي أماكن كروت الشخصيات في فاينل فانتسي الثامن و إذا كان فيه واحد يبغى يستفسر عن أي كرت أو أي شي ثاني في فاينل فانتسي أنا حاضر أنا عضو جديد في المنتدى و أتمنى أني أخدم الجميع رجاء أي واحد يكلمني يناديني فراس;-)

http://www.ffonline.com/1_ff8cards/card10-1.jpg بطاقة Ward
الحصول عليها: باري الدكتور أودين الموجود في إيسثار.
http://www.ffonline.com/1_ff8cards/card10-2.jpg بطاقة Kiros
الحصول عليها: باري الرجال الي لابس أسود في السوق بديللينج سيتي بيكون واقف مقابل محل الأدوات والأسلحه (لازم تكون خلصت سر ملكة الكروت)
http://www.ffonline.com/1_ff8cards/card10-3.jpg بطاقة Laguna
الحصول عليها: باري إيلون ellone في المركبه الفضائيه.
http://www.ffonline.com/1_ff8cards/card10-4.jpg بطاقة Selphie
الحصول عليها: باري صديقة سلفي الموجوده في ترابيا جاردن trabia garden (لازم تكون سلفي معك في الفريق بس ماني متأكد من هذي النقطه لكن خلها معك للاحتياط)
http://www.ffonline.com/1_ff8cards/card10-5.jpg بطاقة Quistis
الحصول عليها: باري الشخص المعجب بكويستيس الموجود في كافتريا حديقة بالمب (شخص أسود جالس على طاوله إذا ضغطت عليها يجيك خيارين تكلم الرجال الي ورا أو الي قدام اختر الي ورا)
http://www.ffonline.com/1_ff8cards/card10-6.jpg بطاقة Irvine
الحصول عليها: باري زوجة عمدة فيشر مان هورايزن FH (لازم تكون خلصت سر ملكة الكروت)
http://www.ffonline.com/1_ff8cards/card10-7.jpg بطاقة Zell
الحصول عليها:باري أم زيل الموجوده في مدينة بالمب أول ما تدخل المدينه ثاني بيت على يسارك (لازم يكون زيل معك في الفريق)
http://www.ffonline.com/1_ff8cards/card10-8.jpg بطاقة rinoa
الحصول عليها: باري أبو رينوا الموجود في ديللنج سيتي (إذا باريته خله يفوز عليك ويأخذ كرت إيفريت يعني إختر كروت ضعيفه وبينها إيفريت وخليه يفوز عليك ثم بعدها باريه بيطلع كرت رينوا وعشان تسترجع كرت إيفريت لا زم تكون معاك راجن روك إذا كانت معاك رح إلى FH باستخدام راجن روك إذا هبطت هناك بيكون فيه رجال اسمه مارتن لابس أزرق باريه بيكون معه كرت ايفريت)
http://www.ffonline.com/1_ff8cards/card10-9.jpg بطاقة Edea
الحصول عليها: باري إيديا.
http://www.ffonline.com/1_ff8cards/card10-10.jpg بطاقة Seifer
الحصول عليها: باري سيد Cid مدير المدرسه.
http://www.ffonline.com/1_ff8cards/card10-11.jpg بطاقة Squall
الحصول عليها: باري لاجونا في الراجن روك (ما تقدر تأخذه إلا في المهمه الأخيره في الديسك الثالث)
06-09-2002, 08:33 PM
FF Expert

آسف لأني ما حطيت الكروت كلها مره واحده الصراحه تعيجزت أكتب:D
بس هذا هو الباقي و أتمنى أني ما أكون طولت عليكم
http://www.ffonline.com/1_ff8cards/card8-1.jpg بطاقة Chubby Chocobo
الحصول عليها: تغلب على الطالب الموجود على الكراسي قدام المكتبه في بالمب جاردن(لازم تكون خلصت سر ملكة الكروت)
http://www.ffonline.com/1_ff8cards/card8-2.jpg بطاقة Angelo
الحصول عليها: من واتس الموجود في القطار الي تكون فيه رينوا بيكون لابس طاقيه زرقاء.
http://www.ffonline.com/1_ff8cards/card8-3.jpg بطاقة Gilgamesh
الحصول عليها: تأخذها من ملك الكروت(لغز CC Group)
http://www.ffonline.com/1_ff8cards/card8-4.jpg بطاقة Minimog
الحصول عليها: من الولد الصغير الي دايماً يدور في بالمب جاردن.
http://www.ffonline.com/1_ff8cards/card8-5.jpg بطاقة Chicobo
الحصول عليها: حل ألغاز غابات الشوكوبو المنتشره حول العالم و أعتذر عن ذكر الحل لأنه يحتاج إلى شرح بالصور.
http://www.ffonline.com/1_ff8cards/card8-6.jpg بطاقة Quezacotl
الحصول عليها: تأخذها من عمدة فيشر مان هورايزن FH.
http://www.ffonline.com/1_ff8cards/card8-7.jpg بطاقة Shiva
الحصول عليها: تعطي زون zone مجلة جيرل نكست دور girl next door مجاناً بتلقاو بسفينة السي دي البيضاء و المجله تأخذها من مبنى مجلة تمبر مينياكس الموجود في تمبر.
http://www.ffonline.com/1_ff8cards/card8-8.jpg بطاقة Ifrit
الحصول عليها: إهزم إيفريت.
http://www.ffonline.com/1_ff8cards/card8-9.jpg بطاقة Siren
الحصول عليها: من الرجل الموجود بمدينة دوليت في البار بالدور الثاني الي يسألك قبل ما تباريه إن كنت متأكد إنك تبي تباريه أو لا (ما عليك منه ترى ما عنده ما عند جدتي:0) )
http://www.ffonline.com/1_ff8cards/card8-10.jpg بطاقة Sacred
الحصول عليها: إهزم قوى الحراسه Brothers.
http://www.ffonline.com/1_ff8cards/card8-11.jpg بطاقة Minotaur
الحصول عليها: إهزم قوى الحراسه Brothers.
06-09-2002, 08:54 PM
FF Expert

http://www.ffonline.com/1_ff8cards/card9-1.jpg بطاقة Carbuncle
الحصول عليها: تأخذها من ملك الكروت(لغز CC Group)
http://www.ffonline.com/1_ff8cards/card9-2.jpg بطاقة Diablos
الحصول عليها: إهزم قوى الحراسه Diablos.
http://www.ffonline.com/1_ff8cards/card9-3.jpg بطاقة Leviathan
الحصول عليها:إلعب مع جوكر (لغز CC Group)
http://www.ffonline.com/1_ff8cards/card9-4.jpg بطاقة Odin
الحصول عليها: إهزم قوى الحراسه Odin
http://www.ffonline.com/1_ff8cards/card9-5.jpg بطاقة Pandemona
الحصول عليها: إلعب مع صاحب الفندق الموجود بمدينة بالمب يبكون موجود برا الفندق قدام الباب.
http://www.ffonline.com/1_ff8cards/card9-6.jpg بطاقة Cerberus
الحصول عليها: إهزم قوى الحراسه Cerberus.
http://www.ffonline.com/1_ff8cards/card9-7.jpg بطاقة Alexander
الحصول عليها: إلعب ضد Piet (الرجال الي يستقبلك في الفضاء و لابس بالطو أبيض)
http://www.ffonline.com/1_ff8cards/card9-8.jpg بطاقة Phoenix
الحصول عليها: إلعب ضد مساعد الحاكم في القصر الملكي بإسثار.
http://www.ffonline.com/1_ff8cards/card9-9.jpg بطاقة Bahamut
الحصول عليها: إهزم قوى الحراسه Bahamut.
http://www.ffonline.com/1_ff8cards/card9-10.jpg بطاقة Doomtrain
الحصول عليها: إلعب ضد صاحب البار في تمبر(لازم تكون خلصت سر ملكة الكروت)
http://www.ffonline.com/1_ff8cards/card9-11.jpg بطاقة Eden
الحصول عليها: إهزم ألتيما ويبون Ultima weapon بشرط أن تكون سويت Draw لقوى الحراسه Eden.
06-09-2002, 09:28 PM
squall 911

مشكور على تعبك

بس عندي كم سؤال

كيف أخلص ( سر ملكة الكروت ) ؟؟؟؟

بطاقة Gilgamesh و Carbuncle كيف أخذهم ؟؟؟؟

:-) :-) :-)
07-09-2002, 03:03 AM
FF Expert

اقتباس:

الرسالة الأصلية كتبت بواسطة squall 911
مشكور على تعبك

بس عندي كم سؤال

كيف أخلص ( سر ملكة الكروت ) ؟؟؟؟

بطاقة Gilgamesh و Carbuncle كيف أخذهم ؟؟؟؟

:-) :-) :-)

لا و الله أخ squall ما في تعب ولا شي
بالنسبه لسر ملكة الكروت فإنك بتلقاها أول مره في مدينة بالمب عند محطة القطار و ممكن تلعب معها و على العموم هي ما معها أي كروت نادره ولا حتى كروت قويه لكن في شي لازم تسويه الي هو
1- تخزن قبل ما تدخل مدينة بالمب ثم تدخل وتلعب معها لكن الشرط هو إنك لازم تخليها تفوز عليك و تأخذ منك كرت نادر يعني إختر أربعة كروت ضعيفة ودخل بينها كرت واحد نادر وخلها تفوز عليك.
2- إذا فازت عليك و أخذت الكرت النادر فإنك ما تقدر تباريها و إذا كلمتها تبتقولك إنها تبتروح إلى مدينة معينه (إختيار المدينه عشوائي)
3- إذا قالت لك إنها بتروح دوليت مباشره إطلع وخزن اللعبه أما إذا قالت لك منطقه ثانيه ببسااااااطه عيد اللعبه:D :D :D و حاول من جديد.
4- إذا راحت إلى دوليت كلمها باستعمال الاكس بيطلع لك خيارات إختر الخيار الأخير تبتقولك إن أبوها رسام و ممكن إذا عطيتها كرت مونيتور يبيرسم أبوها كرت كايروس على ما أتذكر لكن المهم إنها تبي تطلب منك كرت علشان تطلع كرت جديد في اللعبه خلها تأخذ منك الكرت الي طلبته منك (الموضوع بيكون صعب مع قانون راندوم فحاول إنك تتخلص من القانون)
5- بعد ما تعطيها الكرت الي هي تبغاه كل الي عليك تروح للمكان الي بيكون فيه الكرت الجديد و كلها مكتوبه فوق.
6- إذا خليتها تأخذ منك الكرت فإنها تبي تنتقل إلى مدينه ثانيه حاول إنك تخليها تروح إلى بالمب ثم من هناك عد نفس العمليه علشان تطلع كرت ثاني.
ملاااااحظه : الكروت الي تعطيها إياها في دوليت تسترجعها من ولد صغير جالس في محل رسم يرسم فيه شايب الولد الصغير هو أخو ملكة الكروت.
و شي ثاني وهو إنك مب بس إذا عطيت ملكة الكروت كرت نادر تنتقل من المدينه فيه طريقه ثانيه و هي إنك تسترجع واحد من كروتك النادره الي عطيتها إياها في (((((((بالمب )))))))) أو أي مدينه ثانيه غير دوليت

أما بالنسبه لكاربنكل و جالجمش فإنك لا زم تنهي سر CC Group و هم مجموعة من اللاعبين المحترفين (مب محترفين لكن كروتهم حلوه) وهم بالترتيب إلي أنا وصلت فيه (لأنه في كم من واحد غيري وصلوا بتراتيب مختلفه)
1-jack و هو أول وأسهل واحد تلقاو يمشي قريب من الخريطة الموجوده في مدخل بالمب جاردن لازم تجمع عدد معين من كروت الوحوش ما تأكدت منه لكن على ما أعتقد إنه 4 صفحات.
2-Club تلقاو في الممر الي بين غرف النوم و الكراج والكافتريا (شمال بالمب جاردن) ما أعرف كم عدد الكروت الي لازم تكون عندك لكن أكثر من Jack.
3-Jocker لازم تكون حصلت كل كروت الزعماء الصفحه الأولى يعني كروت Lv.6
4-Dimond تروح تباريها بعد جوكر تكون واقفه عند خريطة بالمب جاردن
5-Spade تباريه بعد Dimond لكن ما أعرف كم عدد الكروت المطلوب لأني في أكثر من ختمه لFF8 كنت أصل له وأباريه علطول هو ودايموند و هارت و كلوب فما أعرف كم مطلوب لكل واحد
6-Heart و هي Xu إذا كنت تعرفها إذا ما تعرفها هي البنت الي تكون على يمينك إذا رقيت عشان تتحكم بالسفينه معها كرت جالجمش
7-و أخيراً card king و بصراحه هذي جبتها من واحد و ليس بمجهود شخصي لأنها ما في أمل تخطر على بالي بعد ما تفوز على Heart رح و إلعب مع الدكتوره كادواكي الموجوده في عيادة المدرسه و بعد ما تفوز عليها كلمها تبتكلمك عن ملك الكروت ثم بعدها رح إلى غرفة سكوال و خل زملائك يروحون وإختر إنك تريح شوي ثم بيجيك ملك الكروت يتحداك إذا ما جاك إختر إنك ترتاح مره ثانيه و كررها حتى يطلع بيكون معه كرت كاربنكل

هذا الحل الكامل للكروت مع تحياتي فراس
07-09-2002, 03:34 AM
MG4

مشكوووووووووور يا FF Expert

بس المشكله ماحد عبر الموضوع

والله ولي التوفيق...رينوا
07-09-2002, 03:39 AM
FF Expert

وش نسوي الجزء قديم لكن أنا كاتب الموضوع عشان الي يبغى يختمه مره ثانيه أنا عن نفسي ختمته خمس مرات حافظه مثل ما أحفظ اسمي
07-09-2002, 08:29 AM
The-Omen

اقتباس:

الرسالة الأصلية كتبت بواسطة FF Expert
وش نسوي الجزء قديم لكن أنا كاتب الموضوع عشان الي يبغى يختمه مره ثانيه أنا عن نفسي ختمته خمس مرات حافظه مثل ما أحفظ اسمي

ماشاءالله عليك,ولو اني أشوفها مضيعة وقت..:أفكر: :أفكر: ":" :6
07-09-2002, 10:30 PM
squall 911

مشكور مرة ثانية ;-)
07-09-2002, 10:43 PM
THE_X_F.B.I

مشكور يا اخوي على الموضوع ":"
08-09-2002, 01:02 PM
FF Expert

شباب أشوف 44 قراءه و لا رد إلا أربعه منهم
معقوله ما فيه أحد يسأل
08-09-2002, 02:05 PM
Sander

Thanx ever so much
Well I've master FFVIII so I didn't replay to this thread
but you know what….. You did such great job
thanx mate :-)
09-09-2002, 03:34 AM
ZENKY

مشكووور يا خي والله الصراحه افد تنا واله

بس عندي سؤال :
ايش هو لغز CC Group ؟
09-09-2002, 03:58 AM
FF Expert

العفو
مشكورين على ردودكم

اقتباس:

الرسالة الأصلية كتبت بواسطة ZENKY
مشكووور يا خي والله الصراحه افد تنا واله

بس عندي سؤال :
ايش هو لغز CC Group ؟

في أحد الردود ذكرت طريقة الحصول على كاربنكل و جيلجامش في هذا الرد ذكرت حل لغز CC Groub فأرجو إنك تطلع عليه
في الأعلى
09-09-2002, 08:21 PM
ابو البلي ستيشن

مشكووووور على الموضوع الممتاز
11-09-2002, 03:39 AM
ZENKY

مشكور يا اخوي ..
انا بس مع العجله ما شفت حل اللغز .

المهم في كرت نادر جدا ما اضنك ذكرت كيف نجيبه وبالنسبه لي اتوقع انه اصعب كرت في اللعبه الي هو كرت ( PuPu )
فارجو انك تذكر طريقة الحصول عليه .

ومشكوووووووووووور:)
11-09-2002, 05:25 AM
FF Expert

1 مرفق

العفو جميعاً

اقتباس:

الرسالة الأصلية كتبت بواسطة ZENKY
مشكور يا اخوي ..
انا بس مع العجله ما شفت حل اللغز .

المهم في كرت نادر جدا ما اضنك ذكرت كيف نجيبه وبالنسبه لي اتوقع انه اصعب كرت في اللعبه الي هو كرت ( PuPu )
فارجو انك تذكر طريقة الحصول عليه .

ومشكوووووووووووور:)

((لازم تكون أخذت راجن روك علشان تجيب الكرت))
إذا كنت ماخذها كل الي عليك إنك تروح للأماكن المعلم عليها بالأخضر في الصوره الي تحت ((إذا جلست تدور في المكان الأفضل أنه يكون معك قدرة Enc-non الموجوده مع ديابلوس علشان تضمن إنه ما يطلع لك غير المركبه الفضائيه)) في كل مكان من هذي الأماكن بتطلع لك مركبه فضائيه ((ما تقدر تسوي لها أي شي)) إذا خلصت كل الأماكن رح عند المكان الي كانت فيه بالمب جاردن((الآن هو عباره عن حفره كبيره)) و دور حول الحفره ((خل معاك قدرة Enc-non )) و أيضاً خل معك 5 Elixire بيطلع لك مخلوق فضائي بيطلب منك Elixire إذا عطيته بيطلب ثانيه إلى أن تعطيه خمسه ثم بيشكرك و يعطيك الكرت ((لاااااااااااااا تقتله)) إذا قتلته بيروح عليك الكرت لكنه بيعطيك أداة ما أذكر وشي لكني أذكر إني قدرت أحصلها بطريقه ثانيه سهله فأحسن لك خذ الكرت
12-09-2002, 02:49 AM
ZENKY

مشكووووووووووور وما قصرت

والله الموضوع مفيد بس الناس يدخلون يستفيدون وما يشكرونك
والنت تستحق الشكر الصراحة

مشكور مره ثانيه
اخوك :
ZENKY
13-09-2002, 04:17 AM
FF Expert

العفو أخوي Zenky
و مشكور على الكلام (((عطيتني فرصه عشان أرفع الموضوع:D :D :D ))

أهم شي الفايده للجميع

و أنا يهمني عدد القراء أكثر من عدد الردود لكن فايدة الردود إنها ترفع الموضوع((لا أكثر و لا أقل))
15-09-2002, 12:01 AM
elgen

شكرا على الموضوع الرائع.............

بس عندى سؤال: محل الادوات فى مدينة استثار ليه ما يفتح؟

المحل charly shop تقريبا

المحل يبع الادوات الازمه لتحديث الاسلحه؟

متى يفتح؟

وانا عندى جميع ال GF وكلهم متعلمين كل الابيلتى؟

وشكرا...............
26-09-2002, 10:38 PM
squall 911

اقتباس:

(الموضوع بيكون صعب مع قانون راندوم فحاول إنك تتخلص من القانون)

آسف بغلبك مرة ثانية

كيف أتخلص من قانون راندوم لأنه جنني :"
27-09-2002, 01:33 AM
FF Expert

لا يا أخوي لا غلبتني ولا شي
ما عندي طريقه سهله تخلصك من القانون الطريقه الوحيده الي أعرفها أنك تروح تلعب في مدينه غير المدينه الي فيها قانون راندوم بعد كذا روح للمدينه الي تبغى تشيل منها القانون و خزن قبل ما تدخلها ثم أدخل و العب إذا التغى القانون ((امشي مليونين لأقرب نقطة تخزين)) و إذا ما التغى :" :" حظ أوفر في المره القادمه ((عيد الشريط)) و على هالطريقه إلى أن تلغي القانون
الله يعينك :D :D :D
و حظ موفق;-)
04-10-2002, 02:23 AM
FF Expert

اقتباس:

الرسالة الأصلية كتبت بواسطة elgen
شكرا على الموضوع الرائع.............

بس عندى سؤال: محل الادوات فى مدينة استثار ليه ما يفتح؟

المحل charly shop تقريبا

المحل يبع الادوات الازمه لتحديث الاسلحه؟

متى يفتح؟

وانا عندى جميع ال GF وكلهم متعلمين كل الابيلتى؟

وشكرا...............

و الله يا أخي أعذرني ما أذكر هذا الشي أنا أذكر إني مره ضغطت عليه و عطاني هديه لكني ما أذكر وشي و لا أتذكر أنه سبق أن فتح
و أعتذر مجدداً لأني ما عرفت الاجابه
(((شبااااااااااااااااااااب نبي فزعتكم))) ما له داعي ما نجاوب على الرجال
04-10-2002, 04:49 PM
Jecht

مشكور على الموضوع

بس عشان كرت pupu في شي ناقص وهو
بعد ماتقابل المركبات الاربعة تروح لمرتفعات جرانديدي(في القارة الشرقية في سلسلة جبال شمال الغابات) وراح تلقى مركبة فضائية تهزمها وبعدين تروح لموقع المدرسة وتلقى بوبو

وبالنسبة للمحل اظن تقدر تشتري منه بقدرة sell shop الموجودة عند استدعاء تونبري
04-10-2002, 05:05 PM
FF Expert

اقتباس:

الرسالة الأصلية كتبت بواسطة Jecht
مشكور على الموضوع

بس عشان كرت pupu في شي ناقص وهو
بعد ماتقابل المركبات الاربعة تروح لمرتفعات جرانديدي(في القارة الشرقية في سلسلة جبال شمال الغابات) وراح تلقى مركبة فضائية تهزمها وبعدين تروح لموقع المدرسة وتلقى بوبو

وبالنسبة للمحل اظن تقدر تشتري منه بقدرة sell shop الموجودة عند استدعاء تونبري

نسييييييييت:# :# :#
مشكور على التذكير
أما بالنسبه للتونبري ما عنده قدره اسمها Sell shop يمكن تقصد Call shop لكن مب هذا المهم ((المهم إني عندي جميع القدرات و مع ذلك ما سبق أن اشتريت شي من المحل))
01-12-2002, 08:57 AM
يوجمبو

مشكور على الموضوع الحلو أنا أشكرك شكر لا نهية له ((حتى لو كان متأخر))
ـــــــــــــــــــــــــــــــــــــــــــــــــ
http://http://
02-12-2002, 01:28 AM
(Dark vivi)

عندي سؤال يمكن يكون سخيف

هل يوجد كرت التميسيا ام لا؟

وش أقوى كرت في فف9 و فف8 و وين احصل عليهم؟
02-12-2002, 01:48 AM
squall 911

ما في كرت التيمسيا

أما أقوى كرت فهذي ممكن مختلفة من شخص لآخر

بس بالنسبة لي أنا أفضل كرت سكوال و سيفير ;-)
02-12-2002, 01:59 AM
(Dark vivi)

وش اقوى كرت في فف9
02-12-2002, 02:12 AM
Sparta Ghost

مشكورررررررررررررررررر جدا
02-12-2002, 02:57 AM
The Best Zell

أعتقد بأن FF Expert قد ترك المنتدى :(
02-12-2002, 03:59 AM
ديجيمون ماستر

اقتباس:

الرسالة الأصلية كتبت بواسطة The Best Zill
أعتقد بأن FF Expert قد ترك المنتدى :(

لا ما ترك المنتدى بس هو دايما يكتب في الليل ...:)

FF Expert:

اسف جدا على ردي المتأخر بس الموضوع حلو مره وتشكر عليه...:)
02-12-2002, 06:48 AM
squall 911

اقتباس:

الرسالة الأصلية كتبت بواسطة The Best Zill
أعتقد بأن FF Expert قد ترك المنتدى :(

لا هو مو ترك المنتدى هو مشغول شوي :أفكر:
02-12-2002, 12:46 PM
FF Expert

العفو شباب

:! :! :! تركت المنتدى:! :! :!

أصلاً أنا ما أقدر أعيش من غيركم;-)

و أشكر سكوال 911 و ديجيمون ماستر على ردودهم((دفاعهم عني:D :D ))

و على ما قال سكوال أنا مشغول الأيام هذي علشان كذا تلاحظ أني ما أرد على المواضيع و ما كتبت مواضيع جديده

لكني أرد على مواضيعي و مثل ما قال ديجيمون ماستر أنا أدخل بآخر الليل حول الفجر تقريباً
و لو تلاحظ إن كل الردود هذي كانت في أوقات متقاربه و كلها في العصر فلذلك توي أشوفها
02-12-2002, 12:59 PM
Sparta Ghost

تشكر على الكرت الأخير ......بو بو PuPu !!!! صعبة شويه ....
03-12-2002, 02:14 AM
The Best Zell

اقتباس:

الرسالة الأصلية كتبت بواسطة FF Expert
العفو شباب

:! :! :! تركت المنتدى:! :! :!

أصلاً أنا ما أقدر أعيش من غيركم;-)

و أشكر سكوال 911 و ديجيمون ماستر على ردودهم((دفاعهم عني:D :D ))

عجبتني يوم قلت إنك ما تقدر تعيش بدونه :-)

لكن وش تقصد يوم شكرت ديجيمون ماستر وسكوال 911 على دفاعهم عنك :غضب: ما باقي إلا تقول أنا هجمت عليك :غضب:

;-)
03-12-2002, 01:09 PM
FF Expert

الجني الرسام:
وش دعوى صعبه.

The best zell:
يا خوي لا تدقق;-)

وش دعوى هجمت علي أصلاً أنت لو تقطعني عادي لو تبغى تذبحني حلالك
و أنا عارف إنك ما تسويها>>>>>واحد خاف:D :D :D

و أنا ما قلت إني ما أقدر أعيش بدون المنتدى

المنتدى فيه غيره مليون
أنا قلت ما أقدر أعيش من غيركم
لأنكم ما تتعوضون لو أفقدكم ((الله لا يقوله))
03-12-2002, 01:14 PM
SUPER_SAIYAN

مشكووووووووووووووووووووووووووور على جهودك :0)

والله يعطيك 1560 عافية :cool:
ويخليك ربي ":"
04-12-2002, 02:47 PM
FF Expert

العفو أخوي
و الله يعافيك و يخليك

((من قدي سوبر سيان رد علي:D ))
لي الشرف;-)
11-12-2002, 12:43 PM
Suden Dithe

1 مرفق

السلام عليكم

انا ابغى كرت يطلع لى الاداه هذى:

دراجون فانج ×4

واذا ما تقدر قول لى عشان اعرف؟:( :(
11-12-2002, 04:16 PM
FF Expert

ما فيه كرت يعطيك اياها

ممكن تأخذها عن طريق الفوز على Blue dragon
19-12-2002, 08:13 AM
Suden Dithe

شكرا ؟؟;-) ;-) :0) :0) :0)
19-12-2002, 11:54 AM
FF Expert

العفو!!;) ;) :D :D :D >>>>>>>تحس إنك تشوف نجاتيف:D
19-12-2002, 01:30 PM
سـارق القلوب

مشكوووووووور اخوي على مجهودك الرائع

مع تحياتي

سارق القلوب
24-12-2002, 08:12 AM
FF Expert

معليش أخوي ما نتبهت لردك((أحسن علشان أرفع الموضوع:D ))

العفو و مشكور على الرد
19-01-2003, 12:33 AM
Sparta Ghost

مشكوررررر مرة ثانية لأني أستفدت حاجة جديدة!!!!!!!
20-01-2003, 05:33 AM
FF Expert

العفو:o >>>>>>تحس واحد ما له خلق يرد:p

مشكور أخوي على ردك
و إنتظرو المزيد من مواضيعي>>>واضح نشوف مواضيعك ماليه المنتدى:p
16-12-2003, 03:59 PM
tidus129

Re: جمييييع الكروت النادره في FF8 بالتفصيل

مشكوووووور ياجاري العزيز فراس صاحب اللومينا .. :D
بس عندي مشكلة أنا ملكة البطاقات عدت اللعبة 4 مرات عشان أبي الدعوة تزبط معاي عند ملكة البطاقات لأنها طلبت مني في دوليت بطاقة Mini Mog اللي هي عندي بس ماتطلع لي من نظام راندوم السيئ ياريت لو تساعدني في طريقة الحل وأكون متشكر ليك أوي أوي .. ^_^
16-12-2003, 04:09 PM
l)@RK SWORD

Re: جمييييع الكروت النادره في FF8 بالتفصيل

مشكور جدا على الموضوع المتميز :jester:
17-12-2003, 01:24 PM
BOiND

Re: جمييييع الكروت النادره في FF8 بالتفصيل

الموضوع قبل 12شهر:09:

شو رفعاه فوق:أفكر:

على اي جال شكرا :أفكر:
19-12-2003, 03:39 AM
tidus129

Re: جمييييع الكروت النادره في FF8 بالتفصيل

لووووووووووووول حسبالي رد على سؤالي .. ^_^

أخوي boind2003 الموضوع مفيد جدا ومن حقه أنه يرتفع فوق وفيه ناس كثيييير بيلعبوا فف8 لين اللحين مو جذي ؟

تحياتي .. ^_^ :)
14-01-2004, 04:12 PM
SONIC ADVENRURE 2 BATTLE

Re: جمييييع الكروت النادره في FF8 بالتفصيل

هلا في اي مدينه كرة
Irvine
ارسله على اميلي
ahmedsalaman_2003@hotmail.com
15-01-2004, 03:28 AM
فيصل سنيك

Re: جمييييع الكروت النادره في FF8 بالتفصيل

اقتباس:

المشاركة الأصلية كتبت بواسطة احمد زكي1

هلا في اي مدينه كرة
Irvine
ارسله على اميلي
ahmedsalaman_2003@hotmail.com

في ملعب الملز :afraid:
15-01-2004, 08:35 AM
SONIC ADVENRURE 2 BATTLE

Re: جمييييع الكروت النادره في FF8 بالتفصيل

وضح اريد اسم المدينه بي ENGLISH
15-01-2004, 10:08 PM
فيصل سنيك

Re: جمييييع الكروت النادره في FF8 بالتفصيل

صدق احمد انت كاتب كرة

وهي كرت

وشكرا
23-01-2004, 04:48 PM
Zabusa

Re: جمييييع الكروت النادره في FF8 بالتفصيل

مشكور على الموضوع احييك على الجهد الجبار ;) .
25-01-2004, 03:00 PM
ملك ننتندو

Re: جمييييع الكروت النادره في FF8 بالتفصيل

مشكور اخوي على تعبك
الصراحة أنا اخذتهم كلهم الا eden لأني ما سويت draw ضد التيما ويبون
30-01-2005, 12:50 AM
sms556

مشاركة: Re: جمييييع الكروت النادره في FF8 بالتفصيل

أرجو أن تذكر ياعزيزي طريقة الحصول على بطاقة chicobo وحل لغز الغابات من فضلك ....
مايصير اللي نحن فيه من التعذيب بسبب هذه البطاقة (الذكية) خخخخ
01-02-2005, 12:41 PM
The Best Zell

مشاركة: Re: جمييييع الكروت النادره في FF8 بالتفصيل

اقتباس:

المشاركة الأصلية كتبت بواسطة sms556

أرجو أن تذكر ياعزيزي طريقة الحصول على بطاقة chicobo وحل لغز الغابات من فضلك ....
مايصير اللي نحن فيه من التعذيب بسبب هذه البطاقة (الذكية) خخخخ

أنا إللي سمعته إن هالبطاقة ما تقدر تاخذها إلا إذا كان عندك بوكيت مادري شنو .... هي اللعبة الإضافية إللي في ff8 خاصة بالـ chocobo :31:
01-02-2005, 01:15 PM
squall 911

مشاركة: Re: جمييييع الكروت النادره في FF8 بالتفصيل

اقتباس:

المشاركة الأصلية كتبت بواسطة SONIC ADVENRURE 2 BATTLE

هلا في اي مدينه كرة
Irvine
ارسله على اميلي
ahmedsalaman_2003@hotmail.com

كرت ارفين تلاقيه في مدينة FH

بس لازم تكون خلصت لغز ملكة الكروت

راجع الصفحة الأولى :D
05-02-2005, 02:20 PM
sms556

مشاركة: Re: جمييييع الكروت النادره في FF8 بالتفصيل

اقتباس:

أرجو أن تذكر ياعزيزي طريقة الحصول على بطاقة chicobo وحل لغز الغابات من فضلك ....
مايصير اللي نحن فيه من التعذيب بسبب هذه البطاقة (الذكية)

............................
05-02-2005, 05:45 PM
squall 911

مشاركة: جمييييع الكروت النادره في FF8 بالتفصيل

والله أنا ناسي طريقة حل لغز الغابات :33:

بس حتى لو ذاكرها ما أقدر أكتبلك الحل :31:

لأنه طويل و ثانيا لازم صور و تعقيد :31:

أما البوكيت ستيشن اللي قال عليه The Best Zell

هذا ماله دخل في غابات الشوكوبو :icon6:

و اعذرني أخوي عشان ما قدرت أساعدك :08:
02-06-2005, 05:01 PM
Devil_12

مشاركة: جمييييع الكروت النادره في FF8 بالتفصيل

بطاقة Laguna
باري إيلون ellone في المركبه الفضائيه.

من هو ايلون وين المركبة

؟

انا في الدسك 3

؟ راح عليي الكرت؟