واخيرا PSO بين يدي + سؤال وجواب عن اي شي في PSO

اهههههههه واخيرا باركولي ... فبعد معركه كبيره ..... انتهت رحله البحث عن الكنز !!! والله ما تدرون كيف تعب حتى حصلت على اللعبه اليوم ... خبرتكم انه الطلبيه التي طلبتها ما توصلني الى يوم الثلاثاء او ممكن بعد ... و تضاربت مع المحل وقررت اني بحث عنها واطلعها من تحت الارض وين ما كانت .... وبدات رحله البحث عن الكنز PSO في كل المناطق التي بجانبي وكل محلات الالعاب الموجوده حولي.... واذا بي اشوف نسخه في احد المحلات وكانت اخر نسخه عنده والكيبورد خلصت عنه ... وطلبها بسعر غالي شوي و يبعيها مع المودم فقط مع انه المودم عندي من النسخه التجريبه لكني محتاج وماصدقت اني حصلتها وحتى لو كان قايلي بضعف السعر انا راضي ...

اشتريتها عنه مع المودم بسعر 400 ريال تقريبا مع المودم ... مع انه عندي طلبيه بتوصلني بعد اربع ايام (يعني لعبتين PSO بيكون عندي ومودمين ) ?:
ممكن ابيع وحد التي بتوصل او على ما اظن انه واحد من ربعي بشتريها عني ....


انا الان توني بدات العب اللعبه .. والدخول اون لاين ليس معقد بسيط ..وطبعا بما اني بدات العب فتقعوا مواضعي تقل جدا او حتى دخولي النت ...

فلهذا قررت اني اسوي هذا الموضوع حتى اجاوب على اي سؤال عن اللعبه وخاصه انه اللعبه عندي الان ... يعني كل واحد عنده اي سؤال عن اللعبه او استفسار يضعه وانشالله اجاوب عليه يوم احصل فرصه ....

واي واحد يحصل اللعبه بقولي او اذا دخل اون لاين يقولي حتى اتلاقى وياه

مبرووووووووووووووووووك

انا عندي عدة اسئله
بالنسبة للدفع هل تشتغل بطاقة فيزا او ماستر كارد (المفروض انها تشتغل بس ابغى اتاكد)

طبعا ما اظني احتاج اشتراك انترنت ياباني و لا ( في واحد ضيعني حبيت اتاكد ;) )

اذا صادف و دخلت انا فين راح يكون البلوك العربي(طبعا ياباني لكن مستحلينه:D )

هل في امكانية اني اعدل اللعبة و اخليها بالانجليزي لاني شفت اختيار language في الاوبشن

و مبروك مرة ثانية

مبروووووووك الف الف الف الف مبروووووووووك.......بس انت تقول انك شريتها بـ 400 ريال.....يعني ان تفي السعودية؟؟ولا بس علشان توضح السعر؟؟؟

وبالنسبة للنسخة الي اشتريتها انت من الانترنت...اذا ما لقيت احد يشتريها وكنت في السعودية فأنا مستعد اشتريها منك...إذا كنت تبي او اذا ما لقيت احد يشتريها



وشكرا:D

ألف مبروك أخوي والله يهنيك فيه :-)

بس بغيت أسأل عن الأسعار .... يعني الشخصية كم سعره ... ونفس الرسوم بكم .... ابي اعرف كم راح ادفع على كل شي

وما فيه أي طريقة ثانية غير البطاقة ؟؟ :":


ومبروك مرة ثانية على اللعبة ;)

ألف ألف مبروك أخوي ننجا على اللعبة , وننتظر المعلومات المهمة عن اللعبة.

مبروووك:D

عندي سؤال بسيط....ما الفروق بين هذا النسخة ونسخة الدريم......فرق السماء عن الارض؟؟ ام انها تشبهها نوعا ما.....صعبة ...سهلة؟؟
الفل يزيد بسرعة؟؟
وشكرا":"

الله يباكر فيكم وعقابكلم انشالله .......


المهم بالنسبه للاسئله :

Tails&Kirby
بالنسبه للدفع
1-اكيد فيزا او ماستر كارد او بطايق يابانيه مثل web money بالنسبه لي انا الى الان ما دفعت شي لانه اول شهر مجاني وتسجل فيه بكل سهوله

بالنسبه لاشتراك الانترنيت
2- اي اشتراك انترنيت يصير

مكان التجمع
3 - في لوبي عجبني تصيميه في زخارف قريبه الى الزخرفه الاسلاميه اتوقع اللوبي رقم 7

بالنسبه للغات في اللعبه
4-اللعبه كامله بالانجليزي حتى المهمات الاون لاين ومعلومات السيرفر

aoks :

النسخه اللي طلبتها كانت من الانترنيت لكن هذي حصلتها في محل ... بالنسبه للنسخه اللي بتوصلني رفيجي حجزها مني

megaman

بالنسبه للدفع .. اول ما تبدا اللعبه يكون فيها عرض خاص حيث انك لا تحتاج اي كرديت كادر للعب اون لاين ... ما عليك الا التسجيل للهانتر ليسن والتسجيل مجاني ويعطونك مده شهر من اول يوم سجلت فيه ... يعني اذا سجلت لليسن اليوم بيكون عندك مده شهر من اليوم ... اما بالنسبه للعد الشخصيات فهو علي كيفك ما ياثر على السعر ....
بعد شهر بتحتاج كرديت كارد وبيكون السعر 12 دولار تقريبا لمده ثلاث شهور

Guilty Gear X

بالنسبه للفروق من بينها ومن بين نسخه الدريم كاست ...ابسود 1 - في تصميم المراحل فقط ما شي فرق - لكن في تطوير بسيط في اشكال بعض الوحوش والؤثرات والاصوات ... اما ابسود 2 فاعتبرها لعبه جديده كامله ...وهي تكمله لنسخه الدريم كاست في الفصه ... الاسلوب نفسه ما تغير في اللعب لكن المراحل تصميمها قوي جدا ومعضمها خارجيه ... كل شي جديد في ابسود 2 وحجم ابسود 2 اكبر من ابسود 1 واصعب ومعقد اكثر ... وفيه شي اسمه ميني بوس mini boss

بالنسبه لتغيرات العامه .. في تغيرات جذريه في قدرات الشخصيات .. يعني اصبح الان كل شخصيه تتميز عن الاخرى وما في شخصيه اقوى عن الثانيه

بالنسبه للقائمه والماسنجر ... تطورت ايضا بشكل جذري يعني مثلا تقدر تسوي بلوك على اي احد وتقدر مثلا تسوي رد على الرسائل اتوماتيكي و فيه board تكتب فيه في اللعبه وفي ايضا اكثر من خط في الشات واللوبي اكشن و عشر اشكال مختلفه من اللوبي ونظام الترحمه تطور اكثر واكثر .. يعني الان بسهوله تقدر تكلم اليابانيه لانه الجمل تظهر لك على حسب المنطقه اللي انته فيها ..يعني انته مثلا في اللوبي تظهر جمل اللوبي .. اذا انته في راجول تظهر جمل المتخصصه في المكان اللي انته فيه ... و ... و .. غيره من الاضافات

بالنسبه للصعوبه .. لا تسال .. الان يوم تموت وحد يحييك طاقه HP ترتقع الى اقل من النص فقط وما ترتقع طاقت TP ... وعندك زعيم المنطقه الثالثه في ابسود 2 مع اربع اشخاص ليفلانا بين العشرين ما قدرنا عليها اما في المنطقه الرابعه الى الان انا ما اقدر العبها لانه انا بعد الضربه الثانيه ميت ... وشوي الماليه عندي تعبانه عندي في اللعبه .... الماج فقرتني :(

جلتي اللعبه تحس انها غير واكثر شي يخليك تحس في الفرق هو انه ايام الدريم كاست كانت الاسلحه منتشره والفلوس يعني الكل تقريبا عنده ماج 200 وسلاح 99 لكن الحين اللعبه تنلعب على الطريقه المفروضه انا نتلعبها وتحس بقيمه الفلوس في اللعبه وقيمه الاسلحه ...ولهذا فاسلوب اللعبه يتغير اقصد طريقه لعب الناس مع بعض ... وخاصه اول الايام يكون للعبه طعم خاص

لفيلي الان 20 وعدد الساعات 16 (في قل من يومين ) والماج ليفل 39

هذي بعض الصور ..

شوي جهاز التقاط الصور مب واضح احيانا في بعض الصور ..

منظقه lab

boss1 in E2

>

:( :( يعني لازم تدفع عشان تلعب ممكن توضيخ هذه الفقره لو سمحت

اول ما تشري اللعبه .. لن تحتاج ان تدفع او ولن تحتاج بطاقه كردت كارد ..

يعني عندك شهر مجاني كامل بدون اشتراك ...

بالاضافه انك تقدر تلعب اللعبه اوف لاين اذا انتهى الاشتراك عنك او تجدد الاشتراك بفلوس

مشكور على الرد:D

مبروووك :)

أنا بس عندي question عن موقع ncsx.com

أبغي أعرف يسووين شبمنت إلي الخارج ولا لا

و متي صدور الكي بورد


enjoy the game :D

Master Geese

نعم يشحنون الى الامارات او اي مكان تقريبا

الكيبورد نازله مع اللعبه



--------------------------

شوط نينجا مسكين في الصوره

ما في امل ... حتى بلفل 30 ضربه وحده يموت

الظاهر اللي يتكلمون انجليزي حددوا مكان لهم للتجمع ...

والغريب في واحد اسمه سالم ?: ... همم عريي ...


انا عادتا العب ما يابانيين ... مع يعجني العب مع امريكان

WoooW:واو:

very power full

thx for the information
i will Order soon i can

cool some arbians

ninja check this out

Official Meeting Block

http://www.ragol.com/pages/mainindex.php

.

.

.

very very cool

ممكن بعض الاسئلة...
هل تجد ان يدة التحكم للغام كيوب مناسبة ام الدريم كاست و البلاي2 افضل ان امكن؟

ما هو الحد الاقصى للفل؟؟ في الدريم كان 200 على ما اعتقد...
ليس هناك اناس كثيرين على اول الايام اليس كذلك؟
كم مستخدم بفنتاسي ستار الجديد؟
...لفل 20 وصلتها بسرعة:أفكر: ....هل استخدمت الاساليب القتالية بفنتاسي ستار الاول؟؟؟ هل الوحوش اذكى الان؟
اسف...الكثير من الاسئلة:"
ولكن....سانظم معك الشهر الجاي انشالله":"

أقول أخ ninja الحين أنا مو مشكلة الدفع , بس أنا عندي أسئلة:
السؤال الأول : هل يمكنني استخدام المودم العادي و الاتصال العادي بدلاً من البرودباند و الDSL؟
السؤال الثاني : هل يمكنني الدخول على الشبكة بدون كتابة معلوماتي (يعني أخزن المعلومات الخاصة بالدخول : User Name .... الخ) وأين أستطيع تخزينها اذا كانت في الذاكرة فكم بلوك تحتاج للتخزين؟
السؤال الثالث : هل ستتوفر نسخة خاصة بالنظام الأمريكي يوجد بداخلها مودم أم لا؟
السؤال الرابع و الأخير : هل أنت مرتاح باللعبة اليابانية أم لأ؟
و شكراً مقدماً للاجابة على أسألتي ... كان معك Cube_Lover.

السلام عليكم ورحمة الله وبركاته ... .. .




مبروووك على اللعبه اخ نينجا .. بس انا عندي سؤال و رجاءاً ركز لأن يبيله تركيز



مثلاً انت اشتريت لعبة pso شهر 10 و طلع لك شهر مجاني ..

و انا شريت اللعبه شهر 12 هل يطلع لي شهر مجاني ؟؟




و ارجو الاجابه على السؤال ...

Guilty Gear X

1- بالنسبه ليد التحكم للكيوب ... انا الان متعود عليها ومرتاح منها واللعبه مصممه على يد تحكم الكيوب فتشوف مثلا قائمه short cut في اسفل الزاويه اليسرى شكلها مصمم على شكل ازار الكيوب ولهذا فما اتوقع انه يد تحكم السوني او الدريم كاست بتناسب ... لكن في اول يوم لي ايام النسخه التجريبه واجهت شي بسيط من الصعوبه في اليوم الاول فقط حتى تعودت عليها ...

2- الحد الاقصى لليفل نفسه 200 ...

3- بالنسبه لعدد المستخدمين اون لاين ...انا ما ادري كم واحد سجل في السيرفر الى الان ... لكن هو يعتمد ايضا على الوقت اللي ادخل فيه هل هي نهايه الاسبوع ..نهار او ليل .. لانه معظمهم يابانين يعني على التوقيت الياباني .. انا اول يوم لي شفت ما يقارب 3 آلاف..

4- وصلت لفيل 20 بطريقه غلط وكانت في خلال 16 ساعه لعب فقط ... فنا ارتكب غلطه اني مستعجل شوي على لعب ابسود 2 وما ابغي العب ابسود 1 فكنت العب المراحل الصعبه واحصل على EXP لكن ما كنت غير متعلم ماجيك واحد فقط ... الماج عندي كان لفيها 17 فقط .. وتقريبا مفلس في اللعبه ... لكني حاولت اعدل الغلط ولعبت شوي اوف لاين وجمعت الفلوس واهتميت بالماج ...
الان لفلي 23 وعدد الساعات 20 ساعه .

بالنسبه لاسلوب القتال طبعا في تغيرات سطحيه ...مثلا انا كنت اذكر اني اقتل الزعيم الثالث في ابسود 1 بكل سهوله واعرف اسلوبه لكن لما لعبت وياه هذي المره ...واجه صعوبه كبيره لانه اشعته الكهربائيه في المرحله الاولى من الزعيم الان تؤثر على كل انواع الشخصيات وتخدرها

بالنسبه للوحوش ابسود 2 انا اليوم لعبه منطقه seabed او تحت البحار .. والحوش قتالهم غير طبيعي وانواع جديده من الالغام ...و ...و.. و..

بتنظم الشهر القادم .... على حسب خبرتي في الدريم كاست انه النسخه الامريكيه متاخره وناقصه ... لانه في كثير من الحالات في نسخه الدريم كاست نزلت مهمات الى السيرفر الياباني وما نزلت في السيرفر الامركي او تاخرت كثيرا في السيرفر الامركي ..(اقصد مهمات الداونلود download ) وبالتالي الاسلحه يصحلون عليها قبل ...

----------------------------------------------------------------

Cube_Lover

1-انا العبها الان بالمودم العادي 56kb يعني هي مصممه في الاصل للاستخدام خط الهاتف العادي

2-السؤال الثاني

يجب ان تضع الاسم user name للاشتراك مزود الخدمه فيه والرقم السري للدخول ... واتوقع انه اذا بتستخدم البطايق بشتغل بعد وما تحتاج الى بياناتك (معلوماتك) لكني ما جربت
وبيانات الشبكه تحفظ في الميمري كارد وتاخذ 4 بلوك ولكنها تكون سريه يعني لن يستطيع احد نقلها الى نسخها الى ميمري كارد اخرى .. ولن تعمل الا على نفس اللعبه فقط ونفس جهاز الكيوب

3- نعم في نسخه امريكيه بتنزل مع المودم في نهايه شهر اكتوبر (اذا ما تاجلت كالعاده ) لكن ممكن ما يكون فيها شهر مجاني ...

4-نعم مرتاح من اللعبه كثيرا وما بعيد غلطتي لما انتظرت النسخه الامركيه من VER2 للدريم كاست اللي كان الفرق فيها عن النسخه اليابانيه ما يقارب 3 شهور واللعبه صح انها يابانيه لكن كل شي فيها انجليزي 100%


--------------------------------------------------------

bounty

نعم فهت كلامك .. والكلام اللي قلته يصير .. يعني الوقت اللي تشتري فيه اللعبه تحصل على شهر مجاني وحتى ولو بعد 5 شهور ... لكن هذا العرض ينتهي في شهر مارس في سنه 2003 وطبعا في النسخه اليابانيه فقط اما الامريكيه غير معروف هل بيكون فيه شهر مجاني او لا ..

-------------------------------------------------------

ممكن مساعده ... ما ادري اذا بغيتوا عروض فيديو اقدر اسجل لكم واحولها الى الانترنيت لكن ما اعرف وين احطها في الانترنيت حتى تحملونها وكم الحجم عرض الفيديو اللي تفضلونه وكم طول العرض ....
انا اقدر احل الى ميديا بلاير او ريل بلاير لكن ما ادري شو تفضلون او شو الاحسن ؟؟؟

---------------------------------------------------

وهذي بعض صور اليوم

الماج عندي اليوم تعلمت السومون 2

ماذا يجري يا ترى ؟؟؟

مسكين نينجا تهزء اليوم...

نهايه اكيده للي مستعجل وما يطور الليفل ويلعب ابسود 2

يقولون هذا الوحش يباله لفل 40 حتى تتحمل ضربته القاضيه:!

ممرات تحت البحر

لاحظوا انعكاسات الظل على النوافذ بالاضافه الى مناظر بحريه عجيبه

تصدقون شباب ... في هذي اللحظه شاهدت زر غيريب اول مره اشوفه ... وما اعرف شو يسوي ...

في الصوره اللي في الرد السابق لاحظوا اشكال الازرار ...
الثلاثه اللي تحت للسمون لكن الزر الرابع كان عادتا لتغير السلاح لكن هذي المره شكله غير ?:

.

شكرا جزيلا اخ نينجا على الصور المعلومات!
اذا مت بالعبة....ما هو القعاب الذي يحدث؟؟ مثلا بفنتاسي ستار الاولي كانت النقود والسلاح يسقط....وفي فف11 ياخذون منك نقاط خبرة...

انا راح اشتري النسخة اليابانية طبعا:أفكر:
وفي طريقة اتخليك تلعب بالدي اس ال بموديم 56ك":"

مبروووووك وعقبال ما ألعبها

ومشكور على الصور و المعلومات :)

مشكور على الصور

سوي أفلام

الحجم مب مشكلة المهم يكون طويل :D <<< واحد طماع :D

حط الفلم في ياهو Briefcase

اقتباس:

---

الرسالة الأصلية كتبت بواسطة Guilty Gear X

اذا مت بالعبة....ما هو القعاب الذي يحدث؟؟ مثلا بفنتاسي ستار الاولي كانت النقود والسلاح يسقط....وفي فف11 ياخذون منك نقاط خبرة...

---

اذا مت تخسر فلوسك ..meseta لكن لا تسقط شيئا على الارض .. فقط تحتاج ان تلبس السلاح مره اخرى بالنسه لل hp يرجع الى النصف فقط وtp لا يتغير ... المشكله انه الان السحره فقط اللي عندهم القدر انهم يسون ماجيك للحياه ... او انك تستخدم االايتم ...لكن سعر الايتم 500 ..


------------------------------------------------------------------------------

Master Geese

اتوقع انه عندي full ما اقدر احط فيه شي ... انا مسحل عروض وباقلي احولهم يوم بحصل فرصه ..

-------------------------------------------------------

حتى الان 40 ساعه لعب واليفل 33 وحصلت 3 اسلحه نادره ":"

لكن حتى الان ما اقدر انهي اللعبه وبعدني ما تهيتها في normal mode :" :"