(( متى يصبح الدوري السعودي مثل الايطالي والاسباني ))؟؟؟؟؟؟؟

اولا تقبلوني عضو جديد في هذا المنتدى الرياضي

ثانيا قد يستغرب المشرفون المحترمون اني وضعت هذا الموضوع في

منتدى الرياضه العالميه ولم اضعه في الرياضه المحليه

ولكن قصدت ذلك بسب

ان اعضاء هذا لمنتدى ومتصفحيه ومحبينه يملكون الحس الرياضي

العالمي ولهم معرفه قويه جدا باقوى الدوريات في العالم

وتخيلو اني وضعته في المنتى المحلي سياتي هلالي ويقول

فكونا من النصر ويصير الدوري قوي وياتي اتحادي ويقول التحكيم

وسياتي اهلاوي ونصراوي

وكل يتكلم حسب ميوله وبتعصب شديد

اما اعضاء المنتدى العالمي فأتوقع منكم اراء متزنه وجميله وموضعيه

فهمتو علي اولا عدم التعصب والنقد الواضح الغير جارح




سؤالي

واتمني الاجابه عليه من قبل الجميع

(( متى يصبح الدوري السعودي عالمي؟؟؟؟))

مثل الدوري الياباني والتركي والامريكي والارجنتيني

علما ان اقتصادهم لايتفوق علينا

اريد اراء ومقترحات لتطوير الكره السعوديه للعالميه

(( واريد الصراحه ولا شي غير الصراحه))

واسف على الاطاله!!

انا ارى تخصيص الاندية هو الحل المناسب
لانه اذا تخصصت لن ترى تدخلات رئساء الاندية في التشكيلة وغيرها من الامور التي ليست من اختصاصهم
2_تسلم الاعبين رواتبهم من دون تأخير
3_احتراف الاعب السعودي خارجيا مو شرط يكون في مانشستر الاهم انه يحترف ويحتك بمدارس كرويه مختلفة
وقتها سوف ترى الاختلاف في الدوري السعودي

يعطيك العافيه اخوي مهند وواضح ان ارائك تنم عن وعيك الرياضي

الكبير

وشكرا لك على التفاعل

مع كلام أخوي مهند في خصخصة الأندية
وثانيا : جلب لاعبين على مستوى عالي و عالميين ولو على سبيل الإعارة بس يكون مانقطعوا عن اللعب أو نزل مستواهم مثل بيبيتو .
ثالثا : على جميع الأندية تخطط لمشروع لزيادة الدخل المادي مثل فتح متاجر أو محلات لبيع ملابس النادي والمستلزمات الرياضية ...إلخ
أعذرني نسيت مشكور على الموضوع :0) :# :# :": :0)

تدري متى بيصير زي الايطالي؟

اذا شفت بقرة راكبة دباب وقاعدة تفحط:p

اخوي برسلي يعطيك العافيه على التاجاوب

اما عنك اخويMR.Dj فاليش كلش عنك مستحيل انت تعلم ان الدوري

التركي كان مثل السعودي او اسوى ولكن هم عندهم خطط وتنظيم

وافكار جديده لذلك ارجو انكم تقدموم الافكار هذي لكي نرتقي برياضتنا
مثل الاتراك والكوريين

اقتباس:

---

الرسالة الأصلية كتبت بواسطة MR.Dj
تدري متى بيصير زي الايطالي؟

اذا شفت بقرة راكبة دباب وقاعدة تفحط:p

---

والله انك صادق... :p :p :p :p :p :p :p

زياده على ما قاله اخوى مهند الريس ..
# التزام اللاعبيين بمواعيد التدريبات وعدم السهر وعدم التدخين ايضا ..
# ان يلعب اللاعب لا لاجل الراتب .. ولكن لاجل الفريق ..
هذا الى عندى ..
وشكرا ..

اخوي النمسيس ياليت مانقلب الدعوه هزل

انا ابي حلول ومقترحات واراء جاده وكل شي ممكن

فاليابان كانت قبل 10 سنوات دوله عاديه في كرة القدم ام الان

فعشر من لاعبينها في الدوري الاوروبي!!

كيف حصل هذا بالتخطيط المستمر



اخوي العمده ارائك جيده وانا سمعت من مصادر موثوقه ان نواف

التمياط يستعمل (( الشيشه!!)) وهذا في خطر على مستقبله

الكروي

اقتباس:

---

الرسالة الأصلية كتبت بواسطة الحاسه السادسه
اخوي العمده ارائك جيده وانا سمعت من مصادر موثوقه ان نواف

التمياط يستعمل (( الشيشه!!)) وهذا في خطر على مستقبله

الكروي

---

لو الدعوه شيشه بلحالها .. كان هينه .. لكن ?:
لا يروح بالكم بعيد ما اقصد الى فى فهمتوه ..
على كل حال .. انا اعتقد انه الدورى السعودى او على الاصح الكره السعوديه لن تتقدم طالما اننا جماهير متعصبه ومتعصبه جدا ايضا ..
الوضع ما بيتغير الا اذا كل راجع نفسه .. وبطلنا اننا نقدم الواسطات والمعرفه قبل الفن والنظام ..
لكن .. الله يصلح الحال ...
ونسيت اشكرك اخوى الحاسه السادسه على موضوعك المفيد والقيم ..

العفو اخوي العمده وانا لولاكم ما اسوى شي بعد الله طبعا!!

اما بالنسبه لنواف فاارجو ان ما تاثر حكايه او مهزلة النادي الهولندي

اللي بطلا ها اعضاء شرف الهلال على مستقبله

أنا أقولك متى يصير الدوري حقنا زي الدوري الأيطالي الأسباني التركي و غيرهم ..

1- الأهتمام بالفئات السنية الصغيرة وتأسيسها تأسيس صحيح .. مو زي اللي نشوفه اليوم لدرجة إن أحد المدربين يقول (( تبغوني أعلم لاعبين فوق ال 19 سنة كرة القدم )) و هذا أكبر دليل على إن الأساس عندنا ضعيف .

2- مشروع الخصخصة و تحويل الأندية الى منشئات استثمارية تزيد المدخول الجماعي للأندية و تجعل منها شركات استثمارية .

3- ارسال المدربين الوطنيين الى الدول المتطورة في لعبة كرة القدم مثل انجلترا والبرازيل و ايطاليا لتعليمهم مبادئ و أسس التدريب .. و من ثم العودة لأرض الوطن وتدريب ألندية بحيث يصبح المدربون وطنيين .

4- في الوقت الحالي يجب على رجال الأعمال التبرع للأندية بمبالغ مالية و إن كانت كبيرة مثل منصور البلوي ... احنا هنا بالشرقية عندنا معن الصانع وبن حسن و الأندية ما شافت منهم ريال واحد !!

5- تقليل أسعار التذاكر و جعل أغلب المباريات أيام الأربعاء و الخميس و الجمعة لأن أغلب الجماهير هم من الطلاب و ذوي الدخل المحدود فلازم تكون هنا مراعاة علشان نشوف عودة الجماهير !!

بس اذا تبيون زيادة قولولي

ارائك حلوه اخوي CTMELODY وخصوصا حكاية رجال الاعمال

اقتباس:

---

الرسالة الأصلية كتبت بواسطة CTMELODY
2- مشروع الخصخصة و تحويل الأندية الى منشئات استثمارية تزيد المدخول الجماعي للأندية و تجعل منها شركات استثمارية .

---

عاد هذاهم يقولون انهم بيجربونه على الهلال .. على الله ينجح ..

صدقوني الاندية اليابانية والكورية بدون الخصخصة ماينفعون والله نصكهم بالخمسة والستة بس بعد ماتبنتهم الشركات صارو يهتمون بالكورة وخاصتن وجود امكانات مادية عالية...:)

وشوكرن

مااااااافي امل الدوري السعودي يتطور بسبب التعصب

آنا ماأقدر أقول إن مستحيل الدروري السعودي يصير مثل الدوري الأسباني أوالإيطالي أوالإنجليزي ، ولكن احنا بالذات العرب المفروض مانقارن نفسنا باليابانيين اذا برد على الي قال إن عشرة منهم بالدوري الأوروبي ، لكن نقدر إذا اعطينا للاعبين رواتب شهرية تكفيهم وتشجعهم وعدم التأخر فيها ... فقط هذا أهم شي لازم نقوله !! لأن الاندية الراقية تعطي اللاعبين معاش يكفي ويزيد مما يرفع من معنوياتهم ويجعلهم يأدون عملهم بأكمل وجه ، لكن هنا عندنا العرب فلا يوجد أي اهتمام بالرياضة على عكس الدول الأجنبية مثل انجلترا والبرازيل وباقي الدول وخصوصا الأوربية !!

وماأزيد على الي ذكره الاخوة !.. لأن الي قالوه صحيح بس أهم شي المعاش ! ، وأؤكد على ان احنا ما يجدر ان نقارن نفسنا بالغرب .. نروح نقارن نفسنا باليابنيين ؟؟؟؟؟؟؟ !! ، .. ومشكور على الموضوع يالحاسة السادسة وباين عليك طموح وماتعرف المستحيل وتفكر بصورة مستقبلية !


بس انتوا ادعوه وان شاء الله يصير مثل الأسباني واحسن بإذن الله ، ولا تفقدوا الأمل ولا احد يقول هذا مستحيل لأن اذا انت ركزت علي شي كثر ماتركز عليه راح يصير ... ( إن الله لايغير مابقومٍ حتى يغيروا ما بأنفسهم ) .



تقبلوا تحياتي ... !!! :" :": :cool: ;-)

انا : وش الحلول للتعصب؟؟؟؟؟




العمده : يارب يتخصص اللهلال وغيره من انديه المملكه




MR.Dj كلامك واقعي وجميل ويدل انك واعي رياضيا والدليل المنتخب

الكوري ....


Some-boy04 ارجو انك تتفائل والتفائل هو اول النجاح وننظر

للمنتخبين التركي والكوري وكيف تتطورو؟!؟!!؟

ونترك هذه المقوله اللي حفظناها (( الغرب وين وحنا وين

ولله ياناس نحن لانقل عنهم شي مجرد عمل غربله في الرياضه هنا

ونصبح مثلهم باذن الله


واشكر الجميع على التفاعل الرائع ونتمنى نشوف حلول اخرى واخرى

لكي نخرج في الاخير بكيفية تطوير كرة القدم السعوديه

حل جدا جذري تعرفون وشهو


ان اللي يمسك الرئاسه يكون متخصص بارياضه كدكتور او بروفسر

في المجال الرياضي

اكيد فهمتو قصدي:أفكر: :o