مساعدة في مافيا يا شباب :)

وصلت المرحلة اللي يُطلب مني فيها إنقاذ Sam ، في فندق كولاراس مدري وش اسمه :)

وش أسوي شباب؟ عجزت أنقذه

أشتغل عنده أنا :غضب:

:)

اخي العزيز

ممكن تقولي وين حصلت اللعبه في (السعوديه) لاني ادورها من زمان

او موقع تنزيل لها



ولك جزيل الشكر

اذهب خلف المبنى و راح تلقى كلب اذبحه وبعدين تجد صناديق اصعدها لتصل الى الطابق الثاني ( اضغط صفر في لوحة الارقام الموجوده على يمين الكبيبرود لكي تصعد الصناديق )

بعدين كمل المهمه لانه الباقي سهل :)

السلام عليكم


اضيف على كلام اخوي PCMan

قبل ما تدش المبنى ... في سيارة بره لونها اصفر كشف ! اول شي لازم تفشش توايرها وتكسرها باللي تقدر عليه ... لانك بعد اتقاذ سام راح تطارد السياره هذي ! فلما تكسرها تصير ابطأ وتقدر تسوي شي ..


المهم بعد ما تخلص تلف ورى المبنى وتركب فوق الصناديق لما توصل للبلوكنه اللي فوق ... اول ما تصعد في البلكونه روح يمين وراح تلقى حمام يكرم السامع WC فيه واحد خلص عليه علشان لا يباغتك من ورى .. وبعد ما تخلص منه فيه بابين على المين واحد مقفل والثاني فيه رشاش اخذه معاك ... خلص عليهم وبعدين كمل عادي :)

على فكره وانت بالطابق الاول في غرفه باللفه يمين وفيها بعد حمام تلقى فيه اسعافات اوليه تساعدك بتعبأت الصحة :D

بالتوفيق

يعطيكم العافية ياشباب ..

انا وصلت لي مرحلة اني أخذ السيارة السبورت من مكان السباق
واوصلها لمقر العصابة .. بس في مشكلة ان السيارة موراضية تتحرك :D

حاولت كذا طريقة ماكو فايدة ....

اذا في احد عنده فكرة ياليت يفيدني

ومشكورين .. ":"

يا اخ soaaal ترى اللعبة موجودة عندي اذا تبي نسخه مني كلمني على المسنجر

السلام عليكم



اخوي BAGGIO-R

يعني انت وصلت للمضمار وشفت السيارة واقفه بالكراج وركبتها لكنها مو راضية تتحرك؟!؟

يمكن انت استعجلت وماكملت الحوار مع الحارس ! لانه بيقولك كلام مهم ... راح يقولك لازم تردها خلاص نص ساعة لان الحارس الثاني يبدله بالحراسه ... ولازم مايكون عليها ولا خدش واحد!

المرحله صعبة والاصعب اهو السباق اللي مجنن العالم بالانترنت .. انا اضطريت اني انزل ملف تخزين للعبه بعد السباق ... يعني طوفت السباق لانه فعلا صعب !!

بالتوفيق

يا شباب وين تباع اللعبه هذي في السعوديه

انا ادور عليها وخصوصا في الخبر او الدمام

الي عنده نسخه او ينسخ لي يكلمني

على هذا الماسنجر

abdullah_247@hotmail.com

من شان نتفاهم على مكان نتقابل فيه

والله للاسف موراضية تتحرك مادري ليش !!!!!!!! :غضب:

على فكره اللعبه فيها اخطاء ! انا مرات تووم ما يتحرك ! لكن اذا شغلت المرحله من جديد يتحرك ! حاول انك تبدأ المرحله من جديد Load Game

بالتوفيق

والله يالغالي جربت كل شي ماكو فايدة :(

تبي اعطيك ملف التخزين بعد المرحله هذي ؟ يعني كأنك مخلص هالمرحله وانت كمل عاد :)

بالتوفيق

شوف بعد المرحله اللي انت وقفت عندها راح تدش في سباق حوالي خمس جولات ... والسيارات الثانيه تحاول تاخرك عن المركز الاول بكل الوسائل اللي يدعمك واللي يحدك على السوور :) واذا طلعت المركز الثاني تخسر !! والكل بالانترنت يشتكي من صعوبة السباق ! علشان جذي انا بعطيك تخزين اللي ورى السباق ... لانه من غلطات الشركة صراحه لدرجة صعوبته !


انت بعد ما تسرق السيارة وتوديها للميكانيكي ويعبث فيها لازم تردها خلال نص ساعة للمكان الاول خارج المدينه ... وبعدها من بكره الصبح يقولون لك تعال انت دش فيها بالسباق ! اهني انا بعطيك ملف مابعد السباق وانت كمل عادي :)

بالتوفيق

يعطيك العافية اخوي ..

بس انا سويت شغلة واخيرا خليتها تشتغل ..

قمت لعبت المرحلة اللي قبلها مرة ثانية .. بعد ماخلصتها وصلت عند السيارة واشتغلت وتحركت اخيرا :D

والحين وصلتها الميكانيكي ورجعتها .. وبعدها رجعت عند الشباب ..

وما اشوف الا تلفون يقول لي تعال تسابق :أفكر:

قلت اريح اليوم وباجر اكمل :cool:

مشكور اخوي على جهودك ويعطيك العافية ;-)

يعطيكم العافية شباب :)


خلصت المهمة ، والحين بلحق راعي السيارة الصفراء

وش أسوي معه بالضبط؟

خش راعي السياراة الصفراء يعني وقف امامة وحد سياراة
بعدين انزل من السياراة وقتلة

وصلت السباق المستحيل :) وعجزت أفوز فيه ، فنزلت الملف اللي حطه Richman وحطيته بالـsavegames ، لكن ما لقيت الـload حقه في اللعبة؟؟؟

السلام عليكم



انا نسخت الملف هذا بس ووضعته بالمجلد واشتغل معاي التخزين وسويت له لوود وكل شي تمام

هذا

mafia000.110

اما الثاني ماقرب له وخليته يولي :)

بالتوفيق