عرض للطباعة
مرحبا
أنا عضو جديد في المنتدى ... علمت بأمر هذا المنتدى عن طريق زميل في مجال رسم الكوميكس و الـ Anime .... لست بالرسام المحترف لكن لدي خبرة كبيرة في مجال رسم الكوميكس و تلوين الكمبيوتر ... أعرض بعض أعمالي علها تحوز الإعجاب من جانبكم
http://khafeef.homestead.com/files/W...Night_elfs.jpg
http://khafeef.homestead.com/files/poster.jpg
http://khafeef.homestead.com/files/page-001.jpg
http://khafeef.homestead.com/files/NE-01.jpg
مع الشكر
جـراح
سلالالالالالالالالالالالالالالالالام:cool:
اشلونك أخوي جراح;)
مرحبا فيك في منتداك عضو دائم و متميز .. و انشالله ما تقاطع و تكون دوم معانا بأعمالك و مشاركاتك:cool:
الرسمات اللي حطيتها مدهشة و أكثر من رائعه :واو:
بس ممكن أسألك سؤال :!
انت رسمت و لونت هل رسمات و لا بس رسمتها و لا بس لونتها :": :":
الصراحه .. مشالله عليك الرسمات روعه :6
بليز رد علاي الحين على شان أتحطم عدل أوكي :"
سلالالالالالالالالالالالالام;-)
مرحبا لـوجين
أنا يا أستاذي رسام و جرافيك ديزاينر .... أنا ارسم الصور مالتي هذي بالرصاص بعدين حبر بعدين ادخلها الكمبيوتر و ألونها ... بكل بساطة :6
بعدين هذي مجرد كم صورة .... أنا لو بعرض شغلي يبيلي مني إليما سنة .... أنا من زمان حيل ارسم و ألوّن بالكمبيوتر ... عندي مشاركات بمنتدى ثاني إذا تحب تشوف أكثر ... بس جان عجبتك الصوّر نحول ندز غيرهم
شووف عندك صورة النسر هذي مالت صاحبي و أنا أملونها بس ... الباجي لأ رسمي و تلويني ... إحنا مجموعة من 5 رسامين كويتيين كوميكس ... كل واحد محترف شغلة :
أنا : Drawing - Inking - Coloring
واحد : drawing
واحد : Portrait & carecater
واحد ثاني : -Drawing - I nking - backgrounds
واحد ثالث : drawing - Coloring - prespective
يعني نكمّل بعض ... أحاول أدز غيرهم ...
و مشكور
جـراح
باااااااااااااااااااك :6
ماشالله عليك :-)
بس مولااحظه بسيطااااااااااااااااااه مومكن :#
شفت صورتي اللي تحت أسمي
بنيااااااااااااااااااااااااااااااااااااااااااااااااه بنيااااااااااااااااااااااااااااااااااااااااااااااااه
أوكي :# ..
ههههههههههههههههههه
أكثر شي شدني الرسمه اللي فيها المركبة :6 قاعده أركز حيل داخلها اشلون رسمتها شذي دقيقة و تفاصيلها عجيبه :0) :0)
و الحوار صج يضحك هههههههههههههه حسيت الريس بيكسر راس اللي قاعد يكلمه الحين هههههههههههههههههههه
:0)
إذا عندك رسمات أكثر حط زياده بعد انا بتربع في موضوعك :D و البقية بيجون وراي شذي العصاري ;-)
أشوفك على خير جراح
سلالالالالالالالالالالالام;-)
أهلا فيك اخ جراح في المنتدى
وانشاءالله يعجبك المنتدى :D
اخيرا ييت.. كنت خايفة بعد تتأخر.. هههههههههه
شاهين.. وينك.. الرجل العنكبوت هني...
http://khafeef.homestead.com/files/poster.jpg
http://khafeef.homestead.com/files/..._Night_elfs.jpg
http://khafeef.homestead.com/files/page-001.jpg
http://khafeef.homestead.com/files/NE-01.jpg
ترى اخ جراح..
تقدر ترفق رسومك هني عن طريق زر البراوز اللي تلقاه في الرد :)
واهلا فيك اخ جراح معانا في المنتدى... :D
مرحبا
ماعليه ( لوجين ) ... حقج علي ... ما قمت أعرف الريال من البنت في النت ... الأسامي ما توحي .... المهم ... أنا كل رسومات القصص إلي عندي يا إنجليزي يا كويتي بحت .... في عندي قصّة عن ترمينيتور في الكويت ... بدز صورة منها يمكن تعجبكم
و مشكورين على هالترحيب
:0)
أهلا وسهلا فيك أخ جراح ;)
نورت المنتدى والله...
أنا سعيد جدا بانضمام فنان كبير بالمنتدى :)
رسومك في غاية الدقة والجمال !!!
الرسم والتلوين بالTop !! ;)
عجبني بشكل لا يوصف !!!
وأرجو أنك تكون معانا دايما وتمطرنا بمشاركاتك الخلابه :D
وسنكون بالانتظار دائما ;)
تمنياتي لك بالتوفيق ومن معك ... :)
أهلا جراح
في منتداك ومرحبا فيك كموهبة جديدة في المنتدى
يسرني كجميع الاعضاء وجودك في المنتدى وخاصة في هذه الفترة :) يشرفني و ي.... (زلزولة: بسنا رسميات)
احم... شلونك اخوي؟
بصراحة رسوماتك من اروع مايكون.. تلوينك رهيب بشكل رهيب:0) واساليبك المتعددة جميلة وانا متشقق لأنك رسمت الرجل العنكبوت (ترى هذا أخوي):cool:
بصراحة اسلوبك احترافي وقصة حرب النجوم مضحكة بالحوار الكويتي البحت ههههههههههه ارجو نشر المزيد ..^_^ ماشاء الله الكويت تزخر بالمواهب;-)
قريت ان معاك ناس تشتغل ممكن توضح لنا أخ جراح .... :)
... ننتظر منك المزيد والى لقاء
:! :! :!
موشولا موشولا موشولا ياخودا
هههههههههههه
والله القصه فله :0)
يه يه يه والله انت فنان
بليز حط بعد رسومات :أفكر: اوكي :0)
اقول اقول اقول عندي سوال ممكن انته جم عمرك لانه رسمك يبين انك متمرس :)
وااااااااااااااااااو
مشاء الله عليك أخوي .. والله أنك فنان . :)
حياك الله معانا بالمنتدى .. و اعتبر نفسك بين أخوانك و خواتك .. :) و اي شي .. احنا بالخدمة ! .. ;)
بالمناسبة .. رسومك ممتازة اللي عن ستار وورز .. و خاصة الترجمة ..:p و السفينة الفضائية .. بكل تفاصيلها .. ليش ما تكمل و ترفق بعد صور ما عليك أمر ؟ .. :أفكر:
سلام .. :)
أخوك .. نيو سيد
ميثم .. ;)
مرحبا
ما قصرتوا و تسلمون ... ما أستاهل كل هالمدح صراحة .... مستواي مو محترف ليلحيين
شاهين : ربعي يرسمون مثلي بالضبط و سوالفهم أكثر .... أقولك الهارديسك مليان ما أدري شحّط منّه ... إحنا نشتغل مع بعض مثل الفريق ... في عندي رسومات محطوطة بمنتدى ثاني غير هذولي طبعا
wildkitty: أنا عمري 24 سنة ... بس الرسم و التلوين امبلّش فيه من زمان حيل
Neo Cid: ما أقدر أدز كل سوالفي ... أنا ناوي أنزلهم كتاب ... أول كتاب كويتي كوميكس 100% ... فقاعد بس أحط كم شغلة ... و بعدين يبيلنا سايت علشان تشوفهم وحدة وحدة مو منتدى و شوية رسايل ... في عندي كوميكس قاعد أسويه بينحط بالنت بعد أقل من شهر إن شاء الله ... راح أدزلكم اللنك ماله بوقته
لا لا لا أخوي ... :واو:
صج ؟ ... عندك كوميك كويتي بالأسواق ؟ .. من وين أقدر أحصل عليه ؟ .. :واو: .. جم سرعة ؟ .. :واو: ما فيه خصم حق اخوانك من المنتدى على الكوميكس ؟ .. :p
تراك أخوي .. للأسف .. ما تقدر نفسك .. :" .. كل هذا و تقول أنك شخص مو محترف للحين ؟ .. عيل المحترف شنو يسوي ؟ .. :D
يعطيك العافية أخوي .. بس لا تبخل علينا بالاجوبة ... و شنو تفضل أننا نناديك ؟ .. جهراء ؟ . :6 .. جهرة ؟ .. جاراه ؟ ... :D
سلام .. ;)
مرحبا
هاهاهاها ... أنا يا Neo Cid ليلحيين ما نزّلتّه .. أقولك عندي جاهز بس ناوي أنزله يمكن عالسنة الجاية لأسباب معيّنة
بس مثل ما قلتك في كوميكس قاعد أسويه بينزل ببلاش بالنت بعد أقل من شهر إن شاء الله و راح أقولكم عنّه
... و بعدبن أنا أسمي جـراح .... Jarah
ههههه
حلوه قصة الترميناتور :D
ذكرتني بسنمائيات :p
ما شاء الله أخ جراح :0)
الهارد ديسك عندك full !!
ياليت لو تكرمت , وتحطلنا شوي من ابداعاتكم الخاصة :D
يعني اذا في رسومات لوحوش أو مخلوقات من ابتكاركم الخاص ;) ((اذا كان في طبعا :) ))
:-)
شي غريب عجيب فريد من نوعه
شنو هذا؟؟؟؟؟؟
والله انت كده (بوكس والابهام الى الاعلى):D
لا والله انت مينووووووووون (يعني روعه)
مشكووووووووووووووووووووووووووووور
اخ جراح..
صج رسمك رهيب..
كنت متأكدة ان شاهين بيستانس على الرجل العنكبوت (وللحين ما جاف الفيلم.. الجزء الثاي بينزل وهو للحين ما جاف الجزء الاول :6 )
حلوة وايد حركة تيرمنايتر.. مثل ما قال ريفليكس.. كأنه مسلسل سينمائيات.. ولا حركة السكان اللي كان يسويها للريال.. ههههههههه
عيل بننطر الكوميكس اللي بتنزله بفارغ الصبر.. عاد لما تنزلها قول لنا.. حتى لو مانزلت عندنا بنوصي عليها من الكويت (اكره كيتي.. بتحصلها بسهولة :غضب: )
يعني الحين عندنا ثلاث مشاريع كبيرة ننطرها :D
واولها مجلة شاهين...
:o الله يوفقكم آمييييييين
علشان املق عليكم وارسم معاكم في مجلاتكم
ماشالله شنو الابداع هذا ؟؟؟؟؟؟؟؟؟؟ :);-)
الرسومات تجنن والله و التلوين بالذات رهيييييييب ماقدر اوصفه الصراحه :)
و أكثر شي عاجبني ان القصه باللهجه العاميه ^__^ و اشكال الشخصيات اللي فيها غريبه و مبتكره ^^
ياريت تراوينا شغلات أكثر :p ... و لا تنسى تقولنا متى تنشر كتابك ^^ اوكي ؟؟؟؟؟
و حياك معانا بالمنتدى يا فـــــــــــنــــــــــــــــان ;)
يااااااااا خطير:واو:
ماني مصدق أن كويتي يسوي جذي
========================================
GM head : أقرصني يا Sniper.
Sniper : أوكي , you asked for it .
GM head : آآآآآآآآآآآآخخخخ ........... لا......... طلع صج أنه.......أنا مو في حلم.
========================================
و ما شاء الله عندنا فنان جديد في منتدانا:cool:
حياك يا جراح
إن شاء الله يكون عندك شيء "أوريجنل" بمعنى آخر شيء من إبداعك و مو Fanart .
السلااااااااام
ما شاااااء الله :)
رسم عجيب و خطير
شنو ها القنابل :D
رسوم لو اتكلم عنها مني لباجر ما بخلص
شي محترم و محترف حتى لو ما رضيت :D بالغصب انت محترف مو كيفك
التكامل بالرسوم حلو بالمره .... شخصيات و تفاصيلها مع الخلفيات و تصوير المشاهد ....... إبدااااااااااااااااااااااع ما شاء الله عليك
قدره فذه بالتلوين ... شي بالحيل قوي ;)
عجبتني حيل كل الرسوم و كل جزء فيها
و لمعة النظارات ;) لمسة بمنتهى الروعه
ابدعت يا فنان و ان شاء الله تصير من الأعضاء الدائمين عندنا هني :D
راح يعجبك شغل الفنانين و الفنانات اللي بالمنتدى حيل
بالتوفيق يا محترف
هلاو لو
مشال الله 24 توقعت اكبر لانه رسمك فلله
يه يه بتسوي كومكس :cool:
طبعا انا بشوفه صح :أفكر:
موتي حرهاقتباس:
(اكره كيتي.. بتحصلها بسهولة
جرب نار الغيره ترى را http://www.gamers-forums.com/smilies...il/nonono2.gif
صج صج الرسمه لاي حطيته حلوه
:0)
يا انته ياخطير
مرحبا
أولا مبارك عليكم الشهر ... و مشكوريييين على هالتشجيع ... عاد أنا كنت غاسل إيدي من عيال الكويت و الخليج أن فيهم من يقدّر هالفن ... العادة بس يستانسون على أنهم يشوفون الـAnime & Comics بدون ما تلاقي واحد يرسم مثلهم ... الكل عيزان من عمره .... المهم ... أنا عندي سوالف وايدة حيل ... و بعضها ما يضحك عليها إلا الكويتيين من كثر ماهي في صلب المجتمع
بدز لكم صورة حاولت أرسمها على طريقة الأنيم بس للأسف رسمي أقرب للأمريكي ... هي غلاف بوستر لقصص عن الجامعة و سوالفها ... إن شء الله يعجبكم
هههههههه
هاذيللا بلاويكم اللي في الجامعة..
عندنا وعندكم خيرات...
اللي تحت وياكل الكتاب..
هاذي من حفيظي الورج كله (على قولة ابلة عطيات :6 )
جراح..
عاد خذ لك لفة في المنتدى
:D
سلالالالالالالالالالالالالالالالالالالالالالام :cool:
و مبارك عليكم الشهر
:6 :6 أو رسمات جديده :0)
ههههههههههههههههههه أخ انا أول ما طليت في ويه رسمه الدكتورة اللي حواجبها لي فوق اخترعت صج ههههههههههههه
و البنت المعظلة ههههههههههه منهم وايد عندنا ":"
الرسم ما عليه أي كلام روعه و دقيق و التلوين فله حتى انك حمستني اني أجرب ألون بالفوتوشوب :6
سلالالالالالالالالالالالالالام و مشكور على الرسمات .. :cool:
هههههههههههههههههههههههههه
تدري هاذه الي لابس قتره يذكرني بشاذي الخليج ( شادي الخليج ) مال الموسيقى وايد يشابه
الللللااااااه شو هالرسم! @@
أهلاً بك أخ جراح!
الصراحة أنت رسام خطير بكل معنى الكلمة! :)
يا ربي شو هالفن! ما شاء الله! :)
هاي أكثر وحدة عجبتني (كل الرسومات حلوة على فكرة): إضغط هنا => روعة !!
شوه هالمخلوق الغريب اللي قاعد يسبح في بحر العشب؟؟ @@
شوه هالخيال؟!؟! +@@+
ما شاء الله! :p
وحياك. ;-)
ولا تنسى, نبيك تعرفنا على الباقين. :)
وممكن تقول لنا أي منتدى فيه رسومكم؟ :)
مشكور.
ومو بس كذيه!اقتباس:
الرسالة الأصلية كتبت بواسطة Jarah
عاد أنا كنت غاسل إيدي من عيال الكويت و الخليج أن فيهم من يقدّر هالفن ... العادة بس يستانسون على أنهم يشوفون الـAnime & Comics بدون ما تلاقي واحد يرسم مثلهم ... الكل عيزان من عمره
إلا وبعد إذا شافوا واحد يرسم وعنده إسلوب وموهوب يحسدونه ويقعدون يحبطونه. :)
(إلا من رحم الله).
وناسين القاعدة اللي تقول إنه: "الرسامين آخر ناس يمكن ينحبطون"!! :D ههههههه
وأخس نوع فيهم االلي يقول:
(والله المانجا والأنيماي فن ياباني ولازم يظل لليابانيين).
هههه يضحكوني! :p
ناقص يقولون:
(الكوميك إسلوب أمريكي يجب أن يبقى في نطاق الأمريكان).
ما هذا السخف والحسد؟ :p
من بطة جبودهم... :D ههههههه
بس يحبون يشوفون ويتابعون ويقرأون عمل الـ Anime & Comics وما يبون حد يستعمل أساليب هاليابانيين (لأنهم منقهرين). ^^
ناسين إنه الإنسان فطرته وطبيعته و‘شرط عليه‘ إنه يتعلم, وكل الحظارات تعلمت من بعضها. :)
فلا تعتقد إنه هالأشكال بَيقَدرون فنك... ولو حتى كان إسلوبك أحلى من ألف رسام!
لأنهم ببساطة ناس حسّادين وما يعجبهم العجب ولا الصيام في مدقشقر.
نصيحتي أنك تهملهم! ولا تتعب نفسك بالتفكير في ردودهم وطبيعة آراءهم لأنهم بصراحة مرض.
(الحمد لله, ما فيه من هالأشكال حول هالمنتدى).
وأبيك تحط في بالك شيء...
إذا صادف وأن شاهد أحدهم رسمك, وأنت على علم أن رسم يفوق كلمة "رائع" بدرجة لا يمكن إستنكارها, ومع ذلك سمعت رد غير منطقي أو قوبِلَ فنك ببرود, على طول حط في بالك إنه هالشخص غير سوي وحاسد ونفسيته شوية مهزوزة. :)
فالأجدر بك إنك تبتعد عنه... وما في داعي إنك تقعد تاخذ وتعطي معاه...
فلا تكترث للرد اللي بتلقاه منه وتابع رسمك وأنت بتكون إن شاء الله أسعد إنسان. -_^
والصراحة شيء طيب وجميل إنكم قدرتوا تكونون لكم مجموعة أو "Group/Society " من الفنانين ينصح كل واحد منكم الثاني ويرشده ويبدي رأيه في عمل أخوه بصراحة. :)
...
جراح, بالنسبة لقولك أنك حاولت ترسم بإسلوب الأنيماي وأنه إسلوبك طابعه بالأغلب كوميك أمريكي, هاذا شيء بسيط. :)
لأنه مادام عندك هالموهبة العظيمة وحبك للرسم, تقدر تتعلم المانجا والأنيماي وأبو الأنماي بعد. ;-)
وش يبيله؟ :p ههههه
إلا مجرد "خطوط"! ":"
وإسلوب في توظيف هالخطوط. ;-) <== كلام ما يفهمه إلا الرسامين (والناس اللي يفهمون في الفن لو مو رسامين). -_^
وسامحني لو ثقلت عليك الرمسة شوية... ههههه
أدري, مرات أكون وايد ممل...
حياك. :)
صح كلامك أخوي .. بس احنا الكويتيين ( يا كثرنا :D ) بهذا المنتدى نقدر الفن .. بس شكلك أنت مو شايف كل أنواع الكويتيين .. لأني بمدرستنا أعرف 3 يرسمون بأسلوب الانمي و الكوميكس .. و الشباب مشاء الله عليكم .. روحون لهم و يشوفون رسومهم . .و يشجعونهم ... :)اقتباس:
الرسالة الأصلية كتبت بواسطة Jarah
مرحبا
عاد أنا كنت غاسل إيدي من عيال الكويت و الخليج أن فيهم من يقدّر هالفن ... العادة بس يستانسون على أنهم يشوفون الـAnime & Comics بدون ما تلاقي واحد يرسم مثلهم ... الكل عيزان من عمره .... المهم ... أنا عندي سوالف وايدة حيل ... و بعضها ما يضحك عليها إلا الكويتيين من كثر ماهي في صلب المجتمع
و صح .. عيال الكويت ما يعجبهم العجب .. هذا أنا عارفه من زمان .. بس لا تحكم على فئة كبيرة بكلام فئة صغيرة و ماني مطول بالكلام بعد محاضرة أخوي رواية.. :p
سلام .. ;)
ملاحظة : الرسمة الاخيرة ممتازة .. :p
مرحبا
مشكور أخوي رواية على هالكلام و ماقصّرت ... أنا أسلوبي أمريكي صج بس وايد أحب الـAnime و شايف فوق الـ300 Anime غير الـDVD's إلي عندي لهم ... بس أنا متربي من أنا صغير على سوبرمان و الرجل العنكبوت .. فرسمي مثل مدرسة Marvel & Image
أما سالفة التحبيط فحدّث ولا حرج ... أنا أساسا كل إلي حواليي يثيرون فيني الإحباط أساسا ... أولهم أهلي إلي ما يحبون رسوماتي ... و الشباب الله خير خو يضحكون و يعجبهم الرسم ... ولا خلصوا قاموا يقولون : إي أنا والله كنت أرسم و أنا صغير ولا في المدرسة في مادة الفنيّة ... طيّب ليش ما تكمّل ؟؟؟ ... يقولك : والله مالي خلق ... ولا اشبستفيد ؟؟؟
أنا و لله الحمد أراسل أمريكيين برّه و جم مرّه طلبوا مني أشتغل معاهم كـColorist بس أنا مشكلة شغلي و دراستي ما تسمح ...
أنا من زمان صدّيت أذني عن التحبيط إليما صار رسمي الحين و بدون غرور يبط عين الشمس ... الحين الكل يقول ما شاء الله و يهلل بعد التحبيط الأزلي إلي كنت فيه !!!
أما ربعي .. فعاد هذولاك Anime بحت ... خل اسأذن نهم و أحط لكم من رسومهم شويّه ... يمكن على اليوم بالليل أحط كم وحده
Neo Cid : أنا ماشفت من هلّي تتكلم عنهم إلا ربعي ... و كم مرّه فكرت أسوي موقع لرسوم الكوميكس و الـAnime بس للرسوم القويّه و المبدعة و نخليه موقع كويتي بحت ... بس حسافة أنا ما أعرف بشغل السايتات خير شر
رواية ماني قادر أشوف رسوماتك ... ما أدري كمبيوتري ولا الوصلة مالتك ما تشتغل ؟
على فكرة ... أنا رسمت مجموعة رسوم لروايات مصريّة للجيب جان تعرفونهم ( أدهم صبري - ما وراء الطبيعة .. الخ ) و عندي رسوم خاصّة لهم في منتداهم ... هذي الوصلة
http://www.rewayat.net/gallery/categ...6d64e37c9d4b46
صح كلامك اخوي ..
أنا راويت واحد من ربعي اللي على قولة المثل ( خبراء أنمي ) :D .. بس للأسف .. ما عجبه الاسلوب .. لأنه اسلوب أمريكي مثل ما يقول .. :": .. لكن لا تأبه لهذول الناس .. ما يعجبهم العجب .. :p
سلام .. كمل .. نبي نشوف .. :D
لا تنحبط اخ جراح...
كلنا مرينا بهالاشخاص في حياتنا...
جربت وصلة رواية.. كانت عدلة...
معليش.. انت لو تفتح المنتدى بتلقى موضوع رواية فوق...
اسمه عالم الخيال :)
هاذي غير عن جاليري شاهين وفطوم واريكسيا.. انصحك تروح تلقي عليهم نظرة
ورسوم ملك الرصاص MZM والوكاردو... :! وريفليكس...
اذكر من والا اخلي من...
مشااااااااااااااااااااااء الله :واو:
كششششششششششششششششششخه
جراح صج عليه فن :واو:
صحيح هو قريب من الأمريكي اكثر شي :6
لكن تحفه تحفه
التلوين و الترتيب مشاااااااااااااااء الله :o
صج فنان لا إله إلا الله :)
اتحفنا بالمزيد بليييييييييييييز @_@
السلام عليكم
مرحبا اخ جراح
بصراحه مشالله عليك رسمك رهييب
هذي كل الي اقدر اقوله
:D
تمنياتي لك بالتوفيق
السلام عليكم ...:)
أعتذر عن التأخر عن الرد كل هذه المدة .....:) :)
سبحان الله !! :) فعلا لديك موهبة رائعة أخي جراح ... أسلوبك بصراحة حطمني ...رسمك للمشاهد عقدني ..... مشهد الScanning دوخنّي !! :واو: :واو:
ههههه :D الحمد لله ان منتدانا بدأ يمتلئ بالمواهب الشابة .... المهم تظل معنا بشكل دائم بالمنتدى و لا تحرمنا من فنك العجيب ....:)
و تمنياتي لك و للجميع بالتوفيق ....
NastyRalf":"
مرحبا
هذي صورة قديمة حاولت إني أخليها Anime لكن هم ماكو فايدة ... رسمي لمسته أمريكية ... من بعدها بطّلت أفكّر أرسم Anime ... أحب أشوفة و أتابعة بس أرسم بطريقة الكوميكس الأمريكي ...
طبعا هذا Vampir Hunter D Blood Lust
أنا أحب أفلام الـ Action
Fist of the north star
Grappler Baki
JoJo Bizzare adventure
Crying Freeman
Fatal Fury
Ninja scroll
وغيرهم وايد عندي على DVD's
هلا بالطيب جراح
ماشاء الله عليك
رسمك يشهي الواحد يشوف رسومات :)
فتحت نفسيتي للفن.. الوانك حلوة وواضحة ورسمك جميل جدا يفوق الوصف
تقريبا الافلام الللي تحبها نفسها اللي احبها
تحب الاكشن والقتال؟ مثلي:)
على فكرة انا احب
fist of the north star & ninja scroll
رسمتك للفامباير هنتر رهيبة.. ذكرتني!!! عندي السيدي مال الفيلم لازم اشوفه هههههه صار له اشهر عندي...ادري خلود بتتطنز علي بس والله ادري انه رهيب:"
الله لا يحرمنا من رسمك:) نبغي اكثر حبيبي:0)
شاهين...
:غضب: يالظالم يالمفتري.. عندك الدي في دي للفيلم من شهور ولا جفته للحين
شكلك ما تبيه.. عطني اياه :D
اخ جراح.. مثل ما قال شاهين
رسمك وتلوينك يفتح النفس.. تشجع الواحد على انه يلون ويرسم.. شاهين.. ها.. شرايك؟ نبوق يد جراح ونخصصها للتلوين.. نياهاهاهاها http://www.plauder-smilies.de/devil/diablotin.gif
من الانيميات اللي ذكرتها جراح حبيت
Fatal furry و Ninja Scrool :)
:D
هاهاهاها
تبوقون إيدي ليش ... تعلموا حالكم حالي خو ما هي مكرمة إلهيّة نازلة علي ... كل واحد يقدر يتعلّم و يبدع بروحه ... بس صج تكون له نفس يتعلّم ... مو متعيّز مثل صاحبنا شاهين إلي مو شايف Vampire Hunter D blood Lust ليلحين .... ألطم ؟؟؟؟؟؟
Vampire hunter D أقوي 5 مرات على الأقل من Ninja scroll ... ما أدري اشلون تحبون الأنيم أنتوا ؟؟؟ :6
جراح
يا اخ جراح...
انا راسمة على ايادي ثلاث ارباع اعضاء المنتدى
اذا على شاهين http://www.gamers-forums.com/smilies...hirol_toho.gif بتلطم من اليوم لبكرة
اذا فيلم الرجل العنكبوت للحين ما جافه مع انه من اكبر عشاقه http://www.gamers-forums.com/smilies...hirol_toho.gif
ماشاء الله عليك اخي جراح
رسم محترف :)
يبدوا ان الاصدقاء لم يقصروا في استقبالك و الترحيب بك و مدحك;-)
لم يبقى لي شيء لاقوله
لكن يبدوا اني اول واحد سينتقد رسومك:6 (لا تزعل مش حشد عليك)
قصة ترمنيتر لم تعجبني:D (راي شخصي )
لكن الباقي بجنن ربما احتاج الى زيارة دكتور الامراض العقليه (او النفسيه ما تفرق كثير:6 )
و بالتوفيق
اتمنى ان تكتب من القصص الشيء الهادف
والسلام :)
مرحبا رجل الجاسوب
شكرا لك و يمكنك أن تنتقدني كما شئت ... لم أجبر أحد على مدحي أو ذمّي ... و بالنسبة لقصة ترمينيتور أنت حر طبعا في ألا تعجبك ... بينما الكثير جدا من الرفاق هنا و في منتدى ثاني غير أصحابي العاديين يرغبون في أن يقرأوها ... فلا ضير من رفض يؤكد القاعدة
أما قصة الشيء الهادف هذه تحتاج لتوضيح ... أنا ارسم قصص ضحك تجول في خاطري و من تأليفي وهي للكويتيين بالدرجة الأولى و تحمل بصمتنا ... وهناك قصص بالإنجليزية للنشر الخارجي ... فما الهادف في رأيك ؟؟؟
أرجو ألا تكون قصص للأطفال أو رسم قصص تاريخيّة !!! ... فلقد طفحت التلفزيونات و المجلات بها و سال بها حبر كثير ... فلا إبداع ولا تجديد
فخلينا يا حبيبي نرسم بمزاج شبابي بحت أفضل لنا ... و كتابي إن شاء الله إذا أصدرته هو موجّه للشباب و ليس غيرهم ... كعادة الكوميكس
أما Orang Road ... الله يستر منّج !! .... طقي الخشب يمّج يا معودّه ;-) .. عاد تلوينج زين مو ضعيف يعني ؟
جـراح
مرحبا
إي صج ... REFLEX طلب مرّة صور شخصيات من ابتكارنا ... بما أن ربعي مو راضيين يعرضون شغلهم مادري ليش !؟ ... المهم هذي شخصيّة من شخصيات ألفتها حق كوميكس أنا مألفه أسمه Death Throne ... ببلّش أرسمه بعد ما أخلص الكوميكس إلي قاعد أرسمه الحين إن شاء الله
هذي الشخصيّة اسمها Surgi ... طريقة القصّة مثل Fist of the north star تقريبا و فيها شخصيّات غريبة وايد
الحمد لله الذي تفهمت انتقادي فهو امر مزاجي:D :6
اما بالنسبه لشيء هادف :D
لم اقصد كما فهمت :أفكر:
ان الضحك ليس غالبا بلا معنى :p ان الغرب عندما حارب الاسلام حاربه
باسلوب الرسوم و المسلسلات الساخره و قد وجهت للشباب (انا لا اقصد التشبيه برسمك )
لكن اقصد فقط ان تبتعد (وهذا ما اظنه فيك ) عن اي مايسيء للمسلمين :( لانه للاسف الكثير ممن يريد ان يضحك الناس يستهتر بالدين
و الحمد لله لم ارى شيء منه لديك انت متميز :D
ومن قال اننا لا نريد ان نظحك من قلوبنا :D :D بالعكس انا اشجع ذلك
ان فقط رسم الابتسامه على الشفاه ابداع :) ونسعى اليه
اما كلامك موجه للكويتين :غضب: نحن نريد ايضا ان نستمتع بقصصك
انا عشت في الكويت 12 سنه وخرجت منها بعد الحرب:(
كانت ايام خير:)
هذا كل ما قصدته في كلمة هادف:D
لا تخاف جراح :o انا عيني مب حارة...اقتباس:
الرسالة الأصلية كتبت بواسطة Jarah
أما Orang Road ... الله يستر منّج !! .... طقي الخشب يمّج يا معودّه ;-) .. عاد تلوينج زين مو ضعيف يعني ؟
جـراح
واذا انت خايف تبخر يا اخي :D
على قولة شاهين.. ييب لك مبخرة 6 متر في 6 متر وتبخر فيها (علشان تضمن ان ما تنحسد)
اذا انت خايف من الحسد خاف من شاهين :6
واي؟؟
بيكوز هي هاف ا فيري بيج ريد ايز :6
ونسيت اعلق على الرسمة الاخيرة اللي عرضتها جراح :)
صراحة فظيعة...
لاحظت يده آلية (يزعم قوية الملاحظة) :6
روعة اللقطة...
تلقاه ذابح حد بالغلط وشارد من الشرطة وانحبس هني..
والا ياي ينتحر :6 (بكيفي قاعدة أالف قصص)
حركة المطر روعة.. وما نسيت ارتداد المطر من على الريال
صراحة.. التلوين تحفة...
والرسم رهيب..
جراح...
يقولون اذا قمت الصبح وما لقيت يدك ترىعادي.. تصير هالايام
أخيرا .... ^^
والله خفت ما تكون عندكم ابداعات خاصة ... مستحيل هههههههه ^^
ياخي لو بتكلم لين بكره !!!!
رسمك , وتلوينك بالأخص قوي بشكل لا يوصف !!! :)
يعجبني الاهتمام بالتفاصيل !!!!
الشخصية ايديها :!
لما شفتها تذكرت أجسام الaliens ((هذول السود اللي رؤوسهم طويله !!!! ))
رسمك للخطوط رهيب بشكل ;)
عندي سؤال بسيييط اذا ما كان عندك مانع...
أرجو أني ما أثقلت عليك :) ....
كم استغرق تلوين الرسمه الأخيرة ؟؟ ,,
اذا ما تعرف بالضبط , كم تتوقع تقريبا ... :)
:-)
مرحـ .. خل نغيّـر ... الله بالخير
Orang road : الحمدلله أن الكمبيوتر ليلحيين ما يوصّل خزّ العيون ولا جان حالي حال :6
على فكرة ... ترى ما بعدتي وايد عن القصّة الأصلية ... هم مجرمين فعلا بس كل واحد له Special skills ... هذا إيده Metal ... و ما قصرتي ... هاهاها ... الكتابة بالعامي أريّح من الفصحى مو جذيه :6
رجل الحاسوب : حياك الله معانا و أضحك ... أنا كنت اقصد أن معظم رسوماتي لو تبي تضحكون عليها راح تلاقونها كويتيّة لأني موجهها أساسا للكويتيين ... أما خل أخلص بعد أسبوعين بالكثير من الكوميكس الثاني و ينشر بالنت إن شاء الله وراح أقولكم عنّه ... هذاك باللغة العربية الفصحى و لجميع أنواع القراء
Reflex : تقريبا 8 ساعات متوزعّة على يومين ... بس لاحظ هذا لأن إيدي ماخذة حييل على تلوين الكمبيوتر ... أذكر أول رسمة لونتها بهالطريقة أخذت تقريبا اسبوع ... كل شي بالتدريب ... و بعدين لا تحدني أطلّع بلاوي لك من شخصيات إحنا مألفينها ... كل شي خاشينه لكتابنا علشان لا تنباق الأفكار ... هذي الشخصيّة مو من ضمن الكتاب فمو مشكلة
ما شاء الله في منتدانا فنّان كده و لا انتبهت له!!:أفكر: الي واكل عألي يتهنّى بو:D العم فلاد وير آر يو:D
الصراحة أخويي جَراح أنت فنّان و من الدرجة الأولى عجبتني رسومك جدا و خاصة أن الخلفيات عندك شي عجيب و رسومك كوميك قوّية والله و شفت فنّانين مكتملين و جاهزين كوميكيا ...
على فكرة حلم حياتي أعمل كوميك و مانجا و بسوّي لي واحد و لو بعد حين... :أفكر: هههه أحلم بصوت خفيف:p
المهم نشوفك معانا دايما و نشوف مشاركات لك أكثر لأن فنّك ما ينمل منّه أبدا زدنا من هذا الإبداع يا أخي و أتمنّى لك التوفيق...سلام
على فكرة توقيعك .....
دنياي تابوت...يا سلاااااام;-)
:o فنك شئ عجيب ورسمك ما حصل..":" ":" ":" وييييييلااااااااااه
...
....... :0)
:p وياصاجه يا صاااجه ما صدقتي...":" ":" ":" صاجة (خلود هذي حقّج؟)
آه يا ويلي من هالإبداع!! :!
... الصراحة ما أقدر أقول أي شيء... :)
جراح تلوينك للكوميك وايد خطير ومتقدم للغاية...
الهالة المتناثرة التي أحدثها المطر المتهامر على ظهر الرجل رهيبة لأقصى الحدود!! ;-)
وتلوينك للصخر شيء عجيب الصراحة!
بس عندي كم سؤال... :)
بالنسبة لهالصفحة اللي أنت عارضها, رسم الخلفية أنت عاملنه ولا واحد من الرسامين اللي وياك؟
أعني هل شاركك أحد في رسم الصخور؟ أو يعني هذا فن آخر الله هداك إياه إلى جاني مقدرتك الخطيرة في رسم البشر؟ :)
وآخراً وليس أخيراً, تراه التظليل عندك واصل حده!
وايد وايد ممتاز. :)
وخصواً الـ "سيريس كيوميلاس كلاودز"!! :" (الغيوم الماطرة).
ما شاء الله عليك! :0)
على فكرة أنا عتبان! :o
ليش ربعك أحجموا عن نشر رسوماتهم هنا؟ :o
حرام... :)
حياك. ;-)
نياهاهاهاهاهاها http://www.plauder-smilies.de/devil/diablotin.gifاقتباس:
الرسالة الأصلية كتبت بواسطة Jarah
مرحـ .. خل نغيّـر ... الله بالخير
Orang road : الحمدلله أن الكمبيوتر ليلحيين ما يوصّل خزّ العيون ولا جان حالي حال :6
على فكرة ... ترى ما بعدتي وايد عن القصّة الأصلية ... هم مجرمين فعلا بس كل واحد له Special skills ... هذا إيده Metal ... و ما قصرتي ... هاهاها ... الكتابة بالعامي أريّح من الفصحى مو جذيه :6
معاك حق.. الكتابة بالفصحى اريح من العامية... بالفصحى لازم تحاسب على القواعد :o ...
هني لازم تحاسب ما تحرق والا بيسوون لك سالفة..
ولا رانما...
صح.. وين رانما؟؟ صار له فترة طويلة ما دخل المنتدى
شاهين :D
جوف قصتك مع فطوم وبتعرف.. نسيت انها لحقتك طول اليوم علشان تتأكد ان عيونك حمرا :6
جراح.. انصحك تدخل موضوع قصص للضحك... :)
:D
الله بالخير
alucardracula : يسلمـوا ... و بالنسبة لرسم كوميك خاص فيك ... التمرين ثم التمرين ثم التمرين ... بس
shaheen: وهم يسلمـوا
Rewayah: الرسمة أنا امسويها كاملة من الصفر ... أنا أرسم خلفيات بس على خفيف يعني ... و عن ربعي ... ما أدري عنهم ... عالعموم بحاول أحط صوّر تكون بيني و بينهم ... هذي صورة لصاحبي هذاك محترف Anime مو ستايل أمريكي نفسي ... هذي صورة حق شخصيات قصّة يبي يألفها ... رسمه هو و تلويني أنا...
على فكرة دامكم إهني ترسمون ليش ما تحاولون تنزلون سايت فيها Comic online أنتوا ترسمونه أو تتصلون بمجلات ماجد و باسم و ترسمون فيهم بدل الإستعراض بس ؟؟؟؟؟
توقعت هالشيء الصراحة! :)اقتباس:
الرسالة الأصلية كتبت بواسطة Jarah
Rewayah: الرسمة أنا امسويها كاملة من الصفر ... أنا أرسم خلفيات بس على خفيف يعني ...
أنت موهوب من كل النواحي. ;-)
الصراحة يعجز اللسان عن وصف هالرسمة.اقتباس:
الرسالة الأصلية كتبت بواسطة Jarah
و عن ربعي ... ما أدري عنهم ... عالعموم بحاول أحط صوّر تكون بيني و بينهم ... هذي صورة لصاحبي هذاك محترف Anime مو ستايل أمريكي نفسي ... هذي صورة حق شخصيات قصّة يبي يألفها ... رسمه هو و تلويني أنا...
التفاصيل والخطوط والمقاسات... هذا أكيد واحد خبير مانجا بحت. ;-)
حقيقةً, أنتوا ناس محترفين لأبعد الحدود وبعكس بعض من رأيت في بعض مواقع الإنترنت, حيث أنهم يخفقون في بعض الأمور من حين لآخر, لكن أنتوا, ما شاء الله, تحرسكم رعاية الله من عين الحاسدين. :)
تعجبني الملامح اللي يستعملها صاحبك! :)
على الرغم من أن الرسمة عموماً أنيماي جداً, إلا أني ألاحظ فيها بعض اللمسات الكوميكية الأمريكية (من ناحية المقاسات والتظليل). :)
أكيد هو بعد يقرأ كوميك أيضاً! أم أنا غلطان؟ :)
بالنسبة لتلوينك يا جراح فما في داعي أصف لك مدى دهشتي!
إختيارك للألوان جداً موفق ومتألق (لبس الولد ألوانه تعقد, خصوصاً الأخضر والألوان الأرضية الأخرى). :)
بالنسبة لي يا جراح, فأنا بصدد بدأ مشواري في إنتاج الأنيماي عربياُ ومحلياُ إن شاء الله, لذلك لا داعي لمسئلة تقديم أعمالي لأي جهة. ;-)اقتباس:
الرسالة الأصلية كتبت بواسطة Jarah
على فكرة دامكم إهني ترسمون ليش ما تحاولون تنزلون سايت فيها Comic online أنتوا ترسمونه أو تتصلون بمجلات ماجد و باسم و ترسمون فيهم بدل الإستعراض بس ؟؟؟؟؟
(بس تراهم طالبينا في تلفيزيون أبو ظبي يوم بنتخرج, ويمكن تكون بدايتي هناك إن شاء الله). -_^
(رسالة لبعض الناس, --=((الأنــــــــــيــــــــــمــــــــــاي))=-- مو بس أو "لم يعد" لليابانيين فقط عشان ينتجونه كما يقول أو بالاحرى "يطالب" به فئة معينة من محبي الأنيماي, (طالبين منا التخلي عن فكرة إنتاج الأنيماي), الأنيماي من حق كل من أُعجب به ليصنع مثله, تماماً مثل مسألة التعلم في الفن, الفنانين مثل دافينشي وليوناردو وغيرهم تعلموا من بعض, وكل حقبة تعلمت من أخرى, فما فيه قيود أو حواجز بالنسبة لتداول الأفكار أو إحتكار إسلوب واحد لفئة واحدة... والكلام لكِ وإسمعي يا جارة, واللي مو عاجبتنه هالرّمسه أو الكلام, يروح يدور له عن أكبر ييدار أو طوفة, سور الصين العظيم مثلاً, ويقعد يدق راسه فيه لين ما يشبع... ). ^^
على فكرة يا جراح, الكلام اللي فوق اللي بين القوسين مو موجه لك يا أخي الكريم, وإنما موجه لبعض الناس وهم عارفين عمارهم. :)
المهم نرجع لموضوعك...
هذا بالنسبة لمسألة إتصالانا بمجلات أو إرسال أعمالنا لجهات معينة, في بعض الأعضاء هنا قاموا بذلك فعلاً, وآخرون عملوا في مجلات معينة وهم الآن بصدد إنتاج مجلاتهم الخاصة إن شاء الله, أما مسألة إنتاج Comic online, فأنا يا جراح قاعد على بروجيكت لي لمادة الـ Senior Multimedia Studio.
إسمه "Project Mansiah 0019".
وهو عبارة عن "Simi-Animated Web-Based Digital Comic". :)
(أذكر هالمصطلح للمرة الثانية بهالمنتدى). ":"
أي بمعنى: كوميك مصور بالكمبيوتر شبه متحرك خاص للنشر بالإنترنت.
طبعاُ بإستعمال الفوتوشوب وأدوبي دايريكتور.
وهو عن إحدى مؤلفاتي القصصية, والتي وضعت نبذه عنها في جالاريي. :)
الكوميك مقسم لعدة فصول "تشابترات", للجامعة راح أنتج بس أول تشابترين...
الفصل الأول بإسم "Out of the Blue Awakening".
والفصل الثاني بإسم "Unexpected Catastrophe".
وراح يكون باللغة الإنجليزية.
وصلت تقريباً للصفحة العاشرة من الفصل الأول, بالألوان طبعاً, مع بعض الأنيمايتيد بورشنز - أجزاء أو أقسام متحركة (خصوصاً الأفتتاحية).
هذا إلى جانب أني أضع فيها مؤثرات صوتية. :)
وكذلك راح أعمل فقرة دعاية أنيمايشن للجامعة "لمشروع منسيّة 0019".
وبوسترات راح تنشر إن شاء الله في كل أرجاء الجامعة عشان يحضر الطلبة البريزينتيشن مالي. :p
إن شاء الله بعرضلك كل اللي بسويه عشان أعرف رايك فيه. ;-)
ويمكن أسويله بابليش على النت... :أفكر:
المهم, عودة لرسمتك اللي من نوع أو إسلوب فيست أوف ذا نورث ستار الخطير يا جراح, عندي كم ملاحظة عليها...
أنت أتقنت رسم اليدان المعدنيتان ومحتوياتهما بشكل مذهل.
يد الشخصية نذكرني بيد كايبال. :)
هل تحب قراءة كوميكهُ؟ لأنه المفضل عندي "الأجزاء القديمة".
الملاحظة الثانية, ليش مخلي شوية من شعره لونه أيض ولا بس نظارة؟... ليش؟ :"
هل هذا ذوقك عموماً في إبتكار الشخصيات, أم أن هناك غرض من ذلك في الكوميك نفسه؟ :)
وشكراً وسوري عشان طولت عليك وحياك.
مرحبا رواية
خذ راحتك حبيبي و تكلّم .... موضوعك شدني و إذا ممكن أبي اشوف اشلون تسوي Animation ... يمكن نستعين فيك
ليلحيين ماني قادر اشوف الجاليري مالك من الوصلة ... يا أنا مو عارف طريقتكم بالمنتدى يا الكمبيوتر ما يعرض شي لي ؟؟؟ ... ما أدري
أما الكوميك مالي ... فهذي الشخصيّة إهي بهالطريقة ... في أشكال ثانية تخرّع لكن هذا من الشخصيات الأساسية.شخصيّة طبيب علشان جذيه لابس نظارات ... أما الشيب فله حبكة في الكوميك مالي ... ما أبي أحرقة بس فكرة الكبر هذي حييل ضابطة عليه
أما فكرة الأنيم ... بالنسبة لي أنا و ربعي نبي نشوف فكرة الكوميكس تمشي و لا لأ ... إذ مشى حاله ذيك الساعة نفكّر بالرسوم المتحركّه و غيره ... بس والله حلو إن في ناس قاعد تفكّر نفسنا
و صاحبي هذا مينون كوميك أنيمي بس هم يقرأ أمريكي على خفيف
اخ جراح..
هاذي وصلة جاليري رواية :)
http://www.montada.com/montada/showt...threadid=60632
وهذي وصلة حق جاليريه الثاني
http://www.montada.com/montada/showt...hreadid=159634
مع اني جربت وصلة رواية في توقيعه وطلعت عدل :( ما ادري انت ليش ما تشتغل عندك
واذا ما اشتغلت هالوصلتين معاك
روح لمنتدى الجاليريات والمسابقات وبتلقى الموضوع باسم (أزهار وورود؟ سيوف ورماح؟) والجاليري الثاني باسم (نداء الخيال" رسومات من عوالم رواية. ) :)
مشاء الله عليك اخوي جراح ..
الرسمة الأولى بهذي الصفحة تذكرني بدون كارليوني .. :D .. الأب الروحي ... :p
و الرسمة الثانية ممتازة خيو .. تذكرني بالفايكنجز .. Vykings .. :) .. مشاء الله عليك اخوي ..
يلا ناطرين تكلمة رسومك .. :D
سلامنيشن;)
وين الأخ الكريم جراح؟ :)
صار له فترة غايب!
أشتقت له ولرسوماته الرهيبة الصراحة. :)
الله بالخير
مشكور أخوي رواية على السؤال ما قصّرت ... و الله صارلي فترة ما دخلت ... مشغول مع الكوميكس إلي بنزّله On-Line ... باجي فيه يمكن 5 صفحات و يخلّص فقاعدين نشتغل فيه بسرعة ... خاصة و أن في وايد ناس بالمنتدى هناك منتظرينه
بعدين أنا المشكلة غالبية رسومي صفحات كوميكس و كلها أسلوب أمريكي ... و الغالبية إهني Anime style ... فما ألاقي أحد معاي بالجو :6
هذا غير إني قاعد أدرّب نفسي على تلوين جديد ... نفس إلي أستخدمه مع تطوير في الخدع أكثر ... فعلشان جذيه أنشغلت
المهم ماني رادّك ... هذي صورة قديمة رسمتها من سنتين ... تلويني يعني مو قوي نفس الحين بس ماشي حالها .... عن شريحة مخ بس ترانزيستور ... أحيانا من كثر ما أجابل الكمبيوتر أحس مخي صار نفسه بس ناقصتني الكيبلات مالته ... هذا إلي أوحالي بهالصورة ...
و بعدين ما رديت علي على سالفة الـ Animation ??? ;-)
الظاهر ان الاغلبية هني صارت امخاخهم بهالطريقة...
بس لا تغيب علينا وايد
واول ما ينزل الكوميك انشاءالله على اللاين حط لنا الموقع هني.... :)
رسمك امريكي...
وشفيها؟؟؟
بالعكس... الفن فن...
وفنك فارض نفسه
وااااو ماشالله عليك اخ جراح .. رسوماتك كل وحده احلى من الثانيه ... و تلوينك رهيييييييييييييب الصراحه ;-) ;)
:) عجبتني رسمه اللي واقف تحت المطر ... حلوه الوانها و حلوه الخلفيه و حلوه طريقه رسمك للجسم ....
ماقدر انطر عشان اشوف الكوميكس اللي راسمها :cool:
تحياتي .. مادوكا:)
الله بالخير
مشكورة خلود ماقصرتي و هم أنتي يا Madoka
القصة هي قصة لرفعت إسماعيل مصوّرة ... جان شفتي إعلاناتها بالمنتدى إنها قريبا .... موضوعي هناك تطوّر من رسم بوسترات عاديّة إليما قصّة كاملة ... على العموم أكيد راح أخبّركم إهني أنها نزلت ... و إنتي راح تعرفين ما دام تزورين المنتدى .... شوفي ... وقت ما تلاقين في رد جديد في موضوع ( رفعت Comic poster ) مني ... إعرفي إني خلصتها .. و عاد الإفتتاح على ُEgypt-4-ever
والله قاعد أفكّر أفتحلي سايت و أنزّل شغلي فيها ... بس خل نشوف بعد هالكوميك On-line شنو الوضع
هاهاها ... على طاري التلوين ... تدرون محترفين التلوين ( تلوين الكمبيوتر طبعا ) و إلي لألوّن أنا 90% بنفس الجودة مالتهم كم ياخذون على تلوين الصفحة الوحدة بس ؟؟؟ .... من 100 إلى 200 دولار .... هاها .... و أنا مرّة سويت صورة وحدة مع تلوينها بـ 30 دينار كويتي ( يعني 100 دولار ) :0)
يعني أشوه ماشي بدربهم
و مشكورين
من صجك اخوي جراح... :! 100 دولار
حوالي ثلاثمية ريال
واو :واو:
جراح :D
احنا ربع... لازم ينوبنا من الحب جانب...
يعني تذكرنا لما تقبض فلوس..
ورقم حسابي هو 1213456789 ببنك التسليف المفلس
:D
هاهاها
أنا ذكرتها لكم كمعلومة بس علشان تعرفون السعر العالمي حق التلوين بهالطريقة ... و أثبتلكم إن الرسم مو لعب و بس الواحد يتعلم Anime بس علشان يتشيطر ولا يبيّن نفسه إنّه يعرف يرسم جدام غيره .... السالفة ممكن تصير لك مصدر رزق لا باس فيه .... و ساعات لما أسوّي حق دكاترة جامعة عندي ... يطنشون عني لا غبت ولا ماداومت .... أو لابغيت منهم شي ( ساعات تلميحات حق الإمتحانات ) ... يعني السالفة أنا ماخذها مو شحاطة ... أتعلّم والله علشان شوفوني أعرف أرسم ....
ليش أقولكم هالكلام ؟؟؟ .... بس ابيكم تاخذون الرسم More serious و خاصة حق هذولي إلي يبون يصدرون مجلة ولا من هالمشاريع .... من يبي يشتري لك مجلّة ولا كتاب و أنت ترسم رسم اي كلام ولا كواليتي أي كلام المهم يمشي ؟؟؟ .... لازم تصير مميّز علشان تبني لك أرض في الساحة الموجودة .... ويا سهالة السالفة لا صار رسمك فوق مستوى المعروض في الساحات العربيّة
مشاااااااااااااااااء الله :واو:
إي والله ماشي بدربك صح :"
المشكله جراح محد معبرنا هنييييييييييي :"
للحين يشوفونه شغل يهال :(
مادري متى بتعتدل الفكره براسهم :غضب:
اقول اخوي جراح :)
ممكن تقول لنا عن بدايتك مع الرسم :)
و مشكووووووووور على هالإبداعات ^ ^
مرحبا fatoom
لا تنطرين أحّد يعبرج أو يعطيج ويّه ... إنتي طوري من نفسج ... و إذا قاعدين تتكلمون عن الإحباط ... أنا أول ناس ما كانوا يعبرون رسمي هم أهلي بعد مو الناس !!!!!!
بس و الله مشيت أطوّر نفسي ... أشتري كتب رسم ... مي خالف أول مرة ما تعرف ... ثاني مرّة مي خالف ... مع التدريب شوي شوي إيد الواحد تقوى ... ماكو واحد بيوم وليلة يبي يصير حييل قوي و يناطح هذا وهذا و يناطح حتى ناس برّه بأمريكا وغيرها ... و بعدين خلود يمكن قرأت الموضوع مالي في منتدى ثاني .... أنا دخلت بس لأنهم قاعدين يقولون والله الكوميكس شغل يهال ومن هالكلام ... دخلت و رسمت رسمة وحدة بس أول شي حق شخصيّة روايات هم يقرأونها ... سوّت ضجّة ما صدقتها أنا بالمنتدى و السبب أن الرسم قوي و شال فكرتي معاه لا وخلّى ناس كانوا يستهزئون بالكوميكس يسحبون كلامهم وهم نفسهم الحين ناطرين الكوميك مالي .... خلّي رسمج أهو يفرض نفسه عليهم مو تفرضين نفسج عليهم لمجرّد إنه إنتي إلي دازّة الرسمة .... مع احترامي للكل ... الكل يجامل غيره بالرسم ... الرسمة ضعيفة فنيا ... وااااا ي حلوة و معرف إيش .... ما أحبط الرسام لكن أقولّه عيوبة علشان يتفاداها .... لا دزّيت صورة لمحترفي أمريكا يشرّحها لي تشريح ممتاز علشان أعرف أغلاطي و أتفاداها ... مو يطبطب علي
يعني هذا رأيي أنا عالعموم ... و للي يبي يقرأ موضوعي هذاك هذي وصلته
http://www.rewayat.net/forumz/showth...&threadid=6509
رائع يا جراح
كلامك يزرع الامل في نفوس فاقديه
اعجبني موضوعك الذي كتبته في ذلك المنتدى وقد قرأته بالصدفه منذ ايام:)
نتمنى لك التوفيق وللجميع
وزدنا من رسومك وكلماتك الطيبة;-)
مشكور اخ جراااح :)
و بإذن الله رسمنا يفرض نفسه ^ ^( مع اني اشك لأني مجربه )
و شكرا على الوصله
فتحتها ....و كالعاده ( حظي :" ) ماإنفتح
اعتقد انه حاليا مسكر :":
بجرب ادخله مره ثانيه
:)
و شكرا اخ جراح
مرحبا
في صورة جديدة حطيتها من ضمن الصوّر في الجاليري مالي في معرض منتدى الروايات ... صورة فراعنة ... للي يبي يشوفها هذي الوصلة
http://www.rewayatnet.net/gallery/ca....php?cat_id=41
ياهلا فيك اخوي جراح
رسمك كان فوق التوقعات بملايين الأميال......تدري شنو الي عاجبني برسمك شنو.........العضلات وتظليلها....والحركات المختلفة والمتقنه;) ...........تدري ماعليك غير تحط لنا واحنا انطالع:0) :6 ;-)
تابع وبالتوفيق;)
الله يالخير
من زمان ما دخلت عدل ؟؟؟ ... يلّه كلها أيام و ننشر قصة كاملو من رسومنا عالنت و بحطلكم إعلان عنها
في رسمة جديدة سويتها لشخصية من شخصيات الروايات ... و بإسلوب تلوين شوي مختلف عن إلي متعود عليه ... أنا أعرف 5 أساليب تلوين مختلفة و هذا نوع ثاني غير إلي عودتكم عليه
إن شاء الله تعجبكم
http://www.rewayatnet.net/gallery/de...hp?image_id=90
أهلا بجراح
يعجبني اسلوبك هذا في التلوين
يجعل التلوين والتظليل أكثر نعومة لكن أظنه يأخذ كثيرا من الوقت أليس كذلك؟
على فكرة متى ستصدر كوميكساتك التي اخبرتنا عنها؟؟؟ فنحن بانتظارها بفارغ الصبر>_<
مرحبا شاهين
باقي رسمتين عالأسبوع بخلصهم إن شاء الله وراح أحط إعلان هناك عن
إني انتهيت من رسمها
ترقبه الخبر
جـراح
:واو: :واو: :واو: :واو: :واو:
مشـــــــــــــــــــــــاء الله عليك
تلوينك رووووووووووووووعه ابداع يجنن مره حلو ودقيقه
حلوه حلوه حلوه مشاء الله مشكور
cyaaaaaaaaa:D
woohoo:واو:
جراح...
هذا هو الفن اللى اسميه الفن الفنيني رائع :D !! رسمك بدقته وجماله مثل الجراحه بصعوبتها :D
...اسمحلي على الرد المتأخر لأني مهب مركز في هذا المنتدى للأسف ... المواضيع كثيره هنا .
طبعا رسمك ماعليه كلام اسلوب امريكي جميل يعجبنبي اكثر من الياباني
لاكني افضل الاوروبي :D اكثر رسمه عجبتني هي شخصية Death Throne لاكن استغرب كيف قعدت تلونها 8 ساعات؟؟ يمكن تعتمد على الطريقه ..
وتقول ان هذي الشخصيه مو من ضمن الكتاب :":
رسمتك الاخيره ممتازه حبيت طريقتك الجديده في التلوين لاكن من سونيا جرهام :0) الصراحه انا ما قرأت من القصص في حياتي اللا اعداد قليله من
مجلة ماجد :D (( الممله )) ...
ننتظر الكومك ;-) ok سلام cye
رسومك حلوة اخ جراح ^^
دقيقة وايد رسمة الفرعون... عجبتني المومياء بشرايطها واربطتها ^^
تعرف .. رسمك اكثر شي روعة فيه انك تعتمد الاسود كظل وبعدين تلون.. نفس الكوميكس الامريكي...
^^ الوانك... رهيييييييبة........
يقولون الايادي تختفي من اجسام اصحابها هاليومين...
يعني لا تتعجب..
شاهين.. يدك تسلم عليك :6
الله بالخير
أخيرا افتتحنا أول موقع عربي للكوميكس ... كوميكس عربي رسم و تأليف ... من رسومي و أصدقائي .... للي يبي يشوف الموقع هذا أهو ... و عطونا رأيكم
http://comics.rewayatnet.net/
جـراح
شايف محّد اهتم بالموضوع!!!
شباب أنصحكم بالكوميكس اللي قال عليه جراح.. ترة القصة حلوة و الرسم بمستوى عالمي!
سلام
مبروك اخ جراح على الموقع والكوميكس اللي اخيرا صار حقيقة ^^
ما جفت الموضوع اول مرة الا وانا في الشغل وانشغلت فما حبيت ارجع افتحه الا الخميس علشان اكون فاضية واقعد اقرا على راحتي واتمقل في التلوين والرسوم ^^
ترى للحين... ما فتحت الموقع...
بس حبيت اكتب هالرد قبل لا ابدا بالقراية...
انشاءالله اكتب رد ثاني بعد ما اخلص واقرا الكوميكس...
بالتوفيق اخ جراح ^^
السلااااااام @ @
الموقع واااااااااااااايد مرتب :)
و إخراجه حلو وممتع ;)
( ترا للحين ماكملت جولتي فيه )
بس حبيت أكتب تعليق :6
و موفقييين :D
مرحبا ...
يا جماعة تسلمون ما قصرتوا ... إذا عجبتكم عيل صوتوا في موضوع معين يطلعلكم اللنك ماله بعد ما تخلصون ... و كتبوا رأيكم هناك أنا على طول أشوف الردود
على فكرة أبي أحد من المشرفين يقولي ليش أسمي تغيّر من Jarah إلى Joutaru ???????????????????????
جـراح
وااااااااو الموقع عجيب ^^ .... وايد حلو تصميمه و الرسوم اللي فيه عجيبه .... :)