تايدوس الى هذا اللاعب المحترف والمندوب المرموق من سكوير

تايدوس يا كثر حسادك لانك مندوب من سكوير انا :( لما اشوف ناس تحسد واحد زيك انت تعتبر عمله نادرة لم تتكرر ولن تكرر
فارجو منك انك ما تتأثر منهم ومن كلامهم لانهم يتمنون انك
تترك سكوير (الي هم بدونك ولا شي ) فكل ما اريد منك انك تواصل وتجيب الاخبار لزملائك قبل ما تنزل بسوق واتمنا لك التوفيق
وتقدم وعقبالها انشاء الله رئيس الشركه :) بس هاه لا تنساني ;)
على العموم انا عندي سؤال بسيط بما انك مندوب انا ماعرف وش تعني كلمة مندوب ؟؟؟؟ انا ما فهمت يعني وش طبيعة عملك الحقيقي
وش مهمك مع سكوير هنا يعني سكوير حاطتك مندوب على ايش ؟؟؟
في النهايه ارجو انك تأخذ موضوعي هذا بكل جديه وتفاعل
شكرا :)

هلا فيك يا المحقق الجنائي للمجرمxbox
وشكرا لك على هذا الموضوع إلي على الأقل يمكن يهدي الوضع شوي و يمكن يشبه شوي
أنا مهمتي عند شركه سكوير سوفت " ناشر أخبار كدرجه أولى " لأني عرفت عندهم إي أنشر أخبار في أفضل منتدى عربي
يعني جموع العرب في هذا الموقع = اللاعبين العرب يعرفون أخبار سكوير
و أنا أخبرتهم أن هذا لا يكفي و نحتاج لموقع و لم نأخذ غير الوعود كل العاده
و كما إني جربت مع سكوير البرمجه حيث حاولت البرمجه في خلفيات اللعبه

اهلا يا تييدوس ومشكور على الرد بس انا مستغرب من شي
انا خابر ان المندوب يزور الشركات ليعقد عقود ولا مناقصات
مع الشركات الثانيه غريبه!!
ماشاء الله برمجت !!! انا خابر ان الخلفيات ترسم رسم مهب برمجه
لكن يلله بما انك مندوب مبتدء معك عذر اما انا من زمان وانا
مندوب في شركة كونامي اي شي تبيه انا جاهز عقد صفقات
ولا مناقصات ولا اي شي فنحن نعتبر شخصياة مهمه
لكن انا اتوقع ان لعبتنا ميتل قير2 راح تتفوق على لعبتكم
فاينل 10 .

:أفكر: غريييييب، تستهزئ في البداية من تايدوس، وبعدين تقتنع بهذه السهولة، همممممممم.

تايدوس مصدق السالفه

اخونا يستهبل عليك و انت مصدق و ماخذ الموضوع بمحو الاميه عفوا بمحمل الجد

____________

المحقق

كفايه هبل ...بهدلتوا الرجال خلوه في حاله ...ظلمتوه :D

تحياتي

هلا و الله بالمحقق وش اخبار اخر رحلة لليابان ؟؟
تراني كنت هناك عند كابكوم بس ما حبيت ازعجك لانك دايما مشغول الله يهديك ..
على العموم حبيت اسألك وش صار على اقتراحي اللي قلتلك كلم هيدو عنه ؟؟
ترا كابكوم كلها موافقة و تستنا ردكم بسرعة الله يسلمك ..
الفكرة لاعضاء المنتدى :
ان تقوم كابكوم و كونامي ببرمجة لعبة تجمع بين سوليد سنيك و كرس ريدفيلد في لعبة داخل مقر امبريلا حيث عليهم ان يقوما بالتحري عنها و لكن طبعا يحدث خطأ ما فيفترق البطلان داخل الشركة حيث يقع كرس في غرف التجارب و يقوم بقتل الزومبيات و الوحوش الاخرى بينما يكمل سوليد سنيك طريقه داخل المقر بالتخفي و التسلل ..
هذا شرح الفكرة باختصار ..

تايدوس اصطورة لن تتكرر :) اخ يا تايدوس لو يعرفون ثمنك في هذا المنتدى بس لا حيات لمن تنادي يظنون اني استهبل
انت فعلا ملك سكوير وليس مندوب فقط لان هيدو كوجيما طبعا المشرف
على في الشركة(كونامي) يقول اننا نتفاوض(مع سكوير) نبي تيدوس مندوب لنا ولكن الشركة رفضت رفضا قاطعا لحبهم الى تيدوس
الي انا القبك بنجم الذهبي انا حاولت اني التحق في سكوير بس
رفضو لانهم قالو تايدوس يكفي وانت لست مثل قدراته اخ بس

هلا عماد والله كلمت هيدو وقالي والله فكرة في محلها لكن ابعرضها الى مجلس الشركة ولكن هو على العموم وعدني وقالي بس يبيلها
وقت ممكن سنتين على الاكثر وانا انشاء الله راح الح عليهم
الا وراه من وسع الفكرة وندخل فاينل معى هذي الصفقه لانك مثل
ما انت عارف عندهم تايدوس وهو بحد ذاته شركة كامله ما شاء الله
عليه وقالي هيدو اهم شي يكون تايدوس يرسم الخلفيات حقة هذي العبه الله يعين اتمنا ان تايدوس يوافق

سنتين ؟؟
مو تقل طويلة ؟؟
اذا كانت سكوير تبي تطلع 50 لعبة في سنة كابكوم و كونامي ما يقدرون ؟؟
طيب فعلا تايدوس هذا تحفة ما اظن ان سكوير تبي تتخلى عنه اعتقد يتخلون عن رئيسهم و لا يتركون تايدوس ..

و كما إني جربت مع سكوير البرمجه حيث حاولت البرمجه في خلفيات اللعبه

يا سلام برمجة خلفيات :)

تقول ناشر اخبار ؟؟؟؟

غريبة ليه ما نشوف المواقع بالشرق الاوسط و جنوب اوروبا و شمال افريقيا تعتمد عليك في نشر الاخبار ...و المفروض نشوفك في برنامج بغ بايت و كمبيونت و غيرها .

و على فكرة المفروض تسوي مقابلة مع موقع Games4arab لانهم اصحاب المنتدى علشان تعطيهم اخبار حصرية من سكوير ......صح ...ويمكن يسوون معك مناقشة و اسئلة و جوائز

زين زين ....معليش خيرها بغيرها

انت تقول لسكوير تسوي موقع للعرب :واو: قوية ...

على فكرة نسيت اقول لك جاني تلفون من المستر هيرنوبو ساغاجوتشي يقول لك ليش تاخرت ترى هو ما يقدر يصمم فاينل فانتسي 10 الا بمساعدتك له و بيخليك تبرمج الخلفيات على كيف كيفك .

و رسالة ثانية من صديقتك اليسا الي تعرفت عليها تقول لك تريد تجيب لها شوية بخور و شوية دهن عود مع ماء زمزم و عباية فاخرة ....و اخوها الصغير يسلم عليك و يقول لك لا تنسى تجيب له الهدية الي انت وعدته فيها .


و تحياتي لك

+)

الحمد لله على النعمه
أقول يا FAS أنا عارف من البدايه إن العبقري جالس يستهبل قلت أتماشى معاه
بعدين يا هو خلفيات فاينل فاتسي 10 تبرمج لأنها ثلاثيه

الخلفيات خاصة إذا كانت ثلاثية أبعاد تتبرمج مو رسم فقط...
مثلاُ لمّا تتحرّك السماء أو لما تظهر الشمس و الأفق الخ... هذي كلّها ما تحرّكت إلاّ بالبرمجة

هههههههه جاك الخبراء يتفلفسون
قال ايش الخلفيه تبرمج وثاني يقول التحريك يبرمج والله حاله
حتى الي ما يدرون وش الثر دي بدو يتكلمون انا مستعد ارسملك
اي خلفيه تبونها كل ما عليكم تطلبون وش ارسم وهذا تحدي بيني وبين تايدوس تبون عرض خلفيه على عيني وراسي (بس في العطله انشاء الله)
البرمجه يا احبائي
في العب فقط وبصفتي طالب برمجة من البديهي اني اعرف اكثر منكم
يلي تدعون وانتم ما تعرفون شي انا ابي شي واحد ولا ابيكم تعبون انفسكم ابي اذا كنت تفهم بلبرمجه يا تايدوس بيك تصلح برنامج
بسيط وسهل بس ابي برنامج يرتب الاعداد لما اعطيه اعداد عشوائيه
ولا تدري ابي يجمع الاعداد الي ادخلها في الكمبيوتر باي لغة(اذا كنت تدري وشي لغات الكمبيوتر )
ولا ابي خلفيات ولا شي وبعدين الرسم يا حبيبي يتم في برنامج اسمه ثري دي استيديو الاغلب (فيه برامج ثانيه بس ليست كقدرة ثر دي استيديو ) وعلى فكرة تراى رسم فاينل ليل تدعي انك رسمت
او برمجة على قولك ترها قاضيه من 96 لانها هذي الي تشوفها
(فاينل 10 ) تعتبر مجرد تطويرات لي فاينل 7 وبعض التغيرات الازمه لاتحسب يا مندوب ان الشركة راح تحط برنامج خاص لكل جزء
لانه هذا مكلف ولا له داعي .
وانما النقله بين فاينل 6 الى 7 هذي الي تم البرمجه فيها من الصفر اما التعديلات فهي في الرسم وقليل في البرمجه .
يمكن اكون شايف نفسي في هذا المقال بس صدقوني هذا بيني وبين تايدوس الي قرب (او ادعى البرمجه ) وهو وقع في الفخ لانه هذا تخصصي اذاكنت صادق انا اتحداك وانا عارف انك ما راح ترد
لانك لست بمبرمج ولا تعرف شي في البرمج (الهيكليه) او المعقده
ولا انت رسام بعد وعنديلك معلومه صغيره تفيدك في البرمجه
مع سكوير وهي انه يا حبيب الرسم عالم لوحده والبرمجه
عالم ثاني ولا فيه موضف واحد في اي شركة بلعالم يرسم ويبرمج
في نفس الوقت لانه كلا له اختصاصه .
بنسبه لك يا رشن911 انا انصحك انك تشوف احد برامج الرسم
الثري دي لانه كلامك مهب لم جادة الا اذا كنت تقصد في العب وليس العرض فهاذا صحيح .
شكرا لكم والمرة الثانيه ارجو ان اي واحد ما يقول شي الا هو تأكد منه زي اسمه .
على فكرة هذا الموقع يثبت صحة كلامي
http://max3d.3dluvr.com/singleanimation.php?anid=109

المشكله إني مو فاضي لكم أنتوا ألحين أنا مشغول ومو موجود في ..................
:غضب: :غضب: :غضب: :غضب: :غضب: :غضب: استنوا أفضى لكم بس

حيلة العاجز :):)

هههههههههههههههههه (والله المنتدى صار مهزله)
يا المحقق اريدك ترسملي مغامره او خلفيه و تتحرك بل cg او بل 3d
-----
يا تايدوس......ماريد اتكلم......
----
فاس و الله كلامك صح هههههههههه
--
الباقين شويه شويه على المنتدى هههههههه

Ok حد يعرف فيكم اصلا معنى الcg :)
والله حاله فاضين

طيب ؟؟؟؟؟؟؟؟؟؟؟ أنا عاجز ؟؟؟؟؟؟؟؟؟؟؟؟؟؟؟ طيب؟؟؟؟؟؟؟؟؟؟؟؟؟؟
:غضب: :غضب: :غضب: :غضب: :غضب:

؟؟؟؟ أنا متعجب ياتايدوس لماذا لاتحذف ردودهم الصبيانية؟؟؟ فقط حرصاً على سمعتهم لاغير.

حاضر وممنون يا a.m.k
ابشر امر بلي تبيه غالي والطلب رخيص بس قلت لك في العطله لاني
الحين بدأت اختبارتي في لجامعه
بنسبه للعرض انا صراحه تخصص ثر دي وانا اشتغل على عرض
اما الخلفيه عندي خلفيات جاهزه بس كيف اثبت لك اذا كنت تبي الخلفيه انا عندي بس مارح تصدق الا اذا طلبت انت خلفيه معينه ثما سويتها لك صح .
هذا دليل وانت معك حق بس اصبر خل افرغ وانا حاضر بلي تبي
بس انا ابيك تعطين مواصفات دقيقه وتكون رسمه او عرض قصير
مهب تمسكنا عرض اكثر من اللازم بس مثل ما قلت لك في العطله
زين ;)

معليش يعني بس على طاري الخلفيات ماقول اني انا فاهم وللا شي بس اني اتذكر اني قريت بموقع videogames.com عن الفرق بين realtime background و pre-renderd backgrounds
الpre -renderd مثل ما كلنا عارفين هي اللي تكون ثابته مثل اللي بفاينل فانتاسي ورزيدنت ايفل

وقريت برضه انه اللي بفاينل تسوى باجهزه خارجيه غاليه وبعدين تحط باللعبه
اما الrealtime backgrounds واللي منها الخلفيات ثلاثيه الابعاد فهي اللي يمكن يصير فيها تغيير وطبعا لا يمكن انه يصير تغيير من غير اوامر من البرنامج
وهذا طبعا اللي مكتوب بالموقع
والسلام

السلام عليكم كلامك يا اخي صحيح
بس هذي حاله خاصه للعروض الضخمه كثيرة المضلعات اما الاجهزه
العاديه فابإمكانها ان تسوي عروض ولكن من المستوى المتوسط
اما زي عروض فاينل هذي صعبه يبيلها اجهزه ضخمه اما اي خلفيه
مهما كانت فممكن تسويها حتى في كمبيوتر ضعيف القدرة

هاهاهاهاهاهاهاهاهاها
هاهاهاهاهاهاهاها
هاهاهاهاهاهاهااااااااااااااااااااااااا

للأخ اللي سأل عن معني CG هي اختصار لكلمة Computer Graphics و البعض يقول انها Computer Generated graphics ..

بعدين يا شباب الله يرجكم من زمان ما ضحكت على موضوع مثل اليوم :D :D
و بصراحة ودي اجلس معاكم لكن مياموتو معي على التلفون الظاهر ان الجماعة مختبصين هناك في معرض E3 و يبون فزعتي نشوفكم على خير:D :D

لصنع عروض فينال فانتسي تاخذ سكوير سوفت الشخص المراد في اللعبه و يبدأ يأ خذون الموجات الحراريه في جسمه بعد ذلك يبدأون في أخذ تفاصيل وجهه ثم حركته ثم......... ثم ............ ثم ............ وذاك عن طريق أجهزه عاليه القدره بل فائقه القدره تكلف الملايين ....................

يا سلام الموجات الحراريه في جسمه (وش قاولك يبي يسوله عمليه )
لاجهزه صح اجهزه عالية القدرة بس ما هو الرنامج المستخدم
طبعا ثري دي استيديو
وانا اشتغل الان على عرض فاينل 11 :)

أنا كان فصدي تبرمج في اللعب ياالمحقّق...

بعدين ما أعرف عن الموجات الحرارية لكن في عروض بعض الألعاب يأتون بممضلين أو لاعبين و يصوّرون حركاته باستخدام أجهزة خاصة و من ثم يصنعون العرض السينمائي(استحدمت في فيفا).

ملاحظة: حاولت أن أدخل المنتدى أكثر من مرّة في الأيام الماضسة لكن يبدو ان هناك مشكلة ما أواجهتكم نفس المشاكل؟

نعم هذا معروف يأخذون الحركات اما الموجاة الحراريه؟؟؟؟؟؟
وعلى فكرة استخدمت بعد في لعبة انوموشيا

أنا أخبرك إن سكوير ما تستعمل ثريدي ستوديو ماكس بشكل معتمد هي تعتمد على البرامج الخاصه فيها و إلي تتفوق على الكل فيه فنجد أن في برامج سكوير تستطيع دمج الخلفيات الصامته مع جوده العروض السينمائيه مع الرسوم العاديه وقد تفوقت كثيرا سكوير في هذا المجال
أما عن أخذ الموجات الحراريه فهاذي موجوده واستعملت في فاينل فانتسي 9 بشكل فرعي و 10 بشكل كلي لأنها أدق بكثير من طريقه أخذ الحركه عن طريق المجسات التجسيمية

من قالك انها ما تستعمل ثري دي ولا نسيت الموقع الي عطيتك
اصلا هذا دليل انه ما عندك سالفه لان الرسم عالم والحركة عالم
ثاني والاضاءه كذلك و..........الخ
اما تحسب ان سكوير لها برنامج خاص؟؟؟؟؟؟؟؟؟
وبعين من قالك ان ثري دي استيديو قدراته محدوده بل غير منتهيه
وانت شكلك ما شفت عرض من ثري دي استيديو لكن احب اقولك
انه هذا البرنامج الي اكبر من سكوير كلها رسم فيه فاينل 7و8و9و10و11 و.........
وسيضل هذا البرنامج اكبر مما تتوقع يا تايدوس لاتقول انه هذا
البرنامج قدراته ضعيفه علشان اشتغل عليه ؟؟؟؟؟؟ وانت تظن
ان سكوير معها برنامج مميز لا طبعا نفس البرامج الي معنا
ولا تفاجأ اذا كنت لا تعلم لكن المهم هو الفكرة وتخيل لاما ترسم
وقدرات الاجهزه المستخدمه في الرسم يعني كأاي جهاز عادي
ما تستطيع تتحكم في المضلعات الرسم الى العدد الي تبيه لان
هذا يثقل على الجهاز ويمكن يقوفه عن العمل (يهنق) هنا مربط
الفرس وليس في البرنامج !!!!!!!!!!!

من قالك انها ما تستعمل ثري دي ولا نسيت الموقع الي عطيتك
اصلا هذا دليل انه ما عندك سالفه لان الرسم عالم والحركة عالم
ثاني والاضاءه كذلك و..........الخ
اما تحسب ان سكوير لها برنامج خاص؟؟؟؟؟؟؟؟؟
وبعين من قالك ان ثري دي استيديو قدراته محدوده بل غير منتهيه
وانت شكلك ما شفت عرض من ثري دي استيديو لكن احب اقولك
انه هذا البرنامج الي اكبر من سكوير كلها رسم فيه فاينل 7و8و9و10و11 و.........
وسيضل هذا البرنامج اكبر مما تتوقع يا تايدوس لاتقول انه هذا
البرنامج قدراته ضعيفه علشان اشتغل عليه ؟؟؟؟؟؟ وانت تظن
ان سكوير معها برنامج مميز لا طبعا نفس البرامج الي معنا
ولا تفاجأ اذا كنت لا تعلم لكن المهم هو الفكرة وتخيل لاما ترسم
وقدرات الاجهزه المستخدمه في الرسم يعني كأاي جهاز عادي
ما تستطيع تتحكم في المضلعات الرسم الى العدد الي تبيه لان
هذا يثقل على الجهاز ويمكن يقوفه عن العمل (يهنق) هنا مربط
الفرس وليس في البرنامج !!!!!!!!!!!

إسمحلي أخبرك إنك على خطأ
أولا : أنا أستخدم ثري دي استديو ماكس الإصدار الرابع و عارف إنه روعه و كبير و كل شيء بس هو ما يستخدم في ف ف بشكل فعلي وكبير و الدليل إن الشركات الثالنيه هي إلي تطلب من سكوير أنها تساعدها في برمجه عروض معينه من اللعبه " مثلما حصل في ميتال جير 2 و سايلنت هيل 2 و غيرها من ألعاب البلاي ستيشن "
ثانيا : " سكوير هي بنفسها تصنع نظم البرمجه الخاصه فيها و هي تستخدمه كعامل أساسي في حركه الشخصيات و وتجسيدهم الحي "

يا تايدوس تراي متأكد مرة من كلامي وانا جبت لك ادلة كثيره
يثبت انه فاينل مصلحه في ثري دي استيديو وثري دي استيدو
عالم كبير يا تايدوس وفيه برمجة وفيه فلاتر وقادر يزين احسن من عرض فاينل 10 واذا تبي اوريك انا جاهز بس انت اشر اشارة

أنا عارف ............ أنا أستخدمه .................... بس أنا أتكلم عن استخدام سكوير له سكوير ما تستخدمه بشكل فعللللللللللللللللللللللللللللللللللللللللللللللي بس تستخدم برامجها الخاصه فيها في البرمجه و و الموقع إلي جبته ما يدل على شيء أعتقد كان يتكلم عن فاينل فانتسي 7 أو 8 أما ألحين سكوير تغيرت و قامت تستخدم برامجها الخاصه إبتداء من التاسع إلى ما لا نهايه

ابدا (على قولة اشقائنا السودانين )
اي اخي يا تايدوس والله تراي عارف وش قاعد اقول وبعدين انت
تتكلم عن الموقع الي انا معطيك ايه لكن للاسف اتضح لي انك ماشفته اصلا هذا الموقع ما فيه فاينل 7 ولا 8 ولا 9 حتى
في 10 بسسسسسسسسسسسسس يا تايدوس يا يا عزيزي كفاية احتيال خلك يا على ارض الواقع زي ما حنا عايشين.
وبعدين سبق وانك قلت قدرات ثري دي استيديو ضعيفه ؟؟؟؟؟؟؟؟
كيف وهو مصله فيه فاينل 8 وتبي احسن من عرض فاينل8 (هذا على
عسب كلامك انه بس فاينل 7 و8 )

اذا بالامكان اشارك وهذي اول مشاركه لي من كم شهر

بالنسبه للبرامج المستخدمه لصنع الالعاب
فاحب اقولك ياالمحقق ان معلوماتك يمكن يكون فيها شويه غلط
ماكس هو الستاندرد لمعظم الشركات اللي تنتج الالعاب
لكن هذا مايشملهم كلهم
لان فيه برامج ثانيه تستخدمها الشركات لكن على نطاق محدود بالشركات الكبيره فقط.
والسبب ان الماكس 1-كافي لاي عمل بسيط 2-سعره رخيص
3-مايلزمله محطات عمل عاليه القدره 4- plug-ins تتوافر له بشكل كبير ليسد النقص بينه وبين البرامج الكبيره
5-واهم شئ هو ان الماكس يوفر ادوات بوليجونز ويرتبها بشكل يسهل على اللي يصممون الالعاب انتاج اعمالهم باسرع وقت

السؤال هو هل يستخدم ماكس للسلسه فاينل فانتسي
الجواب نعم. وهو شئ طبيعي فمثل ماقلت الماكس هو البرنامج العام والاداة الرخيصه المتوافره عند معظم الشركات
الشئ الثاني انهم في الشركات الكبيره مثل ماقلت يستخدمون البرامج الاكبر ومعها برامج ثانيه
فمافي شركه (كبيره) في العالم تعتمد على برنامج واحد
وسكوير واحده من هذي الشركات الكبار

اما البرنامج الاساسي المستخدم في سكوير فهو
Maya
سكوير معروفه انها مستخدم كبير لمايا و ff8, ff9 استخدم فيهم مايا بشكل اساسي مثل الفيلم الخاص بسكوير فمعظمه مايا
طبعا مع استخدام برامج سكوير الخاصه لان معظم الشركات الكبيره تبرمج وتنتج برامج صغيره خاصه بها تسميها برايورتي سافتوير

وبخصوص موضوع الخلفيات اللي تبرمج الظاهر انكم خبرتكم قليله. لان التصميم باستخدام برامج الثري دي هو اصلا عباره عن سكريبتس
او لغات برمجه تم تحويلها الي برامج بواجهات (جرافيكال)
وكثير من البرامج بما فيها الصغيره مثل الماكس تمتلك ملحق للسكريبتنج الخاص بها ويكون بمقدور الي يمتلكون خبره في البرمجه انهم يعتمدوا عليها

لدرجه ان البرنامج الضخم مايا تقدر تعمل اي شي بملحق البرمجه تبعه وتقدر تستغني عن بقيه البرنامج

اخوي المحقق انت شكلك من المتحمسين للماكس لانك توك تتعرف على هذا العالم اللي هوعالم ال CG
وطبيعي اي واحد يدخل في عالم الثري دي يواجهه الماكس في البدايه لانه متوافر في كل مكان وعند كل واحد (مثل الفوتوشوب)
لكن نصيحتي لك جرب مايا لمده خمس دقائق فقط. اقسملك بالله اذا مارميت ماكس مع الباب فانا منيب رجال :)
يمكن ماتستغني عن الماكس اذا كان جهازك ضعيف لان المايا يتطلب جهاز قوي لكنك رايح تدرك مباشره ان الماكس هو البرنامج الشعبي فقط مش البرنامج الاعظم
واذا مالقيت نسخه من مايا فراسلني على بريدي يمكن اقدر اساعدك
انا من يوم حصلت على نسختي من Maya Unlimited وانا متبرع بالماكس لصديقي

اخر شي (ومعليش على الاطاله) فانا ماقد سمعت بشي اسمه مجسات حراريه
فيه شئ مشابهه للوصف لكن هذا مستخدم على نطاق محدود بشركات ننتندو وهو اللي يمكن من التقاط صوره للوجه واستخدامها على الكاريكترز مثل اللي موجود في بيرفكت دارك او جولدن أي
اما سكوير فماعمري شفت تجسيم لوجهه حقيقي على احد شخصيات ألعابها
اظنك كنت تقصد موشن كابتشر يا تايدوس وغلطت لان سكوير فعلا تستخدمه بكثره

اسمحوا لي أن ابدي رأي من تجربة شخصية.

في معرض ُE3 ذهبت الى موقع Square وعندي بطاقة صحفية (أخر يوم) لأحصل على عدة صحفية Media Kit. الجماعة قالوا لي من أين أنت قلتلهم من ps2pc.com موقع يهتمك بالشرق الأوسط وبالقارىء العربي تحديدا وأتطلع ألى أن أخذ عدة الكترونية Media Kit وذلك لننشر أخبار عن مشاركتكم في المعرض فرد علي مسؤول العلاقات العامة:
"We have absolutly no interest in the middle east and we have very few kits to give away, apologies
"

بما معناه أنه ليس لدينا أي اهتمام بمنطقة الشرق الأوسط وهذه العدة الصحفية المتبقية لدينا قليلة ولا يمكننا أن نعطيك واحدة، تقبل إعنذارنا"

ثم تأتي وتقول أنهم يعينون مندوب للشرق الأوسط .... لا أعتقد ذلك

ما يهتمون بالشرق الاوسط ؟؟
اجل كيف مخلين تايدوس مندوب ؟؟
و بعدين الظاهر ان الاختبارات الجامعية -مع انها المفروض تبي تنتهي و تبدا اختبارات المدارس -اشغلته عن المنتدى يعني لو كان جامعي على حسب كلامه كان شفناه لكن الظاهر نه يدرس في الجامعة على النظام المدرسي :p

السلام عليكم
شكرا يا اخي ليتكال على المشاركة
وشكرا لكل من ساهم في هذه الموضوع
اهلا يا اخي :JJ Max
شكرا لك على هذا الرد الجميل
واريد ان وضح بعض النقاط التي فهمتها يا اخوي ماكس بشكل اخر
انا عارف انه فيه برامج كثيره لي الرسوم الثري دي وغير ماكس
ولكن الناقاش هنا عن فاينل وسبق اني شفت برامج ثانيه
مثل سوفت ايمج والكثير لكن مثل ما قلت لك نحن في صدد فاينل
و هذا البرنامج مايا والله ما اعرفه فممكن تأخذ بريدي على الهوت ميل لان بريدك ما ادري وين هو :(

وانا كنت اتكلم عن فاينل بخصوص مايا
ماكس تم استخدامه
بس سكوير مثل ماقلت تستخدم مايا بشكل رئيسي وايضا بعض البرامج الداخليه اللي برمجت عن طريق فرق تطوير السافتوير الخاصين بسكوير

جرب مايا يوم وتشوف وش اقصد. وراح تعرف ليش صار لقبه
(King of the hill ) لبرامج الثري دي انميشن

لكن نصيحه اذا كان جهازك مش 100% قوي وبذاكره عاليه
وايضا اذا كان الفيديو كارد عندك مايدعم open GL فما راح تقدر تشغله صح

شيك على جهازك وشوف مواصفاته بالمقارنه مع اللي فوق
واذا كنت تبغى كوبي من البرامج انا اقدر ارسلك نسخه
انا اليومين عندي شويه فراغ لان اختبراتي على وشك تنتهي وايضا عندي نسخه اضافيه من البرنامج فاذا كنت مهتم راسلني على عنواني

matrix741@hotmail.com

تحياتي