ماهي طريقتك المفضلة لمشاهدة anime?

السلام عليكم
ماهي طريقتكم المفضلة لمشاهدت المسلسلات؟
هل تفضل مشاهدة المسلسل مرة واحدة متواصلة في يوم واحد او يومين(ماراثون)

ام

تشاهدعدة حلقات من مسلسلات مختلفة في اليوم الواحد

ام

حلقة في اليوم

ام حسب الظروف والوقت المتوفر

اعتقد حلقات احسن:p

اقعد تفرج على نفس المسلسل الين ترقد... ثم قم... و كمل..


و على كذا الين يخلص المسلسل ?:

انا احب اتابع المسلسل الى مايخلص واذا خلص اتابع مره ثانيه sub :D

كل ما يجيني انيمي جديد اجلس في الغرفة و لا اطلع الا بعد ما اشوفه كله.. :D

أنا كان على النت حلقة حلقة بالدور كل ماخلص تنزيل وحدة ابدي في اللي بعدها... واشوف الحلقات كل وحده اول ماتنزل:6

أما لو اجيب افلام اتحرى لين ما الجو يصفى ومارثون انمي على طول:D

أنا مثل ما قال Touya بالضبط ;) :D

انا اطالع حلقه او حلقتين ورى بعض بس ... لاني اتعب لما اقعد جدام التلفزيون فتره طويله :)

الا لو كنت قاعده اطالع مع اخواني اقعد اطالع شريط كامل او اكثر ^^ عشان نقعد نعلق عالمسلسل و نضحك و نعيب ساعات عالشخصيات اللي نكرهها هههههههه :D


بس طبعا افضل اني اطالع حلقه او ثنتين .... حتى لو كان عندي مليون شريط مو شايفته ما اطالعهم ورى بعض لاني اتحسف يخلصون و ما يسير عندي شي يديد اطالعه :أفكر:




شكرا عالموضوع ^^

ههههههههههه تجيني دفعات انيمي!!!

ويصير عندي بيانات شتوي قصدي انيمي داخل غرفتي
وماطلع الا اذا يبون ينظفون الغرفه هههههههههههههههه


مره جتني 27 dvd هديه هههههههههه

اهلي نسوا شلون شكلي هههههههه

لازم اطفي الانوار واخذ التلفزيون الكبير لانه الdvd لازم شاشه كبيره تفتح النفس هههههههههههه
ونجهز الفشار والبيبسي

اقتباس:

---

كل ما يجيني انيمي جديد اجلس في الغرفة و لا اطلع الا بعد ما اشوفه كله

---

على حسب..

احيانا تييني دفعات انيمي وايد فانسخهم كلهم بسرعة (علشان يصيرون لي) واقعد بعدين اجوفهم على راحتي.. شوي شوي (لازم نخش شوي للايام الصعبة)

واحيانا يوصلني شريط او شريطين فاجوفهم على طول

على العموم.. عندي كميات ماجفتها للحين.. :) وكل ما اجوف نفسي فاضية احط لي شريط :) جذي احسن.. علشان احس ان المخزون عندي ما يخلص :D

ما أعرف أشاهد أي برنمج أو مسلسل إلا و أنا وحدي
(( ما أدري ليه ؟؟؟!!!))

احسن شي اذا شافه
الشخص وهو مكيف
كوووووووول وطبعا في هدوء تام
وبالعكس افضل شي عندي متابه النمي
بس ابغى اكثر افلام انمي=وعذرا اذا كنت خرجت عن الموضوع==
بس حبيت اسال وين المحل المتخصص بالانمي او يوجد بكثرة فيه انمي بالرياض؟؟؟؟!!! بليز جاوبو لي

وشكرا

شوف أخوي لمن يجيني مسلسل جديد أتفرج عليه لوقت محدد بعدين أقفل:)

عشان أتخيل ايش بيحصل بعدالحدث الي وقفت نفسي عنده وأحمس نفسي الين يجي اليوم الثاني وأكمله وعلى كذا:D

بس بصراحة لمن أرجع أكمله أكون متحمس مررررررررررررة وما اقدر أستنا يوم ثاني واذا استنيت يروح الحماس زهذا أقهر شئ عندي:p




تحياتي:KYO2":"

والله شوفواعلى حسب الأنيميشن سواءً كان سيزن ولا موفي المهم يكون

قوي انشد لا إرادي وماقدر اقوم إلا وانا قضي عليه اما إذا كان عادي مهو

مهم لاكن ما يجلس بيدي يومين [لا تحسبوني من كلامي ميكانيكي]:6

والكمدي انا ما اخلصه بسرعه والأكشن هو الي يشدني ....

تصدقون اني والشباب اخوياي شفنا بيرزيرك في ليله ...دخلنا الملحق

وشفناه من اول حلقه الين النهاية المؤلمة:"

وبعدين انا الأنيميشن ما أشوفه مرتين ما عدا vampaer hunter DوGTO و

trigun و golden boy و قلة هذي اهمها

وفي انيميشنات لها عندي اكثر من سنتين ما فكرت اني اكمله وإن فكرت

وكنت فاضي تنسد نفسي

وسلامتكم

أنا أحب أشوف الأنيمي مثلا كونان وأتابع لما يخلص وما أطوف ولا لقطة ويمكن اشوف حلقة ثانية اذا كانت تكملة

أما عاد فيلم أستانس لأن الأفلام حلوة وروعة :cool: :cool:

ومشكور على الموضوع

على حسب الانيمي ^_^



عادة احب اسهر عليه... اطفي الانوار واجيب اكل واتفرج الين ما انام.. واقوم اكمل :p


بس فيه بعضهم ما احب اشوفه لحالي... زي رانما مثلا.. اعزم صديقاتي ونشوف سيزن كامل بقعده وحده :p

اقتباس:

---

الرسالة الأصلية كتبت بواسطة Last_Angel
بس فيه بعضهم ما احب اشوفه لحالي... زي رانما مثلا.. اعزم صديقاتي ونشوف سيزن كامل بقعده وحده :p

---

انا بعد احب اشوف رانما مع اخواني :) مو بروحي يعني ^___^

اقتباس:

---

الرسالة الأصلية كتبت بواسطة {gaia_girl}
كل ما يجيني انيمي جديد اجلس في الغرفة و لا اطلع الا بعد ما اشوفه كله.. :D

---

زيي بالضبط :)

إذا الأنمي حلقات ... أشوف كل يوم حلقتين أو 3 حلقات بالكثير علشان ما أمل وبعدين أكملة :)

أما إذا كان الأنمي فيلم فلازم أكملة من بداية لحد النهاية :D

أما طريقتي في المشاهدة .... الغرفة مظلمة ، هدوء ، محد من أخواني جنبي :6

اقتباس:

---

الرسالة الأصلية كتبت بواسطة Arsene Lupin
اقعد تفرج على نفس المسلسل الين ترقد... ثم قم... و كمل..


و على كذا الين يخلص المسلسل ?:

---

:p :p :p :p :p


Me 22:6