عرض للطباعة
دعونا نناقش المسببات التي تجعل عدسة البلايستيشن 2 تتجه الى الهلاك
هل يمكن تكون نتيجة لاستخدام الدسكات الدي في دي الغير الاصلية تؤثر على العدسة على المدى البعيد ... دون ان تحس بالاثر مباشرة بعد لااستخدام ... ام يكون باللعب المتواصل الذي لا يرحم الجهاز :D
؟؟؟
ماعتقد فيه عدسة في السوني 2 :أفكر:
واسباب خراب السوني اشرطة النسخ الكوبي الغر قانونية وتشغيل اشرطة تالفة خربانة تكرارا
حسبتك كاتب الأسباب :أفكر:
المفروض الموضوع يكون إسمه : ما الأسباب إلي تؤدي إلى خراب العدسه ؟
إذا كنت تبغى تعرف السبب :أفكر:
المهم: صراحه والله ما أعرف الأسباب أعتقداللعب المتواصل
سلملم مهند :D :D :D
يا كاسر الالعاب لو ما في عدسة بالسوني2 لو ما بتشتغل من اصله
ويا سكوال 9 يجب يكون الموضوع المسببات لاننا سوف نتوصل اليها انشتاء الله .......
شكرا لكم
أهاااااااا :D
طيب آسف
اعتقد ان اللعب المتواصل اهم سبب يؤدي الى خراب الجهاز :)
التقليد ومشاكله هو الي يخرب الجهاز والعدسة ...
لو معك جهاز جديد طازة من المصنع وما عبثت فيه أيدي المطورين ..صدقني لو تلعب فيه من اليوم الى صدور PS3 ماراح يصيبه شي :o ..
لكن هذا الكوبي والقطع ومشاكلها ولازم نتحمل ..
الغبار
اقتباس:
ستيف بورنسايد الغبار
والرياح ايضا :6
احب بس اقول ان العدسة لها عمر افتراضي وهو5 سنين بعد هذه المدة تصبح العدسة اقل كفائة بكثير من لما كانت عليه اول يوم وقد قال شنجي مكماي مصمم رزدنت ايفل ان سوني تتقصد هذا الشئ حتي تشتري جهاز جديد من اجهزتها
سلملم:Dاقتباس:
الرسالة الأصلية كتبت بواسطة سكوال 9
سلملم مهند :D :D :D
يا شباب أنا أعتقد اللعب المتواصل . أنا خربت علي العدسة ورحت صلحتها وبعدين عطاني الهندي عدستي القديمة وقالي شوف كيف مايعة من الجوانب من كثر اللعب المتواصل:D
العدسه لابلي ستيشن 2 حساسه لازم تهتمبه مثلا تغطي الجهاز إذا خلصت منه:D :D أسباب الخراب معروف
1- اللعب أكثر من خمس ساعات متواصله
2- تحريك الجهاز وهو شغال
3- بعض الاشرطه المنسوخه
4-الاشرطه المخشه
5-الغبار يلعب دور كبير
هذا عيب بلي ستيشن 2 حساس
والله متصدقون اني أقولكم أكثر خوياي خربانه عدساتهم
وأنا منهم :D :D
وشكرا:cool:
يقولون ان الدسكات (الدي في دي ) الذهبي يضر بالعدسة بشكل الخطير عكس من الدي في دي الفضي الذي لا يضر بالعدسة ... فمدى صحة هذا الكلام حيث ان الموجود في السوق جميعها دسكات ذهبية والفضية مقطوعة من السوق:(
:o :o :o :o :o :o :o
حسبت من عنوان الموضوع أني حصلت الأسباب اللي اللي تخرب العدسة :غضب: :غضب: :غضب: :غضب: :غضب:
لكن ماعلي عادي أنا أعتقد أنه لازم تحط في مكان مغلق مثل مجر أو كبت
لآنه يمعن الغبار من الوصول ألى الجهاز والعدسة أما الأشرطة إذا حطيت أشرطة مشمخة بسكاكين:p :p :p :p :p وين ماتخترب واللعب الكثير عليها
وهذا رأيي والسلام.
هو على حسب نوع الجهاز اذا كان ان تي سي فهو من كثر وقت اللعب لان عدسة الان تي سي ما تتحمل
اما اذا كان الجهاز بال فظني يكون مكان وضع السك يكون فيه حبيبات غبار مع الوقت تتجمع فا يحتاج تنظيف باسرع وقت والا بتحتاج العدسه الى جهد مضاعف الى قرات الدسك فالي عنده جهاز بال ينظف فتحة ادخال الدسك على الاقل مرة كل يوم
اللعب المتواصل واشرطه ps المنسوخه
ودعا الوالدين:6
لا مشكلة من اختيار اسم الموضوع ،، المهم نشر الفائدة ...
====
يا إخواني بعد أن رأيتكم حائرين ، وكل واحد منكم يعتقد بأن المسببات الرئيسية لتعطل العدسة هي الغبار والأشرطة المنسوخة و .... إلخ .
أحب أن ألفت انتباهكم إلى شيء بسيط :
يعتقد الكثير منكم أن عدم قرآءة العدسة للديسك المنسوخ بالشكل الجيد أن العدسة قد تعطلت !!
المشكلة أن الشركة المصنعة للجهاز وضعت معيار لطول الموجة ( أشعة الليزر التي تصدر من العدسة ) وهو النوع الإفتراضي لشركة سوني وهي ارتفاع القرص 74 نانومتر عن سطح العدسة !!
والتي صممت الأقراص الأصلية لقراءة البيانات منها على هذا الحد .
والمشكلة في الأقراص المنسوخة أنا تقرأ عن ارتفاع 120 نانومتر عن سطح العدسة ، لذلك يجب زيادة طول الموجة !!
وهو فرق كبير جداً بالنسبة للبعد البؤري للإلتقاط البيانات من القرص !! لذلك تأخذ فترة أطول وهي تلتقط البيانات من القرص وهذا بالتأكيد شيء متعب جداً بالنسبة للعدسة ، وهو يؤدي إلى استنزاف أقصى طاقتها عند التشغيل ...:واو:
ولحل المشكلة ، يجب ضبط المنظم ( وهو عبارة عن مقاومة متغيرة )
Verable Resestor والموجود أسفل العدسة ،، ويوجد منظمان ، الأيسر لأقراص الدي في دي ، والأيمن لأقراص السي دي ، وللقيام بعملية الضبط لقرآءة جميع الأقراص قم بإدارة كل واحد منهما ربع بوصة إلى اليمين لتزيد من طول الموجة ، وإلى اليسار لتقلل من طول الموجة .
قبل البدء بعملية التعديل ، من المستحسن جداً أن تضع اشارة على المكان الذي كانت مضبوطة عليه في السابق ، لأنه ربما تحتاج إلى اعادة الوضع الإفتراضي للمنظم فيما بعد .
هذا التعديل لا يوجد خطر منه ، ولا يضر بالعدسة إطلاقاً ، إنما يتحكم بطول خيط الليزر الدقيق الذي يقرأ البيانات من القرص .
هذه المعلومات بنيت على أساس علمي ، مع العلم أنني أعمل في محل لتصليح الأجهزة ، وإنني أستخدم هذه العمليات في إصلاح الأجهزة ، وأكثر الأجهزة تأتيني للتصليح بشكوى أن العدسة قد تلفت ، ولكن مجرد تحريك المنظم إلى اليمين ربع بوصة تكون المشكلة قد انتهت دون أي تصليح مادي في العدسة .
هذا التعديل ينصح به للأقراص المنسوخة ، ولا يهم اللون ، سواء ذهبي أو فضي أو أخضر ( اختر اللون الذي يعجبك ! ) ;-)
ليس كل من ادعى أنه فني أو مهندس فهو كذلك ، تذكر أن الشيء يبنى على أساس علمي وعملي أكثر من أنه نظري ، فكم من الأشخاص قد ذهبوا بأجهزتهم إلى الفنيين وغيروا عدساتهم ، لكن المشكلة تعود مجدداً كما كانت .
يفضل أن يكون الذي سيقوم بعملية التعديل لديه فكرة مسبقة في التعامل مع الأجهزة الدقيقة ، ربما يفتح أحدكم الجهاز ولا يعرف كيف يعيده :!
==========
بعد القيام بعملية التعديل ، يجب أن نأخذ أسباب الوقاية العامة من الأعطال وهي كالتالي :
1- قم بمسح حامل القرص بقطعة قماش جافة ومن النوع الذي لا يترك ( وبر ) أو آثار بيضاء ، كلما رأيت عليه طبقة من الغبار ، أو مرة كل يومين . أنا شخصياً أقوم بمسحه كلما أضع قرص في الجهاز .
2- قم بوضع الجهاز على مكان مرتفع ( طاولة ) ونظيف .
3- احرص على أخذ استراحة ثلث ساعة كل ساعة من اللعب .
4- لا تقم بتحريك الجهاز رأسياً أو عمودياً إطلاقاً أثناء تشغيله .
5- لا تستعمل أبداً الأقراص الغير مخصصة للبلاي ستيشن ، أو الأقراص التالفة إلى حد كبير .
6- قم باستعمال قرص تنظيف العدسة مع المحلول المخصص لذلك كل شهر على الأقل ، ولا تحاول مطلقاً استعمال أي شيء آخر غير مخصص لذلك .
7- لا تستعمل الجهاز إذا كانت يدك متسخة ، أو مبللة ، ولا تفكر بالأكل أو الشرب قرب الجهاز .
8- قم بمسح الجهاز بقطعة قماش رطبة كلما أحسست أن مظهر الجهاز متسخ .
9- قم بتغطية الجهاز عند عدم استعماله بقطعة من القماش ، أو بقطعة الإسفنج الرقيقة التي تأتي مع الجهاز عن إخراجه من الكرتون .
10- لا تدع الجهاز يسقط منك أو يتعرض لإهتزازات ، فالعدسة بالذات مكونة من أسلاك دقيقة جداُ ( شعرية ) ومن المحتمل أن تتلف أو تتقطع .
11- لا تترك الأقراص في أشعة الشمس أو في السيارة أو قرب مصادر الحرارة .
12- لا تكتب على القرص ولا تمسكه من جهة القرآءة ، امسكة فقط من أطرافه ، وبعد الإستعمال قم بوضعه في الحافظة البلاستيكية المخصصة له .
===========
اذ اتبعت عذه الأسباب ، فإنك بإذن الله سوف تعيش حياة هادءة وبدون مشاكل ومليأة بالفرج مع سيد الأجهزة PLAYSTATION2 بالتأكيد ...;-)
أسعد الله أوقاتكم بكل خير ،،،
المخلص لكم ، CV XBLOOD وقريباً Electronic boy
شكرا لك كثيرا يا اخ CV XBLOOD وبالفعل في بياع قالي بالامس انه هي مسألة موازنة فقط لا تؤثر بالعدسة ... ولكن اريد ان اعرف ما الافضل ان اعملها الان ام في وقت لاحق؟؟؟ وهل يوجد ضرر لو سويتها في وقت لاحق؟؟؟
العفو أخي Mohannad ،، بالتأكيد كلما عجلت في وزن العدسة أطلت عمرها ، وريحتها من عناء البحث الطويل عن البيانات التي على القرص المنسوخ .;-)
شكرا أخوي بس أحب أستفسر عن محلك وين فيه علشان اجي :D :D
وفيه محلات بالدمام;)
وأبسالك أنا بعض الايام أشغل شريط تطلعلي صورة الكرت ثمن أعيد التشغيل يشتغل بعض الاشرطه لاشغلته عندي وهي نضيفه لاخلصت منهن أشوف جلنطااااات ورا الشريط بسيطه شو:D
;-) ;-)
اهلا اخي CV XBLOOD والله الظاهر انك جبت الضايعة
فعلاً انا جهازي معذبني في شغلة العدسة وهل طريقة هذي اقدر اسوي بنفسي لاني عندي خبرة شوي في فك الجهاز وتركيبه وغطاء الليزر وغيره
وصراحة انا عندي سؤال لك انا اشوفك كاتب المدينة الرياض فياليت تقولي وين محلك لان ناوي اركب قطعة ديفيدي وجهازي Ntsc u/c datacode:1c 30001
الثاني انا عندي شريط الاكشن ريبلي الاصدار الاول مايشتغل على طول فهل تعتقد المشكلة من التوازن حق العدسة :0) وشكراً
أقول وين محل عشان إن شاء الله تعالى وتقدس أجيك تسوي لي جهازي :D :D
أخي ( الكنكوووووورد ) : بالنسبة لسؤالك عن شاشة عرض ملفات كرت التخزين تظهر لسببين محتملين جداً ، ولا ثالث لهما :
1- أن العدسة لم تضبط على الوضع الإفتراضي كما شرحت سابقاً لذلك لم تتمكن من قرآءة البيانات من المرة الأولى .
2- وجود خطأ في نسخ القرص .
أما الجلنطات إلى تشوفها على الشريط فهي مشكلة بسيطة ، يكون من ارتفاع غطاء العدسة .
==============
أخي ( بلاي ستيشن 2 ) ، إذا بتسويها بنفسك وواثق انك ماراح تخرب الجهاز فما في أي مانع . :cool:
أما بالنسبة للقطعة إلي بتركبها فأنصحك ما تستعجل ، لأن في قطعة الميسايا 2 قريباً سوف تنزل .
وعندك ماجك 3 أيضاً .
أما بالنسبة لمشكلة شريط الأكشن ريبلاي ، ما يشتغل لسببين :
1- إذا كان الشريط قديم ( أكيد ) وممخش فهذا من الشريط نفسه .
2- من توازن العدسة .
===============
أما موقع المحل إلي أشتغل فيه :
تعرفون مدينة الرياض ؟ إذا كنتوا فيها تعرفون خنشليلة ؟
إذا دخلت خنشليلة خلك ماشي قدام ، بجيك محل ألعاب اسمه قصر الزعيم على اليمين ، اتركه وخلك ماشي إذا وصلت آخر الشارع خذ يمينك إلين ما توصل عند أسواق نجد ، امشي من تحت الكبري لمن توصل للشارع الثاني امشي قدام بتحصل إشارة وعلى يسارك محل اسمه الحامد للحاسب الآلي ، محلي اسمه الزعيم ، مقابل المكتبة المقابلة لمحل الحاسب .
ويا هلا فيكم :0) ;-)
بس بلا مؤاخذه يا اخ CV XBLOOD
عندي كم سؤال
كم تستغرق العملية موازنة العدسة ؟؟؟ وكم تكلف ؟؟
And rain :أفكر:اقتباس:
الرسالة الأصلية كتبت بواسطة weskerالكويت
والرياح ايضا :6
مشكور اخوي على الموضوع
شباب عندي جم سؤال
1- اذا انشالله طورت الجهاز دايركت وانشالله تطويرة 100% و مضبوطه
هل من اسباب اللي يخرب العدسه الكوبي ديفدي
لانه انا لاحظ انه اهو سبب المشاكل بالنسبة حق اجهزة ربعي وانا لحد الحين اشتري اصلي ................
ثانيا : انا افرط باللعب و اظن هل هذا سبب رئيسي لتعطيل العدس و مرات لما احط ديسك اصلي ما يشتغل على طول لازم تتنتظر شوي ويشتغل معاك
فهل يا ترى السبب هو وجود غبار في الجهاز ولازم اوديه الورشه ؟
وانا انشالله راح اطور جهازي دايركت و انا من النوع اللي العب بكثرة
فهل هذا راح يخرب العدسه ولا السبب راح يكون من التطويرة
وارجو ان تنصحوني و جراكم الله الف خير
تحياتي
مشكور أخوي ( ALBERT WEASKER ) على إلي قلتة وهذا الكلام إلي كنت أبي أقولة لكن سبقتني......
أخواني أعتقد إن كلمة ( الفرط باللعب ) هاذي كلمة قديمة كنا نقولها على أيام بلاي ستيشن 1 لكن ألحين يعتبر جهاز متطور ( بلاي 2 ) لكن مع الأسف قوة التحمل فيه لا تساوي ذرة من تحمل الأجهزة الأخرى وخصوصاً السيجا
أنا دائماً أشتري أصلي ودائماً أفرط في اللعب وخربت معاي 3 مرات وألحين إهي خربانة لكن ما راح أوديها للوكالة..........:أفكر: ..
المهم شيلو من راسكم فكرة إن السبب هو الدي في دي كوبي أو الفرط في اللعب أصلاً الجهاز تدرون شنو إلي يصير فيه
(( هذا الكلام مو من عندي وإنما من مصلح في وكالة سوني ))
يقول إن في سلك قريب من العدسة ومع الأيام وانت تلعب وتلعب وتلعب هذا السلك ينقطع....:غضب: ....وهنا سبب الخراب وكل مرة يصير معاي كذا كل مرة أدفع لهم 200 ريال على حساب لحام سلك...:( ...بس....
ولو كانت المشكلة في العدسة لكانت الوكالة غيرت عدسة جهازي لكن للأسف هو مجرد سلك....ينفصل وتروح انت للوكالة ويلحمونة...بس هاذي إهي السالفة
وطبعاً أنا تخوفت من قطع الكوبي من هاذي السالفة إنها تخرب ومادري إيش لكن ما في فايدة......طلعت علينا رادي صرنا نصرف ونصرف عليها لكن ما في فايدة تخرب كأنها بلاي ستيشن 1 وهذا شيء مخجل لشركة سوني...:(
لو سمحتوو عطوني حل أنا صحيح إني أفرط في اللعب لكني أهتم بالجهاز اهتمام شديد جداً وخصوصاً السيديات وناقلة السيديات ( الدرج إلي في الجهاز )
رجائاً كل واحد يملك الإجابة يعطيني إياها لأني بحاجتها مع العلم إن جهازي ما حركتة أبد بس فكيتة مرة وحدة :D لكن ما ركبت عليه ولا قطعة ولا شي بالمرة.....:(
وآسف على كثرة الثرثرة والسلام عليكم.......(( استحملوني )) <<<< ما بغى يسكت هذا وووووو جاب لنا المرض من ثرثرتة :D <<< هذا مو سؤال هذا تقرير:D
العفو اخوي المحلل
عدل اللي سمعته لانه انا سامع من ربعي انه في سلك متصل بالعدسه واذا انت تلعب لعب متواصل راح يسخن السلك مما يأدي الى فصله والورشات يقولون لازم تغير العدسه لانه اظن لو تلحم السلك ما راح ترد السوني في مثل الكفاءة
انا الظاهر صارت معاي هالمشكله لانه العدسه ما تشغل اصلي .... ولا كأني حاط سي دي واخر شئ يطلع erro reading cd ( خطأ بالقراءة )
ويطلع صوت خفيف جك جك جك :D :D
انا انشالله اول ما راح اصلح جهازي
راح انظم وقت االلعب لانه ما صارت كل 4 اشهر جهازي خربان :غضب: :غضب: :غضب:
وشكرا لكم
تحياتي
السلام عليكم
انا يوم الخميس هذا الي راح شريت بلاي ستيشن 2 من محل النسر الي
بالشعله وهو جهاز بال مع قطعة الماجيك 2
والحمد لله يشتغل تمام وضمانه سنه
لكن المشكله الشريط الوحيد الي لازم اضغط ريتيرد مره او مرتين او ثلاث
هو gta فايس سيتي
واما الأشرطه الباقيه تشتغل على طول
اش السبب ؟؟؟
وجهازي هل لازم اسوي له التوازن حق العدسه؟؟؟
وهل لازم انظف الجهاز وفتحته حقت الديسك واغطيه ؟؟؟
وهل الجيم شارك بيشتغل عليه؟؟ علما بأن القطعه هي ماجيك2..
ارجو الإجابه واسف على الأطاله
على فكره الجهاز ماله عندي إلا اربعة ايام..
والله انا جهازي فيه نفس العطل وما عرف المهندس الحل فيا ليت تقول لي كيف اصلحت جهازك ولو علي الخاص ارجوك علشان اصلح جهازياقتباس:
الرسالة الأصلية كتبت بواسطة ALBERT WEASKER
العفو اخوي المحلل
عدل اللي سمعته لانه انا سامع من ربعي انه في سلك متصل بالعدسه واذا انت تلعب لعب متواصل راح يسخن السلك مما يأدي الى فصله والورشات يقولون لازم تغير العدسه لانه اظن لو تلحم السلك ما راح ترد السوني في مثل الكفاءة
انا الظاهر صارت معاي هالمشكله لانه العدسه ما تشغل اصلي .... ولا كأني حاط سي دي واخر شئ يطلع erro reading cd ( خطأ بالقراءة )
ويطلع صوت خفيف جك جك جك :D :D
انا انشالله اول ما راح اصلح جهازي
راح انظم وقت االلعب لانه ما صارت كل 4 اشهر جهازي خربان :غضب: :غضب: :غضب:
وشكرا لكم
تحياتي
شباب هدي قصتي مع البلاستشين الاول
كان عندي بلاستشين واشغل علية اشرطة كوبي وكانت عندي اشرطة ماتشغل
فكت الجهاز وصرت العب بوزنية العدسة تاتي علي الجنب نفس
طريقة البلاستشين الثاني حركت العدسة صارعندي الشريط الي ابي اشغلة قام
اشتغل والاشرطة الثانية ماشتغلت
يعني في وزن يكون هواالافظل لتشغيل جميع السديات
يعني لولفيت البرغي الي الشمال اواليمين
عارف اش رايح يصير معك انة تزيد سرعة دوران السدي اوتقللة فالعدسة دكية
والي يتحكم فيها هداالبرغي يعني هناك العاب تحتاج الي وقت كبير لقراتها
وبالتالي تاخد وقت اكثر وبتالي يتطلب سرعة اقل
يعني انصح الجميع مايلعب في الوزنية الا عند وجود مشكلة
والمحلات تكذب عليكم عندما تخبركم بان العدسة خربانة العملية كلها وزن فقط
وبخبركم اشي عملتة بالعدسة تبعت البلاستشين 1 لتعرفوا مقدار قوت العدسة
جبت سبرتوا وجبت قطنة وقمت امسح العدسة بعدين جيت اجرب اشغل السدي ماشتغل
جبت اللاستشوار وقمت اسخن العدسة وبعدين حطيت السدي فرجع الجهاز
كاني توني شارية شغال مائة في المائة
فنصيحة ادا حصل اي اشي للجهاز البلاستشين 2
انة اول اشي تتاكد من انة جميع السديات ماتشتغل عندك اوغلبها
فادا ماشتغلت فك الجهاز ولعب بالوزنية ونشاء اللة يظبط الجهاز
لنة رياح تروح المحل ويقلك العدسة خربانة اوالقطعة المركبة خربانة
وماشاء اللة اغلب المحلات مايخافوا اللة
ونتبهوا في بعظ الاشخاص في المنتدي عندهم محلات
والكلام الي كاتبة متاكد منة مائة في المائة وانامجرب في الجهاز الي كان عندي http://66.111.49.71/wallpapers/devil...ycry_2_800.jpg
والله بصراحه انا شريت الجهاز من دبي
وكانت مركبه فيها القطعه القديمه الي على الجيم شارك ( ما اعرف اسمها)
وفي يوم من الايام الجميله وكان يوم اختبارت نهائيه (صدق او لا تصدق)
كنت قاعد اطور يونا وقاعد بخريطه التطوير ( عندها حدثت الكارثه :واو: )
حيث علق الجهاز عقبها ما شغلته ابددددد إلى يومكم (:" )
الحين الجهاز ما قعد الجهاز ست شهور (ترى شريته بقروش )
إلا وخرب المذر بورد (لحد يسألني عنها )
وعقبها حررررررررررررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررررررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررررررررررررررررررررررررررررررررررررررررررررررررررررر رررررمت
اركب قطعه
وشريت جهاز جديد من محل بيت الكمبيوتر (دعايه ;) بالمجان)
وما حركوا فيه ولا شي ولا ركبوا فيه شي ابدد
اصلان الجهاز محد فكه و والله إلى يومكم ما يعلق ابدد ولا يقطع واللودنج سريع وانا اعرف بعض الاجهزه اذا شغل شريط يقعد شوي عند براوزر ويمشي بس هذا الحمد لله لا
فأنصح الجميع ( حتى لا تروح الروح) لحد يركب قطعه اذا يبي قروشه بجيبه
وما يصير زبون محبووووب عند وكاله سوني
وأسألوا مجرب :D :D :D ;)
مشكووووور على الموضوعCV XBLOOD
وواااااااااااااوو ماشاء انت خبير عن جد :cool: :cool:
اقتباس:
الرسالة الأصلية كتبت بواسطة MAXPYNE
والله انا جهازي فيه نفس العطل وما عرف المهندس الحل فيا ليت تقول لي كيف اصلحت جهازك ولو علي الخاص ارجوك علشان اصلح جهازي
انا ارسلت الاجابه بالخاص اخوي MAXPYNE
انشالله تلقى الرد وانا اسف على اي تقصير
و مشكورين مرة ثانيه ويعطيكم العافيه على هالموضوع الحلو والشيق
تحياتي
السلام عليكم ،،آسف على عدم الدخول للموضوع ، علشان ما عندي وقت وتوني جاي من الشغل !!
فياليت تنتظروني ، علشان عندي تعقيب على كلام بعض الشباب ..
:0)
دمتم بخير
أخي MAXPYNE
تسمحلي أنشر الرد إلي على الخاص علشان يستفيدوا منه الشباب الحلوين ؟؟:#
CV XBLOOD سعااااااااااااال يسدح نفسه :D
كيف ربع بوصة ?: وشلون تقيسها ذي ?:
اذا ما فيها مشاكل ممكن تفاصيل اكبر (بالرسم ) ولا اقولك انا الربوع بافسر
لك وش ابي توضيح منك :D
تا تا
شباب أصلا ماخرب أجهزتنا
الا الغبره أنا جهازي ملين غبرة تقول بر كيف أفتك من هذي المشكلة
وكثرت العب ماضرت جهازي وماشي تمام
وأنا أمسكه لعب أربع وعشرين ساعة ولا ضره وجهازي بال
اكيد اسمح لكاقتباس:
الرسالة الأصلية كتبت بواسطة CV XBLOOD
أخي MAXPYNE
تسمحلي أنشر الرد إلي على الخاص علشان يستفيدوا منه الشباب الحلوين ؟؟:#
بس اقول اخي ليش ما تسوي موضوع خاص بيك عن الاعطال وطريقة اصلاحها يكون افضل
شكراً أخي ، للسماح لي على نشر الرد
أخي E:man ربع بوصة يعني تخيل قدامك ساعة ومقسمة إلى أربع أرباع ، أنت حركها ربع لليمين .
هلا اخوي
انا رحت اليوم لمركز النسر فرع شارع عبدالرحمن الغافقي
قالي اركب لك القطعة ب300 ريال وتعال بكرة
رحت له من بكرة رجعت وانا مستانس
واخر شي اجي باشغل شريط سماك داون
مايشتغل
قعدت احاول واحاول
ما ضبط قلت خلني اسوي طريقتك سويتها ما نفع
مع العلم انه شغلت شريطين CD
رحتله جرب يشغل الشريط على جهازين Ntsc ماضبط قام شغله على جهازه الي هوPAL واشتغل ودق على راعي الورشة وتفاهم معه وقالي تعال بكرة توني مسكرة السماعة منه يقول لازم تغير العدسة عدستك ما تشغل DVD قلت له بكم قالي ب300:واو: قلت بعد الخصم قالي 280 قلت امرنا لله غيرها ومدري هل هو صادق والا يلعب علي
طيب يا أخ CV XBLOOD أنا عندي مشكلة في حامل الأقراص ( CD ) :
فعندما أقوم بضغط الزر و يخرج الحامل عندها يصدر صوت غير محبب ( زقزقة كأن المسننات هي المشكلة )
لأني في يوم من الأيام ( الله يهديني ) قمت بإخراج الحامل و كان أمامه كتاب فاصطدم به في المنتصف
( لم يخرج كاملاً ) فرفعت الكتاب ثم خرج كاملاً و من وقتها و الحامل كلما أقوم بإخراجه يصدر صوت فما الحل الفني
برأيك ؟؟؟ :" :" :" و بصراحة أنا ودي أن أصلحه بنفسي فيا حبذا لو تقول لي الفكرة
أخوك
كلهم لليمين ?:اقتباس:
الرسالة الأصلية كتبت بواسطة CV XBLOOD
شكراً أخي ، للسماح لي على نشر الرد
أخي E:man ربع بوصة يعني تخيل قدامك ساعة ومقسمة إلى أربع أرباع ، أنت حركها ربع لليمين .
يعني حق الdvd وال cd اقوم بتحريكهم ربع بوصة لليمين ?:
أهلاً شباب
يعن ألحين هاذي الثرثرة ربع بوصة ثلاثة أرباع جزء من الربع من نص.......?:
هاذي الطريقة لإصلاح قطعة الكوبي يعني للأشرطة إلي ما تشغلها ؟؟؟
وأنا مفكر للبلاي ستيشن إلي مو مركب فيها شي ولا راضية تشغل....:o
انا وين وانتو وييين.....:o
سلام.........................................^^
هذا الرد للأسئلة التي في الصفحة الثانية ..
========================
ALBERT WEASKER
من أكثر أسباب تعطل العدسة الغبار ، أما عن التطويرة فما لها أي تأثير جانبي إذا ركبت بشكل صيحيح .
أما الكوبي دي في دي ما يخرب العدسة ولكن العدسة تحتاج إلى الوزن لتستطيع أن تقرأ القرص المنسوخ بشكل صحيح .
أما بالنسبة للدي في دي الأصلي ليش يشتغل بعد شوي من وضعه في الجهاز ، فهذا طبيعي لأن العدسة يجب أن تقرأ بعض البيانات من القرص ، ولكن أنصحك بتنظيف الجهاز والعدسة بشكل دوري .
================
المحلل
أخي كلامك بأن جهاز السوني يخرب بسرعة ما أوافقك عليه ، والعيب فينا لعدة أسباب :
1- عدم العناية بالجهاز ورميه في مكانه بعد اللعب .
2- عدم تنظيف الجهاز والعدسة بشكل دوري .
3- اللعب لساعات طويلة جداً ، دون الأخذ بعين الإعتبار أن الجهاز يحتاج إلى راحة لمدة ثلث ساعة بعد اللعب ساعة كاملة .
=====
أما بخصوص السلك الذي بقرب العدسة ( فأنت تقصد السلك الشريطي الذهبي اللون ) بأنه ينقطع فهذا كلام خاطيء 100%
تدري ليش ؟ لعدة أسباب :
1- السلك مرن جداً ، وبعيد عن أي قطعة ملامسة له ( يعني ما فيش احتكاك ) .
2- لو السلك انقطع ، ما في ولا شريط راح يشتغل ، لا دي في دي ولا سي دي !
3- اعلم جيداً أن هذا السلك لو انقطع ( صاحب شركة سوني ما يقدر يلحمه ! ) .
أخي ، أنت يمكن صار معاك حالة خاصة ، وانفصل السلك ، أو ضحك عليك المهندس وغير عدسة وقالك السلك ، لأنه شيء غير معقول ياخذ 200 ريال على تركيب سلك ؟؟؟
وليس كل ما يقوله المهندس يجب أن تصدقه حتى لو كان من شركة سوني !! ( خذها مني قاعدة ) .
أما بخصوص قطع التطوير ، فهي كما ذكرت ليس لها أي تأثير جانبي إذا ركبت بشكل صحيح .
وبما أنك تهتم بالجهاز ، فأنصحك أن تريحه ثلث ساعة بعد اللعب لمدة ساعة .
وأنصحك أن تمسح حاملة الديسكات كل يوم على الأقل ، وأن تغطي الجهاز عند عدم استعماله .
وبالتوفيق ;-)
السلام عليكم
انا عندي الجهاز ركبت فيه قطعة ميشيا وصار توب يعني يشغل كل الاشرطه بس بعد فتره صار ماعاد يشغل الديفدي dvd لا اصلي ولا كوبي بس يشغل السيدي الكوبي ووديته للمهندس وقال لازم تغير عدسه
انا جهازي كان كذا قبل اقل من اسبوع واصلحته بطريقة بسيطة وهي ان تاخذ العدسة وتقلبها بتلاقي مسمارين فضيين صغار لف الي باليمين ربع بوصة لليمين وبيتشغل عندك لان هذا كان نفس عطلي ولا تحب تعرف الطريقة بالتفصيل ارجع للصفحة الاولي او الثانية بتحصل الطريقة بالتفصيل برد من ردود الاخاقتباس:
الرسالة الأصلية كتبت بواسطة ابوتركي
السلام عليكم
انا عندي الجهاز ركبت فيه قطعة ميشيا وصار توب يعني يشغل كل الاشرطه بس بعد فتره صار ماعاد يشغل الديفدي dvd لا اصلي ولا كوبي بس يشغل السيدي الكوبي ووديته للمهندس وقال لازم تغير عدسه
CV XBLOOD
وجهازك بيتصلح وعلي بهذه الطريقة
المهندس الي رحت عنده يمكن يعرف هذه الطريقة بس ما سواها يريدك تشتري عدسه جديده
أقول ٌولو مشاء الله
جهازي أنعدم _تراه جد_ http://smilies.sofrayt.com/%5E/q/bawling.gif
ويا أخ CV XBLOOD لو أجيك تنفض الغبرة التي بالجهاز
وكم تكلف مثلا
وياليت ترسم كروكي وتحط وقت دوامك
وأسف لأني أخذت من وقتك والسلام
ابوتركي
سوي مثل ما قالك الأخ MAXPYNE ;-)
========
MAXPYNE
أحسنت ، وما عليك زود !:0)
========
لا تخاف ، 10 ريال بس ، وإذا ما عجبك ، 5 ريال ;-) ;-)
أما الكروكي بحطه بعد ما أنتهي من تصميمه .:0)
ويا هلا فيكم . . .
السلام عليكم شباب.....
أخوي CV XBLOOD
أصلاً السلك إلي ينقطع مو هذا السلك هذا أولاً اما ثانياً الكلام إلي قالة المهندس إلي من رشكة سوني مو بس هو إلي قال هذا الكلام وعلى علمك ما يعرفون يصلحونها إلا الوكالة وأنا وديت الجهاز مركز النسر للبرامج أعتقد ما في أحد ما يعرفة زين وقلت لة صلح الجهاز فقالي ما أقدر ليش قال ما أقدر هاذي خلاص ما راح تصطلح وهذا الكلام كلام إلي موجود في المحل زين......فأنا يأست........
ولما رحت وكالة سوني قالي إن في سلك وعلى علمك تقولي لاعب علي غير العدسة أولاً العدسة بـ 300 ريال وليس 200 مجنون هو يرخصها بهالسعر بدون مقابل........ثانياً أنا أعتني بالجهاز لدرجة ما تتصورها يعني مريحة خاصة من بعد ما صلحتها آخر مرة صرت ما ألعب فيها كثير أبد يعني إذا بلعب أربع ساعات في العصر وأخليها لييين الليل وبعدين ألعب فيها مريحها على كيف كيفها وأحطها في مكان مضبوط ما أحد يوصل لة....
أقولك مريح الجهاز مخلية كيف كيفة............ولا أدري ليش تخترب.......ياخي شنو من كثرة اللعب دريم كاست وجيم كيوب وحتى العائلة ما يختربون من كثر اللعب وألحين بلاي ستيشن 2 ?: تخترب من العدسة ياخي والله السيجا على أيامها نلعب لين الصبح والجهز ما يقول..........طق:( ....لكن السوني صناعتهم مو حق شي اسمة تحمل ولكن شي اسمة مظهر........بس.....مظهر وقوة في الرسوم أما جودة.............دائماً تخترب...إلي مخلي سوني غنية ولا يطيح سوقها حتى مع هاذي الأشياء هو الوكالات إلي حقها موجودة في كل مكان وقكع الغيار تحلصها دائماً لو تجيب لهم تلفون سوني من عام 70 يعطونك قطع غيار حقة..........:(
لكن إيش نسوي......:( .....................سوني....اسمها فيها......سوني.....:(
انا ما ركبت قطعة الكوبي للحين لأن أشوف جهاز صاحبي مركب فيه طقعة اسمها ( مافيا ) زين هاذي ركبها وأشوف جهازة يعلق مادري كيف جهازي أنا ما يعلقها يعني مثلاً أول ما تولع الجهاز مو تجيلك مثل الدوائر يتحركون في جهاز صاحبي بعض الأوقات تعلق وهذولي الدوائر ما يتحركون.....أو............انت في وسط اللعب متحمس تشوف اللعبة توقف مرة وحدة بدون أي سابق إنذار...................أو..................تحط لعبة عادية.....كالعادة...ما تشوفة إلا يولع كأنه سيدي فيديو......معناته إن العدسة صايرة مسخرة تقرأ وبس ولا تدري شنو تقرأ تخبط بين سيدي القيديو وسيدي اللعب كل هاذي الأشياء إهي إلي تخليني ما أركب قطع الكوبي......وقولي رايك..............في الكلام........أأقدص المحاظرة....:D
آسف على الإطالة والسلام.......:)
مشكوووووووووور اخوبي بي اناعن عندبي مشكلة وهي انه ان لما ركبت القطعة اشغل الكوبي دي فيدي يشتغل واما اشغل الكوبي اقعد اضغط ريست5 او4 مرات عشا تجي علامة المرابعات اللي في البداية:" ;) :"
يا شباب عطونا ويه
أعيد سؤالي / هل هناك خطر من الصوت الذي يصدر من حامل الدسكات عند خروجه؟؟؟؟
الشرح في الرد فوق
أخي Wolf Sniper
انتظر لأني أنا أصلاً ما أجبت على كل الردود !!
اي والله فكرة حلوة ... وأنا جد متحمس لهكذا مواضيع ..والا انت خايف يطيح سوقك :D ..اقتباس:
الرسالة الأصلية كتبت بواسطة MAXPYNE
اكيد اسمح لك
بس اقول اخي ليش ما تسوي موضوع خاص بيك عن الاعطال وطريقة اصلاحها يكون افضل
على العموم راح أجرب طريقة موازنة العدسة .. وأخبرك بالنتيجة لاحقاً ..
لكن عندي استفسار بخصوص الألعاب الأصلية ..انت ذكرت ان العدسة موزونة لقراءة الأصلي من الألعاب .. ولازم نوزنها لتقرأ الكوبي بسرعة وبسلاسة .. طيب سؤالي اذا رجعت ووضعت لعبة أصلية .. هل راح أضطر وأرجع أعيد وزن العدسة لما كانت عليه سابقاً ( وضع العدسة الطبيعي )..؟؟
وعندي سؤال ثاني اذا تكرمت :": ..حامل الدسكات عندي تجيه حالات أحياناً ويستهبل معي .. اذا ضغطت زر الإخراج .. يجي بيطلع وبعدين يرجع على طول :": .. ويتكرر معي كذا مرة لين أغير من وضعية الجهاز أخليه مائل أو منقلب رأساً على عقب حتى يطلع الدرج <---- ماينفع معه الا الشدة ":"
فعندك حل ثاني غير أسلوب الشدة معه :D ..
أخي msm يا هلا فيك ..
خلاص أنا موافق على الفكرة ;-)
أما بخصوص وزن العدسة ، فهذا ما راح يأثر أبداً على الألعاب الأصلية ، بالعكس يزيد من قوة القراءة !!
أما بخصوص جامل الديسكات ، ما يحتاج لا شده ولا شىء !! كل ما عليك إنك تسويه تفك البلاي ستيشن 2 وتفك محرك الدي في دي ، بتحصل البكرة إلي تقوم بفتح الباب لونها أبيض ، وبجانبها موتور صغير ، المهم شيل الغطاء عنهم بتحصل لسان أبيض صغير يتحرك يمين ويسار ، إنت ما عليك إلا تنفض الغبار عنه وتحط شوية شحم علشان ما يعلق ، وبس
وبهذي الطريقة بحرم يستهبل ثاني مرة !!:0)
وأنا ليش ما ترد علي......:(
أشكرك بعنف على شرحك أخوي Electronic boy ..قصدي CV XBLOOD :D ..
وأنا بانتظار موضوعك القادم على أحر من الجمر ;) ..
اقتباس:
الرسالة الأصلية كتبت بواسطة بلاي ستيشن 2
هلا اخوي
انا رحت اليوم لمركز النسر فرع شارع عبدالرحمن الغافقي
قالي اركب لك القطعة ب300 ريال وتعال بكرة
رحت له من بكرة رجعت وانا مستانس
واخر شي اجي باشغل شريط سماك داون
مايشتغل
قعدت احاول واحاول
ما ضبط قلت خلني اسوي طريقتك سويتها ما نفع
مع العلم انه شغلت شريطين CD
رحتله جرب يشغل الشريط على جهازين Ntsc ماضبط قام شغله على جهازه الي هوPAL واشتغل ودق على راعي الورشة وتفاهم معه وقالي تعال بكرة توني مسكرة السماعة منه يقول لازم تغير العدسة عدستك ما تشغل DVD قلت له بكم قالي ب300:واو: قلت بعد الخصم قالي 280 قلت امرنا لله غيرها ومدري هل هو صادق والا يلعب علي
طيب يا أخ CV XBLOOD كيف أفتح الجهاز؟؟؟ و هل هذا الكلام اللي قلته لـ MSM ينطبق علي أيضاً؟؟؟
أنتظر ردك
على راسي يا شباب !!
ويا أخي المحلل حقك علي ، ولا تنسى إني رديت عليك أول واحد!;-)
اقووووول انا جبت العيد لعبت في الوزنيه واخوي ما قصر ضيع مسامير والجهاز ما عاد يشغل لا سيدي ولا ديفدي وصار يطلع اصوات وحالته صارت حاله واليوم ان شاء الله بجيك وابغاك تصلحه اوكيه
إلى الأخ CV XBLOOD
فيه واحد من أبو هنود يقول أن العدسة أنواع كبير وصغير ووصط
ما أدري هو صدق ولا
وتراي منب عجل
كيف حالك يا الكترونيك بوي وانا عبداللطيف اللي جيتك البارح ولا اوصيك على الجهاز
same here :0)اقتباس:
الرسالة الأصلية كتبت بواسطة Wolf Sniper
طيب يا أخ CV XBLOOD كيف أفتح الجهاز؟؟؟
أنتظر ردك
نضف كل يوم ... بعد الجهاز من الغبار .... اعتني بالجهاز...... سو له بو صه ...... سوله يارده ....اش اللي قاعدين تقولونه
انا جهازي القطعه موجوده فيه لها اكثر من سته اشهر وراميه في الصاله ... وكل من جا لعب به.... ومليان غبار ... وما عمري سويت له تنظيف الا مره وحده لمن ركبت القطعه... ومن ذاك الوقت مايقدر يرفض لي اي لعبه احطها سواء ديفيدي ولا سيدي.... اقول لاحد يحسدني صلوا عالنبي<<<<<<;)
أفا عليكم يا شباب كذا تسون معاي الله يسامحكم
السؤال صله أكثر من 4 أيام و ما حد يرد علي و الله
ما توقعتها منكم المهم لم أعد أحتاج للجواب لأنني سأعتمد
على نفسي فكما قال الرسول صلى الله عليه و سلم
في معنى الحديث ( لأن يحتطب أحدكم على ظهره خير له
من أن يسأل الناس ) و سلام
أهلاً :-
أخوي ابوتركي : كيف حالك ؟؟
جهازك ما دام إنه معاي فلا تقلق عليه ;-) وزي ما علمتك تجيني الثلاثاء الساعة 11 ليلاً ، وأنا برجعلك الجهاز كأنك شاريه الحين !!:cool:
=============
ويا الخطير3021
كلامه صحيح ، كل نظام جهاز له عدسة تختلف عن الأنظمة الأخرى ، ولو أوريك عدسة الجهاز الياباني النظام ، بتقول عجرة ما هي عدسة !!:!
=============
أخي E:man ، بالنسبة لفتح الجهاز ، اقلبه وشيل المربعات السوداء ، بتحصل تحتها مسامير ، فكها وبعدين ارفع الغطاء العلوي من الخلف ، بشويش ، علشان ما تقطع السلك الفضي ، وأكرر ( إذا ما كنت تعرف في الجهاز لا تفتحه ) علشان ما تخربه مثل الأخ أبو تركي :0)
=============
حبيبي abo yasser
أقووووووووووووووووول ====> لا يحسد المال إلا صاحبه !! فانتبه أحسنلك ، لا تفاول على الجهاز وخله يمشيك !!;-)
=============
Wolf Sniper
يا بعد عمري ، وش فيك زعلان ؟؟
أنت تعرف إني مشغول جداً ، واسأل الأخ أبو تركي !! والله أجي من المحل وأكمل تصليح في البيت ، يعني أفتح الجهاز بالصدفة
فأرجوك لا تزعل ، وأعتقد بأني جاوبتك على السؤال :-)
ويا ألف هلا فيكم ;-) ;-)
صحيح يا شباب لا احد يسوي نفسه خبير ويتلقف ويفك الجهاز وبعدين يروح في خرايطها :واو:احسن طريقه انك تروح للزعيم
وتعطي الجهاز المهندس CV XBLOOD وهو ان شاء الله راح يتكفل به >=== دعايه قويه:cool:
صحيح يا شباب لا احد يسوي نفسه خبير ويتلقف ويفك الجهاز وبعدين يروح في خرايطها :واو:احسن طريقه انك تروح للزعيم
وتعطي الجهاز المهندس CV XBLOOD وهو ان شاء الله راح يتكفل به >=== دعايه قويه:cool:
الا اقول ضيفني عندك في الماسنجر
aboturke_m@hotmail.com
اقتباس:
الرسالة الأصلية كتبت بواسطة بلاي ستيشن 2
هلا اخوي
انا رحت اليوم لمركز النسر فرع شارع عبدالرحمن الغافقي
قالي اركب لك القطعة ب300 ريال وتعال بكرة
رحت له من بكرة رجعت وانا مستانس
واخر شي اجي باشغل شريط سماك داون
مايشتغل
قعدت احاول واحاول
ما ضبط قلت خلني اسوي طريقتك سويتها ما نفع
مع العلم انه شغلت شريطين CD
رحتله جرب يشغل الشريط على جهازين Ntsc ماضبط قام شغله على جهازه الي هوPAL واشتغل ودق على راعي الورشة وتفاهم معه وقالي تعال بكرة توني مسكرة السماعة منه يقول لازم تغير العدسة عدستك ما تشغل DVD قلت له بكم قالي ب300:واو: قلت بعد الخصم قالي 280 قلت امرنا لله غيرها ومدري هل هو صادق والا يلعب علي
أخي بلاي ستيشن 2 السلام عليكم :
آسف لعدم الرد عليك في المرة السابقة :#
أما بخصوص مشكلتك فما قاله لك البائع صحيح !!
يجب تغيير العدسة في الجهاز الأمريكي بعد سنة تقريباً ، لأن تصميمها يختلف عن تصميم جهاز النظام الأوروبي ( PAL ) .
أما عن سعرها فالمفروض إنه لا يتعدى 250 ريال !!:0)
==================
أخي خذ بعين الإعتبار أيضاً ، أن الشريط اشتغل على جهازه البال لأنه ربما يكون أجدد من جهازك !;-)
==================
أخي ابوتركي :
الله يسلمك ، والله ما تقصر ;-) :-) :cool:
==================
ملاحظة إلى أصحاب الأجهزة الأمريكية ( NTSC U/C ) :-
قد يتساءل البعض منهم أنه لماذا عندما ركب قطعة تشغيل دايركت في جهازه لم يعد يشغل دي في دي أو السي دي أو يعلق ....إلخ ؟!
الجواب : لا تنسى أنك كنت في السابق تشغل الألعاب المنسوخة على السي دي !! بطريقة الجيم شارك ، وأنا اكتشفت من واقع التجربة أن العدسة تبذل أقصى جهدها لقراءة السي دي المنسوخ ، لذلك لم تعد تفرق بين الدي في دي أو السي دي ، هذا بالأضافة إلى استنزاف قوتها وضعف أشعة الليزر التي تخرج من المنظم .:واو:
شكر لك يا الفتى الاكلتروني;-)
يعني نصب علينا الاخ المهم انا توني الانن لقيت المسمارين ربع بوصة لليمين اليسار للCd واليمين لDvd على حسب الصورة الي بالصفحة الثانية
انا كمبيوتري مركب فيه كل القطع لكن الحين ما يشغل اله الكبي ولايشغل اسطوانات DVDrom ولا الDVD كوبي
ومن المسببات اللي تخرب العدسة :
1- قطعة ال S-Box
2- اسطوانات الكوبي العادية ..
3 - والغبار اللي يصير على الجهاز وداخلة .
ملاحظة: اذا تبغوا تشغلوا الاشرطة بسرعة .. حط الكمبيوتر وخلية افقي ..
هلا أخوي CV XBLOOD و الله إن شباب المنتدى كلهم فوق راسي و في عيوني
أنا آسف إذا كنت جرحت مشاعر أي واحد من الأعضاء و خاصة CV XBLOOD الله يلعن
الشيطان كانت ساعة غضب ، على العموم أكرر إعتذاري و منكم السماح
و مشكورين على المعلومات القيمة و إنشاء الله ما رح أحاول أفتح الجهاز بنفسي
لأني أخاف عليه موت
أخوكم ...
أخي snake5 ، كلامك صحيح والأسباب التي ذكرتها من أكثر مسببات الخراب للعدسة ، ومشكور على الإهتمام بالموضوع ;-)
====================
Wolf Sniper ، أهلا فيك يا أخي ، وما عليك ، أنا عارف انك كنت زعلان والكلام إلي قلته ما هو من قلبك ، وأنا يصير معي نفس الشيء في بعض الأحيان ، وكلنا إخوان :0)
أما اختيارك بعدم فتح جهازك فهو خيار رائع ، إذا كنت لست متأكداً من خبرتك ، ولكن لا تجعل خوفك يسبب لك المشاكل ، يعني بالعامية لا تخلي المهندسين يلعبون عليك ويستغلون فرصة إنك ما ألقيت نظره على الجهاز علشان تعرف وش تغير فيه وش بقا فيه !!;-)
وكل عام وأنتم بألف خير
السلام عليكم و رحمة الله و بركاته
ياخوي CV XBLOOD لو سمحت عندي مشكلة بالجهاز و يا ليت تعطيني رايك
أنا الحين شاري الجهاز البلايستيشن2 من أمريكا أول ما نزل (نظام NTSC) و ما ركبت عليه و لا قطعة كوبي
بس سمعت عن الميشيا و قلت خلني أجربه عشان والله طفشت من شراء الدي في دي الأصلي فوديت الجهاز يوم الإثنين للمحل و قالي المهندس بركبه لك بـ400 ريال و شريت منه لعبتين دي في دي كوبي
و بعد يومين رجعت الجهاز من المحل و أنا فرحااااان و مستانس و نظفته شوي من الغبار و جيت بحط الدي في دي الكوبي....فما اشتغل و أنا استغربت و بعدين جبت من العابي الدي في دي الأصلي فاشتغل زين و بعدين تذكرت شاري الدوري الياباني 6 سي دي كوبي و فكرت أجربه...فاشتغل فانقهرت و قلت وش فيه ذالجهاز ما يشغل إلا السي دي كوبي؟؟؟.....و بعدين اتصلت على مهندس المحل و قلتله السالفة فقالي لا تخاف ليست مشكلة كبيرة يحتاج بس تضبط في اتجاه العدسة و قالي أيضا يقدر يصلحه في نفس اليوم...فوديت الجهاز عنده و جلس يصلحه بس حوالي 15 دقيقة يسوي شي بالعدسة و بعدين جرب الدي في دي كوبي الي شاريه منه فاشتغل تمام و قلت الحمد لله انتهت على خير
و لما رجعت البيت مع الحهاز قعدت العب فيه شوي العاب الدي في دي كوبي (onimusha 2 و gta vice city) و كنت ملاحظ أنه على طول يخزن يعني ما تطول العدسة في قراءة الدي في دي
و في الصباح التالي شغلت الجهاز بلعب فيه شوي و حطيت الدي في دي كوبي و استغربت أنه ما يشتغل!!!!! قمت أسوي reset أربع أو خمس مرات و بعدين اشتغل و أنا مستغرب ليش ما يخزنه على طول زي أمس أيش صار له؟...
و طولت العب فيه والله (حوالي 3 ساعات متواصل) و بعدين طفيت الجهاز و طلعت مشوار...و لما رجعت قلت العب شوي فشغلت الجهاز و حطيت الدي في دي كوبي و قمت العب.....و فجأة أثناء اللعب (منطقة Loading) أسمع صوت غريب يطلع من الجهاز و بالتحديد عند منطقة العدسة فضغطت على زر reset و جاء شاشة الbrowser و الsystem configuration و الدي في دي الكوبي لسه ما بعد اشتغل و لما دخلت على browser جت لي الرسالة Disk Read Error فطلعت الدي في دي و قعدت أنظفه شوي و نظفت أيضا حامل الديسك حق الجهاز و جربته مرة ثانية و لسه نفس الرسالة Disk Read Error فإنقهرت و فكرت العدسة خربت و بعدين أخوي قالي جرب السي دي كوبي....فجربته و اشتغل (يعني السي دي كوبي يشتغل و الدي في دي كوبي ما يشتغل?: ?: )
فأرجوك ياخوي لو سمحت اشرح لي ايش المشكلة عندي عشاني والله منقهر مرة...أدري أن الموضوع طويل بس الله يخليك اقراه و قولي المشكلة عشاني بموت من القهر:" :"(ملاحظة: حتى العاب الدي في دي الأصلي ما عاد تشتغل)
مشكور على جهودك
و سلام,
أخوك
Alucard_2k2
السلام عليكم . . .
أخي Alucard_2k2 ، كيف حالك اليوم ؟؟ أرجو أن تكون بخير . . ;-)
المهم ، أنا قرأت مشاركتك ثلاث مرات لأقدم لك الإجابة الشافية ، وبما أنك لست موجوداً بالرياض ولا تستطيع أن تأتي عندي سوف أقدم لك ما بوسعي أن أساعدك به :-)
من المفترض أنك أخذت الجهاز إلى الفني أو المهندس المختص وشرحت له المشكلة مجدداً ، لكن فات الأوان ،، أخي لا تخف ، فأنا لا أستطيع مساعدتك 100 % أو بالأصح ما دمت لا أستطيع أن أرى جهازك فأنا لا أستطيع تحديد المشكلة بالضبط ، لكن خذ كلامي بعين الإعتبار :-
عندما رفض الجهاز تشغيل الدي في دي الكوبي إلا بعد خمس مرات ، فهذا دليل واضح على أن العدسة لم تضبط بالشكل المطلوب .
ومن المفترض أنك توقفت عن استعمال الجهاز فوراً وأخذته إلى المهندس ليقوم بالضبط مرة أخرى ، وتذكر أنه عند ضبط العدسة يجب أن تراعي المسافات المذكورة في الصفحة الثانية في مشاركتي وكما هو موضح بالصورة السابقة .
أما بخصوص الصوت الذي سمعته فهو صوت انفصال ( دايود الليزر ) هذا عنصر إلكتروني ولا تهتم به ،، وهذا أدى إلى رجوع العدسة بسرعة كبيرة وحصول خطأ فادح في الإلتقاط البصري من القرص ، وهذا العطل يؤدي فوراً إلى تلف القسم الخاص بقرآءة الدي في دي !! للأسف . . .
كما أود أن أنبه على أن عدسة البلاي ستيشن 2 هي عدسة مزدوجة
Dual lens ، يعني أنها تتكون من طبقتين واحد للسي دي والأخرى للدي في دي ، وعند تلف قاذف الليزر فإن العدسة تقوم بقرآءة السي دي فقط بشكل مؤقت ومن ثم تفقد قوتها شيئاً فشيئاً إلى أن تموت وتصبح غير قادرة على تشغيل أياً من أقراص الدي في دي أو السي دي !!
والحل الوحيد هو رميها واستبدالها بأخرى جديدة !!?: يا للخسارة . . .
أخي . . . أنا لا أعلم تماماً مدى مشكلتك ، وربما تحتاج إلى تغيير العدسة وربما لا !!
لكن قبل أن تغيرها أنصحك بالتأكد من صلاحيتها ، خذ الجهاز إلى مهندس ( انتبه مهندس وليس فني ) ، معتمد ويجب أن يكون عنده راسم إشارة
Oselescope أوسيليسكوب ، واجعله يفحص الإشارة الرقمية الخارجة من العدسة بعد المعالجة للتأكد من خلوها من الأخطاء ، وسأوضح ذلك مستعيناً بالصور ، ربما لا تفهمها من المرة الأولى ، لكن . . . حاول !;)
ملاحظة : هذه أفضل طريقة للتأكد من صلاحية العدسة ، وأنا أستخدمها شخصياً ، لا أدري إذا كانت هناك طرق أخرى ، لكن هذه الطريقة تعطي نتائج مضمونه 100 % .
صورة جهاز الأوسيليسكوب أو راسم الإشارة ( يجب أن يكون الجهاز ذات دخل تردد 20 ميغاهرتز أو أعلى :
صورة مكان وضع المجس لجهاز راسم الإشارة ( المكان الذي تخرج من إشارة العدسة الرقمية بعد المعالجة ) :
هذا المكان للإصدار الأمريكي V4
يجب أن تكون الإشارة المعالجة الخارجة من العدسة على النحو التالي :
عند تسليط إشارة 20 ميلي فولت ، يجب أن تكون النتيجة إشارة جيبية بطول 10 سنتيميتر ، كما في الداتا شيت :
الإشارة النهائية بعد التعديل ، وهي الإشارة عند الإلتقاط البصري على بعد 120 نانو متر عن سطح العدسة ...
كما في الصورة :
وهذا كل ما أستطيع أن أقدمه من مساعدة ، وأرجو أن يكون مفهوماً
أخوكم Electronic boy :)
وأرجو أن تركزوا على الصفحات ( 2 و 4 و 5 ) لأن كل المفيد فيها ;-)
أشكر الأخ Mohannad والأخ CV XBLOOD خاصة
ماقصرت
أولا أنا شاري جهازي من أمريكا <<<< الله يلعن أمريكا:غضب:
والحمد لله ركبت قطعة الميشيا من النسر والحمد لله ولا مرة خرب علي
السؤال أنا أعرف عدد من أخوياي خرب عليهم الجهاز
فهل البلى من الأجهزة الي هنا في السعودية من الوكاله نفسها ؟؟؟
لان الي شاريه والحمد لله ماخرب علي ولا مرة
مع أني مركب عليه بلاوي
قولوا ماشاء الله :D
ومشكورين:D
مشكور ياخوي ألف شكر على مساعدتك
تصدق كلامك عن أن الجهاز يعمل مؤقتا مع السي دي كان 100% صحيح؟....توا قبل ساعة توقف السي دي عن العمل :" :" :"
الآن أنا قريت طريقة فحص العدسة بالـOselescope و أعترف أنه صعب الفهم شوي بس بحاول أفهمه:D
المهم زي ما قلت العدسة لم تعد تخزن أي شي....فأنا أبغى أسألك هل المشكلة كبيرة إلى هذا الحد و هل أستطيع إصلاحه؟؟؟يعني في أمل أخلي الجهاز يشتغل بدون مشاكل و إلا لازم أشتري جهاز جديد????
مع العلم أن سبب عدم ارجاع الجهاز إلى المهندس عندما ظهرت أول مشكلة هو أن المشكلة ظهرت صباح يوم العيد ?: ?: ?: :( :( :(
بس انشالله ناوي أرجع الجهاز عنده بكرة...يا ليتك ساكن بالخبر عشان أجيب الجهاز عندك :D
و مشكور مرة ثانية
وسلام,
أخوك
Alucard_2k2
نفس اللي صار معياقتباس:
الرسالة الأصلية كتبت بواسطة SNOoOP
أشكر الأخ Mohannad والأخ CV XBLOOD خاصة
ماقصرت
أولا أنا شاري جهازي من أمريكا <<<< الله يلعن أمريكا:غضب:
والحمد لله ركبت قطعة الميشيا من النسر والحمد لله ولا مرة خرب علي
السؤال أنا أعرف عدد من أخوياي خرب عليهم الجهاز
فهل البلى من الأجهزة الي هنا في السعودية من الوكاله نفسها ؟؟؟
لان الي شاريه والحمد لله ماخرب علي ولا مرة
مع أني مركب عليه بلاوي
قولوا ماشاء الله :D
ومشكورين:D
شاريه من امريكا ومركب فيه اردى قطعة ( نيو فور)
وكله غبار واكثر من مره طاح ولعب اقل شيء 5 ساعات متواصلة
ولا عمرة قال آه:! :!
(( مـــــــــــــــــاشاءالله )):D :)
شباب ، الرجاء منكم إذا واحد مافي بجهازه شيء ما يرد بخصوص هذا الأمر ... يعني تتمنى جهازك يخرب ؟؟؟?: :!
ممكن تساعدوني ياشباب ، أنا اليوم حطيت شريط سي دي كوبي في جهازي السوني وما اشتغل:! "ليس شريط واحد بل كل الأشرطة"
مع انه كان يشتغل 100% ، و لكن أشرطة الدي في دي كوبي تشتغل 100% الأن ومن قبل أيضا. وأنا مستعد أفك الجهاز حتى.
فأرجو أن تخبروني ما الحل:" :" :" :" :"
اشكرك يا أخ CV XBLOOD
على الكم الهاءل من المعلومات التي افادتنا كلنا ( بس دي اعرف من وين كل هذه المعلومات ... ماشاء الله ) انا الحمد الله جهازي اوروبي وما في شئ الا عندما اضع شريط دي في دي كوبي احيانا لا يشتغل من اول مرة واضطر اعمل ريستار مرة او مرتين ثم يشتغل ... فهل عندما اعمل موازنة للعدسة تذهب هذه المشكلة ... علما ان القطعة هي ميشيا
وهل يمكن ان اذهب اليك وتعملي موازنة العدسة في نفس اليوم ( يعني يوم تكون انت فيه فاضي ما عليك ضغط ؟؟) وهل يمكن تكب لنا رقم تلفون لمحلك اذا تكرمت
...
أخي Mohannad ، أهلاً بك :
هذه المعلومات من واقع التجربة العملية ودراسة المشاكل بطرق علمية ، وبصفتي من محبي الهندسة الإلكترونية ، أحببت أن أزودكم بالمعلومات الضرورية كي لا تقعوا فريسة في مصائد ( الهنود ) !!!:0) => فاهمين قصدي ،،
أخي مشكلتك من أبسط المشاكل التي مرت علي ، وهي تنظيف العدسة وموازنتها فقط ،، ويستحب أن يكون عندك خبرة ولو قليلة قبل فتح الجهاز لضمان السلامة ،، وأهلاً ومرحباً بك في أي وقت وأي مكان ،، أما أن أنهيلك العملية بنفس اليوم هذي نقطة ما أشجعك عليها ،، تدري ليش ؟؟
علشان آخذ راحتي في الشغل وما يكون أي كلام ، عرفت ليش ؟؟
أما رقم التلفون المشكلة إنه صاحب المحل السابق ما سدد الفاتورة وقطعوا الخط علينا ،، بس ما عليك بحاول أجيب رقم جوال أو أي شيء تطمنوا . . .;-)
مشكور على المعلومات مرة ثانية
بس عندي مشكلة صغيرة خايف أنها تتطور
وهي أن الجهاز لما أحط السيدي ولا الدي في دي يطلع صوت
في حامل السيديات هل تحتاج إلى تزييت وشكرا
انا جهازى امريكى يو سي وابي اطوره
فما هي افضل تطويرا واسمها ومواصفاتها لانى محتار بالجهاز
مع انى ملاحظ هذه الايام ان السونى بدت اتعلق بعض الاشرطه جنه العدسه ضعفت
فما الحل
والسوال الثانى
انا لقيت موضوع في هذا المنتدى عن تطويره جديد فهل انتضر التطويرا ولا اطور على التطويرات الموجوده
فما رايكم ارجوكم رد
لا تطنشون حتى لو لم تفيدونى شيء كلما اكتب موضوع محد يرد على
وشكرا
SNOoOP ، من المفترض انك تزيت حامل الديسكات ، لكن ماله أي تأثير على العدسة .
==============
أفضل تطويرة ميسايا 2 .
وبخصوص التعليق ، أقولك من الحين إلحق نفسك ولا تستعمل السيديات ، استعمل فقط الدي في دي ، بعد تركيب التطويرة . لأن عدستك بدأت تخرب وإذا استمريت في اللعب بها فإنها ستتوقف نهائياً .
جميع التطويرات التي قرأت عنها في الموضوع السابق ، هي موجودة الآن فعلاًُ في السوق ، وأنا قد عدلت بها عدة أجهزة .
أما بخصوص التطنيش ، من متى وأنا أطنش ؟؟ خاصة في مواضيعي ؟؟:واو: :cool:
اخوي CV XBLOOD انا جهازي امريكي ابي اركب قطعة تطوير انا مركب
SBOX يعني اذا ركبت قطعة تطوير جديد لازم اغير العدسه ولا لا
لأني اخوي snake5 يقول انا قطعة SBOX واسطونات الكوبي من الأسباب
اللي تخرب العدسه وانا مركب SBOX وطبعا ما اشغل إلأ الكوبي العاديه
المهم وش تنصحني اركب المسيا2 ولا ماجيك3
هذا MODEL:SCPH-30001
وهذا SERILA FU1121193
وهذاDATE CODE 2B
وشــــــــــكــــرا....:o
الله ايخليك اخوي CV XBLOOD
باهي اقولك شي مهم
لمادا اول مانشتري البلايستيشن 2 بيكون ايشغل الدفيدي من اول مره ومع مرور الوقت يصبح الجهاز تعبان جدا :غضب:
وهل تنصحني باستخدام اسطوانة التنظيف مع المحلول
:D ;)
أخي yoshiMiTsu مافي داعي إنك تغير العدسة إذا كانت تشتغل زين ، وهذا يعتمد على طول المدة إلى استخدمت فيها قطعة SBOX !!
وكلام الإخ snake5 صحيح ، وأنا بعد هذا كلامي ، بس إذا ما طولت في استخدامها مافي مشكلة .
أما بالنسبة للقطع أنصحك بالميسايا 2 ، وإذا ما تبي تدفع زيادة فخذ الماجيك 3 ، وكلا القطعتين متطورتين :cool:
أما بالنسبة لمواصفات جهازك فهي ممتازة وتقبل جميع القطع القديمة والجديدة .
=============
أهلاً وسهلاً بالأخ العزيز gran ، وينك يا شيخ ما نشوفك إلا في منتدى تومب رايدر !! تعال عندنا شوي ;-)
المهم ، بالنسبة لسؤالك ، لأن العدسة تكون قوية ( بالأصح موزونه على الأشرطة الأصلية ) وحنا نجي ونستخدم الأشرطة المنسوخة وما نعدل العدسة ، فبتتعب وهي تقرأ من الأشرطة الكوبي وهذا بالتأكيد راح يستنزف طاقتها إلى أن تموت :واو:
أما بخصوص ديسك التنظيف والمحلول فأنصحك باستخدامهم دورياً ولا تستخدم ديسكات التنظيف التجارية لأنه ما منها فايدة !! واستخدمها مثل ما هو موضح بالتعليمات ، يعني لا تكثر المحلول ومدة التنظيف ... إلخ .
أرجو أن تقضوا أوقات سعيدة مع PS2
:)
اهلا اخوي اشتقنا لك ولموضوعك
امس انا نظفت الجهاز من برا مع محلول حق القزاز تعرفه الي لونه ازرق:D
الزبدة فتحت الجهاز(يمكن هاذي تاسع مرة افتحه)
وعندي صراحة خبرة في فتح غطاء العدسة الاسود الكبير الي فيه اربع مسامير وحامل الدسكات الي له مسامرين على الجنب وفتح العدسة الي لها حامل معدني له مسامرين في الامام:cool: يعني فاهم بشغلة العدسة
بعد ما نظفته وقلت خلني اتاكد من المسامرين الي ورا لقيت انها حق الديفدي ماالتف ربع بوصة زين قمت لفيته لليمين شوي(للعلم على حسب قرائتك لردودي السابقة فلديك معرفة باني ركبت الماجيك تو وقالي المهندس لازم تغير العدسة وغيرتها يعني العدسة ما صار لها اسبوع)
سكرت الجهاز بعد ما نظفته وسويت للعدسة وزن وشغلت الجهاز بعد ساعة تقريباً :أفكر:
ما اشتغل :واو: غريبة خلني اعيد اشغله واجرب ما اشتغل :واو: عدته عشرين الف مرة وما اشتغل:غضب:
استغربت قلت يمكن من الموازنة خلني ارجع كلشي لمكانه ما اشتغل عدلت بالموازنة رجعتها لمكانها الاصلي ما اشتغل(للعلم انا لعبت فيه قبل لاافتحه بwweshut your muoth) واليوم شغلته ما اشتغل
ايش السبب؟:!
والله يا أ خ CV XBLOOD
بس لو مكان محلك قريب ... لو جيتك من زمان بس محلك بعيد فعلا مني:(
بس انشاء الله اقدر اروح يوم عندك ونشوفك باذن الله ...
الاخ المهندس سي في اكس بلود انا العضو abo yasser وابشرك طلعت عدسه جهازي ما فيها ولا شي ولا تحتاج لوزنيه ... وان شاء الله اركب الماجيك 3 وشكرا لمعلوماتك..;)
اقولك ..... لا تركب قطع ولا شيء والعب بالاصلي 17 ساعه ولا يصيرله اي شيء ......
لكن المشكله المنسوخ ... لا و مو اي منسوخ .... يعني لو بغيت تشتري منسوخ اشتر نسخه منسوخه في ماليزيا او استراليا ... لا ذوليك هم الي ينسخون صح يخلونه مثل الاصلي
كيف حالك ضياء ووش اخبارك المهم
دقيت اليوم العصريه علي محلكم الزعيم وقال العامل انك مانت موجود قلت متى يجي قال يمكن بعد العشاء ويمكن مايجي قلت افى المهم رحت لمحل عندنا اسمه صخر على طريق المدينه المنوره في البديعه المهم قال تغيير العدسه ب300 ريال قلت هاااااااااااااا
قال جاك العلم المهم يمين يسار قلت له اوكيه معه هديه شريط ذا قيتوي قلت اوكيه وقال الساعه 9 الليل تجي
الساعه الان التاسعه رحت له قلت سم خلص الجهاز قال والله الجهاز مشكلته كبيره قلت ليه قال الدينمو مايدور بسرعه كافيه لتشغييل الديفدي مع انه يشغل السي دي قلت له يا هووووووو قل غيرها قال جاك العلم وقلت له جيب الجهاز وانا تمشى القى محل اسمه على ما اطن افكار جيم
نزلت الجهاز عنده وغير العدسه قدامي وشغل بعض الالعاب واشتغلت وشغل شريط ديفدي واشتغل وجربنا ذا قيتوي بس ما اشتغل حاول يمين يسار المهم قال تعال بكرا بعد العصر ويصير خير ووانا خايف يصير العطل كبير المهم اذا ما احد صلحه بجيبه لك وقرر فيه وانا بحاول اجيبه لك حتى لو صلح( مع اني اظن انه ما يصلح وراح يصير مصيره الزباله وانتم بكرامه)
والله يلعن سوني لعبت فينا با اجهزتها التافهه
أهلاً بالغالي ابوتركي : وينك يا شيخ ؟؟
أنا يوم الأحد كنت غايب علشان كنت تعبان شوي ومزكم !! :!
وجيت يوم الإثنين ، والحمد لله أنا بخير وبكمل ....
وإذا تبي الصراحة إنت غلطان مررررة !!
أنا قايلك تعال عندي ، وأعطيك العدسة ( وكالة مع الفاتورة ) من شركة سوني ، بـ 250 ريال مع التركيب ، ليش استعجلت وسويت إلى في راسك ؟؟
بعدين وش هالكلام الفاضي ؟ الدنمو ما يدور بسرعة كافية ومدري وش ؟؟
لا.... بعد شوي قلي الباب ما يفتح بسرعة كافية والجهاز ما يعيد التشغيل بسرعة كافية ، .... إلخ !!:واو:
المهم صار إلي صار ، وإذا حبيت تراجعني أهلاً وسهلاً ، بس أنا معاك بشيء واحد بس ، وإلي يمكن يشفعلك ، وهو طول المسافة ، يعني يمكن أنت حبيت تروح المحلات إلي جمبكم علشان أقرب ، مافي مشكلة ، بس إذا كان عذرك إنك غيرت العدسة بـ 300 ريال علشان شريط بـ 10 ريال فأنت غلطان ...
نشوفك على خير :-)
إيه نسيت ...........
وش يضمنلك إن العدسة إلي ركبلك إياها جديدة و أصلية ؟؟؟
يمكن فاكها من جهاز عنده !!
المهم معاك دليل ؟؟:أفكر:
:D شدعوة جحدتنا؟ ردي الي بالصفحة الخامسة
اقتباس:
اهلا اخوي اشتقنا لك ولموضوعك
امس انا نظفت الجهاز من برا مع محلول حق القزاز تعرفه الي لونه ازرق
الزبدة فتحت الجهاز(يمكن هاذي تاسع مرة افتحه)
وعندي صراحة خبرة في فتح غطاء العدسة الاسود الكبير الي فيه اربع مسامير وحامل الدسكات الي له مسامرين على الجنب وفتح العدسة الي لها حامل معدني له مسامرين في الامام يعني فاهم بشغلة العدسة
بعد ما نظفته وقلت خلني اتاكد من المسامرين الي ورا لقيت انها حق الديفدي ماالتف ربع بوصة زين قمت لفيته لليمين شوي(للعلم على حسب قرائتك لردودي السابقة فلديك معرفة باني ركبت الماجيك تو وقالي المهندس لازم تغير العدسة وغيرتها يعني العدسة ما صار لها اسبوع)
سكرت الجهاز بعد ما نظفته وسويت للعدسة وزن وشغلت الجهاز بعد ساعة تقريباً
ما اشتغل غريبة خلني اعيد اشغله واجرب ما اشتغل عدته عشرين الف مرة وما اشتغل
استغربت قلت يمكن من الموازنة خلني ارجع كلشي لمكانه ما اشتغل عدلت بالموازنة رجعتها لمكانها الاصلي ما اشتغل(للعلم انا لعبت فيه قبل لاافتحه بwweshut your muoth) واليوم شغلته ما اشتغل
ايش السبب؟
دقيت اليوم العصريه علي محلكم الزعيماقتباس:
الرسالة الأصلية كتبت بواسطة ابوتركي
كيف حالك ضياء ووش اخبارك المهم
ما ظنيتك كده يا CV XBLOOD عندكم طلع تلفون وما خبرتنا ............:( :واو:
آسف شباب دشيت عرض...
أنا ما قريت الصفحات بس أعرف أسباب العدسة مع سالفة صارت لي..
كنت مطور السوني مالتي وكان الباب (الدرج) يعلق مو خربان بس يحك
وكان إذا طلعته يطلع نصه بعدين يدخل أوتوماتيكيا بدون لا ألمسه
مره رحت (الرحاب) بصلحه رحت حج أول محل شفته قالي أصلحه لك بربع ساعة بخمس دنانير قلتلهok
رحت ورديت قالي صلحته قلتله بجربه
ركب السوني وشغلها فتح الباب ... رد دخل مرة ثانية... ماصلح شي (كنت عطيته الفلوس)
تهاوشت وياه قالي أنا سويته و ... و...
قلتله إنت جذاب عصب وعطاني فلوسي وقال خلاص بطلنا ما نبي منك شي بس روح
أنا عصبت:غضب:
وقلتله بجربها ركبت dvd copyمن عندي (اللعبة روكي)
ما اشتغل قالي السوني مو مطورة
قلتله والله مطورة جرب سي دي ثاني وثالث وعاشر وكوبي عادي وأصلي
ما قامت تشغل شي
قالي أنا مو مسؤول
ومن حظه أبوي كان ينطرني ومعصب علي في السيارة قلتله أنا أرجعلك ورحت
رديت بعد يومين قالي العدسة عطلانة (أثاريه الكلب لمس العدسة وعطلها)
قلتله بجم تصليحها قالي ماتتصلح بس تتبدل ب25دينار
طقيت على راسي توني مصلحها وخربتها لي قالي أنا مالي شغل
فريت على أكثر من محل وقالو نفس الكلام(يبون يربحون) إلا واحد(ورشة الوكالة الآسيوية)
قالي بسويلك طريقة إذا ضبطت okما ضبطت سلم على عدستك
سوى الحركة شنو الحركة؟؟
طلع العدسة ونظفها بمنديل واشتغلت:! :!
أنا طرت من الفرح وصلح الباب الحساب؟؟؟
4دنانير
سألته بسسسسس؟؟؟؟؟؟؟:6
تشكرته وقالي
الأسباب إلي تخرب العدسة
1- اللمس: يجب عدم اللمس بتاتا
2-لا تضعها على السجادة (الزولية بالكويتي)
4-الغبار
5-الإهمال
6-السيدي المخدش
7- الsbox
طــــرق الوقاية
1- إشتر قاعدة واجعل الجهاز عمودي لكي لا تشفط المروحة الغبار على الطاولة أو السجادة وتضعه على العدسة
2-عند الإنتهاء من اللعب لا تتركها معرضة للهواء بل ضعها في الورق الذي كان مع الجهاز أول مرة ولفها فيه
3-لاتستعمل الsbox
4-تأكد من السي دي إذا به خدوش
هذا مالدي وآسف إذا كنت مكرر المعلومات لأني ماقريت الموضوع
وآسف على الإطالة:6
":"
حبيبي الأخ ( Mohannad ) ، المحترم ..... أما بعد :
التلفون ما صارله يومين عندنا ، لأن صاحب المحل الأول ما سدد الفاتوره وانقطع فترة ورجعناه قبل يومين !!
واتفضل هذا الرقم ( 4464995 ) ، المحل اسمه الزعيم ،،، وإذا اتصلت ورد عليك واحد هندي قوله عطني ضياء .
وأنا لم أقصد أبداً إخفاء الرقم عنكم ، لكني نسيت ولم أفكر بهذا الأمر إلا منذ قليل !!
آسف جداً ،،،،،،، وأي خدمه أنا مستعد
;-) المهم رضا الله ثم رضاكم ...:-)
==================
أخي بلاي ستيشن 2 معليش على التأخير ... لم أجد سبب مقنع لعطل جهازك !! ولذلك فضلت إني ألقاك على الماسنجر يوم الأربعاء بعد ما أرجع من المدرسة يعني الساعة 1.5 بعد الظهر ماشي :0)
==================
soper sonic كلامك صحيح ،، بعض المحلات عارف وين الخراب ، بس يقولك بغير العدسة وهو ما عليه إلا ينظفها ويوزنها !!!!
وبعدين مين إلي بيلمس العدسة ؟؟ شيء بديهي إنها تتعطل إذا لمست ;-)
بالنسبة للدوام حقي في المحل :
لاحظت في الفترة الأخيرة أن الشباب يتصلون العصر !! وهم ما يدرون إني مش موجود ،،
في أيام الدراسة العادية موجود من بعد المغرب أو العشاء إلى الساعة 11 ليلاً .
في أيام الإختبارات : مش موجود . :واو:
في الإجازات : من الساعة 8 صباحاً ، إلى الساعة 12 ليلاً :0)
في رمضان ، من بعد العشاء وحتى الساعة الرابعة فجراً .
ويا هلا فيكم . . . :-)
تنبيه هام :
هذه بعض التحذيرات التي أجدها ملصقة على أجهزة البلاي ستيشن من الداخل والتي وضعت من قبل الشركة ، وبعضها من كتيب التعليمات :
==========
هذا الجهاز من المنتجات الليزرية من الفئة 1 .
هذا الجهاز الإلكتروني يحتوي على دوائر رقمية حساسة جداً للتيار .
إذا حدث عطل في الوحدة الرئيسية لا تفتح الجهاز ، وتوجه إلى مراكز الصيانة المتخصصة بذلك .
لا يوجد أشياء داخل الجهاز يمكن صيانتها من قبل الزبون .
أشعة الليزر التي تشع من عدسة جهاز الألعاب بلاي ستيشن 2 ضارة بالعين ، دع أعمال الصيانة للفنيين المؤهلين .
عدسة الليزر حساسة جداً ضد العوامل الخارجية ، مثل الصدمات المفاجئة الرطوبة ، الحرارة ، الكهرباء الساكنة .
انتبة ! خطر الصدمة الكهربائية محتمل ، لا تفتح الجهاز ، ولا تحاول مطلقاً تشغيلة دون الغطاء الخارجي ، لا تعرض الوحدة الرئيسية للرطوبة أو البلل ، دع أعمال الصيانة للجهات المتخصصة بذلك .
لا تتحمل الشركة مسؤلية الخسائر المادية أو البشرية أو الممتلكات الأخرى بسبب سوء استخدام هذا الجهاز .
استخدم الجهاز كما هو موضع في كتيب التعليمات ، ولا تقم بتحويل أو تحوير دائرته الإلكترونية . ( هذي النقطة حنا معطينها ظهورنا ، فاهمين قصدي ؟ )
من الضروري تنظيف فتحات التهوية الأمامية والخلفية للجهاز بين الحين والآخر ، إذا تراكم الغبار بشكل كبير ، استعمل المكنسة الكهربائية لتنظيفه .
إذا فتح الجهاز سوف تخسر الضمان فوراً .
الجهاز خالي من الأعطال المصنعية أو التقنية ، والشركة تتعهد بإرجاع أي وحدة بها خلل فنياً .
===========
وأخيراً خلصت ،،، حبيت أوضح نقطة ، بعض الشباب يعتقد إن رفع الجهاز بالطريقة العمودية يجعل الجهاز لا يقوم بشفط الغبار !! وهذا اعتقاد خاطيء !!
لأن المروحة الموجودة في الخلف تشفط الهواء الداخلي من الجهاز وتطرده خارجا ً يعني لو تحط منديل قرب المروحة سوف ترى أن المنديل يبتعد عن المروحة ، وهذا دليل على أن المروحة تنفث الهواء ولا تشفطه إلى داخل الجهاز .
السلام عليكم و رحمة الله و بركاته
كيف حالك ياخوي CV XBLOOD عساك بخير؟
أما بعد....
ممكن طلب...
لو كنت تستخدم الـMSN Mesenger ممكن تعطيني ايميلك عشان أضيفك عندي؟و مشكور
و لو كنت تسأل عن جهازي وش أخباره و أيش صار معاه...راح أقولك بعدين عشاني الحين مستعجل
:D
وسلام,
أخوك
Alucard_2k2
يا CV XBLOOD
انتظرك لي يومين
:0)
ماشفت على المسنجر من فترة لانك قلت لي انك بترد علي بعد فترة
انتظرك
CV XBLOOD
الصورة اللي حاطها صورة العدسة من اسفل
?:
مشكلتي مع البلاشتيشن 2 الاسطورة :(
بسم الله أبدأ معاناتي
في يوم جميل من أيام اخر العطلة الصيفية القبل الماضية كان باقي على الدراسة شهر او اقل << شوفوا التوقيت
وكان مر على ظهور البلاستيش ما يقارب من 6-7 شهور
اشتريت الجهاز من محل علاء الدين في مجمع صحاري اللي على طريق الامير عبدالله
ولأني كنت هذاك الوقت ما اعرف محلات مأمونه رحت لهذه مع انه بعيد لان ساكن
في ظهرة البديعة وشريته منه ( كان السعر 1750 + 5 أشرطة+ الريموت حق الدي في دي الفديو طبعا)
ومرت الاشهر الاولى على سلام
الى ان حصلت الكارثة (طرراااااان << مؤثرات صوتية :D )
هو ان الجهاز صار ما يشغل الاشرطة الا بعد كم محاولة للاعادة ويقول (ريد ايرور)
فقلت اركب القطعه كوده تمشي الاوضاع فرحت لمحل افكار على طريقة المدينة المنورة لاني كنت معملهم << السبب انهم كانوا من اول من يجيبون اشرطت السوني الثاني باستمرار
فركبها لي بـ300 وقال يمكن العدسة خربانه لانه جرب يشغل دي في دي اصلي اول ما جبت له الجهاز فما اشتغل
وقال تعال بكرة
يوم جيته قال ما رغيرنا العدسة قلت زين (لان موصيه يجرب ينفض الغبار اللي فيه << تعبير حلو صح ) بس الظاهر ما نظف الغبار
الزبدة يا اخوان انها مشت معي ما يقارب الاسبوع ونصف بعدها قامت اشرطة الدي في دي تخبط
لازم اعيده كم مره
لا وبعض المرات يشتغل الشريط ثم يعلق فجأة وعانيت منها في جي تي اي فاس سيتي وبعض المرات في ميتال غير الثاني كان كل ما رحت من مكان لمكان يعلق في مكان التحميل << حتى اني صرت اسوي سيف في كل منطقة ويوم خلصت اللعبة صار عندي 56 سيف :)
الزبدة اني تعقدت من التعليق والحين طالعة مشكلة جديدة ما يشتغل الا بالطقاق وبعض المرات ما يشتغل واذا خليته شوي يشتغل ثم يقول (اون ايبل تو ريد ويجيني ارقام اتوق انه قراه على انه سيدي صوت اتوقع ) ساعدوني يا ناس هذي معاناتي ويا اخوي اليكترونيك بوي كان عندك حل والا ترى شكلي باجيك في المحل لانك واضح عليك فنان وتستاهل كل خير على العموم الرجاء المساعدة:(...
للرفع !
السلام عليكم
توني أنتبه للموضوع اسف :
الموضوع انا قريته كله أفادتني معلومات كثييييييييييييييييييييييييييييير
فيه
شكرا أخي العزيز CV XBLOOD
(((((خاصتا معلومة تنضبف الغبار بالمكنسه الكهربائيه أنا كنت متحير شلون أنضفها)))))
ومعلومة إنه المروحه تطرد الغبار ولا تشفطه
مشكووووووووووووور:0)
الحمد لله إنك انتبهت واستفدت ;-)