ارائكم في العاب الجيم كيوب..

السلام عليكم...

الغرض من الموضوع هو تحديد العيوب والمميزات الموجوده في العاب الجيم كيوب...

اول لعبه ببدأ فيها هي انيمال كروسينج...

فراح احدد الأشياء الي عجبتني فيها و الأشياء الي اشوفها عيب في اللعبه..

و ياليت تقولون رايكم فيها مع تحديد العيوب والمميزات الي تشوفونها فيها...

ببدأ بنفسي..

المميزات :-

ان اللعبه ما تنتهي..و فكره اللعبه الجديد والمختلفه عن بقيه الألعاب...

والأحداث الي فيها وان الوقت في اللعبه يكون مثل التوقيت الحقيقي..

وطريقه التبادل في اللعبه.. , وفيه مميزات كثيره غيرها...

العيوب :-

الجرافيكس و تصميم الشخصيات ما "اقصد الحيوانات اقصد فيها الشخصيه الأساسيه الي تلعب فيها..."

وان اللعبه احياناً تكون ممله اذا ما كان فيه احداث او تغييرات...

وابغى اسمع ارائكم في اللعبه وبعد سبع ردود راح نحدد لعبه غيرها ...

شكرا كيربي على الموضوع الحلو :)

وانا اختار لعبة Star Fox Adventures

المميزات :
قصة جميلة وطريقة لعب مثل زيلدا تجعلك تقع في هواها
الجرافيكس الرائع فيها

العيوب :

طريقة لعب غير مفهومة ولا تستطيع أن تستوعب الأحداث مما يجعل اللعبة صعبة للغاية :":

انا لم أعرف حقا كيفية التنقل بين المدن :":

وشكرا كيربي مرة ثانية على الموضوع :)

اقتباس:

---

الرسالة الأصلية كتبت بواسطة Super-Mario
شكرا كيربي على الموضوع الحلو :)

وانا اختار لعبة Star Fox Adventures

المميزات :
قصة جميلة وطريقة لعب مثل زيلدا تجعلك تقع في هواها
الجرافيكس الرائع فيها

العيوب :

طريقة لعب غير مفهومة ولا تستطيع أن تستوعب الأحداث مما يجعل اللعبة صعبة للغاية :":

انا لم أعرف حقا كيفية التنقل بين المدن :":

وشكرا كيربي مرة ثانية على الموضوع :)

---

شكراً على ردك يا سوبر ماريو...:)

بس انا ما كنت اقصد ان كل عضو يختار لعبه...

كنت اقصد ان الأعضاء يقولون رايهم في انيمال كروسينج ...

وبعد ما يرد 7 اعضاء راح نختار لعبه ثانيه و نسمع ارائهم..

ان شاء الله تكون فهمت قصدي :": ومشكور مره ثانيه..

اقتباس:

---

وانا اختار لعبة Star Fox Adventures

---

اخوي Super-Mario اعتقد انه كيربي كانت تقصد ان نقول عن لعبة انيمال كروسينج .. بعدين نختار لعبة ثانية ..


________________


لعبة انيمال كروسينج :

المميزات :

عجبني اسلوبها و علمتني هذي اللعبة بعد انه متعة اللعبة اهم من الرسومات ..

اللعبة ذكية واايد و هذا اكثر شي عجبني فيها ..

تعدد الاشياء التي استطيع تجميعها ..


عدد الاشياء التي استطيع فعلها و المميزات الخاصة في اللعبة مثل وصلة الادفانس و العاب الفاملي و القارئ الالكتروني و التبادل بدون نت ..


تحتفل معاك بعيد ميلادك .. كان احلى يوم في حياتي يوم لقيت midge (واحد من السكان) ينتظرني بجانب الباب على شان يعطيني الهدية مالتي .. :) ايااااام :"


العيوب :

يمكن الرسومات عند بعض الاشخاص .. لكن انا بصراحة عجبتني الرسومات ..


الحوارات الطويلة التي اسمعها من معظم الشخصيات ( خاصة من البومة اللي في المتحف )


عدم تضمن اللعبة قائمة جاهزة لبعض الجمل التي نكتبها في الرسائل .. لانهم ما يفهمون الكلام اللي نكتبه اما لو حطت ننتندو جمل جاهزة في اللعبة نرسلها لاصحابنا بيكون افضل ..




مشكووورة يا كيربي على هذا الموضوع الرائع .. و انتظر اللعبة الثانية :)

السلام ...

مشكورة على الموضوع يا كيربي ...

مميزاتها :::

1/لا تنتهي ...

2/التفاعل مع سكان قريتك ...

3/تزيين بيتك من الأشياء الجميلة في اللعبة ...

العيوب :::

1/أحياناً لا تجد ما تفعله ... (أحياناً) ...

2/الرسوم باهتة وضعيفة ولا ترقى لمستوى الجيم كيوب ...

3/طول فترة التخزين ...

4/أكثر شيء مللني في اللعبة أستنى لين ما أسدد دين بيتي ...

مشكورة على الموضوع مرة أخرى يا كيربي ,,,

ياااااو



سلام لل جميع


ندخل في الموضوع


المميزات:


تصميم اللبس على كيفك تحطها على القميص أو المضله


أو تصمم شكل تخليه على أرضيت أو حائط البيت أو على الباب


والتغير في الفصول الأربعه (مثل فيه أشياء تلاقيها وأشياء لأ)

وخاصيت التجميع جميله


وأيضن عندما تنتقل إلى مدينت صديقك يذهب من مدينتك شخص ويأتي شخص جديد
___________________________________


والعيوب:

عندما تخاطب أحد الحيونات تلعب معه مسابقه وإذا خسرت يأخذ كل النقود اللتي معك (بعض المرات تحصل هاذي)


ورسوم الحيونات مو عاجبني تحس شكلهم مو واضح


و الجيوب لو يزودونها أشوي بيكون أحسن (اللي يخليك تشل أغراض)


وإذا عاديت اللعبه Rest يطلعلك حيوان الخلد ويعطيك محاضره طويله
يخليك تكره صبعك اللي هوس ال Rest
____________________________________


وفيه مميزات وعيوب كثيره بس نخليهم حق الأعضاء

بس في شي مو عارف هو عيب او ميزه

انه تقدر تغير الوقت وتروح أي يوم وساعه تريدها





وشكرن لل أخت kirby لل موضوع

AniMaL CrOsSiNg

المميــــــــــــــــــــزات

______________________________________________________________________


ان عمر اللعبه طويل وتحتوي على كثير من الاحداث النادره الحدوث والجميله في نفس الوقت مثل الهالوين عدا لكن بعد فتره راح نتمنى لو يرجع فما بنمل من اللعبه بسرعه

كما ان هناك ميزة التبادل التي لاتوجد في الالعاب الاخرى,وميزة اخرى وهي امكانية الانتقال الى مدن اخرى بطريقة سهلة وسلسه تمكن اي شخص القيام بها,كما ان رسوم اللعبه جميله بعكس ماترون,هي ليست قويه لكن جميله,اي ان الرسم مقبول بل جيد بالنسبة للعبة واسعة كهذه

ميزة اخرى وهي امكانية توصيل القيم بوي مما جعل اللعبه من اقوى الالعاب التي ترتبط بالكيوب قبل صدور ميترويد,كما ان توصيل القيم بوي بالكيوب اعطى الكثير من المزايا للعبه ومن ناحية اخرى ضربة ننتندو عصفورين بحجر,حيث رفعت مبيعات اللعبه بالكيوب والقيم بوي كذلك الاجهزه

واخيرا خدمة الe-reader الي دعم اللعبه كمان ورفع من مستواها وهذا كله للعبه وحده وان شاء الله كثير من الالعاب تتبعها

العيــــــــــــــــــــوب


انا لم الحظ الكثير من العيوب ولكن ارى سرعت الدخل المالي جعل اللعبه شبه سهله وخفت من واقعيتها,كما انه من الافضل لو وضعوا تقارير عن السمك واوقات ظهوره والحشرات وغيرها لجعل اللعبة افضل بكثير.كما ان اللعبه مقابل تميزها بالقيم بوي قد انقصت من حق مالكي الكيوب حيث ان البعض لم تتوفر له امكانية الربط بين الجهازين

مشكووورين على الردود..

عدد الردود يكفي اني ابدأ بلعبه ثانيه رغم انها ما وصلت للسبع ردود...

اللعبه الثانيه ((ssbm))

المميزات:-

فكره اللعبه , وانها من افضل الألعاب الجماعيه واللعب فيها ممتع وفيه حماس بين اللاعبين...

و وجود اغلب شخصيات الننتندو في لعبه وحده ....

جرافيكس اللعبه الرائع وحركات الشخصيات ((الضربات)) المميزه...

وتصميم المراحل و الأدوات (Item's) و فكره الكؤوس في اللعبه ((التروفي))...

ومميزات غيرها...


العيوب:-

انها تصير ممله (اذا ما كان فيه احد تلعب معاه ) , والحركات سهله يعني لو تصير اصعب بتكون ممتعه اكثر...

===================

مشكورة كيربي على الموضوع

أما لعبة سوبر شماس

المميزات :-

- شخصيات نينتندو كلهم في لعبة واحدة .

- لعبة طويلة ... يعني تظل معاك للأبد ما تنتهي .

- لعبة جماعية تصل إلى 4 لاعبين .

- رسوم اللعبة جميلة جدا و جذابة .

- وجود شخصيات لم نشاهدهم من قبل في ألعاي نينتندو الأمريكية مثل Roy و Marth .


العيوب :-

- وجود حركات متشابة في بعض الشخصيات .

- لا توجد شخصيات شريرة كثيرة :D

- مملة إذا لم تجد أكثر من لاعبين .

سوبر سماش لعبه رهيبه واجد

المميزات

1 \ لعبه لا تنتهي
2 \ فيها كل شخصيات النتيندو
3\ الاشياء اللي جمعها
4\ احلى لعبه قتال

العيوب

لا توجد:6

المميزات

1- اللعب الجماعي الذي لا يضاهى.
2- فكرة التروفيز أعجبتني جداً ( كل شهر أقراها كلها)
3- شخصيات ننتندو العديدة.
4- أول ظهور لـ Marth و Roy في أمريكا.
5- أن اسلوب اللعب سهل (بحيث يستطيع اللاعب المبتدئ أن يستمتع باللعبة) كما أنها تسمح للمحترف بالتفنن بقوة.
6- المراحل رهيبة.
7- الـ Adventure Mode كنت أتمناه من أيام الجزء السابق.
9- رسومات رائعة.

السلبيات

1- يوشي ماعنده قفزة ثالثة :"
2- حركة يوشي " تحت و A في الهواء" صارت بطيئة.
3- نفس الشي بالنسبة لـ " أمام و A في الهواء" .
4- صديقي الذي "يصفقنا" دائماً (مع العلم بأني لست لاعب سيئ فبإمكاني هزيمة فريق مكون من 3 كمبيوتر لفل 9 كما أني أنهيت كلاسك مود Very Hard بدون ولا كنتنيو ).
5- ضربة "فوق و B " عند كيربي لازم يبدلوها بشي ثاني.

المميـــــــــــــــــــــزات

اولا هي لعبة مميزة بطريقتها الظريفه التي تجمع ابطال ننتندوفي لعبة قتاليه واحد,ثانيا انها اول لعبة قتاليه وجماعيه للكيوب في وقت افتقر الكيوب الى العمالقه مما رفع شهرتها وابقها بالصداره فتره

وايضا رسومها قويه كونها اتت مع بداية الكيوب,وكما هو معهود اول الالعاب لاتستخدم قوى الجهاز بشكل كافي لكن سوبر سماش ادت المطلوب بشكل مقبول

ومن المزايا ايضا طول اللعبه وتشعبها حيث كانت اللعبة الوحيده التي شريتها مع الكيوب وضللت العب بها حتى اليوم ولم امل,خصوصا المتعه الجماعيه باللعبه,وطبعا من الاشياء الي حبيتها باللعبه وجود التقديرات للعبة,تقديرات دقيقه كما ان باللعبه تنوع اللعب الجماعي الممتع

العيـــــــــــــــــــوب

عيب اللعبة ان هناك بعض طرق اللعب سيئه,كما ان حركات الشخصيات ليست متعدده,وصراحه ماعندي الكثير لاقوله لكن عموما انا لابحث عن عيوب اللعبه كما ابحث عن مميزاتها

اللعبة : سوبر سماش برزر ميلي


المميزات :

1- شخصيات نيتندو

2- اربع لاعبين

3 - الاطوار العدية والكؤوس

4- لنك الصغير :D

.........................................................................

العيوب :

1- ملل ((بعد ساعتين )) اذا ما لقيت احد تعلب معاه

2- تحس ان 24 شخصية شوية :6

3- يا ليت لو يقللون شخصيات البوكيمون ويحطون شخصيات نيتندو اخرى

4- تشابه بعض حركات الشخصيات مثال (( غرندورف - كابنت فالكون ))

5- ما في سبشلات (( حركة خاصة مثل العاب KOF ))

وشكرا على الموضوع ;-)

شكراً على الردود..^^

اقتباس:

---

العيوب

لا توجد

:6

---

سوبر مارث ..كل لعبه لازم يكون فيه عيوب..مستحيل يكون فيه لعبه ما فيها ولا عيب واحد
?:

فياليت تقول العيوب الي تشوفها في اللعبه.."على الأقل طلع عيب واحد"

اقتباس:

---

5- ضربة "فوق و B " عند كيربي لازم يبدلوها بشي ثاني.

---

بالعكس انا اشوفها رهيبه و تساعدك في الرجوع لمنطقه اللعب "وخصوصاً انه كربي يطير بسرعه "

ما ادري ليش تبغاهم يبدلونها بشىء ثاني..>_<...

اقتباس:

---

عيب اللعبة ان هناك بعض طرق اللعب سيئه,كما ان حركات الشخصيات ليست متعدده

---

معك حق في هذه بس على الأقل صارت الحركات اكثر منا الموجوده في الجزء الأول...
====================

الحين باقي ردين ونبدأ بلعبه ثانيه...

يااااااو



أوكيه نبدأ


سوبر سماش بروز ميلي




المميزات:


1) أحلى شي اللعب الجماعي

2) وإذا كنت بروحك مافي حد يلعب معاك تقدر تلعب ألعاب تدريبيه

3) تعدد الشخصيات

4) في طور التغيرات يعني تقدر تلعب وأنت كبير او صغير او مختفي

5) تقدر تختار أسم تكتبه وتلعب فيه

6) تغير لون الشخصيه

7) تعدد المراحل القتاليه

_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-


العيوب:



1) فيه شخصيات مالها لازمه في اللعبه

2) بسرعه تنهي اللعبه

3) سهولت اللعبه

4) الحركات تنفز بسوله جداً

5) بختصار اللعبه سهلهXسهله = Very easy

_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-



وشكرن لل أخت kirby على الموضوع

بسم الله الرحمن الرحيم

الممـــــــــــــــــــــــــــيزات


1-جميع شخصيات ننتندو

2-طور الاربعة لاعبين

4-طور الادفنشر

5-التروفى



العيــــــــــــــــــــــــــوب


1-خلفيات المراحل

2-قلت الحركات

3-تشابه بعض الشخصيات فى الحركات

4-وجود كيربى فى العبة :6

اقتباس:

---

4-وجود كيربى فى العبة

---

:6

هذه المفروض تحطها مع المميزات :6 ...

============================

الردود تجاوزت السبع ردود فراح اختار اللعبه الثالثه...

وهيMystic Heroes

انا ما جربت اللعبه "يعني ما اقدر احكم عليها" ...

فأبغى اسمع رايكم في اللعبه..

اقتباس:

---

الرسالة الأصلية كتبت بواسطة kirby64
:6

هذه المفروض تحطها مع المميزات :6 ...

============================

الردود تجاوزت السبع ردود فراح اختار اللعبه الثالثه...

وهيMystic Heroes

انا ما جربت اللعبه "يعني ما اقدر احكم عليها" ...

فأبغى اسمع رايكم في اللعبه..

---

حسافة ما لحقت على سوبر سماش

على العموم انا ما لعبت الا (نصف ساعة تقريبا) ب ميستك هيروز
وانا راح ابدي رايي على هالمدة القصيرة اللي لعبت فيها

المميزات:
1- لعبة استراتيجية جيدة(تحتاج الكيوب حق هالنوع من الالعاب)
2- كثرة الماجك فيها
3- وجود المقاتلين اللي يساعدونك

العيوب:
1- اعتقد انه اللعبة راح تنمل بسرعة
2- لما تدش بين الجنود تضيع :6
3- تقدر تروح وتقابل الوحش دون ان تذبح كل الجنود في بعض المراحل
4- لا توجد اسلحة غير السلاح الرئيسي و الماجك (حسب اللي شفته)


هذا اللي حسيته بعد تجربتي القصيرة للعبة:D

اقتباس:

---

الرسالة الأصلية كتبت بواسطة bah


حسافة ما لحقت على سوبر سماش

على العموم انا ما لعبت الا (نصف ساعة تقريبا) ب ميستك هيروز
وانا راح ابدي رايي على هالمدة القصيرة اللي لعبت فيها

المميزات:
1- لعبة استراتيجية جيدة(تحتاج الكيوب حق هالنوع من الالعاب)
2- كثرة الماجك فيها
3- وجود المقاتلين اللي يساعدونك

العيوب:
1- اعتقد انه اللعبة راح تنمل بسرعة
2- لما تدش بين الجنود تضيع :6
3- تقدر تروح وتقابل الوحش دون ان تذبح كل الجنود في بعض المراحل
4- لا توجد اسلحة غير السلاح الرئيسي و الماجك (حسب اللي شفته)


هذا اللي حسيته بعد تجربتي القصيرة للعبة:D

---

شكراً على الرد..و من كلامك مبين ان اللعبه حلوه ..

بأنتظر شوي لمن يرد كم عضو ((لأن رد واحد ما يكفي ))وبعدها بأختار لعبه ثانيه...

وانا ما ادخل اموضوع الا اما يصير عن لعبه ما جربتها


كربي يليت العبه الجايه تكون رزدن ايفل زيرو

الصراحه احلا لعبه في الجيم كيووب
ماريو بارتي 4
لعبه عجيييييييبه و اهم شي فيها شكل ولد خالتي اذا خسر:D
والصراحه إلي يلعب فيها مايمل كلش و الشي الحلو فيها انك لما تلعب ماتحس بالوقت
يعني يقرب وقت الفطور وماتحس باليوع:D

اقتباس:

---

الرسالة الأصلية كتبت بواسطة كابتشينو
الصراحه احلا لعبه في الجيم كيووب
ماريو بارتي 4
لعبه عجيييييييبه و اهم شي فيها شكل ولد خالتي اذا خسر:D
والصراحه إلي يلعب فيها مايمل كلش و الشي الحلو فيها انك لما تلعب ماتحس بالوقت
يعني يقرب وقت الفطور وماتحس باليوع:D

---

مشكوره يا كابتشينو..

بس المفروض تقولين رايكِ في لعبه ميستك هيروز .."ما بعد يجي الدور على ماريو بارتي4"

اقري الموضوع مره ثانيه و ان شاء الله بتفهمين...

اقتباس:

---

كربي يليت العبه الجايه تكون رزدن ايفل زيرو

---

ايه اللعبه الجايه يتكون رزدنت ايفيل زيرو..

بس بنتظر الردود..

الصراحة أنا ما أعرف اللعبة :(

ياليت تحطين اللعبة الياي بسرعة :D

رأيي في ألعاب جيم كيوب كلها بايخه:o


الا ريزدنت ايفل



وشكرا

ياااااو

اقتباس:

---

رأيي في ألعاب جيم كيوب كلها بايخه

---

كيف تجروأ يا هاذى على قول هاذى الكلام:!



المهم يالله عاد يا كربي خلينا تنكلم في لعبه ثانيه:(

جولدن سن \ خلاص راح أبدأ بلعبه ثانيه..

واضح انه اغلب الأعضاء ما جربوها..:أفكر:

سنوب\ما تقدر تحكم لأني ما اتوقع انك جربت لعبه غير رزدنت ايفيل..

عموماً ما اقدر اقول شىء لأنك قلت رايك ومشكور..

ون شدو ون \شكراً على الرد...

اللعبه الرابعه رزدنت ايفيل زيرو..

انا ما جربت اللعبه الا لفتره قصيره..

بس الصراحه عجبتني كثير وخصوصاً الجرافيكس حقها و طريقه التحكم بشخصيتين..

اما بالنسبه للعيوب فمثل ما قلت من قبل انا ما جربتها الا لفتره قصيره لكني اشوف ان التحكم صعب شوي..:":

ريزيدنت ايفل زيرو؟؟؟؟

الــــعيـــوب
1 - اذا قتلت زومبي او وحش تقدر تمشي عليه تلاقي رجل بيلي او ربيكا على بطن الزومبي _ان شاءالله تكون فهمتموني-
2-محلات الsave قليله
3- اللعبه قصييييره (مو مثل الاجزاء الي قبلها)
4-قصه النهايه قصيره جدا و مالها معنى
5- القرفكس زي ريميك
الممــــــــــــيـــــــــزات
1-العب بشخصيتين حلوه ((تغير عن الاجزاء الي قبلها ))*جديد*
2-صوت الاسلحه مثل الاسلحه الحقيقيه
3-الزومبي 3-4 طلقات يموت
4-الوحوش سهله جدا


.............................وشكرا على الموضوع الاخت كيربي64

اقتباس:

---

الرسالة الأصلية كتبت بواسطة kirby64
:6



الردود تجاوزت السبع ردود فراح اختار اللعبه الثالثه...

وهيMystic Heroes

انا ما جربت اللعبه "يعني ما اقدر احكم عليها" ...

فأبغى اسمع رايكم في اللعبه..

---

إذا ممكن صور لهذي اللعبة



أما لعبة ريزدنت إيفل زيرو ماجربت اللعبة


وشكرا على الموضوع :)

أخيرا دور رزدينت إيفل زيرو

أنا للحين ما شريتها لكن جربتها :)

المميزات

1- شفنا شخصيات فريق برافو .
2- طريقة اللعب بشخصين
3- البطلة ربيكا :p
4- الرسوم وايد حلوه
5- أشكال الزومبي
6- مافيه صناديق

العيوب

1- اللعبة قصيرة
2- مافيه صناديق

اقتباس:

---

إذا ممكن صور لهذي اللعبة

---

ايه تفضل ..>>>

http://cubemedia.ign.com/cube/image/...01002_bev1.jpg

http://cubemedia.ign.com/cube/image/...101002_in1.jpg

http://cubemedia.ign.com/media/previ...athousin14.jpg

جولدن سن \

اقتباس:

---

6- مافيه صناديق

---

الحين هذه حطيتها مع العيوب ومع المميزات ?: ..ما تقدر تحدد يعني ؟ :6

اللعبة رائعة اما عن

المميزات :
1- تقدر تلعب بلاعبين بنفس الوقت
2- تقدر تلعب ايزي - نورمال - هارد (علشان اللي صعبة عليه اللعبة ما يقبل مشاكل)
3- انها بداية قصة ريزدنت ايفل
4- اذا خلصت اللعبة مو معناته انك خلصت كل شي
5- تقدر تحط الايتم وين ما تبي
6- العروض السينمائية اكثر من الاجزاء السابقة

اما
العيوب :
1- الالغاز سهلة (مو نفس الاجزاء القديمة)
2- اللعبة قصيرة بعض الشيء
3- التحكم صعب على اللي ما لعبوا ريزدنت ايفل زيرو (بس احسن حق اللي متعودين عليه:D )
4- كثرت الحبر والطلقات مما يسهل اللعبة (هذا بالايزي ما ادري عن النورمال والهارد)

اقتباس:

---

الرسالة الأصلية كتبت بواسطة kirby64



جولدن سن \



الحين هذه حطيتها مع العيوب ومع المميزات ?: ..ما تقدر تحدد يعني ؟ :6

---

لأنها ميزة لكن في نفس الوقت عيب من عيوب اللعبة :D

احم:D
سورررررري الصياام امأثر علي شويه


وهالعبه إلي اتكلمون عنها مااعرفها

اقتباس:

---

وهالعبه إلي اتكلمون عنها مااعرفها

---

اجل انت من وين ((((((((الهند))))))))):0)

ياااااو

اقتباس:

---

وهالعبه إلي اتكلمون عنها مااعرفها

---

فضيحتي في جلاجل (عقولت أخونه المصريون)


أشهر لعبت رعب وما تعرفينها


المهم


المميزات:


1) انك تتحكم في شخصيتين

2) فيه وحوش يطيحولك من فوق يخلونك تنقز من مكانك

3) الوحوش أشكالها تفتح النفس وانت صايم

==================================
--------------------------------------------------------------------
==================================

العيوب:


1) ماتقدر تشل أغراض وايد

2) أسلحه عاديه تاخذ مكانين

3) وبس :D

==================================
--------------------------------------------------------------------
==================================



و أرجو أن نتكلم عن لعبه ثانيه في أسرع وقت ممكن

اقتباس:

---

أشهر لعبت رعب وما تعرفينها

---

بنت خالتي ما تحب الرعب :p

إحنا في إنتظار اللعبة القادمة كيربي :D

رزدنت ايفل زيرو

ميزاتها

1_ رسومها تهبل
2 طريقة التحكم حلوة وهي فكرة جديدة
3 اذا ختمته تطلعلك لعبة حلوة احلى من الاجزاء الي قبل ومن خلالها تطلع الاسلحة السريه

4 تقدر تغير الملابس على كيفك بعد الختمة (( قبل ما تبدء لعبه جديدة
5 ما في صندوق وهذا خلها واقعيه اكثر
6 القصة حلوة

وفي اشاياء كثير ما قلتها

عيوبها

قصيرة . الغازها مو صعبه .

ونتتظر العيه الثانيه

اي مااعرفهاا....

واااي اشفيكم كليتوني

كل هذا عشان لعبة والله خابيين عمركم

كابتشينو
اجل جربها راح تطير عقلك

kirby64

اقتباس:

---

اما بالنسبه للعيوب فمثل ما قلت من قبل انا ما جربتها الا لفتره قصيره لكني اشوف ان التحكم صعب

---

الواحد يتعود يعني ما يجلس طول الوقت يصقع في الجدران مع الوقت يتحكم عدل وخصوصا اذا "خاف " او ارتاع ;-) (...)

اقتباس:

---

4- كثرت الحبر والطلقات مما يسهل اللعبة (هذا بالايزي ما ادري عن النورمال والهارد)

---

جرب هراد مرة انا جربته ورحت فيها ?: صعب ما في طلقات مافي بخاخات
الزومبي ما يموت بسرعة يمكن الطلقات الي ياخذا ضعف الايزي كم مرة

اقتباس:

---

-محلات الsave قليله

---

من جد تتكلم انا اشوف ان العبه كلها مليانه محلات لل save

ياااو




والله الأخت (الاميرة زيلدا)


طلعت لعيبه ونحن ماندري

كنت أفكرها فالحه بس في الأنيم والرسم :D

ما شاء الله عليكي:)

ONE_SHADOW_ONE

مين قالك
لووووووووووووووووووول
اصلا انا مدمنه الاعاب كمبيوتر قبل ما ادمن على الرسم

وانا ما ارسم الا اذا مليت من العبه وابشرك ختمت رزدنت ايفل في 3 ايام

:0) :0)

ياااو

اقتباس:

---

وانا ما ارسم الا اذا مليت من العبه وابشرك ختمت رزدنت ايفل في 3 ايام

---

يحضكم ناس فايقين

انا والله ماعندي وقت ألعاب اللا في الأجازات


==============

ويا كربي ذليتي اللي ما ينذل


حطيلنا اللعبه الثانيه

ONE_SHADOW_ONE

انا يمكن ما انحرم من الاعاب بس انحرم من النت

يعني تتوقع 15 ساعة في الشهر تسوي شي؟ انا هذة المدة الاي ادخلها

على العموم شكل كربي ما راح تحط لعبه ثانيه اليوم واذا كانت راح تحط

فراح تحط في وقت متاخر شوي

آسفه على الرد المتأخر ..بس كان اشتراكي مخلص وتوني اجدده..

المهم هذه لعبه جديده..

>سوبر ماريو سن شاين<

المميزات :

اكثر شىء عاجبني فيها الجرافيكس وخصوصاً رسم الماء..

و الأفكار الجديده في اللعبه مثل "الآداه حقت الماي الي على ظهر ماريو نسيت ايش اسمها"..

طريقه استخدامها حلوه وفكرتها جديده في نفس الوقت..

يعني تحسون انها مختلفه عن الأجزاء القديمه لألعاب ماريو..

و طريقه تجميع الشاين "اماكنهم.." و قصه اللعبه البسيطه و تناسب للعبه بلات فورم..

العيوب :-

قليله على عكس مميزاتها..

اللعبه قصيره شوي , و التصوير يدوخ _((لازم تضبطه بزرC))_

واشكال سكان الجزيره تضحك.. :p

المميزات

كل شي باللعبة حلو

1- طريقة اللعب
2- مهمات كثيرة
3- رسموها واايد حلوة
4- من نهايتها لها جزء ثاني ?:
5- ...إلخ :D


العيوب

1- تصوير الكاميرا أحيانا يكون غبي :6
2- لازم يغيرون ... القصة كلها عن إختطاف بيتش :p :6

يااااو



إخيــــــــــــــــــــــــراً

نوخوش في الموضوع:D


المميزات:

1) الأماكن واسعه وجميله

2) الرسم ولا أروع خاصه شكل الماي وتحركه

3) يوشي موجود في اللعبه وينك يا (yoshi SD)

4) كثرت المهمات

==================================

العيوب:

1) الشاين بسهوله وبسرعه تلاقيه والبعض العكس تماماً

2) مضخ الماء (فلود) بس بثلاثت طرق تستخدمه

3) قلت الزعماء وتشابهم ( أحب أضارب معاهم)

4) التأخر على الرد :D :D :D

مشكورين على الردود ..

بس انا ما اشوف انه القصه عيب لأنها لعبه بلات فورم..يعني القصه مو مهمه الى هذه الدرجه..

بنتظر ردود بقيه الأعضاء ..

من وجهة نظري أشوف ان Resident Evil - Resident Evil 0 هما أفضل الالعاب على الجيم كيوب دون منازع
- اثارة في اللعب
- مستوى الوضوح العالي في الجرافيكس
- الموسيقى التصويرية عاده ما تكون أكثر من رائعة
- ترابط القصه والتشويق لمعرفة الاحداث
- تحتوي على الكثير من الاسرار مما يجعل صاحب اللعبه يعيد اللعب مرات عديدة للحصول على الادوات المخفية

هذه اللعب هي الافضل بالنسبة لي على مستوى كل الاجهزه
وبصراحه انا لم اشتري الجيم كيوب إلا من اجل سلسلة ريزيدنت ايفل

والله يعطيكم العافيه

مرت مده وما فيه الا اثنين قالوا رايهم بماريو سن شاين..

علشان كذا بغير اللعبه ..

بلودي رور

المميزات:-

وجود ضربات قاضيه -لكل شخصيه- ...

تحول كل شخصيه لوحوش وتغير بسيط في التحول عن الأجزاء السابقه..

الجرافيكس-خصوصاً ملامح الشخصيات..

تصميم المراحل..

العيوب :-

اصوات الشخصيات ((لو خلوا الاصوات اليابانيه بدون تغيير كان احسن.:أفكر: ))

الشخصيات قليله ..

تقدر تخلص اللعبه كامله بكل اسرارها في وقت قصير..

======================

يا ليت اللعبة الجاية تكون (ميترويد أو لويجي مانشن) :D

إمممم بلودي رور .. أنا ما شتريها لكن جربتها

اللعبة حلوة .... بس المشكلة إن الشخصيات قليلة :أفكر:

لكن إنا ما أحب ألعاب الFighting ... فما أعرف اطلع عيوب للعبة

بس إذا قارنت شخصياتها بشخصيات KOF .... هناك فرق كبير في عدد الشخصيات :D

بسم الله الرحمن الرحيم



BlooDY-RoaR

المميزات :-

-نظام القتال

-أنها تفوقت على نسخة الPS2

-أمكانية تحول الشخصية الى وحش

العيوب:-

-لم تتفوق على تكن ..لكنها بالفعل هزت مكانها بالعرش

- قلة شخصياتها مما يجعل اللعبة غير عميقة بالمرة

- القصة مملة ...((هذا أن وجدت بالأصل))



تحياتي L*][*N*K

اقتباس:

---

الرسالة الأصلية كتبت بواسطة Golden_Sun
إمممم بلودي رور .. أنا ما شتريها لكن جربتها

اللعبة حلوة .... بس المشكلة إن الشخصيات قليلة :أفكر:

بس إذا قارنت شخصياتها بشخصيات KOF .... هناك فرق كبير في عدد الشخصيات :D

---

بالاضافة الا ان رسوماتها وتطور اللاعبين الى نصف انسان ونصف حيوان امر رائع .. ;)

وشكرا على هذا الموضوع .. :p

مشكورين على ردودكم..

((الحين اللعبه مترويد برايم))..

انا ما جربت اللعبه فأنتظر ارائكم فيها..:)

المميزات

-الرسوم

-طريقت اللعب

-التصويب التلقاي

-التحول للكورة


العيوب عيب واحد

-الافلام السنمايه مزوده كثير وليافيه ساماس


وشكرا على الموضوع
":"

انا لعبت العبه خمس دقايق ما اعتقد اني بكتب شي مفيد


المميزات

الرسوم حلوة

اسلوب التحكم فيها خصوصا لما تحول كورة

تذكرني بايام برفكت دارك

العيوب

ما ادري بس انا لعبت في البدايه بس

الماكن كله حديد كل شي يلمع ما شفت شي طبيعي

كل شي صاير فضي :( بس ما ادري يمكن اذا وصلت ابعد تروح اماكن طبيعيه

لامهم انتو قولو لاني ما شريتها لاكني راح اشتريها انشاء الله

بختار لعبه جديده..

--------------------------------

ماريو بارتي4 :-


المميزات :-

-من افضل الألعاب الجماعيه واللعب فيها ممتع..

-افكار الألعاب حلوه وتغيير عن ماريو بارتي 3 ..

-عدد الألعاب كثير..

-اللعبه طويله وتاخذ وقت على بال ما تخلصها كامله..

-ما ينمل منها بسرعه..

العيوب :-

-تصير ممله اذا ما كان في احد يشاركك اللعب فيها ..

--------------------------------