ننتندو هل تكسب حرب الاسعار ؟؟

السلام عليكم

كيف الحال

اكيد كلكم قريتوا ان ننتندو اعلنت عن الاسعار ..

طيب مب مشكله نعيدها لكم

الكيوب ب199 دولار يعني ب200 دولار يعني 700 ريال تقريبا

الالعاب 50 دولار يعني 180 ريال تقريبا

بينما سعر الاكس بوكس 299.99 دولار يعني 300 دولار اي ما يساوي 1080 ريال تقريبا

اما العابه الله اعلم

هذا من غير الزيادات طبعا و اكيدج البلاي ستيشن 2 بينزل سعره يعني ....السوق بيولع من الحين

اذا هنيئا لكم عشاق الPS2 و هنيئا لكم عشاق الكيوب بهذا السعر

ما ينقصنا الا شيء واحد ...صدور الجهاز و تنتهي السالفه ...

ملاحظه :

البلاي ستيشن 2 راح يشكطل منافسه كبيره مع الكيوب من ناحيه السعر لا تستبعدون نزورل سعره الى المنتصف يعني 50 % ترى هذا شيء مب بعيد


لكن يظل الاكس بوكس في خبر كان و سيكون ...سيكون في وين ...؟؟ الله اعلم يمكن يلغون المشروع :D

اسف عالاطاله و شكرا لكم

تحياتي

هلا والله بفاس
كيفك؟؟؟؟

بس كم تتوقع بيكون السعر بعد عمليات النصب والاحتيال وبعد ما تطرأ اساليب الغش للبياعين هنا؟؟؟؟

بس صراحة 700 ريال رخييييييييييصة
اذكر يوم شريت ال64 كان سعره 1950 ريال+)

الأخ fas

الموضوع طيب لكن...

اذا سوني ناوية تقفل بدري راح ينزل سعر الجهاز الى النصف او الى 200$
لأنهم شبعانين خساير ومشاكل
الـحبيب xbox جهاز لذيذ لكن عيبة انه ما ينشرا لــ3 اسباب:
1- جهاز امريكي (داعمي اليهود)
2- العابة من شركات PC(المتحجرة)
3- الأمريكان ما يتفوقون على اصحاب العيون الضيقة في التقنية
لذلك تشوف جهازهم (مايكروسوفت) بحجم غسالة الملابس XXL

وشكرا لك

هلا والله التنين

الحمدلله تمام و انت ؟؟

من ناحيه السعر المتوقع

الشحن : 150 ريال زياده

الارباح : 200 ريال زياده

النصب + الاحتيال : 300ريال

يعني 700 + 650 = 1350 يمكن

الا اذا كانوا نصبهم درجه اولى فذلك شيء اخر


____________\

بيج ان

معك حق لكنهم يريدون المنافسه و ليس مواصله الخسائر مع انهم في الحالتين متوهقين لكن يريدون المجازفه

و على فكره

البلاي ستيشن 2 لما نزل كان سعره 300 دولار مثل سعر الاكس بوكس

تحياتي

ههههههههههه شي طبيعي ان كل المحلات بتصير تنصب على سبيل المثال تعرفون أن البلاي ستيشن2 اول ما نزل في امريكا نزل هنا وكان سعره في امريكا 300دولار يعني تقريبا 1200 ريال سعودي بس ما كان في محل يبيعه بأقل من 3000ريال سعودي تعرفون ليش لأنهم يهربونها يعنب على الأقل كان خلوها ب 2000 ريال بس لا 3000ريال علشان يلعبون علينا بس أنا ما راح أشتري الجيم كيوب إن شاء الله من هنا أنا راح اشنريه من امريكا علشان الأشعار يعني كلمة(حرب الأسعار)لا تنطبق عندن للأسف الشديد المحلات تنصب للأسف فأنا أنصح كل واحد يشتريه مثلي من امريكا او يوصي لأحد يقربله في امريكا يجيبه له حتى ولو بعد سنة على الأقل بيكون أرخص.
ودمتم..
تحياتي:aoks

أهلا FAS

بالنسبه لسعر الPS2 مأظن بأنه سيقل سعره لأنه كفايه خساير عليهم

أما بالنسبه لسعر الكيوب بعد جميع عمليات النصب فأنا أعتبره رخيص لكن أنا أتوقع بأنه سيصل سعره في السعوديه إلى3000

وتقبلوا تحياتي...................بوشي

هلا شباب ...
انا ما ادري كم بيكون سعره (نسبه ذكائي ما تسمح بالتبوء)
اما عن سالفه امريكااوكس (باختصر اسمك اذا ما عندك مانع ) فهي فكره طيبه لكن مهو كل الناس عندهم اقارب بامريكا مثل ما تعرف
لكن اتمنى لو عندي اقارب هناك ...
لكن يا شباب ما فكرتوا بالشراء عن طريق الانترنت ؟
فكره ممتازه جداو رخيصه نوعا ما و سريعه لكن يعيبها عندنا بالسعوديه ان البريد و الموضفين اللي فيه يسرقون احيانا الاشياء الغاليه ... و احيانا يخربونها اعتقادا انها حرام او حسد منهم ... لو القى طريقه اشتري من الانترنت فيها بس يوصلني الجهاز مو على البريد ... على الفدكس او الدي اتش ال او غيرها من الشركات القويه ... اذا قرب الجهاز ينزل راح ابحث في الموضوع و اطلعكم ...ايش رائيكم بالفكره ؟ خاصة اننا اشترينا فيلم و وصلنا خلال اسبوع او اقل على البريد العادي ,بس برضه كانت مخاطره لانه كان يمكن ينسرق ...
اوه و انت يا بوشي كيف حالك ؟ جددت اشتراكك بالانترنت ؟

اتوقع سعر الجيم كيوب لما يجينا
زي كل الأجهزة تقريبا لما تجي يعني الضعف
زي الأدفانس سعره 400 المفروض ومسوينه ب800
والبليستيشن 2 نفس القصه تقريبا لما نزل

يعني هاذول الحراميه على طولx2

شباب في نقطة مهمة احب اوضحها.
المحلات تغلي السعر مو لانها نصابة.لانهم اصلا يجيبوها سعر نار.
مثلا.ال PS2 انا سألت عنه بداية ما نزل.اعطاني المحل سعر 4000 درهم.تتوقعوا ليش؟
اذا كان الناس في اليابان نفسها يناموا جنب المحلات علشان يقدروا يلاقوا نسخة.وبعضهم راحت عليه و خلصت كل النسخ.واحنى جاتنا منها.فشي اكيد راح يكون السعر عالي و نار.لانه غالبا صاحب المحل يجيب من اليابان مباشرة او يوصي واحد عليها.
الشي الثاني:
X BOX يفشل؟ما اظن.
مثلا اكبر نسبة دعم من طرف سيجا كانت لل X.
انا اعطيكم مثال بسيط.يقدر عقلكم يتصور لو نزلت شنمو على ال X واستغلت كامل قوة الجهاز"وطبعا شي سهل على شركة خبيرة"واستغلت ال 150 مليون مضلع؟انا 3 مليون ضايع فيها.150 ايش اسوي؟؟؟

الا يا فاس ننتندو يجي للمنتدى و الا تفرغ للاختبارات ؟
و وش رايك بلعبه بيكمين حقت مياموتو الجديده ؟ شكلها حليوه و فكرتها جديده ...

سعد
:)الحمدلله بخير عساك بخير:)

العبه أتوقع بأنها غريبه بعض الشء في فكرتها وإنشاء الله تكون رائعه

وشكرا

شركة سوني اعلنت انها لن تنزل سعر الجهاز . ولكن مع هذا يتوقع ان ينخفض السعر من 50 الى 100 دولار....
من ناحية اسعار الألعاب جميع الأجهزه لها نفس السعر ...

وشكرا...........

لا تخافون من ناحية النصب النصب يبي يدبل السعر 20 مرة يعني اول ما نزل جولدستار و بناسونيك كانت اسعارهم فوق 2000 و السيجا ساترن و البلايستيشن و الننتندو 64 و كل الاجهزة الجديدة اول ما تنزل يضاعفون اسعارها يا خي حرمية ....

هلا يافاس...
وأسمحلي على عدم الرد بسرعة..
وبخصوص الجيم كيوب ..
جهاز ناجح وبينجح.. لهذه الاسباب:
خبرة نينتندو في الالعاب
دعم الشركات اليابانيه لها
تاريخ نينتندو ..وخاصة في اليابان
وثمنه المعقول
وتحوله ل نظام ديسكات صغيره.
توافقه مع الادفانس
والاكس بوكس :
جهاز مابيصمد اما السوني والكيوب :
لان الجهاز امريكي
قلة الشركات اليابانية المبرمجة..
يعتبر تحدي للشركات اليابانية؟؟؟؟ ياويله
:p
دعم مايكروسوفت للجهاز والدعايه والاعلام ووووو ... مب قد المستوى.
حد شاف بعض الالعاب؟؟؟؟
ميتين؟؟؟ بدون احساس لاحركات لاتعابير لاشعور؟؟؟؟

وأرد وأقول أنا مب ضد الاكس بوكس .. بالعكس حنا المستفيدين.
أكثر العابه .. مب الحين.. بعد الحصول على الشهره.. بترد اغلبها دووم؟؟؟؟؟
السوني 2 .. جهاز لم يعرف الفشل.. صحيح انه معقد وهذا بسبب تلافي القرصنه... وهذا ضدنا.. نحن الخسرانين..
السوني 2 جهاز كامل .. يعني رمايه سباق مغامره طيران تصويب وووووووووووووووووووووووووو
وليس مقصور على نمط واحد وكلمة الحق تنقال..
وأرد وأقول أنا (أعوذ بالله من كلمة أنا ) لو كل الاجهزه حلوووووه شو المانع اشتريهن؟؟؟؟؟
وأنا مع كل الاجهزه....
وسلاااااام

دي كي

معك حق لكنهم ما يقصرون بعد اسعاره خياليه ...و انتوا عندكم الالسعار مقبوله تعال عندنا

لما كان عندكم الدريم ب800 ريال كان عندنا ب1200 ريال

شوف النصب 400 ريال زياده ......ايش رايك الله اعلم كم بيطلع الاكس بوكس

اما في السعوديه الله اعلم كم عندهم الالسعار

______________

سعد

هلا ...ما قالي انه بيغيب ...حتى الان لم يصرح بشيء

من ناحيه اللعبه

اسمها مستنبط من البوكيمون ...اسمها بيكمن

المهم هي استراتيجيه و من ماياموتو ...انا ما لعبت اي لعبه استراتيجيه و لا احب البوكيمون لكن اللعبه من ماياموتو ...اكيد لها طابع خاص

و اشكالهم غريبه ايضا لكن ان شاء الله نشوف الي يعجبنا


على فكره لين الحين تفكر بالبراطم يا سعد ؟؟

_______________

الذيب

لين الحين ملزمه على سعرها ...ما ودها تنقص

مب مشكله قريبا ...بتنزل الاسعار ...شيء طبيعي دايما كذا مشكور عالمعلومه

________________

عماد

مشكور عالمعلومه القديمه

شيء طبيعي

_____________

Uncharted

من ناحيه الاكس بوكس

هو فشل فشل ذريع بالمعرض ما اعرف السبب

و على فكره هو بينزل بعد نزول الكيوب الامريكي ب3 ايام ...منمافسه حلوه

بس ممكن ينجح لان الامريكان راح يدعمون صناعتهم على الصناعه اليابانيه لكن ممكن تاريخ ننتندو و العاب سوني الجديده تؤثر ...الله اعلم

تحياتي

يا شباب هم يرفعون سعره على حسب كلفة الشحن


وأنا ما نيب فاضي أشتري الأكس بوكس وبعدين يخسر


زي الD3 أو كان شيء لما نزل وأعلنو عنه بس خسر هذاهو فوق في دالوب غرفتي مخبر

فاس انا قريت عن اللعبه انها راح تكون فكره جديده و ان مياموتو من زمان و هو يبغى يبرمجها و القصه هي ان مخلوق فضائي اصطدم بكوكب و يحاول يجمع القطع حق سفينته بمساعده مخلوقات تشبه الورد اسمها البيكمين و يمكن قالوا انها استراتيجيه او لها الطابع الاستراتيجي لان اللاعب يتحكم بشخصيات كثيييره بنفس الوقت ... عموما اللعبه باين عليها حلوه لاني ما اتخيل كيف راح اتحكم بشخصيات متعدده بنفس الوقت ... بالاضافه مجرد فكره جديده بعالم الالعاب شيء جيد للكيوب لانه يعطيه التميز مثل ما سوت شنمو يالدريم كاست ...

شوف

اسم ماياموتو خلف اللعبه ...بالاصح هو مبرمجها يعني تتوقع اني افوتها ؟؟؟طبعا لا

و مشكور عالقصه و ماياموتو عنده لعبه ار بي جي و هي انيمال فوريستلكن للاسف هي مخصصه للاطفال ... فقط

انا كنت متشوق لهذي اللعبه بس لما سمعت انها للاطفال قلت نخليها تولي ما لنا فيهال حاجه ....اذا كانت هي اصلا مخصصه للاطفال

لكن الي خلاني استغرب لين الحين هو الشبكه


اللعبه تعتمد على الشبكه ...طيب ايش يستفيدون الاطفال من الشبكه ؟؟؟او كيف اصلا بيستخدمونها و يلعبون فيها ؟؟؟

الله اعلم

على اي حال لا تتوقع من افضل صانع العاب الا التميز و نحن بانتظار اللعبه و مب معقول افوتها


انا فوتت لعبه لماياموتو و ندمت و هي اف زيرو اكس

كانت اف زيرو عالسوبر ننتندو رهيبه ....كنت اشوفها بس ما العبها ...حتى على الننتندو 64 ما لعبتها

شفت كيف الواحد يندم ...خيرها في غيرها نعوض بنسخه الكيوب

مشكور عالقصه و المعلومات

تحياتي

يا فاس انا اتوقع انها مهي مخصصه للاطفال عشان النت مثل انت ما قلت و عشان انيمال فورست كفايه للمبزره...
و فكرتها اقوى من انها تكون للاطفال فقط ...انا الحين اتكلم عن بيكمين ...
بس ما ادري اذا كنت تقصد انيمال فورست هي اللي على النت ... فهذا شيء اخر ... عموما للاطفال و الا للكبار اللعبه باين عليها
خياس ... ما احس ان فيها ابتكار عكس بيكمين اللي ما اتوقع انها استراتيجيه بمعنى الكلمه ... و اذا كانت استراتيجيه فاتوقع انهم راح يضحون بزباين واجد ...
ما ادري ليش احس ان انيمال فورست راح تخسر لان البوكيمون موجود
و بالاضافه الى ان فكرتها ما عادت جديده بعد شنمو حتى لو كانت لعبه كرتونيه او هزليه ...
يعني مياموتو باعتقادي ضيع وقته باشياء ما لها فايده بالنسبه للجهاز ,لو انه سوى العاب جاده انفع يكثييييير للجهاز ... او على الاقل ابتكر شخصيه وحده جاده ... وش رايك يا فاس ؟ على طاري اسمك تصدق انه فيه شارع بحينا اسمه شارع فاس ؟ و الله من زمان و انا ابغى اقول لك بس انسى ...و كل ما مريت به اتذكرك :)

اسف على التاخر بالرد ...

نعم سعر الكيوب يعتبر ممتاز جدا وخصوصا في الاسواق الامريكية مثلا يمكنك ان تحصل على البلايستيشن 2 او الاكس بوكس ب300 دولار ..

بينما يمكنك الحصول على الكيوب ولعبتين ب300 دولار ( فرق كبير جدا )

ننتندو ما اعلنت عن الاشياء الي راح تكون موجودة مع الكيوب ( مثلا المموري كارد ) او لعبة لويجي مانشون لانه الجهاز اذا كان سعره 199 ومعاه لعبة ايضا راح يحطم المنافسين .... ننتظر ونشوف ..

سعد

اؤيد كلامك .....ضيع وقته عالفاضي ....

من ناحيه الشارع

مب هو بس ...حتى شركه اخذت اسمي ...شوف بنفسك

____________

ننتندو

يمكن يبيعونه ب199 دولار مع لعبه ماريو 128 و ميموري ؟؟

بيحطمونهم ....من ناحيه ماريو مب بعيده انه يكون مع الجهاز ...شيء جيد


تحياتي

هو مثل ما قلت يا فاس الكيوب هو الناجح من ناحية السعر وضارب على البلاي ستيشن 2 والاكس بوكس لكن يا خسارة الحلو ما يكمل قبل فترة طويلة سمعت إن الكيوب يشغل مميزات غير الألعاب مثل الانترنت لكن السبب في سعره الرخيص إنه ما صار يشغل الانترنت وحيكون عبارة عن جهاز ألعاب بس يعني ما يشغل لا انترنت ولا برامج أخرى غير الألعاب...الحقيقة ما أنصح أحد يشتريه

وأتوقع النجاح الباهر للاكس بوكس ما أعرف ليه؟؟؟ مجرد احساس وبس...

والبلاي ستيشن 2 فاشلة 100%...

مع محبتي,,,

هلا رايق ... كيف الحال ؟
الكيوب راح يشغل النترنت لكن ما اتوقع يتصفحها و حتى الكس بوكس كذا ... و ما فيه ادل على ذلك من لعبه فانتسي ستار اون لاين ... غير تصريحات ننتندو و الصور الكثيره للمودم و البرودباند حق الكيوب ...

شباب منو يعرف قد ايش قوة الكيوب يعني كم مضلع قدرته