Breath of Fire V : Dragon Quarter

اخيرا حصلت على بريث اوف فاير 5 (( النسخة اليابانية ))
وراح اكتب لكم عن الي شفته في اللعبه :
الاسم : Breath of Fire V : Dragon Quarter
الناشر و المبرمج : كابكوم
تاريخ الصدور : صدرت في اليابان
الجهاز : بلاي ستيشن 2
تعليق اضافي : (( انتقاله كبيرة في تاريخ سلسلة بريث اوف فاير ))
تبدا مقدمة اللعبة كعرض بسيط يوضح لك بعض جوانب اللعبة الغريبه و الي ينتظرون منك تكتشفها مقدمة خفيفة و حلوه
راح تبدى اللعبة و راح يطلبون منك تدخل رقم ID الخاص بالبطل (( ريو )) و راح يطلبون تدخل اسمك علشان يتم التسجيل (( هل العالم في اللعبة متطور !!! ))
الاسم راح يكون :
Ryu
و رقم الـ ID :
1/8733
http://ps2media.ign.com/ps2/image/bof_0816_ryu.jpg
راح تبدا اللعبة تحت الارض (( وفيه عداد يخبرك انت تحت عمق كم ))
و وظيفتك هناك كحارس في منظمة (( للاعمال الكيميائية )) اسمها Rangers على ما اعتقد
راح يخبرنا احد المسؤولين انا و احد اصحابي في اللعبة عن المهمة
و راح ننزل الى 1000 + متر عند محطه قطارات الانفاق الي تحمل البضائع و اعتقد انه عملهم متوقف بسبب وجود اشياء غريبه توقف عملهم
هذا عن القصه لحد الحين و راح اجيب لكم المزيد من التفاصيل مع متابعتي للعب اليوم (( ان شاء الله ))
عالم اللعبة :
عالم اللعبة شبيه بذاك المستخدم في فاينل فانتسي 7
ففي مدينة تحت الارض ذكرتني بمدن القطاع الفقيرة في ميدجار في فاينل فانتسي 7
عالم اللعبة ممتاز و راح يمديك تتحرك بسهوله و سرعه مع خلفيات شبه ثانئية البعد
نظام القتال :
جا نظام القتال غريب بعض الشيء مبتعد عن السلسلة بقفزة قويه
راح تقدر تتحكم بالشخصية الوحده في دورة وحده لاكثر من ضربه لحد ما ينتهي عداد الـ AP الخاص فيك
راح يمديك تحرك لاعبك وين ما تبي و في اي اتجاه بشرط انك ما تعدي حدود الدائرة الي راسمينها لك و حالما توصل للوحش المناسب راح يعطونك حرية الاختيار بين ضربات الـ Lv 1 او Lv 2 او Lv 3
و راح يمديك تسوي ضربات متتابعة لكن اذا كان عندك ما يكفي من الـ Ap
بعد ما تنتهي من الضرب و تبتعد عن المكان الي ضربت الوحش فيه
راح يمنعك نظام اللعب من تبديل المقتال للعب بمقاتل آخر علشان كذا عليك تضغط على زر المربع للعوده الى مكانك الصحيح
من ثم ضغط زر الدائرة للذهاب الى لاعب آخر و راح يمتلي عداد الـ AP بنسبة معينة مع كل دورة
وهكذا
لحد الحين ما توصلت لمعرفة ضربات جديدة او اسحار
انا انتظر نينا تظهر لي و اعرف كل شيء
مزيد من التفاصيل قريبا :D :D :D

مشكوووووووووووووووووووووووووور

مشكور على الموضوع..


وارجو انها تكون مثل الجزء الثالث..:)

الف شكر على هذا الموضوع وشكرا لك مرة اخرى .. ;)

سيفر :
العفو اخوي :D :D :D

RPG_master :
يا ليت والله تطلع زي الجزء الثالث
لحد الحين انا اعتبر نفسي ما شفت شيء من اللعبة
لانه كل الي لعبته مجرد تجربة اولية يعني ان شاء الله اليوم بكمل :D :D :D
بس لو تقرا الي كتبته فوق (( انتقاله كبيرة في تاريخ سلسلة بريث اوف فاير )) التغييرات و اضحه و بعيده :أفكر:

قاهر كل الألعاب :
العفو اخوي :D :D :D

مشكووووووووووور على الموضوع ..

وشكل اللعبة فيها من الروعة مايكفي لشرائها وتجربة السلسلة للمرة الأولى ..:)

اللعبة بايخة والسبب واضح......

اقتباس:

---

الرسالة الأصلية كتبت بواسطة Guilty Gear X
اللعبة بايخة والسبب واضح......

---

ليش:أفكر:

واحده من افضل الالعاب عندي

وشكرا يالمبرطور علي التقرير والتوضيح :)

اقتباس:

---

الرسالة الأصلية كتبت بواسطة Guilty Gear X
اللعبة بايخة والسبب واضح......

---

هههه جانا خوباج الثاني...ليه طيب؟ :-)

اتمنى انها ما تكون مثل الرابع ..

لانها بتكون في قمة التفاهة ..

وشكرا تيدوس عالموضوع :) ...

msm :
ان جربت هل الجزء راح تسب السلسلة كلها :p :p :p

Guilty Gear X :
ايه والله و انت الصادق (( ما ادري احس اللعبة بارده كثير هي بتستمر على هل البرود هذا في القتال و الحبكة في القصه !!!! ))
بس ما فيه اي مانع نشوف و الاخير معاها :أفكر:
إلا اطلاعك على اللعبة وصل لوين :أفكر:

جـرانديا :
خليها افضل الالعاب بس ماهي من افضل العاب الـ RPG على البلاي 2

RPG_master :
اليوم يوم لعبت اكتشفت شيء غريب
اللعبة بارده مررررررره
في كل شيء بارده
نظام القتال اثبت فشله و طريقة اللعب ركيكة
ما ادري انا ما ابي احكم عليها و انا توني لاعب ساعة ابي اكمل
بس لين الحين
احس ان اللعبة راح تجيب لي احباط و صدمة قوية بسبب البرود الي هي فيه

Angel whisper :
العفو اختي
بس و اذا طلعت اتفه من الرابع وش بتسوين :p :p :p :p

مشكور امبراطورنا على الموضوع الرائع .. و أنا أنتظر المزيد مما رأيته في هذه اللعبة .. لأني سمعت عنها كلام خلتني ما أفكر في شرائها كليا .. و موضوعك هذا هو الحاسم :أفكر:

اقتباس:

---

جـرانديا :
خليها افضل الالعاب بس ماهي من افضل العاب الـ RPG على البلاي 2

---

قصدي بلالعاب يعني من افضل السلاسل وحرام تضلموا Breath of Fire عشان جزء واحد فاشل :)

مثل ماقال محمود الكل بيعتمد علي تقريرك عنها :)

yeeeeeeeeeeeeeeeeeeeeeeeeeeeeeeeeeah :0) :0)

:D يا سلامي عليك يا الامبراطور ...... دايما تستحق تكون الامبراطور عن جدارة .... الله يهنيك مع هذه اللعبة .. انا من اشد المعجبين بسلسلة BRITH OF FIRE .. :D

تسسسسسسسسسسسسسسسسسسسلم على المعلومات القيمة

والله يعطيك 1560 عافية :cool:
ويخليك ربي ":"

محمود :
العفو اخوي ... و ارجوا انه تكون نظرتي للعبة سليمه ... و علشان كذا انا بحاول بكل ما اقدر اوضح لكم الجانب الي تبيه اللعبة

جرانديا :
طبعا اذا فشل شيء يمكن يجي بعده شي يصحح الخطأ :أفكر: :أفكر: :أفكر:

SUPER_SAIYAN :
الله يعافيك اخوي :D

-------------------------------------------------------------
الجزء الثاني من التقرير
وقت اللعب الان : (( 1:33 ))
التعليق الاولي : (( لا أحداث لمدة ساعة !!!!!!!! ))
العمق : 1000 - 1020 متر تحت الارض
بعد نزول البطلين الى منطقة قطار الانفاق للبحث عن المشكلة الموجودة
يجد البطلان انفسهما يواجهان العديد من الوحوش (( حوالي ساعة و انت تمشي و تقاتل ))
هناك الكثير الكثير من الوحوش و القليل القليل من ادوات و قوارير العلاج (( احمد ربي لقيت اول نقطة حفظ يوم كانت القوى حقت ريو 67 / 197 ))
و الي اصابني بالجنون عندما وصلنا الى آخر منطقة في هذه الانفاق و يتم اقفال جميع الابواب من قبل الوحوش (( كخطأ في النظام خاص بالابواب الاوتوماتيكية )) و هناك حوالي 8 من الوحوش الاشداء في انتظارك و انت لا تملك (( بالنسبة لي )) سوى قارورتين للعلاج :p :p :p
بعد ساعه من الجهد و التعب و متابعه سيرك في الاتجاه المتاح لك وصلت اخيرا الى منطقة تدل على انك داخل مبنى غريب مهجور
و بعد التقدم قليلا في اتجاه اول باب في المبنى يسقط البطل مغشي عليه ليبدأ اول حدث غريب في اللعبة :D
(( يظهر البطل وهو ينظر الى تنين عملاق يحتضر بعد صراع قوي لا يعلم احد مصدره وهناك جثث كثيرة ملقاة في كل مكان ))
بعدها يبدأ صديق البطل بمحاولة مساعدته على النهوض من هذا الكابوس و متابعة المسير
و هناك وجدت اول نقطة حفظ بعد كل هذا العناء ... و هنا وقفت لعبي لليوم
(( متى تيجي نينا :أفكر: ))

جديد القتال :
في القتال كل شيء محسوب عليك في الـ AP الا استعمالك للأدوات الي بحوزتك
فكل خطوة عن مكانك الي انت فيه راح تاخذ منك AP
على سبيل المثال
الـ AP لشخصيتك 70 و يبعد عنك الوحش قرابة 5 خطوات بالطبع علشان تضربه لازم تتجه له و تكون قريب منه
راح تلاحظ عند وصولك له انه عداد الـ AP وصل الى 50 بسبب خطواتك الخمس الي رحت له فيها
و من كذا راح تقدر تستخدم ضربة من Lv 3 و هي تاخذ 30 AP و ضربة من Lv 2 و هي تاخذ 20 AP
و هناك خاصيه مشابهه للي كانت في جرانديا اكستريم مع بعض الاختلافات فيها
عندما تشوف الوحش راح تقدر تضغط على زر الدائرة علشان تكون مستعد للوحش فاذا قرب جنبك اضغط على زر الدائرة و راح يبعد و تبدا المعركة
بس راح يكون بعيد عنك وراح تستهلك AP علشان تروح له
اما اذا ما ضغطت راح يبدا هو المعركة و بشكل سريع
و في بعض الاحيان راح تقدر تحط له قطعه من اللحم علشان ينشغل فيها و انت اما انك تهرب او تضربه بالسيف و تبدا المعركة

جديد اللعب :
فيه نوعين من الصناديق :
1. صناديق راح تقدر تكسرها بسيفك و تحصل على الي فيها
2. صناديق راح تحتاج لمفاتيح علشان تفتحها

هذا لليوم و ان شاء الله الباقي جاي ... اي سؤال تفضلوا اسألوا :D :D :D

ثانكس يا الامبراطور
:D :D :D شو فيك سهران:أفكر:

اقتباس:

---

الرسالة الأصلية كتبت بواسطة تايدوس إمبرطور ال RPG
msm :
ان جربت هل الجزء راح تسب السلسلة كلها :p :p :p

---

لا ! ... أجل أروح أجرب وايلد آرمز 3 أحسن لي :أفكر: