العين يستضيف مجموعته الآسيوية

أكد مصدر مسؤول في لجنة المسابقات بالاتحاد الآسيوي لكرة القدم لـ AlainTeam.com بأن الاختيار رجح كفة نادي العين الرياضي الإماراتي لاستضافة المجموعة الثالثة للأندية الآسيوية أبطال الدوري...
جاء ذلك في الاجتماع الذي أقامته لجنة المسابقات بالاتحاد الآسيوي في كوالالمبور صباح اليوم الإثنين خصيصاً لاختيار أماكن إقامة المجموعات الآسيوية الأربعة للأندية أبطال الدوري.... هذا وتضم المجموعة الثالثة كل من العين والهلال السعودي والسد القطري والاستقلال الإيراني..

وكان العين قد تقدم بطلب لاستضافة تصفيات المجموعة الثالثة والتي ستقام خلال الفترة من 9 إلى 15 مارس المقبل.. وكذلك تقدم الهلال السعودي والسد القطري بطلب الاستضافة..

وقد تم اختيارنادي العين.. وكانت إدارة النادي قد أرسلت ملفاً كاملاً للاتحاد الآسيوي تعرض فيه إمكانيات وقدرات نادي العين على كل المستويات بخصوص استضافة البطولة...

ألف مبروك لنادي العين :
لا شك بأن هذا الخبر يسعد كل العيناويين.. وكل محبي الكرة في الإمارات الحبيبة.. ومن الطبيعي أن يكون نادي العين في مشواره الآسيوي أقوى وهو يلعب كل مبارياته على أرضه وبين جمهوره.. وهو يمثل الكرة الإماراتية في هذا المحفل الرياضي..

ألف مبروك للعين فوزه بالقرعة... ونرجو من الله أن يكلل مشواره الآسيوي بالنجاح ونبارك له بحصد البطولة التي انتظرها جماهيره طويلاً

منقول من (( موقع نادي العين ))

يا ناس باركولنا على الأقل هذي هدية مني للهلاليين

وإن شاء الله تعجبكم

مشكور اخوي العيناوي على الخبر ..

الف مبروك للعين فوزه بالاستضافة .. و انشاء الله يظهر التنظيم بالشكل المطلوب كما تعودنا من الكرة الاماراتية على تنظيم الكثير من البطولات ..

بالتوفيق للعين و الهلال .. و انشاء الله يكون التأهل حليفهما ..

تحياتي لك اخوي العيناوي ,,

مبروك للعين..

وان شاء الله التاهل لنا..بس متى المباريات:أفكر:

اقتباس:

---

الرسالة الأصلية كتبت بواسطة انا
مبروك للعين..

وان شاء الله التاهل لنا..بس متى المباريات:أفكر:

---

المباريات من 15-19 مارس على ما اعتقد

مشكور اخوي العيناوي

بالفعل سيواجه زعيم آسيا جمهور نادي العين واحذركم من هذا السلاح لانه سر قوة فريق العين;-)

بالتوفيق للهلال والعين والسد

للعلم فقط أن سوف يتاهل فريق واحد فقط من كل مجموعة


=-=-=-=-=-=-=-=-=-=-=-=-=-=-=-=-=-==-=-=

أما المفاجأة

سوف تقام مباريات التجمع الآسيوي إن شاء الله على ملعب نادي العين الجديد والملعب التحفة كما يقال له وإنتظروا المفاجآت القادمة

مشكوووور يا أخوي العيناوي عالخبر الرائع :-)

وبالتوفيق لجميع الفرق المشاركة، بس انشالله العين هو المتأهل :-)

تحياتي :-)

:cool: :cool:

كل التوفيق للزعيم الاول والاخير ..... زعيم آسيا الهلال السعودي ...

مبروووووووووك لنادي العين الاستضافة فقط اما التأهل مبروووووك للزعيم الاسيوي مقدماً باذن الله





لكن يله بدال ما نحتفل بالتأهل في استاد الملك فهد وسط حضور 80 ألف مشجع هلالي نخليها بين ملايين الهلاليين في الشوارع بعد مشاهدة المبارة بالتلفزيون :D

الرهـــيـــب

أنا أقولك نحن لها

والتأهل عيناوي إن شاء الله

العين هو الاحق باستضافتها .
لانه بالجوع للسجلات .
الهلال استضاف مربع غرب اسيا مرتين .
اما العين . مره واحده فقط !
وبكذا هو الاحق .
عموماً .
سواء فى الامارات او السعوديه ما تفرق .
اهم شى اننا نشوف مباراه قويه بين الزعيمين .
وبالتوفيق للازرق .
وللجميع بعد .

أقول يا العمدا شفيك علينا؟


من قال ان العين مو الاحق بالاستضافة؟؟؟؟

أنا ويا اخوي العيناوي لنا الحق نتمنى لفرقنا التأهل

بعدين لا تحسبها بالطريقة هذي الهلال مرتين و العين مرة وحدة اذا تبي تحسبها صح شوف كم مرة شارك الهلال ولا نظمها وكم مرة شارك العين ولا نظمها؟

دايم الهلال يشارك ولا ينظمها عدا مرتين فقط مرة في كوريا و في قطر ومرة الهلال شارك في العين ومرتين في ايران

اما العين مرة لعب ونظمها وتأهل وطلع بالمركز الثالث


بعدين لي مداخلة مع الاخ عبود


واحد من الشباب في قطر اسولف وياه بالماسنجر قالي الزعيم بيتأهل قلت له طيب مشكور على شعورك الطيب بس فريقكم (السد) والعين والاستقلال مو سهلين قال من قالك اني اقصد الهلال أنا اقصد السد هههههههههههههحتى السدواية مسمين فريقهم زعيم على العموم احنا الهلاليين ما يضايقنا الشي هذا لأننا زعماء آسيا والتاريخ يشهد.

بعدين انت تقول : أدنى حدود الاحترام لا يعرفها الجمهور العيناوي ( للعلم فقط )

أنا اختلف معك في الكلام هذا الشعب الامارتي بشكل عام محترم ومو انا الي اقول الكلام هذا.

ولي مداخلة مع اخوي محب الازروي

لأنه قال :بالفعل سيواجه زعيم آسيا جمهور نادي العين واحذركم من هذا السلاح لانه سر قوة فريق العين

نكون واقعين الفريق الوحيد الي راح يتضرر من الجمهور هو فريق السد القطري لأنه مو متعود عى الجمهور أظن الهلال والاستقلال متعودين على جمهور قد الي في ملعب القطارة اربع مرات او اكثر الهلال متعود يلعب بين 80 ألف في استاد الملك فهد والاستقلال بين 120 ألف في استاد ازادي.

اقتباس:

---

الرسالة الأصلية كتبت بواسطة الرهـــيـــب أقول يا العمدا شفيك علينا؟


من قال ان العين مو الاحق بالاستضافة؟؟؟؟

أنا ويا اخوي العيناوي لنا الحق نتمنى لفرقنا التأهل

بعدين لا تحسبها بالطريقة هذي الهلال مرتين و العين مرة وحدة اذا تبي تحسبها صح شوف كم مرة شارك الهلال ولا نظمها وكم مرة شارك العين ولا نظمها؟

دايم الهلال يشارك ولا ينظمها عدا مرتين فقط مرة في كوريا و في قطر ومرة الهلال شارك في العين ومرتين في ايران

اما العين مرة لعب ونظمها وتأهل وطلع بالمركز الثالث

---

صدقنى يا اخوى انى اتمناها فى الرياض .
ولكن الواحد يقول الكلام المنطقى .
وبعدين هالكلام ما جبته من عندى .
لو تاكدت وعرفت وش السبب الى خلا العين يستضيفها مع انها كانت فى يد الهلال .. فهو السبب الى ذكرته .
والاتحاد الاسيوى قال هذا .
عموماً .
بالتوفيق للجميع .

طيب ممكن سؤال؟

من الي قال ان العين مو أحق بالاستضافة؟

عشان تقول

اقتباس:

---

العين هو الاحق باستضافتها .
لانه بالجوع للسجلات .
الهلال استضاف مربع غرب اسيا مرتين .
اما العين . مره واحده فقط !
وبكذا هو الاحق .
عموماً .

---

والله محد اعترض على استضافة العين لا أنا ولا احد من الاعضاء

شو ها الرمسة يا عبود

اقتباس:

---

اخوي العمدا لايوجد سوى زعيم واحد ..... هو الهلال السعودي

اما لقب الزعيم للعين فهي مسروقه ........ أو خلنا نقول كذبه يكذبها العيناويين ويصدقونها هم فقط ....

بعدين أي مبروك أي كلام فاضي .......
أقول هاردلك للفرق الثانيه ... لانهم بيدخلون مقبره إسمها نادي العين ... ( إسألوا باقي جماهير اندية الدوله ) ......أدنى حدود الاحترام لا يعرفها الجمهور العيناوي ( للعلم فقط )

---

شو ها الرمسة عيب عليك تقول جي هذي العين دار الزين ودار زايد الأولى الله يطول في عمره

ويكفيكم فخر أن العين يمثل الإمارات مب مثلكم محد تم من الفرق إلا هزئكم ولاتنسون الخمسة ويقول أصحاب السعادة يا ريال أي سعادة هاي تعاسة وعناد حقكم العين سوف يبقى زعيم الإمارات للأبد إن شاء الله

مدري شو شخصيتك او من وين انت يا صاحب هذا الراي بالجماهير العيناويه ويفترض في المشرف على هذه الصفحه اتخاذ الازم معاك لن هذا الامر يعد قذف ولو اني عارف شخصيتك ترى بيكون لي شأن آخر معك .



رحم الله امرء عرف قدر نفسه ، ومبين انك ماتعرف قدرها :غضب:


اترفع عن الرد عليك باسلوبك ، لكن باقول لك كلمه واحده فقط


يا حليلك :D :D


تحياتي

الدعوه كانت تعليق وتوضيح لا أكثر :) .

أخوي عبود ...


صدقني اني ما كنت متوقع ردك الاخير ..


ما ادري كلمة مبـروك ثقيلة على لسانك ؟؟ ! ! ..


عموما انت شخص احترمك كثير في جميع مواضيعك ومشاركاتك


السابقة .. وما توقعت منك هذا الرد أبدا ..


بالتوفيق للبنفسج في البطولة الاسيوية ونرحب بنادي الهلال والسد و


والاستقلال في العين ..


وبالتوفيق للجميع ..


:) :)

أول شي حد من المراقبين أو المشرفين مسح ردي :غضب:
بكيفهم ؟ .............. حتى الانحياز وصل على صفحات الكمبيوتر !!

العيناوي : سألتني مب عيب عليك هالرمسه ؟
أنا أقولك مب عيب لأن اللي يحترمني بحترمه ... واللي يغلطون علي لازم أغلط عليهم .... شو تتوقع موقفك من واحد يدخل المباراه بناديكم الموقر ولما يطلع يلاقي سيارته مكسره ...!!
وبعدين يسير لربيعه ويلاقي سيارة أخوه مكسره !!
هذا غير السب والقذف اللي نلاقيه ّّ!!
وتريدني أحمل حب في قلبي لنادي العين ...... ؟؟

اقتباس:

---

ويكفيكم فخر أن العين يمثل الإمارات مب مثلكم محد تم من الفرق إلا هزئكم ولاتنسون الخمسة ويقول أصحاب السعادة يا ريال أي سعادة هاي تعاسة وعناد حقكم العين سوف يبقى زعيم الإمارات للأبد إن شاء الله

---

اي فخر أي خرابيط ؟؟؟؟ ناس يسوون هالتصرفات تقولي فخر ؟؟؟
بعدين سعاده ولا تعاسه ...... هذا شي مب راجعلك .....

اقتباس:

---

صدقني اني ما كنت متوقع ردك الاخير

---

لا لازم تتوقع .... لانهم فتحوا على نفسهم أبواب النار ......

اقتباس:

---

ما ادري كلمة مبـروك ثقيلة على لسانك ؟؟ ! !

---

ثقيله وايد ... وأثقل من جبل حفيت دامها للعين ...

اقتباس:

---

عموما انت شخص احترمك كثير في جميع مواضيعك ومشاركاتك السابقة .. وما توقعت منك هذا الرد أبدا ..

---

كنت أمسك نفسي وما أحب أدخل في هذي المهاترات ... لكن اللي حصل خلاني ما أقدر أسكت أكثر ....

اقتباس:

---

مدري شو شخصيتك او من وين انت يا صاحب هذا الراي بالجماهير العيناويه ويفترض في المشرف على هذه الصفحه اتخاذ الازم معاك لن هذا الامر يعد قذف ولو اني عارف شخصيتك ترى بيكون لي شأن آخر معك .

---

إسمحلي ... ما أرد على أعضاء المشاركه الواحده ...

والله المشرفين مسحوا ردك لأن كله غلط وكلام فاضي


واستويت متكبر وايد نفس ناديكم

اقتباس:

---

الرسالة الأصلية كتبت بواسطة العيناوي
والله المشرفين مسحوا ردك لأن كله غلط وكلام فاضي


واستويت متكبر وايد نفس ناديكم

---

اللي مايحب نادي العين معناته متكبر !!
لازم أحب العين عشان أكون متواضع !!
بعدين نادي الوحده تأسس ليكون كبير ... كبيـــــــــــــر

عنبوها دنيا ...... استوى كلامي غلط وفاضي ..... محد يريد يتقبل الواقع !


( لو عندك مداخله إكتبها على الخاص ) على أساس مايكبر الموضوع هني ...

ماقلتلك شجع نادي العين إن شاء الله تشجع حتا شخصني انا

في النهاية أقولك أنا ما أكلم ناس أقل مني عقلا كرويا

الله يحفظك يا الطيب

اقتباس:

---

الرسالة الأصلية كتبت بواسطة العيناوي
في النهاية أقولك أنا ما أكلم ناس أقل مني عقلا كرويا

---

إنت تعي ماتقول ؟
إنت تعرف شو اللي قاعد تقوله ؟
إنت بكامل قواك العقليه ؟

الله يحفظني ....... ويحفظك ..... ويحفظ الجميع

الفكه منك ومن كل اللي مثلك عـــيــــد .... تعرف شو عيد

بما ان الموضوع وصل لموصل ما كان لازم يوصله .
فالموضوع بيتقفل .
وياليت يالعيناوي و mr.3bod ان تفاهمكم يصير على الخاص .