طريقه اكتشفتها تخليك تسوي لوجو بكونتر سترايك وتختاره من كستومايز
شباب انا اكتشفت شيء يديد بكونتر سترايك يخليك تسوي اللوجو اللي تبيه
لا وتقدر تختاره من كستومايز
انت اتبع الخطوات هذي وتضبط معاك
1-سولك ملف bmp يديد
2- افتح الملف وارسم اللي تبيه يكون اللوجو
ملاحظه: انت تقدر ترسم بكل الالوان بس يفضل انك ترسم بالابيض والاسود علشان تكون اللوجو واضحه بس
3-بعدين لما ترسم اللي تبيه صغّر حجم الصوره خلها بقياس 64×64 بيكسل
4-الحين اختار file
واختار save as
وبالقائمه اللي صايره تحت اخر شيء شوف الخيارات بتلاقس وحده جذي bmp 256 color
اختار هذي
الحين صار عندك صوره بالابيض والاسود قباس 64×64 بيكسل ونوعيه الالوان مثل اللي بالخطوه رقم 4
الحين حط الصوره بملف اللوجات واللي اهو
C:\Sierra\Half-Life\logos
وطبعا هذي الطريقه اسهل بمليون مره من كل الطرق اللي سمعتوا عنها اللي يبيلك برنامج وولي ولا مادري شنو !!!!؟
وراح تشوفها موجوده بالكوستمايز اذا اتبعت هذي الخطوات بالضبط اي غلط تسويه مراح تضبط
ملاحظه: هذا الشيء انا اكتشفته بروحي بدون مساعده من احد او شفته من اي موقع
