واع واااع وااااااع ... <----آخر صيحات الموضة في الأكلات

السلام عليكم ورحمة الله و بركاته , بركاته بركاته بركاته <--لا تخاوفون هذا صدى ...
إشحالكم ......؟؟
عساكم بخيـرين :6 ....

بصراحة هذا الموضوع مادري إش يبي :": ....
بس حبيت أعرف إذا هالشي موجود عندكم و لا لاا ....


أذكر لما كنت صغير ( ياهل ورع ) :p ....
كنا نتريق * خبز و جبن و حليب ... و كنت أسوي سنتدويتش (هذا إذا تتسمى سندوريتش لانه خبز وجبن ) وحطها مع الحليب ويطلع طعهما لذيـــــز ":" ........!!



لكن إعيال الحين تغيروا ....
بالأمس أشوف أخوي يسوي له جبنه ...
و بدل ما يغمصها* بالحليب يغمصها بالتانج..( Tang ) .. يعني مع عصير برتقال ?: ...
يقول أحلى ... لكني ما جربت :6 ....


وخالي جاي أمس يحط السفن أب مع حليب المراعي :! ....
ويقول طعمها لذيز بعد ....


و أنا أحب آكل شيبس عمان مع لبن .....
أحس طعمها عجيب :D .....



لكن في ناس تمصخها .... هوامير يخلطون أي شي مع كل شي ....
عنبوا ... كيف يستسيغونه مادري :! ...
يعني مرة شفت واحد ياكل تونا و بيض ...
و الثاني يشرب لبن وبيده ياكل موز ...
يع كيف جذي:D ....



و الحيييين حبيت أعرف إذا عندكم هالشي و لا بس في بيتنا :p ...



ملاحظة : للعجم اللي ما يفهمون معنى الكلمات :
نتريق = الريوق طعام الإفطار :p ...
يغمص= يعني يحط ...
سندوريتش = لفافة من الخبز بها مواد للأكل ...



وبانتظار سماع تخبيصاتكم :6....

اقتباس:

---

وخالي جاي أمس يحط السفن أب مع حليب المراعي

---

قويه شوي هذي:أفكر: :أفكر:

اقتباس:

---

يعني مرة شفت واحد ياكل تونا و بيض ...
و الثاني يشرب لبن وبيده ياكل موز ...

---

هذولي حلوين بشكل غير عادي":"

قائمه الخلطات المعتمده في بيتنا

بطيخ + خبز

بيض مقلي + جبن + تونه + شطه

موز + سكر

سندوريتش :أفكر: جبن وتونا وطماطم

سندويتش تونا وحليب

سندويتش شاهي أحمر":"

عصير عنب راوخ وشيكولاته

خبز محروق شوي على النار وشاهي بالحليب

.

والقائمه تطول":"

شكرا على موضوعك :D

اقتباس:

---

اما الباقي
حرام عليك

---

أجل لو قريتي ردي وش قلتي:p

بيض مع كتشب?:

لوسي : إنت جربي أي واحده من الخلطات اللي ذكرتهم ومتأكد إنك مش رح تتركيهم أبد":"

sul911 : حتى هذي حلوه ومادري كيف نسيتها:6

اجل ذقت مكرونة مع الزبادي?:

اقتباس:

---

الرسالة الأصلية كتبت بواسطة sul911
اجل ذقت مكرونة مع الزبادي?:

---

أعرف لحم مشوي مع الزبادي لكن مكرونه ؟

عمري ما ذقتها ?:

لبن وسفن أب?: ؟

GOD!!:"

اعععع لبن مع سفن اب >_<!

ما ادري شلون خالك ما يتسمم بعد ما يشربهم@@

بس صراحهً ما فيه اي احد مقرف اكثر من اخوي الصغير..

يعني ما قد انقرفت انقراف مثل ما انقرف وانا اطالعه ياكل ?:

يجيب لي رز ابيض ويخلطه مع "كتشب" واحياناً يحط معاهم لبن وووععععع

لوسي :
لبن آب و لا عيران :D ؟؟
و الباجي الله المستعان ....
و أنا عشان جذي كتبت الموضوع :)...

A.J :
ليش مب مصدق ...
شرايك أنا مجرب بعد:أفكر: ... حليب المراعي ( مب نيدو) مع سفن آب ..
و طعمه ما قولك حلو .. بس تقدر تشربه من أول مرة ...

لوسي:
إنتي مع كل واحد تتكلمين وياه بلهجته :D ...


سول 911 :
إحلف :! ؟

فهد :
حليب مب لبن ...
جرب ..
إذا ودك تشرب حليب مع غازات ...
بس إذا كثرت بتطير :6 ...

كيربي :
يتسمم :! .....!!
فال الله و لا فالج :6 .... سكتي أنا روحي مجرب ...
و على قولته : كلن يختبص في البطن ( حكمته الخالدة عند الأكل ):D ..
وبعدين شو هذي الأكلة مالت أخوج
أكبر وع ?: ... ما يتسمم :D ؟....

اتذكر كنت آكل كاتشب فى خبز

واااااااااااع:واو:

بس يوم كبرت حسيت إني دلخ
<... مسوي كبير":"

هيييه مب مشكلة :)...
مب 100% .... مو مشكلة ولو في 1% :6 ....
عيران عيل هاااه :D

بابا سنفور :
سوري ما شفت ردك ...
بل عليك متى رديت :p ...

خبز وكاتشب ....
جيـــه متبل ولا حمص هو ?: ...


وفي انتظار المزيد من لوعة الجبد :D

سندويش بيض مع المايونز":",جربها ولن تندم:p
بالمناسبة جميع حقوق الاختراع محفوظة,ويمنع منعاً باتاً تجربتها قبل استشارة الطبيب:6

Oh my god!! :واو:

من فين تجيكم دي الأفكار؟! الحمد لله ان ما صارلكم شيء!! :o

والله انا عندي أخي ياكل مع كل شي ( كاتشب ) حك الطماطم :6
لك كل شي لازم معاه كاتشاب لك حتى الكبسة ياكل معاها كاتشب
وكل كل شي وأنا أكل مع البيتزا كاتشب ( بس مع البيتزا أصله علمني عليها )
وبعد الوالد مرة يحب الخبز وياكل العنب بالخبز ;-) ;-)
بس الصحة ماشاء الله زي الفل _ مافي كرش _
وحنا ناكل البيض المكلي مع الثوم ( بس نادراً ) والبيض المكلي برضه بس مع المرتاديلا ( اللحمة حكت العلب )
وسلامي
;-) ;-) ;-) :cool:

طيب...شوف وش عندنا احنا:":


خيار و كتشب...عنب ورز

اقول زيادة:6 ؟؟

ههههههههه الله يهديك ..........عجيب ...........ده

فكرتك تمزح أول شئ .............!!

اقتباس:

---

ملاحظة : للعجم اللي ما يفهمون معنى الكلمات نتريق = الريوق طعام الإفطار ... يغمص= يعني يحط ... سندوريتش = لفافة من الخبز بها مواد للأكل

---

ههههههههه .............لاتخاف مانا منهم .........بس هههههه

لوسي:
شيبس مرحبا مع ميرندا ..
يع :p ..
الحمدلله و الشكر :D ...
بس فعلا شبس عمان ولبن آب منتاز ":" ..

هيثم :
أصلا المايونيز ما أحبه مع بيض ولا تونا :p ...
فالحقوق مسروقة مادري خلها محفوظة لك بروحك :D ....

البنت جايا :6 :
هذي من بنات عم خال أفكارنا :D ...

زادنر البطل :
شرايكم تكملونها ..
وتحطون الكاتشب مع المكرونة :6 ؟

عبدالعزيز :
هذا شي بسيط مقارن باللي ذكر ..
قول الزيادات ما يردك إلا لسانك لا هنت ":" ....

الجني الرسام :
أكيد أنت منهم ....
ليش تدقق ":" ؟


لوسي :
أدري لوعة جبد ...
بس إذا ما تبين ..
تراني ما ضربتج على إيدج وقلت لج اقري :D


ومشكوريييييييين :6

اقتباس:

---

الرسالة الأصلية كتبت بواسطة evilneverdie
عبدالعزيز :
هذا شي بسيط مقارن باللي ذكر ..
قول الزيادات ما يردك إلا لسانك لا هنت ":" ....

---

زين اجل خلني اكمل .... اممممم

كريمة ورز:D

كتشب + رز + دجاج + بازلياء...هذه لا تفوتكم رهيبة:D

اقتباس:

---

الرسالة الأصلية كتبت بواسطة evilneverdie




الجني الرسام :
أكيد أنت منهم ....
ليش تدقق ":" ؟

---

لاتخاف أقول مانا منهم ................بس ضحكتني .......


..........بالعكس أنا ما أتكلم إلا اللي قلتهم أول شئ ........!!تغمس......الخ هههه

انا اعرف خوالى يخلطون الجبن مع العسل مع مع خرابيط وااجد بالسندويش و ياكلونه:0)

و اخوى يحط الخردل (ماسترد و اللى ما عرفه الى الحين هو ذاك الاصفر اللى يحطونه مع الهوت دوق?: ) بالسندويش و ياكله :o

:-) لله في خلقه شؤون

سندوتش صلصة طماطم بالعسل والمايونيز...YUM YUM

ومع كوب كبتشينو بالخل و الكتشب.....يا سلااااااااااااام

:D

اجل كل هذولي واااع اجل وش يطلع الي في اليابان والصين

(طبق صراصير مع العدس والكاري ?: ) , ( كبسة نمل مع الضفادع ) ?: ?: ?:

جربوا هذي الاشياء وما رح تندمو


بطيخ مع جبن..............رهـــــــــــــــــيــــــــــــــب


وتجيب خبز وتحط فيه شيبس وعيهم كتشاب ...جربوه

هل أفتتح مطعم للأكلات الخربوطية هنا ..................


هههههههههههه .........ويش تقولوا شباب .....مانا مصدق اللي تقولوه للحين غريب وعجيب

اقتباس:

---

الرسالة الأصلية كتبت بواسطة evilneverdie

كيربي :
يتسمم :! .....!!
فال الله و لا فالج :6 .... سكتي أنا روحي مجرب ...
و على قولته : كلن يختبص في البطن ( حكمته الخالدة عند الأكل ):D ..
وبعدين شو هذي الأكلة مالت أخوج
أكبر وع ?: ... ما يتسمم :D ؟....

---

لا ما يتسمم يمكن لأنه تعود على هالأكله ..:p

لا و ياكل سلطه "مع كتشب" ما ادري ليش كل انواع الأكل لازم يحط معاها كتشب..

و مستحيل ياكل اذا كان ما فيه كتشب..:6

ايه صح جربوا تخلطون ببسي او كولا مع شاني ..((صراحهً طعمه مو شين

اقتباس:

---

الرسالة الأصلية كتبت بواسطة kirby64




يعني ما قد انقرفت انقراف مثل ما انقرف وانا اطالعه ياكل ?:

يجيب لي رز ابيض ويخلطه مع "كتشب" واحياناً يحط معاهم لبن وووععععع

---

هذي نسويها عادي ...صراحة طعمه حلو والله :)
ونحنا نحط مع العيش روب أو لبن مراعي خاصة في العزايم ....

اقتباس:

---

و أنا أحب آكل شيبس عمان مع لبن .....

---

جرب تاكله مع الدقوس (إلي عليه صورة نسر أمريكا :D )... يصلح مع اللبن الدقوس أو بدونه <<حسب الرغبة

وإذا كنت تعرف شيبس عليه صورة دياي تراه عجيب مع اللبن :6


وأنا أعرف واحد واحد كان يشرب بيبسي على ميرندا على شاني على سفن آب على كندا دراي على كوكا كولا على ديو :!

نعود معاكم عبر برنامج بالهناء و الشفاااء ...

عبدالعزيز :
كريم و رز .. سوحقن لك :" ..
ما هازا يا فتى !؟

الجني الرسام :
لا تقص علينا ..
شكلك إنت أكّيل وهامور تخلط أشيا بس منت راضي اقول ":" ...

سلفر باكو :
جبن مع عسل مافيه شي :6 ..
لكن الثانية شو تطلع ?: ..

الظلام 13 :
كبتشينو بالخل ..
أصبئت :p !!؟

سول :
لا بس نحن أكلاتنا ناكلها مافيها شي ..
لكن مو معناتها تروح تخلطها كلها مع بعض ..
ما أتكلم عن وجباتهم :)...
أتكلم عن الإختلاط :p ...

مسلم :
بطيخ و حبن :! ...
برجّع :": ...

كيربي :
سلطة مع كتشب http://help.microsoft.com/!data/ar_s...nt$/bowwow.gif ؟!
الظاهر الكتشب عنده خبر :p ...
و إنتٍ مجربة اللي قلتيه ؟؟
بجرب على مسؤليتج :! ...

عمر :
هلا والله :) ..
شخبارك ...؟
وكيف المذاكرة ..
أٌول روح ذاكر أحسن لك ما بتنفعك يلست النت مثل some people :6 ...( الحين يقول هذا اش يبي ) :D ...
تحط لبن مع كتشب ؟ زين ما تكون شارب شي قبله :" ؟
و بالنسة لخلطتك الأخيرة ..
ترى ودي أصدق ...
بس ما أٌقدر ":" ....

لوسي :
هو بس لبن مع الدياي ؟؟
جربي مع مزون و بفك أنا خليجي كلووو فيه زيين :6 ....



و نشكر لكم حسن متابعتكم لنا .... و مشكورين عالردود الغير شكل ..

يسرك الحال بوجاسم :)

أمتحان إنجليزي ...يعني باكر رقيص :p
وأنا من متى عرفت الدراسة ...

ياخي والله عادي سالفة الكتشب وبعدين ينحط مع العيش .....
وأنتوا ماتحطون رووب في الكبسة :!

وأي خلطة تقصد .....إذا كان راعي الكوكتيل فصارت من زمان ...والظاهر أنه ماعجبته ويرقع ويقول حلوة الخلطة :p



لوسي : هييه والله طعمه حلو مع الدقوس ...وتراه هذا النسر مش حار مثل صناعة الهنود هذا صناعة أمريكية :D

وجربيها وشوفي الفرق ":"

مين جرب ساندويتش جبن + بيض + خيار + طماطم + فلفل + زيتون + خس


لا تفوتونها....اسمعها نصيحة مني...بس انا غير مسؤول عن اي حالة تسمم

:واو:

كنت اخلط البيسبي والسفن اب والميرندا والشاهي

وبالهناء والشفاء :6

دخلت مختبر الاطعمة واكتشفت المعادلة التالية



فيمتو + سفن أب ----------> شاني



على ضمانتي نفس اللون ونفس الطعم


وهنيئا

عمر:
أقصد آخر شي ...
كيف شربته ؟
أكيد يبت طست ?: ؟


عبدالعزيز :
خلطاتك رهيبة ...
بس أهلي يبوني بعدي ما جربتها :6 ...

انجلينا :
جاي وبيبسي :": ...
إنت متأكدة ما شربتي شي قبله :" ..
حلفي بس :! ؟

بوي ثنج :
و الله فيك مغص براسك و لابطنك ...
مالنا شغل ":" ...
مغصوب تقرى :6 ....؟
بعدين إشرب بيبسي مع كتشب مع بيض ...
ترى زين للصمغ مادري المغص :6 ....

مسلم :
فيمتو + سفن آب + H2 O ----------------> لبن آب أسود ( بس تراه مسكر ما ينصح به الأطباء :D )

و بالهنا و الشفا http://help.microsoft.com/!data/ar_s...nt$/bowwow.gif

اكره الخلط ..
يحوم كبدي لمجرد الفكرة بس ..
الشي الوحيد اللي اقبل فيه هو اني اخلط الماء باللبن لما يكون ثقيل ..

انا كنت اكل شيبس تسالي خل وملح او فلفل مع البن طعمه شي:أفكر:

هذي قامة المأكولات في بيتنا:

1. خبز و جبن و شكر

2. عيش و بيض مقلي

3. سندويتش معكرونة

4.سندويتش موز

5. خبز رقاق و مهياوة مع شاي بالحليب

6. سمك مع كاتشب و تباسكو

7.تبولة بالشكر

8. تفاح بالجبن


ملاحظة : (70 % من هاللستة خرابيط لا تصدقونها) :6

خلط الأكل لعبتي المفضلة:D

عماد : الله يقرفك خلاص ماني ماكل شي طول اليوم....:6

عماد :
هذي اللي تسويه ما يعجبني أبد ..
لو كان اللبن مثل الموز بشربه ..
أما حط فيه ماي ?: ....!


لينك 7200 :
أي شيبس + اللبن = شيئون عجيبون :6 ..

ديابلوس :
أحلى شي رقم 5 ...
مهياوة عيل , بعد لا تنسى الموريه :p ...


عبدالعزيز :
صار الخلط لعبة :": ...
هذي تتسمى شذوذ في الأكل ":" ...


لوسي :
وإنتي مااااالك :6 ...

عيل لو تشوفون اللي انا شفته اليوم شبتسوون؟؟

اكتشفت ان واحد من ربعي ما يشرب البيبسي الا وحاط فيه ملح ياااااااااااااااااااااااااااااااااااااااااااااع

لا و المشكلة الاكبر انه خلاني اجربه اليوم :"



بس طعمه حلو :D

":" شاني + لبن

اقتباس:

---

الرسالة الأصلية كتبت بواسطة evilneverdie
:

لينك 7200 :
أي شيبس + اللبن = شيئون عجيبون :6 ..

6 ...

---

ايه طعمه لا يقاوم خاصتاً مع الخل والملح:D

والله انا أحيانا آكل الشيبس مع البيبسي ما أعرف إذا أكلة غريبة ولا لأ ؟؟؟
?:

انا ما ادري ليش تكرهون وتتقرفون من خلط الماء باللبن وتحبون لبن أب


وللعلم لبن أب يتكون من لبن روب منتهي الصلاحية مخلوط مع ماء وعليه شويه ملح

حتى اقرأ العلبه تلاقي مكتوب لبن معاد تصنيعة

جرب هاذاك الشبس اللي شكل المربعات الحار ويا الروب

طعمه شييييييييي ":" ..

خيار مع قهوة تركيه .. :-) شيء جربتها مرة بس وعلى الصبحيه بعد ..

...........?: ?: ?:

اقتباس:

---

الرسالة الأصلية كتبت بواسطة evilneverdie

كيربي :
سلطة مع كتشب http://help.microsoft.com/!data/ar_s...nt$/bowwow.gif ؟!
الظاهر الكتشب عنده خبر :p ...
و إنتٍ مجربة اللي قلتيه ؟؟
بجرب على مسؤليتج :! ...[/B]

---

تصدق مره شفت يحط كتشب مع جح (بطيخ) ! :أفكر: ..

وبنسبه للخلطه الي قتلها لك (الكولا مع الشاني) جربها على مسؤليتي صراحه طعمها لذيذ..

لحم بعير مع دجاجه وجربوع وضب

اخلطهم في قدر واطبخهم مع بعض وتذوق الطعم الخرافي":"

ديابلوس :
قوية الله يخليك :D ..


عويسيس :
شو يطلع ?: ...؟


لينك :
حط فوقهم شطة بالمرة :) ...

البطل زادنر :
إذا تقصد تخلطهم فهي غريبة ..
أما إنك تاكل الشيبس وبعدين تشرب البيبسي فهذا عادي ...

مسلم :
معلوم ...
لبن أب من بودرة مصنوع :)...
بس بعد اللبن إذا صار رهيف إش خانته ؟؟

أنجل :
هيييه هذاك ...
جني عرفته :6 ....

Abbatt :
واط :!.. ؟


جايا جيرل :
؟؟؟

كربي :6 :
يع ...
هذا أخوج ما شي منه في السوق :)...
حافطوا عليه ...
وبالنسبة للي قلتيه ...
إذا كنت رايق ...
و مرتاح على الأخر ...
بفكر أجرب :أفكر: ...

جرادنيا :
شرايك تسويها وتعزمنا عندك :6 ...

اقتباس:

---

الرسالة الأصلية كتبت بواسطة evilneverdie
ديابلوس :
قوية الله يخليك :D ..


عويسيس :
شو يطلع ?: ...؟

---

يعورك بطنك بالبدايه :-) بعدين تروح المستشفى :-) بس

يعطيني إجازة إذا رحت و لا لا ؟

اخر صيحه, رز ب الحلاوة الطحينيه, صاحبي يياكلها:"

في الmenu حق الروم سيرفيس حق الشيراتون حاطين......



بطيخ مع بسطرمة :": :":