طلع كل اللي بقلبك على الاربيجيات هنا .
السلام . كيف حالكم . كلنا طبعا نحب الاربيجيات . انا وكثير منكم نعتبره احسن نوعية من الالعاب . لكن هذا مايعني من انها مافيها عيوب . بس الواحد اذا طلع اللي بقلبه على العيوب هذي تخف عليه . وانا بهالموضوع بأتكلم عن اكثر 3 اشياء تقهرني بالاربيجيات من اقلها تأثير لاكرهها عندي :
الـStatus Attacks : موجودة بكل الاربيجيات تقريبا . وتعريفي الشخصي لها انها حركات ماتنفع معك ابدا وتنجح اذا استخدمها العدو 100% (امثلة اكرهها Poison و Paralysis وأكره شي عندي Instant Death ) . استخدام الحركات هذي بس يضيع دور على الفاضي . وتضيع مساحات دروع لو كان فيه دروع تحمي منها . FFX عالجت المشكلة لانها كانت تنجح كثير . بس مافيه ولا لعبة ثانية تخلي فايدة الحركات هذي اكبر من ضررها .
قصص الحب : مب بس بالاربيجيات ولا بالالعاب . مافيه ولا نمط ترفيه بالدنيا الا فيه قصة حب . وهي السبب اللي تخليني اكره كثيييييييييييير من الابطال . وياليتها بلعبة ولا بلعتين ولا ب10 الاف لعبة بس . كل الاربيجيات لازم يكون فيها قصة (او اكثر ) حب . وكلها من نفس النوع ولا فيها ولا شي جديد .
اما اكره شي عندي بالاربيجيات كلها فهو :
انقاذ العالم : وهذي اللي صدق مصخوها . صرت ما اهتم لاي قصة RPG لاني عارف انه في النهاية راح يحاول شخص او شي تدمير العالم اما لتطويره او تطهيرة او لانه ماقدر يملكه او كذا بس طنة بال . وغالبا ماتكون الطريقة بتجميع عدد من الاشياء عشان يشتغل\ينادى شي من قديم الزمان يعطيه قوة تكفي لامتلاك اوتدمير العالم .
هذي هي تقريبا اكره الاشياء عندي . فيه عندي زيادة بس اني راح استنى لين ما تردون . وانا راح يسعدني كثير اني اقرا عن الاشياء اللي تكرههونها .
