Final Fantasy X-2 ... مشكلة محيرتني .. خاص بالشباب ؟؟!

طبعا الكل منتظر الاسطورة Final Fantasy X-2 .. وأدري أن البعض من عشاق اللعبة لعبوا Final Fantasy X أكثر من ١٠ مرات و قاموا بعملية مسح شامل للجزء العاشر .. والحين هم متعطشين للاصدار الثاني من الجزء العاشر .. طبعا أنا ما لعبة الجزء العاشر .. وبلعب هذا الجزء بعد أصدار Final Fantasy X-2 .. علشان تكون اللعبة أطول من ناحية القصة ... لكن المشكلة تبدأ من هنا ..

---------------------------------------------------------------------

الصور ما تخفى على الجميع .. أبطال Final Fantasy X-2 و كلهم بنات .. و على ما أظن أن المشكلة باينة .. التعري ... يعني هي لليابانين +الغرب أجمع = لا شي .... وحتى عند بنات العرب و المسلمين فهي لا شي .. لأنها بين البنات فلا يضيرهم شي و بين البنت و البنت اسرار ... لكن نحنا الشباب ... نعم هذي الفئة من المجتمع .. الفئة المنتجة .. واللي المجلات العربية تعتبرنا وحوش بشرية (( من دون شرح .. السالفة معروفة )) .. يعني اتخيل الوضع :
جالس في الغرفة ... وألعاب Final Fantasy X-2 و يطلع ذاك المشهد .. و تدرون .. في هذا الوقت أبليس( لعنة الله عليه) معسكر في الغرفة ... و جالس يوسوس... ويحرك الغريزة الجنسية و يسقيها من سمومه... .. و كل واحد يكمل نهاية القصة على كيفة ....... بس لا يكتبها .

نرجع للموضوع ... أو الشي المفقود في هذا الموضوع ... وهو الحل لهذا المشكلة ... طبعا هذي توقعات الحلول اللي يمكن تطرح من قبل الاعضاء مع
رد مسبق عليها و توضيح لشخصية صاحب الرد (( هيههيه السالفة درس في علم النفس )) ...

١- شخص من محبي فف : يا أخي إذا خايف من اللعبة و أباحيتها لا تلعبها . :o
الرد : لو كنت مطنش اللعبة و معتبرنها تافه ما كتبت هالموضوع أناشد الحل منكم .

٢ - شخص متعصب للـ فف : يا أخي ما عندك سالفة تكتب مثل هالمواضيع التافهه و تحط صور سخيفة شكل وجهك .. شوف إذا اللعبة مهب عاجبتك لا تلعبها . :غضب:
الرد : لو كانت الصور شكل وجهي .. كنت بتشوفني ألعب بلايستيشن٢ وكاتب موضوع شكل هالموضوع .. و إذا كانت اللعبة مهب عاجبتني ما كنت أحترت .

٣ - و احد محترف RPG ( و ملتزم شوي ) : يا أخي يوم بتطلع المشاهد الخليعة ... قول ( أستغفر الله العظيم من كل ذنبا عظيم ) و خلاص . :cool:
الرد : يا ولد الحلال تشوفني جالس في مسجد .. علشان أستغفر .. و ثاني شي هذا برأيي نفاق على االعزيز المولى .

٤- واحد بايعنها بشرف : يا أخي اللي فيها .. فيها .. مشاهد خليعة أو أباحية .. ما باليد حيلة . :p
الرد : يا أخوك .. الله يساعدك ... !

٥ - واحد حيران .. ( مثلي ) : و الله يالحبيب أنا محتار مثلك ... و أمري لله . :(
الرد : و انا مثلك أمري لله .

٦ - واحد محشش (( ؟؟! )) : يا أخي سبحان الله الانسان مثل بني آدم ....... إذا توفى مات . ?:
الرد : ذاك الصوب ... الله يخليك .

٧ - وحدة داخلة عرض : يا أخي ليش الموضوع للشباب .. ليش هالتميز العنصري ضدنا .. أنا أطالب بوجود برلمان ديموقراطي دستوري .. يعني حرام
هالتميز العنصري .. ليش تحاول تقلل من دور المرأة في المجتمع ... شوفوا المجتمعات الغربية .. كيف نضرتهم لهذي الفئة الضعيفة ... يعني حرام عليك اللي تسويه فينا ... حرام !!! :! ............................
(( مع أحترامي للأخوات في المنتدى .. مجرد مزحة ))
الرد : أختي النمرة غلط .

لا تستغربون من هالاسلوب .. لان دايما في هالنوع من المواضيع تتكرر هالاجابات من دون فائدة تذكر .. فاللي يحب يرد بنفس الطريقة حياه الله واللي عنده حل للمشكلة يذكره .. و جزاه الله خير ... و الرأي لا يفسد للود قضية... لا تفهموني غلط ... أنا من عشاق فف .. ولا قصدي الاسأة لبعض الاشخاص أو اللعبة ... ولكن أعتبروا المشكلة مشكلتكم وعطوني رايكم .. حاليا انا أفضل رأي اللي بايعنها بشرف .. خلونا نشوف كم واحد بايعنها ... و من دون خجل .... و لكم من السلاااااااااااااااااااااااااااااااااااااااااام :0) :-) ;-)

OK تم حذف بعض الصور .. بداية تبشر بالشي الكثير :أفكر: :أفكر: :أفكر:

مشكور اخوي على طرح الموضوع ...

اللي ابي اعلق عليه ... ان كل شخص له نظره .. مختلفه ..

يعني في اشخاص .. يلاحقون الألعاب .. سواءً ار بي جي او غيره...

اهم شي عندهم يكون فيها اغراء

و البعض .. و هذا اللي اشوفه بالأعضاء

أهم شي عنده التسليه و الفائده ...

اذا كان على الصور و الفيديو اللي يعرض .. 99% من الألعاب راح تستخدم هذا الأسلوب .. لجذب المستهلك .. يعني .. اللي ما يبي يشوف اغراء .. الكتروني ..

يقدر يشتري كراش ...

لأن كل الألعاب راح يصير فيها .. بعض اللمسات الإغرائيه ..

انت العب و انبسط... و لا تركز على اشياء تافهه زي هاذي

اسف اني حررت الصور لكن .. كانت غير محتشمه... المره القادمه حاول تغطي اي صوره من هذا النوع ... و اذا لم تستطيع .. ارسلها لي و انا بأقوم بالواجب :)

تسلم اخوي BOY_THING على الرد المقنع و رأيك الممتاز ... ولا تزعل من كلامي بخصوص الصور .. أنا أقصد جزاك الله خيرعلى حذف الصور . لانه هذا يدل على اهتماك.. ولأني ما قدرت أغير شي في الصور بسبب وجودي في الدوام حاليا .. و مشكووووووووووووووور مرة ثانية:0) :-) ;-)

اقتباس:

---

جالس في الغرفة ... وألعاب Final Fantasy X-2 و يطلع ذاك المشهد .. و تدرون .. في هذا الوقت أبليس( لعنة الله عليه) معسكر في الغرفة ... و جالس يوسوس... ويحرك الغريزة الجنسية و يسقيها من سمومه... .. و كل واحد يكمل نهاية القصة على كيفة ....... بس لا يكتبها .

---

أخوي .... معظم االشباب وللأسف تفكيرهم غبي وما همهم الا المتعة بالنظر الى هذي العارية وذيك ....ويجلس يتخيل نفسه يقابلها و .......
ولكن هذا الشاب عليه التذكر بأن هناك من يراقبه ويحاسب الانسان على نياته......وانا قريت في أحد المواقع فرحة الشباب بالتعري في فف 10-2
ولكن بعضهم لا يفكرون بذلك أبدا يلعبون لا لشي الا للاستمتاع باللعبة والقصة لا غير .... ولا يعيرون اهتماما للمصخرة مالت الأجانب ...

اقتباس:

---

٣ - و احد محترف RPG ( و ملتزم شوي ) : يا أخي يوم بتطلع المشاهد الخليعة ... قول ( أستغفر الله العظيم من كل ذنبا عظيم ) و خلاص

---

أنا اتوقع بأن اكثر الشباب يقولون جذي :(

اقتباس:

---

٢ - شخص متعصب للـ فف : يا أخي ما عندك سالفة تكتب مثل هالمواضيع التافهه و تحط صور سخيفة شكل وجهك .. شوف إذا اللعبة مهب عاجبتك لا تلعبها

---

هذا اللي يقول جذي ما يحترم نفسه ...
بس اقول المفروض انك ما تحط صور خليعة ... تبي تاخذ اثم كل من شافها؟؟

والحل اهو انك اذا لعبتها لا تركز على تفاهاتها مثل ما قال بوي ثينج ...ولا تسمح لنفسك بأن تفكر بالأشياء الغلط

مشكور أخوي على الموضوع الرهيب هذا .. أنت قاعد تناقش بمسألة انسانية خطيرة .. :D

لا عاد من صجي .. هذا الموضوع خطير .. خاصة أن الألعاب بهذي النوعية منتشرة بشكل فضيع في عالم العاب .. و احنا بعد ( مو كلنا ) مو مقصرين و قاعدين نشتري هالألعاب .. :أفكر:

لو تلاحظون أن اللي يخلي اللعبة تنتشر بدول الغرب هو الاغراء أكثر من أي عامل ثاني .. و طبعا الجرافيكس و القصة و الموسيقى هذول يكونون بالدرجة الثاني بعد الاغراء هالأيام و للأسف ..

لو تشوف مثلا تومب رايدر .. بصراحة اللي خلاها تنتشر هو الاغراءات اللي فيها و الصور و البوسترات اللي ينشرونها عن لارا كروفت مو لابسة عدل ولا اي شي ثاني .. لكن لو نشوف العاب بمستوى تومب رايدر و أحسن و بطلعا رجل .. نلقاها بأول يوم خسائر فوق خسائر ..

احنا واجبنا تجاه هالألعاب أن نقاطعها وما نلعبها .. وطبعا الكثيرين ماخذين نظرة علينا احنا اللي نلعب العاب RPG وايد ان احنا منحرفين و و و و و و و و و و .. يعني لو نخليهم يغيرون نظرتهم لنا على الأقل بيكون أحسن ..

مع العلم .. اللي يقول أنه بيلعب اللعبة وما راح تهمه البطلة شنو لابسه ولا شي .. أنا أقوله أنك غلطان و أنت قاعد تقص على نفسك .. جنك واحد داخل ديسكو لكنك داش بتشرب كاسوسة بيبسي .. :D ( تراني مو قاصد أحد مع احترامي للجميع ) ..

بس كل انسان و رأية .. وما علينا احنا إلا البلاغ .. و الباجي عليكم .. :)

اقتباس:

---

٢ - شخص متعصب للـ فف : يا أخي ما عندك سالفة تكتب مثل هالمواضيع التافهه و تحط صور سخيفة شكل وجهك .. شوف إذا اللعبة مهب عاجبتك لا تلعبها .

---

هالجملة اعتقد أن وايد كانوا راح يقولونها إلا لمن أنت كتبته .. فراح يكتمون هالشي و يسكتون ..لكن شنقول لهم .. الله يهديهم بس ..

سلام .. :)

جزاك الله خير و مشكور ياخوي على اهتمامك بس فيه نقطة حبيت اوضحها, قرأت موضوع في المنتدى قبل فترة يقول ان فيه امكانية تغيير الملابس عن طريق البلورات, يعني مشكلتنا انحلت:D
(اذا كلامي هذا طلع مجرد اشاعة فاعذروني لأن ماني متابع)

وشكرا مرة اخرى:)

أولا جزاكم الله خير على ردودكم الطيبة و آرائكم المفيدة .

ردود خاصة :

الاخ master seymour : تسلم اخوي وما قصرت ... وعلى رأيك البعض يلعب للاستمتاع باللعبة و وحبكة القصة ... وهو الشي الاساسي قبل التفكير بالمغريات في اللعبة .. لكن التنطيش للأباحية .. يمكن يتم مرة مرتين ثلاث أربع بالكثير خمس .. لكن هذي مغريات + أبليس الملعون .. مشكلة و مصيبة بنفس الوقت .. و بخصوص الصور .. تصدق بالله لو ما وضعت الصور في الموضوع .. بتشوف ناس داخلين يبون يشوفون الصور ويستفسرون عن أي صور خليعة تتكلم (( يقصدون يالغبي تتكلم عن اي صور )) بأعتبارهم ان اللعبة ما فيها شي .. وهم في الاساس حابين ياخذون الصور .. وبشكل مباشر يقومون بحفظها بالكمبيوتر .. فالحمدلله .. الله ستر وكان الاخ الكريم BOY_THING موجود و حذف الصور .. والغرض من نشرها هو الحصول على شاهد على هذي القضية في هذا الموضوع .. ويالعزيز لو كنت أنا باخذ اثمها فالي بيناظرون هالاشياء يوم بيلعبون اللعبة بيحصولن على اضعاف هالاثم .. نصيحة لا تشتري اللعبة أصلية علشان ما يتضاعف عليك الاثم بسعر اللعبة ..خذها كوبي يكون الاثم اقل شوي (( لا تزعل مجرد مزحة )) و تسلم مرة ثانية على الرد . :-) :-)

الاخ Neo Cid : تسلم اخوي على تأيدك .. ومشكور على آرائك الحلوة ..
وانت بالذات وصلت للشي الاساسي من خلال هالفقرة :

اقتباس:

---

مع العلم .. اللي يقول أنه بيلعب اللعبة وما راح تهمه البطلة شنو لابسه ولا شي .. أنا أقوله أنك غلطان و أنت قاعد تقص على نفسك .. جنك واحد داخل ديسكو لكنك داش بتشرب كاسوسة بيبسي

---

مثل سالفة التطنيش مرة ومرتين وثلاث .. لكن لي متى . :أفكر: :(

الاخ Dark 13 : العفو اخوي وتسلم على ردك الطيب ... وبخصوص تغير الملابس .. باين انها موجودة حتى أنا سمعت نفس السافلة .. من واحد من ربعي و هو محترف في فف ... وانشاء الله يكون هالنظام موجود . وبخصوص المعلومة فانا أرحب بها إذا كانت اشاعة أو حقيقة .. لكن تكون اشاعة محترمة مثل اللي ذكرتها يعني لا نقدر نكذبها ولا نصدقها .. مهب واحد يدخل و يقولي بأن بن لادن هدد سكوير بعملية فدائية لو ما سترت على البنات في ffx-2 >>>> ولبستهم النقاب ... لا مثل هالاشاعات بتخرب مضمون الموضوع وبترسلة إلى الحطيط الاسفلي .. ومشكوووووووووور مرة ثانية:-) :0) :-)

ولكم مني السلاااااااااااااااااااااااااااااااااااااااااااااام :0) :-) ;-)

اخوي قال الرسول -صلى الله عليه و سلم-: "انما الاعمال بالنيات و ان لكل امرء ما نوى....."

و كل واحد و نيته اللي يلعب بها اللعبه. و انا صراحة ما اتصور ان في ناس يشترون لعبة بس بغرض ان فيه وحدة عارية. اعتقد احنا اكبر من جي. و ما وصلت فينا السخافة لهالدرجة. و معظم اللي يشترونها راح ياخذونها عساس القصة و اسلوب اللعب اليديد و ايضاً لسبب اهم هو ان اسمها فاينل فانتسي. يعني انا مستغرب والله من هالفكرة اللي شفتها في اكثر من موضوع...فكرة شراء اللعبة بغرض جنسي. والله انها عمرها ما مرت على بالي. انا اشوف الانسان اللي تكون هاي نيته من شراء اللعبة (غير انه ضعيف الايمان) انسان مريض نفسياً و مب صاحي. و فوق هذا عقله صغير. يعني هذا ما يفكر انها مجرد لعبة و اللعبة عبارة عن رسوم؟ شو هالناس اللي جي تفكيرهم؟

في النهاية اخوي اعتقد ان في مبالغة شوي بالموضوع...كوني لازلت مقتنع ان مافي ناس بالشكل هذا. و السالفة اصلاً ما تسوى هذا كله. هذي وجهة نظري بالموضوع و اتمنى ان محد يكون متضايق منها.

ملاحظة لكاتب الموضوع:

اقتباس:

---

الرسالة الأصلية كتبت بواسطة DARK HDUKEN


٣ - و احد محترف RPG ( و ملتزم شوي ) : يا أخي يوم بتطلع المشاهد الخليعة ... قول ( أستغفر الله العظيم من كل ذنبا عظيم ) و خلاص . :cool:
الرد : يا ولد الحلال تشوفني جالس في مسجد .. علشان أستغفر .. و ثاني شي هذا برأيي نفاق على االعزيز المولى .

---

ليش اخوي انت ما تستغفر ربك الا لما تكون بالمسجد؟؟:أفكر:


و اسف على الاطالة :)

Magenta : تسلم أخوي على ردك .. وأشكرك على رايك .. لكنك مع أحترامي لك رحت بعيد عن مضمون الموضوع .. أنا ما قصدت بكلامي هذا مقاطعة اللعبة لأنها في شبة تعري .. صدقني حتى لو كانوا من دون ملابس كنت بشتري اللعبة ... أنا قدصي كيف تقدر تتحمل هالاشياء
ok .. يعني هل عندك قدرت تحمل انك تشوف شخصية شبة متعرية أمامك وأنت تحركها يعني عينك على الشخصية طول الوقت ..قولي من دون خجل هذي المشاهد ما تنشط من دور الغريزة الجنسية عند الانسان ؟

أخوي أنت ذكرت :

اقتباس:

---

في النهاية اخوي اعتقد ان في مبالغة شوي بالموضوع...كوني لازلت مقتنع ان مافي ناس بالشكل هذا. و السالفة اصلاً ما تسوى هذا كله. هذي وجهة نظري بالموضوع و اتمنى ان محد يكون متضايق منها.

---

أذكر مرة في منتدى البلايستيشن العام نشر احد الاعضاء موضوع عن لعبة ديد أور ألايف2 القتالية انها لعبة وسخة وقال أنه لها موقع فيه صور للبنات اللي في اللعبة بلباس البحر .. بعد حولي كماً عضو من مشكك ومؤيد دخل أكثر من 3 أعضاء يطلبون وصلة للموقع اللي يعرض الصور مهب كدليل أو اثبات لالالا هم يقصدون شي ثاني !!

وعن أستفسارك ..

اقتباس:

---

ليش اخوي انت ما تستغفر ربك الا لما تكون بالمسجد؟؟

---

الجواب لا .. لكن شوف وتخيل هالمشهد .. تخيل أنك باحث في امور الدين الاسلامي .. واعتبرني اخوك اللي أصغر منك .. وكنا جالسين في غرفة وانا كنت ألعب ffx-2 ..يعني لو شفت هالصور في اللعبة بتقول أستغفر الله .. وبعدين بتقولي كمل اللعب .. هذا أسمه نفاق على العزيز المولى.. أتوقع تقولي طفي هاللعبة التعبانة وبكل عصبية .. بس حبيت اسمع الرد منك أنت وانا منتظر .

وقبل ما انهي .. حبيت اذكر شي .. أن رأيك هذا على عيني وراسي لكن أحب اذكرك بان بعض الشباب قال أن الشخص همه اللعبة وقصتها والبعض الاخر قال يمكن يتوفر نظام تغير الملابس وكلها حلول للمشكلة و ما عليك أمر بس لو تراجع كلام الاخ الكريمNeo Cid لأنه أختصر كل هالكلام الي ذكرته في هذا الرد .. وأشكرك مرة ثانية على ردك و أرجوا أنك تستمر .. وإذا زعلتك بشي فانا أقول آسف وحقك علي .. ولك مني السلااااااااااااااااااااااااااااااااااااااااام :0) :-) ;-)

اقتباس:

---

- واحد بايعنها بشرف : يا أخي اللي فيها .. فيها .. مشاهد خليعة أو أباحية .. ما باليد حيلة .

---

:أفكر: اعتقد اني انا واحد من هذه المجموعة ..

يعني في رايكم شو نقدر انسوي .. اذا الالعاب جذي شو ممكن انسوي .. الصراحه ما باليد حيله .. اذا هي موجوده في اللعبة انا شو اقدر اسوي .. خلوها على الله ..

اقتباس:

---

مع العلم .. اللي يقول أنه بيلعب اللعبة وما راح تهمه البطلة شنو لابسه ولا شي .. أنا أقوله أنك غلطان و أنت قاعد تقص على نفسك .. جنك واحد داخل ديسكو لكنك داش بتشرب كاسوسة بيبسي .. ( تراني مو قاصد أحد مع احترامي للجميع ) ..

---

;-) سلامي عليك .........

والله يعطيك 1560 عافية يا DARK HDUKEN :cool:
ويخليك ربي ":"

سكوير تتوقع انها تبيع 2 مليون نسخة....بالعالم.
طبعا انا اول واحد يشتريها وينهيها":" ":"

SUPER_SAIYAN : ياحيك والله .. مثل ما قلت ما باليد حيلة ..لكن الامل قائم على نظام تبديل الملابس يمكن يكون موجود .. و أشكرك على صراحتك أخوي SUPER_SAIYAN . :-)

Guilty Gear X : هذا الحجم بس في الغرب .. يعني من دون ذكر الارقام المتوقعة في الدول العربية و خصوصا في دول الخليج .. يعني أحتمال توصل 150000 نسخة مباعة و باقي اللعيبة عايشين على الكوبي (( هيهيه أنا واحد منهم )) وشكرا على المعلومة أخوي . :0)

و تسلمون على الردود .. سلااااااااااااااااااااااااااااااااااااام :0) :-) ;-)

اراء الناس تختلف ...



ومثل ما قال boy thing ... فيه ناس يبون التسليه وما جاب خبر الاشياء هذي ... وفيه ناس يدورون عنها :)

أنت شفت العرض وشفت أيش يلبسوا لاغيروا ثيابهم تصير أسوء من اللى قبلها (حقت باين اللي شفتها).
بس برضوا حشتريها :D :D :D

أنت شفت العرض وشفت أيش يلبسوا لاغيروا ثيابهم تصير أسوء من اللى قبلها (حقت باين اللي شفتها).
بس برضوا حشتريها :D :D :D

اقتباس:

---

الرسالة الأصلية كتبت بواسطة SUPER_SAIYAN


:أفكر: اعتقد اني انا واحد من هذه المجموعة ..

يعني في رايكم شو نقدر انسوي .. اذا الالعاب جذي شو ممكن انسوي .. الصراحه ما باليد حيله .. اذا هي موجوده في اللعبة انا شو اقدر اسوي .. خلوها على الله ..





;-) سلامي عليك .........

والله يعطيك 1560 عافية يا DARK HDUKEN :cool:
ويخليك ربي ":"

---

:أفكر: ما ادري منو اللي يلعب لعبة DEAD OR ALIVE ليل ونهار .. :p :p

جزاك الله خير أخوي على الموضوع
و تشكر عليه و لو إن وضع الصور ماله داعي لأن الجميع عارفين ما فيه و أنت مب ناقص تكسب آثامهم;-)
أنا إذابغيت أتكلم عن نفسي أبقول:
أنا مب راضي عن الشيء هذا
لكني و للأسف سأشتري اللعبه
لأني ما أستحمل أشوف لعبه من سكوير و ما أشتريها:D
قد لا أكون راضي عما فيها لكن هي في النهايه مجرد لعبه و الي يبغى الشين يلقاه في أماكن ثانيه>>>جالس يلعب على نفسه:D
أنا الصراحه محتار مثلك
لكني في النهايه أبشتريها بس أبفقد خاصيه مهمه لي إذا إشتريتها
إني مب مخلي أخوي يلعب بها = لازم أنا أطور المستويات>>>بينقزون علي بعض الملاقيف و يقولون أنت تخلي أخوك يلعب لك و ما أدري ايش((خارج الموضوع)) أبقولهم إنه في بعض الألعاب مثل FF10 إذا وصلت إلى بعيد و خلصت كل شيء و ما بقى غير التطوير أجدعها على أخوي لأني أكون ناوي أترك اللعب بس بعد ما يطور أتحمس مره ثانيه:D

لكن كنصيحة أخ لك:
إشتر FF10 صبر نفسك بها إلى أن ينزل FF1 المطور و على العموم ترى FFX-2 باقي عليها حوالي 7 شهور أو يمكن أكثر((النسخه الأمريكيه))

و بالنسبه لنظام تغيير الملابس فيه عيبين:
1-الملابس إذا غيرتها تكون أفضح
2-بس في المعارك((على ما أعتقد))

FF Expert : العفوا والموضوع يخدم المصلحة العامة .. وبخصوص التصبيرة
أنا ابي العب العاشر بكامل أصدارته علشان تكون اللعبة اطول شوي ... و حالياً العب وايلد آرمز 3 .. وتسلم مرة ثانيه على ردك ورايك . :-) :-)


..... تسلمون اخواني على ردودكم وآراكم الطيبة .. والظاهر أن حل تبديل الملابس راح عن تفكير .. يالله امرنا لله بنعمل بنصيحة الاخ الكريم BOY_THING فكر بأبداع القصة والابداع التصويري من دون الالتفات للمشاهد الاباحية .
و في الاخير أشكركم على تعونك وأبداء آراكم .. ولكم مني
السلاااااااااااااااااااااااااااااااااااااااام :0) :-) ;-)

حبيب قلبي اخوي

افا عليك لا زعلت و لا شي...و انا اسف اللي الظاهر اني ظهرت عن الموضوع بدون قصد...


بالنسبة لنقطة قدرة التحمل على مشاهدة شخصية شبه عارية طوال اللعبة و دورها في تحريك الغريزة الجنسية عندي...اخوي انا يوم بالعب ما بحط عيني على ريل الشخصية او اي مكان ثاني و بقول: يالله شوفو الجمال...و ما بنام الليل و انا افكر فيها (ههههههههه و الله مجرد التفكير بالمسألة يضحك:p ). و انا الحمدلله اكبر من اني اسوي الشي هذا. و برايي هذي اشياء حتى المراهقين ما يسوونها. كونها مثل ما قلت قبل مجررررررد لعبة. و اللعبة عبارة عن رسوم. و الصراحة انا عادي عندي. حتى لو كانت الشخصية الرئيسية هي "شيفا" كوني والحمدلله عارف عمري.

و عن سالفة Dead or Alive

الصراحة صدمتني :!....معقول عندنا شباب جي تفكيرهم....الله يستر بس.

اقتباس:

---

الرسالة الأصلية كتبت بواسطة DARK HDUKEN

الجواب لا .. لكن شوف وتخيل هالمشهد .. تخيل أنك باحث في امور الدين الاسلامي .. واعتبرني اخوك اللي أصغر منك .. وكنا جالسين في غرفة وانا كنت ألعب ffx-2 ..يعني لو شفت هالصور في اللعبة بتقول أستغفر الله .. وبعدين بتقولي كمل اللعب .. هذا أسمه نفاق على العزيز المولى.. أتوقع تقولي طفي هاللعبة التعبانة وبكل عصبية .. بس حبيت اسمع الرد منك أنت وانا منتظر .

---

اخوي انا فاهم قصدك و معاك ان هذا كله نفاق...بس انا كان تعليقي على جملتك "ليش احنا في مسجد" (مش متأكد منها حرفياً :": و لكن بما معناه :D ) اخوي الانسان يستغفر وين ما يكون...و مافي مكان او موقف محدد للاستغفار. اعتقد انك عارف هالكلام فما راح اطول فيه :).

اتمنى اني اكون وضحتلك رايي هالمرة و ما اكون طلعت عن الموضوع مرة ثانية :": (مادري بس حاس اني سويتها :أفكر: )

و اسف على الاطالة :)

جزاك الله بالخير يا DARK HDUKEN
و اتمنى ان لاتضع صور مره اخرى لانها قد تغير الرايء عن الموضوع و تجعل له معارضين
و سلملم":"

SUPER_SAIYAN :

اقتباس:

---

سلامي عليك .........

---

الله يسلمك و يخليك و يحفظك . :D

Guilty Gear X :

أقول دام جذي أنت خلصها و عطني خبر .. يمكن فيه خيارات للملابس مثل ريزدنت ايفل :p :D

Magenta : تسلم اخوي على ردك .. (( خفت أنك زعلت مني )) على كل حال أنت ذكرت الحل من الحلول وانا شاكر لك على هذا الرأي .. وبخصوص DOA3 نعم اخوي Magenta هم موجودين ... تصدق بالله هالفئة من الاعضاء هم اللي ينشرون صور خليعة ويقومون بعملية أرابك للمراقبين في كل المنتديات .. و البيت ما يدل طريقة إلا صاحبة ... على كل حال كلامك صحيح عن الاستغفار وأنا فاهم عليك من قبل لكن قصدي هو بان االلعبة فيها تعري وأنا بقعد على كل صورة استغفر الله .. استغفر الله العظيم .. يعني لو شخص شافني على هالحال .. بيقولي أنت شايف ان اللعبة على بعضها شبه تعري .. وتدري ان اللعبة ما تخلص و بتستمر على هالمناظر حتى النهاية . فليش قاعد شكل الاهبل تستغفر كانك ما تدري انها بتطلع مرة ثانية طفي الجهاز و ريحك نفسك .. هذا كان قصدي .. بس حبيت اوضح هالنقطة وادري أنك فهمني عدل بس علشان البعض ما يفهمها غلط .. حتى شوف ابليس نفسة يقول (( اهلكت بني آدم بالمعاصي .. فاهلوكني هم بالاستغفار )) ;-) .. وتسلم اخوي على الرد و التوضيح :-)

تحت الصفر : العفوا اخوي .. و بخصوص الصور انا آسف ونشرتها لأني محتاج شاهد من الاعضاء على الصور على اساس ما يطالب البعض بالصور باعتبارها غير موجودة وهم في نيتهم شي ثاني .. والحمدلله الله ستر و حصلت على مرادي . و تسلم على الرد ... ولكم مني السلااااااااااااااااااااااااااااااااااااااااااااااام :0) :-) ;-)

العفو اخوي و الله يعطيك على قد نيتك :)

مشكور مرة ثانية على الموضوع