لطلاب علوم الحاسب

السلام عليكم
طبعا لطلاب علوم الحاسب جامعة الملك سعود(بكلريوس)
يا شباب ما فيه أحد يدري عن إمكانيت عمل أو توفير وظيفة لطالب الحاسب بعد التخرج طبعا هل هناك وظائف وما نوعها وكم إقل معدل ممكن
أشتغل فيه بشركات والميادين الحكومية؟؟؟؟؟؟؟

انا تخصصي حاسب الي وانا الحين سنة ثالثة ....وبالنسبة للتخرج لا تخاف في اي مكان يحتاجون الحاسب الان .....بس المعدل انا ما ادري بالنسبة للسعودية كم ؟ لاني عايشة بالكويت واتوقع اكيد للمعدلات العالية راح يكون لها القبول اكثر ........ولك تحياتي

انا في كلية الحاسب قسم العلوم الستة الرابعة


الوظائف متوفرة ولله الحمد بس تحتاج تعب شوي مافيه شي يجي بسهولة


لاني أعرف واحد تخرج قبل ترم وتوظف بعد 3 شهور او اقل

اما المعدل فمن واقع الخبرة :أفكر:

اذا كان معدلك فوق 3,5 بتلقى وظيفة حلوة اما اقل فبتلقى وظيفة بس مهيب الي تتمناها



:!
والله يوفقك

اقتباس:

---

الرسالة الأصلية كتبت بواسطة xyz
انا في كلية الحاسب قسم العلوم الستة الرابعة


الوظائف متوفرة ولله الحمد بس تحتاج تعب شوي مافيه شي يجي بسهولة


لاني أعرف واحد تخرج قبل ترم وتوظف بعد 3 شهور او اقل

اما المعدل فمن واقع الخبرة :أفكر:

اذا كان معدلك فوق 3,5 بتلقى وظيفة حلوة اما اقل فبتلقى وظيفة بس مهيب الي تتمناها



:!
والله يوفقك

---

الاخ من وين في اي جامعة وفي اي مدينة ضروري جداااااا

من جامعة الملك سعود

الرياض

كلية علوم الحاسب

السنة الرابعة

الرقم الجامعي 42xxxxxxxx

:أفكر:


اي تفاصيل أخرى

ترى ماعندي مانع

اقتباس:

---

الرسالة الأصلية كتبت بواسطة xyz
من جامعة الملك سعود

الرياض

كلية علوم الحاسب

السنة الرابعة

الرقم الجامعي 42xxxxxxxx

:أفكر:


اي تفاصيل أخرى

ترى ماعندي مانع

---

مشكوووووور :)

العفو وفي الخدمة عزيزي





:D

بالنسبه للرياض

انا خريج هندسه حاسب من نهايه الصيف

والوظايف مو مره متوفره بس في النهايه رايح تتوظف

خاصه طلاب العلوم ما شاء الله المجال لهم مفتوح مره بس فيه بعض

الحاجات الي لازم تنتبه لها وتقوي نفسك فيها حتى ولو تعليم ذاتي بدون

شهاده المهم يككون عندك علم عنها

1- الاوراكل
2-فيجوال بيسك او دلفي او فجوال سي++ (فجوال بيسك هي اكثر شي مطلوبه)
3-ASP او PHP او على الاقل اي برنامج لتصميم المواقع

وفيه غيرها كثير بس هذي الي ولجهتني عليها طلب وانا اقدم

اما المعدل فهو مهم جدا والاهم انك تكون فوق الثلاثه او حواليها اي جيد

ولكن الي مقبول رايح يحصل وظيفه ان شاء الله يعني ما فيه خوف على

طلاب الحاسب ان شاء الله.

على فكره ترى فيه تخصصات ثانيه حتى هم ماعليهم خوف لا يزعلون بس

انا اتكلم عن المجال الي لي علم فيه


تقبلو تحياتي

vip200x@hotmail.com

يعطيك الف عافية على الرد



بس مع خطتكم الجديدة 2003


اتوقع يصير الطلب على قسم الهندسة أكثر

مجرد توقع لااحد يتخصص ثم يقول xyz
وهقني :)

يا جماعة انا طالب بجامعة البترول سنة تحضيرية (اوريا:D ) .
وبصراحة الى الان محتار بين التخصصات . واكثر شيء ودي فيه هو علوم الكمبيوتر او نظم المعلومات الادارية . مع العلم اني هاوي شيء اسمه كمبيوتر .
فارجو منكم المشورة والنصيحة الحسنة , وشكرا

سلام

انا انصحك انك تروح علوم حاسب



نصيحه اخ لاخوه

باااي

هلا اخوي vip200x .
يا ليت تعطيني الاسباب .
و اكون لك من الداعين :)

ياخوي انت في السعوديه

يعني بلد غير صناعي ولكن في البرمجه فان بامكانك انت تحصل على

وظيفه جيده وخاصه في قطاع الحكومه.

مع العلن اني هندسه ولكن اكثر الاماكن الي اروح لها يبغون يشغلوني

على وظيفه مبرمج .

اما نظم المعلومات فهم لا الى هؤلاء ولا الى هؤلاء ديم يوظفونهم على

وظائف مبرمجين لان ما فيه الا قليل ومع كذا فانهم يتوظفون ولكن العلوم

اضمن وافضل خاصه اذا كنت جيد في البرمجه.

تقبل تحياتي واي استفسار انا في الخدمه


vip200x@hotmail.com

يعطيك الف عافية

الله يعافيك

هذا اقل مايمكن اني اساعدك فيه

اخواني والاخ والاخ vip2000x :

المشكلة في علوم الكمبيوتر انها تعتمد بشكل كبير على الرياضيات , وانا بصراحة ضعيف في الرياضيات . بعكس الادارة .
فما رايكم ؟

يا اخي abudahim

قسم علوم الحاسب لايعتمد على الرياضيات بشكل كبير كما قلت

صحيح ان هناك بعض المواد ولكن ثق تمام انها لن تسبب لك الازعاج الكثير

واذا انت تشوف انك سوف تبدع في مجال معين الله يوفقك توكل على الله

واستخر الله وان شاء الله رايح يكون اسهل .

معلومه اخرى اخي في قسم نظم المعلومات سوف تمر عليك اغلب مواد

العلوم .

وانت الحين في يدك القرار .

ولا نتسى دعاء الاستخاره ترى له اثر كبيييييير في اتخاذ القرارات الحاسمه

اتمنى ان تتوفق في حياتك العلميه والعمليه ان شاء الله

اخوك vip200x

مشكووووووووووووووووووووووووووووووووووور علىالموضوع

الله يعطيك العافية اخوي vip200x , والله ما قصرت

والله اني محتار لدرجة ما تتصورها . افكر ليل ونهار .
المشكلة انهم يقولون في الجامعة عندنا : اذا انت عارف نفسك انك ضعيف في الرياضيات فلا تورط نفسك في الهندسة او الكمبيوتر .

ولا اخفيك اني جبت C في الرياضيات في الترم الاول . يعني جيد .

و انا اهوى البرمجة فقط .
اما مواد الادارة فاني ما اطيقها . واحس ان الرياضيات امتع مع اني فاشل فيها .

و اللي قوى عزمي الادارة اكثر انهم يقولون انه ما في لا فيزياء ولا كيمياء .

فما نصيحتك النهائية اخوي vip200x و الاخوة الكرام في المنتدى .

اعقلها وتوكل

انا اقول ان مستواك مو تعبان مره في الرياضيات "جيد" تعتبر كويسه في جامعه الملك سعود خاصه الرياضيات "المقبره" كمى تسمى

اقول روح علوم حاسب

والله يوفقك ترى ما اتمنى لك الا كل خير

ولكن القرار النهائي يرجع لك هذي مجرد نصيحه


تقبل تحياتي

اي استفسار ترى في الخدمه عبر المنتدى او عبر الماسنجر

اخوك vip200x


vip200x@hotmail.com

جزاك الله خير

اقول اخوي abudahim مثل ماقال اخوي vip200x

توكل على الله


تراي انا تخصصي علوم حاسب وجميع الكورسات

الي اخذتها في الرياضيات اخذت فيهل مقبول :(


يعني انت احسن مني بفرق في الرياضيات ومع ذلك ولله الحمد

على وشك التخرج من الكلية ....


ولا تنسى اهم شي الاستخارة في هذا الامر

الى جميع الأخوان في الحاسب:
انا خريج جامعة الملك سعود حاسب الي (نظم معلومات) والان موظف في احد القطاعات الحكومية.. بودي اعطيكم نصائح ارجو ان تأخذوها بعين الاعتبار :
1-احرص أن يكون معدلك عالي على أقل تقدير 3.
2-للطلاب اللي يعانون من مشكلة المعدل أو للي ما عنده مشكلة (عليكم باستغلال اوقات الاجازات بتطوير امكانياتكم يعني اسمعوا نصيحتي وخذوا دورات متخصصة سواء في البرمجة أو مجال الشبكات...صدقوني هاذي تنفعكم أكثر من المعدل...واتركو الأترام الصيفية بشرط أخذ دورات متخصصة سواء من مايكروسوفت أو من اوراكل بشهادة معتمدة) لانه شهادة البكالوريوس تحصيل حاصل واللي يعطيك افضلية عن غيرك هي دوراتك اللي كنت تاخذها بالاجازات وغيرك ياخذ ترم صيفي!حتى لو كان معدلك مقبووووووووووول الأفضلية لك !
3-للطلاب اللي ما تخصصوا اذهبو لتخصص علوم الحاسب فالمجالات الوظيفية أكثر كذلك المادة العلمية في هذا المجال أفضل واستفادتك من هذا التخصص اعلى من اي تخصص اخر في مجال الحاسب وخصوصا للي يحبون البرمجة .
4- اارجووووكم واظبوا على حضور المحاضرات اول باول حتى لو كنت مريض احضر وحاول تستفيد ولو 20% من تحصيلك للمحاضرة..لانه السبب الرئيسي بعد توفيق الله لحصول الطلاب على معدلات عالية مهما كانت صعوبة المادة هو الحضور ..ولا تقول اباخذ المحاضرة من زميلي أو هو راح يشرح لي...صدقوني 90% من اسئلة الاختبارات من شرح الدكتور ..بس طبعا بطريقة غير مباشرة !
5-العملي مهم جدا جدا لفهم المادة خصوصا مواد البرمجة وصدقوني البرمجة متعة!
6-طبعا حافظ على صلاة الجماعة في المسجد ..لانها راح تعطيك الراحة النفسية والقوة في استذكار المواد.

واخيرا أود ان اطمنكم انه انشاءالله لا زالت الحاجة الى هذا التخصص بحكم التوسع في المملكة من الناحية التقنية

واسأل الله التوفيق للجميع دنيا واخرة...............:)

مشكور ياunlimited على النصائح الجميلة والرائعة

وبالتوفيق للجميع .......:)

يعطيك العافيه اخوي UNLIMITED

نصائح رائعه

وانا اوافقك الرأي في كل كلمه قلتها

اشكرك مره اخرى واتمنى ان يكون هناك من يسمع ويستجيب

vip200x@hotmail.com

جزاك الله خير اخوي UNLIMITED .

مع اني متاكد ان معدلي راح يكون اقل من 3 بكثير بسبب الرياضيات ولكني راح اتوكل على الله .

العفو يا جماعة وهذا واجبنا....

الأخ (abudahim)...لا تقلق من المعدل ...أعرف شباب من كلية الحاسب توظفوا والله معدلاتهم مقبول ....وفين تتوقع؟؟؟

مدينة الملك عبدالعزيز للعلوم والتقنية ...عارف ليييه؟؟

بسبب الدورات والخبرات اللي حصلوا عليها في الاجازات الصيفية!

طور نفسك خلال دراستك الجامعية بس طبعا ليس على حساب دراستك وانما أوقات الفراغ وستجد انشاءالله المكان المناسب اللذي يستقبلك ويطور من امكانياتك...;-)


وبالتوفيق للجميع!

شباب ادري ان اكثركم في جامعة الملك سعود قسم الحاسب الألي يعني الشهاده بكالوريس طيب انا طالب في كلية التقنيه قسم الحاسب الألي الشهاده دبلوم عالي مبرمج هل الوظيفه مضمونه بالدبلوم؟ وهل مساعد المبرمج اقل من المبرمج يعني هل هو مطلوب ارجوا الرد على السؤالين ؟

السلام عليكم ورحمة الله وبركاته

ياشباب أبغاكم تساعدوني في موضوع بسيط في ++C

أتمنى أن تبحثوا لي عن موقع يشرح لي

Linked List في ++C باللغة العربية

إذا مافيه أمري على الله

باللغة الإنجليزية

تكفووووون يالنشاما

إن شاء الله إن مالها إلا رجالها ;-) ;-) ;-) ;-)

هذا شرح بس (( باللغة الإنجليزية )) ومن المنتدى .. إضغط هنا

واللي عنده أي موقع ثاني باللغة العربية أو الإنجليزية ما يقصر في أخونا " إلعب وريح مخك " .. :أفكر:

السلام عليكم شباب


ممكن احد يعطيني نبذه عن كليه الحاسب والمعلومات في الرياض

هلا اخوي

نصيحه مني اذا تقدر تروح لجامعه ثانيه لا تقرب جامعة الملك سعود

اخوك VIP200X
vip200x@hotmail.com

جواب لسؤال اخوي اذا كنت تبي تدرس بالمملكة فلا تدرس الا بجامعتين الملك سعود ولا الملك فهد لأنهم اصعب جامعتين بالمملكة وما تطلع منهم الا وانت وفاهم يعني يكرفونك كرف لين تفهم

اذا كنت تبي هندسة جامعة الملك فهد افضل
اذا كنت تبي حاسب جامعة الملك سعود افضل
والله يوفقك ويوفق الجميع