محاكمة آدمين

أول شي أقطع الخط وحط جنبك كاس شاي علشان ما تقولون لويجي خسرنا أتصال

من يتوقع أنه راح ينجح في الإختبارات واللي متوقع أنه بيسقط
ولا كلكم دوافير في الدراسة وواثقين أنكم تنحجون ، على العموم أنشاء كلكم بتنجحون ولو أن فيه بعض الأعضاء غاسل يديني منهم ما فيه امل ينحجون







أنا قلت كذا لأنه إذا فيه احد منكم بيسقط نطلب من آدمين أنه يوقفه إلى أختبارات الدور الثاني
وش رايكم أحسن من الدعاوي تنهل على آدمين من الأم والأبو وهو ما يستاهل، كلهم راح يقولون آدمين هو سقط أولادنا وراح يقولون
حسبي الله عليك يا آدمين سقطت عيالي
منك لله يا آدمين إنتا السبب
ليه كذا يا آدمين
أشوف فيك يوم يا آدمين
ويل لك يا آدمين
حاربوا آدمين
ويرفعون عليه قضية تشويش أفكار الطلاب والطالبات عن الدراسة ورايح جاي للمحاكم
ويطلبون من المدينه انها تقفل الموقع
وإذا ما نفع توصل للأمم المتحده ، ومنظمة حقوق الإنسان ،
وإذا مريت من عند مبنى الأمم المتحده في نيويورك تلقى صورة آدمين في أعلى المبنى علشان يوضحون أنها قضية الساعة
وتقلى في شوارع لندن بدل ما يرفعون لافتات الإنتخابات اللي قاعدة تصير عندهم الآن تلقاهم حاطين صورة آدمين ,وكاتبين whay admin __ whay admin

وتضطرب الأقطار العالمية أجمع
وتنحاس قضايا الرأي العالمي ويرتفع البترول ،وتكثر الإتصالات بين رؤساء الدول ، وش فيه ، وش صار ، وش السالفه

واليهود الكلاب تعرفونهم يستغلون مثل هالقضايا وانشغال الناس علشان يحققون اهدافهم

وفي النهاية يستقر الوضع أن لازم يحققون مع آدمين ، ويعرفون السبب ، وآدمين عيونه طايره ما يدري وش السلفه
واللي راح يحقق معه المحكمه العسكرية في لاهاي (اللي في أسكوتلندا) يوووووووو
ويبدأ التحقيق مع آدمين
المحقق:/ أسمك
آدمين : أسمي آديمن
المحقق: تستهبل علي أنت أقول أسمك الحقيقي ، قل يا ملا اللي
آدمين : والله البشلة ، يا من شراله من حلاله عله ، أسمي فلان بن فلان
المحقق:كم عمرك
آدمين : الله يستر على عمري ، عمري !!!!
المحقق: وظيفتك
آدمين : يرد عليه بدون نفس طالب
المحقق :: حياتك الفنية ،، لالا أقصد كم لك وأنت تعمل في مجال الألعاب
آدمين /: ( في نفسه يقول ) أمحق من محقق ما أعطيه ولا سواق عند خدامتنا
المحقق :// جاوب ليش ساكت ، أكيد حاس بالذنب الشنيع اللي أقترفته
آدمين :// شوي شوي يا أبن الناس خلاص منيب متكلم زين
والله ما أتكلم ألين تجيبون لي محامي
المحقق :// والله أنك غثيث يعني لازم محامي ، يالله عينوله محامي خولنا نشوف وش آخرتها معه ،
وجا المحامي
ودخل في قاعة المحكمة ومعه شنطته وطاق بدله رسمية ومكتوب على الشنطة DG وكاتب عنوان الموقع حقه ( ناقص التوقيع )بس
ألتفت آدمين علشان يشوف من المحامي ، يوم شاف دي جي داخل ، قال بس يا آدمين أبشر بالإعدام ، ما لقيتوا إلا هذا المحامي ، دي جي قفلت معه وزعل ، ورد عليه أحمد ربك طرار ويتشرط ، تراني جاي ببلاش ولا راح آخذ منك ولا قرش ، أصلا ما كان لي نية أني أجي لو أن الصقر جا لي وتطلبني تطلب وحب خشمي أني أستلم القضية ، قلت والله ما أردك يالصقر
المهم جلس دي جي جنب آدمين ، وقاله أنتبه لا تنفلت بالكلام ولا تتنرفز من المحقق ، لأن أي غلط منك راح يخسرنا القضية ، وتخسرني معك لأن أسمي مالي البلد ولي مكانتي في المحاكم ،
آدمين يهز براسه ويطلع لسانه يقول أيه زين
المحقق :// بسرعة أنت يا هو ، المحامي يالحبيب يكفي تفلسف على موكلك وخلنا نبدأ
ديجيتال :// يا شين نفسك ، ومع ذلك راح أتحملك علشان هالمصيبة اللي جنبي
المحقق :// آدمين تعال أقعد على كرسي التحقيق
آدمين :// يا خي وش فرقت هنا ولا كرسي التحقيق
ديجيتال :// يالنكبة أسمع كلام المحقق ، لا تودينا بستين داهية رح أجلس يالله ، على الأقل حس أن فيه أعضاء في المنتدى قاعدين يصيحون هناك ينتظرون الحكم وكل هذا حب فيك
آدمين :// في نفسه يقول ، آه يا حبايبييييييييييي
قام آدمين وقعد على الكرسي
المحقق :// آدمين ممكن تقول
آدمين //: ( قاطعة في الكلام ) لا لا تقول أصبر شوي أنا عطشان وأبي ميرندا فراولة
المحقق :// لا يا شيخ وش رايك نجيب لك بعد تشيز كيك علشلن تكمل القعده
عطوه ماء ويخب عليه
ديجيتال //: يا آدمين خل اليوم يعدي على خير ، تراني إلى الأن متحملك وتارك مكتبي وأشغالي علشان أقابل خشتك ، يالتني ما عرفت الصقر
المحقق :// بسرعة أشرب مب فاضين لك
آدمين //: أصبر عساك منيب قايل
وخلص آدمين من شرب الما
المحقق //: نرجع لموضوعنا ، وش تقول في الحملة العالمية اللي صارت ضدك والسبب أنت تعرفه
آدمين :// هذولا حاقدين لأني ناجح وانا أعرف من اللي سوا هالبلبلة اللي مالها لزوم ،
المحقق ::/ / مين تقصد
آدمين//:: هذا واحد قل أدبه في المنتدى على الأعضاء وطردته علشان كذا هو حاقد علي ،وسبب هالمشكلة
آدمين ::/ لو سمحت يا أخ جاي ديكور هنا ( يقصد دي جي ) تتفرج ، قل شي ولا ليش حاطينك محامي
دي جي :// لا تستعجل على رزقك أنا الحين قاعد أدور لك رد محترم يخلي كل اللي في القاعة ينبهرون حتى القاضي
آدمين ::// نشوف آخرتها معك
المحقق :// آدمين وش علاقتك بجماعة أبو سياف ( اللي ما يعرفهم هذولا اللي يصرقون السياح في الفليبين تقول يصرقون دجاج كل يوم خاطفين واحد )
آدمين ::// نعم نعم نعم هذا اللي ناقص حتى وصلتوني لأبو سياف يا ظلمه خليتوني إرهابي مثلهم ، يا مجرمين
المحقق ::// هد نفسك هذا سؤال
آدمين ::// وخر بس وصلت بكم الدنائة أنكم تربطون أسمي بهالجماعة ، والله ما أخليكم
دي جي ::// (بكل برود) يا آدمين هد نفسك الموضوع ما يستاهل كل هالعصبية
آدمين ::// أنت أسكت ولا كلمه ما شفنا من وراك إلا السكوت ما نفعتني في البداية علشان تنفعني الحين ، أصلا من دخلت علينا في المحكمة وأنا متشائم
دي جي ما تحمل هالكلام و قام مسرع ناوي آدمين بيطقه لولا أن الحضور فكوهم ولا كان صارت جنايه
المحقق طلب إخراج ديجي من القاعة
وهم يطلوعنه ديجي يقول بإذن الله إعدام ياللي تخرب عقول الناس ، بإذن الله إعدام
وآدمين يرد عليه أنت عضو مطرود ، أنت عضو مطرود


تعرفون واحد في قصة مذكرات قطة مجنونه اللي كتبتها من فترة ، وكان دايم يصدم في هالقطوة المسكينه وكان أسمه فاس المطفوق ( السواقه الله بالخير رايح فيها )
فاس هذا كان يتابع المحاكمة عن طريق الإنترنت والدموع أربع أربع على آدمين
يوم شاف المشهد في القاعه ، عفاريت الجن بدت تنطط بعيونها لأنه يموت في آدمين ما تحمل المسكين
صرخ صرخة كل اللي حاره سمعها
ويقول أنا قادم يا آدمين ، إنتظرني جايك في الطريق
ركب فاس سيارته هايلوكس موديل صفرين 00
وطار للقاعة مسرع ومجهز نفسه بالأسلحة والمعدات الثقيلة وحاطها في صحن الونيت
تعدى الحدود وختم جوازه وصل أوروبا بدون توقف ( خوش سيارة)
حتى المسكين ما فكر يوقف علشان يشرب مويه على الأقل ، العجيب أنه في كل هالرحله ما صدم ولا صدمه
وصل أسكوتلندا اللي موجود فيها آدمين ، شكوا فيه حرس الحدود ،
فاس حس أنه ما راح يتعدى الحدود الأسكوتلنديه من هالجنود المتكدسين
وش سوى
قال ما بدهاش (بالمصري )
ويدعس ينزين وماشي بسرعة 260 كيلو متر في الثانية ( هذي طيارة مهيب سيارة )
يوم وصل للجنود ويغمض عيونها وقال في نفسه طز إذا صدمتهم حلال
5 ثواني وفتح عيونه فاس ، وإلتفت وراه ولا لقى أحد وين راحوا الجنود ، ما يدري ، حتى هو ما صدم أحد
والوقت يمضي والنكهه تبقى ___ عفوا وآدمين يواجه خطر الموت
وفاس مسرع وكل شوي يطالع الوقت خايف يحكمون على آدمين ويروح فيها الضعيف

المهم قبل ما يوصل لمبنى المحكمه ب 500 متر طلعت له قطوة مسكينه رجلها مكسوره ( تذكرونها ) لكن هذي بنتها مهيب هي لأن الأم ماتت على يد فاس في الحلقة السابقة
المهم فاس تفاجأ
احتار أهدي ولا لا
المهم أتخذ قرار أنه طز خلها تموت ، لامهم ينتقذ آدمين ،
صدمها صدمه خلها تطير لمسافة كيلو لكن العجيب أن المسكينه ما ماتت بسبب السرعة الجنونية
فاس زعل ، لكن مهوب علشان القطوة ، ولكن علشان أنه وده يحقق إنجاز ولو مره وهو أنه يمر عليه يوم ما يصدم فيه لكن المنحوس يظل طول عمره منحوس

والله ويقتحم فاس المحكمه في سيارته ، ويهد جدار المحكمة حتى حسوا الحضور أن توقعوا أنه حصل زلزال حتى أستقرت السيارة عند راس آدمين بغى يصدمه المجنون وخرب المكان بسببه المهم قفز فاس من نافذة السيارة مثل أفلام الأكشين وهو يقول حياتي لك يا آدمين ،
وآدمين يقول حسبي الله عليك أبعد السيارة حياتي تحتك يالخبل
فاس ::// معليش آدمين هذا من القهر اللي فيني ، لازم أفزع معك ، الأقل أرد لك الجميل لأنك خليتني مراقب
آدمين :// لا تكثر هرج وخلصني من هالأوغاد
فاس::// أبشر باللي يرضيك
وطلع رشاشاته وأسلحته قال أطلقوا صراح ادمين ولا حضرب بالمليان
سلموه آدمين وركب معه في السيارة وهجوا
وهم راجيعن القطوة المسكينه كان مغمى وتوها صاحيه من من آثار الصدمه
وفاس من الفرحه قاعد يكلم آدمين عن الهم والغثى اللي صار له يوم حاكموه
نسى فاي الطريق فجأة داس على القطوة اللي توها صاحيه من الإغماء وفارقت الحياة هذه المسكينه
وأستقبل أعضاء المنتدى آدمين وفاس إستقبال الأبطال
وأنتهت القصة بنهاية مؤلمه للقطة وفرحة سعيدة بتحرير آدمين


على فكرة ترا القصة من وحي أردى من الخيال ، يعني راح تلاحظون تضارب في الأحداث

لأني كتبتها بدون ترتيب مسبق






مشرف الألعاب ترى القصة مزح

اولا ما ذنب admin ؟؟
هل دخل في اعماقنا وامرنا بزيارة المنتدى؟؟
هل هو الذي اجبرنا على الدخول؟؟
و اين اولياءنا عندما نكون هنا؟؟
-------------------------------------------------
هناك اشياء كثيرة اخرى.............................

لا تقلق admin نحن معك

ايقاف لمدة شهر

مسكيييييييييييييين لويجي ايقاف مسكيييييييييييييييييييييين

كهكهكهكهكهكهكهكهههههههههههكهكهكهكهكهكهكهههههكهكهكهك كخك خكخ خك كخ خك
الله يمتحنك شرقتني

مزاح

انت جاد يا مشرف الالعاب ؟؟؟؟؟؟؟:أفكر: :أفكر:

مشرف الألعاب حبيبنا ما يزعل من هالأمور ولو أنه زعل كان حذف الموضوع

لكن يا أخي عطنا رايك عن المغامرة ، ردك ما يملى العين
:( :( :(

تقصد منو يالويجي ؟:( :(

أقصد مشرف الألعاب

الحمد لله :D :D

[تشليح من قصة]
ياويلك يمخرب عقولنا . ستموت
[/تشليح من قصة]
القصة حلوة

:):):):)

والله رهييبه:D

مسكينة هذة القطوة
ذبحتوها لو خليتوها تموت من اول صدمة كان اريح لها من صدتين

(( القصة حلوووووووووووووووةةةةةةةة))

هلا والله ومشكور على الردود


ديجيتال هذا الجزء الثاني الجزء الأول مذكرات قصة منحوسة وأنت كنت مشارك فيها لكنك الظاهر ما قريتها
رح الحين أقراها

ممكن اكيد

و الله انك مصرقع يا لويجي وش هالقصة و لا تيتانك <==يقاله شايف الفيلم ما يدري انه رومانسي :D:D:D:D
اخاف انه انت المحامي بس لاعب علينا حتى ما يوقفك المشرف :D :D
هالفيلم يستاهل اوسكار من مهرجان البطحاوود ..

ابدعت بجد اخوي لويجي

والله القصه تجيب الصمرقع ما عرفت أقراها حط أنتر بين كل سطر وسطر

على كل حال القصه حلوه

ديجيتال لا تواخذن ما شفت ردك إلا متأخر

وهذي الوصله بس هالمرة منتب محامي ، يعني هذا أقصى الشرق والثاني أقصى الغرب ، يعني لا تتفاجأ
مذكرات قطة منحوسة

وينه ذا قريته أنت ولا توك

دي جي

قطعنا الاتصال



من ناحيه لاهاي هي في هولندا و ليست في اسكوتلندا



و على فكره يا لويجي انت احد اعضاء قائمه -


ناس فضاء -


و مشكور عالقصه و عارف اني متاخر


و المشكله القطوه ما لها حظ .....على اي حال احنا بانتظار المزيد


تحياتي

خلاص عرفنا انك فاهم في الجغرافيا

لازم يدقق في كل صغيرة وكبيرة