العدسة خربت والفضل يعود على سي دي (( داحم توتا )) !!

انا الغلطان يوم شريت السي دي ...:غضب:

* للمعلوميه العدسة جديده (( اصليه )) ...

:غضب:

:واو: :واو: :واو:

الله يستر لا يجينا شي .. :أفكر:

بس ممكن توضح اكثر بخصوص السي دي .. هل كان يصدر صوت مزعج عند التشغيل او لا .. لان السي دي اللي عندي الحمد لله لحد الان ماشفت منه مشاكل .. ؟؟ :أفكر: :أفكر:

انا شريته من اول مانزل ... وكان الشريط ماشي مايطلع صوت ...
وبعد فتره لاحظت اصوات غريبه في الجهاز ...:غضب:
والاصوات ماصارت تطلع الا في هذه اللشريط وبعد فتره ...
ماصار السوني يشغل شي وديته لأكثر من محل وكلهم قالوا لي
ان النسخه العربيه هي سبب الخراب ..
(( لأن جاء عندهم اكثر من شخص يعاني من نفس المشكله ))
:غضب:
انا حبيت احذركم بس ...

بس ابي اعرف كيف السي دي يخرب الجهاز ؟؟؟
:غضب:

سألت نفس السؤال .. للمحلات الكمبيوتر ... وقالوا الجواب نفسه :

1- نوعيه (( السي دي )) المنسوخ رديئه .
2- اخطأ في الباتش وطريقه عمله .
3- اخطاء في عمليه النسخ .

يصير اسوي تسجيله بالسيدي المعرب و اشغله على السيدي الانجليزي مالي و لا هم راخ يخرب و اذا اشتغلت التسجيلة على السيدي الانجليزي الاطقم المعدلة و الاعلام و كل شي راح يكون نفس السيدي المعرب ؟؟؟؟؟؟

حسب خبرتي في السيديات المعربة وهالسوالف ، فبإمكان اي شخص ان يعرب لعبة عادية ، في برامج كثيرة متوفرة بالاسواق حالياً ، لكن طريقة وضع الباتش في المكان الخطأ هذا ما قد يسبب "التشويش لليزر العدسة" وبإمكان السوني كشفه ، او عدم استطاعة القطعة تعريف السيدي لأن الباتش في المكان الخطأ... فإنك تحتاج لبرنامج آخر يا اخ داحم توتا ، يربط ملف الباتش مع ملف خاص باللغة وهالسوالف ، انا حطيته مني بهالمنتدى لكن ما ادري وينه... :)

ايش شكل الشريط .؟؟؟ الغلاف الكلام الي مكتوب .... ؟؟؟؟

اجل من اليوم مابي العب فيه:D :D

اخوي DSL
اعتقد العدسه وخاصه عدسةPS2 معرضه في اي وقت للتلف اخوي ... بعيدن شلون عرفت انك مركب عدسه اصليه ...اذا التقليد مشابه للاصليه ...وبعدين يا اخوي اذا انت مركب عدسه اصليه وجديده فعليها ضمان 3 شهور وهذا معروفه عند اي محل يعني تبدلها ببلاش ..العدسه الغير اصليه غير مضمونه والمحل لو عطاك ضمان شهر فمعناه ان ركب لك عدسه تقليد وحب ما يلفت النظر فعطاك شهر ضمان ... ولا راح يقول لك انها تقليد اذا كان ذمته رخيصه ..
وانا اتكلم من واقع ارقام ...اول شخص يشتكي من عدسة بسبب الشريط هو انت اخوي .. عموما ياليت تاخذ العدسه القديمه لأكثر من محل وخلهم يشوفونها لو اصليه واذا ما كملت شهر فجب لي فاتورتها وانا اعوضك عنها ... لكن رمي التهم جزاف ..فما يجوز اخوي ..اتق الله
وفيه نقطه تستحق الاهتمام .. كيف شكل الصوره الغلاف ...

وانا عند وعدي
اخوك
da7imtuta

العدسة ممكن تخرب إذا لعبت فيها لمدة طويلة ..

و الأخ داحم توتا ... (( أنا أقولكم ليش )) ..

تصدقون ان العدسة الي عندي خربت من شريط أصلي

يوم اشتريت لعبة ميتل جير سولد 2 أصلية (( قبل ما تنزل قطعة الدي في دي )) ..

خربت لبة ميتل جير البلاي ستيشن الي عندي و صارت ما تشغل أي شي ..

و قالي صاحب المحل ان الشريط الأصلي هو الي خرب البلاي ستيشن ..

فارجوا ان محد يغلط على الأخ داحم .. لا تقولون يتمصلح معاه و لا شي ..

بس أنا أقولكم علشان لا تنسون كل الي سواه لكم ,,

الوصلاوي

شوف يا DSL .....

إذا اشتريت العدسة ب270 إلي 300 يعني إنها أصلية

و إذا اشتريتها ب 150 إلى 200 فإنها تقليدية

الوصلاوي ..........

طيب هل هذا الشريط الأصلي متعرض لخدوشات ؟ وإذا كان لا ممكن

الأشرطة الأخرى خربت العدسة

كان عليه خدوش بسيطة ما أعطيتها أهمية ..

و ما اعتقد ان الأشرطة الثانية هي الي خربت العدسة .. لأن قبل ما اروح أشتري اللعبة كنت العب بالسوني و ما في أي مشكله ..

الوصلاوي

من وجهه نظري ان سيديات الاخ داحم ذو الون اللي مايل للذهبي وليس الشفاف العادي..
هي اكثر النسخ المقاومه للخدوش وبدليل نسخه الانديه الخليجيه شغاله عندي الى الان..
على الرغم اني غيرت نسخه ويينج 6 فاينل ايفيلشن اكثر من مره لردائه النوعيه..
شاكر ومقدر

انا بصراحة رحت شريت الشريط امس واول مادخلته الجهاز مااشتغل . عدت مرة ثانية وثالثة ولا اشتغل . بعدين قلبت الجهاز واشتغل . وانا قاعد العب فيه علق علي الجهاز


وهذا كله موب تقليل من عمل داحم توتا , بالعكس هو عمل رائع لكن يا ليت لو يعدل هاذي المشكلة في شريطه الجديد الدوري السعودي . ويضع الانتقالات الجديدة


وشكرا لكم

اخوي داحم انا اشتريت شريط
الغلاف حقه زي الغلاف العادي حق وننج الفن 6
في صورة اللاعب الياباني بس مكتوب نسخة عربية


وبعدين لما تجيب هدف تجيك اغنية محمد عبده( احلى من العقد)
وفي العرض في اغنية احرقني القيد


وفي الشاشة الرئيسية فيه اغنية لعيضة


وفي التدريبات برضو محمد عبده

هل هذا شريطك ؟؟


الاعلانات حقت الملعب مكتوب عليها (بنك قطر الوطني)
الدوحة

اغلب الاعلانات عن قطر

هل هذه هي نسختك ام نسخة من ؟؟


ارجو الاجابة

ارجووووك لاتطنشني
واذا تبغا مبلغ مقابل الاجابة انا مستعد

لأ،ه انا سمعت انك ماتجاوب احد بلاش
لكن اتمنى انو يكون الكلام هذا اشاعات

الأخ DE NILSON ..


النسخه اللي انت اشتريتها هي اللي عملها الاخ ابو عوف .. نسخه الاخ داحم فيها بالقائمه الرئيسيه لحن اغنيه " طب ليه " .. والاعلانات مختلفه اغلبها لمواقع من ضمنها موقع الزعيم زي ماعرضها هو بموضوعه .. :)