الحمدلله على سلامتي :P
سوف أخبركم عن رحلتي :
مطار الملك فهد الدولي بالدمام
ما كان عندي حجز طلعت المطار أملا في وجود مقاعد فاضية ... واسجل اسمي في لائحة الانتظار ... المطار كبير وجميل وفسيح ... سالت عن قائمة الانتظار قالو فوووق .. طلعت فوق واحد قالي تحت نزلت تحت واحد قالي فووووووق طلعت فوق وطلعت فوووووووووق قالي تحت ... آخر شي قعدت أدور بنفسي وطلع انه فوق هو الصح ... لقيت مكتب مكتوب عليه waiting list وكلام فاضي ... وموجود 5 مكاتب و ولا موظف موجود ...
قعدت 10 دقايق انتظر ولا احد جا ... فجأة بذكائي الخارق شفت في باب مفتوح و اصوات ضحك تنفذ من فتحة الباب ... فذهبت و دقيت الباب ولقيت 4 موظفين يلعبون بلوت :أفكر: طلعلي واحد قالي انه بيجي الحين .. وآخر شي طلع وسجلني على رحلة الساعة 10 صباحا وقالي الكاونتر رقم 7 .. رحت الكاونتر رقم سبعة مسكر ومافيه احد ... كلمت واحد يقولو انه مسؤوول عام ... قالي الساعة 10 وثلث تعالي وانا بطلعك وحفظت شكله كان متين شوي ... رحت 10 وثلث وما الاقي الرجال الي كلمته ... اسالهم وين الرجال الي كان هنا قبل شوي ... قالي خلصت فترته وبدل معي قلتله الي سار ... آخر شي قالي مافي كراسي فاضية ... بعدين بقدرة قادر اطالع ورا الاقي واحد يسحب مني التذاكر الي هو يطلع زوج خالتي ويشحنلي العفشششش ... ويطلعني الطيارة ":"
الهبووط
هبوط الأخ كان مريح جدا يعني احتكاكه كان شبه بيرفكت >>> مسوي خبير وحدي ألعب Ace combact ... المهم لكن الي خوفني انه بعد ما هبطنا قال انه المحركات تعطلت o_____O ... اجل كيف لو انها تعطلت في الجو ؟؟؟ تحيااااا الخطوط السعودية
يومين في جدة قبل الحج
وصلت بالسلامة .. رحت بيت جدتي قريب من المستشفى السعودي الالماني :P ... المهم قضيت اليومين كلهم في درة العروس لاني سمعت انه بعد الحج تروح مني كل السيئات ^______^
الوصول الي مكة
رحت برفقة خالي عن طريق حملة اسمها المقام السعودية أو شي زي كذا
رحنا بالباص وتقابلنا مع الناس ماشالله كلهم شكلهم رجال دين و ملتحيين ... اعطونا تصاريح وركبنا الباااص .. كان كله تلبية وانا كنت شبه نايم اصحى البي وارجع انام شوي ... الي ان وصلنا مكة
طفنا وسعينا
منى
عندما منى و اكتشفنا انه السواق فيه رجه لانه كان يبغا يوقفنا قريب من الخيمة والعسكري يقوله ممنوع .. فنزل السواق الي اسمه خاالد وقاعد يهدد العسكري الي على بدلته أوسمه ( بوكيمون) وأشرطه كثيرة ... آخر شي الشباب فكوه ...
مزدلفة
في مزدلفة لازم تجمع 7 جمرات وتصلي الفجر وتطلع و ترجع منا
لكن الطريق من منى لمزدلفة كان عبارة عن 7 ساعات 3 منهم ما تحرك الباص 1 سم والي يقهرك تصحى اليوم الثاني ويكون مكتوب في الجريدة خطط السير تمت بنجاح .... !!!!!
العجوز المتشبث
واحنا راجعين لمنى بعد ما صلينا الفجر فتحت الستارة في الباص وانظر من تلك النافذة اشوف ناس راكبين فوق الباصات والباص يمشي ... :S
ومن بينهم عجوز من كثر السرعة مسكر عيونه وماسك بكل ما أوتي من قوة ولا بس الاحرام الي شوي و يطير ... وفجأة ضغط السائق على الكوابح انا سكرت عيوني خفت العجوز يطييييييير ويصقع بالسيارة الي قدامه ... والمفاجأة الكبرة انه ما زال متشبثا ...
رمي الجمرات
وصلنا منى رحنا نرمي الجمرات في وقت زحمة انا وخالي ... وادخل من بين الزحمة واعدي يمين يسار يمين شمال :P ... و أرواغ كي أرجم الشيطان اللعيييين ... وفجأة الاقي رجليني في الهواء الطلق ومو انا الي قاعد امشي والناس تجرفني كالموج وطلعت من الزحمة بأعجوبة لكن بدون صندلي :S ... اشتريت صندل ورجعت بكل عزم وقوة ورميت السبع جمرات وتقابلت مع خالي وهو صندله انقطع :P
العجوزة العبقرية
بعد ما خلصنا رمي الجمرات شفت عجوز تبغا تدخل الزحمة حزنت في حالها ... والا أشوفها تنظر بنظرة حاقدة وتضع السبعة جمرات في الكيس وتلقي الكيس مرة واحدة ... من جد مت من الضحححححححك ^_______^
الأنبلة
خالي شاف واحد مصري ماسك صخرة مو حصى صخرة كبييييييرة في يده .. قالي خالي ما يسير لازم حصى صغيرة ... قاله المصري انته واخد بالك انا عاوزها زي الأنبلة ( Da BoMb)
الاختراع
كل الأيام كان الاكل رهيب رز ولحم .. ما اعدا يوم واحد كان عبارة عن رزززززززززز وفوقه حلييييييييييييييييب :S ... رحت أكلت برتقال :P
الافتراش
هذا أكبر سبب للزحمة وضيق الطرق .. يجيك واحد ويحط مفشة ويجلس هو وعائلته ... وتجي اليوم الثاني في الصباح تقرا الجريدة مكتوب
(منعنا الافتراش كليااااا) !!!!!!
المفتي
كان في واحد الله يهديه قاعد يفتي فتاوي غلط يقول انه يجوز الرمي في الظهر يعني قبل الزوال ... آخر شي مسكوه مدري وين راح و سمعت انه دكتور
ممنوع التدخين
شفنا واحد مصري لابس الاحرام وقاعد يدخن برا المخيم .. وناس يقولوله حرام ومدري اييييييش ... وآخر شي يقولهم ... أنا عاوز أعدل المزااااجججج
أكثر شي يقهر
لمن تطلع من الخية وتدور صندلك وما تلاقيه ... بعدين تمشي شوي تلاقيه في رجل واحد افريقي ماشي فيه :S ... وتدخل الخيمة ترجع بعد 10 دقايق تلاقيه موجود ...
بداية المرض
في يوم من الايام كنت اتمشى في المخيم ويمر من قدامي واحد ما اعرف ايش جنسيته سنغالي نيجيري الله اعلم لكن اسود وطول في عرض وريحته تجيب المرض .. فجأة دمعت عيوني وبديت أعطس .. .وصلت 7 عطسات والي جمبي كل شوي يقولي يرحمك الله ... فذهبت مسرعا .. ركضت نحو الشنطة وفتحتها واخرجت حبتين بندول و مضاد حيوي وشراب فيتامين سي و حبوب مص ليمون :P
ماي شايني صلعة
شعور رهيب انك تحلق اصلع :)
أول شي كنت خايف على شكلي >>> يا حلو
لكن الاجر حسنة لكل شعر أو ألف حسنة مو متاكد والله يضاعف لمن يشاء
و احلى شي ملمس الراس بعد الشفرة على طول .. لمن تجي تنام يشبك راسك في المخدة ... ولمن تتروش المنشفة تعلق أحيانا ..
الهندي العظيم
انت لمن تشوف هندي تستحقره وتتفل بوجهه المهم في شيخ هندي كان معنا في الحملة وهو عالم كبير في الهند والي ناس كلها تبوووووووس راسه ... فتعلمت انه الدين يرفع الانسان
مما تعلمت
1- لا تتدخل في وقت الزحمة في رمي الجمرات ولا بتطر تشتري صندل جديد .. الا اذا كنت مراوغ جيد فهذا شي ثاني
2- لازم تتعلم تاكل بيدك لانك لو ما اتعلمت ما راح تاكل معهم :P
3- امشي مع جماعتك وحددوا موقع تتقابلون فيه عند الضياع لا سمح الله
4- اشحن جوالك دائما لانه في مرة احتجته وطفى علي
5- تعلمت شي مفيد الي هو ... لا يرد القدر الا الدعاء واليكم القصة :
ان امرأة ذهبت للنبي موسى عليه السلام وقالتله اندعي ربك أن يرزقني بطفل .. فكلم موسى ربه فقال الله تعالى انه كتبها عقيم .. فرجع بعد فترة ورأى معها طفلا .. فسأل الله تعالى فقال .. أقول لها يا عقيم تقول لي يا رحيم :)
6- في يوم عرفة استغل كل وقتك في الدعاء مو مثلي :S نص دعاء ونص نوم...
7- الحج سهل لولاااااااا الزحمة
وسلامتكم و آسف اذا طولت عليكم ... ^__________^
