ممكن ثواني من وقتكم يا اعضاء .... !!

السلام عليكم و رحمة الله و بركاته ..

كيف حالكم يا أعضاء ثاني أحلى قسم بالمنتدى ؟ ..

شمسوين مع الدنيا ؟ .. و مع معسل الدراسة ؟ .. و المذاكرة الحنطاء ؟ .. :)

سامحوني على الازعاج مرة ثانية .. لكني بغيت ثواني من وقتكم الغالي ..

اليوم و أنا داخل المسنجر .. فالتقيت بأعضاء من فترة طويلة مو شايفهم ..

و تكلمت معاهم .. وأنا أتكلم معاهم .. اكتشفت شكوى مشتركة بين عضوين

كلمتهم .. الأول هو **** و الثاني هو **** :D

الأول محادثتة اختفت .. لكن الثاني محادثته موجودة جدامي الحين .. و بكتب لكم شصار بالمحادثة :

Neo Cid :
السلام عليكم .

الثاني :
و عليكم السلام و الرحمه

...... ( و استمرت المحادثة بمقدمات .. ليمن وصلنا لنقطة .. ) :

Neo Cid :
اشفيك ما قمت تدخل المنتدى هالأيام ؟

الثاني :
خلاص سحبت عليهم .. ما فيه تقدير

Neo Cid :
لا وين ..

الثاني :
تتعب و تكتب مواضيع و ما يعطونك وجه

=========================================

اهني انتهت الاحداث المهمة بالمحادثة ..

مع العلم .. ان العضو هذا من المميزين بالمنتدى .. وله موضوع كبير تعب و سواه و اجتهد فيه ... و بنفس اللحظة كان يساعد الاعضاء في حل مشاكلهم بالألعاب ..

ماني ذاكر اسم العضو ..

بس بقولكم يا أخواني .. خاصة الرجال ..

لا يهمكم لو كاتب الموضوع بنت ولا ولد .. لا يهمكم الموضوع فيه صورة ولا متروس صور ..

المهم هو لب الموضوع و أساسة ..

مع العلم أني بنفسي قرفت صراحة من اللي صاير بالمنتدى .. لو بنت تكتب موضوع الكل يعطيها ردود .. ولو الرجال كتب موضوع أحلى .. تشوفون رد واحد و بالقصب .. ( مع احترامي للجميع .. و مو قاصد أحد بالكلام ) ..

سلام ..

صحيح والله

ما عندك ناس يقدرون :(

?:

عاد بصراحة انا احاول ارد على كل موضوع حلو ومتعوب عليه :) ...
خصوصا بهذي الفترة :)



اما قبل كان دخولي على المنتدى قليل :)



ولا تعليق :": !

مممممم غريبه فعلا بس بعد عنده حق باللي يقوله

بس اقول مو شرط بنت تكتب موضوع عشان جذيه يردون عليها هذا الشي من الماضي ما يصير الحين ..

على العموم لو بعد انا كنت مقصره بردودي على مواضيعه فتاسف له بالنيابه عني بس حتى انا ما قمت ادخل وايد

.. انا كانت عندي هالفكرة في البداية .. لكن ألحين مثل ماقالت الأخ أربيجي قيرل

اقتباس:

---

هذا الشي من الماضي ما يصير الحين ..

---

ومشكور على التنبيه .. وإنشاالله نحاول نرد على كل موضوع ولو كان صغير :)

هااااااااااااااااااااااااااي

مشكورين على الموضوع الرائع وكلامك صج واكثر شي يردون على البنات حتى ولو كان الموضوع مو حلو حيل بس عادي ممكن يردون عليك

وانا بعد ما قمت ادخل كثير



مجرد راي














مع تحياتي

اقتباس:

---

الرسالة الأصلية كتبت بواسطة al_7elo93
هااااااااااااااااااااااااااي

مشكورين على الموضوع الرائع وكلامك صج واكثر شي يردون على البنات حتى ولو كان الموضوع مو حلو حيل بس عادي ممكن يردون عليك

وانا بعد ما قمت ادخل كثير



مجرد راي














مع تحياتي

---

حسرتاه اي بنات ما ظلوا عضوات :":

?:

المشكلة ان رديت على وايد مواضيع

شكرا شكرا

بيقولون انك قاعد تزيد مشاركات فقط ما تنفع المنتدى

علشان جذي انا اطنش اغلب المواضيع

اقتباس:

---

الرسالة الأصلية كتبت بواسطة THE_ZODIAC
?:

المشكلة ان رديت على وايد مواضيع

شكرا شكرا

بيقولون انك قاعد تزيد مشاركات فقط ما تنفع المنتدى

علشان جذي انا اطنش اغلب المواضيع

---

http://www.montada.com/images/icons/icon14.gif:D

اقتباس:

---

الرسالة الأصلية كتبت بواسطة THE_ZODIAC
?:

المشكلة ان رديت على وايد مواضيع

شكرا شكرا

بيقولون انك قاعد تزيد مشاركات فقط ما تنفع المنتدى

علشان جذي انا اطنش اغلب المواضيع

---

صحيح بس برايي إنه الرد على مواضيع الآخرين شي زين عشان هم بعد يردون على مواضيعنا يعني السالفه فيها تبادل منفعه ^_^

لو فعلا تزييد مشاركات هذا الشي بقوله لو كان الرد فقط "شكرا: بدون ابداء راي :)

اقتباس:

---

حسرتاه اي بنات ما ظلوا عضوات

---

العضوات كلهم بالمنتدى العام :o ...

اقتباس:

---

لو فعلا تزييد مشاركات هذا الشي بقوله لو كان الرد فقط "شكرا: بدون ابداء راي

---

http://www.montada.com/images/icons/icon14.gif

اقتباس:

---

هذا الشي من الماضي ما يصير الحين ..

---

صح:أفكر: ..

وبعد يمكن العضو كتب موضوعه بأوقات صعبة نفس ايام الإمتحانات عند البعض :) ..

مشكورين جميعا على ردودكم ... لكنكم ما فهمتوا المقصود بالضبط ..

المواضيع الحلوة و الممتازة .. و حتى البسيطة يستاهل صاحبها الرد ..

لكن اللي نشوفه تجاهل المواضيع الحلوة ..

أنا ما اقولكم شاركوا بكل موضوع .. ( أعوذ بالله من كلمة أنا ) .. أنا مثلا ..

ثلثين مواضيع المنتدى ما أشارك فيها .. و السبب أني أحكم عليها من عنوانها ..

و عارف شنو راح يكون بالموضوع بالضبط ..

لكن أن اي واحد فينا يدخل بموضوع و يقراه و يخلص منه .. و صج يحس أن صاحب الموضوع يستاهل رد .. ولو رد .. الرد ما ياخذ منك عمر .. بس أكتب كلمة شكر ( هذا لو انت جعص ) .. و شوف فرحة العضو هذا بكلمة الشكر اللي انت كتبتها ..

لكن إذا انت ملاحظ ان الموضوع ما يعجبك .. و صج انه مكرر أو موضوع ماله داعي .. على راحتك .. لا تكتب ولا رد .. أو اكتب رد و انصح كاتب الموضوع ..

و كلامي لبعض المشاركين بالموضوع :

Mesharey :

الله يعطيك العافية أخوي مشاري .. احنا عارفين ظروفك .. و الكلام موجه للكل .. و انت ما تشمل الكلام هذا لأنك مو مشارك من فترة طويلة بالمنتدى معانا ..

و بالنسبة للعضوات .. تراهن مو كلهن بالمنتدى العام .. ماني قايل أسامي .. بس فيه عضوات ما يشاركن بالمنتدى العام ..

RPGgirl :

اقتباس:

---

بس اقول مو شرط بنت تكتب موضوع عشان جذيه يردون عليها هذا الشي من الماضي ما يصير الحين ..

---

لي كلمة معاج يوم ثاني بالمسنجر على هذا الكلام .. :)

و شكرا على المشاركة بالرأي ..

THE_ZODIAC :

مو لازم تقول شكرا شكرا .. قول كلمات كثيرة موجودة بالمعجم .. ترى معجم العربية فيه وايد كلمات .. مو بس شكرا ..

و بالنسبة لزيادة المشاركات .. أنت شكو بزيادة المشاركات .. لا تتعجب لو أقولك أن مشاركاتي ال3400 هذول بس بمنتدى فاينل فانتسي و منتدى الرسم الحر .. مع العلم أني أشارك بفف أكثر من الرسم الحر .. لكن محد يقولي و يكلمني بسالفة زيادة المشاركات .. أكتب رد .. وردين .. و ثلاث .. أنت شخسران .. تراك لو تكتب رد واحد ترسم بوقتها ابتسامة على وجه كاتب الموضوع .. ;)

Guilty Gear X :

لو تبي تسأل عن زيادة المشاركات .. هذا اللي انت قاعد تسوية بالموضوع عبارة عن زيادة مشاركات ..

بردين ولا كلمة حاط .. والله ما أدري .. الكلام بفلوس ..

مع احترامي لك .. http://www.montada.com/images/icons/icon4.gif

==========================================

مع العلم .. أن احنا صج فقدنا عضو غالي علينا .. و المسألة مو هينة ..

سلام ..

اصلا مكان الموضوع غلط لازم يكون بمنتدى الشكاوي:أفكر:

اقتباس:

---

الرسالة الأصلية كتبت بواسطة Guilty Gear X
اصلا مكان الموضوع غلط لازم يكون بمنتدى الشكاوي:أفكر:

---

انا قاعد أخاطب أعضاء منتدى فاينل فانتسي ..

وما قاعد أخاطب الادارة ..

اللي أعرفه أن منتدى الشكاوي صاير للفوضى فقط لا أكثر .

و ولا أحد من أعضاء منتدى فف يدخلون قسم الشكاوي إلا قليل جدا ..

:)

اقتباس:

---

الرسالة الأصلية كتبت بواسطة Guilty Gear X
اصلا مكان الموضوع غلط لازم يكون بمنتدى الشكاوي:أفكر:

---

سلاااااااااام

وانت يعني لازم تنقد على كل شيء؟

مع احترامي لكن يا أخ Guilty Gear ، انت في كل مواضيعك تكتب كلمتين أو تحط وجه ضاحك بس ،و أغلب الوقت تنتقد الأعضاء الجدد.....

مو هذي هي الطريقة الصحيحة علشان تكون مراقب....

و بالنسبة لقصة المواضيع اللي ما فيها ردود فالمشكلة مو في الموضوع نفسه المشكلة في اللي يرد على الموضوع...

معطم المواضيع هالأيام صارت شات ، يعني واحد يحط رد لشخص معين ، مو لكل الأعضاء ، فإذا هذا الشخص ما رد يموت الموضوع بالكامل...

انت في كل مواضيعك تكتب كلمتين أو تحط وجه ضاحك بس ،و أغلب الوقت تنتقد الأعضاء الجدد.....
في اسباب لاستخدام الوجوه كاختصار للكلام.
انتقد الاعضاء الجدد لاني مراقب ولازم يسيرون على الطريق الصحيح ويتبعوا قوانين المنتدى:D

اوكي ما يصير خاطرك إلا طيب انت والاعضاء وانا بالنسبة لي آسفه على تقصيري بردودي بس كنت جدا مشغوله اما الحين بتفرغ اكثر للمواضيع :)

Guilty Gear X :

تذكرني بصدام صراحة ..

اللي أعرفه أن العضو اليديد المفروض انك تحمسة على كتابة المواضيع من أول دخله له بالمنتدى ..

مو أنك تحبطة و تعطيه قوانين مالها اول ولا آخر .. و تقوله موضوعك تافة أو قديم .. او تحط له وجه ضاحك على أبو انك مبين له اعجابك بالموضوع ..

المفروض أنك تشجعه على كتابة المواضيع ..

و ترى التشجيع اهو اللي خلاني أبقى بمنتدى فف .. خاصة خلال بدايتي بكتابتي موضوع ( حقائق فف7 ) .. اللي ايامها كنت ببدايتي ..

RPGgirl :

ترى هذا مو المقصود أختي .. مو المقصود انج مقصرة ولا شي ..

احنا كلنا مقصرين .. خاصة أنا اللي كنت وايد اتغيب عن المنتدى..

لكن المقصود هو تشجيع الأعضاء .. و لو صج ان الموضوع ما يستاهل اي رد .. لا تردين ..

ترى هذا مو اجبار .. نصيحة علشان لا يبتعدون الأعضاء أكثر عن المنتدى ..

و شكرا ... :)

صدام يفكر للاسوء انا للاحسن:D
تبيني احمس الاعضاء على انهم يضعون مواضيع خارجة عن القانون اكثر:D

اقتباس:

---

الرسالة الأصلية كتبت بواسطة Neo Cid
Guilty Gear X :

تذكرني بصدام صراحة ..

اللي أعرفه أن العضو اليديد المفروض انك تحمسة على كتابة المواضيع من أول دخله له بالمنتدى ..

مو أنك تحبطة و تعطيه قوانين مالها اول ولا آخر .. و تقوله موضوعك تافة أو قديم .. او تحط له وجه ضاحك على أبو انك مبين له اعجابك بالموضوع ..

المفروض أنك تشجعه على كتابة المواضيع ..

و ترى التشجيع اهو اللي خلاني أبقى بمنتدى فف .. خاصة خلال بدايتي بكتابتي موضوع ( حقائق فف7 ) .. اللي ايامها كنت ببدايتي ..

RPGgirl :

ترى هذا مو المقصود أختي .. مو المقصود انج مقصرة ولا شي ..

احنا كلنا مقصرين .. خاصة أنا اللي كنت وايد اتغيب عن المنتدى..

لكن المقصود هو تشجيع الأعضاء .. و لو صج ان الموضوع ما يستاهل اي رد .. لا تردين ..

ترى هذا مو اجبار .. نصيحة علشان لا يبتعدون الأعضاء أكثر عن المنتدى ..

و شكرا ... :)

---

لا عندك حق بكل كلمة قلتها انا بعد كنت عضوه يديده فاعرف مشاعر الاعضاء الجدد لازم نتعامل معاهم باسلوب انا اخبر فيه واعرفه عدل فان شاء الله بتشوف كل خير بالمستقبل

اخليك الحين مع نقاشك والله يوفقك

باي

اقتباس:

---

الرسالة الأصلية كتبت بواسطة Guilty Gear X
صدام يفكر للاسوء انا للاحسن:D
تبيني احمس الاعضاء على انهم يضعون مواضيع خارجة عن القانون اكثر:D

---

هههههههههههههههه

اي .. ليش لأ .. :6

لا لا .. ( امزح ) .. قصدي علمهم على الصح و الغلط بأسلوب حلو ...

يعني فيه فرق لو تدخل على عضو و تقوله :

:o مغلق :o

و تدخل على عضو ثاني و تقوله :

:) تفضل وصلة القوانين .. هنا ! :)

:D :D

تراني ما انتقدك أخوي جيلتي ... بس ردينك الأوليين بالموضوع سبب كالهالضجة .. :D

اقتباس:

---

الرسالة الأصلية كتبت بواسطة RPGgirl


لا عندك حق بكل كلمة قلتها انا بعد كنت عضوه يديده فاعرف مشاعر الاعضاء الجدد لازم نتعامل معاهم باسلوب انا اخبر فيه واعرفه عدل فان شاء الله بتشوف كل خير بالمستقبل

اخليك الحين مع نقاشك والله يوفقك

باي

---

حياج الله بكل وقت أختي .. ;)

ايه صح هذا الشي منتشر كثير في المنتدى وأولهم انا لان انا احب اقرأ اكثر من اني ارد .... بس انا اذا شفت موضوع حلو ارد عليه .....

وبخصوص جلتي انا كل ما اشوفه رد على موضوع اعرف الاقيه ينتقد العضو .... الا فيما ندر .....مع احترامي لجلتي ....

بس ياسيد ترى مو بس جلتي الي يسوي كذا في كثير اعضاء في منتدى فاينل من دون ذكر اسماء مو مراقبين ولا شي ويردون على مواضيع الاعضاء الجدد برد يخلي الي مايتحطم يتحطم ويترك المنتدى.......

المهم انا اذا كنت مقصر مع واحد فأنا اسف.....

مشكور اخوي سيد للتنبيه .....:)

:p بن عمي .. شو اخبار الفوتو شوب الجديد وياك ؟؟

احم احم ........ المهم ....... :o

اقتباس:

---

لا عندك حق بكل كلمة قلتها انا بعد كنت عضوه يديده فاعرف مشاعر الاعضاء الجدد لازم نتعامل معاهم باسلوب انا اخبر فيه واعرفه عدل فان شاء الله بتشوف كل خير بالمستقبل

---

:أفكر: صح صح ....... هذا هو الكلام

":"

ج جلتي ينتقد الاعضاء الجدد (وانا بعد جديد شوي) ومرة كان في موضوع (بدون ذكر الموضوع) دخلتة ورديت علي وكان اهو ناسي شي قلتلة عن الغلط وجيت ثاني يوم لقيت وصلة القوانين ومغلق

مجرد راي




















مع تحياتي

مشكورين جميعا على مشاركتكم بالرأي ..


بالنسبة للموضوع .. لا تذكرون أسماء !!

أرجوكم ..

al_7elo93 :

اقتباس:

---

ج جلتي ينتقد الاعضاء الجدد (وانا بعد جديد شوي) ومرة كان في موضوع (بدون ذكر الموضوع) دخلتة ورديت علي وكان اهو ناسي شي قلتلة عن الغلط وجيت ثاني يوم لقيت وصلة القوانين ومغلق

---

هذا شي متوقع منك .. :أفكر:

أمزح .. :D ( مو تزعل .. ;) ) ..

:)

قلتي انت مراقب ولازم تحاول تهدي الامور

وينك يا جلتي؟؟!!

شفت كيف إن الأعضاء (خصوصا الجدد ) مستائين من تصرفاتك...:o

أنا ما أريد أحط رأيي لكن هذي هي الحقيقة ....

الحين لازم تدخل و تهدي الأمور...

لا تنسى تكتب على الأقل 3 أسطر ... مو كلمتين و وجه:D :D :D

حسنا عمي بو مروان:D

al_7elo93
ارجوا عدم ارفاق نفس الصورة بردودك:أفكر:

اقتباس:

---

الرسالة الأصلية كتبت بواسطة أبومروان
لا تنسى تكتب على الأقل 3 أسطر ... مو كلمتين و وجه:D :D :D

---

هو صح ان قلتي شوي ردوده تكون انتقادية :) ..بس عاد مو كلنا نهجم عليه :) !
وبعدين عندي تعليق على الفقرة اللي فوق^^..قلتي بردوده تكون صغيرة ..بس شوف مواضيعه وتقاريره للألعاب تمتلي الصفحة كلها :) ..


على فكرة هو قال رد اول بس مسحه :D ..
قال منو سارق عضوية سيد :D:D




:)

شفيكم كلكم على مراقبنا Guilty Gear X >_<

أنــــــا عن نفسي أشوف إللي يسويه Guilty Gear X خطــــــأ :":

المفروض مثل ما قال نيو سيــــد

يعني يشجع الأعضـــــاء الجدد على الإستمرار

لا بأس بإن يضع لهم الوصـــــلة التي بها قوانين المنتدى ولكن يجب أن يكون ذلك مع تشجيعهم


ولكن بالنسبـــــة لمواضيع الترحيب فهذه فعلا يجب إغلاقها في الحال :)

جلتي ليش ما ارفق نفس الصورة بردودكم

وانا مع راي مشاري مو كلنا نهجم على جلتي























مع تحياتي

اقتباس:

---

الرسالة الأصلية كتبت بواسطة al_7elo93
جلتي ليش ما ارفق نفس الصورة بردودكم

---

لأنها تبطئ التصفح http://www.webpost.net/sp/spikeyman/dog.gif

بسم الله الرحمن الرحيم :
مشكور أخوي سيد على الموضوع وفعلا أنا دائما ألاحظ أن الأعضاء الله يهديهم يردون على البنات أكثر خاصة في مواضيع الترحيب ( هلا وسهلا أختي - انشاء الله تكوني عضوة نشيطة :6 ومن هل الأمور )
وأنا حصل معي إحباط بالمنتدى الإسلامي كتبت ثلاثة مواضيع ما حد عبرهم مع إني والله تعبت فيهم ومن تأليفي الشخصي بس لا حياة لمن تنادي .
بالنسبة لمراقبنا جلتي فهو بصراحة ما يحب يتكلم واجد ودائما كلامه قصير ومختصر بس لازم ما ننسى تقاريره الرائعة ومواضيعه الجميلة ;-)
سلام:-)

اقتباس:

---

الرسالة الأصلية كتبت بواسطة النسر الأسود
وأنا حصل معي إحباط بالمنتدى الإسلامي كتبت ثلاثة مواضيع ما حد عبرهم مع إني والله تعبت فيهم ومن تأليفي الشخصي بس لا حياة لمن تنادي .

---

لأن اللي يدخلون هناك قليلين وبصراحة المواضيع أغلبها ما تمد للإسلام http://www.webpost.net/sp/spikeyman/dog.gif قبل دخلته مرة وقلت ماني داخلة مرة ثانية :o ..

الصراحة كبرتوا السالفه بزيادة ووصلت لذكر اسامي وهذا الشي مب زين ومب بمصلحه المنتدى ..

لا تنسون إنه هدف الموضوع التذكير فقط ما علينا الحين منو غلط ومنو كان صح ومنو اللي شايل على الثاني هذا كله ماله فايدة الحين وما بيجيب إلا الكره والفضيحه لبعض نجوم المنتدى ..

ببساطة شديده إنه وصلت لكم فكره كاتب الموضوع ..

وبدل ما نذكر او نبدي راينا بمراقب او عضو محدد يكفي إنكم تقولون كرد .. جزاك الله خيرا وسنعمل بهذا الشي سائلين الله التوفيق في خطواتنا القادمة لتطوير منتدانا

:)

اقتباس:

---

الرسالة الأصلية كتبت بواسطة RPGgirl
الصراحة كبرتوا السالفه بزيادة ووصلت لذكر اسامي وهذا الشي مب زين ومب بمصلحه المنتدى ..

لا تنسون إنه هدف الموضوع التذكير فقط ما علينا الحين منو غلط ومنو كان صح ومنو اللي شايل على الثاني هذا كله ماله فايدة الحين وما بيجيب إلا الكره والفضيحه لبعض نجوم المنتدى ..

ببساطة شديده إنه وصلت لكم فكره كاتب الموضوع ..

وبدل ما نذكر او نبدي راينا بمراقب او عضو محدد يكفي إنكم تقولون كرد .. جزاك الله خيرا وسنعمل بهذا الشي سائلين الله التوفيق في خطواتنا القادمة لتطوير منتدانا

:)

---

http://www.montada.com/images/icons/icon14.gif
ولو ينتهي الموضوع الحين اعتقد احسن بدال لا يتطور :) ...

كل شي ولاحد يغلط علي مراقبنا قلتي :D ننصح فقط

شرايك تعطي الموضوع Block ونرتاح عتي لا يتشعب الموضوع اكثر

الظاهر أن الموضوع طلع من أيدي ..

و دام أن المعلومة وصلت لكم .. وهي ان احنا فقدنا عضو غالي على قلوبنا بسببنا ..

خلاص .. يفضل أن الموضوع يتصكر .. بعد الفوضى اللي صارت ...

و قبل اقفال الموضوع نصيحة لبعض الأعضاء :

al_7elo93 :

الصور هذي لو تبيها حطها بالتوقيع .. مع العلم أن كل ما ترفق الصورة هذا يعتبر تحميل المنتدى ثقل حفظ الصورة في الذاكرة الرئيسية للمنتدى .. و مثل ما قال أخوي مشاري .. يبطئ الصفحة ..

==========================================

و بنهاية الموضوع .. ببدي استيائي لبعض الاخوان على الكلام اللي قالوه خاصة اللي انتقدوا أخونا جيلتي جير ..

محد بيننا ينكر مواضيع أخونا جيلتي الحلوة و الكبيرة و اللي مالها مثيل حتى بمنتديات ثانية ..

و المفروض أنكم ما تقولون الكلام هذا علانية .. حتى لو ببالكم شي .. لا تقولونه لأحد غيركم ..

لأنه كل شخص نظرتة للآخر تختلف .. و احتفظوا بنظراتكم أحسن ..

اقتباس:

---

قال منو سارق عضوية سيد

---

نيو سيد نفسه .. :D :D




سلام ... ;)

انا معاك اخوي سيد اكيد محد يقدر ينسى مواضيع اخوي جلتي ومحد يقدر ينسى تقرير فف11 وغيره .....:)

بس اذا احنا ما قلنا له ولا نبهناه مين بينبه ....:أفكر: ؟؟!

أولا آسف على الكلام اللي طلع مني ، جلتي جير هو أحد أهم الأعضاء في المنتدى قبل أن يكون مراقبا ، و تقاريره من أفضل التقارير .. لكن عندي نصيحة بس لو يحتذي بها...

مثلا عضو جديد يطلب صورة ....

لا تقول له "هذي المواضيع ممنوعة:غضب: " و تقفل الموضوع .... قول له : " أخوي بما إنك عضو جديد فاعلم أن هذي المواضيع لها مكان مخصص" و اعطيه وصلة للموضوع المطلوب...

كذي يكون أحسن... صح؟

المهم..... أفضل إن هذا الموضوع ينقفل...