السلام عليكم أخواني أخواتي
اليوم أنا هنا علشان أحكي لكم قصة حياتي الأنترنتية قبل لا أدخل المنتدى هذا بالذات وين كنت
بصراحة كنت مسجل في منتدى ثاني أسمه منتدى الذبان ترى أتكلم جد والقصة حقيقة ومستعد لأي سؤال
المنتدى هذا كان راعية ذبانة كبيرة عرفتو الذبانة اللي تجي عيونها خضر هذه راعية المنتدى وكان عدد الذبان 6000 ذبانة وكنا أنواع كثيرة تجمع في أوقات مختلفة على حسب كل ذبانة وشغلها الذبان اللي يروح سوق السمك هذا يجي بدري يكتب وأخر الليل ونفس الوقت يدخل الذبان اللي في سوق التمر .. كنا نعتبر النوعين من الذبان هذولا حق سوق السمك وسوق التمر انهم فئة في أي بي كبار الشخصيات جد أتكلم وكنا نحترمهم احترام كبير لسبب المركز اللي هم يشتغلون فيه
أقسام المنتدى
كان المنتدى حقنا مكون من عدة أقسام في الحقيقة وكان المنتدى مرة حلووو ونشيط يعني أول ما تدخل تحصل لك 250 ذبانة أون لاين على الخط وكان حماس مرة
المنتدى الأول كان أسمه ( منتدى ذبان العام ) هذا اول قسم فوق وكان نكتب فيه المواضيع الشخصية والمنقولة أحياناً مثل موضوع ذبانة انتحرت بسبب ناموسة ( الغيرة بعيد عنكم )
أو موضوع صرور سكران يتجول في سوق التمر من المواضيع هذه ذات الحدواث اليومية ومرة موضوع أخذ أكثر من الف رد اللي هو تصويت ( لو خطب أحد الذبان صرور يدخن ) هل توافق عليه ولا لا طبعاً كثير من الذبان قالوأ لا حنا نعتبرها حرية شخصية
مصيدة الذبان حق المنتدى هذا أقصد المشرفين :- 1- عاشق الذبان ( أسم حق غزل )
2 - ناموسة ( كل الصراصير يحتكون فيها ويبونها على الماسنجر بس هذولا المشرفين .
===========
المنتدى الثاني كان أسمة خواطر البف باف كان هذا المنتدى للخواطر والشعر وكل المشاركات حماسي المنتدى هذا بشكل رهيب لان كان فيه ذبان يكتب من قلب الشعر والخواطر وكان من انشط الاعضاء اللي يهتمون بالخواطر والشعر ( ذبانة النهار - صرصور الكيك - سيد الذباني ) هذولا أنشط الأعضاء بصراحة كانوا مرة حماسيين بشكل رهيب
مشرقين المنتدى خواطر البف باف :- 1 - بريعصي الأحلام 2 - باعوضة سعيد هذولا المشرفين وكانوا مرة بشكل رهيب ماسكين المنتدى تثبيت وأفلات للمواضيع بشكل حلو
===========
المنتدى الثالث كان أسمه ذبانة لاب توب هذا حق الحاسب وكل شي أي مشكلة عندنا نكتب لهم و دروس على البرامج ودروس على فيروسات البف باف وكل شي فيه المنتدى رهيب حتى نغمات للبياجر حتى علشان تتأكدون كانت نغمتي أززززززززززز هذه نغمة البيجر حقي اللي ماقصرو الذبان حطوها وكان المشرفين في هذا المنتدى 1 - أبو جعل مدربي 2- عوف رام
عوف رام هذا اسم لا تفكرونه ذبانة مسيحية بعد لا أسم عربي كانوا في المنتدى شعلة من الناشط شرح لذبان ويساعدونهم حتى مرة ذبانة دخل جهازها نوع جديد من البف باف اللي يجي على شكل بودر ما قصرو الذبان ركبوا لها برنامج حماية أسمه ( فصمة تمر ) برنامج رهيب لمكافحة الفيروسات
===========
المنتدى الرابع كان أسمه مصيدة الذبان الرياضي هذا المنتدى حق الكورة وكل شي مدور كانت تصير فيه مسابقات من اكثر ذبانة تجنن وتهبل بالانسان ومسابقات كثيرة وكنا نكتب فيه المواضيع ومن احلى المواضيع ( فريق الناموس يلقي بالصراصير شر هزيمة ) - ( أعتزال الذبانة جوليا ملاغة عن رياضة الدوران في المطابخ ) - ( الذبانة الكبيرة تقول لاا للبف باف والصحة حديد مع التمر المكشوف ) وكان المنتدى هذا وناسة بصراحة والمشرفين عليه 1- حاس ربيع 2- واللاعب الدولي لرياضة ملاغة الذبان بالصيف ذبان القايلة من أروع المشرفين الصراحة اتعب وأنا أمدح فيهم على المسابقات
===========
المنتدى الأخير كان أسمه ذبانة كاريه كان يختص بالذبانات اخر الموضات وتسريحات الجنحان وانواع المعسكرات وأحلى أكل مكشوف وكان احلى مواضيعه ( طبق كشري على الرف مكشوف ) - ( صينية تمر عليها دبس الى بكرة ) ومن أنشط الذبانات اللي فيه ذبانة سوق الحراج والشيف ذبانة مزمازيل وكان المشرفين هنا 1- ذبانة مشروم 2- و ذبانة متقطعة 3- ذبانة شايفة نفسها كانوا من أروع المشرفين بصراحة وكان المنتدى هذا متعوب عليه
وبعدين انا تهاوشت معاهم بسبب أني قررت اتوب ولا أزعج العالم وخاصة اوقات الأكل قاموا قالوا لي باللي ما يردك وطلعت وجيت هنا سجلت في المنتدى والحمد لله صرت انسان بفضلكم وبفضل المشرفين ومجلس الادارة
مع تحيات :- نصير الذبان
على فكرة الموضوع لا يمت بصلة لأي موضوع
ولكن مجرد فكرة من احد المواضيع ( ما أحد فهم )
نشوفكم على خير في سوق التمر
والرجاء أذا أحد الذبان عرفني لا يعلم اني هنا
لان خلاص ما عاد ينفع توظفت في لجنة الدفاع عن حقوق الذبان
أنبسوا يا ذبابين
(ملطوش من أحد المنتديات)..:D :D
