±±± Translation Project ±±±

السلام عليكم و رحمة الله و بركاته ..

شلونكم جميعا ؟ .. ان شاء الله كل أحوالكم تمام ..

من زمان مو كاتب موضوع جيد بمنتدى الرسم الحر .. :": حسيت أن وجود

نيو سيد بالمنتدى بدأ بالزوال ..( لا تخافون مو موضوع وداع :D ) .. الموضوع

هذا أكبر من وداع ( رحنا فيها ) ..

خلال تفكيري العميق و العميق في أفكار مستقبلية .. طرأت على بالي فكرة

مدهشة .. مذهلة .. خطيرة ... كووووول .. excelent .. what ever .. ":"

فكرت بالفكرة تفكير مفكر مفكور لمدة غير مفتكرة على بالي .. :":

و فجأة .. with no reason .. خطر على مخيخي الأصغر أني أشارك و استعين

بأحد اخواني أو أخواتي بمنتدى الرسم الحر هذه الفكرة المذهلة ... طبعا

الفكرة ما في وراها فلوس .. لا تفرحون .. كلها في سبيل الله .. :p ( طل )

الحين بشرح لكم فكرتي

==========================================

القليل من أعضاء منتدى الرسم الحر يعرف شغفي بشي اسمه The Lord

Of The Rings ... أو بالعربية للي ما يفهم إلا عربي .. سيد الخواتم ..

و الفكرة شكلها اتضحت لكم شوي الحين ... هل فكرة ترجمة ..

ترجمة قصة The Lord Of The Rings : The Return Of The King .. أو بالاحرى

الجزء الثالث من القصة العالمية المؤلفة من قبل J.R.R.Tolkien كروستوفير تولكين ..

و الفكرة سببها أني أحب قراءة الروايات الانجليزية الخيالة .. مثل سيد الخواتم ..

أو الخيال العلمي .. مثل ستار وورز .. و الكثير ..

انا حاليا عارف شنو راح يصير في الجزء الثالث من سيد الخواتم .. و ناوي أترجمة

و أعرضة بأحد المواقع ( بفتح له موقع مخصص لعشاق الفيلم و خاص للشباب

العربي ) .. طبعا الترجمة ما راح تكون نصية بالبداية .. أول شي انا بقرأ القصة ..

لنفرض Chapter 3 مثلا .. وبعد ما اخلص منه بكتب بالمنتدى اهم الأحداث اللي

حصلت في هذا الجابتير .. و المحادثات المهمة .. وإلخ ..

لكني فكرت أني لو أحصل على مساندة و مشاركة من أحد اخواني أو أخواتي

انه/انها يشاركني بالموضوع هذا .. و هو أنه يرسم المشاهد اللي تحصل في الفيلم ..

طبعا البداية ما راح تكون الحين .. أنا بتفرغ لها بالصيف كله .. يعني مو مستعيل ..

وهذي بعض المتطلبات من اللي ناوي يشاركني بالمشروع :

1- ما يهمه لو تخترب عليه قصة و أحداث الفيلم الثالث قبل نزولة بدور السينما ..

2- له خبرة ولو بسيطة في التلوين و الرسم .. خاصة ان خيالة يكون واسع

بحيث يتخيل المشاهد اللي يبي يرسمها ..

3- يكون فاضي بعض الشئ بالصيف ..

4- أنه يكون قادر على رسم حوالي 25 لوحة على الكثير لمشاهد القصة ..

5- سبق وأن شاهد The Lord Of The Rings : The Fellowship Of The

Ring و The Lord Of The Rings : The Two Towers ..

6- هل ذكرنا لو يقبل أن قصة الفيلم تخترب عليه ؟ .. :D

7- ما عليه بالموضوع كله إلا الرسم .. لكن دورة كبير بالقضية كلها ..



و اللي ناوي يشترك معاي بهذي الفكرة و المشروع ما عليه إلا يقول أنه موافق ..

و أنا بشوف أسوي معاه مقابلة إما بالمسنجر أو بالرسائل الخاصة و أحاول أعرف

منه على خبراته بهذا المجال .. و الموافقة النهاية بتكون لي على حسب اللي

أشوفه زين ..

و إذا تقدم أكثر من شخص للمساعدة .. فراح يكون هناك فيه تصفيه .. طبعا

ما أحب أزعل أحد .. لكن اللي تقدرون تسوونه سووه .. :)

الظاهر هذي الجملة اللي الحين أكتبها ما يقراها إلا القليل ( من كثر ما ملوا من القراية ) ..

لكن ان شاء الله نشوف مشاركة منكم ..

و بانتظار آرائكم .. و شكرا ..

تعجبني يا نيو سيد! يا نيو سيّد الخواتم;-)
شغفك و حبّك الى Lord Of The Rings يدفعك الى فوق فووووق!
تعجبني أفكارك! أتمنى يكون لي دور معاك بس قدراتي في الرسم ما تؤهّل لمستوى القصّة!و الأهم الوقت عندي ما يسمح! لكن لو في أي شي بإمكاننا نساعدك فيه غير الرسم أو أي طريقة يا ليت لو تذكرها لنا ...تراني مثلك يا نيو سيد إذا شغفت بحب قصّة مستعد أعمل لها الكثير! أتمنى لك النجاح ان شاء الله و بالتوفيق أيّها العزيز..

على فكرة نسيت أقول لك شي..
لا تقول شي امامي عن زوالك..
OK??!
I just cant take it!!

b-but don't you think that it's illagel???


I mean it's cool and I'm not trying to turn you down,think about what I said^_^

forums could be under (moraqabah(^^,k?

فكره رائعه قدا قدا ^^

خاصة اني امووووووت في الفلم .. بس للاسف ما شفت الثاني (من بين كل الافلام اللي شريتها لمن سافرت.. كان لازم يكون the two towers هو الخربان >_< علي حظ) بس ما زلت احاول اشتري الفلم (او اقنع اهلي نروح البحرين في الويك اند عشان اشوفه :p )

وانا ناويه اقرا النوفيلز قريباً (من زمان ما قريت كتب)


بس ما اظن مستوى رسمي يوصل ربع ما تحتاج (وتستحق) القصه :)

بس انا بشجع :D


(go cid! go cid!)

^_^

اقتباس:

---

الرسالة الأصلية كتبت بواسطة mai_arumashi
b-but don't you think that it's illagel???


I mean it's cool and I'm not trying to turn you down,think about what I said^_^

forums could be under (moraqabah(^^,k?

---

هو مو رايح يبيعه او ينشره...
its just for fun.... i think ^^


بس اذا نجحت الفكره ولاقت اقبال.. يمكن يشتري حقوق الترجمه ويبيعه :D <-- والله فكره

hehehehehehe......I know that I sounded strange^^

cid go and we'll help:D

بساعدك في التلوين لو تبي:D

alucardracula :

مشكور أخوي وائل .. و أنا فوق فوق بفضلكم جميعا .. و بفضلك خاصة .. :)

بالعكس أخوي .. أنت لك مؤهلات و أكثر لهذا الموضوع ..

بس شكلك مو متحمس ..و بالأحرى الوقت ما يسمح لك .. أنا أقدر ظروفك ..

و بالنسبة لمساعدتك لنا .. اممممم .. أنا بشوف. . يمكن آخذ معاي مدققين

بالجمل و القصة .. :)

اقتباس:

---

لا تقول شي امامي عن زوالك..

---

تقصد spoilers ؟ .. لو كان قصدك كلامي عن الفيلم الثالث .. فهذا من متطلبات

الشغل بالمشروع الصغير هذا .. على راحتك ..

و يعطيك العافية على المشاركة .. ;)

mai_arumashi :

غير قانوني ؟ .. مشكورة أختي على النصيحة .. أنا فكرت فيها ..

بس ما أعتقد أن اللي أبي أسويه غير قانوني لاني بخليه بالمنتدى .. و إذا

الله قدرني بعدين يمكن .. يمكن افتح له موقع ..

بس ان شاء الله يكون قانوني ..و لو ما كان قانوني .. فاحنا العرب متعودين

على الأشياء الغير قانونية .. :p

بس للتوضيح للي يشك بالأمر ..

و شكرا على المشاركة .. :)

Last_Angel :

هههههههههههههههههه ..

عليج حظ اختي .. رحتي ماليزيا ؟ .. وين ما رحتي بقولج الحمد لله على السلامة

متأخراً .. :": .. يا حظج الحلو .. اقصدج المو حلو .. :أفكر: ..

و شكرا على كلامج أختي .. و الحمد لله أن الفكرة عجبتج ..

و ان شاء الله نكون بقد اللي نبي نسوية .. :)

و شكرا مرة ثانية ... على التشجيع .. :D

اقتباس:

---

يمكن يشتري حقوق الترجمه ويبيعه

---

المعاش خالص .. :": :":

hawk :

واااااااااااااااااااااااو ..

حياك أخوي هاوك .. ولكم .. صارلنا فترة طويلة مو شايفنك فيها بالمنتدى .. :)

عودة ميمونة .. ;)

و بالنسبة لكلامك .. بشوف أحط برأس قائمة المشاركين على أساس أنك أول

شخص يقدم مساعدته .. :)

أممممممممممم ... دام جذي .. بعد جم يوم ان شاء الله راح توصلك رسالة

خاصة مني فيها بعض الأسئلة .. طبعا الرسالة راح ترسل لكل من سيساعد

بالرسم .. ;)

و شكرا جميعا .. حمستوني كبداية .. :)

اقتباس:

---

الرسالة الأصلية كتبت بواسطة Last_Angel


(go cid! go cid!)

^_^

---

الصراحة فكرة حلووه .. وانا معاك .. :)
شوف شنو اقدر اساعدك فييه وانا حاضر ^^

GOOOOOOOOOOOOOOOOOOOOOOOO CID":"

سلام عزيزي سيد !

كان المفروض ارد امس على الموضوع بس الجهاز اخترب علي بعد كتابة رد مطول !:" قررت النوم بعدها ...

المهم!!! فكرتك عجبتني جدا جدا و مستعد اساعدك بأي شكل من الأشكال ,صحيح مستواي على قدي بس الله يقدرني على مساعدتك و لو معنويا :6

عندي بعض الأفكار!!

بالنسبة للنقطة المهمة التي اثارتها ماي ..هناك عدد من الحلول اللي رح تطلعك من المشكلة ( لا تسألني متى صرت محامي محترف;) )
الطريقة الأسهل هي تغير الأسم تغيرا طفيفا ,,و ممكن تستخدم خطة شيطانية..مثلا عندنا قصة بطلتها mai arumashi ,,في العادة لا تستخدم الأسم كاملا الا في اول صفحة لطهور الشخصية (للتعريف عنها فقط) طيب في هذي الحالة ممكن نغير الأسم الثاني ..ليصبح mai arunashi , طبعا ستستخدم الأسم الأول "ماي" اغلب الوقت و لن يلاحظ القراء تغير الأسم

الفكرة الثانية !
الأستعانة بأحد الرسامين بس على شرط يكون ساكن قريب منك او في الكويت على الأقل علشان تقدر تتفق معاه على اخراج معين لأحداث القصة, بعدها يرسم رسامنا الموعود اسكتشات بسيطة جدا تبين اتجاه الأحداث و الحركات التي ستحصل , بعدها توزعها على باقي رسامين المنتدى ليعيدوا رسم الأسكتشات على شكل صفحات جميلة نظيفة و حبرة و مليئة بالتفاصيل ...هذا سيساعدك على تخطي مشكلة تعدد الأفكار و النظرات الأخراجية لكل رسام ...يعني لو رسم كل واحد جز من القصة حسب اسلوبه في اخراج الأحداث ستصبح صعبة الاستيعاب و قد تشوش الأفكار

و اتمنى ان ترى فكرتك النور لأنها فكرة عظيمة !
احرص على تنفيذها !

بالتوفيق يا اخي :D


سلام!:)

Golden_Sun :

أممممممممم .. والله أشوف ..

لو صج تحسن مستواك بالرسم .. ما فيه مانع أني آخذك كمعاون لي .. :)

Space Cowboy :

و عليكم السلام و الرحمة يالغالي عصام .. :)

ردك عجبني .. و لي التعليقات على النقاط اللي ذكرت ..

اقتباس:

---

الطريقة الأسهل هي تغير الأسم تغيرا طفيفا

---

بالنسبة لهذا الأمر .. أنا مفكر فيه أمس .. و أنت ذكرتني الحين بعد .. و الحل

عندي .. طوال القصة راح أكتب الأسماء بالعربي ( لأن القصة مترجمة ) .. وما

راح أكتبها بالانجليزي .. و السبب .. لنفرض أن Hobbits هي اسم النوع

اللي ينتمي له البطل فرودو و صديقة ساموايز و ماري و بيبين .. كلمة

هوبيتز ممكن أكتبها هوبيتس .. أو هوبيتز .. أو هبتز ..

يعني كتابة الاسم ممكن تتغير .. و جذي احنا راح نصيدهم مو اهم اللي

يصيدونا ... :D

اقتباس:

---

الأستعانة بأحد الرسامين بس على شرط يكون ساكن قريب منك او في الكويت

---

أخوي جيم ؟ .. :D

والله للحين أنا قاعد أفكر بالموضوع هذا .. لكني ما أعرف رسامين ساكنين

عندي او بالكويت لهم مهارة في رسم المناظر ( المنظور الثلاثي ) .. لأن

هذا شي مهم جدا في الرسم ..

اقتباس:

---

بعدها توزعها على باقي رسامين المنتدى ليعيدوا رسم الأسكتشات على شكل صفحات جميلة نظيفة و حبرة و مليئة بالتفاصي

---

بالنسبة للرسامين .. تراه ممكن اختار رسام واحد فقط أو رسامين .. يعني

برشح .. عارف أني راح أزعل أحد ( لكن هذا مو اللي أتمناه ) .. الكل عندي

غاليين و حبايب .. ولازم أرضي الجميع .. لكن ( إرضاء الجميع غاية لا تدرك ) ..

فمراح أسوي ترشيح للاخوة و الأخوات اللي قدموا مساعدتهم .. من خلال

اسألتي اللي راح أطرحها عليهم بعد فترة من الحين .. و بهذي الطريقة راح أختار

و بالنسبة للسكيتشات ... من الحين بدور على شخص اكون معاه بشكل

مباشر على النت .. أو يكون قريب مني .. علشان أشرح له تفاصيل المشهد

المراد رسمة .. :)

و مشكور أخوي عصام على نصايحك .. تراها مهمة بالنسبة لي .. ذكرتني

بأشياء ما كنت مفكر فيها من قبل .. يعطيك العافية ..

و أنا ان شاء الله بحطك ضمن اللي مقدمين مساعدتهم .. و انتظر دورك ليمن

توصل لك رسالة خاصة مني فيها الأسئلة اللي راح تطرح ..

و بالتوفيق لنا جميعا ان شاء الله ..

سلام .. ;)

الحمدلله انه تم فهمي ( محد فهم غلط:D )

طبعا الاخ سبايس كاوبوي طلع لنا حل للمشكله ( اي مشكله؟?: * اتغشمر*) المهم.... انا بس كنت ابغى اقولك: سيد كمل و لا تتنازل عن المشروع و خل همتك عاليه و بتخلصله!


* بسسسست بسسس اقول اذا السالفه فيها رسم" بورمير" تراني حاضره....انا سمعت انه بيذكرونه فى الجزء الثالث:0) *

اقتباس:

---

الرسالة الأصلية كتبت بواسطة mai_arumashi

* بسسسست بسسس اقول اذا السالفه فيها رسم" بورمير" تراني حاضره....انا سمعت انه بيذكرونه فى الجزء الثالث:0) *

---

اوصصصصصصصصصصصصصصصصصصص ..

هذي من زلات القصة .. :D

والله يتم ذكره ؟ .. للحين اللي أعرفه بعد ما بورومير مات يتم ذكره مرة وحدة

في الجزء الثاني جدام اخواه فورومير ... وطبعا مشهد التذكر كان قليل جدا

في الفيلم الثاني .. لكن المكتوب في الرواية انهم يذكرون بورومير في حوالي

10 صفحات .. بس ان شاء الله لمن نترجم الرواية الثالثة بيكون فيه ذكر بورومير ..

يعني هل موافقة على المشاركة أختي ماي ؟ .. :أفكر:

اكيييييييييييييييييييييييييييييييييييييييييييييييييييييييييييييييد * بس لما تبدا الاجازة...اذا الله حياينا...ان شاء الله*

اقتباس:

---

الرسالة الأصلية كتبت بواسطة mai_arumashi
اكيييييييييييييييييييييييييييييييييييييييييييييييييييييييييييييييد * بس لما تبدا الاجازة...اذا الله حياينا...ان شاء الله*

---

ان شاء الله .. لكن التجهيز للمشروع راح يكون قبل الصيف ..

و الظاهر احنا اهل الكويت ما راح نتهنا بالعطلة بسبب الأجواء السياسية ..

خاصة أن الحين راح نعطل اسبوع كامل و بدالة راح ندرس بالصيف .. .:":

بس ان شاء الله كل خير .. :)

حاليا فيه ثلاثة مرشحين لأخذ منصب رسام القصة و هم :

mai_arumashi

hawk

Space Cowboy

.. و أتمنى أني أحصل على مشرحين أكثر علشان تزيد فرصة جمال الرسوم

أكثر .. و منتظرينكم يا أصحاب المواهب الأخرى .. :)

لسلام عليكم

بمناسبة عطلة نهاية الاسبوع .. بعطيكم فرصة و للي ما شافوا الموضوع ..

إذا انتوا شايفي ان الموضوع ما منه فايدة و الترجمة راح تخرب القصة على

معظمكم فقولوا وما راح يكون عندي مانع أني أخرب على نفسي بس ..

بس للحين أنا مو شايف الاقبال اللي يحمس على المشروع ..

و هذي فرصة لكم ..

وبآخذ نصيحتكم بسالفة ..

ايهو احسن ؟

1- يكون فيه رسام واحد يساعدني يكون على السكيتشات و الرسم و التلوين

2- يكون معاي 3 رسامين .. واحد يسوي السكتشات .. واحد يرسم و يحدد

و الثالث يلون ..

أرجوكم .. تكفى .. ترى رايكم مهم ..

سلام ..

سلام اخي سيد !

اولا اشكرك على ترشيحك ..ما زلت ارى ان هناك الكثير من الفنانين الحقيقين في المنتدة يستحقون الترشيح

و افضل الأعتماد على اكثر من رسام

و لدي اقتراح جديد!

ما رأيك بالأستعانة بأحد فنانين المنتدى ك hawk مثلا ليقوم بتصميم شخصيات القصة , ثم يقوم باقي الأعضاء بالتدرب عليها خلال فترة ما قبل الأجازة الصيفية للحصول على افضل النتائج

ممكن الأستعانة بأحدهم لتصميم الخلفيات ايضا ..

همم هذا ما لدي للأن


سلام:)

اقتباس:

---

الرسالة الأصلية كتبت بواسطة Space Cowboy
سلام اخي سيد !

اولا اشكرك على ترشيحك ..ما زلت ارى ان هناك الكثير من الفنانين الحقيقين في المنتدة يستحقون الترشيح

و افضل الأعتماد على اكثر من رسام

و لدي اقتراح جديد!

ما رأيك بالأستعانة بأحد فنانين المنتدى ك hawk مثلا ليقوم بتصميم شخصيات القصة , ثم يقوم باقي الأعضاء بالتدرب عليها خلال فترة ما قبل الأجازة الصيفية للحصول على افضل النتائج

ممكن الأستعانة بأحدهم لتصميم الخلفيات ايضا ..

همم هذا ما لدي للأن


سلام:)

---

مشكور اخوي عصام على اهتمامك بالمشروع .. و الله يعطيك 2003 عافية .. :)

بالنسبة لفكرتك .. أنا بفكر فيها .. لكن تعدد الرسامين في القصة الواحدة

هذي ممكن يبطئ العمل .. خاصة لو تذكر احد مواضيع الاخت اريكسا .. لو

تذكر شلون الموضوع كان شغال لمدة اسبوع و بعدين الكل طخ و نسى

الموضوع ..

لكني بفكر بالموضوع هذا ..

و مشكور .. ;)

وينكم ؟ ..

اسف على الرد المتأخر نيو سيد :(_

شكرا سبيس كاوبوي على الثقه :D بصراحه تصميم الشخصيات يأخذ وقت وجهد كبير بسبب التلوين >.< ‍‍‍‍‍!! لااعتقد اني قادر على ذالك خصوصا وأني مشغول كثيرا هذه الايام (( مشغول بمشروع سري للغايه ))
بساعدكم في الخلفيات و التلوين :)

مثل ما قال الاخ سبيس كاوبوي..نحتاج مصمم خلفيات:D

و ردا على سؤالك (نحنا هنيه)

hawk :

اخذ راحتك أخوي هاوك ..

أنا و سبيس كاوبوي كنا نناقش الرسامين .. و أنا عجبني اسلوب تلوينك بشكل

الفت نظري .. يعني لا تحاتي السكيتشات .. السكيتش راح يسوي أحد مرشح

حاليا ما حددنا اسمه .. و التلوين و الخلفيات ممكن أخليهم عضوين منفردين

أو الرسام نفسه يكون للخلفيات ..

اللي أبيه بالرسم مو مهم التفاصيل .. يعني الملامح وإلى آخرة .. المهم هو

شرح المشهد أو الموقف .. و إعطاء القارئ لفته لما يحدث .. طبعا مو كل القصة

راح تكون رسوم .. ممكن رسمتين لكل فصل بالكتاب .. و الكتاب حوالي 5 فصول

بالاضافة إلى مشاهد موجودة في كتاب البرجين .. [[أ[]أيباهسيلتخسهلت ..

امممممممممممممم .. بعد الحساب .. طلعوا حوالي 20 فصل .. ممكن كل فصل

رسمة أو مرات بحالات مستعصية مشهدين .. و مرات ولا مشهد لبساطة

الحدث ..

و العمل بالمشروع راح يكون بالصيف .. يعني لا تحاتي الحين .. حتى انا مشغول .. :D


mai_arumashi :

اي .. ممكن نخليهم 3 عاملين .. رسام سكيتشات .. رسام الشخصيات .. رسام

الخلفيات ( طبعا يكون آخر من يرسم ) ..

هنيه هنيه ؟ .. وينكم بالفزعة .. :p

==========================================

بالنسبة لاسلوب الرسم .. عجبني اسلوب الأخو هاوك خاصة بالرسمة المرفقة..

هذا النوع من الرسم اللي أفضلها تكون .. بلا تدقيق .. :)

نيو سيييييييد...صدمتني بفكرتك القوية:6 ;-)

ودي أساعدك بالرسم لكن قدرتي ضعيفه جدا.........ولكن الفكرة رائعه جدا.........ونبيكم تخلصونها علشان نستمتع بمشاهدته:6

بالانتظار;-)

اقتباس:

---

الرسالة الأصلية كتبت بواسطة sha3er
نيو سيييييييد...صدمتني بفكرتك القوية:6 ;-)

ودي أساعدك بالرسم لكن قدرتي ضعيفه جدا.........ولكن الفكرة رائعه جدا.........ونبيكم تخلصونها علشان نستمتع بمشاهدته:6

بالانتظار;-)

---

مشكور أخوي شاعر على تشجيعك .

وجودك معانا و بجانبنا هو اللي بيكون الحافز لترجمة القصة ..

بالتوفيق ..;)

I'm waiting for the summer vacation
and waiting is killing me
X(:o

اقتباس:

---

الرسالة الأصلية كتبت بواسطة mai_arumashi
I'm waiting for the summer vacation
and waiting is killing me
X(:o

---

ان شاء الله تمر الأيام بدون ما نحس فيها .. :أفكر:

يعني شيك بوم .. تلقى نفسك بالصيف .. :p