^_^ تعالوا نفرح للهلال ^_^

عرض للطباعة

29-03-2003, 09:57 PM
العمدا

^_^ تعالوا نفرح للهلال ^_^

الف الف مبروك للهلال الفوز الغالي على الاتحاد بهدفين نظيفين ..

ونال نادي الهلال اهم شي في البطوله الا وهو شرف السلام على مولاي ولي العهد الامير عبدالله بن عبدالعزيز حفظه الله ..

ما ابي اتكلم عن اجواء المباراه كثير ..

لاني اقدر اختصرها بكلمتين ..

او على الاصح كلمه وحده ..

مباراااه زرقاء

ايه وفي كل الاوقات ..

فالهلال قدم مباراه من اجمل مباراياته واستحق الفوز فيها بجداره ..

سجل للهلال قائده ونجمه سامي الجابر الذي عاد للتو من اصابته في الدقيقه "8" من الشوط الاول بعد ان سدد النجم فيصل الصالح كوره جميله بيسراه ارتدت من الحارس وكملها على الفور الجابر هدف هلالي اول ..

في الشوط الثاني وتحديدا في الدقيقه "27" ( يقولون ) سجل الهلال الهدف الثاني عن طريق المحترف باتريك سوفو بعد عرضيه جميله جدا من الشلهوب سددها بمهاره لتصطدم في يد مبروك زايد وتدخل هدف ثاني ..

الف الف مبروك لزعيم نصف الكره الارضيه الفوز ..

من ناحيتي انا اشوف ان كل لاعبي المباراه نجوم ولكن على رأسهم الخثران .. الي قدم اروع مباراه له مع الهلال منذ قدومه معهم ..

واعطيهم من 10 على النحو التالي :

الدعيع : 9
الشريده : 8
خليل : 8
عزيز : 9
المطيري : 7
الخثران : 10
بدرا : 6 واحسها كثيره !
الشلهوب : 9.5
الصالح : 9
الجابر : 8
سوفو : 9

البدلاء :
الدوخي : ما لعب كثير ما اقدر اقيمه ..
الغامدي : 8
التمياط : 8.5

والف مبروك للزعيم ..

ومشكورين جميعاً ..
29-03-2003, 10:24 PM
صخر

السلام عليكم

الف مبروك اخوي العمدا.......وانشالله البطولة هي الخطوة القدمة.

بس ما تشوف اخوي انكم ظالمين اللاعب بدرا.......اللاعب والله كبير ويلعب بحماس اكثر من باقي اللاعبين.
واذا كان خشن شوي.....فهذا مهوب معناه نطرده........وزي ما تشوف افضل محاور العالم هم فييرا وديفدز.......وكلهم ما يقصرون بالكروت الحمر.

حتى اذكر موسم خذ فيه فييرا 10 كروت حمر.

اعتقد من الضروري التجديد معه.......الا اذا صدقوا الي يقولون ان الواكد بيوقع للهلال......فأكيد الواكد افضل.

وشكرا لك
29-03-2003, 10:45 PM
Strawberry Taste

مبروك للهلال هذا الفوز المستحق...يستاهلون الفوز

اول مره من زمان اشوف الهلال يلعب بتكيك وتنظيم رائع

مبروك لكل الهلالين وعقبال الكاس يارب
29-03-2003, 11:28 PM
BLACK TIGER

ألف مبروووووووووووووووووووووووك للهلال

أول شي أحب أبارك لجميع الأعضاء الهلاليين وجميع جماهير الهلال على المستوى الرائع اللي قدمه الزعيم وفوزه المستحق على غريمه نادي الإتحاد ..

والله بصراحه تفاجأت على المستوى اللي قدمه الهلال طول المباراه ..

الدعيع والشريده اختلف آداءهم تماماً عن الآداء اللي قدموه في البطوله الآسيويه ..

الخثران كان نجم المباراه واستطاع أن يعيق معظم المرتدات الإتحاديه ..

الشلهوب ماشاء الله عليه من الأفضل للأفضل في كل مباراه ..

الجابر قدر يرفع ضغط محمد نور (كالعادة:D) واستطاع أن يحرز هدف مبكر ..

التمياط جات له كوره من المنتصف استلمها وسحب الأول ولمستين سحريه في الهوا قدر يخدع فيها اللاعب صالح الصقري وانفرد في المرمى بس اخخخخخخ جات من فوق القائمه:(...والله كان هدف لن ينساه جماهير الإتحاد ..

صوفو قدر يخترق دفاع الإتحاد واستثمر كورة الشلهوب في الجهة اليسرى ليضعها على يسار مبروك محرزاً الهدف الثاني ..

وكل بقية اللاعبين كانوا مبدعييييييين طول المباراه وقدموا كل اللي كان مطلوب عليهم ..

وألف مبروووووووووووووووووووووك للهلال وهاردلك للإتحاد ..

تحياتي للجميع ,,
29-03-2003, 11:56 PM
DE NILSON

الف مبرووووووووووووووك

لجماهير الهلال مافة

وبصراحة الهلال ذكرنا بأيام طقطقت زمان

ولاسيما الهدف الثاني

والله فوز غالي وجميل والف مبروووك
30-03-2003, 12:04 AM
بحـــ الشوق ـــور

الهلال قدم مباراة ولا اروووووووووووووووووووووووووووووع

والف الف الف الف الف الف مبروك للازرق وباذن الله البطولة بيدنا

قولوا

(آميييييييييييين)
30-03-2003, 12:41 AM
ستاكهاوس

هاردلك للاتحاد ...... مبروك للحكم ........ والهلال

قلتها من زمان من ايام البطولة العربية الاتحاد مستواه تعبان تعبان لكن ماعندك احد ..... اذن من طين والثانية من عجين:غضب:

عمري ماشفت الاتحاد زي كذا طوال عمري ماشفته زي كذا

فين اتحاد 1417 ذلك الاتحاد المرعب ..... الله يذكرهم بالخير .

اوسكار ...... اثبت فشله الاكيد ....... واطالب من المسؤولين طرده ..... والاستعانة ببيدرو ..... والله انه افضل منه كثير

الهدف الاول من كرة ميتة ....... وبدال مايمسكها الحارس يصدها .

هجوم سيء ...... دفاع مشتت ...... وسط ضائع .

هدف ملغي ....... قالوا ايش ملغي كثرلي منها .......

حمزة ادريس كان عالة على الهجوم الاتحادي ......

المحترفون حدث ولاحرج ....... والبلوي لو فيه خير كان جاب محترفين جيدين مو يجيبلي انصاف المحترفين .

الهلال لم يكن بحاجة للمساعدة ولكن الحكم (انتهج نهج اسلافه) وابى الا ان يكرم الهلال الكرم الحاتمي ....... وبشره بقدوم المولود الجديد

من الدخيل الى ابو زنده الى الحمدان وياقلب لاتحزن ....
30-03-2003, 02:43 AM
makaveli

ستاك هاوس هارد لك ... ابي تعليقك على هالصوره الله لا يهينك

http://alzaeem.com/news/mag/ity1.jpg

غلطاااااااااااااااااااااااان يا معاند بحر
30-03-2003, 08:36 AM
الطير الأخضر

حراااااااااااااااااااااااااام و الله

الأتحاد ليس هذا الذي انا أشجعه

كل واحد يبغي يسحب و كل واحد علي كيفه يلعب

و التاني مناولات مقطوعة

مبروووووووووووووووووووووك للهلال و هاردلك للأتحاد :" :" :" :" :" :"

بس خليها علي ربك
30-03-2003, 09:40 AM
makaveli

معليه يا الطير .. هارد لك ومشكور على روحك الرياضيه
30-03-2003, 02:46 PM
العمدا

الف الف مبروك للهلال .. وعقبال فرحتنا بالكاس انشالله ..

اقتباس:

بس ما تشوف اخوي انكم ظالمين اللاعب بدرا

هو كبير ويلعب بحماس ايه .. بس فيه عده مشاكل اذكر بعضها :
1- يخالف المدرب في التعليمات الى يوصيه عليها .. وهذا موب قولتي انا قوله المدرب بنفسه ..
2- كثير ما تأخذه النزعه الهجوميه رغم ن مركزه محور .. والمحور ليس الا حلقه اتصال بين خط الوسط والدفاع .. صحيح له مهام اخرى .. لكن تقدمه بيسبب نكبات كثيره ..
3- ثقل حركته .. وصعوبه ركضه .. لكن للاسف اذا كان بيهجم تشوف السرعه !!
4- همجيته الشديده .. انا معك في انها من دون قصد .. لكنه للاسف احد الوحو الافريقيه المفترسه .. بغا يذبح لاعب الاتحاد البارح .. وللعلم بس البارح ما خرج لاصابته .. بل لان المدرب خاف عليه من الطرد كونه فقد اعصابه ..

اقتباس:

اعتقد من الضروري التجديد معه

يجدوون معه في حال انهم يبون يلعبون بمحورين .. لانه فيه محورين متميزين غيره .. عمر الغامدي وخالد عزيز .. وكلاهما انا اشوفهم افضل منه ..

اقتباس:

اول مره من زمان اشوف الهلال يلعب بتكيك وتنظيم رائع

صادق اخوي .. والله يسمع منك ..

اقتباس:

BLACK TIGER

ردك كافي ووافي اخوي ..
وصدقت في نقطه ان الدعيع والشريده ظهروا في مستوى رائع البارحه ..
الف شكر اخوي ..

اقتباس:

ولاسيما الهدف الثاني

فعلاً .. والي اثبت مع احترامي تدني مستوى مبروك زايد في الفتره الاخيره ..

اقتباس:

عاشق هلالي

امين ..
وتسلم اخوي على ردك ..

اقتباس:

ستاكهاوس

من حقك اخوي تدافع .. ولكن قبل لا ابدأ في التعليق على ردك .. تذكر ان الاختلاف في الرأي لا يفسد الود في القضيه ..

اقتباس:

قلتها من زمان من ايام البطولة العربية الاتحاد مستواه تعبان تعبان لكن ماعندك احد ..... اذن من طين والثانية من عجين

فعلاً واهم سبب هو الخطه العقيمه الي يلعب بها اوسكار .. فالاتحاد معروف عنه انه يجيد ويعشق خطه 3-5-2 لكن اوسكار يصر على اللعب 4-4-2 هذا غير اصراره على اشراك مواطنه البرازيلي الى ما قدم شي يذكر مع الاتحاد ..

اقتباس:

الهدف الاول من كرة ميتة ....... وبدال مايمسكها الحارس يصدها .

ان بغيت الحق فالخطأ موب كامل على مبروك .. فأولاً الكره لافه من قدم الصالح وصعب انه يمسكها ثانياً وين دفاع الاتحاد .. من المفترض وجود لاعب لتخليص الكره ..هذا غير انه ما فيه متابعه جيده للكره من الاتحاد .. وغير انهم تاركين سامي يهش ذبان ..

اقتباس:

هدف ملغي ....... قالوا ايش ملغي كثرلي منها .......

يعني انت تشوفه صحيح ؟!
معليش اخوي بس ارجع لشريط المباراه وشف وش سوا اللاعب للدعيع!!

اقتباس:

حمزة ادريس كان عالة على الهجوم الاتحادي ......

صراحه موب بشكل كبير ..
لانه لا تنسى انه كان وحيد في الهجوم .. كون ماريليو يتراجع كثيراً .. وما فيه وسط جيد .. لانه معروف ما يلعب بمهاجم واحد الا فريق يملك خط وسط اكثر من قوي ..

اقتباس:

الهلال لم يكن بحاجة للمساعدة ولكن الحكم (انتهج نهج اسلافه) وابى الا ان يكرم الهلال الكرم الحاتمي ....... وبشره بقدوم المولود الجديد

يا اخي ليش ما فيه اي مشجع يعترف بهزيمته ؟؟
هذا عيب الكثير من متابعي الكره السعوديه ..
الكوره فوز وخساره .. والاتحاد امس لم يقدم مباراه جيده .. وبالتالي خسر ..

اقتباس:

من الدخيل الى ابو زنده الى الحمدان وياقلب لاتحزن ....

للعلم بس .. ناصر الحمدان حصل على الدرجه الكامله في قياده لقاء البارحه .. وقاد اللقاء الى بر الامان ..

اقتباس:

الأتحاد ليس هذا الذي انا أشجعه

فعلاً لقاء البارحه لم يقدم الاتحاد في شي..
ولكن باذن الله بيتحسن الوضع ..
30-03-2003, 03:17 PM
Rivaldooo 11

مبرووووك للهلال

الاتحاد مستواه زفت دي الايام

الهلال استحق الفوز

بس هدف الاتحاد صحيح 100% ماكان في اي احتكاك مع الدعيع محمد نور قفز وضرب الكرة قبل ما يمسكها الدعيع والاميرالوليد بن طلال صرح بذلك
30-03-2003, 03:44 PM
العاشق الهلالي

السلام عليكم ورحمة الله وبركاته ..

أبارك لجميع الهلاليين فوز الفريق امس مستوى ونتيجة ..

وما أحب أتكلم عن المباراة لانكم بصراحة ما خليتوا شيء ما شاء الله ..

---------------------------

أتوقع تذكروني العضو العائد بعد غياب 7 شهور تقريباً من بداية الدراسة ..

واحب أوصل سلامي لأصدقائي الهلاليين ( معليش إن نسيت أحد تعرفون الغربة شينة :D ) أولهم الزعيم و حبيبنا العمدا ودينيلسون و عاشق هلالي بلاك تايجر و وو...... الخ مع جل اعتذارني ان كاني نسيت أحد ..

باااااااي ..
30-03-2003, 04:27 PM
BLACK TIGER

اقتباس:

الرسالة الأصلية كتبت بواسطة ستاكهاوس
هاردلك للاتحاد ...... مبروك للحكم ........ والهلال

ههههههههههههههههههه...والله شكلها موصله معك:6 :6

بعد هذي المباراه ماشفت إتحادي يفك فمّه على الهزيمه وعلى الحكم:أفكر:

وثاني مرّه قبل لاترد لاتنسى تتابع المباراه من بدايتها;)

اقتباس:

ردك كافي ووافي اخوي ..
وصدقت في نقطه ان الدعيع والشريده ظهروا في مستوى رائع البارحه ..
الف شكر اخوي ..

والله كان آداءهم فوق الرائع:cool: ..

العفو وماتقصر :)..
30-03-2003, 04:30 PM
BLACK TIGER

اقتباس:

الرسالة الأصلية كتبت بواسطة Rivaldooo 11
بس هدف الاتحاد صحيح 100% ماكان في اي احتكاك مع الدعيع محمد نور قفز وضرب الكرة قبل ما يمسكها الدعيع والاميرالوليد بن طلال صرح بذلك

جات على هدف في آخر الدقائق:o
30-03-2003, 05:48 PM
ستاكهاوس

اقتباس:

الرسالة الأصلية كتبت بواسطة BLACK TIGER

ههههههههههههههههههه...والله شكلها موصله معك:6 :6

بعد هذي المباراه ماشفت إتحادي يفك فمّه على الهزيمه وعلى الحكم:أفكر:

وثاني مرّه قبل لاترد لاتنسى تتابع المباراه من بدايتها;)

ماارد على ناس اقل من 20 سنة:D

ماله اكثر من 4 سنين يتابع كورة وجاي يتكلم ويعلمني ..... والله مهزلة
30-03-2003, 06:20 PM
BLACK TIGER

اقتباس:

الرسالة الأصلية كتبت بواسطة ستاكهاوس

ماله اكثر من 4 سنين يتابع كورة وجاي يتكلم ويعلمني ..... والله مهزلة

المهزله اني جالس أرد على واحد مثلكhttp://webpost.net/sp/spikeyman/dog.gif ..

اقتباس:

ماارد على ناس اقل من 20 سنة:D

ياشيخ قابلني لو طلعت أكبر من 18 سنه:6 ..
30-03-2003, 06:22 PM
ستاكهاوس

...:أفكر:
30-03-2003, 06:32 PM
BLACK TIGER

أقول لايكثر......
30-03-2003, 06:34 PM
ستاكهاوس

اقتباس:

الرسالة الأصلية كتبت بواسطة BLACK TIGER
أقول لايكثر......

تعرف تدق راسك في الكيبورد:D
30-03-2003, 06:43 PM
BLACK TIGER

أحترم نفسك...ورد زي الناس...
30-03-2003, 06:46 PM
ستاكهاوس

اقتباس:

الرسالة الأصلية كتبت بواسطة BLACK TIGER
أحترم نفسك...ورد زي الناس...

تصدق خوفتني ...... ياشيخ حل عنا .....
30-03-2003, 06:56 PM
Kubaj

ستاكهاوس ..هدي اعصابك ..

يعني حرام تتنرفز عشان لاعبين ما ادوا صح ..

خصوصا لاعب اخلاقه زي ال** مثل باسم اليامي ..

والله برأيي الهلال استحق الفوز لتطبيقه وبشكل ممتاز الخطه

المطلوبه منه ..والله ياشباب اوسكار هذا مقلب

يجي يلهف فلوسنا ويجيب معه اخوياه محترفين (بالاسم فقط)

وسواها مع الهلال قبل كذا ..

قالها العمدا الاتحاد ماينفع له الا 5/3/2 او 3/5/2

وبعدين انت تعرف والكل يعرف

انه اي احتكاك بمنطقه ال6 مع الحارس مهما كان ضعيف

فهو يحتسب لصالح الحارس ..

ارجو ان تعترف بها ..الاتحاد لم يكن الاتحاد المعروف بروحهم العاليه

واخلاقهم الطيبه ..ولا حتى اداء ..

مبروك للهلال ..وفرصه اخرى للاتحاد بالدوري ..

والحقيقه اعجبني اداء الخثران و الشلهوب ..

وعقبال الكاس ..:-)
30-03-2003, 07:10 PM
BLACK TIGER

ياخي إنسان مدري أيش يبي :o
30-03-2003, 08:19 PM
ستاكهاوس

اقتباس:

الرسالة الأصلية كتبت بواسطة BLACK TIGER
ياخي إنسان مدري أيش يبي :o

اللحين مين اللي تلقف انا والا انت:!
30-03-2003, 08:26 PM
العمدا

اقتباس:

الهلال استحق الفوز

مشكور على روحك الطيبه اخوي :)

اقتباس:

العاشق الهلالي

وينك يا مطول الغيبات ؟؟
ابطيت علينا اخوي ..
عسا المانع خير ؟
الله يبارك بعمرك اخوي ..
وباذن الله نشوفك متواصل معنا مثل اول واكثر بعد ..

اقتباس:

والله برأيي الهلال استحق الفوز لتطبيقه وبشكل ممتاز الخطه

بالفعل هذا هو السبب الرئيسي للفوز البارحه ..
يعني ادموس حط خطه رائعه ..
وقدر الوضع الى هو فيه ..
واللاعبين الغائبين عن المباراه ..
واللاعبين ابدعوا في تطبيقها ..

اقتباس:

والحقيقه اعجبني اداء الخثران و الشلهوب ..

هههه الخثران .. نحله ماشالله ..
تشوفه بالدفاع وبالوسط وبالهجوم :)

ومشكورين على ردودكم ..
30-03-2003, 08:54 PM
BLACK TIGER

اقتباس:

الرسالة الأصلية كتبت بواسطة ستاكهاوس

اللحين مين اللي تلقف انا والا انت:!

أنت تهجمت على الهلال ..

وانا بدوري أدافع عن فريقي ..

وأنتهى ..
30-03-2003, 09:18 PM
العاشق الهلالي

اقتباس:

الرسالة الأصلية كتبت بواسطة العمدا

وينك يا مطول الغيبات ؟؟
ابطيت علينا اخوي ..
عسا المانع خير ؟
الله يبارك بعمرك اخوي ..
وباذن الله نشوفك متواصل معنا مثل اول واكثر بعد ..

والله غيابي كان بسبب الدراسة و .....
ان شاء أكون معكم ونكمل بعض ليظهر المنتدى بمظهر اكثر من ممتاز ..
30-03-2003, 10:56 PM
MandN

مبروك للهلال
31-03-2003, 12:05 AM
DE NILSON

اقتباس:

الرسالة الأصلية كتبت بواسطة Rivaldooo 11
مبرووووك للهلال

الاتحاد مستواه زفت دي الايام

الهلال استحق الفوز

بس هدف الاتحاد صحيح 100% ماكان في اي احتكاك مع الدعيع محمد نور قفز وضرب الكرة قبل ما يمسكها الدعيع والاميرالوليد بن طلال صرح بذلك

ياعزيزي الخطا لم يكن على اللاعب الذي ضرب الكرة برأسه

الخطأ كان على باسم اليامي

الذي دفع الدعيع بكوعه اثناء قفز الدعيع حتى ان اليامي لم يحتج
اما عن اللاعب الذي ضرب الكرة برأسه
فأبدا مافيها اي احتكاك
والقانون يقول اي لاعب يلمس الحارس داخل منطقة ال6
فااااول

اما بالنسبة للوليد بن طلال ممكن تقولنا فين قرأت الخبر هذا؟؟
31-03-2003, 12:07 AM
DE NILSON

هلاواللله بالعاشق الهلال

نورت المنتدى

والله وحشتنا

وانشالله تستمر معنا ومنور المنظمة الهلالية
31-03-2003, 12:28 AM
Fayez Fayez

يستاهل ( الهلال و جماهير الهلال ) التأهل الى نهائي الكأس ...... :)

و اذا كانت مباراة النهائي في ( جدة ) ......

ابغى ( الهلال ) يكسر راس ( الاهلي ) و يجيب الكأس معه الى الرياض ...... :6 :D

لا تصدقون يا ( جماهير الاهلي ) ......

امزح ..... :)

مباراة النهائي لا تهمني بشي بعد خروج النصر ...... :"

و بالتوفيق ( للاهلي و الهلال ) في نهائي الكأس .... :)

و البطولة سوف تذهب الى من يستحقها ....

والكلام هذا بدري عليه بس انا لازم اتفلسف شوي ..... :p :cool:

وعلى قول اخوي ( العمدا) :

يكفينا شرف السلام على مولاي ( ولي العهد ) ........ :واو:

تحياتي ....... :)
31-03-2003, 11:04 AM
الوسام العربي

الف مبروك للزعيم
31-03-2003, 05:10 PM
BLACK TIGER

اقتباس:

وعلى قول اخوي ( العمدا) :

يكفينا شرف السلام على مولاي ( ولي العهد ) ........

تحياتي .......

http://www.montada.com/images/icons/icon14.gif