كيف عرفت شي اسمه RPG

انا ما عرفت شي اسمه RPG الا عن طريق FF7 وعرفت FF7 من احدى

المجلات لأني كنت اتصفحها ولقيت لعبة اسمها FF7 وتقديرها عالي

مرة طبعا المجلة كانت انجليزية وكانت كلمة RPG تتكرر كثير قلت

يا رجال رح واشتري اللعبة ويوم اشتريتها لعبت فيها 5 دقايق

بعدين طفشت(لأني ما كنت متعود على هذا النوع من الالعاب) ورحت

ورجعتهاوبعد مدة رحت انا وولد عمي لصديقه وقعدنا نتكلم عن

الالعاب ودخلنا في موضوع RPG والرجال ما قصر معاي وفهمني كل شي

عن الRPG وبعدين جيت انا اتفلسف وقلت له اني شريت لعبه سخيفة

اسمها FF7 وبعدين رجعتها قام يضحك علي وقال لي رح اشترها مرة

ثانية والعبها لمدة نص ساعة وشف اللعبة بعد كذا هي حلوة ولا لأ

انا قلت له طيب ورحت اشتريتها ولعبت بها مرة ثانية ومرت نص

ساعة وانا اندمجت في اللعب وما دريت الا وانا قاعد 4 ساعات و

من بعدها وانا مجنون شي اسمه RPG.

انا تقريبا نفس حكايتك ...انا كنت العب الارب بي جي من زمان ...لكن ما كنت اعرف ان أسم النوعية هذي من الالعاب RPG الا بعد ما لعبت FF7 ..من كثر ما قريت عنها ...

بسم الله الرحمن الرحيم

انا هم قريت عن فاينال فنتاسي 7 وترددت اكثر من مرة ودي اشتريها واهون ومره لعبتها بمحل بس ما عجبتني لقيت الشخصات ممله اشكالهم وبعد انا قريت ان راح ينزل الجزء الـ8 عاد خلني اشتريه لان هذا قديم

وبعد ما قريت بمجلة العاب الكمبيوتر ان نزل بمنطقة الخليج العربي فاينال فنتاسي8 استانست ورحت وشريته بس يا فرحة ما تمت هم لازم انتظر اكثر اطلعت النسخة يابانية ونطرت الانجليزية يمكن شهرين او 3 وبعد ما شريتها استانست وقمت اقول هاذي اللعبة صعبة وايد يبيلها ميموري كارد خاص ووقت خاص وانا مو فاضي، لاني اول كنت على بالي الاعاب مثل تكن نيد فور سبيد يسمونها العاب، لا لا لا تفهموني غلط ما اقصد انها مو زينة او سخيفة لاء الي افدة انها قصيرة جدا بس تكن يمكن الواحد يقطها باسبوعين ونيد فور سبيد ما تلعبة الى لمه يجون الربع على شان تتسابقون بس كنت حزتها العب ريزيدينت ايفل على عيني وعلى راسي والله واذا ابي اقول قصتي معاها فيبيله قعده وقت :) ، وانا لمه كنت ابي العب فاينال فنتاسي8 اتكاسي واقول هلعبة 4 دسكات يعني شمعبين هالدسكات كله كلام؟ ولا افلام ولا شنو؟ وكنت اعتقد ان هاذي اللعبة كلها كلام فاضي والحجي اكثر من اللعب، ولمه شريت الدسك الديمو ولعبت منها شوي شفتها ممله حدها وما عجبتني والدسمو كان لمه يروح الفريق حق مدينة ويتهاوشون مع الوحش الي مثل العنكبوت الالي وانا ما عجبتني اللعبة بس لمه استخدمت الجي اف وكان جي اف الماي ليفاثين ابصراحى انبهرت وزاد اعجابي وفضولي على هلعبة وقمت اقول بيني وبين نفسي متى ينزلون النسخة الاصلية والعبها على راحتي؟ لان انا ما اعرف العب العاب الديمو احس انها بتخلص بعد مده، المهم وبعد ما شريتها وحاولت العبها لعبتها ليمه وصلت حق البنية الي تجي وتدعم بسكوايل وتطيح وياخذها سكوايل ويقعد يدليها على الاماكن عجبتني الفكرة وشفت اللعبة واسعة مني الكافيتيرة ومني الما ادري شنو ومني موقف السيارات وهناك التدريب وحبيتها وثرت العابها باليوم 6 او 7 ساعات متواصلة وما قدرت افارجها الى لمه خلصتها، وبس المشكله اني مو مخلصها للحين :( لان لمه اوصل حق النهاية ويطلع الفلم توقف اللعبة :( ويوقف الفلم.
وطبعا ما انسى فاينال فنتاسي9 يهذا القمة وعلى فكرة نفس الشي صار فيني بالنهاية لمه وصلت حق الايفا تري وادخل بطيارة يوقف الفلم بس لا عاد صارت مصاخة الحين لازم اشتري دسك جديد وحرت وشريت وخلصتها يوم 17-6-2001 والحين ابي بلاي ستيشن 2 على شان العب الـ10 وقاعد افكر اشتري الـ7 بس المشكلة انه قديم والالعاب القديمة قليل تتوفر بالشوق.

والحين ابي اغنية النهاية ميلوديز اوف لايف بالانجليزي مو محصل الي يعرف ياريت يعطيني العناوان

وسامحوني على اني طولت عليكم وشمكورين ومع السلامة

أنا بعد مثلكم....لما اشترينا فاينال فانتاسي 7 ضحكت عليها وردينها المحل على طول...ولما اتفرجنا عليها على الانترنت عجبتنا وايد..ردينا واشتريناها..وصارت أحلى لعبة آربي جي في حياتي كلها.....هاهاهاهاها!!

اول لعبة ار بي جي لعبتيها في حياتي كانت وايلد ارمز و بصراحة لم تعجبني بسبب القتال العشوائي و طريقة القتال السخيفة و لكن بعد ان لعبت فاينل فانتسي 7 احببت شيء اسمة ار بي جي

انا تقريبا نفسكم...لكن الفرق اني اول مالعبتها ما قلت انها بايخة-اقصد فاينل 7-
بالعكس ..انهبلت و خلصتها ثلاث مرات.

اما انا ما عرفت ال RBG الا بعد FF8 حتى أول ما شريتها لعبتها بس شفت العروض قمت أدور عليه في المجلات بعدين عرفت انه الألعاب الي زي كذا اسمها RBG

أما أنا فكانت قصتي : إنه جائني أحد الأقارب وبدأ يشرحلي فاينل فانتسي 8 شرح مفصل بصراحة أعجبت بالعبة من خلال
الشرح . ويوم جاء التطبيق العملي انبهرت بها جدا جدا جدا.
وأنا كنت أسمع عن فاينل فانتسي 8 من قديم جدا في عددت مجلات خاصة بالألعاب .
لكن لسوء الحظ لم يحصل لي الشرف لمعرفة FF7.:cool: :( :cool:

الصراحه انا ff8

واحد اهداني ومن هذاك الوقت الى الان وانا rpg

انا نسيت اقول شي تذكرتة اني ما شريت فاينال فنتاسي الا بعد ما شفت لقطات على قنات Game Nerwork من الـGF وانبهرت ببهاموت الاخوين وكلما ايعدون العرض اشاهده وودي اشوفه اكثر من مره لسما شريتها

انا اول مره كنت العب فاينل فانتسي5 وما كنت اعرف شيء اسمه rpgبعدين اعجبتني اللعبة بعدين تعرفت علىrpgوبعدين.........
كذا تعرفت على ال rpg

اول مرة عرفة الrpg من واحد من الربع من زمااااان ايم السوبر نيتيندو

كان يتكلم عن لعبة رائعة اسمها فينال فانتاسي 2 (التي هي 4 بالياباني)

شاهتها و اعجبتني..و الى الان انا اتابع كل انواع الrpg!!

أنا من يوم ما عرفت شيء أسمه RPGقلت الحمدلله والشكر لله:D :D

عن طريق فينال فانتاسي

أنا عرفت ال Rpg لمن كنت في اليابان كان عمري 7 اول لعبة ألعبها كنت علي النينتندو أسمها dragon ball 3 كانت وايد حلوة

بصراحة انا ما اعرف شو هو الار بي جي بس اعرف ان كل اجزاء فاينال فانتسي حلوة

ترا الجميع الي في المنتدى لعبوا ار بي جي حتى الي مايطيقوا شيء اسمه ار بي جي لعبوا اربي جي اول لعبة ار بي جي الجميع لعبها كانت كابتن ماجد في كمبيوتر العائلة والجميع الي يقولك انا ما احب اسلوب القتال الي في فاينل المصيبة كابتن ماجد فيها نفس الأسلوب وهي اسلوب الأوامر يعني كلنا لعبنا ار بي جي من زمان لكن ما حد عارف اسمها.

الله يا Platinum_Shadooo ذكرتني بأيام قبل لمه كنت العب كابتن ماجد تصدق كنت اموت عليها العبها بالساعات وخلصتها وكانت احلى لعبة عندي على الناتيندو وخلصتها بس بعدين طلعوا فرق يدد ما ادري شلون اشكلالهم لابسين ازرق جنهم كابتن رابح ما ادري منو بس صارت عبط يعني القولجي (حارس المرمى) يقدر يجيب علي قول بشوته وحده من مكانه بعد ما قمت العبها

وتصدق بعد قبل جم سنه حطوا اعلان بتلفزيون عن ناتندو بالعربي بس لعبها محدوده وقليله جدا يعني فاشلة (نفس الاعاب العادية بس مترجمه بالعري) ووياهم كايتن ماجد بالعربي بس ما ادري وين يبيعونها الحين

للرفع....


يووووووووووووووووووه يا زين مواضيع أول.....

الاعضاء الجدد شفتوا بعض اعضاء زمان كانوا رهيبين

























































مثلكمممممم:D ;)

أنا عرفت الآر بي جي عن طريق .................

إسمعوا قصتي :

كنت أقرأ في مجلة من المجلات عن لعبة (( وايلد آرمز )) و كان مكتوب في المجلة أفضل لعبة آر بي جي هي وايلد آرمز من بعد فاينل فانتسي (( من زمان )) المهم أنا أقرأ عن القصة و هم يكتبوا أروح أقتل الوحش باستخدام الميدالية و أكلم ناس و أشتري أدوات أنا أول ما سمعت بهذي الأشياء وأنا أدور على هذي اللعبة بس المشكلة إني كل ما أسأل الهندي اللي في المحل أسأله عن فاينل فانتسي يقول لي إيش هذي اللعبة وبعدين أسأله عن وايلد آرمز كمان ما يعرفها المهم في يوم من الأيام شفت محل يبيع أشرطة دخلت عنده و سألته عن فاينل فانتسي قال لي (( أي جزء عايز ؟؟)) أنا سألته قلت (( ليش هي كم جزء ؟؟)) قال لي : نزل من اللعبة 8 أجزاء (( قبل ما تنزل فاينل فانتسي 9 )) أنا قلت له أعطيني آخر جزء نزل فأعطاني ((((( فاينل فانتسي 8 ))))) و إشترت مع الشريط 3 مجلات الحل الكامل و كنت متشوق حتى أوصل البيت عشان ألعبها و أول ما وصلت البيت شفت اللعبة و ما عجبتني خليت أخوي يلعب شوي و أنا قعدت أقرأ الحل الكامل و قرأت إنو مكتوب عن اللعبة إنها (( سيدة ألعاب الآر بي جي )) أنا على طول إكتشفت إنها ألعاب الآر بي جي هي الألعاب اللي تشبه فاينل فانتسي


هذي هي قصتي بالتفصيل الممل :D :D :D

أنا تعرفت على ألعاب الآر بي جي عن طريق ( فاينل فانتسي 5-6 ) اللي نزلزهم على البلاي ستيشن ... و لما شريت هالشريطين و شفت رسوماتهم تحسفت واايد على أني شريتهم لأن رسوماتهم كانت رسومات جهاز نتندو و كان في ذاك الوقت فقط أهتم لرسوم اللعبة ... فعلى طول بدلتهم .. و بعدين شفت على شاشة عرض المحل عرض بداية فاينل فانتسي 8 ... و تعجبت لما عرفت أن هذا هو الجزء الثامن للعبة اللتي شريتها من يوم و هي الجزء السادس .. فشريت الثامن و كان توه نازل النسخة الأنجليزية ...
المهم لعبت الثامن و كان عبالي ان اللعبة بس تجول و تسكع في الشوارع و قتال الوحوش ... المهم بس ظليت أتجول في المدرسة و في مدينة ( بالامب ) .. لما مليت من اللعبة ... بس بعدين و في يوم من الأيام رحت المكتبة و لقيت حل كامل للعبة ... فشريتها و بعدين رحت البيت و قريتها و عرف أني لازم أروح كهف النار و أكمل المغامرة .. و بعدين شوي شوي قمت أوصل في اللعبة .. و خلصت الدسك الأول .. بعدين الثاني .. حتى خلصت كل الشريط ... و بعدين جنيت على اللعبة و عشقت ىكل ألعاب الآر بي جي ... و شريت كل أجزاء فاينل فانتسي .. حتى الخامس و السادس .. و اليوم شريت الرابع :D :D

عن طريق FF7....

أنا تعرفت على ألعاب الار بي جي عن طريق المجلات
وزاد اعجابي بها لما أخذت فاينل فانتسي 8 من أحد أقربائي
لأنها ما عجبته فالعبت فيها
وفي البداية ما دخلت مزاجي حيث تحكمها كان غريب علي
ولمن مرة طلعت وحش الاستدعاء عن طريق الصدفة زاد اعجابي بها
وكملت اللعبة حتى خلصتها ورت أعشق هذا النوع من الألعاب:D :D