عرض للطباعة
كل واحد يقول لنا موقف مضحك صارله اكبر موقف يموت ضحك.
عني انا صارلي موقف اما ايش لو قلته محد بيشارك بالمنتدى من الضحك صار بالحرم يمكن قبل 4 سنين بس موقف يضحك .
وفيه ثاني بس فضايح يعني ان قلته فضحت نفسي ومحد تاركني بذا المنتدى الا ويعايرني فيه لانه شئ يفشل صراحة صارلي بالصف قبل سنتين :D.
معليه ماقلت ولا موقف بس بدور موقف زين مايفشل واقوله لين ما ادور اكتبو مواقفكم.
وشكرا:D:D:D.
هههههههههههههههههه
في مرة اخويه يمثل انه غرقان و هو لابس العوامة وانا صدقت شفت اذكى من كذا؟:D
(بلاي2 ترا اذن الفجر :))
أنا أقول لك
في المدرسة السنة الي فاتت طلعت برا الفصل و جلس شوي و كان علينا حصة إتأخر أستاذها رجعت الفصل على بالي ما في أحد غير الشباب و أجي للباب حق الفصل و أشوته بكل قوتي و ينفتح إلا ألقى المدير و معاه موجه و الأستاذ الي كان متأخر في الفصل و بس وجهي يحمر و يصفر و يسود و أعرق و حالتي حالة و الشباب جلسوا يضحكوا و أنا محرج و المدير عرفني من هاذي الحكاية و يا أخسه من موقف حتى المدير يعرفني فيه:D :D
معليه خيرها بغيرها.
شكرا للتنبيه (ترا ذا الاذان الاول يعني تو باقي :D)
يله مواقفكم.
وشكرا:D:D:D.
أنا ياما تجيني مواقف كثيره بس انساها والله
(ياسنو وبلاي2 ترى أذن الفجر لاتنومون إلا وانتم مصلين خلاص يابابا)
العميد: طيب يا بابا.......:p
ان شاء الله بابا
بس اقول لا تقولنا وانت ولاتدل المسجد .
ملاحظة:هذا موضوع مواقف مضحكة مب اوقات الصلاة ههههه.
وشكرا:D:D:D.
شاطر يا سنورلاكس ويا بلاي ستيشن2
تبغون كم حلاوه:p :) :)
هذا طلع قدامي
بس لا تخافون
سويت المطلوب فيه :)
انا قد مره كنت في بقالة قريبه من بيتنا رايح اشتري حب قرع (ذاك الأبيض الي فيه ملح) المهم يوم يقالي قاعد اشقلبه في الهوا وكان قدامي راعي الكاشير ولا تنفك الكيسه ويطيح نصه
على وجهه وقعد يناظر فيني بنظرات اعوذ بالله تطيح القلب
وكان هو معاه خويناه ابو هنود عاد انا قطيت ريال وحطيت رجلي
ومارجعت ابد له.
يووووووه مواقف محرجة و تضحك كثييير بس فيه اشياء ما تنقال كخخخ
المهم هذه السالفة صارتلي العام الماضي كنت قايمه من النوم متأخر مثل دايم و مصرة الا ابي اغييييب و امي مو راضيه فقمت طلعت من البيت معصبه و نصي نوم ووصلت المدرسة و نفسي شييينه و ادخل الفصل طبعا حصة عربي مرة وناسه مير التفت كني ناسيه شي و عاد التفت على صديقتي اللي جمبي اقولها تصدقين نسيت الشنطة ميير تقعد تموت من الضحك تقول وش جايبك المدرسه اجل عاد قعدت اسكتها لا انفضح قدام الله و خلقه لكن كانت حصه مطالعه سلطه المهم و تقعد تناديني تقول وين كتابك قلتلها نسيته وين دفترك كمان نسيت قالت جبتي معك شي قلتها الصراحة نسيت اجيب الشنطة و مير تفقعت بطون الكل من الضحك كخخخخخخ والله ما انساها
ان هالموقف ما راح انساه طول حياتي
--------------
كنت بثانية ابتدائي و كان آخر يوم بالمدرسة بس لأني غبية نسيت اقول لأمي و اليوم اللي وراه قعدت داااااايخة و لي خلق أحد و رحت المدرسة و لما شفتها فاضية تذكرت إن المدارس خلصت و قعدت أبكي و انا قاعدة ابكي اكتشفت شيين :
1- كنت لابسة تحت نفنوفي بنطلون على سلاحف النينجا
2- بدل لا ألبس الجوتي ( الحذاء ) لبست نعال نايلون مال خدامتنا بو نص دينار
الموقف اللي ما أنساه في الصبحيه كانواأهلي يقونوني من الفراش
أقوم وأروح أنوم في مكان ثاني
وفي يوم بعد مانكدوا علي النومه
كان نصفي نايم ونصفي صاحي
وكانت الشنطه جنب المكنسه الكهربائيه
وخذت الشنطه ونزلت للسياره
وركبتها ويوم وصلنا نصف الطريق وألا أخوي الصغير توه يعلمني
ويقول لي: وراك جايب المكنسه الكهربائيه معك(فشيله)
بعدها على طول أقوم
أنا أقول واحد ثاني (فاضي ما عندي شي )
يمكن قبل 4 سنين لما رحنا لورلاندوا في أميركا رحنا لدزني لاند و كان في عربة كنت أدف فيها أخوي الصغير و ما أدري إيش الي خلاني أجري و أجري إلا يطلعون إثنين علل ( أمريكان ) رجال و حرمته و بس كانو قدامي و ألف في العربة يمين يسار يا هو ما نفعت و بس بوووووم أضرب في رجل الحرمة و تجلس تصارخ و يجي زوجها ( عير الله يهده ) و يجلس يصارخ و يبرطم الله يقلعه قدام الناس و ما فهمت منه إلا إنه يقول قول على الأقل أنا أسف قلت له I'm sorry على طول أخذت العربة و حطيييت رجلي عند أمي و أجلس هاجد طول ذاك اليوم ( ما راح أنساه طول عمري بعض الأحيان أتذكره و أبغى لو إن الأرض إنشقت و بلعتني ذاك اليوم )
إيش رايكم ؟؟
مره كنت في مطعم البيك(اللي في جده يكون اهبل لو ماعرفه)
المهم في فرع البلد شارع الملك عبدالعزيز
يعني عند الفلبينيين
المهم
طبعا دايما في هذا الفرع زحمه خاصه بعد المغرب
وهو الوقت اللي كنت فيه هناك انا والشله حقنا
المهم بعد ماشربنا الببسي
كنا دايما كل واحد يكرع(عااااااااااااا)ما ادري كيف تنكتب
المهمنتحدى اي واحد اعلى واكبر تكريعه يسويها
المهم مره كده اتحدينا وكلنا في نفس الوقت(4 نفر)اتخيل 4 علب بيبسي ومعاه 8 ثوم على الاقل
وفي مره واحده وفي نفس الوقت وبصوت عالي وفي مده استمرت مالايقل عن 20 ثانيه
المهم وفي كانو كم فلبيني على الطاولات اللي جنبنا
5 طاولالت حوالينا كنا في الحكره اللي في الدور الثاني على اليميين مو جهه الحمامات
المهم وهذي الخمس طاولات بعد ماعملنا الحركه
ماعد شفنا فيها احد
في اربعه جالسين في طاوله من هذي الطاولات لسه مابدءو قاعدين ياكلو بطاطس ويفكو العلب حق التوم
واو هذي ما انساها لو ايش:( :D ;) :غضب:
لقيت موقف صارلي مايفشل :) يعني ينبلع شوي .
قبل يمكن 11 سنة (تقولون وش ذي الذاكرة قولوا ماشاء الله)
كنت بالمانيا وكنت صغير تو مادخلت المدرسة المهم طلعت مع اخوي وجيراننا هناك نلعب غميمة بالشارع (شرطي حرامي ) :) المهم وانا بالشارع شقت راس واحد فيهم واحط رجلي واركض لهم وامشي وامشي مالقيت احد عاد انا لفيت راس ورا بشوف وياليت مالفيت راسي الا 3 كلاب واحد اسود والثاني بني والثالث ابيض (على ما اذكر) عاد انا اول ماشفتهم ويييييييييييييين صاروخ والكلاب وراي لين وصلت عن سور بيتنا واطب فوقه ((السور واطي مب زي هنا بالسعودية)) صاير جاكي شان على غفلة الخوف يسوي هوايل واركض واركض لين وصلت عند اخوي والانهار وراي ((من الدموع مب من شئ ثاني;) .
وشكرا:D:D:D.