اسئلة طرت ببالي...

اس اس السلام عليكو:6 ...


عاملين ايه:0) ...

والله ان المنتدى له وحشة من جد مع اني اجي كل اسبوع بس برضوه اشتاق له:6 ...

اني وي:p ...

القصة ومافيها بما انني من طالبات الكيمياء المجيدات <===كثري منها:6


وبينما نحن في معمل الكيمياءالمطبخية اااا اقصد معمل الكيمياء التحليلية:6 ...


بذا المعمل نحوس حوسة بالمواد تسخين بعدين تبريد و يليه التجفيف و الوزن و الخ حوسة مابيكم تضيعون فيها ... المهم اننا كنا حاطين الدوارق بوسط حمام مائي وشوفوا انواع الدجة اللي انكب محلولهم داخل الحمام المائي و اللي عجزت تمسك الدورق من شدّة الحرارة ( لاحظوا الشدة) و طبعا جت الدكتورة تساعدنا لاننا حسنا الدنيا حوسة:p ...

فاقترحت وحدة من البنات ان يتحول ذا المعمل لمطبخ و يعلموننا الطبخ على الاقل شيء نستفيد منه بحياتنا مو ذا اللي ما منه هدف?: ...

وفجأة تحول الموضوع من طبخ و نفخ الى الزواج و كل وحدة قعدت تقول وش تبي شغلة زوجها و سوالف حريم تعرفون يعني:6 ...

و بعدين جت وحدة قالت سالفة بنت متخرجة من قسم الكيمياء انها حملت وسقطت و بعدين قعدت فترة طويلة على ما حملت مرة ثانية...

و قعدوا يتكلمون ان اغلب بنات قسم الكيمياء يصير لهم كذا:( ...

المهم جيت انا و سألت":" ...

قلت لهم لو تصيرون عقيمات لا سمح الله وش بتسون؟؟ و لو صارت العلة من الرجال هل بتتخلين عنه؟؟ <-----طبعا ماسألت بهالصيغة:6 ...

الموهم ان الاراء اختلفت بين معارض و موافق <==وش دخل:p

السالفة و مافيها اني ابي اعرف رايكم بجد من ذي الناحية بسأل سؤالين للعيال و سؤالين للبنات و اتمنى من الجميع المشاركة بجدية:) ...

اسئلة الاولاد:

1- لو تزوجت و كانت زوجتك (لاسمح الله) عقيم وش بتكون ردة فعلك و ايش راح تسوي؟؟

2- لو كانت العلة منك انت وش راح تسوي؟؟

اسئلة البنات:

1-لو كنتي عقيم وش راح تسوين (خاصة انه فيه احتمال 99% ان زوجك راح يتزوج عليك) هل بترضين بضرة؟؟ ولا ايش راح يكون قرارك؟؟

2- لو كان زوجك هو العقيم وش راح تسوين؟؟


يله ورونا همتك و زي ماقلت اهم شيء الجدية بالاجوبة:)

يله اول شيء بجاوب انا:)...

اقتباس:

---

اسئلة البنات:

1-لو كنتي عقيم وش راح تسوين (خاصة انه فيه احتمال 99% ان زوجك راح يتزوج عليك) هل بترضين بضرة؟؟ ولا ايش راح يكون قرارك؟؟

الصراحة الصراحه انا كنت قبل اقول لو تزوج زوجي علي على طول بطلب الطلاق... و الى الحين هذا قراري... و الشيء الوحيد اللي يمكن يغير هالقرار هو الزوج نفسه... يعني اذا كنت ماقدر اعيش من دونه... فراح ارضى بمصيري وباللي كتبه الله لي و اصبر... بس اغلب شيء اني راح اطلب الطلاق... لاني الصراحة بعد اكره احد يشاركني بشيء المفروض يكون ملكي ( لو سمحتوا ياللي تبون تقولون ربي محلل اربع حنا عارفين ان ربي محلل اربع بس هذي حرية شخصية:) )...

2- لو كان زوجك هو العقيم وش راح تسوين؟؟

بما اني مو that fond of children ... يعني اذا جو حياهم الله و ياحبي لهم... بس اذا كان ربي مو مقدرهم لي فما راح يضرني انهم مو موجودين... فما راح اتخلى عن زوجي عشان شيء ابتلاه ربي فيه... بعيش معاه و عيال خواته و اخوانه و عيال اخواني و خواتي يكفون و يوفون :)...

---

موضوع جميل وحساس :#

طيب حطي أسئله للعزوبيه فووور ايفر :p

تراهم كثيرين هنا ..


بس بجاوب عشان ماأرد مره ثانيه واسوي مشكل ,,

1- بقول كذا >>>>> :واو:
انزلعي لابارك الله في الساعه اللي عرفتك فيها .. يلعن ابو شواربك :p ..

لالا .. بكل بساطه .. قبل ماأتزوج أكشف عليها وعلي طبعا .. وخلصنا ..


نمبر طو ,,
بقعد عزابي .. وش ذنب المسيكينه تبهذل معي !؟
لاقدر الله يعني ..

----
على فكره ترا الله محلل أربع .. ومن ورا خشومكم بترضون <<معاند :p

اقتباس:

---

1- لو تزوجت و كانت زوجتك (لاسمح الله) عقيم وش بتكون ردة فعلك و ايش راح تسوي؟؟

---

الله يعين باصبر انشالله و مااعتقد اني باتزوج ثانية لاني كاره الموضوع من اصله :)

اقتباس:

---

2- لو كانت العلة منك انت وش راح تسوي؟؟

---

ماادري بس احس السؤال ماله داعي :6

أنتحر يعني :6

ماادري بس اعتقد اني باكمل حياتي عادي و لو عرفت قبل مااتزوج مااعتقد اني باتزوج و انشب البنية معي :6

و اكيد بأصبر و الله يعيني :)

اقتباس:

---

1- لو تزوجت و كانت زوجتك (لاسمح الله) عقيم وش بتكون ردة فعلك و ايش راح تسوي؟؟

---

يمكن اقعد سنه او سنتين بدون طفل بعدين افكر اتبنى.. يعني ما ازود على زوجتي هموم و اعقد الموضوع :)

اقتباس:

---

2- لو كانت العلة منك انت وش راح تسوي؟؟

---

في البداية ح انكر.. وبعدين اواجه الامر الواقع..

ومشكورة على الاسئله..

خيييييييييييييياااااااااااااااااانه :"

وين اللى بترسل لي على خاصه ... هااا ؟؟؟ :غضب:

اقتباس:

---

اسئلة البنات:

1-لو كنتي عقيم وش راح تسوين (خاصة انه فيه احتمال 99% ان زوجك راح يتزوج عليك) هل بترضين بضرة؟؟ ولا ايش راح يكون قرارك؟؟

---

لاع .... بقوله طلقني :o

اقتباس:

---

2- لو كان زوجك هو العقيم وش راح تسوين؟؟

---

بقعد معاه الين ما اموت :#


و مشكوره على الحركه اللى مالها داعي :o و على الموضوع ...

هارب...

اقتباس:

---

انزلعي لابارك الله في الساعه اللي عرفتك فيها .. يلعن ابو شواربك ..

---

ياويلك من ربي:6 ...


مشكور على المشاركة:6




امووور


تهيء تهيء ماتوقعت ناس يقولون كذا توقعت كلكم تقولون بتزوج عليها:"


مشكور على المشاركة




دير ديفل



انت كوذاhttp://montada.com/games4arab/images/icons/icon14.gif ...

و الله انا يعجبوني الرجال اللي المخلصين:-) ...





بوووووب...


انت بعد كوذاhttp://montada.com/games4arab/images/icons/icon14.gif ...


مشكورين كلكم على المشاركة:)

اقتباس:

---

الرسالة الأصلية كتبت بواسطة memy
خيييييييييييييياااااااااااااااااانه :"

وين اللى بترسل لي على خاصه ... هااا ؟؟؟ :غضب:



لاع .... بقوله طلقني :o



بقعد معاه الين ما اموت :#


و مشكوره على الحركه اللى مالها داعي :o و على الموضوع ...

---

وش دراني انك فيه هذا عقاب اللي يحط تصفح خفي:6


ميمو تعالي للي خبري خبرك بللليز:#

موضوع قوي ورائع :)

أنا عندي جواب واحد بس الي هو :

الاخلاص في الحياة الزوجية بين الطرفين :) والي يتزوج على مرته مب رجال ..

ومشكورة على الموضوع :)

اقتباس:

---

الرسالة الأصلية كتبت بواسطة flarestar




وش دراني انك فيه هذا عقاب اللي يحط تصفح خفي:6


ميمو تعالي للي خبري خبرك بللليز:#

---

وشو اللى وش دراك :"

قلت لك انا هنا الى الصبح :غضب:

عذر ابيخ من ذنب :o

وشو اجي عشان تقوليني لي برا ؟؟:o

اقتباس:

---

الرسالة الأصلية كتبت بواسطة THE LUCKY GUY
موضوع قوي ورائع :)

أنا عندي جواب واحد بس الي هو :

الاخلاص في الحياة الزوجية بين الطرفين :) والي يتزوج على مرته مب رجال ..

ومشكورة على الموضوع :)

---

عاش ذا لكي قاي:D ...


ومشكور على المشاركة اللي تفتح النفس:) ...




ميمي
انتي حورة

اقتباس:

---

الرسالة الأصلية كتبت بواسطة flarestar


ميمي
انتي حورة

---

تيب بجي :# :6

بس ما بطول لاني بطلع انام:#

اقتباس:

---

1-لو كنتي عقيم وش راح تسوين (خاصة انه فيه احتمال 99% ان زوجك راح يتزوج عليك) هل بترضين بضرة؟؟ ولا ايش راح يكون قرارك؟؟

---

لو لاقدر الله صار هالشي وانشالله مايصير لي ولا لغيري برضى بالضره ولو اني اكره شي اسمه زوجه ثانيه وانقهر اذا واحد تزوج على مرته لكن من الناحيه العقلانيه الضره احسن من اني اتطلق لكن اذا طلع الرجال عله وجحدني مره وحده اتفاهم معه واذا شفته مره مو طايقني خلاص مافيه الا الطلاق

اقتباس:

---

2- لو كان زوجك هو العقيم وش راح تسوين؟؟

---

عـــادي والله اتحمل واصبر ...



مشكووور فلير :)

اقتباس:

---

الرسالة الأصلية كتبت بواسطة snow river


لو لاقدر الله صار هالشي وانشالله مايصير لي ولا لغيري برضى بالضره ولو اني اكره شي اسمه زوجه ثانيه وانقهر اذا واحد تزوج على مرته لكن من الناحيه العقلانيه الضره احسن من اني اتطلق لكن اذا طلع الرجال عله وجحدني مره وحده اتفاهم معه واذا شفته مره مو طايقني خلاص مافيه الا الطلاق





عـــادي والله اتحمل واصبر ...



مشكووور فلير :)

---

ماشاء الله عليك قوية:) ...


مدري انا عندي الطلاق ارحم:":



مشكوره سنو على المشاركة:-)


وتراني بنت:#

اقتباس:

---

الرسالة الأصلية كتبت بواسطة flarestar

وتراني بنت:#

---

و حوبه و تحوبني :#

اقتباس:

---

الرسالة الأصلية كتبت بواسطة memy


و حوبه و تحوبني :#

---

من قال احوبك:#




اموت فيك:#

اقتباس:

---

الرسالة الأصلية كتبت بواسطة flarestar



من قال احوبك:#




اموت فيك:#

---

يا حوظي فيك يا وخيتي :#

اقتباس:

---

اسئلة الاولاد:

1- لو تزوجت و كانت زوجتك (لاسمح الله) عقيم وش بتكون ردة فعلك و ايش راح تسوي؟؟

2- لو كانت العلة منك انت وش راح تسوي؟؟

---

1-مثل ما قال harb اكشف قبل الزواج...لكن اذا حصل العقم بعد الزواج و ما كان عندي عيال راح اتزوج ثانية:-)

2-هنا الموضوع مو في يدي:-)

اقتباس:

---

الرسالة الأصلية كتبت بواسطة Dare_Devil


يمكن اقعد سنه او سنتين بدون طفل بعدين افكر اتبنى.. يعني ما ازود على زوجتي هموم و اعقد الموضوع :)

---

الله اكبر... ايش الاخلاق هذي:6
بدل ما تتزوج ثانية تروح تتبنى:أفكر:
جيت بتكحلها عميتها:6

اقتباس:

---

الرسالة الأصلية كتبت بواسطة القــعـقـاع



الله اكبر... ايش الاخلاق هذي:6
بدل ما تتزوج ثانية تروح تتبنى:أفكر:
جيت بتكحلها عميتها:6

---

ليه يقدر يتبنى ولد او بنت و يخليه يرضع من اخته او زوجة اخوه و يصير عمه او خاله بالرضاعة و يربيه على انه ابوه:) مافيها شيء

اقتباس:

---

الرسالة الأصلية كتبت بواسطة flarestar




ليه يقدر يتبنى ولد او بنت و يخليه يرضع من اخته او زوجة اخوه و يصير عمه او خاله بالرضاعة و يربيه على انه ابوه:) مافيها شيء

---

بالطريقة هذي ما راح يكون فيها شي لكنها ما تسمى تبني و بعدين في ذا الحالة ما راح تفتش له زوجة الرجل اذا كبر و هنا مشكلة كبيرة...( انها قعدت تربيه و بعدين تصير تتغطى عنه):-)

اذا العقم فيني " لا قدر الله "

ابعيش عزابي ..


اذا العقم فيها " لا قدر الله "

ابعرس عليها ..

هالو فلير ^__^

موضوع واقعي و ممتاز! :)

ج1: صراحة مفروض أكون قايلتله من أول.. فيه كتير ناس تقول معليه لو يكون متزوج عليكي بس على الاقل ما تكوني مطلقة.. انا ما أعرف بس أحسه قهر صراحة..

ج2: اممم ما اعتقد انه سبب يحوج اني اتركه.. بالذات اذا كان انسان طيب و الحياة معاه كويسة.. أحسن من انه واحد يخلّف بس تعامله سيء.. الخ.. فاهماني؟ so if i like him, it's ok

نايص موضوع يا فتاة ^_^

ياناس هالبنت موهوبه ماشالله ..:# من زمان عنس يا فليرون

اقتباس:

---

خيييييييييييييياااااااااااااااااانه

وين اللى بترسل لي على خاصه ... هااا ؟؟؟

---

مافيه وقت ترسلك:cool: كانت مشغوله بالرسالتين اللي ارسلتهم لي تهأ
يعني انزلعي انتي 26 ساعه بالتلفون معها
طماعه تبي تقش كل شي لها خلي شوي لي(&)
وذع

1-لو كنتي عقيم وش راح تسوين (خاصة انه فيه احتمال 99% ان زوجك راح يتزوج عليك) هل بترضين بضرة؟؟ ولا ايش راح يكون قرارك؟؟

كنت قبل يوم اني بزر كنت اقول لو تزوج علي زوجي بذبحه:6
بس على حسب الزوج اذا كنت احبه راح اوافق على هالشي وانا مكشره<<امحق موافقه
ماامذح:#
اذا كان يبي يتزوج علي عشان يبي عيال مثلا فراح ارضى بهالشي
لان اهم ما علي سعادته..و ماله ذنب باللي ابتليت فيه
اذا كان يبي عيال..بس ماراح اطلب الطلاق الا اذا كان هو يبي يطلق:#

2- لو كان زوجك هو العقيم وش راح تسوين؟؟

اقتباس:

---

بما اني مو that fond of children ... يعني اذا جو حياهم الله و ياحبي لهم خاصه اذا صاروا دوبب يهبلون ... بس اذا كان ربي مو مقدرهم لي فما راح يضرني انهم مو موجودين... ما راح اتخلى عن زوجي عشان شيء ابتلاه ربي فيه

---

بث:#

من زمان عنج فلير :)

1- طبعا بخليه يتزوج علي ..
من حقه يشوف عياله ..
وانا مستحيل احرمه من هالشي ..
وطبعا ما برضى بالطلاق ..

2- ما بتركه ..

thankies flare ..

سلاااااااااااام عليكم ، كيف الحال

أشوف من الأفضل الفحص قبل الزواج حتى نتجنب هذي المشاكل
الطب تطور و فيه حلول لهذا النوع من المشاكل ، يعني سواء هذا طلع فيني أو في زوجي فحسب رغبة كل واحد في الأستمرار

انا اولاً ما اؤيد الفحص قبل الزواج..احس الحركه مالها داعي:6..


بالنسبه للزوجه اذا طلعت عقيم..

موب ذنبها اعتقد..وانا موب اهم شي عندي البزران..قلعتهم اذا ما يبون


واذا طلعت المشكله مني انا..


بعلمها عن الشي هذا وأخلي القرار بيدها ان كانها تبي تقعد حياها الله ما تبي براحتها

اقتباس:

---

الرسالة الأصلية كتبت بواسطة لوسي



كلام فلير صحيح..
مثلاً..أخت المرة ترضعه..وبكذا تصير خالته بالرضاعة..

---

خالته مب امه...

و بعدين افرضوا ان الله رزقهم ببنت بعد ما جابوا ذا البزر و ربوه لعدد من السنين

اقتباس:

---

الرسالة الأصلية كتبت بواسطة flarestar



ماشاء الله عليك قوية:) ...


مدري انا عندي الطلاق ارحم:":



مشكوره سنو على المشاركة:-)


وتراني بنت:#

---

العفو :)

والله حرف الهاء سقط سهوا وانا عارفه انك بنت سورييييييييييي :": :": :#

hey hun
missed ya lots;-)

about the post

if i can't have children and my husband wants to get married again
it's his choice, between me and a baby
cause i can't stand someone sharing my man


and if he can't have children
then for sure i'm not gonna leave him
cause when i married him, i did that because i wanted him
cause i loved /liked him
not because i wanted babies

thankx hun for the nice topic:0)

sOsO

العمدا
humphh
typical saudi thinking:غضب:
===========

اقتباس:

---

>>>>>>>>كنت قبل يوم اني بزر كنت اقول لو تزوج علي زوجي بذبحه
بس على حسب الزوج اذا كنت احبه راح اوافق على هالشي وانا مكشره<<امحق موافقه
ماامذح
اذا كان يبي يتزوج علي عشان يبي عيال مثلا فراح ارضى بهالشي
لان اهم ما علي سعادته..و ماله ذنب باللي ابتليت فيه
اذا كان يبي عيال..بس ماراح اطلب الطلاق الا اذا كان هو يبي يطلق>>>>>>

---

اندووووومي
اتفق معاك

اما اذا كان العيب منه هو
:"
امرنا لله

بالنسبه لفكرتي الحاليه هي اني راح اقعد معها حتى لو ما يجيني عيال


لأني بالنسبه لي ما يهموني العيال !..



بس ترى بعض الأشياء تتغير مع الوقت يمكن بعدين يطيح بخاطري اجيب عيال ...



اما اذا مني فهي ورايها تبيني حياها الله .. ما تبيني ادورلي عقيم زيي :p


الله لا يقدر بشر وينزل علينا الصحه والعافيه :)

موضوع حلو ومتعود منكِ ^_^

اقتباس:

---

اسئلة الاولاد:

1- لو تزوجت و كانت زوجتك (لاسمح الله) عقيم وش بتكون ردة فعلك و ايش راح تسوي؟؟

- قدر الله ماشاء فعل .. فيه طرق كثيرة للعلاج .. طفل الانابين ^_^ ولو الاسلام اباح 4 زوجات لكني مو من النوع الي احب اهدم الاسرة مهما كانت الضروف .. الزوجه لها معزة ومقدره عندي ولو هي عاقمة هذا قضاء الله وقدره .. ولا الفتيات العاقمات لايتزوجن !! لكل انسان نصيب .. أخر ما افكر فيه بعد الزواج الطلاق ..

2- لو كانت العلة منك انت وش راح تسوي؟؟
والله رايح اخلي الزوجة بنفسها تقرر .. تبغي تعيش معي بالحياة الزوجية مع التبني او عدمه .. او طلاقها .. لاني من المستحيل اقيدها

---

وشكرا على الموضوع ولو حصلت وقت اكثر انشاء الله اشارك بفاعلية اكبر بهالموضوع الرائع والمناقشة المثيرة ;)

اقتباس:

---

و بعدين افرضوا ان الله رزقهم ببنت بعد ما جابوا ذا البزر و ربوه لعدد من السنين

---

easy at all

اقتباس:

---

اما بالنسبه لي ..شايل فكره الزواج نهائيا من بالي

---

http://www.montada.com/images/icons/icon14.gif

اقتباس:

---

easy at all

---

ممكن تفسر:-)

طيب راح يكون هذا اخر رد لي في هذا الموضوع لاني احس لو رديت بعد كذا راح تكون مشاكل او سوء فهم و خصوصا ان اسلوبي غبي و يوحي بالتحرش....


تخيلوا انكم تمشون في طريق على اليسار وادي سحيق و على اليمين ارض تمتد حتى الافق و خيروكم بالمشي اما على اليسار او على اليمين ايهم بتختارون؟؟

اليمين: هو التعدد
اليسار: هو فكرتكم

:-)
سلام
ارجو ان محد يزعل

اولا ..
التبني اللي تتكلم عنه دير ديفل اظنك تقصد تبني مثل الكفار ..
يعني تجيب ولد و تنسبه لك ..
هالشي حرام ..
و ما يجوز ..
تقدر تتبنى ولد بانك تصرف عليه حتى يكبر ..
لكن ما ينسب لك ..
و زوجتك تتغطى عنه ..

نرجع للاسئلة ..
لو كانت هي العقيم ..
اساسا انا بصراحة لو بتزوج ..
ما بفكر اني اجيب اولاد الا بعد 5 سنين على الاقل ..
و مو عشاني ابغاهم ..
لا عشان زوجتي لو كانت حابة ..
لاني افضل ان زوجتي تدلعني و ما تنشغل بغيري ":" ..

اما لو كانت مني ..
فاصلا هالشي كلام العصر القديم ..
ايام ما كان فيه تحاليل و فحوصات ..
لاني حاط في بالي اني ما راح اتزوج الا بعد ما اسوي هالفحوصات بالنسبة لي و للي بتزوجها ..
عشان هالموضوع و عشان الامراض الله يفكنا منها ..
لاني راح اتحمل ذنب اولادي لو طلعوا مرضى بامراض وراثية كان ممكن اتجنبها لو سويت هالفحص ..
لذا لو اكتشفت هالشي بكل بساطة ما راح اتزوج ..
الا لو لقيت امراة تعاني نفس مشكلتي ..

اقتباس:

---

الرسالة الأصلية كتبت بواسطة Dare_Devil


يمكن اقعد سنه او سنتين بدون طفل بعدين افكر اتبنى.. يعني ما ازود على زوجتي هموم و اعقد الموضوع :)

..

---

أنا سامع انه التبني حرام :أفكر:

========

أما أسئلتج فأنه إذا كان العيب منها فيمكن أصبر كم سنة وبعدين أتزوج عليها

وإذا كان العيب مني لاقدر الله ...فالله كريم

اسئلة البنات:

1-لو كنتي عقيم وش راح تسوين (خاصة انه فيه احتمال 99% ان زوجك راح يتزوج عليك) هل بترضين بضرة؟؟ ولا ايش راح يكون قرارك؟

الانفصال بدون اي كلام,,,,:p



2- لو كان زوجك هو العقيم وش راح تسوين؟؟


اذا كنت احبه ما يهمني,,,,,

ولو كنت انانية ,,,,بتركه من اول ما اشك بالسالفة,,,,:6


سانكس,,,,:6

اقتباس:

---

الرسالة الأصلية كتبت بواسطة عماد 18
اولا ..
التبني اللي تتكلم عنه دير ديفل اظنك تقصد تبني مثل الكفار ..
يعني تجيب ولد و تنسبه لك ..
هالشي حرام ..
و ما يجوز ..
تقدر تتبنى ولد بانك تصرف عليه حتى يكبر ..
لكن ما ينسب لك ..
و زوجتك تتغطى عنه ..

---

توني أنتبه لردك :).....مثل ماقال عماد

والتبني يخلط في الأنسال...وأفرظ أنه بعد فترة راح تجيب الزوجة بنت ..راح يكون الولد غريب عليها :أفكر:

أما أنك تكفل يتيم فهاذا شي ثاني


مشكوووريشن فلير على الموضوع

1-لو كنتي عقيم وش راح تسوين (خاصة انه فيه احتمال 99% ان زوجك راح يتزوج عليك) هل بترضين بضرة؟؟ ولا ايش راح يكون قرارك؟؟

بقوله عن الصراحه ... وبشوف رده فعله... من رده فعله بعرف فعلا هو يبيني عشان انا ولا عشان اجيب له عيال...

وبقوله هاه وش بتسوي الحين ويش قرارك... بس انا عارفه انه اذا كان يحبني موب قايل بتزوج عليك... وانشالله بيساعدني بتخطي هالشي ...

واذا موب مقتنع... "واذا فقط" يتركني تهيء.. لاني انا طماعه ولا ابي احد يشاركني حياتي..بث:#

2- لو كان زوجك هو العقيم وش راح تسوين؟؟

اكيد بوقف جنبه.. صدق انا احب البزراين وامنيتي اجيب عيال واربيهم احسن تربيه...بس انا احب زوجي اكثر منهم... واقدر اتخلى عن امنيتي عشانه... يحاول يعالج واذا ما قدر عادي اصبر واستحمل... اصلا هو المهم وهم بالمركز الثاني ...

باختصار باظل متمسكه فيه ..وبث:#





انتي وشلون قريتي افكاري بسم الله(&)

اقتباس:

---

1- لو تزوجت و كانت زوجتك (لاسمح الله) عقيم وش بتكون ردة فعلك و ايش راح تسوي؟؟

---

بصراحة مدري .... ما بتصور حياتي من دون عيال ...

اقتباس:

---

- لو كانت العلة منك انت وش راح تسوي؟؟

---

خخخخخخ قده الفاس ضرب بالراس :p

عموما شي از حرة ... تبقى او تروح ...

لو كنتي عقيم وش راح تسوين (خاصة انه فيه احتمال 99% ان زوجك راح يتزوج عليك) هل بترضين بضرة؟؟ ولا ايش راح يكون قرارك؟؟

لو كنت عقيم .. راح اظل مع زوجي وإذا كان يحبني مستحيل راح يتزوج علي :) ..

اقتباس:

---

اذا كان يبي يتزوج علي عشان يبي عيال مثلا فراح ارضى بهالشي
لان اهم ما علي سعادته..و ماله ذنب باللي ابتليت فيه
اذا كان يبي عيال..بس ماراح اطلب الطلاق الا اذا كان هو يبي يطلق

---

رأيي من رأي إندومي ..



لو كان زوجك هو العقيم وش راح تسوين؟؟




صحيح انا احب الأطفال بس ماراح افضل انجاب الأطفال عليه :) ..
وراح اظل معه في السراء والضراء:#
وجوده يغني عن الأطفال^^







شكرا فلير على الموضوع الحلو :) ..

















ياللهslaaaaaaaaaaaaaaaaaam

اقتباس:

---

الرسالة الأصلية كتبت بواسطة ez2dj


أنا سامع انه التبني حرام :أفكر:

========

---

هــات دليل..!!

اقتباس:

---

الرسالة الأصلية كتبت بواسطة Dare_Devil


هــات دليل..!!

---

دينك ضعيف ?:

اتصل في المغرب و راح أفهمك

( ترى الولد طالبني اليوم بالأنمي جيبه سوحقن لك ) و على فكرة سماعة الاصوات جاتني :6

تبغاها ....

اقتباس:

---

الرسالة الأصلية كتبت بواسطة Dare_Devil


هــات دليل..!!

---

لمن تزوج الرسول صلى الله عليه وسلم زينب بنت جحش بعد طلاقها من ابنه المتبنى بعدين الله ابطل مبدأ التبني وبين الفرق بين الابن المتبني والابن الصلب :)

اقتباس:

---

الرسالة الأصلية كتبت بواسطة Dare_Devil


هــات دليل..!!

---

قال صلى الله عليه وسلم : ( من ادعى إلى غير أبيه أو انتمى إلى غير مواليه فعليه لعنة الله المتتابعة ) رواه أبو داود


وقال تعالى: ( وما جعل أدعياءكم أبناءكم ، ذلكم قولكم بأفواهكم والله يقول الحق وهو يهدي السبيل)



خذ هذا دليلين بعد على تحريم التبني (&)






















ياللهslaaaaaaaaaaaaaaaaam

ههههههههههه صار موضوع فتاوي :6

اقتباس:

---

الرسالة الأصلية كتبت بواسطة king_kubaj



يؤ يؤ يؤ


فيه واحد شكله مادرس ماده

الفقه بحياته :p :واو: :واو:

---

ههههههههه:p

اقتباس:

---

الرسالة الأصلية كتبت بواسطة RPG_master



ههههههههه:p

---

what's so funny guys(&)

اقتباس:

---

الرسالة الأصلية كتبت بواسطة Arsene Lupin


what's so funny guys(&)

---

مالك دخلhttp://www.montada.com/images/icons/icon4.gif

اقتباس:

---

الرسالة الأصلية كتبت بواسطة Arsene Lupin


what's so funny guys(&)

---

وانت وراك ما رديت عالموضوع بعلم اختي(&)...

اقتباس:

---

الرسالة الأصلية كتبت بواسطة Lena


وانت وراك ما رديت عالموضوع بعلم اختي(&)...

---

ايه علميه يبطل خشات العرض ويرد مثل العالمhttp://www.webpost.net/sp/spikeyman/dog.gif http://www.montada.com/images/icons/icon13.gif

اقتباس:

---

الرسالة الأصلية كتبت بواسطة king_kubaj



يؤ يؤ يؤ


فيه واحد شكله مادرس ماده

الفقه بحياته :p :واو: :واو:

---

احم احم... انا ما قصدت انها مو حرام... انا كنت ابغى دليل وبس.. :o

ومشكوره يا برنسس و ملاك على الادله.. :)

طيب اسف :# :6



اسئلة الاولاد:

1- لو تزوجت و كانت زوجتك (لاسمح الله) عقيم وش بتكون ردة فعلك و ايش راح تسوي؟؟

أكيد ابتضايق و ازعل... بس ابحاول القى علاج... أما اني اتزوج ثانيه فما ظنيت... هالشي اصلا شايله من مخي...

يعني أجلس معها باقي عمري بدون عيال.. اهون علي من غثى الزوجه الثانيه...





2- لو كانت العلة منك انت وش راح تسوي؟؟

ابخلي الامر في يدها :":

1-لو كنتي عقيم وش راح تسوين (خاصة انه فيه احتمال 99% ان زوجك راح يتزوج عليك) هل بترضين بضرة؟؟ ولا ايش راح يكون قرارك؟؟
الله لايقوله ....لكن لو صار لاسمح الله ..هذا نصيب ومقدر..ولايهم لو تزوج علي لانه من حقه ..يكفي انه يعطيني حقوقي كامله ويعاملني بما يرضي الله ..الضره ماتهم ابد ..لاني مثل ماقلت من الاول من حقه يتزوج وحده و3 بعد ..يعني برضى بنصيبي وبستمر معه كانه مافي شئ :)

2- لو كان زوجك هو العقيم وش راح تسوين؟؟
باذن الله بكافح معه ..صحيح انه راح انحرم من الابناء ..لكن يكفي انه يحبني واحبه وهذا اهم شئ..وربي يعوض علينا انشاءالله في الاخره :)

لذلك اللي يجي من الله حياه الله :)

مشكوره فلير على الاسئله الحلوه..واسفه لاني رديت متاخر كالعاده :": :":

اقول لك حوبه عندي سؤال..صورة Rena في توقيعك حلوه من وين جبتيها بالله :# :#

القعقاع...


الصراحة انا اختار الوادي السحيق بس انت بسؤالك ذا حددت السؤال لجنس الرجال لان مافي تعدد للنساء...

بس زي ماقلت انا لو كان الزوج هو اللي فيه العقم فما راح اتخلى عنه عشان بزران...

اهم شيء القلب و الباقي يجي بعدين...

يعني تخيل وحدة تركت زوجها اللي تحبه عشانه مايجيب عيال و تزوجت واحد ثاني يقلب حياتها نكد...

و بعدين راح تكون فيه مشكلة المقارنة بين الازواج ( ايه هذاك كان يسوي لي كذا ليش هذا مايسوي لي نفس الشيء)...

احس بيصير نفس الشيء للرجال يعني بيقعد يقارن بين زوجاته...

و شرط ان الواحد يعدد بين زوجاته هو العدل وما اظن ان فيه احد بيقدر يعدل بين ثنتين خاصة بهالزمن...

عموما مشكور على المشاركة:)...

لوسي...


اهلين...

الصراحة مدري وشلون تفكيرك:": ...

وشو وشلون صابرة... اذا كانت تحبه مايهمها العيال و بعدين هذاكي تقولين تبنوا ولديعني انحلت المشكلة:) ...

العيال يتعوضون بس الزوج الحبوب و الطيب و اللي القلب يحبه ما يتعوض...

لو انا مكانها كان سويت نفس الشيء:#


يعني انتي تقولين لو كان زوجك عقيم راح تتركينه؟؟؟

طيب ليه اذا كنت انتي العقيم ماتبينه يتزوج عليك.؟؟:6


خوباج...

هلا ...

فكرة الفحص ذي ماتعجبني ابد...

يعني الوحد يتقدم لوحدة يبي يخطبها... و تقعد البنت المسكينه تتأمل او حتى الولد يتأمل و بعدين يطلع واحد منهم عقيم...

حرام يعني احس مثلا اثنين يحبون بعض و اكتشفوا ان واحد منهم عقيم قبل الزواج ... يعني راح يتحلون عن بعض بكل بساطة!!... عشان شيء مقدره ربي؟؟... احس حرام... [ مدري ليش احس ان كلامي ماراح يعجبك:6]

و عن سالفة انك شايل فكرة الزواج من بالك...

ما اظن بما انك الولد البكر... يعني ما اظن تبي تحرم امك من فرحتها:) ...


و مشكور على المشاركة...


العمدا...

اقتباس:

---

من مشاركة تيفا

العمدا
humphh
typical saudi thinking

---

كنت اقول زيها بس الحين شفت من ذا الموضوع ان فيه سعوديين ما يفكرون بهالطريقة...

but then again...

الموضوع حرية شخصية كل واحد و ضميره:p ...


مشكور على المشاركة...

قايا...

اهلين حوبة...

اقتباس:

---

اممم ما اعتقد انه سبب يحوج اني اتركه.. بالذات اذا كان انسان طيب و الحياة معاه كويسة.. أحسن من انه واحد يخلّف بس تعامله سيء.. الخ.. فاهماني؟ so if i like him, it's ok

---

ايه ايه فاهمتك:#

اظن اغلب البنات كذا تفكيرهم:) ... صدق اهم شيء الزوج...

وصح عليك بعد يقهر انه يتزوج عليك... تحسين قهررررررررررر:" ...

بس نفس الشء هنا اذا كان الرجال ماقدر استغني عنه:# اظني برضى بالامر الواقع... بس مدري ليه انا اكره سالفة تعدد الزوجات مرة متعقدة منها:(


مشكورة حوبة على المشاركة^___^


اندومي...


ياحوبي لس:#

اقتباس:

---

مافيه وقت ترسلك كانت مشغوله بالرسالتين اللي ارسلتهم لي تهأ
يعني انزلعي انتي 26 ساعه بالتلفون معها
طماعه تبي تقش كل شي لها خلي شوي لي(&)
وذع

---

ودي اكلمس بعد بس متى:# ... لا تستغربين اذا قريب لقيتيني داقة على بيتكم ... ابس اثولف معس:#


وعن ردودك ...

تهيء و الله انك صادقة بالاول it all depends...

و الثاني اجل نفس الجواب ياحوبي لنا نفس التفكير:6 ...


احوبس يابنت مشكورة على المشاركة (L)



انجولة...


هلا فيك...

قوية:" ... وشلون تتحملين ان فيه احد يشاركك بزوجك احس عذاب :#
يعني لما يوسي لك شيء يكون يسوي نفس الشيء لزوجته الثانية...

ماراح تكونين something special... ماراج يكون لك لحالك:# ...


كلير...

من زمان عنك:) ...

ما اظن فيه احد بيستمر اذا عرف ان الطرف الثاني عقيم قبل الزواج... الفحص ذا اخسة نقمة مو نعمة... اكرهه:o ...

مشكوره كلير...

شوشان...

اقتباس:

---

انا اولاً ما اؤيد الفحص قبل الزواج..احس الحركه مالها داعي..

---

انت كوذاhttp://montada.com/games4arab/images/icons/icon14.gif ...


يااااااااااااااي شوشة صراحة ردودك تونس:" ... انا الصارحة حاطة ذا الموضوع و متوقعة كل ردود العيال تكون من نوعية ( بعرس عليها) بس الحمد لله خاب ظني...





سنو ريفر...


عادي ماحصل الا الخير:) ...



سوسو...


hiiii :0)
i missed u too:#

about ur post...

ummm i know its his choice but as u said

اقتباس:

---

when i married him, i did that because i wanted him
cause i loved /liked him

---

so i cant give him up so easilly right??

i know its hard that ur husbend marries another woman and whats hurts more...
is that she is gonna be his babies mother so i think he would like her more...
but yet its hard to give up on the person u love...
u know i'm so cnfused really i am still unsure of my dissicon


thanx sweetie for posting:)



تيفا...


هلا و غلا:) ...

اظن اغلب البنات نفس التفكير:6 ... ياحوبي لنا اهم شيء عندنا المشاعر...

اقتباس:

---

امرنا لله

---

قصدك انك راح تقعدين معه صوح?: ؟؟ ولا قصدك ببتركينه؟؟لا تقولين الثاني بللللليز...


مشكورة حوبة على المشاركة...


مؤيد...

اتمنى اللي ردوا ردود زينه ماتتغير ارائهم:6 ...

اقتباس:

---

الله لا يقدر بشر وينزل علينا الصحه والعافيه

---

اااااامين :) ...

مشكور على المشاركة...

قاهر...

اقتباس:

---

قدر الله ماشاء فعل .. فيه طرق كثيرة للعلاج ..

---

يعجبوني الناس اللي يدورون عن حلول حلوة مو يروحون على طول يتزوجون وحدة ثانية:" لا و القهر لمنا يتزوج وحدة ثانية تحمل الاولى انواع القهر:"


مشكور قاهر هلى المشاركة...


دير ديفل...

وشوله تحط الثمب اب لخوباج?: ؟؟...

حرام عليك خل الرجل يتزوج... لا تشجعه على العزوبية:6


انشاء الله يلقى بنت الحلال اللي يحبها و تحبة و live happily ever after <=== بيقوم علي خوباج:6


عماد...

خل ننسى سالفة التبني الحين...

احللللللللللللللللللللى (تدلعني و ماتنشغل بغيري) حرقتات:6 ...
ايه صجق انقهر من اللي يجيبون عيال من اول سنة زواج?: وشوله العجلة:6 ...


وعن سالفة التحاليل و الفحوصات فأنا اؤيد القول

اقتباس:

---

انا اولاً ما اؤيد الفحص قبل الزواج..احس الحركه مالها داعي..

---

مشكور عمادون على المشاركة:) ...

المعادلة الكيمائية...

امممم مدري وش اقول الصراحة بس مو انت راح تنجرح لو كانت العلة منك و هي تركتك...

هي نفس الشيء تنجرح اذا تزوجت عليها... احس ظولم الطلاق ارحم لها من انها تكون الزوجة اللي ماتجيب عيال...

مشكور على المشاركة...


ورد...

طيب انت من الصنف الاول و لا الثاني من ردك:p ...

مشكورة على المشاركة...


ملاك


شكرااا حوبة على المشاركة:) ...


ارسين

غثى:p احلى كلمة اتقالت:6 يعيش ارسين يعيش:D
ومرة ثانية لا تعودها و تسوي الحركة اللي فوق:6

سالفة الفحوصات ..
خذيها بهالمنظور ..
ايهم افضل ..
انك تجيبين ولد مريض بمرض وراثي ما له علاج ..
عشان حضرة الاب و الام يقولون الفحص ما له داعي ..
و الا انك توفرين على نفسك و لاولادك لا قدر الله العذاب النفسي ؟؟
من نظري ..
اعتقد ان الناحية الدينية تايد الفحوصات بشكل كبير ..
و لاحظي ان مرض تكسر الدم مرض وراثي ..
و منتشر بشكل كبير في السعودية بسبب سالفة زواج الاقارب ..
لان هالزواج يزيد من احتمال الاصابة بالامراض الوراثية ..
هالمرض ما له علاج ..
و يؤدي للموت ..

اقتباس:

---

الرسالة الأصلية كتبت بواسطة عماد 18
سالفة الفحوصات ..
خذيها بهالمنظور ..
ايهم افضل ..
انك تجيبين ولد مريض بمرض وراثي ما له علاج ..
عشان حضرة الاب و الام يقولون الفحص ما له داعي ..
و الا انك توفرين على نفسك و لاولادك لا قدر الله العذاب النفسي ؟؟
من نظري ..
اعتقد ان الناحية الدينية تايد الفحوصات بشكل كبير ..
و لاحظي ان مرض تكسر الدم مرض وراثي ..
و منتشر بشكل كبير في السعودية بسبب سالفة زواج الاقارب ..
لان هالزواج يزيد من احتمال الاصابة بالامراض الوراثية ..
هالمرض ما له علاج ..
و يؤدي للموت ..

---

بسم الله علينا:o



مدري الصراحة بس انا الفكرة مو عاجبتني احسها تخرب المشاعر:6

بصراحه الفحص مهم جدا ..

يعني فعلا معاناه انك تجيب ولد معوق ولا فيه اي مرض وراثي .. بتكره الساعه اللي فكرت تتزوج فيها ,,

بلا حب بلا كلام فاضي ..

اقتباس:

---

الرسالة الأصلية كتبت بواسطة HArb200
بصراحه الفحص مهم جدا ..

يعني فعلا معاناه انك تجيب ولد معوق ولا فيه اي مرض وراثي .. بتكره الساعه اللي فكرت تتزوج فيها ,,

بلا حب بلا كلام فاضي ..

---

ماحد جاب طاري الحب:o

فعلا بسم الله علينا ..
لكن ..
انا اتكلم بصوت العقل ..
انت تتكلمين بصوت العاطفة ..
و اظن واضح من الي راح يرجح على الثاني :) ..

اقتباس:

---

حرام يعني احس مثلا اثنين >>>>>>>يحبون<<<<<<<< بعض و اكتشفوا ان واحد منهم عقيم قبل الزواج

---

":" ..

وبعدين انتي مثل ماقلتي .. اهم شي العاطفه .. وهذا شي غير جيد ,,


هم اذا تزوجوا لكن عندهم مرض وراثي .. بس الغوا فكرة الانجاب .. عندها نخش للنقطه الثانيه وهي المشاعر والعاطفه ,,


بس كأساس .. المفروض ماتنجب اذا لاقدر الله فيك مرض وراثي ,,

شباب سالفة الفحص اظنها برا الموضوع



لأني على حسب ما فهمت ان اكتشاف العقم صار بعد الزواج...



يعني سواء ما فحصوا و اكتشفوا العقم بعدين... او ما كان فيه عقم الا بعد الزواج... كلها واحد...




اما انهم فحصوا قبل و اكتشفوا العقم... ما اظن فيها ذيك المصيبه...

اقتباس:

---

الرسالة الأصلية كتبت بواسطة flarestar

كلير...

من زمان عنك:) ...

ما اظن فيه احد بيستمر اذا عرف ان الطرف الثاني عقيم قبل الزواج... الفحص ذا اخسة نقمة مو نعمة... اكرهه:o ...

مشكوره كلير... [/B]

---

إشلونج ؟ إنشاء الله بخير

بالعكس أنا أشوف إذا كان كلا الطرفين متمسكين ببعض راح يستمر الزواج ، المرأة أكثر شي تحكمها العاطفه فأعتقد إذا كانت تفضل الأطفال راح تترك زوجها أو تخليه يعالج المرض و إذا كانت الأمر عادي لها راح تستمر بحياتها مع زوجها ، لكن الخوف من الزوج و شنو نظرته لها لما تكون زوجته عقيم ، و الفحص فعلاً نقمة لكن لابد منه لو إبتعدنا عن سالفة العقم و قلنا عن الأطفال و الأمراض الوراثيه و غيرها يعني الفحص لمصلحة الذرية في النهاية ، و آسفه إذا طولت ، سلاااااااام

اقتباس:

---

الرسالة الأصلية كتبت بواسطة flarestar
انجولة...


هلا فيك...

قوية:" ... وشلون تتحملين ان فيه احد يشاركك بزوجك احس عذاب :#
يعني لما يوسي لك شيء يكون يسوي نفس الشيء لزوجته الثانية...

ماراح تكونين something special... ماراج يكون لك لحالك:# ...
[/B]

---

يعني شو احسن .. اقوله ان ما يتزوج غيري .. واخليه يكرهني بسبب انانيتي ؟

ولا اخليه يتزوج ويتمتع بالنعمة اللي انا حرمته منها ؟

طبعا الخيار الاول افضل ..

وبالنسبة للفحص .. فانا من اكثر الناس الموافقين عليه ...

وهني تقريبا الزامي عندنا في الامارات ..

وللي يعارضون ..

يعني اش ذنب هالاطفال اللي بيطلعون بامراض وراثية ما تتعالج ؟

اقتباس:

---

الرسالة الأصلية كتبت بواسطة Angel whisper

يعني شو احسن .. اقوله ان ما يتزوج غيري .. واخليه يكرهني بسبب انانيتي ؟

ولا اخليه يتزوج ويتمتع بالنعمة اللي انا حرمته منها ؟

طبعا الخيار الاول افضل ..

وبالنسبة للفحص .. فانا من اكثر الناس الموافقين عليه ...

وهني تقريبا الزامي عندنا في الامارات ..

وللي يعارضون ..

يعني اش ذنب هالاطفال اللي بيطلعون بامراض وراثية ما تتعالج ؟

---

انا مع اينجل ,,كلامها صح 100% ,كوني الزوجه الاولى بكون من الاول سبيشل...مو يقولون الحب للحبيب الاول :6

خلاص يكفي ذا..وبعدين يكفي انه يعدل :)
مسألة الفحص اكيد مهمه لكلا الطرفين ..ونتيجتها عاد بيد اللي بيرتبطون ..بغوا كان بها ما بغوا ..الله يسهل عليهم ..

اقتباس:

---

الرسالة الأصلية كتبت بواسطة Arsene Lupin
شباب سالفة الفحص اظنها برا الموضوع



لأني على حسب ما فهمت ان اكتشاف العقم صار بعد الزواج...



يعني سواء ما فحصوا و اكتشفوا العقم بعدين... او ما كان فيه عقم الا بعد الزواج... كلها واحد...




اما انهم فحصوا قبل و اكتشفوا العقم... ما اظن فيها ذيك المصيبه...

---

سالفة الفحص هي صلب الموضوع ..
لان هالشي ما راح يصير لو الواحد سوا فحص ..
يعني مو معقولة الواحد ينام في بيتهم ..
و بكرة يصحى يلقى نفسه متزوج !!
الفحص لازم يكون من اجراءات الزواج ..
الاهم من شراء الشبكة و تحديد موعد الزفاف و هالاشياء التافهة ..

اقتباس:

---

الرسالة الأصلية كتبت بواسطة عماد 18


سالفة الفحص هي صلب الموضوع ..
لان هالشي ما راح يصير لو الواحد سوا فحص ..
يعني مو معقولة الواحد ينام في بيتهم ..
و بكرة يصحى يلقى نفسه متزوج !!
الفحص لازم يكون من اجراءات الزواج ..
الاهم من شراء الشبكة و تحديد موعد الزفاف و هالاشياء التافهة ..

---

طيب الاسئله ما قالت تفحص ولا لا... الاسئله تقول لو اكتشفت ان زوجتك او زوجك عقيم... وش تسوي



الفحص هذا انبثق مع النقاش في الموضوع... وليس صلب الموضوع :6

طيب شلون اكتشفوا ؟؟
مرت عليهم فترة ..
ما جابوا عيال ..
شكوا ..
راحوا فحصوا ..
اكتشفوا ..
يعني الفحص لو كان بالاول كان وفر هالتعب ..
شفت انه صلب الموضوع ":" ..

اقتباس:

---

الرسالة الأصلية كتبت بواسطة flarestar


ورد...

طيب انت من الصنف الاول و لا الثاني من ردك:p ...

مشكورة على المشاركة...

---

كيف يعني من اي صنف ....!?:

اقتباس:

---

يعني الفحص لو كان بالاول كان وفر هالتعب ..
شفت انه صلب الموضوع

---

"لو" تفتح باب عمل الشيطان (&)...


باختصار يعتمد الموضوع على عنصر المفاجأة :6... او الصدمه (&)





يعني مثل الاسئله الي تقول لو كنت في جزيره مهجوره الحالك... وش بتاخذ معك...



اقول لهم لو الدوله عمروها بدال ما تكون مهجوره كان ما قعدت الحالي و جاني كل هالغثى؟ (&)(&)(&)


فيصير عمران الدوله للجزيرة هو صلب الموضوع؟ (&)(&)



:6

هالسؤال يتكلم عن واقع ..
سؤال الجزيرة المهجورة خيالي ..
لا تحاول :6 ..

اقتباس:

---

الرسالة الأصلية كتبت بواسطة عماد 18
هالسؤال يتكلم عن واقع ..
سؤال الجزيرة المهجورة خيالي ..
لا تحاول :6 ..

---

اقتباس:

---

باختصار يعتمد الموضوع على عنصر المفاجأة ... او الصدمه (&)

---

(&)...



يعني لو من البدايه فحصوا... خلاص ما صارت مشاكل...

بس الموضوع يحطك في الورطه عشان نشوف كيف تتصرف :cool: :6

زين ما دام الموضوع خيالي ..
بقول ..
اني انتحر انا وزوجتي لانه مستحيل نرضى اننا نفترق :" ..
لكن السؤال واقعي ..
و يتطلب اجابة واقعية ..

اقتباس:

---

الرسالة الأصلية كتبت بواسطة عماد 18
زين ما دام الموضوع خيالي ..
بقول ..
اني انتحر انا وزوجتي لانه مستحيل نرضى اننا نفترق :" ..
لكن السؤال واقعي ..
و يتطلب اجابة واقعية ..

---

يا حبك للفلسفهhttp://www.webpost.net/sp/spikeyman/dog.gif

نقاااش ?:

اقتباس:

---

الرسالة الأصلية كتبت بواسطة RPG_master


يا حبك للفلسفهhttp://www.webpost.net/sp/spikeyman/dog.gif

---

يا حبك للقافة http://www.webpost.net/sp/spikeyman/dog.gif ..

أحب اللقافه أيه بس تظل انت تعشق الفلسفه على غير سنعhttp://www.webpost.net/sp/spikeyman/dog.gif

ومازال النقاش قائم....:6

يا تورى من سيكسب..


داشة عرض....:6

عليك توقيع ياعماد .. ?:

صح كلام ارسين;)

فلير سؤالها لو صار الي صار وبعدين اكتشفتم

وبعيدن مدري للحين مو مؤمنه بسالفه الفحص الا اذا طلعت مني انا بنفسي...


مو هو يقول لي روحي اكشفي:":

ابحس بشي موب زين مدري كيف اصفه...

الرسول صلى الله عليه و سلم نهى عن اللقافة ما نهى عن الفلسفة ":" ..
بعدين انا ماخذ الدعوة تسلية ما ادري ليه تصدقون اني جاد http://www.webpost.net/sp/spikeyman/dog.gif ..