الهلال خارج المربع .. ؟؟ (تقريبا)

..

احم احم احححم السلام عليكم ورحمة الله وبركاته


من الحين اللي بيجلس يتهاوش يتوكل على الله ..... :)


=======



الهلال امله في دخول المربع ضعيف ..


... تخيلو المربع بدون الهلال ... كاس العالم من دون البرازيل ...


.. شي محزن .. لكن الهلال .. ما بذل جهد كافي للتأهل ...


صحيح انه جاب كاس ولي العهد ... لكن برضو .. صعب صعب صعب صعب علينا كجمهور متعود على البطولات ما ندخل المربع ....

لكن الشكوى لله ... الهلال ما كان في الفورمه هالموسم .. باستثناء كم مباراة ... لكن ...



الهلال فاز على جميع اطراف المربع ...

من المتصدر الاتحاد مرورا بالرائع الاهلي عابراً المدهش القادسيه .. واخيرا .. فاز على النصر في مباراته الاخيره ...





* امل الهلال ضعيف ... لكن مو مستحيل ... قدامه مباراة مع الفريق الاتحادي القوي ..

النصر لو فاز على الرائد ينهي امال الهلال ...



انشالله يتحقق هالشي الصعب .. ;) واذا ما تحقق .. البركه في الاربعه اللي تأهلو ..

النصر لازم له من الفوز على الرائد وبتأهل دايركت ..

لكن الهلال يتوجب عليه انه يفوز على الاتحاد شرط خساره النصر او تعادله مع الرائد .. صعبه والله صعبه ,،

عموماً مثل ما قلت اذا ما تأهل الهلال بالتوفيق للمتأهلين ..

وانشالله يكون هذا درس ..

ويبطلون الاستهتار في النقاط ..

اجل الهلال زعيم التعادلات !

ومشكور اخوي :) ،،

ش فيكم ياششباب مو واثقين بفريقكم
هلالين علي ايش
المفروض تكوننون هلالين حتا لالموت من جد
انا اقول
مش بس بيتئهل الهلال واقول الكاس هلالي
واللي فيه خير بتحدي
اصلا عبدالرحمن بن سعود كان خايف من الخساره امس
وهو قال نبيس التعادل وماقدرو يبوي هذا الزعيم مااخذها عبث

ستاكهاوس هدي شوي :( :(

ياخوي بدايه الموضوع وش كاتبين

ياخي احترم صاحب الموضوع على الاقل ;)

عادي اذا طلع الهلال من المربع .... وقبل كم موسم طلع الهلال من المربع يعني شيء عادي


لكن الشيء اللي يضحك هو انك تقول ان عدم تاهل الهلال زي عدم تاهل البرازيل .. ياخي حرام عليك اللحين الهلال زي البرازيل

فرق .. فرق والله العظيم فرق لاعبين البرازيل بملايين الدولارات ولاعبين الهلال بملاليم الريالات


__________________



بالله هذا كلام ينقال؟ ... بعدين ياخي العزيز انا وش قايل في بداية الموضوع؟؟؟؟ تبي تتهاوش رح دور لك مكان ثاني عندك شي هادف و كويس قول اما بتجلس تخرب المواضيع توكل على الله يالحبيب ...

نيفيا اجل؟؟ ... والله الاناء بما فيه ينضح ..




_______________________________________


نرجع للموضوع ..


العمدا ... من جد يا شيخ ... تكفيك مباراة الهلال والرائد في القصيم :(




ماسك ... والله مو فقدان امل في الهلال ولا شي ... لكن الواقع يفرض نفسه .. الهلال فرصته صعبه ...




الصقر الاهلاوي ... خماسي ولا قريندايزر ؟




دينلسون ... هد الوضع وانا اخوك



المرجوج (ياخي غير اسمك ولا شف لك صرفه :cool: ) .. ياخي لا تحكم عليه كذا .. ان بعض الظن اثم :أفكر:




الهلالي الحلو ... لا حياة لمن تنادي ... مو هذي اول ولا ثاني ولا ثالث ولا رابع مره .. الله يهديه

ستاكهاوس ... اقصر الشر و لا تنسى انك انت اللي تلفظت بكلام ما ينقال ..

الإتحاد راح يدخل المباراه بكل قوته في سبيل عدم تأهل الهلال...هذي وجهت نظري الشخصيه...

والنصر نفس الكلام عشان يدخل للمربع ...

تحياتي للجميع ,,

شباب هدو اللعب شوية

مشكور على الموضوع ماكافيلي

وان شاء الله تتم المعجزة :)

وعلى العموم

الكورة فوز وخسارة

مرة لك ومرة عليك

مو كل مرة تسلم الجره

من زرع حصد

والهلال فوق البلكونه وغيره ياكل مكرونه


والسلام عليكم ورحمة الله وبركاته :)

اقتباس:

---

والهلال فوق البلكونه وغيره ياكل مكرونه

---

ههههههههههههههههههههههههههههه
الله يرججججك بس :D :D :D

ببساطه شديده اي عضو لقا رده محذوف ..

يحط في باله ان هذا اخر انذار له ..

سكتنا بما فيه الكفايه ..

اقتباس:

---

الرسالة الأصلية كتبت بواسطة العمدا
ببساطه شديده اي عضو لقا رده محذوف ..

يحط في باله ان هذا اخر انذار له ..

سكتنا بما فيه الكفايه ..

---

ياخي انا اشتكيت لخوباج

العطه جت الدوريه ;)

امل الهلال في التهال 0%

لانه النصر راح يلعب ضد الفرع الثاني للنصر

اقتباس:

---

الرسالة الأصلية كتبت بواسطة Rivaldooo 11
لانه النصر راح يلعب ضد الفرع الثاني للنصر

---

ردك غير مفهوم ..

ياليت توضحه لنا ..

معليش يااخوانا الهلاليين توكم ماخذين كاس وكؤوسكم ماتنعد :D الله يسلم التسديس:D عجبتني روحكم الرياضيه يوم قلتو نتمنى التوفيق للي بيتأهلون ولكن ان شد الهلال حيله وحالفه الحض فالمباراه الثانيه كان بها واذا كان شي ثاني هذا حظه حاله كحال الي بعده بالترتيب:D

master_akuma : على الاقل حن ان طلعنا من الموسم هذا بدون ما ندخل المربع الذهبي ...على الاقل اخنا بطولة كاس ولي العهد
وانتم لكم اكثر من 7 سنين ما شميتوا البطولة ههع هع هع

لا ومن مين اخذناها ؟؟
اخذناها من الاتحاد والاهلي والقادسية ...

يعني لو بندخل المربع الذهبي كان اخذنا البطولة لاننا فزنا عليهم من قبل
واذا انتو دخلتوا فمبروك لكم
بس لا تحلمون بالبطولة
ترا الاهلي موجود
والاتحاد موجود
والقادسيه موجوده

يعني ...................بعدين اكمل :0) :0)

بلا على الاقل بلا على الاكثر ومن زود الشلخ خليتوها 7سنوات
كل يزيد على كيفه وين جالسين قبل سنتين بطولتين نطلع من المربع الذهبي واحنا مواجهين الهلال والبطولتين كلهم ضربه جزاء للهلال ولا غير كذا الضربتين الجزاء في الاشواط الاضافيه حلمكم للمربع حلم ابليس للجنه ومسأله وصولكم للمربع الذهبي تساوي بطوله هههه يقولون عذر البليد مسح السبوره:D :D اسف للاخوان الهلاليين الباقين لاني والله اعرف ناس هلاليين بس رجاجيل :) البركه للي يتأهل سواء النصر فريقي او الهلال الي يبذل جهده راح يحصل بس اتمنى سواء بالمربع الذهبي او بالمباريات الي قبله ان التحكيم يكون عادل مع شكري لكم اخواني:)
master_akuma

master_akuma

اقتباس:

---

زود الشلخ خليتوها 7سنوات

---

يا طويل العمر لكم 9 سنين عن بطوله الملك
و 4 سنين عن كاس فيصل
ومدري كم عن ولي العهد

------------------------

اقتباس:

---

وصولكم للمربع الذهبي تساوي بطوله

---

اللهم لك الحمد والله اعلم من الي وصوله يساوي بطولة هع هع هع
انتم خذوا بطولة ثما تعالو تكلموا :0)
------------------------

اقتباس:

---

اسف للاخوان الهلاليين الباقين لاني والله اعرف ناس هلاليين بس رجاجيل

---

يعني قصدك انا منب رجال؟ الله يهديك بس
------------------------------

اقتباس:

---

البركه للي يتأهل سواء النصر فريقي او الهلال الي يبذل جهده راح يحصل

---

ايه كذا ...خل روحك رياضة :0)