حياااااااااااااااااااااة العزوبية ...
http://www.mail2arabia.com/m2w/mail/...bigsmiley5.gif
أنا بطبيعة الحال انسانه ما عندي سالفه ودايم فاظيه ... لذلك دايم تشوفوني أتسكع في حواري الياهو و منتديات و المسنجر و ... و ... و الخ .... أفكر بتفكرات خربوطيه مدري وش تبي ... وفي ليله من الليالي و أنا منجعصه على سريري و منهمكه .... كنت أقول اللــــــه تخيلوا حياتنا حنا يا معشر البنات مثل العيال وش رايكم بمعشر هذي بالله ترى بالطقاق طلعتها ... والله حركه أصير عزوبيه عايشه برا أدرس في أي مكان غير الرياض عندي شقتي ... و عندي الجيران و كل شي
وااااااااااااااااوك أنواع الوناسه و الفلّـــــه ... و في هذه الأثناء نمت ولا دريت بنفسي .... إلا و أنا في شقه وش زينها
من البلكونه تطل على الفيصليه و من الدريشة تطل على الشانزيليزيه و من الشبااك تطل على بحيرة جينيف و من السطح تطل على الهايد بارك ( حشى مهيب شقه ذي ) ؟؟
طلعت برا و ألاقي سيب طويل و على بابي مكتوب
( 24 A )
اخسسسس هذا رقم شقتي والله حركه ... بس إن شا الله بغيره و أخليه مميز مثل لوحة السياره و رقم الجوال ( هذا حدنا حنا ) ... و بعد برهه ( برهه يعني مده .. آآه بس وين سيباويه يشوف اللغه على أصولها ) مر واحد أسمر طويل و عريض المنكبين ( يا شين اللي يقرون روايات عبير ... موب أنا ترى أنا حدي روايات ميكي ) ....؟؟؟؟
هو : ها شمووووووس اليوم عندنا العشا لا تنسيــــن
أنا : هااااااااااه ؟؟؟ أي عشاااااا ؟؟؟
هو : يووووه شموووووس لا تستهبلين انتي عارفه انو اليوم السبت و اليوم جمعة الشـــله الساعه 7
أنا : ايه ايه ايه الشله صح صح صح كنت أستهبل
و دخل في الشقه اللي جمبي ...
( يعني نستنتج ان ذا الحلو المزيون الاطخم عريض المنكبين هو جااااااري العزيز)
المهم رجعت لشقيقتي ... و قامت الاسئله كالعاده تسدح نفســـها ... وش بلبــــس ؟؟؟ ( أكبر عقده عند البنات ) ... مالي إلا إني ألبس زين الحلايا بنطروني الجنز الأحمر و المنقط بالاخضر و قميصي الأصفر ( ماغيره اللي بمقابلة الجزيره ... الحين ينط لي واحد يقول هو نفسه حق اختس ... ايه ايه حق اختي خلاص ارتحتوا يعني لازم الفضايح ) ؟؟؟
جت الساعه ست و نص ... تروشت بالدش و تنظفت ... و فركت شعري ... و زبطت الغره على جمب .... لبست بنطروني و قميصي الأصفر ... يعني صايره في قمة الأناقه و الشياكه أو بمعنى آخر صايره جخخخخخ":"
جيت بطلع بعدين قلت لا لحظــه ( هااه وشو ؟؟) يابنت موب عيب أروح لهم و أنا يدي فاظيه ما معي شي ... يا ربيه وش ذا النشبه ... قمت أدور شي في شقتي آخذه معي ما لقيت يوم قلبت مراتب الكنبه و ألاقي قطعتين بيتزاا و عيش زعتر بالجبن ... عاد لون العيش طالع أخظر مدري هي مخيسه والا عشان الزعتر لونه اخظر ... المهم ما علينا ... لفيتهم في قصدير و حطيتهم في باغه و لفزتهم تحت ابطي و مشيت لجاري المزيون ... جيت و لقيت الدعوه خربانه ... رقص و هيصه مايخالف ما قلنا شي بس وش ذا اللي يقربعونه ؟؟؟؟ ..... خنجرب نشووف ... وععععععععععع بيره ... عاد بيرتهم مهيب زي بيرتنا اللي فيذاااا ... بيرتهم تطير العقل و تصير في عالم آخر
المهم يوم شفت الدعوه خربانه خربانه ... خمر و هبال و بلاوي و هيصه .... يعني كنهم يقولون ياتاج راسي و يا قلبي و يا عيني ماعاش منهو يكدر خاطرك سااااااعه <=========== أدري مالها دخل بس عاجبتني
اعتذرت منهم و قلت لجاري معليش أنا بكره عندي كلاس في الصباح بدري ولازم أروح أنام .... قال لوووول ( تراه من جد قالها ) الله يقطع بليسك يا شمووووس اليوم السبت و بكره الأحد يعني إجازه ... لوووول يا حبك للاستهبال يالشينه .... قلت طيب معليش أنا بستأذن لأن وراي مشوار مهم وهذي حاجه بسيطه جبتها معي لكم
قال مشواااااااار يا شموووس عليـــــــــنا يالشيـــــــنه
يا ربيــــــه وش فيه ذا ماسك كلمة الشينه علي و بعدين وراه كل ما دق عودن حصاة قام يغمز .... عسى مافي عينه شي بعد ؟؟ .. والا موضه يمكن و أنا مدري ؟؟؟
شمس : ايه أنت عارف مشاويري يالشيــــــن
( غمزت كوود إنها تصير موضه و أسايره )
هو : ايه ايه ايه خلااااااااااص فهمت يالشيـــــنه ... روحي و خذي معك ذا الشي المخيس اللي جايبته تراه خيسنـــــا من يوم دخلتي علينا و حنا ساكتين
( عاد مدري وش قصده بفهمت .... بس أشوى الغمزه جابت نتيجه و فكني منه و من شرررره )
و أخيــــــــــــــــرا دخلت شقتي و استنشقت استنشاقا قويا دليلون على حبي و شوقي و لهفتي لشقتي المهم إني ذبيت روحي على كنبتي و قعدت أقلب في ذا القنوااااات .. مااااااش ما عجبني الحال فيذا و لا ارتحت مثل ما كنت مرتاحه في بيتنا .... و خاصة انهم ما عندهم سبيس تووون ( معليش أنا من المتابعات لبرامج سبيس تون منيب كاذبة عليكم )
قمت دقيت على أبوي بالرياض
شمس : ألو أهلين دادااااااااااااي
( شفتوا كيف تأثرت على طووول )
بوي : لا يا أخوي غلطان
شمس : يؤ يباااااااااااااااه ما عرفتني
أبوي : احطططططططبه وجع بلا وجع شموووس ... وش تبين متصله ؟؟؟؟ فلوووووس ما فيــــــه
شمس : كذا يا دادااااااي كذا تكلمني و أنا منذو موبطي ما شفتك و لا كلمتك و لا سمعت حسك
أبوي : من تحاتسين أنتي عندتس أحد ؟؟؟؟
شمس : لا ليــش ؟
أبوي : أجل منهو ذا داداااااااتس ؟؟؟
شمس : هاااه هذا القطو حقي اسمه دادااااااي ... خلاص المهم يا طويل العمر اسمع بقولك شي
ابوي : قولي بسرعه ولا يكثر .... و اذا السالفه فيها فلوووووس ترى مافيه .. فاااااهمه ؟؟؟؟؟؟
شمس: ان شا الله يا طويل العمر ... المهم أنت تدري إني عايشه عيشه تظيق الصدر ... ودي بشوفتكم و الجلسه عندكم على طووول صح والا أنا غلطانه ؟؟؟؟
أبوي : إيه هيّــن
شمس : و تدري إني قاعده أدرس تخصص ما أحبه بس عشانكم انتم تبوني أصير دختوره و أعالجكم أنت و أمي و أوفر عليكم مشاوير العسكري و الشميسي .... و تدري ان البنزين هنا غااااااالي مرررره مع ان ما عندي سياره بس ترى كل ذا الامور الثانويه تأثر على نفسيتي
أبوي : الزبده ؟؟؟؟؟؟
شمس : الزبده إني برجعلكم بككككككره
أبوي : الشرهه مهيب عليك يا البصوه ( هذا إذا جا يدلعني أبوي يقولي يالبصوه ) لا والله مهيب عليــــتس ( طيب لا تحلف ) الشرهه علي أنا اللي مسفرتس أبيتس تبيظين وجهي أنا و أميمتس ... بس أنا الغلطااااااان ... أجل فيه أحد يروح بنته و هي ساقطه في سادس ابتداااائي في التعبيـــــر
شمس : تيــب
طرطططخخخخخخخ قفل دادااااي السماااعه في وجهي
و آآآآآآآآآآآآهن آآآآآآآآآآآآآه ( ترى مهيب حقت كاظم الساهر ) ؟؟؟
قفل أبوي السماعه في وجهي من جهه و أنا فزيت من نومي من جهتن أخرى .. و اكتشفت إن حياتكم يالعزوبيه صعبه مرتن بالحيل ( متأثره بالمسلسلات الأردنيه البدويه ) خاااااااصتن ( ما تعترف بالتنوين أبد و لا عمرها سمعت فيه ) خااااااصتن اللي عايشين بالخارج ... الله يعظم أجركم و بس ... و الله احنا البنات في نعمه ما عرفنا قدرها ... متغربين عن أهاليكم و ربعكم و جماعتكم و خوياتكم ( لا عاد أمزح تلاقونكم مبسوطين مع البيض و الشقر اللي هناك ..." شكلي بتسطر أنا اليوم "... لا أمزح لا للشقر و البيض و نععععععم للسماااار
أمزززززززززح ترى الحين يجي واحد يفتح لي محاضره .... عارفه انكم ما تصدقون على الله أحد يغلط عشان تنشبون بحلدزه ... صاير الزعل هاليومين موووووووضه ) .... المهم الله يكون بعونكم يا عيالنا ياللي في أمريكا و خاصتن في وسط الأحدااااث اللي صايره اليومين هذي و السلام عليكم و رحمة الله و بركاته
:D :D :D
منقوووووووووووووووووول مع شويةبهااااااااااار:6
Re: حياااااااااااااااااااااة العزوبية ...
اقتباس:
الرسالة الأصلية كتبت بواسطة شمس المستقبل
http://www.mail2arabia.com/m2w/mail/...bigsmiley5.gif
اعتذرت منهم و قلت لجاري معليش أنا بكره عندي كلاس في الصباح بدري ولازم أروح أنام .... قال لوووول ( تراه من جد قالها ) الله يقطع بليسك يا شمووووس اليوم السبت و بكره الأحد يعني إجازه ... لوووول يا حبك للاستهبال يالشينه .... قلت طيب معليش أنا بستأذن لأن وراي مشوار مهم وهذي حاجه بسيطه جبتها معي لكم
قال مشواااااااار يا شموووس عليـــــــــنا يالشيـــــــنه
:D :D :D
منقوووووووووووووووووول مع شويةبهااااااااااار:6
كان تقولين له : (افهمها ياخي مابي اجلس عندكم):D :D :D
وبالمناسبه الموضوع روووووووووووووووووووووووووووووعه مشكووووووووووووووووووووره
تحياتي;-)
