يالربع فزعة ارجوكم المساعدة

السلام عليكم ورحمة اللة وبركاتة
يالربع بغيت مساعدتكم
صارلي سنتين من يوم ما اشتريت سوني 2 وانا مب متهني فية
مشكلتي هي اني احد الان العب السوني على قطعة الاس بوكس والجيم مشارك وماادري متى انتهي وافتك من هذة القعطة
يالربع ابغي اركب عة جديدة تشغل كل شئ كوبي -دي في دي افلام....الخ
بس ما اعرف اي قطعة اركب وكل ما بغيت اركب قطعة
اتردد لأن البعض يقلون لي لا تركب لانة مافي قطعة مظمونة لحد الان ممكن تركب قطعة وبعد سنة باالكثير يخترب السوني وبعضهم يقولي القع الموجودة في السوق مب اصلية وتخترب بسرعة وبعضهم يقولون لي ركب وانا مب عارف ويش اسوي
ارجوكم ساعدوني يالربع بللييز
ممكن تخبروني
1- ماهي احسن قطعة موجودة لان في السوق اصلية ومظمونة وماتخرب السوني
2-ممكن تعطوني اسماء القطع واسعارها
ومميزاتها
مع العلم ان السوني 2 الي عندي امريكي
NTSC u/c
SCPH-30001/97000
وشكرا
ارجو الرد بسرعة

يالربع تكفون حد يرد علي طلبتكم

افضل قطعة هي الميسيا / الميشيا..
المرفق فيه مقارنة لبعض القطع..

تسلم ياخوي واتمنى من الجميع التفاعل والرد على جميع اسئلتي
امس اتصلت المحل وقلتلة عندك قطعة قالي نعم يابانية اصلية دايركت ويش قصدة
وهل القطعة تؤثر على السوني2

اقتباس:

---

الرسالة الأصلية كتبت بواسطة theboss
يابانية اصلية دايركت ويش قصدة

---

يقصد انها تشغل جميع الألعاب الكوبي على طول..

اقتباس:

---

وهل القطعة تؤثر على السوني2

---

إذا كنت تلعب كوبي وبكثرة ..نعم..
تأثر على العدسة..

ازين شنو احسن قطعة تنصحوني اركبها على السوني مالي

هلا أخوي

كانت عندي نفس المشكلة ، بس أنا ركبت قطعة ما أعرف شنو اسمها و بعد 3 أشهر اخترب السوني...


بعتها و اشتريت سوني جديدة ... أفضل...

تكفى ياخوي شوفلي شنو القطعة الي تناسب السوني مالي لاني بكرة رايح اشتري وما عندي امكانية اشتري سوني ثاني تكفى رد علي بسرعة:(

pleazzzzz help me:": :( :( :" :"

بيعه في الحراج واشتر ليك اوروبي:D :D


الصراحة ال عندي اوروبي

رقمه مقارب للعندك SCPH-3000 الظاهر جذي

ركبت عليه الميشيا 1 من شهر 7 /2002 يعني بيكمل له سنه اشغل

عليه دايركت (يعني بدون اس بوكس ولا جيم شارك)

CDو DVD وللحين اوكي

انصحك بالميشيا 2 بس المشكلة اوربية

بس لا تشغل CD وايد تأثر على العدسة وتبدلها مرة ثانية

العب كوبي DVD لو اصلي

واذا كنت بحريني روح القمر للالكترونيات في سند

أو المدهش في جد على

وأصالة بعد في جد على عااد داخل مجمع صغير


انشاء الله اكون افدتك وتكون بحريني;-)

اولا انا من قطر
المهم امس رحت المحل وقالي بيركب لي قطعة اسمها بلو شيب blue ship
قال انها جديدة ويش رايكم فيها قالي بعد ثلاثة ايام تعال
يعني اذا القطعة مب شي اقدر اكنسل

تكفون ردوا علي بسرعة

الووووووو


اصبر عليي للساعة 1 ظهرا بجيب ليك الخبر

اخويtheboss

اتصلت لمحل قمر للالكترونيات قال ليي اي قطعة الحين اوكي

لكنه أكد على الميشيا 2


يلا روح ركبها بسرعة

دعواتك لينا بمعدل مرتفع في الدراسة

بايوووووووو;-)

انا اتصلت في محل ثاني وقالي البلوشيب قطعة كشرة وتجارية ورخيصة وما من منها فايدة قالي تعال عندي وبركب لك ماجيك 3 او مارش عكس كلام المحل الاول 180درجة وانا توهقت:" :(

اصدق مييييين
هل بلو شيب يركب على السوني مالي
مع العلم ان السوني 2 الي عندي امريكي( U4)
NTSC u/c
SCPH-30001/97000

ارجوكم بسرعة ردوا علي

هلا أخوي

شوف ، أفضل قطعة هي الميشا 2 طبعا...

لكن إذا ركبت قطعة ثانية ما يعني إن السوني راح تخترب بسرعة...

أهم شيء تتبع هذي التعليمات...


1) لا تشغل CD كثير ، يفضل استخدام DVD

2) تأكد إن سطح الــ DVD فضي ، و ذا كان أصفر ما أنصحك تستخدمه لأكثر من ساعتين...

3) دائما و أبدا ابعد الجهاز عن الغبار ، و إذا منت ما تستخدمه فترة خطيه بقطعة قماش...

تسلم ياخوي بس المود شيب تركب على u4 وكم سعرها وهل تعرف شي عن بلو شيب
وجزاك اللة خير

بس المشكلة ان بلو شيب قرات عنها في موقع مود شيب
انها حق فرجن7 وكلمت الهندي قالي لا انا اركبها على كل الاصدارات ها ويش رايكم اركب ولا لا:واو: