أسوأ موقف محرج في حياتك

سلام عليكم

لقيت كم دقيقة ابكتب فيها موضوع...

الجمعه الي قبل الماضي... تكلمت أمام الكلاس كله... في كلاس اسمه بابليك سبيكينق...

طبعا سويت ملف power point و خزنته في موقعي في ال webpost

كل طالب يجي يتكلم تقريبا خمس دقايق...

جا دوري...

نزلت قدام العالم... و رحت للكمبيوتر عشان ادخل موقف ويب بوست عشان انزل ملف البور بوينت و ابدا اشرح عليه...

المهم...


جيت اكتب العنوان... كتبت:

مؤيد هاشوني في الماسنجر... لذلك حذفته... الي صار اني غلطت في اسم الموقع طلع موقع.... :#

و ضغطت انتر...


بعدها اصدرت قرار ان هذا أكثر موقف محرج مر علي في حياتي...






الي ما فهم وش الي صار... يدخل الموقع الي كتبته و يعرف... بس اذا كان تحت 18 سنه لا يدخله (@)


و الي عنده مواقف ثانيه يتفضل يشاركنا :"






و سوري شباب على قلة المشاركات... بس مضغوط جدا في الصيفي... ادعوا لي :":

و الله يوفقكم في اختباراتكم








(الى هيئة المنتدى... ماله داعي تمسح عنوان الموقع.. لأنه اولا مسكر عندكم في السعوديه... و ثانيا... ما اتوقع يفتن احد... لأنه باختصار...


موقع Gays <<< هذا الي زايد الفشيله :( )



some cool enshoodah

خخخخخخخخخخخخ


اشوا انك عدلته :D



يجينا بعض الناس الحين يخش جو محناب رايقين :#

هههههههههههههههههههههه قهر ليتني دخلت الموضوع قبل لا تعدله :o

بالنسبة لي، تصير لي مواقف بس ما أشوفها محرجة، إلا لا جاء واحد ( أخوي مثلاً ) وتكلم فيها: والله يفشلك وراك سويت كذا وضبط كذا وخل كذا .. ولا قام بعض الناس يضحكون عليها وكأنها أطللللللللللللق موقف صار بالتاريخ .. صراحة أتمنى الأرض تنشق وتبلعني :(

والمشكلة، إن لا صار لهم موقف مشابه وأجي أبي اضحك ما أقدر، أسوي محترم واسكت :غضب:

اقتباس:

---

الرسالة الأصلية كتبت بواسطة ZIDANE_10
والمشكلة، إن لا صار لهم موقف مشابه وأجي أبي اضحك ما أقدر، أسوي محترم واسكت :غضب:

---

أأثرك طلعت خلوق???
:6 :6

أي خلوق، إلا بعضهم لا شافك تضحك عليه رد عليك رد ينفضك نفض ?:

وخلوق هالأيام مرادفة لـ سَ بَ ك :أفكر:

تقصد هذا

www....com

ماشاء الله مؤيد ما تعوق معه..كل المواقع مفتوحه:أفكر:


نبي نشوف حناhttp://webpost.net/rp/rpgmaster/schmoll2.png

اقتباس:

---

الرسالة الأصلية كتبت بواسطة alex
.... تقصد هذا [IMG][/IMG]

---

هذا الموقع مغلق:o ..

طيب كم العلامه الي خزتها ..:6 ..

هههههههههههههههههههههههههههههههههه..
امنيتي اشوف وضعك في هذاك الوقت ":"

اما انا احرج موقف مر علي :":

من زمااان في ايام الله لا يعيدها :": .. الي هي ايام الابتدائي ":"

كان فيه حفل لمدرسه .. و كنت انا مشارك :" :"

المهم و لبسوني ثوووب اطول مني طو طايمز
و اروح ادخل المسرح .. و طراااااااااااع .. ما دريت الا ووجهي على الارض .. و اقووول و انا احمممر .. و اروح القي الشعر حقي ":" و يااادي النيله .. مشكله :": نسيت الشعر و مادري وين ربي حاطني :": الحمد لله اني صرفت الموضوع بانشوده من عندي :#:#

والله الحمد لله ما حصلت معاي مواقف جذي !!!

بس انا (6) اذا شفت واحد اعرفه بموقف احب احرجه زياده واحطم معنوياته :D !!!

بس ما صارت معاي اني انحرجت بموقف :)

صراحه حاولت اتخيل او اور شكلك يوم انفتحت الصفحه :p

بس للاسف ما لقيت خشه محرجه ممكن تور موقفك :6

صراحه معاد ابستخدم نت بعدها :6

هههههههههههههههههههههههههههههه:" <==المضحك المبكي


ودي اشوف شكلك كذا يارسين صح===>( ^_^; )ههههههههههه


نقطة العرق لازم:6 ..





اما على الموقف المحرج امممم يا كثرهم بث



الي طرا ببالي الحين يوم حفل التخرج


كنت متحمسه مع صديقتي وهي تلقي القصيده حقت التخرج


وكان كلن يشوفها المديرات والمدرسات الموجهات وكل الطالبات



هي خافت شوي وقامت تتلعثم بالقرايه وترجف

وكنت بوسط الجمهور


قمت ووقفت وقلت

هييييييييييييه لا تخافين القائك يهبل كملي


نسيت نفسي الظاهر ولقيت فجأة كلن ملتفت علي ويناظرني


الامة كلها ملتفتة علي ويهمسون احسهم يقولون وش تبي ذي؟:6

انا :# جلست بسرعه وعيوني مفتحة على تحت ومستحيه وخايفه


واااع كانت فيني الصيحه:":




بس اشوى صديقتي تحمست من تشجيعي وكملت:6

ايه صح نسيت:6


تروح وترجع بالسلامة والله يعينك بالاختبارات...


المنتدى ينتظرك ايها الرجل الغامضhttp://www.webpost.net/me/memy/18.gif ميوو..

مواقف كثيرة جدا

مرة طلعت في الاذاعة وانا اولى ابتدائي عشين اقرا سورة الكافرون
تلخبط والمدرسين قاعدين يتريقوا عاليا:": :":

والله موقف من جد محرج ابي اعرف وش كان لون وجهك وقتها:D :D :D
لله يعينك ويوفقك في دراستك


انا صارت لي مواقف كثيرة بس هذا الموقف الى الان ما انساه

صار لي الموقف من زمان ايام ثالث متوسط كنت في رحلة مع اهلي في شاليهات الشرقية وانا كنت انتظر اخوي يجي ياخذني معه وصار لي اكثر من عشر دقايق وانا انتظر له بعدين......جت سيارة اخوي وانا واقف بالطريق تعاداني وانا ما انتبهت له واركض ورا السيارة واصرخ واقول (هييه وقف )المهم انا من دهائي الشديد ركبت ورا اللي يسوق السيارة ولا ادري من اللي يسوق واطالع يمين ويسار الا اشوف شباب اول مرة اشوفهم :! :! :! انا استغربت سئلت اخوي هذول اخوياك!!!!؟

.........................المشكلة كلهم ساكتين و مستغربين ..التفت علي اللي يسوق واطالع :أفكر: هذا مو اخوي سويت نفسي ذكي قلت له من انت ؟ هههههههه

طلعت السيارة تشبة سيارة اخوي واثر اخوي جاحدني وقتها:"
(طبعا وقتها كانت لوحات السيارات هي اللوحات القديمة علشان كذا ما انتبهت)
وصار كل مايشوفني الرجال انحرج منه حتى بعدها بفتره قابلته وتذكرني وضحك المشكلة ما نسى لا اسمي ولا شكلي في الايام الاخيرة كنت مجتمع مع شباب وشفته وسويت نفسي ما اعرفة:# لما قالوا له هذا فلان الفلاني ... جلسنا و لما مرت نص ساعة تذكرني من اسمي ...ضحك قدام العالم وقال والله انك مسكين موقفك مورطك معي في كل مكان وفي كل وقت

موقع ***

:p :p :p

والله مسكين

بالنسبه لمواقفي المحرجه فأنا للأسف ما أتذكر موقف في هاللحظه

على فكره

يا ريت تحرروا الموقع عشان في ناس من برا السعوديه عندهم الموقع غير ممنوع هذا غير جماعه البروكسيات :-)

اقتباس:

---

الرسالة الأصلية كتبت بواسطة Chad


يا ريت تحرروا الموقع عشان في ناس من برا السعوديه عندهم الموقع غير ممنوع هذا غير جماعه البروكسيات :-)

---

ما اعتقد ان منتدانا فيه مثل هالناس اللي ينبسطون على موقع مثل هذا ؟!
لكن على العموم راح يحرر ..

اقتباس:

---

الرسالة الأصلية كتبت بواسطة عماد 18

ما اعتقد ان منتدانا فيه مثل هالناس اللي ينبسطون على موقع مثل هذا ؟!
لكن على العموم راح يحرر ..

---

اكيد ما فيه


بس ما تدري ناس من برى السعوديه صغار ما يعرفون هالشي


ومره وحده يدخلون مثل هالموقع .. بس تخيل :-)

اقتباس:

---

الرسالة الأصلية كتبت بواسطة عماد 18

ما اعتقد ان منتدانا فيه مثل هالناس اللي ينبسطون على موقع مثل هذا ؟!
لكن على العموم راح يحرر ..

---

الله هو العالم بما في الصدور :-)