بروجكت جوثام ريسينج ... واااااااااو .. )) "انطباعات و سؤال "

في بداية الاجازة قررت ارجع بعض العاب القديمة اللي احبهن على جهاز الدريمكاست و البلاي ستيشن .. و بالتاكيد واحدة من اكثر الالعاب اللي احبها على الدريمكاست هي ميتروبوليس ستريت ريسر ..

المهم .. اليوم رحت اشتري بروجكت جوثام ريسينج (( اعرف انها قديمة :# )) لاني سمعت انها من نفس الشركة بيزار و نفس الاسلوب و لكن اللي ما كنت اعرفه انها رائعة بهذا الشكل ..!!


اللعبة لها نفس اسلوب لعبتي المفضلة ميتروبوليس ستريت ريسر و و لكنها طورت الاسلوب بشكل كبير فما توقعت ابدا انها تكون بهذا الجمال فالمضامير متقنة و التحكم افضل من جميع العاب السباق الاخرى و افضل حتى من تحكم ميتروبوليس و الرسومات واقعية بشكل كبيير و لن تفرق بين السيارات الواقعية و السيارات في هذه اللعبة ..

و لكن اكثر شي يعجبني صراحة في لعبتي ميتروبوليس و هذه اللعبة هو الموسيقى و الاغاني التي تتضمنها اللعبتين .. في لعبة ميتروبوليس حبيت الاغاني اللي فيها بشكل كبير مثل lets get it on tonight و time .. و لكن في هذه اللعبة اعتقد انها ركزت بشكل اكبر على الاغاني السريعة (( حتى الان اللي سمعتهن كلهن كانن سريعات )) و لكنها لا تزال رائعة مثل اغنية فرقة جوريلاز اللي تعجبني واايد ..


المهم انا كتبت هذي الانطباعات حق الناس اللي ما جربوا اللعبة لاني انصحهم بشكل كبيييير انهم يجربونها و اكيد بتعجبهم ..


المهم عندي سؤال : سمعت اني اقدر احمل اغاني من سي دي للاكس بوكس على شان اقدر اسمعهن في العاب الاكس .. فهل هذا صحيح .. و اذا كان صحيح اتمنى منكم تشرحولي كيف اقدر احمل الاغاني للاكس بوكس و اسمعها في الالعاب و خاصة لعبة بروجكت جوثام ..

see ya ^^

انا عندي هذي اللعبة من زمان و انا ختمتها و اللعبة عجيييبة 100% و اللعبة

الي انت خذيتا عجيبة و حلوة احسنت الاختيار اخوي Naif Eissa و المهم

بجاوب على سؤالك و الجواب هو نعم تقدر تسمع الاغاني الي تسوي لي سيف من سي دي الى اكس بوكس بس حط السي دي و دش ميوزيك و سيفهم يعني سيف الاغاني و يستغرق وقت التسجيل بين 5 الى 10 دقايق و بعدين اذا انتهيت من التسييف ادخل على اللعبة و روح الاوبشن و دبر الامر بروحك في الاوبشن و بس الطريقة جدا جدا سهلة و على فكرة ان الطريقة ما تصير على كل الالعاب (بعض الالعاب)

و انشاء عجبك ردي و اذا كنت مو فاهم شي او تحتاج الى اي مساعدجة ثانية انا في الخدمة


و شكرا اخوك محمد ;-)

مشكووووووووور اخوي على ردك و على الشرح ..


و انشا الله اليوم بطبق الطريقة ..

الحين بنسخ الاغاني اللي احبهن على CD-R و بنقلهن على الاكس ...


مشكوور مرة ثانية .. :)

العفو اخوي ":" اي شي انا في الخدمة و عى العموم ترى هذا واجب كل عضو في المنتدى مساعدة العضو الآخر اذا كان يبغا المساعدة ;-)

اخوك محمد:0)

مبروك عاللعبه :D

اقتباس:

---

الرسالة الأصلية كتبت بواسطة Naif Eissa
مشكووووووووور اخوي على ردك و على الشرح ..


و انشا الله اليوم بطبق الطريقة ..

الحين بنسخ الاغاني اللي احبهن على CD-R و بنقلهن على الاكس ...


مشكوور مرة ثانية .. :)

---

مبرووك يا نايف عيسى اللعبة مع أنها قديمة شوي ;-)

وأنا على فكرة أعرف من زمان أنها من نفس الشركة من قبل ما تنزل وبعد ما نزلت وشريتها في وقتها يو شفت الــ Kudos ;)

أنا لفت نظري في موضوع كونك بتحاول تنزل الأغاني اللي تبي تسمعها على CD-R حبيت أنبهك أن الأكس بوكس ما راح يتعرف على السي دي إذا كان من نوع CD-R فلكذا سو نسخة من الأغاني اللي تبيها على شكل Audio CD واستخدم سيديات إعادة الكتابة CD-RW لأنها هي السي ديات اللي راح يتعرف عليها الأكس بوكس أو تجيب سيديات أصلية مثل وضعي بالضبط :-) على فكرة هذا الشيء كله من صالحك بعد ما تنزل الأغاني اللي تبيها في هارد ديسك الأكس بوكس أمسح السي دي وركب عليه مجموعة ثانية :!

مشكور على التوضيح اخوي ..

و الله يبارك فيكم .. :)

مبروك على اللعبة بس اعتقد الاغاني المنسوخة ما تشتغل .. و لكن الاخ محمد عنده مود شيب في جهازه و لهذا تشتغل الاغاني المنسوخة عنده ..

ألف مبروووك أخ نايف على بروجيكت جوثام;-)
وهي فعلا من أروع ألعاب السيارات وأفضلها بالنسبة لي والسبب.......نظام الـKudos طبعا":"
انشالله تستمتع فيها وعقبال ماتفتح سيارة الـF55:D

سلاموف:-)

مشكور اخوي سوني كيد على التوضيح نيابتا عني و شكرا اخوك محمد:D

مشكورين على الردود و الله يبارك فيكم ..



انا اليوم جربت و سويت Audio CD على سيديهات من نوعية CD RW نوعيتهن توش ميت ...


ما اعرف ليش الاكس بوكس يقولي انه ما يتعرف على السي دي اللي دخلته ..


ممكن تقولولي شو نوعية السي دي اللي تستخدمونهن يعني سامسونج ولا سوني ؟؟


مع العلم ان الاغاني اللي حطيتهن في السي دي كان امتدادهن mp3 ..

اقتباس:

---

الرسالة الأصلية كتبت بواسطة Naif Eissa
مشكورين على الردود و الله يبارك فيكم ..



انا اليوم جربت و سويت Audio CD على سيديهات من نوعية CD RW نوعيتهن توش ميت ...


ما اعرف ليش الاكس بوكس يقولي انه ما يتعرف على السي دي اللي دخلته ..


ممكن تقولولي شو نوعية السي دي اللي تستخدمونهن يعني سامسونج ولا سوني ؟؟


مع العلم ان الاغاني اللي حطيتهن في السي دي كان امتدادهن mp3 ..

---

هلا والله نايف عيسى

شوف السيديات اللي أنت تستخدمهم تمام 100% لكن المشكلة عندك في نوع الملفات وأنا نبهتك في ردي اللي قبل هذا أنك تسوي السي دي Audio Cd وما تسويه Data Cd مثل اللي أنت سويته الآن طبعاً السي دي اللي فيه ملفات MP3 يعد سي دي من نوع Data Cd فالحل لك بسيط وهو :-

1-حول ملفات الــ MP3 اللي في جهازك إلى ملفات بإمتداد WAV .
2-استخذم برنامج النسخ الرائع Nero واختار Audio Cd في القائمة الرئيسية للبرنامج.
3-أختر الأمر Add .
4-حدد الملفات التي تريد وضعها على السي دي ومن ثم اختر Finish .
5-الآن اختر الخيار Burn! ليبدأ البرنامج عملية النسخ ;-)

اقتباس:

---

الرسالة الأصلية كتبت بواسطة Atsmknv


هلا والله نايف عيسى

شوف السيديات اللي أنت تستخدمهم تمام 100% لكن المشكلة عندك في نوع الملفات وأنا نبهتك في ردي اللي قبل هذا أنك تسوي السي دي Audio Cd وما تسويه Data Cd مثل اللي أنت سويته الآن طبعاً السي دي اللي فيه ملفات MP3 يعد سي دي من نوع Data Cd فالحل لك بسيط وهو :-

1-حول ملفات الــ MP3 اللي في جهازك إلى ملفات بإمتداد WAV .
2-استخذم برنامج النسخ الرائع Nero واختار Audio Cd في القائمة الرئيسية للبرنامج.
3-أختر الأمر Add .
4-حدد الملفات التي تريد وضعها على السي دي ومن ثم اختر Finish .
5-الآن اختر الخيار Burn! ليبدأ البرنامج عملية النسخ ;-)

---

انا ولا مرة جربت mp3 مشكور على التوضيح يا اتس .. ;)

اللعبة ما عجبتني بصراحة http://www.webpost.net/me/memy/18.gif..

ومبروك ^^

اقتباس:

---

الرسالة الأصلية كتبت بواسطة Mesharey
اللعبة ما عجبتني بصراحة http://www.webpost.net/me/memy/18.gif..

ومبروك ^^

---

اقول مشاري روح العب شنمو2 احسنلك ^^

:6

اقتباس:

---

الرسالة الأصلية كتبت بواسطة Mesharey
اللعبة ما عجبتني بصراحة http://www.webpost.net/me/memy/18.gif..

ومبروك ^^

---

حتى انا >_<

ملاحظه: مب شرط تكون الاغاني او التراكات اصليه فمثلا انا منزل اناشيد mp3 على الاكس بوكس وشغاله تمام. ملاحظه ثانيه: إذا الاكس بوكس ما تعرف على السيدي من شاشة البدايه, طلع السيدي وإدخل على قائمة الميوزك وبعدين اختار أوديو سيدي,راح تطلعلك قائمه فاضيه, أحين دخل الــCD-RW وراح يشتغل إن شاء الله ;-)