فريق المنتدى في فانتسي ستار PSO

لماذا نقيم فريق في فانتسي ستار

1-التعرف على بعض ومعرفه اخر التطورات عند الاخر

طبعا مثل ما تعرفون كثر عدد الاعضاء اللي عندهم اللعبه ... بعضهم يستمتع في طور الاوف لاين والاخر في الاون لاين ... وبدا الاعضاء يتلاقون ويناقشون عن الايتم والانجازات في اللعبه والليفل ...

2- توفير بيئه ممتعه وعادله لجميع الاعضاء

3 - التبادل مع بعض والمساعده ووضع خطط للعب

مثل ما تعرفون طور الاون لاين فيه الشر والخير ... وصعب انك تجذ الاعبين اللي تستمتع معاهم في اللعب بالاضافه فيه من يغش ومن يفسد متعه اللعب

3- تقيم موقع في الانرنيت (تقريبا جاهز الموق) وسوف يحوي على :

a- صوره خاصه لشخصيه كل عضو في اللعبه مع معلموت عنها (انا بلتقط الصور اون لاين) مع الانجازات في طور الاوف لاين مثل المهمات والمستوى

b - سوف يكون جدول لكل شخصيه يحوي على الاسلحه النادره (9 نجوم واكثر) التي تم العثور عليها بواسطه الشخصيه

c - المشاركه في العثور على الاسلحه مع بعض ومحاول العمل كفريق واحد في العثور على اكبر عدد ممكن من الاسلحه النادره بانفسنا وبدون الاعتماد على التبادل مع الغير او طلب الاسلحه من اي شخص ...


------------------------------------------------------------
لكن هذا الفريق له شروط للانظام وبيكون فيه تقريبا نوعين من الاعضاء ...

شخصيات درجه اولى :

وهي الشخصيات التي تطبق القوانين 100% وتستخدم فقط الايتم التي عثر عليها بنفسه او تبادل فيها مع اعضاء الفريق

مميزات :

-صوره للشخصيه في الموقع
- اسمه شخصيته يكون في الجدول
- له الاوليه في اللعب ادا كنا 5 اشخصا مثلا (الفريق ل4 فقط)
بالاضافه الى المزيد ...

الشخصيات درجه ثانيه وهي التي عندها ايتم مغشوشه او يجمع ايتم عن طريق التبادل مع ناس غير معروفين او غير موثوق فيه ...

مميزات :
- لعب الشالنج مود والباتل مود مع الاعضاء فقط
- الاسم يكون في الموقع


------------------------------------------------------------------

هذا الفريق يعتمد على الثقه من بين الاعضاء واي عضو يدعي اشياء غير صحيحه سوف ......


وهذا المشروع قابل للنقاش والاضافه والحذف او التعديل على حسب راي الاعضاء وبعد النقاش سو تصاغ الصيعه النهائيه اللي يتفق عليها الجميع ...

على فكره انا مب قصدي اني اتحكم في طريقه لعبك ...كل واحد على راحته يلعب بالاسلوب اللي يعجبه ... مثل ما في جيم شارك في السوني 2 .. وبعض الناس ينهون الالعاب عن طريق الجيم شارك مثلا... انته حر في لعبه فانتسي ستار في طريقه حصولك على الاسلحه لكن في فريقنا نلعب باللعبه بالطريقه التي قصدها سونيك تيم لنلعبها ...

على فكره
معظم اللي يلعبون فانتسي ستار كلمتم بخصوص هذا الموضوع ومتفقين على الشروط من قبل وانا اقدر هؤلاء الاعضاء مثل T&K و sanjuyan ... لكن للاسف فيه ناس ما تقدر تثق فيهم ويدعون اشياء غير صحيحه والقهر انه يصرون عليها !!!

المهم اهم الاعضاء اللي اعرفهم وانتظر مشاركتهم

master geese هو صديق عزيز من ايام فريق الدريم كاست ... و nincube و shadow_one _shadow و جرانديزر (بشخصيه جديده) و darklink وماريو ( قبل ما تنظم الى الفريق لازم في اكلمك اذا كنت تريد ان تكون درجه اولى )

yO WaZuP


iam ready and time i just came from pso online i played 4 hours i have some wep new i got them today i dont know if they are copyed but i have some from be4 and i know that they are not copy real one no prob now if u saw any copy with me just till me i will throw it away thanx Ninja :D

انشاالله را ح انضم لكم بعد ما ازيد لفلي شوي .. باجر بتكون عندي اللعبة :)

وفكرتك نينجا رائعة ^^

وانا بعد باخذها بكره انشاء الله...
و بزيد لفلي بالفتره الجايه.

شكراً على القوانين :D

اقتباس:

---

الرسالة الأصلية كتبت بواسطة ninja

وماريو ( قبل ما تنظم الى الفريق لازم في اكلمك اذا كنت تريد ان تكون درجه اولى )

---

ان شاء الله :)

السلام عليكم

انشالله انضم لكم بس ما اقدر ادخل اونلاين الا بعد اسبوعين انشالله:D

تبي تتاكد من نفسك تكون قانوني...اي سلاح تبادلت فيه مع شخص ارميه......بهالطريقة ترجع قانوني

اقتباس:

---

الرسالة الأصلية كتبت بواسطة SanjiyaN
تبي تتاكد من نفسك تكون قانوني...اي سلاح تبادلت فيه مع شخص ارميه......بهالطريقة ترجع قانوني

---

هــــــــــع :D

LoooooooooooL :D

تقريبا عددنا راح يصير 12 :D حركة
و فكرة الموقع عاجبتني
و انا موافق على الشروط :)
و نبغى صوره جماعيه لنا في الموقع هذا اذا كفينا كلنا بالصوره:D
حاليا ما عندي اقتراحات او اعتراضات:)

اهلا

انا ان شاء الله راح اكون موجود وراح استعمل الاسلحه الي عثرت عليها بنفسي زي اللاست سيرفايفر وغيره بس ما راح استعمل الاسلحة الي تبادلت فيها :)

متى تبدون ؟:0)

I Know I Can , Be WANNA WANNA Be
BE BE , Boys & Girls Let's Up , You Can Be Anything ...

لووووووووووووووووووووووووووووووول

:# :# :#

فكره حلوه إنه نكون فريق متكامل , ونجتمع بمنطقة معينه , وأنا موافق , وياليت لو تقابلي نينجا بالماسنجر , عشان توضح لي أكثر :أفكر:

hello................

انا بدخل اون لاين الاربعاء الجاي:0)

خلاص شريت اللعبه":"
ما بقى غير البرود باند...

اضافه قانون جديد ...


وهو منع السب او كلام بذيئ في اثناء اللعب !!! يعني شي غريب يكون العضو محترم وفي اللعبه يقولك يكتب ببعض الكلامات السوقيه .. وهذا القانون مهم جذا لانه فيه اعضاء عدنا اختهم تلعب او احد من اهلم يشوفهم او .... المهم منمنوع اي كلام بذيئ اثناء اللعب

بالنسبه للفريق الدرجه الثانيه :

ممنوع اخذ اي ايتم منهم .. وخاصه اني اشوف انه بعض الاعضاء من الدرجه الثانيه صاروا يوزعوا ايتم على الدرجه اولى ...هذا ممنوع ويجب عذم احذ الايتم ...

والاعضاء الدرجه الثانيه هم :

1- Cube Street Boy بشخصيه son gaku
2 - ما ريو Archer

واذا اي عضو يريد ان يضهم معاهم مو مشكله ... ممكن فيه بعض الاعضاء يستمتعون اكثر باللعبه بهذي الطريقه وهم على راجتهم لكن الشخصيه اللي لعبت بشكل غير قانوني ما تقدر تنظم الى درجه اولى .. الطريقه الوحيده هي اللعب بشخصيه جديده !!!

مثل ما قلنا الفريق يعتمد على الثقه وكل واحد يعرف شو الايتم اللي عنده .. وحتى يكون في السليم يسجل كل الايتم اللي عنده في موضوع الايتم النادره

تحذير : ممنوع اخذ اي ايتم من الشخصيات اللي درجه ثانيه مهما كانت !!!

ننجا انا خلاص طالع من الفريق ... :أفكر:

لانه مالي نفس اتم معاكم درجة ثانية وانا مب مسوي شي وانت ما ترد بالمسنجر عشان تعرف السبب شسوي يعني ... :أفكر:

خلاص شكراً جداً جداً بس ابغي اشوفك اونلاين في PSO عشان ارد لك بعض الاسلحة الي عطيتني اياها من قبل..

:أفكر: :أفكر:

يا ناس الحين انا صرت Cheater ? والله حالة :أفكر:

اقتباس:

---

الرسالة الأصلية كتبت بواسطة Super-Mario
ننجا انا خلاص طالع من الفريق ... :أفكر:

لانه مالي نفس اتم معاكم درجة ثانية وانا مب مسوي شي وانت ما ترد بالمسنجر عشان تعرف السبب شسوي يعني ... :أفكر:

خلاص شكراً جداً جداً بس ابغي اشوفك اونلاين في PSO عشان ارد لك بعض الاسلحة الي عطيتني اياها من قبل..

:أفكر: :أفكر:

يا ناس الحين انا صرت Cheater ? والله حالة :أفكر:

---

انا ما قلت انك غشاش لكن في قواينين لازم تتبعها ووافقتوا عليها في هذا الموضوع ...

ثاني شي نحن فريقنا يعتمد على الثقه وليس علي التفتيش والشك .. يعني بعد ما اسمع انك سرت انظميت مع فريق مع جرانيزر عند واحد ينسخ لكم وتاخذون منه اسلحه !!!

انا سمعت بعذ ذلك انك تخصلت منها ومن كل الاسلحه لكن !!! اكتشفت انك لا تزال تخفي اسلحه (جاد باور 2 وجاد باتل ) وكل من هذي الايتم 11 نجمه .. واتوقع انهم الى الان عندك صح ؟؟

مثل ما قلتك الفريق يعتمد على الثقه ... وادا ما في ثقه وصار العضو يخفي اسلحه ويلبسها في الدرع مع اعضاء يلعبون بجهدهم هذا يكون غير عادل لباقي الاعضاء ونفس الشي ايضا ينطبق اذا كنت تلعب فيها اوف لاين او مع الاجانب وليفلك يرتفع اسرع عن باقي الاعضاء لانك تستخدمها ... صح كلامي ولا ؟

ثاني شي وهي المصيبه الكبرى ... انك صرت توزع على اعضاء الفريق اسلحه منسوخه !! يعني ما كفاك انك تستخدما .. تريد تنشرها من بين اعضاء الفريق ؟

كيف تعطي العضو dark link الدريم كاست ماج !!! والله مصيبه يوم احد يكون عنده ايتم او سلاح نادر وما يعرف اصلا كيف تسويه (يعني هل تعرف كيف تصنع ماج الدريم كاست ) .. هذا مب مهم الان تعرف او لا ...


شوف اذا تريد ترجع درحه اولى !! مش انا اللي اردك ومش انا اللي اضهرك .. انا كلمت بعض الاعضاء قبل ما اتخذ القرار ... المهم اذا كل اعضاء الفريق قرووا يسامحونك ممكن ترجع الى درجه اولى

اقتباس:

---

الرسالة الأصلية كتبت بواسطة ninja



انا ما قلت انك غشاش لكن في قواينين لازم تتبعها ووافقتوا عليها في هذا الموضوع ...

ثاني شي نحن فريقنا يعتمد على الثقه وليس علي التفتيش والشك .. يعني بعد ما اسمع انك سرت انظميت مع فريق مع جرانيزر عند واحد ينسخ لكم وتاخذون منه اسلحه !!!

---

انا اضميت لفريق لكن هو عطاني ايسلحة وبعدين عرفت انها منسوخة ... :o يعني انا ما كنت ادري ويوم عرفت ترا رميتها :أفكر:

اقتباس:

---

ثاني شي وهي المصيبه الكبرى ... انك صرت توزع على اعضاء الفريق اسلحه منسوخه !! يعني ما كفاك انك تستخدما .. تريد تنشرها من بين اعضاء الفريق ؟

---

انا ؟؟ انا الحين صرت اوزع اسلحة منسوخة على الأعضاء ؟ ?: انا اصلاً اول ما عرفت انهم منسوخين رميتهم ... كيف صرت اوزعهم بعد ?:

اقتباس:

---

انا سمعت بعذ ذلك انك تخصلت منها ومن كل الاسلحه لكن !!! اكتشفت انك لا تزال تخفي اسلحه (جاد باور 2 وجاد باتل ) وكل من هذي الايتم 11 نجمه .. واتوقع انهم الى الان عندك صح ؟؟

---

انا عندي اياهم لكن تراني متبادل قبل سالفة الـDupe... وحتى الدريم كاست عندي اياه من زمان :أفكر:
وبعدين جراندايزر عنده دريم كاست ليش هو مسونة ولا ؟

اقتباس:

---

شوف اذا تريد ترجع درحه اولى !! مش انا اللي اردك ومش انا اللي اضهرك .. انا كلمت بعض الاعضاء قبل ما اتخذ القرار ... المهم اذا كل اعضاء الفريق قرووا يسامحونك ممكن ترجع الى درجه اولى

---

شوف انا ما انتظر مسامحة من احد ... انا واثق من نفسي اني ما اغش وبعدين مب انا اشتريت منك اللعبة من 2002 ؟ يعني الحين من 2002 شي سالفة الـDupe ? لا طبعاً ووايد اسلحة عندي من 2002 ( الجود باور ) يعني شسوي فيهم افرهم ؟ عيل اسوي شخصية جديدة احسن ?:

المهم شوف انت طردتني بدون وجه حق وشوف هذا

اقتباس:

---

وماريو ( قبل ما تنظم الى الفريق لازم في اكلمك اذا كنت تريد ان تكون درجه اولى )

---

انت كلمتني ولا شي ؟ :أفكر:

اقتباس:

---

الرسالة الأصلية كتبت بواسطة Super-Mario


انا اضميت لفريق لكن هو عطاني ايسلحة وبعدين عرفت انها منسوخة ... :o يعني انا ما كنت ادري ويوم عرفت ترا رميتها :أفكر:

---

يعني بالله عليك واحد يعطيك اسلحه 10 و11 نجمه مجانا شو بتكون ؟؟؟ ما يريدها ؟؟ يوزعها مجانا ؟؟؟ تخيل كل عضو يسوي نفس الشي ؟ تخيل انه انا ما عرفت او انه محد خبرني ؟؟

وثاني شي وحتى لو كانت غير منسوخه ما هو قانون الفريق ؟؟؟

"وهي الشخصيات التي تطبق القوانين 100% وتستخدم فقط الايتم التي عثر عليها بنفسه او تبادل فيها مع اعضاء الفريق "

وانا وضعت هذا القانون حتى ما ياتي احد كل مره احد يسال عن السلاح منسوخ او لا وفي نفس الوقت تقوي التجاره من بين اعضاء الفريق

-----------------

اقتباس:

---

انا عندي اياهم لكن تراني متبادل قبل سالفة الـDupe... وحتى الدريم كاست عندي اياه من زمان

---

كيف قبل سالفه اdupe ؟ هو كان موجود من شهر ديسمبر لكن بطريقه اخرى ونزل لها باتش بعد ذلك وقانون الفريق معروف

اقتباس:

---

شوف انا ما انتظر مسامحة من احد ... انا واثق من نفسي اني ما اغش وبعدين مب انا اشتريت منك اللعبة من 2002 ؟ يعني الحين من 2002 شي سالفة الـDupe ? لا طبعاً ووايد اسلحة عندي من 2002 ( الجود باور ) يعني شسوي فيهم افرهم ؟ عيل اسوي شخصية جديدة احسن

---

شوف انته خالفت القانون واللي يخالف القانون يلعب في درجه ثانيه وادا تريد ترجع الى درجه اولى لازم الاعضاء يوافقون على هذا الشي ...

ثاني شي كيف عرفت انها مش موجوده من 2002 ... كانت موجوده وسهله جدا بعد وفي 30 ثانيه تقدر تنسخ ما يقارب 30 ايتم لكن القليل اللي يكان يعرفها الى ان اصدر باتش لها بعد ذلك

ثاني شي كيف تقول ما تعرف عنها وعندك انته وجراندير نفس الماج وهي الدريم كاست ماج ... كيف وهي نفس الليفل انته ما تدري كم هو صعب جدا جدا جدا حتى تصنع هدي الماج ... هدي اندر ماج في اللعبه وهي اصعب ماج حتى الشخص يصنعها !!!

وتقول بعد انه عندك الدارك فلو من 2002 !!! واحد ليفله في 60 وعنده دارك فلو !!!

شو بعد كيف حصلته ؟؟؟ واحد يعطيك دراك فلو مقابل شو ؟؟ وهو من اندر الاسلحه في اللعبه ؟؟


كل هذا اللي سويته بدون وحه حق ؟؟؟

مب انته خالفت القوانين

اقتباس:

---

الرسالة الأصلية كتبت بواسطة Super-Mario


وبعدين جراندايزر عنده دريم كاست ليش هو مسونة ولا ؟

---

جرانديرز هل الماج لا تزال عندك ؟؟؟

المهم خلاص الحين.. انا طلعت من الفريق :أفكر:

اقتباس:

---

وتقول بعد انه عندك الدارك فلو من 2002 !!! واحد ليفله في 60 وعنده دارك فلو !!!

---

ومنو قالك اني ما رميته .. من زمان بعد :أفكر:

اقتباس:

---

جرانديرز هل الماج لا تزال عندك ؟؟؟

---

عنده :أفكر:

وبعدين انت تدري انه هو عنده جد باور..!! :أفكر:

:أفكر: :أفكر:


اول شيء الصراحه انته قلت ما في ليدر ولا في واحد يتبعه ولا درجى اوله ولا درجه ثانيه ولا شيء و بس عن هذي الحركات الي ما منها فايده

اقتباس:

---

وانا وضعت هذا القانون حتى ما ياتي احد كل مره احد يسال عن السلاح منسوخ او لا وفي نفس الوقت تقوي التجاره من بين اعضاء الفريق

---

وليش انته روحك الي تحط القوانين ؟ يعني انته اكيد القائد ولا انته احسن لاعب PSO في العالم العربي ........ Jroc ممتاز و يلعب من ايام الدريم كاست و يقدر يقود فريق :أفكر:


بعدين خلني شوي اتكلم عن ماريو شو السالفه مع ماريو انته تاخذ على مبدأ الثقه صح ليش ما تصدقه ولا تثق فيه يوم يقول لك مسوي لي روحك FBI تفتش عنده انته بس حطيت عينك عليه و الكثير من الاعضاء وين عينك عنها ولا ما تطالهم ولا ما تعرف تتكلم الا عن الي صوبك ؟ :أفكر:

شوف انا و فير ستارتر و JroC و اي و ماريو و الكثير من الاعضاء خارج الفريق و لو عندك شيء قوله لاعضاء المنتدى كل واحد يبغي يلعب على حريته و كيفه مو كل شيء راح ندقق فيه المهم شوف انا من الحين اقول لك شيء


باي باي باي

و الماج عندي و انا متأكد اني بلعب تمام 100% لاني ما اخذ المنسوخ و انا ادرى بنفسي من غيري

احسن شيء تلعب فنتسي ستار روحك مب لازم تبلينا معاك و احنا كعرب في اللعبه فرحانين و يوم تقابلنا اول مره كنا بغاية الفرح انه ناس بيدشون ويانا و حتى هم كانو فرحانين الحمدالله انا لين الحين مستانس لكن سالفة الفريق انساها و استريح احسن لك و لغيرك :أفكر:

يا جرانديزر لا تضع نفسك في مواقف محرجه

اقتباس:

---

الرسالة الأصلية كتبت بواسطة Grandizer
:أفكر: :أفكر:


اول شيء الصراحه انته قلت ما في ليدر ولا في واحد يتبعه ولا درجى اوله ولا درجه ثانيه ولا شيء و بس عن هذي الحركات الي ما منها فايده

---

انا قلت انه مافي ليدير تواضعا مني حتى يحس الاعضاء انه ما في فرق من بين احد ...

وانا قسمت الفريق الى قسمين لانه انا ادري انه في اعضاء ما يقدرون يستغنون عن استخدام الاسلحه المنسوخه وفي نفس الوقت في اعضاء يريدون يلعبون بدونها ... وكل عضو من حقه انه يختار ... وما فيها شي اذا عضو يكون درجه ثانيه ... ليش يزعل .. انا اعرف ناس في اللعبه ما يلعبون بدون هذي الاسلحه ...

اقتباس:

---

وليش انته روحك الي تحط القوانين ؟ يعني انته اكيد القائد ولا انته احسن لاعب PSO في العالم العربي ........ Jroc ممتاز و يلعب من ايام الدريم كاست و يقدر يقود فريق

---

شكلك ما قريت الموضوع عدل ... اقرا بدايه الموضوع مره اخرى

اقتباس:

---

وهذا المشروع قابل للنقاش والاضافه والحذف او التعديل على حسب راي الاعضاء

---

ومحد منكم عارض


والنسبه لخبرتي في PSO ما في داعي اتكلم عنها

اقتباس:

---

بعدين خلني شوي اتكلم عن ماريو شو السالفه مع ماريو انته تاخذ على مبدأ الثقه صح ليش ما تصدقه ولا تثق فيه يوم يقول لك مسوي لي روحك FBI تفتش عنده انته بس حطيت عينك عليه و الكثير من الاعضاء وين عينك عنها ولا ما تطالهم ولا ما تعرف تتكلم الا عن الي صوبك ؟

---

وبالنسبه لمشكله ماريو ارجع شوف اللي كتبته عنه حتى تعرف مذا فعل بالضبط وانا ما بعيد لك انا عرفت كل الاشياء عنه بالصدفه (مثل انته قلتني بنفسك عن سالفه الرجل اللي يوزع عليكم , و شفت مره الماج عند العضو دراك لنك وسالته من وين قالي من عند ماريو و مره سالت العضو شادو عن الايتم والايتم اللي عند الاعضاء قالي اللي عند ماريو مع انه هذا بعد انته ما قلتلي لي انه رمى كل الاسحله اللي عنده) يعني هذا اللي عرفته بالصدفه وما ادري اذا في شي زياده بعد او لا ...

الاعضاء الجدد لا تحاسبهم لانهم جدد وليسوا من المنتدى وكانوا لا يعرفون القوانين .. وانا ماشفت العضو jrok غير مره اون لاين وعلى ما سمعت انه الهانتر ليسن انتهي اشتراكه فيه ...

اقتباس:

---

شوف انا و فير ستارتر و JroC و اي و ماريو و الكثير من الاعضاء خارج الفريق و لو عندك شيء قوله لاعضاء المنتدى كل واحد يبغي يلعب على حريته و كيفه مو كل شيء راح ندقق فيه المهم شوف انا من الحين اقول لك شيء

---

كل واحد يتكلم عن نفسه اذا يريد يضهر من الفريق ... وانا قلت في اول الموضوع

اقتباس:

---

على فكره انا مب قصدي اني اتحكم في طريقه لعبك ...كل واحد على راحته يلعب بالاسلوب اللي يعجبه

---

ولهذا في قسمين في الفريق وتقدر تختار من بينهم

اقتباس:

---

و الماج عندي و انا متأكد اني بلعب تمام 100% لاني ما اخذ المنسوخ و انا ادرى بنفسي من غيري

---

تنكت !!!! انته اول شي تعرف كيف يسون ماج الدريم كاست من الماج العاديه والليفلات المطلوبه لتحويلها ؟؟ والعضو ماريو عنده نسخه مطابقه منها كوبي وتقول بعد انها غير منسوخه بعد !!!

اقتباس:

---

احسن شيء تلعب فنتسي ستار روحك مب لازم تبلينا معاك و احنا كعرب في اللعبه فرحانين و يوم تقابلنا اول مره كنا بغاية الفرح انه ناس بيدشون ويانا و حتى هم كانو فرحانين الحمدالله انا لين الحين مستانس لكن سالفة الفريق انساها و استريح احسن لك و لغيرك

---

تكلم عن نفسك .... بالنسبه لي انا افضل اني العب مع واحد امريكي او ياباني ادا كان ثقه ويلعب لعب عادل واستمتع باللعبه معاه ,, من واحد عربي يسب اثناء اللعب ومزعج ويستخدم اسلحه منسوخه و غير محل ثقه ...

اقتباس:

---

وبالنسبه لمشكله ماريو ارجع شوف اللي كتبته عنه حتى تعرف مذا فعل بالضبط وانا ما بعيد لك انا عرفت كل الاشياء عنه بالصدفه (مثل انته قلتني بنفسك عن سالفه الرجل اللي يوزع عليكم , و شفت مره الماج عند العضو دراك لنك وسالته من وين قالي من عند ماريو و مره سالت العضو شادو عن الايتم والايتم اللي عند الاعضاء قالي اللي عند ماريو مع انه هذا بعد انته ما قلتلي لي انه رمى كل الاسحله اللي عنده) يعني هذا اللي عرفته بالصدفه وما ادري اذا في شي زياده بعد او لا ...

الاعضاء الجدد لا تحاسبهم لانهم جدد وليسوا من المنتدى وكانوا لا يعرفون القوانين .. وانا ماشفت العضو jrok غير مره اون لاين وعلى ما سمعت انه الهانتر ليسن انتهي اشتراكه فيه ...

---

اول الشيء انا عاطي شادو السلاح و قلت له انه ماريو و بعدين تأكدت انته انا الي عطيته مو ماريو و السلاح الي انا عطيته بنفسي والله روحي محصلنه :أفكر: و بعدين و مستعد اييب دلييلل

اقتباس:

---

شكلك ما قريت الموضوع عدل ... اقرا بدايه الموضوع مره اخرى

---

قريته 100 مره و لين الحين محد حط قانون ولا علق

:أفكر: الا انا على طريقة الاتهام هذي

اقتباس:

---

ومحد منكم عارض


والنسبه لخبرتي في PSO ما في داعي اتكلم عنها

---

ما ابغي حد يقول لي عن خبرتك لانه ممهما كنت لازم في احسن منك :أفكر:

اقتباس:

---

وبالنسبه لمشكله ماريو ارجع شوف اللي كتبته عنه حتى تعرف مذا فعل بالضبط وانا ما بعيد لك انا عرفت كل الاشياء عنه بالصدفه (مثل انته قلتني بنفسك عن سالفه الرجل اللي يوزع عليكم , و شفت مره الماج عند العضو دراك لنك وسالته من وين قالي من عند ماريو و مره سالت العضو شادو عن الايتم والايتم اللي عند الاعضاء قالي اللي عند ماريو مع انه هذا بعد انته ما قلتلي لي انه رمى كل الاسحله اللي عنده) يعني هذا اللي عرفته بالصدفه وما ادري اذا في شي زياده بعد او لا ...

الاعضاء الجدد لا تحاسبهم لانهم جدد وليسوا من المنتدى وكانوا لا يعرفون القوانين .. وانا ماشفت العضو jrok غير مره اون لاين وعلى ما سمعت انه الهانتر ليسن انتهي اشتراكه فيه ...

---

هو الي عطاه مو انا

و بعدين Jroc الحين بيجدد اليوم او باجر :أفكر:

اقتباس:

---

تنكت !!!! انته اول شي تعرف كيف يسون ماج الدريم كاست من الماج العاديه والليفلات المطلوبه لتحويلها ؟؟ والعضو ماريو عنده نسخه مطابقه منها كوبي وتقول بعد انها غير منسوخه بعد !!!

---

يمكن انكت ؟ ما ادري :!

اقتباس:

---

تكلم عن نفسك .... بالنسبه لي انا افضل اني العب مع واحد امريكي او ياباني ادا كان ثقه ويلعب لعب عادل واستمتع باللعبه معاه ,, من واحد عربي يسب اثناء اللعب ومزعج ويستخدم اسلحه منسوخه و غير محل ثقه ...

---

العب مع الامريكي احسن لك اذا كان هذا الشيء يريحك و بعدين الي ينسب او انسب او بينسب لازم ينسب لانه عارف ليش و انا اعرفه 100% و خله يشتكي مثل الحريم هو عارف نفسه و انا ما ابغي افضحه واحد اناني خقاق

انا ما بزيد لانه اودين قالي لا تزيد :أفكر:

اقتباس:

---

الرسالة الأصلية كتبت بواسطة Grandizer


اول الشيء انا عاطي شادو السلاح و قلت له انه ماريو و بعدين تأكدت انته انا الي عطيته مو ماريو و السلاح الي انا عطيته بنفسي والله روحي محصلنه :أفكر: و بعدين و مستعد اييب دلييلل

---

انا ما ادري عن شو تتكلم ..... العضو شادو شاف عند ماريو 3 ايتم كلها من فئه 11 نجمه god battle ,2X god power تقدر تقولي الصراحه ... انته وماريو كم سلاح 11 نجمه وجدتوه بنفسكم ؟

انا ما اسال ابدا عن اي سلاح 9 نجوم

----------------------------------------------

اقتباس:

---

قريته 100 مره و لين الحين محد حط قانون ولا علق

---

الموضوع صاره تقريبا 10 ايام ومجد عارض والسالفه هي مش معقده ... قانون واحد بس في الدرجه اولى وبدون قانون في الدرحه الثانيه

وهو "تستخدم فقط الايتم التي عثر عليها بنفسه او تبادل فيها مع اعضاء الفريق "

اقتباس:

---

ما ابغي حد يقول لي عن خبرتك لانه ممهما كنت لازم في احسن منك

---

يعني ؟

اقتباس:

---

و بعدين Jroc الحين بيجدد اليوم او باجر

---

مبروك تجديد الليسن له واتمنى لكم التوفيق في فريقكم معاه

اقتباس:

---

يمكن انكت ؟ ما ادري

---

يعني لابس ماج وتقول انها 100% متاكد منها وما تعرف اصلا كيف يسونها والخطوات اللي تمر فيها حتى تصنع هديالماج النادره

اقتباس:

---

بعدين الي ينسب او انسب او بينسب لازم ينسب لانه عارف ليش و انا اعرفه 100% و خله يشتكي مثل الحريم هو عارف نفسه و انا ما ابغي افضحه واحد اناني خقاق

---

انته تتكلم عن مين ؟؟؟ انا جاني عضو واقترح لي اني اضيف هذا القانون بعد ان شاف سب صاير يوم كنت انا غير موجود(وحتى ما قالي من بين من ومن) وانا ما اعرف انته تتكلم عن شو اصلا ... اذا في عضو شي من بينك وبينه حلوا المشكله من بينكم وليس في عالم PSO ...


---------------------------------------------------------------

الان الى شو تريد توصل انته ؟ انته ما تقول انك بسوي فريق ؟ خلاص حظ موفق لكم واتمنى انكم تستمتعون الطريقه اللي بتلعبون فيها

خلاص انشاء الله فريقنا ينجح و اهم شيء انه اعضاء كثير يلا


و عن الماج مال دريم كاست انا مسونه ":"

والي يبغي يتعلم حياه ;-)

و بعدين انشاء الله يصير في منتدى pso هني للنقاش يعني ;-)

اظني انا طالع بعد

تقولي درجه ثانيه وانا متأكد اكثر الي هنا يستخدمون دوبد فيه اعضاء بسيطين بس ما يستعملون بس وش تسوي :(

اذا بغيت العب ما يحتاج اكون هنا عشان العب الي اشوفه في pso اون لاين العب معاه يبي يلعب والا كيفه والاسلحه اذا كنت مقتنع انها دوبد انا ما رحت لواحد ينسخ وقلتله عطني انا سويت تريد مع واحد وعطيته من عندي سلاح وعطاني سلاح على اي اساس تحكم انه دوبد :! ليه ما فيه احد غيرك ما يستخدم دوبد

على العموم شكرا لكم على هذه المعامله الجميله وباي ...:D

والله ما ادري بلاكم على الريال , وكل واحد مطلع له مشكلة من صوب ..

نينجا ما جبركم على غنكم تكونون من أعضاء فريق المنتدى , وبصراحه فكرته حلوه و مميزات الفريق موب صعبه إنجازها , وخير منه أن تعب على الموضوع وفكرته , وزين منه أن ذكرنا وما قصر ..

نظم الفريق إلى جزئين , فالجزء الأول هو إلي يملك أسحله هو وجدها بنفسه وبتعبه , ويستخدمها إذا اجتمعتوا يمرحلة معينه , ولا يستخدم الغش والثقه المتواجدة بأعضاء الفريق , أما الجزء الآخر هم الدرجة الثانية من الفريق زين منه إن ذكركم بعد قوم الدرجة الثانية , وكل واحد وإرادته يقدر حتى إنه ما يشارك إذا ما يريد يستغنى عن سلاح منسوخ أو من هذا القبيل ..

بغيت تشارك أهلا ً وسهلا ً فإنت مرحب بك بأي وقت , ما بغيت تشارك وفضلت أجانب إنت وإرادتك , فاللعبة لعبتك وإنت حر بدخولك أونلاين , يعني صاحب الموضوع ما جبركم على اللعب إنكم تكونون من أعضاء الفريق , إنت حر وبكيفك وبإرادتك سو إلي تباه , البقية والحمدلله محد منهم معارض وكلنا متفقين بالقانون ..

متعت اللعبة موب إنك تنسخ أسلحه قوية وتلعب فيها وتورينا جدارتك باللعبة وقوتك , متعت اللعبة لما تلعب بشيء أنت طلعته وتعبت عليه , ولعبة فيها وخسرت ثم تفوقت على العدو وهكذا ..

فكرة نسخ أسلحة قوية تذكرني بالقطعة الغبية الGame Shark , وإلي يستخدمها ضيع على عمره حلاة اللعبة و طريقتها ..

ياليت منكم لو تقفلون الموضوع , وماله داعي تكبرون السالفة .. وشكرا ً

اقتباس:

---

الرسالة الأصلية كتبت بواسطة Nintendo, Cube.
والله ما ادري بلاكم على الريال , وكل واحد مطلع له مشكلة من صوب ..

نينجا ما جبركم على غنكم تكونون من أعضاء فريق المنتدى , وبصراحه فكرته حلوه و مميزات الفريق موب صعبه إنجازها , وخير منه أن تعب على الموضوع وفكرته , وزين منه أن ذكرنا وما قصر ..

نظم الفريق إلى جزئين , فالجزء الأول هو إلي يملك أسحله هو وجدها بنفسه وبتعبه , ويستخدمها إذا اجتمعتوا يمرحلة معينه , ولا يستخدم الغش والثقه المتواجدة بأعضاء الفريق , أما الجزء الآخر هم الدرجة الثانية من الفريق زين منه إن ذكركم بعد قوم الدرجة الثانية , وكل واحد وإرادته يقدر حتى إنه ما يشارك إذا ما يريد يستغنى عن سلاح منسوخ أو من هذا القبيل ..

بغيت تشارك أهلا ً وسهلا ً فإنت مرحب بك بأي وقت , ما بغيت تشارك وفضلت أجانب إنت وإرادتك , فاللعبة لعبتك وإنت حر بدخولك أونلاين , يعني صاحب الموضوع ما جبركم على اللعب إنكم تكونون من أعضاء الفريق , إنت حر وبكيفك وبإرادتك سو إلي تباه , البقية والحمدلله محد منهم معارض وكلنا متفقين بالقانون ..

متعت اللعبة موب إنك تنسخ أسلحه قوية وتلعب فيها وتورينا جدارتك باللعبة وقوتك , متعت اللعبة لما تلعب بشيء أنت طلعته وتعبت عليه , ولعبة فيها وخسرت ثم تفوقت على العدو وهكذا ..

فكرة نسخ أسلحة قوية تذكرني بالقطعة الغبية الGame Shark , وإلي يستخدمها ضيع على عمره حلاة اللعبة و طريقتها ..

ياليت منكم لو تقفلون الموضوع , وماله داعي تكبرون السالفة .. وشكرا ً

---

نن كيوب بس جبيت اوضح لك نقطة وهي انك مب فاهم المشكلة وين ... :أفكر:

يعني انت شو دراك انه اسلحتنا منسوخة ومثل ما تقول احنا ننسخ :أفكر: اصلاً لو اعرف كيف انسخ زين ?:

وبعدين مثل ما قال سن جوكو

اقتباس:

---

اذا بغيت العب ما يحتاج اكون هنا عشان العب الي اشوفه في pso اون لاين العب معاه يبي يلعب والا كيفه والاسلحه اذا كنت مقتنع انها دوبد انا ما رحت لواحد ينسخ وقلتله عطني انا سويت تريد مع واحد وعطيته من عندي سلاح وعطاني سلاح على اي اساس تحكم انه دوبد ليه ما فيه احد غيرك ما يستخدم دوبد

---

وبعدين ننكيوب في فرق بيني وبينك يعني انت الحين شريت اللعبة وسييده قريت القوانين اما انا عندي اياها من سنة 2002 يعني تخيل كم مرة تبادلت وكم مرة عطوني اسلحة وكم مرة .... يعني كيف تبغيني اعرف المنسوخ من الاصلي ... :أفكر:

وبعدين انا كنت بنضم للفريق ونات شفت جملة ننجا اول شي الي فيها (( ماريو كلمني على المسنجر اذا تبغي تكون درجة اولى))

طبعاً شوف ردي وبتشوف اني انا قلت (( ان شاء الله )) وما قلت شي ثاني وبعد ما كلمني ?:

وبعد ما خلصنا لعب مع ننجا وكل شي ... لقيته مثل ما يقولون يسب بطريقه غير مباشرة يوم كان يكلم جراندايزر في المسنجر (( اظن ان الكلام صحيح :أفكر: ))

فأرجو منك اخوي ننكيوب انك تتك بعيد عن السالفة ;)
شباب خلاص احنا طلعنا من الفريق ليش معورين راسكم .. لا تردون على الموضوع اوكي :o

شباب خلاص احنا طلعنا من الفريق ليش معورين راسكم .. لا تردون على الموضوع اوكي :o [/B][/QUOTE]

اقتباس:

---

يعني انت شو دراك انه اسلحتنا منسوخة ومثل ما تقول احنا ننسخ اصلاً لو اعرف كيف انسخ زين

---

أدري إنكم ما تعرفون , وإلي أعرفه إنه في واحد من اللعبة نسخته تختلف عن نسختكم , وله إمكانية النسخ ..

اقتباس:

---

وبعدين ننكيوب في فرق بيني وبينك يعني انت الحين شريت اللعبة وسييده قريت القوانين اما انا عندي اياها من سنة 2002 يعني تخيل كم مرة تبادلت وكم مرة عطوني اسلحة وكم مرة .... يعني كيف تبغيني اعرف المنسوخ من الاصلي ...

---

صح إنه فرق كبير , وصحيح إني أول مرة العب PSO وأفهم على قوانينها , لكن مثل إلي فهمته من الربع إنكم تعرفون واحد أو من هذا القبيل ينسخ لكم أسلحه , وهذا غير شرعي بالأساس ..

أما إلي صار بينك وبين نينجا (الله أعلم) ما أدري بشيء عنه ..

اقتباس:

---

لا تردون على الموضوع اوكي

---

زين هذا هو المطلوب ..

اقتباس:

---

الرسالة الأصلية كتبت بواسطة Cube Street Boy
اظني انا طالع بعد

تقولي درجه ثانيه وانا متأكد اكثر الي هنا يستخدمون دوبد فيه اعضاء بسيطين بس ما يستعملون بس وش تسوي :(

اذا بغيت العب ما يحتاج اكون هنا عشان العب الي اشوفه في pso اون لاين العب معاه يبي يلعب والا كيفه والاسلحه اذا كنت مقتنع انها دوبد انا ما رحت لواحد ينسخ وقلتله عطني انا سويت تريد مع واحد وعطيته من عندي سلاح وعطاني سلاح على اي اساس تحكم انه دوبد :! ليه ما فيه احد غيرك ما يستخدم دوبد

على العموم شكرا لكم على هذه المعامله الجميله وباي ...:D

---

الاسلحه اللي عندك اسمها super rare وهذي لا تتوقع واحد يحصلها بنفسه يبادل فيها ... على سبيل المثال سلاح Black king bar +80 اذا كنت تعرف كيف يصنع هذا السلاح والجهذ حتى الواحد يصنعه تتوقع سوف يبادلك مقابل سلاح انته وجدته ؟؟ خلك منطقي في الحكم على الايتم ولا تقول انا ما اعرف انه دوبد وانا لهذا قلت الايتم تكون من بين اعضاء الفريق ...

انا الاسلحه اللي هي 9 نجوم مو مشكله تبادل فيها لانه محد يفكر ينسخها بشكل عام ...

ثاني شي انته اكبر مشكله فيك .. انك غير محل ثقه ... يعني تكذب علي عيني عينك ... ولا تزال تصر على كذبك انك وجدت سلاح j-sward في الالتمات مود ؟؟ لما كان ليفلك اقل من 60 !!! ليش تكذب ؟؟؟ هل حتى تلعب بهذا السلاح مع الفريق ؟؟

وتعطي شادو سلاح سبير نيدل 40+ مع الهيت 50% وتقوله انك وجدته ؟ تدري كم نسخه انا شايف من هذا السلاح ؟؟


-------------------------------------------------------------------------

اقتباس:

---

لقيته مثل ما يقولون يسب بطريقه غير مباشرة يوم كان يكلم جراندايزر في المسنجر (( اظن ان الكلام صحيح ))

---

انا كنت اتكلم عن الجمله اللي شفتها وهي "my game is crash .. give wepon" و واحد يطلب من الناس بالطريق هدي بعتبر noob فاذا انته مش اللي كنت كاتبنها فانا ما قصدتك بل قصد اللي كان مخزن هذي الجمله في الشورت كات ..

اقتباس:

---

أدري إنكم ما تعرفون , وإلي أعرفه إنه في واحد من اللعبة نسخته تختلف عن نسختكم , وله إمكانية النسخ ..

---

احنا ما نعرف حد اولا و بعدين انا ما شفت هذا الي يتكلم عنه انا هو خبرني عن هذي السالفه الي صارت و هو في الاساس فر كل شيء و انا قلت حق ننجا انه فراهم هل هو الحين من الدرجه الاولى محد رد علي



------------------------------------------------------------------------------------

في الحقيقه انا نفسي كلنا نكون في فريق واحد ما في نزاعات والا شيء ولا نصير احزاب و لا فرق احسن شيء نكون عرب في فريق واحد و انا حاليه اتبع طريقة ننجا ما ابدل ويا الدوبرس ولا ابدل ابدا و الاشياء الي عندي احاول اني ابدلها مثل GOD POWER انا محصل 2 قبل من زمان الحين استعمل يادلهم OGRE POWER و هكذا .............

اهلا انا ما كان ودي ارد بس وش اسوي ...

المهم انا ما ودي اطول النقاش وارجع لاشياء ماضيه بس السيلد جاي سورد انامنيب قايل اني خذته من واحد لان هذا الي صار لي: لقيته مع خويي كان معي اوف لاين مو اون لاين ،صدق انا ما كنت العب بشخصياتي لكن المهم انا لقيته في السنترال كنترول التميت من الفراشه هذيك الي تسوي حولها درع اظن اسمها قي قيو المهم بعد ما لقيته وخلصنا لعب قال تعال اعطيك السلاح الي لقيته بشخصيته ونقلته لشخصيتي بس ، وقلت لك.
صدق اني قلت اني لعبت معاه علطول بس هذا الي صار وانا قلت لك اصلا قبل ما تسوي الفريق باشهر يعني قبل القوانين فكيف اكذب عشان العب مع الفريق ؟!

اما عن السبير نيدل 40+ انا ما قلت لشادو انا لقبته قالي هو دوبد قلت له لا لاني انا ما رحت لواحد وقلتله انسخ لي السلاح انا تبادلت مع واحد بس .

واما عن الاشياء المنسوخه الي عندي هي اسلحه كلها وماق واحد opa opa استغنيت عنه لان واحد عطاني هدية كرسمس لقيت فيها هارت اوف انجل وسويته على ماقي لفل 200 وتحول لانجل وينقز

اذا تبون العب بالاسلحه الي انا لقيتها انا ما عندي مانع واذا خلاص ما تبوني انا ما عندي مانع ايضا انا ما اقدر اتحكم فيكم انتم تحكمون ...



:) :)

اقتباس:

---

الرسالة الأصلية كتبت بواسطة Cube Street Boy
اذا تبون العب بالاسلحه الي انا لقيتها انا ما عندي مانع واذا خلاص ما تبوني انا ما عندي مانع ايضا انا ما اقدر اتحكم فيكم انتم تحكمون ...

---

بعلق فقط بهذه الجملة , وبكلمتين ..

القانون إلي نحن وافقنا عليه هو إلي يتحكم فينا , موب صاحب الموضوع إلي يتحكم فينا ..

بس ننتدو انا ما قلت انتك تتحكمون...
انا قلت انتم تحكمون تبوني معاكم والا لا :D

اسمعوني زين انا ما كملت غير نص الموضوع و شفت انه السالفة راحت فملحها

اول شي اشوفكم تمدحون jroc وايد؟......لفل 52....ديفل وينجز.....سلاح على شكل برق ما اعرفه...مسكت راسي و شكله سلاح ما يتوافق مع لفله...على العموم ما اقدر احكم عليه دام انه لاعب من ايام الدريم كاست ممكن يكون مسوي الماج بروحه و لاقي السلاح بس سمعوا......

لا انتم مغصوبين على الفريق ولا شي...تبون تدخلون شفت القوانين تبون حياكم تاخواني ما تبون على راحتكم لعبوا على راحتكم....لكن بسألكم سؤال

تحس بقيمة السلاح المنسوخ؟

من ناحيتي...لا.....بالعكس ما احس بفرحة ...انا فورس...و شفت اسلحة قوية قوية للفروس لكن ما تجرأت اني استخدمهن....اصلا شليتهن قريت شو مكتوب عنهن و رميتهن...

كل واحد على راحته شباب^_^

لعبوا على كيفكم صح مافي ليدر...لكن مهما كان ما يحتاي تسوون مشكلة شكبرها و تبدون بالتطنيز على بعض.....:) ....خلكم متحابين...

كل شي له قوانين فهالدنيا.حتى اللعب^_^....فارجو من كل المشتركين فالفريق يتبع القوانين حرفيا ارجوكم و السبب هو الحصول على المتعة الحقيقية من pso واللي بينسخ ترى يفوته وايد.....غير لما تحصل اسلاح بنفسك تحس بطعمه حتى لو كان تسع نجوم تفرحبه^_^

فاقول هالموضوع لازم.....لازم ينمسح بعد ما الاخ يفتح موضوع جديد فيه القوانين مرة ثانية ويترك لمن لديه اسئلة او اقترحات....مش مشاكل عسب اراء شخصية....في ناس تتعب على الموقع و نحن نفكر انه الموقع نكبره و نخليه يشمل فاينل فانتسي 11 ايضا و بيكون على موقع معتبر(مش مجاني طبعا) فارجو مراعاة الشعور هذا فاللي ما عنده امتنان اكرمونا بسكوتكم و لعبوا اللعبة على راحتكم اخواني ماشي بالغصب":"

الحمدالله البارحه شفت ننجا قلت له تعال جيك على الاسلحه مالي و راوني الي لازم استخدمه و شو لازم ما استخدمه نفس الحال مع ماريو صار معاه نفس الشيء فر نص اسلحته


الحين

we both from first class

well........got to here thing have worked out......and welcome to darklight(if thats the name...ninja havent confirmed it yet)...

اهلا انا قلت لكم بالعب اوكي

ننجا مو مشكله اذا ما كان عاجبك السيلد جاي سورد ما راح العب فيه وفيه اسلحه حلوه انا لاقيها 100% راح اوريكياه اذا قبلتني :)

اقتباس:

---

الرسالة الأصلية كتبت بواسطة Cube Street Boy
اهلا انا ما كان ودي ارد بس وش اسوي ...

المهم انا ما ودي اطول النقاش وارجع لاشياء ماضيه بس السيلد جاي سورد انامنيب قايل اني خذته من واحد لان هذا الي صار لي: لقيته مع خويي كان معي اوف لاين مو اون لاين ،صدق انا ما كنت العب بشخصياتي لكن المهم انا لقيته في السنترال كنترول التميت من الفراشه هذيك الي تسوي حولها درع اظن اسمها قي قيو المهم بعد ما لقيته وخلصنا لعب قال تعال اعطيك السلاح الي لقيته بشخصيته ونقلته لشخصيتي بس ، وقلت لك.
صدق اني قلت اني لعبت معاه علطول بس هذا الي صار وانا قلت لك اصلا قبل ما تسوي الفريق باشهر يعني قبل القوانين فكيف اكذب عشان العب مع الفريق ؟!


:) :)

---

يا اخي بس خلاص حرام عليك هذي خامس قصه تالف لي اياها !!!

اول قصه : انك وجدته في الالتمات على كلامك في الغابه او الكهف (قلتني انك ما تذكر ) وهذا السلاح ما يضهر في هذي المنتطقتين

الفصه الثانيه : قتلني انك لعبت لعب جماعي في الاوف لاين لما كان ليفلك تحت 80 ( واصلا ما تقدر تلعب الالتمات مود في اللعب الجماعي وليفلك اقل 80)

القصه الثالثه : قتلني انه عند صاحبك عنده جيم شارك وتقدر تلعب الالتمات مود - اول شي ما في جيم جيم شارك للجيم جيوب فيه شي ثاني اسمه اكشن ريبلى لكن لا يوجد اي كود فانتسي ستار لانه لا يصدر للالعاب الاون لاين كود)

القصه الرابه : انه صديقك رماه لك بالغلط في الاوف لاين وانته شليته وانته ما تدري

والان هذي القصه جديده انا اول مره اسمعها !!!!

ليش كل مره تالف قصه ؟؟؟؟ انا واحد بعد هذا كله مستحيل اثق فيه ابدا

اقتباس:

---

اما عن السبير نيدل 40+ انا ما قلت لشادو انا لقبته قالي هو دوبد قلت له لا لاني انا ما رحت لواحد وقلتله انسخ لي السلاح انا تبادلت مع واحد بس

---

يعني لو اسير عند واحد واقوله عطني سلاح BKB+80 مقابل فيرستا وعطاني اياه يصير غير منسوخ !! اوlegit لكن لو عطاني مجانا يكون منسوخ

اذا كل عضو بيقول نفس الكلام شوف فايده القانون


----------------------------------------------------------------------


بالنسبه للعضو جراندير وماريو .. انا اشكر لهم تعاونهم وهم درجه اولى في الفريق سوف يضعون كل الايتم اللي عندهم في موضوع الايتم والان عندهم فقط الايتم اللي وجدوه ...

غبت عن المنتدى 3 ايام و صار كل هذا lol المهم انحلت بعض المشاكل

اقتباس:

---

we both from first class

---

مبروووك:D

اقتباس:

---

الرسالة الأصلية كتبت بواسطة Tails&Kirby
غبت عن المنتدى 3 ايام و صار كل هذا lol المهم انحلت بعض المشاكل


مبروووك:D

---

الله يبارك فيك ;)