ضريبة DSL ‍‍!!

السلام عليكم

اول شيء باركولي على تركيب DSL من اثير لا بارك الله فيهم

تعرفوا مقدم عندهم لي شهرين ولا احد يدور ولا يتصل مير انا اتباعهم والخط اشتغل عندي من اسبوعين ولا فكروا يجوا يركبوا المودم ويضبطوا شغلهم ولا ويوم اتصل عليهم يتهربوا من الرد علي كأني مسلفهم فلوس حسبي عليهم:غضب:

وانا انصح الي بيركب DSL يبعد عنهم ماعندهم سالفة انا اخذ سرعة 128 وعندي البينق في موها فوق 300‍‍‍!! يوم كنت على الدايل اب كان البينق حول 400 و500 يعني ماكأني سويت شيء...

ماعلينا ":"

المهم ابيكم تعطوني افضل الالعااب """اون لاين"" فقط لاني مااحب العب شيء لحالي ابدا :D

وياليت تبعدوا عن الالعاب الاسترتيجية لاني ماادانيها :أفكر:
يعني العاب مثل ميدل اوف هونر او دووم <<< على فكرة هل دوم تنلعب اون لاين؟؟
ومشكورين مقدما :D

مبرووك على الدي اس ال الندر
اما عن التأخير أبشرك كل الشركات فيهم تأخير زي كذا:p

اما الالعاب عندك غير ميدال اوف هونور
Wolfenstein - Enemy Territory
BattleField 1942
وخاصة مودها الجديد DesertCombat
Counter-Strike أكيد تلعبها أو سامع عنها:D بس قديمه مرة
Unreal Tornemint 2003


هذي الالعاب اللي اذكرها...
اللي يعرف غيرها يكتبها

عادي هو السبب من عندنا ان البنج مرتفع قعدوا يلفون علينا بالرويتر وخرابيط:6 مهب زي الدول الثانية على طول بالجدار ويشتغل:"


المهم عندك بعد Team Fortress بس مهب احلى من الي قالهن الأخ باهاموث

اسمحلي اسئلك كم سؤال بما انك ركبت الـDSL انا الصراحه ناوي اركبه لكن عندي كم كم تركيبه ... وهل فيه اشتراك شهري وكم قيمته
والسؤال الاهم على يشتغل اذا كان عندي سنترال في البيت .. لاني سمعت انه ما ينشبك الا على خط ثابت .. يعني ابي اخليه يوصل على جهازين في غرفتين هل يكلف نفس التكلفه ولا لا:D

معليش كثرت الاسئله
وانصحك لعبه UNREAL TOURNAMENT الجزء الاول رهيييبه;-)

باهاموث

الله يبارك فيك ...
والتأخير مو كل الشركات كذا سعودي نت مثلا اذا تأخرت مرررة مايزيد التقديم عن شهر... ذولا اقول لك شهرين ولا بعد الخط تحول DSL وهم مافكروا ولا درواا عنه ولو ماانا اتباع الشركة بالرياض كان الله يخلف ..

ومشكور على الالعاب بس ما ابيها كلها تصويب مثل موها اريد شوي تغيير يعني العاب مثل دوم او حتى بلات فورم..

وعلى فكرة منهو "الندر" :D


sul911
يعطيك العافية انا بعض السيرفرات انطرد منها بسبب البينق المرتفع يقولوا مايبون اكثر من 100 :" هذا وحنا مركبين DSL 128

افضل شيء احول ان شاء الله على ستلايت وانصح كل الي يبي ياخذ DSL يفكر الف مرة لانه في السعودية مايسوى شيء...
المهندس الي جاء ركب لي قال لو انه اخذت ستلايت داون لود فقط ربع ميقا كان افضل بكثير... وماراح يكلف الا حوالي 5000 لستة اشهر...
بينما انا اخذ DSL 128 لثلاثة اشهر فقط دافع الى الان 3000 ريال لاثير حق الخط والتركيب والمودم والاشتراك وباقي يجي على الفاتورة تقريبا 1200 حق الاشتراك ‍‍‍!!!!

يعني سرقة عيني عينك ولا على شيء... وياقلب لاتحزن :أفكر:



لعبة Team Fortress وش هي؟؟
ياليت تعطوني شرح بسيط للعبة لاني شابك النت 24 ساعة هالكهم داون لود ابي احلل فلوسي :D

لكن ودي اشتري لعبتين نسخة اصلية بس ماابي احط فلوسي في شيء مايسوى ابي شيء بحلاوة الموها بس مو نفس طريقة اللعبة او القتال..
اهم شيء تكون اون لاين.................
لاني ماعندي الا لعبة واحدة وهيا الموها ولسه جديد على عالم الالعاب ^_^


يالله بروح امرخ يدي عورتني من كثر الكتابة :p

م ش ك و ر ي ن مقدما

بس مشكلة الساتالايت ما تقدر تلعب على النت البنق يصير دايماً 999:(

اما تيم فورس فهي تلقاه مع مجموعة هاف لايف

بهلول

آسف أخوي توني اشوف ردك شكلنا كتبنا سوى الردود لذا ماانتبهت له..

المهم
سؤال واسع مرة
عموما انا بعطيك تفاصيل قيمة اشتراكي...
اولا رسوم تأسيس لشركة اثير 300 ريال
ثم اشتراك لمدة ثلاث اشهر على سرعة 128 بـ 450 ريال للشهر تقريبا
ثم قيمة 1200 ريال للمودم
ثم قيمة 450 رسوم تركيب المودم؟؟؟؟ حرامية بس خلها على الله..

تقريبا كذا الناتج 3300 ريال لكن انا دافع فقط 3000 ريال في غلط بالحساب وين ماادري :D
ثانيا هناك رسوم لشركة الاتصال وهيا كما اتوقع 380 رسوم تأسيس و220 ريال شهريا حق ثلاث اشهر لاشتراكي... تطلع تقريبا 1040 تزيد او تنقص شوي ...

ماادري كيف يصير على السنترال والله... لكن افضل شيء اتصل على اي شركة من شركات النت الي توفر DSL وخذ المعلومات منهم بالتفصيل الممل اهلكهم بالاسئلة مثلي وهم راح يعلموك...
اتمنى اني اجبت على تساؤلك ^_^


UNREAL TOURNAMENT وش هي هذي اللعبة تصويب؟؟

ليه تتاسف خذ راحتك ومشكور على المعلومات الثمينه .. لو ركبيته يبي يوفر على واجد

اما بالنسبه لانريل تورنمينت في لعبه من العاب منظور الشخص الاول (( يجيب لك صورت السلاح بس ))

وهي من احلى العاب الـ pc:D

افف يعني كل ثلاث اشهر 3300 ريال :! وهذا على الـ128

والله حالة انا 64 بصحارى لكن أقل من كذا بكثير صحيح ليه يحطون رسوم تركيب المودم صراحة مالها داعي يعني ركبته انا وش دخلكم !!

طيب انا واحد ابغا اركب المودم بس ما ابي ادخل على النت ولا ابغا دي اس ال بس ابي اركبه زينه :D عليه رسوم بعد ؟!!


اما الستايلات تقصد الفضائي ؟!!
كأني سمعت انه ممنوع بالسعودية ولا غيروا رايهم ؟

السلام عليكم

الستالايت ماينفع مع الالعاب انا ماخذ ستالايت داون لود بس مكلفني 1600 بس رسوم تأسيس وسرعه 512 كيلو بايت ثلاثه شهور لكن مع الالعاب كأنه دايل اب عادي طبعا , اما الستالايت الخطين رايح جاي تأسيس وقيمة المعدات ممكن يوصل 11000 ريال من غير اشتراكاته الشهريه المكلفه جدا

الDSL افضل حل للتوفير وكمان للسرعه وللالعاب ايضا , وبرضه ممنوع الستالايت في السعودية يعني DSL وريح بالك


تحياتي

.

هلا شباب أنا مستغرب ليش (حاقرين الdsl) ترى لو تشوفون الفرق بين الدايل أب (الكروت) وبين الdsl فرق السماء عن الأرض أول شيء ما ينقطع الإتصال عليك وثاني شيء 24 ساعة شغال وبعدين الميزة اللي تخليها أحسن من الستلايت أنه سعة الداون لود غير محدودة (يعني لو تقعد تحمل من الحين لين بعد شهر عادي) وغير كذا ما يشغل خط التلفون وفوق كل هذا سعره معقول نوعاً ما...

مبروك أخى على تركيبك لخط الDSL
ماشاء الله , ربنا يحفظك أخوى! ;)

الصراحة يوم اقرى مواضيع عن الdsl فالسعودية اقول الحمدلله لان اسعارنا اقل وبمستويات اعلى :أفكر:

بس يوم اطالع الاسعار فالدول الاجنبية ايلس متحسر على الاسعار المرتفعة

نحن فالامارات عندنا 3 خدمات للDSL و3 للCable للأسعار والمعلومات


بس تعالو نجوف فأمريكا عندهم ال1.5 ميجا بت ب 60 دولار فالشهر :غضب: والله حسرة:"

أخوي باهموث.. قيمة المودم 1200 صحيح لانه شريته من عندهم وحق الرتكيب لانه هم جوا وركبوه وطلع تركيبه مايحتاج فلسفة سهل مرة لكن انا غشيم واكلت المقلب...
عموما سمعت ان المودم تشتريه من المحلات بـ850 تقريبا!!!

والله يباركم فيكم وينتقم من شركة الاحتيالات الي ذبحتنا بالفواتير والخدمة التعباااانة...




على فكرة وين الالعاب :d

الله يخلف علينا حنا ما يرخص الشي عندنا الا لمن يسير ببلاش في الدول الثانيه.

امممممممم
انا ركبته 700 ريال!!

والله شكلي بغير صحارى:)