عرض للطباعة
بسم الله الرحمن الرحيم
بعد التوكل على الله ومشاورة الأخوة في الدائرة الانتخابية قررت ترشيح نفسي :6 ( جني مظيع شوي ) ":"
على العموم هذي أول مشاركات لي في المنتدى ،على الرغم اني على اطلاع عليه وقاعد اراقبه من فتره ، وكنت ناطر الامتحانات تخلص عشان ابلش معاكم اهني ":" راح ابدي برسمات قديمة شوي وبس بعدين أتدرج معاكم . :D
أرجو من كل اللي يزور هذا الجاليري ألا يبخل علي بالملاحظات والانتقادات :0)
في النهاية أحب أشكر زيارتكم للجاليري :0) ;-)
الثانية
الثالثة
هذي آخر وحدة والجديد يايكم بعدين":"
sharp eyes........
هلا اخوي منور المنتدى.....برسوماتك الروعه....:D :D
الرسم الاولى صراااااااااااااااااااااحه شييييييييييييي ثاااااااني رووووووووووووووووووعه والتلويييييييين دقيييييييق وتدرجات الالوان عندك مظبوطه...:D
الثانيه حلوه ...والثالثه...رووووووووعه ...الاخيره ...جسم الرجل جاي صح بس عندك اليد اليسرى يبيلها تعديل ..وملامح الوجه قويه...
ماشاء الله اخوي رسمك وايد حلو...:D :D وحياك بمنتدانا...
سلالالام ..
تغريد;)
ولكم أخوي ..
مشاء الله عليك .. تلوينك حلو ..
ننتظر منك اكثر. . و مشاركاتك المميزة .. :)
:D :D :D كلنا مضيعين بسبب الانتخابات
:أفكر: الواحد مايقدريشوف طريجه بسبب صور المرشحين الي تارسين الشوارع
:D على العموم رسمك حلو وخصوصا التلوين عجيب
بس في ملاحظات بسيطه بخصوص العين شوي بعدهم عن بعض ;)
واستمر
ما شاء الله رسومك تبشر بفنان موعود
رسمك وخطوطك جدا حلوة وجيدة بس عندي ملاحظات اذا ما عندك مانع اني احط ملاحظاتي :D
الرسمة الأولى رهيبة ... تلوينك جدا عجبني وتنسيق الألوان مع التظيل طالع حلو بس يبيلك تلاحظ منطقة الفك السفلي ;)
الثانية جيدة بس العين اليمين اللي هي الصغيرة كانك مبالغ شوي في حجم العين... كما ان مقبض السيف ما يكون قصير لهالدرجة :D
الثالثة يبيلك توازن منظور العيون لان الوجه جاي من الجنب ولا انا غلطان؟؟
الرابعة جدا عجبتني بس اليد اللي ماسكة الخوذة صغيرة شوي كما ان الرجول حاول انها تكون بزاوية مختلفة مو عالجنب كلها
اتمنى اني ما اكون زعلتك بكلامي واتمنى نشوف منك رسومات اكثر
لا تنسى ان عند يد فنان موعود ;)
أنا سعيد جدا للمشاركات الطيبة هذي ،والصراحة ما كنت متوقع هذي المشاركات :#
مستعجلة بالمرة : أشكرج على هذا الإطرا ء، أخجلتي تواضعي :6 وانشالله بتشوفين الأحسن :D
neo cid: أشكرك على مشاركتك وأتمنى ان ما تقطع زيارتك لجاليري :D
taja : كلامج بالنسبة للانتخابات صح 100% ، أما بالنسبة لملاحظاتج عن العيون انشالله آخذها بالاعتبار .
ديك منتوف : أحب أشكرك وايد على ملاحظاتك ، اللي اهيه بمكانها . الصراحة ملاحظاتك كلها صحيحة ،بس أحب أوضح جم شغله :
بالنسبة للرسمة الأولى ، اهي شوي قديمة ووقتها ما كنت ماخذ على وضعيات الجسم والويه صح بس كلامك عدل :D ، وكذلك بالنسبة للرسمات الأخرى اهي رسمات قديمة شوي وانشالله احط اليديد بعدين .":"
أحب أشكر اللي ساهم اهني مرة ثانية ، ولا تحرمونا من شوفتكم :6
أهلا بالفنان sharp eyes ^^
نورت المنتدى ^^, وسعيد جدا لانضمامك لهذا المنتدى المميز :-)
رسوماتك الأولى بالمنتدى جميلة جدا !!
وانا مع الملاحظات اللي قالها الأخ ديك :)
وبانتظار رسوماتك الجديدة ;)
هاااااااااااااااااااااااااي شارب آيز
يه يه يه شهالرسومات الحلوة :D
ماشاءالله عليك .. حلو حلو حلو حلو .. أربع رسومات كلهم حلوين^ ^
مبين عليك انك بتكون عضو متميز في المنتدى
مبروك عليك الجالاري<<<< توّه متذكر"^-^
وننتظر المزيد من الرسمات يا صديقي:D
:D :D :D :D :D :D :D :D :D :D :D :D :D :D
الصراحة ما أدري شقول شجعتوني:" :"
ما كنت متوقع :6
الصراحة شرف كبير لي أن تزورون الجاليري منورينه ":" بس لا زم ألبس النظارة عشان أقدر أغطي النور وأشوف عدل :6
على العموم أنا عقدت النية لمن دخلت المندى على أن تكون هذي العطلة مرحلة تطوير بالنسبة لرسماتي وانشالله يايكم بالأحسن :D
ثااانككككككككسسس
شارب آيز.................................................انتهى
لحظة لخظة :! :! :! :!
:D :D :D
مبرووووووك يا صاحبي على الجالاري .. و آنة فعلا سعيد ;) بوجودك أخيراً
:غضب: مليت و آنة أحن عليييييك
:6
طبعاً و أكييد تعرف رايي برسمك :) أدري إن عندك أحسن .. يا أخي ليش تخش موهبتك .. افتحها وافتح أبواب الإبداع و الخيال و حتماً حتماااً سترى التطور العجييييب .. ;-)
على العموووم ..يا جماعة أعرفكم على صديقي و حبيبي ح... :": إحم sharp eyes
أهلا فيك عزيزي و ننتظر نشوف إبداعاتك بأسرع وقت :D
yours
Maytham
أهلا أخوي ميثم :D شرايك فيني لمن أكون رسمي .
مشكور على كلامك المشجع و، وأنا أدري إني تأخرت على ما حطيت الجاليري بس بعد شنسوي :D
على العموم انا نفذت نصيحتك وحطيتالجاليري بس ما أبي احرق كل رسماتي :D بعدين أحط اللي انته شفته :D ;)
شكرا مرة ثانية لأنك عرفتني على النتدى :D :"
شارب آيز............. انتهى
:D :D :D وانا اقووووووول ليش عنده حب النقد طالع عليك ميثم
:D شارب ايز مثل ما انا اسمع من ميثم عندك احلى واحلى ليش ماتحطهم نظرا لرسمك الحلو والتلوين المتقن :D :D
:أفكر: وعلى فكره اذا حبيت تحط نقد او تحط ملاحظات حياك:D :D
شكرا تاجا :D
أنا ناطر شوي بس خل أخلص من شغله وإنشالله أحطهم بعدين . شكراللاهتمام :0)
وانشالله أكون على اطلاع على الجاليري مالج دايما :) وما راح اقصر :D
شفتي شلون تاجا .. :) شارب آيز ما قصر مستلم الناس نقد و ملاحظات ..صك علي :) يمعود شوي شوي على الناس ..
بعدين ملاحظة :6 بسك بدليات .. فشلتنا :D
هذي رسمة ثانية أضيفها للجاليري :D ":"
يمكن اهي عبارة عن تدريب قمت فيه أكثر من كونها رسمة :أفكر:
انشالله تعجبكم :D ولا تبخلون علينا بالملاحظات يا الربع !! ;)
تحياتي شارب آيز............................ انتهى
:D :D :D وين الرسمه؟؟؟؟
آسف:D
:D :D :D الولد كيييييييييوت بس فيه ملاحظه
الجسم شوي اصغر من الراس :0) بس تعجبني طريقت الشعر الي تسويها
:D :D
شلونك اخوي شارب..:0)
مبروك أخوي على الجالري اليديد ^^
و ما شالله عليك تعرف ترسم ..:0)
رسمك حلو اخوي شارب و أتمنى إنك تترس الجالري هذا من رسومك
و نشوف منك اكثر إن شالله
سي يو ;-)
سلااااااام:D
sharp eyes....
ماشالله شو هالجاليري الخطير....
:0)
لا الصراحة مستواك في الرسم...رهيب:0) !!!!
من رسمتك الاولى مبين انك فنان...
أما باقي الرسمات
حلو اسلوبك في اسخدام الرصاص...
ماشالله و التدرج في الشعر حلو ^-^...
why dont u try another hair style for a change...its gonna be cool
:-) ....
يالله انشالله اجوف زيادة مستمرة في عدد صفحات الجاليري:6
حظ موفـــــــــــــــق
chaw chaw:أفكر:
مرحبـــــــــــــــــــــــــــــــــــــــا
http://members.lycos.co.uk/lordzacx/Me.jpg
يـــــــــا سلام على هلجالري
روعه......
والوضعيات حلوه
بس في اخطاء بسيطه:6
مو مشكله تصلح...^^
بس بعد رسمك حلو
keep up the good work
farewell 4 now
آسفين على الرد المتاخر شوي بس سامحونا لان الظروف ما ترحم :D
taja: انا وايد مستانس من تفاعلج مع الجاليري مالي واشكرج واييييييد ، والصراحة ملاحظتج بمكانها ، بس كانت تجربة و " ومن التجارب نتعلم " ......... ;)
sakura wakky: مشكووورة اختي على التشجيع :D الصراحة احرجتيني ، وانشالله احط اليديد اول باول ;)
Shadow Cat : شمعنه الرسمة الاولى :واو: بالنسبة حقي اهي الاسوء بالجاليري لانها الاقدم بس يمكن التلوين اهو اللي عاجبج ;)
i'll take ur advice about the hair style and i am working on some
:أفكر: changes in my drawing style and who knows
lord zacx : مشكووور اخوي ، انشالله الاغلاط تتصلح، ومع الوقت اخذ على وضعيات الجسم اكثر من جذي انشالله .
مشكووووريييين يا جماعة ، وجودكم منور الجاليري :"
نعم نعم .. رسمة حلوة منك يا شارب ..
هاهاهاها
تدري اني شايفهة وقايلك شنو التعديلات الي يبيلهة .. و على قولتك إهية تدريب ..
يالله شد حيلك للجولات الأقوى ترى احنا ننتظر ,,
ميثم;)
هلا ميثم :D
مشكور جدا، ولو انك محبطني ، بس الصراحة انت بنفس الوقت مشجعني
( هذا لغز حاول تحلونه ) ;)
بس الصراحة انا استفدت منك وايد ، ولو مو انته خذيت بايدي ودربتني
جان انا ليلحين ارسم ميكي ماوس ، وكل هذا بمدة قياسية ( سنة وحدة
بس ، قبلها ما كنت اعرف ارسم شي ) :" :"
مشكووور يا صديقي العزيز .
:0) بس ليلحين ما خلصت منك :D واوعدك اني اكون عند حسن ظنك .
مبروك يا شارب ايز على الجاليري ..
و نحي بك في احلى منتدى شفته في حيااااااااااتي :"
مشالله عليك رسمك حلو .. بس يبالة شوي تدريب :أفكر:
:واو: أحلى شي في رسمك هو الشعر .. وايد تضبطه ..
إلى الامام:)
مشكورة يا مس كيمينو . وانا مستانس انه الرسمات عجبوج :D
هذي رسمات يديدة اظيفها للجاليري :D
و هاذي الثانية :0)
هلا شارب ونورتنا برسماتك;)
الصراحة لديك اسلوب بالتلوين رووووعه;-)
الملامح عندك قريبه للواقع اكثر من anime ;)
مشكله صغيييييييييييييييره وهي الاحجام والابعاد ، لو تضبطها شوي يطلع رسمك :cool:
وفيه نقطة مهمة وهي حدود الوجه اتمنى تطورها
واخيرا خيالك حلو خاصة في الرسمة الاخيرة:cool:
وحياك مرة ثانية;-)
شلونك أخوي شارب آيز:0)
واو حطيت رسمات يديدة ^^
الرسمة الأولى الوشم فيها عاجبني :-)
و الرسمة الثانية الحركة فيها حلوة ....
بس ملاحظة إن الإيد ضعيفة بالنسبة للجسم ...و الريل بعد قصيرة شوي ..:أفكر: هذا من رايي><
و أتمنى أشوفلك رسومات أكثر
سي يو ;-)
:D ;)
واو ساكورا مشاركة مرة ثانية :أفكر: ;)
مشكورة يا ساكورا على ملاحظاتج :D وانا مستانس وايد من تفاعلج مع الرسمات والجالري ;)
بالنسبة لملاحظاتج عن الرسمة الثانية ، الصراحة انا كنت راسمها من فترة طويلة وكنت توني بادي برسم الجسم، وكانت هالرسمة اول رسمة بعد اطلاعي على المنتدى وخصوصا رسمات ريفلكس كانت ماثرة فيني :D فكنت متحمس وطلعت هالرسمة ، بس ملاحظاتج اوكي 100% وانشالله ما اطيح بهالغلطات مرة ثانية ، مشكوووورة مرة ثانية :"
لاااااا تقاطعينا ;)
:D :D :D واخييييييييييرا خلصت الانتخابات على خير هههههههههههههه
:D حبيت اعلق على الرسمات اليديده :واو: واااااااااااااااااااااااااااااااااو
ماشاء الله عليك بالشعر عجيييييييييب شلون تخلي الخصل حاده المفروض تسمي نفسك شارب هير هههههههه:D
شخصياتك وااايد حلوه ب بالرسمه الاخيره الذراع ضعيف
;) نريد المزيد
:D :D :D اي والله ما بغت تخلص الانتخابات :أفكر: شكلج كنتي شادة حيلج فيها ;)
شارب هير ..... هممم فكرة مش بطالة :6 ، بس اعتقد شارب ايز احلى :6 عموما انا ما ادرري شلون يطلع الشعر بس انا مستانس انه عاجبكم ولو اني اعتقد انه مو في المستوى المطلوب :D
وبالنسبة للذراع فانا علقت عليه في رد ساكورا ;)
انشالله بتشوفين المزيد يا تاجا ويايكم بشخصيتي انشالله تعجبكم ، باقي لي التلوين بس :D واخلص .
رسالة اعتذار :
اعتذر منك اخ ماجد ما شفت ردك ، سورري :
انا مستانس انه الرسمات عجبوك وملاحظاتك على العين والراس ;)
السلااااااااااااام:0)
Sharp Eyes ...I See New drawings
are added to your Gallery :D...
الرسمة الأولى رهيبة!!! حركة الوشم رهيبة...و تدرجك فيه رهيب!!
كل شي فيه رهيب...(رهيب والله رهيب):D
الرسمة الثانية...:0) تجنن...بس ملاحظة ساكورا صح:أفكر: !!
ولا باقي الرسمة...ماشالله روعة...عاجبني ويه الولد ...و شعره:D يجنن!!...
استمر دائما":p ..
ننتظر المزيد!!!
كلامج مشجع دائما يا شادو كات :D :D مشكورررة وايد و اتمنى انج تداومين على زيارة الجاليري ;)
هذي الرسمة اهذاء الى كل من قام بزيارة الجالري وتشجيعي وخصوصا ميثم وتاجا وشادوكات وساكورا :D
هذي الرسمة عبارة عن شخصيتي في المنتدى انشالله تعجبكم :D
السلام عليكم
:)
و تخبيء كل هذا عني
ما هكذا الظن بك
:D
ممتاز رسمك ممتاز
مع التمرين
تصبح الافضل:)
اخوك
انا
..
..
..
ولا زيادة":"
:D :D :D السلاااااااااااااااااااام
اسفه على هالرد المتأخر
:D شخصيتك كييييييييييييييييييييييييييييووووووووووووووت وايد كيوت حلوه عجبتني :0) ومثل الرد الي قبلي ;-) رسمك في تطور
استمر
شلونك أخوي شارب آيز^^
ما شالله عليك رسمتك اليديدة روعة و شخصيتك اللي مختارها عجيبة ;-)
و اللبس عجيب...شكلك لاعب كرة ^^
و التلوين ما يحتاج أقولك عنه^^
الرسمة طالعة عجيبة
و إن شالله نشوف منك رسومات يديدة
إلى الأمام^^
سي يو ;-)
X-kitsune : عبالك لازم اوريك كل رسماتي :6 انطر وراح تشوف اشياء ثانية ;) بس انت شد حيلك :D
تاجا :
:D :D ردودج دايما مشجعا اختي ;) ثانكس ;) وفرحان انها عجبتج ;)
ساكورا :
":" ":" ":" اييه الكرة ، ملاحظتج حلوة ، عرامي بعد الرسم الكرة ;) وسو هابي لان الشخصية عجبتج، بالنسبة للتلوين ، هذي اول مرة الون فيها بالفوتوشوب استنادا لدروس ريكس اللي قريتها عدل، بس الصراحة لمن اطالع التلوين برسمتي والتلوين هناك اتحبط :6
بس هذي اول محاولة وانشالله يايكم بالاحسن .
مشكووورين يا جماعة ما توقعت انها تعجبكم وايد جذي :" :"
السلام عليكم و الرحمه....:D
أولا: إسمحلي على التأخييير...?:
ثانيا: مبررررروك على الجاليري.. و حياك في منتدانا ...:D
ثالثا: جاليري رهييييب الصراحه... رسووومات وايييد حلوووه ما شاالله..
تعيني خطوطك في الرسم وايد إذكرني إبميثم ربيعك..:D .. كل رسمك
أصلا يذكرني برسمه..:أفكر: *ربع لازم..:p *
المهم و تلوينك بعد وايييد حلو .. خص أول رسمه واييد عيبني التلوين
ما شاالله دقيق.. الي بالفوتو شوب بعد.. عجييب..":"
رابعا: يالله في انتظار المزيييد من الرسومات...:0)
MeMe CHaaN ..:D
السلام عليكم ..
إعلان يعتذر صديقي شارب آيز عن الرد لمدة أسبوع بسبب تعرضه لإصابه أثناء لعب كرة القدم و إجراء عملية رباط صليبي (أمس سوى العملية) و للحمد لله كانت العملية ناجحة و سيرقد في المستشفى لمدة خمسة أيام و سيعود بالسلامة إنشاء الله ..
ما تشوف شر إنشاء الله و هالله هالله بالرسمات السنعة تر المستشفى فرصة حلوة لتطوير المواهب ;-) :0)
سلامات ;)
انا رجعت تاني :)
وصدقوني المستشفى مو خوش مكان تكونون فيه :) على كل حال انشالله تكونون ما نسيتوني ، ولو اني اشوف الجاليري مهجور ونزل تحت بس ترة انا رجعت من الاصابة وياي بقوة :D
ميمي جان : انا متاسف جدا للرد المتاخر جدا :D بس سامحيني الظروف والمستشفى والدكاترة اهم السبب :)
مشكورة وايد على ملاحظاتج :) وانا سعيد انه التلوين عاجبج ;)
سامحيني على التاخير وكل تاخيرة فيها خيرة
بس انتي لا تقطعين :)
يا جماعة عندي وقيع شلون احطه ؟؟؟؟:أفكر: :أفكر: :أفكر: :أفكر:
يا جماعة عندي وقيع شلون احطه ؟؟؟؟:أفكر: :أفكر: :أفكر: :أفكر:
ساعدوني بليز :)
شدعوه محد مستعد يساعد ؟!
وين النخوة ، وين الشهام :" :"
الله يرحم ايام قبل لمن كان الواحد فينا يساعد اخوه انه يحط توقيعه :6
hello Sharp eyez :)
sorry for the late help but here is how u upload ur sign.
first u gotta upload ur signature to some site like jeeran.com after u make an account there ..
one u had uploaded ur sign there .. open it and right clik on it .. take the properties and copy the URL ... now open ur "malaf shakhsee" and go to "ta7reer al-haweyya" and then past ur URL between these [IMG][\IMG] .. or something of this sort :S .. (the same signs that shows when u clik on the IMG button :6
and then click ok .. save changes or whateva ..
if u still need help with it .. just ask
ans sorry once again ..
الحمد لله على السلامة :D
أقول .. بس لحد يسمع ........
إنزل شوي
بسك بَدْلِيّات :"
ليلي مون :
:D :D :D شكرا للمساعدة ، انا راح اجرب الحركة واذا ما عرفت اسويها راح اقولج ;)
واهلا فيج بالجاليري ، :D لا تقطعين :)
ميثم :
;) ;) ;) شفيك انا متعمد :6
:)
هذي رسمة من ايام المستشفى، يمكن معوقة شوي ، بس المهم النية :6
يمكن شادو كات تستانس على هالرسمة :)
سوررري علىا لتاخير
الجاليري مره حلو
وسلامات على الاصابه
اذا ما عرفت من الاخت ..Lillymon..
كيف تحط التوقيع ...
اشرح لك ياه مره ثانيه اول شيء جيب صيغه الIMG
يعني كانك بتحط صوره في الجاليري حقك مو انت تروح الIMG وتحط الرسمه وتاخذ الصيغه تسويلها نسخ وتروح الملف الشخصي وتروح تحرير الهوية
وبعدين في مربع التوقيع تحط الصيغه وتضغط اعتماد التعديل وبعدين اذا كتبت مره ثانيه رد او موضوع بتلقى توقيعك .....
انا شاء الله وصلت لك المعلومه وانا متاكد انها وصلت من الاخت Lillymon..
قبل لكن للتاكيد ...
اهلا اخوي شارب ايز.. اسمك يذكرني بدارك ايز ^_^
اسف على تأخري على الرد على موضوعك.. سوغي!!
ماشاء الله موضوعك ملئ بالرسومات وهالشئ ممتاز بالنسبة لعضو جديد... اهلا وسهلا فيك معانا اخ عزيز واليك انتقادي على رسمك... (استعد):-
الرسومات رائعة ومتنوعة ورسومك بالرصاص رائعة كذلك الملونة^^
اسكتشاتك بالرصاص تعطي انطباع الدقة والاهتمام بالرسم وهذا يدل على طموحك وجهدك في الرسم والوصول الى الاحسن.. وهذا شئ مفرح وانا فخور بك وبأمثالك في منتدانا ^^
التلوين عندك شئ عجيب.. (وطبعك ماحصل):6
الوانك باهرة وفاقعة وشئ جميل انك تتبع هذا الاسلوب المرح في التلوين واتمنى منك مواصلة التلوين وتضع خلفيات لها :)
ولا عجب ان ميثم الفنان صديقك او حتى قريبك هههههههههه لأن هناك لمسات متشابهة بينكم ^^
لكن لدي اقتراح قلته لعديد من الاعضاء... هو مثل التحدي بينك وبين نفسك... <قم برسم شخصية بسرعة في مدة لا تزيد عن 60 ثانية = دقيقة واحدة فقط > حتى لو كانت الرسمة ليست بالقوة والمهارة .. عادي... أعلم ان هذه لعبة موجعة وتحدي قاس لكنه تمرين جميل لتعلم الرسم السريع واستلهام خطوط جديدة عليك.. جربها وخبرني... تحتاج الى تكرارها لتكتشف اشياء جديدة في الرسم;-)
بيفور:
شكرا جزيلا للمساعدة، المشكلة بموقع جيران هذذا ، مو عارف له ، بس قاعد له قعدة وراح اعلمه ":" ":" ، على العموم شكرا .
الاستاذ شاهين :
:واو: :واو: مشكور جدا لتشجيع وللانتقادات ، صج انك استاذ :D :D
كلماتك تبرد القلب ، و انشالله انفذ تعليماتك وتمرينك ، وانشالله يجيب نتيجة ،;) وراح ابلغك بالنتايج :D ;)
بالنسبة للتلوين، انا اعتقد انه مو في المستوى المطلوب ، انا قاعد احاول اضع لمسات معينه في رسماتي ، بس انا مو قادر اطلع هذي اللمسات بالشكل الصحيح، بس انشالله ما راح امل ، وراح اطلعها بالاخير :)
مشكوررر وايد، ولا تقطع ;)
شلونك أخوي شارب آيز^^
ما شالله عليك رسمتك اللي بالصاص عجيبة ...فكرتها حلوة ;-)
اما توقيعك و لا أروع ^^
آسفة لأني دخلت متأخر ><
و بالنسبة لمشكلتك أعتقد إن اختي بيفور قالتلك^^
و أتمنى إنك تقدر تحطه ^^
و إذا ما قدرت أقدر أساعدك^^
سي يو;-)
شكرااااااا ساكورا ، دائما مشجعة ;)
وانا سعيد انه التوقيع عاجبج ;)
وهذي رسمة ثانية يا شبابا المنتدى ، رسمتها على السريع بعد خروجي من المستشفى :D :D ":"
شلونك أخوي شارب آيز^^
العفو و لو أنت أخونا و لازم نساعدك و نوقف معاك;-)
و رسمتك لشخصيتك هههههههههههههههههههههههه
شكلك كيوت^^
خاصة عيونك^^
شكلهم يونس ...عاد صج كان شكلك جذي يوم تطلع من المستشفى ^^
تلوينك عجيب ^^...ما شالله عليك ...قاعد تتعلم و تستفيد...استمر أخوي
و إن شالله أشوف منك مشاركات أكثر
سي يو ;-)
ساكورا:
:# :# :# يعني انا شكلي ما كان جذي 100% لانه ايدي ما كان فيها شي :D :D بس المبالغة مسموح فيها بالرسم ":" ":"
التلوين انا باط جبدي،:غضب: :" يعني مو هذا اللي انا ابيه ، بس قاعد احاول واشف اخرتها ، الصراحة انا يعجبني اسلوب رنام بالتلوين ، بس المشكلة انها مو راضية تقول شلون تلون :D :D
اهي لو تقول جان الحين تلويني تغير :D
سلامات شارب...ما تشوف شر ^_^
رسمك كيوت على الاخر...خاصة اخر رسمة...الولد* اعتقد انه انت* شكله يقطع القلب :( <<<هههههه
انا اشوف اسلوبك فى التلوين جيد...لا جيد جدا..طبعا تحتاج تمرين..لكن قصدى هو، لا تقلل من قيمة نفسك...اذا كان تلوينك حلو خلك واثق من نفسك":"
عن مشكلة التوقيع انا بحاول اساعدك...خد الكود الي تحت و امسح النجوم و بعدين سو له بيست فى مكان التوقيع..:
[IMG]http://seiferarumashi.jeeran.com/images/untitled.JPG[/***IMG]
الشر ما اييج :D
مشكورة جدا على التشجيع والرد الحلو هذا :D
وانا واثق من نفسي بس ابي اوصل حق احسن من جذي ;) وشكرا جزيلا على المساعدة ;) ;)
صدق اللي قال الصديق وقت الضيق ;)
Sharp Iz...
:D
يجنن يجنن يجنن...الولد اللي شبه قطو !!!
Very Cute.^___________^.
حفظته عندي
>_<
HeHeHe
و رسمة شخصيتك عجيـــــــــــــــب ماشالله عليك...التلوين عنك رهيب...!!
:أفكر: ....و شكله كواي^-^;...
سلاماات ماتشوف شر...جت في وقت متأخر أدري...:D ""
i didnt read the news the one maythem wrote..
guess i wasnt around...
Any WAy ..Really good lookin in ur sign...
;-)
Chaw Chaw
:D :D :D كنت متوقع انه راح يعجبج ;) شكلج تحبين القطاوة وايد :D
مو متاخرة عادي ;) بس ليش ما كنتي داشه :غضب:
:# :# :# وسعيد جدا انه التوقيع عاجبج ، بس ما كنتي راح تشوفينه بدون مساعدة الاصدقاء بالمنتدى :" ما قصروا والله :D
لاتقطعين زيارتج للجاليري ، لانه مستواج بدى ياخذ طريج رهيب :واو: :أفكر:
مرحباhttp://members.lycos.co.uk/lordzacx/zacx/Helz.gif
woooooow
coooolll
nice work....good
رسماتك وايد حلوين وتلوين روعه بعد
ميوووو رسمت القطوووو وايد حلوه كركركركركركركر
كوري كوري
استمر يا شارب (مو سوني احسن)
كركركركركرhttp://members.lycos.co.uk/lordzacx/zacx/Goodz.gif
farewell 4 now
شكرا لورد ... ;) الرسمات العدلة يايتك بعدين ، انا قاعد اسخن بس :6
انشالله الاحسن ياي :D ":" بس انت لا تقاطعنا :)
كركركوري مكرور كراكر * = مبروك على التوقيع اليديد ":"
اهلا شــــيرب^^
شخبارك اخوي،عساك بخير وصحه^^والحمدلله على السلامه وخطاك الشر
طبعا اعذرني لأن هذا أول رد لي بجاليريك الحلو،وأبارك لك بهذي التبريكات المتأخرة:p
بصراحه رسمك جيد جدا،واشوك تتطور بسرعة كبيرة،وتلونيك فظيع،اظن الشباب ماخلوا شي،لكن حبيت أعلق على الرسمه الأخيرة بالذات!؟!..
الرسمه الأخيرة تلوينها ساحرO_O،والرسمه كيوتيه وحلوه،تظليلك واضائتك بسيطين لكن تأثيرهم على الرسمه يخليها ساحره فعلا،لأنك رسام واتعرف وين تحط الاضاءة والتظليل;-)
بس مادري ليش حسيت ان في غلط واضح!!واضح جدا:D ،العلامه الحمراء الي في خدك اليسار في التوقيع،ألاحظها في الرسمه في الخد الأيمن:p ، يمكن كنت اتعرف:6 ،على العموم هو غير مؤثر;)
والى مزيد من التطور^^
الى لقاء ياعزيزي شــــيرب;)
:0) :0) الحمد لله على السلامه
:أفكر: ادري اني متأخره كالعاده سامحني
":" يه يه يه شهالرسم شارب
رسمك واااااااااااااااااااااااااااااااااااااااااايد حلو ويميل للكيوت اكثر
:! بس بفهم شي شفيها ايدك :! بالرسمه !!!
اول شي احب اعتذر عن الرد المتاخر ، بس كنت مشغول شوي ، ولازلت :
هداف :
مشكور يا خوي على التهنئة المتاخرة بس عادي انا مسامحك :6 لا اتغشمر، وشكرا بعد على الاطراء والمدح والتطور ما ايي الا بالشغل الجاد .
اما بالنسبة للوشم ، انا كنت عارف هالشي ولاحظته بعد بس قلت خل اخليه جذيه، ما توقعت احد ينتبه حق هالشغلة :D بس واضح انك مدقق :)
تاجا :
الله يسلمج ، ولو انت اخت عزيزة ومو متاخرة ترة ، ما صار لي وايد
;) واطمنج ايدي ما فيها شي :) تقدرين تقولين مبالغة شوي ;)
طاعوا?: ...انا استاست ...
قلت أحين دخل Sharp Eyes
بينزل رسمة يديدة!!!:o
...
:أفكر: هممم
:D ماشي فور تودي..؟؟؟
:) هذي رسمات لشخصين عزيزين جدا جدا جدا ، رسمتهم من فترة وبحطهم اهني عشان لا يصير الجاليري فاظي :D
وهذي الثانية :
السلام عليكم ....
مادري اقولك مبروووووك على الجاليري او اقولك ... الحمدلله على السلامة وماتشوف شر! :D اختر اللي تبيه! ;)
ماشالله عليك ... رسمك وااااايد حلو ونظيف ... ومرتب من قلب!
:D ماشالله عليك ... رسمك CUTE ... على قولتهم! :D والله عجبني الجاليري! الله يوفقك ... استمر على هذا المستوى الطيب انشالله! ^_^
تدري ... اخر رسمتين ... واااااايد حلوين ومرتبين! عاد ... الرسمة القبل الاخيرة ... عجييييييبة ^_^ .. ههههههههه والله ظحكتني مع الصرصور! (يمكن يطلع شي ثاني ... بس انا على بالي انه صرصور :": ) ... بس في اخطاء في التضليل ... هو التضليل حلو و ممتاز .. بس يبيلك تظبط الاضاءة! شوف الكاب او الكبوس اللي لابسه مختلف اتجاه التضليل عن جسمه! انا مادري يمكن تكون متعمد .... بس رسمك حلو! و رائع!
":" ":" اهلا شارب
اخر رسمتين حلوين حق ميثم وهارد :غضب: انا ويني !!!! (هههه اتغشمر)
;) استمر
شلونك يا أخوي شارب آيز^^
آسفة من زمان ما مريت على الجالري><
أنا هالأيام وايد أتأخر بالردود?:
بس أرجو إنك تسامحني^^
حلوة رسمتك لهارد روك^^
ههههههههههههههههههههههههههههه
شكله كيووووووووووت^.^
و رسمك لصديقك ميثم^^
بعد حلو ^^
ما شالله عليك^^
و اتمنى أشوف منك مشاركات اكثر ^^
سي يو ;-)
GlAsSy_PeArL:
الله يبارك فيج ، بس انا الجالري هذا مبطله من مدة :أفكر: وسعيد انه الرسمات عجبوج ، وخصوصا الصرصور ، ترى هذا الصرصور عزيز وغالي :)
انا بالنسبة لللتظليل ، ملاحظتج صحيحة بس انا ما راعيت الاضاءة لان الرسمة على السريع ، بس اشوفج مهتمة وايد بالتظليل :) شكلج بتطلعين خبيرة فيه :)
تاجا :
انتي حطي شخصية عشان نرسمج :6 كل شوي تغيرين :)
ساكورا :
اشكرج على اهتمامج بالجاليري وتوني امس حاطهم ;) وانشالله بتشوفين اكثر واكثر ":"
سلام الله عليك ^^
شارب آيز .. راسمنييييي :واو: :واو: (يعني ما يدري :D )
شارب أقولك شي .. انته فاجأتني فيها صج :0)
مشكوووووووور صديقي ..
:غضب: آنة يوم رسمتك .. لونتها و ظبطتها . وانته بس راسم الويييه :غضب:
:D :D :D just kidding my dear
مشكور على الرسمه الحلوة صراحة (أكيد لأنك راسمني :6 )
بالتوفيق عزيزي .. و أتمنى أشوف الأفضل قريباً ;-)
ميثم
شارب بصراحه أنت تدري أنت شنو أحسن شي فيه ^^ ؟
في الشعر أنت شي ماحصلص شفت الجلري من الى و أحلى شي أول رسمتين و الي تطلع من المستشفى ^^ صحيح الحمد لله على السلامه ^.^ ماتشوف شر ^__^ شمسوي يالمجرم أعترف :6 ؟
و خل نكمل رسمت ميثم شي ماحصلتش و رسمت هارد ه ذي شي مميز :D أما الباقي مومعناها ماذكرتهم سئين ^^ .
بس أنا قلت لك الافضل ^.^ ^__^ - على العموم أنشالله نشوف المزيد من أبداعك ^.^ -
ميثم :
حاااااظرين يا بوتام ، ;) :D افا عليك انت تدلل ، وما سوينا شي يا صاحبي :D .
ديكو :
:أفكر: :أفكر: :أفكر: انا ما سويت شي ، بس لعبت كرة وبعدين ما ادري شلي صار :D عموما انا مستانس انه الرسمات عجبوك ، ومستانس اكثر انك زايرني اهني .
لا تقطع يا خوي ;) :D ":"
هلا .......رسومك ....تبدأ من الأفضل ثم الأفضل ثم ...الأفضل
....وأشوف التطور السريع ....من آخر الرسومات ...
بس ما عندك رسومات ملونة ....قليلة جدا رسوماتك الملونة ...
....وصل ممارسة الرسم ....وكثر رسوماتك ....وحطها في المنتدى العزيز :D
مرحباhttp://members.lycos.co.uk/lordzacx/zacx/Helz.gif
شو هذي كركركركركركركر^^http://members.lycos.co.uk/lordzacx/zacx/Sheyz.psd.gif
رسمة هارد روك كركركركركر تضحك وايد والخطوط وايد حلوه
ورسمة ميثم .....طالع فيها كولللللل....http://members.lycos.co.uk/lordzacx/zacx/Goodz.gif
ابدعت
استمر
farewell 4 now
رسمت هارد روك تحفففففه :D ..كله و لا الصرصور<< اشوفه صاير الموضه هاليومين
هااااااااااااااااي شارب آيز ^^
آسف على التأخير يا صديقي ^^!!!
ووااااااااااااااااااووووو !!! :! تشوفون إلى انا أشوفه !!!!
شارب آيز رسمني ورسم ميثم ^^ ياسلااااااااااااااااام :0) عجيييييبة الرسمة ^^ تسلم يدك يا صديقي ;-)
شكرا يا جماعة كل من زار الجاليري اهني...
الجني ... مشكوور هذا من ذوقك وانشالله راح احط رسمات .. انت انكر وتشوف ;)
اللورد.. افا عليك :D ومشكورر وايد .. ;)
ماي.... مشككورة جدا جدا ... والصرصور هذا صاحبنا :D ":"
هارد... حاظرين للطيين يا هارد .. ;)
السلام عليكم ....
عدنا ...... :)
الجالري من زمان ما حطيت فيه شي ، بس انا راح اظيف هالرسمة هذي.. اللي حطيتها في موضوع القراصنة ... انشالله تعجبكم ... لا تبخلون علينا بآرائكم .
:0) :0) :0) السلاااااااااااااااام
شلونك شارب صارلي مده ماشفت هالجالاري الحلو
:vereymad: <كنت على امل اشوف رسمات يديده
المهم الرسمه مالت القراصنه شيييييييييييييييييييييييييي عجيبه :cool: :cool: كوووووول
:arabchatr :arabchatr بس نبي رسمات يديده ما اوصيك :arabchatr :arabchatr
أهلا صديقي شارب ^__^
كيفك ^.^ ؟
رسمك القرصان رهيب أخي و بصراحه ودي تملي و تشتغل زياده في هل جالري الحلو ^.^ يالله صديقي أرنا المزيد ^__^
سلام عليكم ^^
شارب آيز ... تدري إنك ابدعت :naughty: واو الرسمة حدها كوووووووووووووووووووووول يا صديقي ^^ ..
بس .. كأنك أصبحت بطيء بوضع الرسمات (يعني آنة مقصر :أفكر: ) .. يالله شد حيلك يا عزيزي ..
و نبي نشوف الشغل العدل ;-)
سلام
شفيكم شابين علي :7: ههههههههه كلهم معصبين ليش مو حاط رسمات يديدة :#
سامحوني :D انا عندي جم رسمة ، وجم مشروع :أفكر: بس المشكلة انه ولا وحدة كاملة :D
والمشكلة الثانية ، انه كلما ارسم رسمة ، اكتشف فيها اخطاء تفشل :# ليش اني قاعد احاول ارسم وضعيات صعبة شوي ، وانا الى الحين مو ماخذ على الجسم كويس :# :(
عموما ...
تاجا ، ديكو ، ميثم ........... انشالله بتشوفون اللي يعجبكم عن قريب :D عطوني مهلة وانشالله اخلص اللي في ايدي :D .
بس هم لا تقاطعونا :D مشكووورين يا جماعة .
السلام عليكم ^.^
ماشاء الله رسمك وااايد حلو أحلى رسمة كانت أول رسمة ( لأني أحب الرسومات الملونة ) ;)
التلوين مضبوط من حيث الإضاءة و التظليل ( بس بغيت أعرف انت مستخدم ألوان خشبية أو باستيل او دامجهم لأن التدريج في التلوين حلو و مبتكر ^.^ ) ;-)
و الرسومات الللي بالرصاص وايد حلوة ( بس تحتاج شوية تظليل )
و مشاء الله الجسم مضبوط و حركة الإيد عجبتني في رسمة الصياد ^.^ :shock:
( i want to see more ok ? especially coloured pictures ~_^ )
bye bye ^.^
:arabchatr
هاي أجاين هيهيهي
أوكي أنا بس شفت أول صفحة و من كثر ما استانست على الرسومات استعيلت و حطيت رد على طوووووول بدون لا أشوف بقية الجاليري (silly me -_-!! )
عاد أنا توني يديدة و ما أعرف حق طريقة المنتدى تحسون إنني في منتهى الغباااااء ^_^
عاد توني شفت بقية الرسومات و انبهرت من التطور :shock:
أكثر شي عجبني رسمك بالفوتو شوب ;-)
حدا كوووووول و الشخصيات فظيعة !!
انشالله لمن أعرف حق المنتدى أرد عدل مثل كل الأوادم !!!!!!! :D
bye again :P
مرحبا شارب ايز ..
ماشالله رسمك كل ماياله يتطور :) و يحلو ..
بصراحة رسمت هارد اتفطس من الضحك !!:biggrin: عاجبتني وايد!
اما رسمتك الاخيرة كوووول .. يعجبني تلوينك و الالوان إلي تختارها :)
بالتوفيق اخوي ..
ليتل ليلي :
اسف على التأخير اختي .. :D بس كنت ناطر اسوي رسمات عشان احطهم بالجاليري :naughty:
عموما مشكوووووورة وايد على الاطراء ، اما بالنسبة للألوان المستخدمة في الرسمة الاولى ، فهي الوان خشبية عادية :)
وانشالله تتعودين على المنتدى .... هههههههههه انا بعد اول ما دخلت كنت مضيع :laugh: بس سعيد انج كتبتي مرتين :)
خلينا نشوفج اهني على طول اوكي؟ :)
--------------------
مس كيمينو :
مشكووووووورة يا مس ، بس اعتقد انه اخياري للألوان قوي نوعا ما ... همممم يمكن لازم اخفف شوي :) مشكوورة على مرورج يا اختي :)
------
هذي رسمة ( او مو رسمة هههههه شوية شخبيط بالقلم الضوئي ) كنت قاعد امس واشخبط فيه وطلعت معاي هذي الرسمة :)
هذي رسمة ثانية رسمتها حق المسابقة :)
بس للأسف ما لقت اي تعليقات أو ملاحظات... محد عبرها :mad: :naughty:
الظاهر انها مو بالمستوى .. أو انه في شي ثاني :biglaugh:
عموما كان المفروض انه تكون تعليقات عليها بس الظاهر الاعضاء مشغوليم وااااااااايد ومحد فاضي يكتب ردود :eviltongu :vereymad:
سلام عليكم .. شارب @@ شمسوي هنيي :bigeyes: ..
رسمتك الي بالقلم عجبتني واااااايد :D في تطور ملحوظ فعلا !! ;) بس لو تشوف الكتف :boggled: يبيله تظبيط .. بس بشكل عام كوووووووووووووووول يا صديقي :biggthump
الرسمة الثانية .. أعتقد انته مليت من سماع رأيي فيها .. عجبيييييييبة .. بس يبيلها شوية ميزان .. بالرسم و الألوان :D .... و فعلا غريب .. إن الأعضاء ما ردوا عليك :12: ( يعني آنة بريء :ee2: ) نو بروبلم يا صديقي .. خل يكون هذا دافع لك .. إنك تبهرهم في المرات القادمة :147:
و واصل دربك الفني .. مستواك في تطور سريع يا عزيزي :biggrin:
يا خطيـــــــر يا شارب..... :icon10:
شو هالرسمااااااااااات العجيــــــــبة
ماشالله عليك...ابداعات ابداعات في هالصفحة.....
:biglaugh:
رسمت شخصيتك رووووووووووووووووووووووووعة بشكل....
أولا..التلوين..فضيـــــــــــع....و متناسق...ذوق حلو جدا.... :05:
و شكل شخصيتك طالع كووول...ملامح الوجه ..و الشعـــــــر..
و الوضعية بعد كوول... :laugh:
أما رسمة القلم الضوئـــــــــــــــــــي
....
سكتج خطيــر...هو سكتش صح؟؟...أو ياي على سكج..بس ملون... :D ههههههههههه...
في النهاية...
كوول...
و رسمة المسابقة ..كيــــــــــــــــــوت وايد كيوت... :08: :icon10:
انشالله ما نسيت شي..
واذا نسيت شي...أكيد بتعرف شو بيكون رايي فيها... :05: ...
أوكي...
انشالله اجوف المزيد...
chaw chaw
:D :D :D :D :D
واخيييييييييييييييييرا حطيت شي يديد
:shock: مااااااااااااااشاااااااااااااء الله الرسمه اللي بالقلم الضوئي تهبللللللللللل :biglaugh:
:07: :07: :07: الرسمه الثانيه كيوت كيوت كيوت كيوت
:D منتظره منك المزيد بالتوفيق :ciao:
:ciao: مرحبا شباب ....مشكوووورين جميعا على الردود الحلوة ...
ميثم ...
فعلا الرسمة يبيلها تعديل في التلوين ... بس كانت المسابقة على وشك الانتههاء وما لحقت اشطب بالرسمة :sad2: عموما كانت تجربة حلوة ، وانشالله الياي احسن ... :icon10: مشكووور على المرور يا صاح .
---------------------
شادوكات ....
شكرا شكرا ... هذا من ذوقج :ee2: وما نسيتي شي :biggthump لا تخافين :laugh: ،
ومشكوور اكثر على متابعتج الجاليري . :biggthump
:biggthump
-------------------
تاجا تاجونة توجة :p
ثانكسيو ( على قولة واحد من الربع ) :laugh: ، وشكرا على تشجيعج المتواصل ;)
--------------
هذا سكتش ثاني بالقلم الضوئي ، رسمته امس .( ههههههههه مو بس ريكس يشخبط ) :006:
hi hi ..
اول شي مبرووك لافتتاح الجاليري .. :ciao:
والصراحه تصفحت الجاليري كله ..
واسلووبك في التلويييييين رااائع ..
ياحظك عندك قلم ضوئي :17:
بس رسووماتك جميييلة :biglaugh:
ماشاء الله عليك ..
وبالتوفيق :biggrin:
السلام عليك يا شارب آيز .. مبروك أولا على افتتاح الجاليري .. بس لاحظت انك جيد و تستاهل المتابعة من فترة لفترة و اتمنى ان اتواصل معك على الدوام :)
Nice drawing sharp eye
.......تلوينك و رسمك حلو وااااااااااااااااااايد
ان شا الله أشوف المزيد ....................
kiki_ch@an
هاااااااااااااااااااااااااااااااااااي
^^ اشلونكم شخبااركم
اول مره ادخل هالجالاري
صرااحة الرسمة حلوة يا شارب
تلويينك طالع واايد حلو :33:
بس اعتقد الرسووماات الياااية بتصييير احلى او احلى :D
ناطريين رسوومك اليدييييدة
او انا اول وحدة ناطرة النتيييييجة نبي شغل عدل اوكي ;)
keep going
ترى رسمك مو ضعييف او خصووصا تلويينك
سيي يوووووووو :ciao:
و آنا بعد مثل أريكسا :
هااااااااااااااااااااااااااااااااااي
أول مرة أشوف هذا الجاليري !!!
رسومك روعة شارب ^_^ ,, و الأحلى تلوينك ,,,
بس عندك بعض الملاحظات على الجسم أتوقع
راح تتقلب عليهم بالممارسة ,,,,,
عمل ممتاز ,,, نتمنى نشوف أكثر ,,,,,,ووو,, تسلم.....
هااااااااااااااااااااااااااااااااي
شلونك شارب ^^
آسفة من زمان ما رديت على الجالري :(
بس بعد شنسوي الظروف ....و أنت أدرى ^^!
المهم...
كل هالرسومات راسمهم و أنا ما أدري عنهم ؟؟؟
ما شالله رسمك كيوت و حلو ..و تلوينك عجيب ...
بس حبيت أقول شغلة ترا رسمك ...(الاسكتشات اللي مو عارضها )...احلى و رسمك صاير حلو و ما أدري ليش ما تعرض شي :vereymad:
المهم آخرتك بتحط و مو بكيفك :tongue2:
أوكي ....
سي يووووووووووووووووو :ciao:
صراحة شي عجييييييييييييييييييييييييييب
ما شاء الله..تبارك الرحمن...الله يحفظك...*تفووووووووو فى عين الحسود*
صراحة رسمك صاير احلى و احلى ^_^...حبيت رسمة الاقزام واااااااااايد...الولد كوول :cool: ..
و رسمتك الي فى موضوع القراصنة حلو بعد..يعني فيها افكار جديدة..بس عندي ملاحظة على الالوان..انا اعتقد ( و هذه مو قاعدة) ان اذا بغيت اي شخصية تطلع كول و غامضة استعمل الوان داكنة..لان الالوان الفاتحة ( الفرايحية) تخلي الناس ياخذون انطباع ان هذه الشخصيه صغيرة فى السن ... و بس
ممم عندى سؤال: ليش دايما ترسم الشعر باللون الاخضر؟
هاااااااااااااااااااااي :ciao:
أنا بعد أول مرة أدش هني :09: ههههههههههههههههه ترى من صجي مو قاعد اتغشمر ;)
بييييييييييييييه الموضوع مغبر حده ( كحو كحو :reporter:) بس انا راح انظفه شوي :D
أريكسا :
سانكيوووووووووو :D اهي الرسمات قديمة شوي :أفكر: بس اهم شي انهم عجبوج :D وانشالله ما اخيب ظنج فيني ، والتلوين انشالله مقدور عليه ;) ولا تقطعين الزيارة .
yuki-babe:
وااااااااااااااو .. عضوة جديدة في الجاليري :ciao:
مشكووورة اختي ، اهي مثل ما قلت الرسمات قديمة شوي يعني رسمتهم قبل بداية الكورس ، وبعدين بدى الكورس وانشغلنا...والجسم شوي معوق ليش انها كانت بداياتي برسم الجسم وما كانت عندي ذيج التجربة :) وشكرا مرة ثانية ،( سمعت انه شادة حيلج بالردود ، ;) احلى شي من يكون العضو متحمس هههههه ).
ساكورا :
هههههههههههههه انتي كله ما تدرين عن السالفة ، ولا يهمج بحط السكتشات بس اهم شي لا تعصبين :09:
ماي اروماشي :
ملاحظتج وايد حلوة :biggthump وكلامج صح مية المية ، انا بديت الاحظ هالشي في الفترة الاخيرة :D
ههههههههههه ليش شعره اخضر :) لانه شخصيتي شعرها اخضر من اول ما طلعتها ، فليش اغير لون شعره؟ :31:
وشكرااااااااااااا للاطراء :)
خوووش ..... انشالله بحط السكتشات بعد شوي ... انتظرونا ;)
هااااااااي مرة ثانية .. :ciao:
اوكي هذي سكتشان بسيطة.. الاولى عبارة عن اول رسمة رسمتها بعد انقطاعي عن الرسم مدة بسبب الدراسة ، وكانت اول ما دخلت المرسم ...
اما السانية .. فهي إبارة أن سكتش تلع اول ايام الإيد :D
والثالثة والرابعة سكتشات متأثرة بجو ناروتو ( وما ادراكم ما ناروتو ) وهذيل انا ناوي اعدل فيهم انشالله وخصوصا الايدين ... يبيلهم شغل شوي .. بس قلت اهدهم شوي وراجع لهم تاني ، خصوصا اللبس يبيله تطوير :p
عموما اهي كانت تدريبات شوي على شغلات كانت مبهمة شوي عندي .. وحاليا شاد حيلي برسمة انشالله تعجبكم من تخلص ( يا شباب المرسم لحد يفتــّن ) :09: .
ارجو ان تعجبكم السكتشات ( رضيتي ساكورا ؟ ) :D
هاااي شارب ,,, ههههه آنا شادة حيلي بالردود !!! :09: هههه يالله حماسة كل عضو حديث الانتساب ههههه :D ,,,
المهم ,,,
واااااااااااو مشالله عليك سكتشات روعة ,,,
خاصة الأولى و الأخيرة عجيبين :biggthump ,,,
بس الأولى عجبتني أكثر ,, ضبطت الجسم هم م م :33: تطور واضح بالنسبة للرسوم السابقة .,,
و الشعر مضبوط أيضا ,,,,
و الباقين أيضا حلوين ,,,,, و يا ليت نشوف أكثر من رسومك :ciao: ....
هااااااااااااااااااااااااااي مرة ثانية ^^
ههههههههههههههههههه
و أخيرا حطيت رسمة :tongue2: إي أدري مو أنتوا ما تيون إلا بالعين الحمرة :D
بعدين تعال ؟؟؟....شنو انا كلا ما ادري عن السالفة :vereymad: تتطنز بعد ها أنا اوريك :tongue2:
المهم ...هذي السكتشات أنا شايفتها :09: أبي شي يديد :12:
(بطلع عيونك على اللي قلته :09: )
أوكي سييي يوووووووووووووووووووووو :ciao:
هاااااااااااااااااااااااايوووووهانايوتوسوموكاعا (يعني هاي بالياباني :cool: )
شلونك شخبارك شارب ؟؟ :D
بيييييييييييييييييييه .. من زماااااااااااااان ماشفنا شي من شرووب!!
أبيه!! أكا أربع سكيتشات هني :bigeyes:
صج صج سكيتشات عجيييييييبة ^ ^ يبيلك تحبّرهم وتلونهم ( خصوصا الأخيرة .. هذي لازم تحبرها وتلونها :12: )
وعلى فكرة .. الرسمة الأخيرة صايرة كأنها رسمة من رسمات صاحبنا ميثم :bigeyes: !!
يالله .. نشووووووووووووووووووووووووفك على خيييييييييييييييييييير شرّوب (على وزن هرّود :jester: )
سلاااااااااااااااااااااااااااااااااااااااااااااام :o
زين زين ساكورا عندج اياه خليه يورّينا شوي من فنه :yup:اقتباس:
ساكورا:
المهم ...هذي السكتشات أنا شايفتها أبي شي يديد
(بطلع عيونك على اللي قلته )
:ciao:اقتباس:
المشاركة الأصلية كتبت بواسطة Hard Rock
ههههههههههههه أفا عليك ...
أنا أمس زفيته قلتله ليش جذي تقول عني ها ؟؟؟ :mad: ....
و أمس جكيته كان قاعد يرسم ...
<<<<البطة الفتانة :09:
أنا أوريك :D
أوكي سي يو
السلااااااااااام ^ ^
هلا شارب أيز :ciao:
اخبارك (اعرف اخبارك من المسنجر :tongue2: )
المهم
انا ملاحظه عليك اسلوبك يتغيير ^ ^ للأحسن
و انا قلت لك تعليقي بالمسنجر سح :biggthump
و متطور بفتره قصيره لو انت ملاحظ
;)
و تاااااااابع نبي اكثر
و ابي اشوف لك شغل ملون بلييييييز @@
هلاااااااااااااااااااااو لو
شارب :p
جماعااااا شارب عنده رسوم اكثر اخذوووووو عصروووووووووووه عصااااااااار يطلع منه رسوم اكثر :05:
haaaaaaaaaaaaayoooooooooooooo
sho haydaaa
ashoof ta6awor
bs hal rosom ana shayfat.ha min gabil ^.^ leash ma t7abirhom o tlwinhom???
lazim n39irik :P..mithil ma galat kitty
plz lawin rosomic ^.^
show us u're sharp touch !!
السلااااااااااااااام عليكم :ciao:
ماشالله 6 ردود خلال اسبوعين .. زين يا معود يعني بمعدل نص رد تقريبا في كل يوم :p ماشالله المنتدى صاير وايد اسرع :tongue2: ههههههههه .. بس شكر خاص للجماعة اللي كتبوا ... ما تقصرون يالربع .. مع انه ثلاثة ارباعهم شايفين الرسمات من قبل :33: ما ادري وين الباجي ...
يوكي.. ساكورا... هرووودي حبيبي :p .. كيتي.. ليتل ليلي..و توتو
ونستوني بزيارتكم كلكم .. وانشالله اخذ بنصايحكم ، وبتشوفون اشياء يديدة قريبا ، مع الالوان :أفكر:
هههههههههه لا تقطعون يالربع . :ciao: سلااااااام
:mad: شااااااااااااااااااااااااااااااااااااارب ....الحين تحط الرسمات وماتقولي !!!!!!!!!!!
:02: خلااااااااص انا زعلانه منك :02:
:D شايفتهم من قبل
الاولى ..عجبتني الشخصيه والملابس لكن في غلطه بلوضعيه ..اقصد الريل اليسار واليد اليمين احسها صغيره
الثانيه يايه على طابع الانمي ..حلوه لكن ما ادري احس الكتف والذراع فيها غلط ..همم :33: اظن انها ضعيفه حيل ..عجبتني التفاصيل اللي حطيتها بالنسبه للساق والرجل
الثالثه الوضعيه حلوه لكن ملاحظه انك وايد تخلي الشخصيه منزله راسها
الرابعه اكثر وحده عجبتني :) الشخصيه والحركه والوضعيه
:D انشاء الله تكملهم ..وتحط فيهم تفاصيل اكثر وخصوصا الملابس
وطبعا التوقيع كيووووووت :D
:vereymad: يااااااااويلك ان حطيت رسمه وماعلمتني :vereymad:
حط رسومات اكثر :D
مرحبـــــــــا
يا سلااااام على السكتشات ...عجيييييييبه
و وضعياتهم خطييييييييره
:mad: بس لازم تكملهم ....سمعتني
يله نشوفك على خير
farewell
يااا سلاااااااااااام اسكتشااتك كشخه والله
ننتظر اسكتشات يديده انشالله :)
well done :biggthump
show us more & more :cool:
السلام عليكم ....
شلونك اخ شارب ..ان شاء الله تمام ..سوري لاني ما رديت على جالريك من زمان ><.سوري سوري سوري ><
بس حبيت ارد على رسماتك اليديدة ..ما شاء الله تقدم واااااااااااااااااااااااااااااااااااااااااااااااااااااااااااااااااضح جدا ..
و ما شاء الله عليك تتطور بسرعة وتتعلم اسرع ..ما شاء الله ما شاء الله ^^
و ان شاء الله نشوف منك رسمات اكثر ..
و جدد
انا بصراحة ودي اقول نقدي بس مخليته حق بعدين^^
يالله عيل نشوفك على خير ان شاء الله
و موفق^^
Salaam sharp Iz...
سوووري عالتأخييير... :nervous:
والله من زمان مادخلت الجاليري...اصلا انت اللي اختفيت مرة وحدة... :33: صـــح؟؟
المهم..الرسمات الأخيرة اللي نزلتم تهبل ماشالله علييك.. :rambo: واضح في تطور... :أفكر:
احلى وحدة عندي اللي مبتسم و يركظ مع الريح....هذي واااااااااايد حلوة :laughing: ....خاصة نظرته و ابتسامته...احس ملامح معبرة بشكل... و وضعيته بعد حلوة..
باقي الرسمات رهيبة...
بس شارب.. حرام عليك ليش ما تكمل رسماتك :bawling: ...والله حرام يتمون جذيه...انا متأكد انه لو كملت لبسهم و سويتلهم و لو خلفيه بسيطة :scratchch ... مع بعض التظليل ..بيطلعون جيه.. :fing02:
بس في كل الأحوال ستايلك وااايد يعجبني ..^^... ماشالله عليك...
يالله ..خلنا نجوف رسمات يديدة... قريب انشالله...
اوكيك؟؟
chaw chaw... :smirk:
شارب ..ترى انا شوي مخي كان مقفل وانا اكتبلك الرد الاول ..علشان جذيه اجلت النقد والتعليق^^
الرسمة الاولى ...اممممم (ترى فاتحة صفحتين حق جالريك علشان ادقق :09: ههههههه) احم المهم امممممممم
شوف الرسمة الاولى ما عليها كلام بس لو راسم العين الثانية بتكون حلوة ^^
الرسمة الثانية:
العين الي على اليمين فيها مشكلة بسيطة و ادري انك عارف هالشي بس حبيت اذكرك علشان تتحاشى هالشي ^^
و في شي ثاني بعد بالنسبة لي انا شايفة ان (الكتف) فيه انخفاض نسبي يعني بشكل بسيط اتوقع لو يرتفع شوي او ما ادري حاسة ان فيه شي ..بس الفكرة حلوة و رسمك للشعر وايد يعجبني و اللبس و الحركة .. :biggthump كلهم حلوييييييين
احم :o ..الرسمة الثالثة:
الرسمة هذه تهبل ممتازة بس فيها شيين بسيطييييييييييييييين ..انا اقولك شنو الريل الي على اليسار المفروض تكون الركبة انزل حتى من ركبة الريل الي على اليمين ..المشكلة انت اخطوطك بالرسمة هذه وايد فما ادري اي خط فيهم انت تقصده بس انا بعلق على الي اشوفه ..اوكي..^^..و بعد شنو امممممم اي الفخذ عندك في الريل اليسار شوية متين و حاول لمن ترسم الركبة لا تخصر مكانها بشكل واضح ..بس هذه الاشياء الي انا لاحظتها ولا الباجي كله حلو ..و العين الثانية بعد يبيلها شوي^^
و اخيرا الرسمة الاخيرة:(الحين وده يذبحني :09: )
الرسمة الاخيرة روعة تينن ما عليها كلام حتى العين المخفية ...تهبل بس ..بس في شي صغنطووووووووووووطوووو..(الحين يقولي خلصينا) هههههههههههههههه المهم ... :09: ..الكتف اليسار في مشكلة صغيييييييرة مو عارفة شلون اشرحها لك ..دقيقة راح افهمك بالرسمة نفسها اوكي ^^؛
و بس اما رسماتك عموما ممتازة وفي تقدم مو معقول و هالشي اكيد مو بس انا لاحظته الكل اتوقع لاحظه ..
و اتمنى اني ما اكون هببت الدنيا وعفس الجالري ههههه ><..و لا اكون ثقلت عليك ..بس انا هذا كله قلته علشان المرة الياية تطلع رسمتك كاملة ومافيها ولااااااااااااااااااااااااااا غلط ^^(لاني انا احب الناس جذيه يعاملون رسماتي)
اوكي موفق
باياتو+سلامي
:ciao:
هاي من جديد
سوري لاني استخدمت رسمتك في التوضيح ..بس حبيت ابين لك شنو انا اقصد ^^
والله ما ادري اذا راح تطلع الرسمة ولا لا^^؛
السلااااااااااااام عليكم :ciao:
ماشاللللله :p ههههههههههه راح ارد على منو ولا منو :p وماشالله كلهم متروسين انتقادات واراء وهالشي يونسني :D عشان جذي برد عليهم واحد واحد :vereymad: : ( نياهاهاهاهاها) :
تاجا تاجونة توجة متوّجة :
:33: ملاحظاتج حلوة كتير ... ودقيقة بعد ، :cool: يس يس ... سانكيوووووووو وكلامج كله تمام .. ووفيه رسمات يديدة .. بس ما ادري متى راح الونهم .. كلش مو فاضي وبعدين راح اسافر .. مشكلة والله :31:
اللورد العزيز كركور ، والزائر الجديد هارت هنتر : مشكورين من القلب على الزيارة والتشجيع وبتشوفون الشي اللي يعجبكم انشالله .
شااااادووووووو :
:D ههههههه اي انا قطعت فترة طويلة .. لانه الحالة ما كانت تسمح :31:
حتى انا كاسرين خاطري رسماتي ( ميثم عداني) .. بس ناوي اكملهم انشالله بس مو الحين :أفكر: لانه انا كنت حاب اجرب جم شغلة فيهم .. فمثل ما تقولين طلعوا على الطاير وبسرعة .. وعشان جذي فيهم اغلاط واضحة تكيسلت انه اعدلهم ..بس راجع لهم تاني :vereymad: انا عدلت في الاخيرة شوي بس ليلحين ما حطيت اللبس.
جلالة الملكة :09: :
ردج اكثر رد استانست عليه :33: بالعكس كل ما كانت الملاحظات اكثر كل ما احسن ..ملاحظاتج في محلها .. بس مثل ما قلت .... اهي كانت مجرد سكتشات .. فيهم اغلاط وايدة :33: بس راح تتصلح انشالله ;) خصوصا الثالثة والاخيرة .. لاني ناوي اعدلهم ..عموما :أفكر: سانكيوووو فيري مج .. وحياج الله في اي وقت واذا كانت عندج شغلات ثانية بعد قوليها لا تخشين شي :vereymad:
:vereymad: :vereymad:
منو لاعب برسمتي :vereymad:
هههههههههههههه اوه هذي ما شفتها :D يس اي سي ذيس بوينت ... بس انا عدلتها عقب ما حطيتها .. ظبطت الصدر والظهر والكتف
صارت احسن ... :D
سانكيوووو مانجا كوين .. احرجتيني الصراحة :D
good work sharp
nice drawing
هاااااااااااي ^^
ماشاء الله عليك يا شارب رسمك في تطور مستمر :)
الوضيعات رووووووووووعه :biggthump
Keep it up brother :reporter:
ننتظر المزيد من إبداااااااااعك :)
ساااايونااراااا :ciao: :ciao:
ههههههههههههه
سانكيوووووووووووووو شارب توقعت منك هالرد الحلو ^^
انا ارد بهالطريقة لاني احب الناس ترد علي بنفس الطريقة ^^
و ان شاء الله نشوف منك رسمات يدد علشان اتكلم بعد ^__________^
ههههههههه :tongue2:
اوكي العفو شارب احنا خوان وفريق عمل بعد صح ;)
اوكي باياتو +سلامي = بالتوفيق :09:
شارب آيز
كيفك ؟
في الواقع رسمك حلو شارب
رايح أتابعك بانتباه
السلام عليكم وكل عام والجميع بخير
حلويين رسومك شارب تطورت بشكل كبير يوم شفت الولد الحامل فاس حسيت انه يشبه اسلوب ميثم يعني طريقة وقفة الشخصية وشعره...الخ
بس بعد ماشفت اللي تحته سحبت راي يضحك مطول انت رقبته زيادة عن اللزوم ارجو ان صراحتي ماتزعجك بس هذا رايي والجالري عشان بث الاراء عدل كلامي ولا لأ؟
اما الباقي اللي تحتها فظيعين تاكد لي ان ذيك طلعت بالغلط يعني ان رسمك احسن من كذاك^^
تابع لاتحرمنا من فنك ولاترقد جالريك^^.
السلام عليكم ..
اسفييين على القطعة الطويلة .. بس صارت لي سفرة مفاجئة وما قدرت ارد قبلها .. :D
Tonberry: مشالله ردك مختصر جدا هههههههه.. شدعوة عطنا من ارائك شوي :) بس شكرا على زيارتك الجالري..
Rikki.. شكرا اختي.. وانشالله بتشوفين المزيد قريبا ..
manga queen: حاظرين ;)
blue moon: شكرا جزيلا .. وبالعكس قولي رايج بصراحة .. ;) وكلامج بالنشبة للرقبة صحيح ;) بس اللي ما يغلط ما يتعلم :)
حسنا ... ترقبواااااا الرسمات الجديدة قريبا على قناة سبيس تون :09: اقصد جاليري شارب :)
اهلا .. انا ارسلت لك رسالة حول تلويني لاحد رسوماتك ولكنك لم تأتي للموضوع الذي
يحتوي على رسمتك ..
على العموم هذه هي الرسمة