مــن قصص بـور في الريـاض ..
السلام عليكــم ..
اخواني بمناسبة اني بروح للرياض بعد كم يوم .. ذكرت لي كم موقف .. وقلت اكتبهم هنا ..
مثل مانتوا عارفين انا ساكن بالشرقيـة الخبر .. وكل عطلـة فيذااااك ..
الموقف الاول ..
هذا في يوم كنت فاخ في سابع نومـه ( اليوم اللي قبله كنت مطاق مع ولد خالتي ..) وانا الحين نايم في بيتهم ( للظروف احكام ) المهم جاء ابوه ( يلالالالالا انت وياه قمو صلو الجمعـه قموا ) وقمت .. رحت وسبحـت ولبست ثوبـي .. ونزلت تحت .. وولد خالتي نفس الشيء .. نزلنا تحت للمجلس .. ولا واحد يكلم الثاني .. قال ابوه اسمعـوا بتروحون معي لسوق الغنم بعد الصـلاة انا قلت في قلبي :" لا لا لا .. مالي خلق فيذاك .. يووو ( للعلم هذا الكلام قبل اجازة الاضحى ) المهم رحنا للمسجد وانا اطالع الشوارع واتاملها زين تبون تعرفون ليـه الحين اعلمكم صليت وخلصـت المهم قلت في قلبي يافيصل خل عنك اسواق الغنم ورح للبيت .. انت تدله .. البيت كان بعييد عن المسجد لكن قلت الله يخلي رجولي توديني المهم طلعت باقصى سرعـة ورحت امشي وامشي المهم قلت من هالشارع والا ذا .. لا لا هذا ايه حتى يوم شفت هذي اللومينا .. المهم وهذي حالتي امشي وامشي شوي التفت للامر الواقع وهو اني ضايع .. :) المهم قلت مافي الا اسال .. بعدين قلت لا فشيله .. خلني امشيء بس (( هذي الاحداث دارت في السويدي بيت ولد خالتي يبعد تقريبا كيلو عن اسواق ريمان .. المهم قعدت امشيء وامشيء قلت مافي الا اسال رحت سالت واحد شايب .. وين اسواق ريمان .. قالي اطلع لاخر هالشارع .. ولف يسار ابتل وتلقاها .. قلت له شكرا .. كان مبين علي العرق .. قالي وانا ابوك تراها بعديه عليك قلت لا لا عادي رحت للشارع .. وقلت اقول خلني اتارك عن الطردي واوقف لي ليموزين وافك نفسي واوقف واحد واقوله اسواق ريمان قالي 10 ريال قلت لا 5 قالي مافيه .. اللي بعده نفس الشيء .. قلت يلا بركب قالي الفلوس وافتش في جيوبي مافي الا ريالين وش السالفة انا حاط الفلوس كان معي 40 ريال وينها :( :( :( :واو: شوي قالي اللميمزين رح بس .. وتوهقت مشيت ومشيت شوي اناظر فوق وش توقعتوا لفيت اسواق الوشـم .. تخليلوا من ريمان الى الوشـم .. ياطوووووولها .. المهم استانست لاني دليت .. وادخل لي بقالـة كان معي ريالين واشتري لي مويـه وببيسي .. واشربها لا وانت الصادق اتفهاااااااا .. واغسل وجهي المعرق .. واكمل مشواري وامشيء وامشيء ليييييين وصلت ورجولي رااااااايحه الا لقيت الصدمة .. ولد خالتي واقف عن الباب وين اللي بيروح سوق الغنم جلس يناظر فيني ويضحك .. وانا معصب :غضب: :غضب: قلت له مارحتوا لسوق الغنم قال لا يمكن مانروح الا العصر .. قفلت معي .. وجلست بالصاله قااااااااااااافله جاء عاد وقعد يسولف معي << اخوكم مل تصالحت معه .. وقلت له السالفـة الولد فقع علي ضحححححك وراح شهر بي في البيت كله .. وكلهم قاموا يضحكون علي .. المشكلة ان ابو ولد خالتي العصر قال لولد خالتي منابيكم تروحون معي خلاص ..
شوفوا القهر ( هذي سالفـة صدقيـة والله العظيم .. )
الموقف الثاني بعد كم رد .. انشاء الله ..
اخوكم بور
