عرض للطباعة
اللحين الحمدلله عايشين بكل نعمة بس فيه شي محيرني
وأكيد محيركم وخاصة السعوديين
أبغى أعرف لييشش مايسوون سينما
أيه وش فيها
طيب يقولون فتنه وخرابيط الهيئة
طيب يقطعون الفلم زي الأفلام اللي نشوفها على الفيديو
ونروح السنيما بدال المغازل والدوران في الشوارع
والا وش رايكم؟؟؟؟
اية والله ليه مايحطون سينما, كل الدول العربية حطت سينمات
شباب الي يبي يروح السينما يمرني
نروح السينما الي في أرامكو
في سكن الأمريكان
عندهم أفلام جديدة تعجبك
وشكرا
ياحظكم بس حنا اللي في الرياض وجدة وغيرها
بس أقول أي واحد يقدر يدخل السنيما؟؟؟
لازم تكون عنده بطاقة أرامكو
وهذي مايحصلها إلا الموضف وأبناء الموضفين
و الي عنده بطاقة يقدر يدخل نفر واحد على ما أعتقد
على فكرة أنا ما عندي بطاقة ولا عمري طبيت السينما ألي عند أرامكو
وشكرا
اقول عندك تلفزيون ولا لا؟
أقول كيف الحال؟؟؟
وليش تقولنا أروح وماأوح؟؟
مستر ديجي:
يقطعوها:)؟
اذا طاش ما طاش معترضين عليه لانه في "فتنه" و تظهر المرأه بصوره غير لائقه.
يعني اللقطات المخلة بالأدب يشيلونها من الفيلم
اما طاش ماطاش فهذا حقد واضح على أنجح مسلسل في العالم العربي
وشكرا
حبيت أسوي فيك مقلب >>>>>>>>واحد مستخف دمه
وآسفين على الأزعلج
وشكرا
مقلب؟؟؟؟؟الله يقلب راسك :D
MR.Dj
انت تبي تشوف سنما
تعال عندنا والي ما يدخلك مو رجال;)
هلا شباب كيف الحال ؟
============
تبي سينما ها ؟
============
ممكن بعد 1000 سنة نفكر بالموضوع
===========
في اشاعات يقولوا أنهم بيشفروا السعودية الأولى :D :D :D :D
ياخوك فواز عطه خيرررررررررررررررررررررررر
يعني بدخله غصب المهم ماعلينا اذا رحتوا مروا علي و الا اعطوني
خبر عشان نطلع سوى و لا تنسى العشااااااا عليك انا محظر الف
و يا اللاعب الاخير مب كل الافلااااااااااااااااام الي في ارمكوا حلوة
مرااات صدز فله بس مراات تلوع الكبد و على فكرة انا من زمان
ما طبيت السنما ............. بس ادوج مع الددااااااج و الشله الفاسده
هههههههههههههههههههههههههااااااي
:D ان كانك تبي احلي واحدث سينما في العالم
فروح لحي لمنفوحه. في واحد من الشباب هناك يعجبك فاتحله سينما (اخر موديل)
وازيدك من الشعر بيتين كل العروض ديجيتال يسويها بيده على الجدار وعلى لمبه سيارته
بس خوينا يبغاله يسخن شوي قبل مايبدا التقديم (يعني بالعربي يكون مرتفع شوي :D )
وبالنسبه للتقطيع فلا تخاف
هو اذا بس سلم من الدوريات ومكافحه المخدرات فمافي امل يقطع
ههههههههههههههههههههههههه
علوش
لا مو غصب بس براحه ادخله اذا كان يبي
Dantos -- 4
ههههههههههه
حلوه منك
تخيلوا لو فتحوا سنيما شوفوا وشلون شكلها
أول شي مافي مدرجات يعني كراسي البلاستيك البيض اللي من يوم تقعد عليها تنكسر لا شوفوا الترجمة بتصير زي ترجمة الأفلام الهندية الكلمة تغطي الشاشة
لا الكافتريا حقت السنيما
فيشار كله ملح وببسي وبليلة:D :D
ولا عاد كل شوي يوقفون الفيلم عشان الهيئة خاشة تشوف
وتمسك لك 100 واحد قاعدين يشوفون الفيلم ومايبقى الا واحد والا اثنين
سلام
أقول دانتوس ترى يقولون خلاص ماتدخل منفوحة الا بجواز:D
اقول احمد ربك وحب يدك مقلوبه لانهم سامحين بمحلات الفيديو....
الحين محلات الفيديو مزعجينا عليها... وحاطين شروط عليها ما ادري من وين جايبينها ولازم تصك الساعه 11 في الليل ( دجاج )؟؟؟
لآ وتبيهم بعد يسمحون بسنما...شكلك منت صاحي:)
حلوه يا MR.Dj
ههههههههههه
11 مره وحده :):):) تعرف ايش السبب؟؟
ياخي فشيلة دولة كبر جدتي مافيها سنيما
والله قهر الحين يبيعون افلام مقطعه ولا هم راضين يفتحون سينما مدري وش فرقت الحمدلله و الشكر وتبي ابشرك بعد ترا به سينما بالرياض بس مهيب للسعوديين (ياحسرة :( )
ميب للسعوديين ؟؟؟؟؟
أكيد لي :D
عارف أنها حقت الأروبيين والأمريكان
والله حالة
يقولون ممنوع السينيما لأنه في اختلاط بين الرجال والنساء وانتم ما شاء الله عليكم ما تقصروا إذا في الأسواق والشوارع والسيارات دايرين تغازلون بنات الناس فكيف لو عملوا سينيما عاد وقتها تحصل المصائب إلا إذا سووا سينما للرجال وسينما للنساء وسينما للأطفال...وعلى فكرة مثل ما قالوا الأخوان في أماكن ما يدخلوها إلا اجانب مثل شاطئ النخيل اللي في جدة خاص بالأجانب وبس ممنوع دخول السعوديين فيها...
أقول أنت قاط مع الهيئة؟؟
أنا منب قاط مع الهيئة بس أنا مع الحق والحق ينحق...
لا والله كلام رايق عين العقل
واللي يبي يختبر تصرفات شبابنا الزاحف يدخل ملعب كوره ويشوف شلون يتصرفون مع الاولاد الصغار (الورعان للقراوه) هههه اذا كانت هاذي اخلاقهم فكيف اذا فلوها على فيلم رومنسي
تبون دليل ثاني ...
ياناس حاضرين
دره العروس سلمولي عليها والظاهر للناس فيها يجنن العاقل فكيف
بالمخفي
دليل ثالث
من عيوني
شفوا الجنادريه., كل سنه اذا جا وقت القصائد والخطب في الافتتاح تشوفون الفضايح تتدهر وقدام رجال الدوله
ههههه يعني عيني عينك مخربينها
الخلااااااااااااااصه
شبابنا حده يفحط ويبشك في البر واذا خربت مره معه يشتريله حمام ويفكنا
والله حاله ....
مطاوعه من جهه
مطعسه من جهه
دوريات من جهه
وشباب خبلان في كل مكان
وتبون سينما بعد !!!
انا ول مرة ادري ان ماعدكم سينمات !!
يعني انتو ماتعرفون كيف شكل السنيما ؟:D
انا جالس في راس تنوره ارمكو
في سينمه والهندي يدخلني ببلاش (خوي السواق):D
صح أنا أقولك مافي أمل يحطون سنيما في الرياض
طيب في جدة والشرقية
ناس راقين موب الرياض أستغفر الله
أنت تدري أكثر الشباب في الرياض تركوا يغازلون الحريم وراحوا للعيال (الورعان على قولتك)
أنا ماني مصدق أني بروح جدة اليوم وأفتك من الرياض وأهلها
شهر و نص
والله انا مااقدر اعيش بدون سينما وانا ماكنت اعرف انه ما عندكم سينما مع اني رحت السعودية فوق الخمس مرات
انا احب الاجازه عشان دايم معروف عندي كل اجازه اروح للبحرين وعلى طول للسيف ادخل السينما
ما في سينما !!
احنا بالكويت تقريبا في كل محافظه فيها 5 سينمات
?: ?:
ولا اللي يزيدني قهر كل شوي أشوف دعاية فيلم بالسنيما بالسودان
يعلنون عن فيلم هندي
حنا لو فيلم صيني بس نبي نشوف شكل السنيما في السعودية