(مانغا كوين) و ( أميرة الخيال) معا .. فمن يتحدانا!!

هااااااااي لشباب و بنات المنتدى العجيب .. آنا عضوة جديدة ان شاء الله أكون عضو فعال في هذا المنتدى أستفيد منكم و تستفيدون مني ..
المهم .. حبيت أقول ان مانغا كوين ماشاء الله عليها أبدعت ابداع في قصة أسطورة الألف عام .. و صراحة القصة ما كانت بالمستوى اللي آنا متوقعته ( آنا مألفتها ) بس اهي ما شاء الله عليها خلتني وايد متفائلة بأنكم راح تحبون القصة و الرسم بعد (صراحه الرسم عجييييييييييب و البطل ما تخيلته جذي ) .. اللي محتاجته منكم اني عندي قصة جديدة اسمها ( الانتقام ) و صراحه رسمي ما يوصل حق مستوى رسم مانغا كوين أو حق اي عضو من أعضاء هذا المنتدى لذلك ..

راح أنشر هذي القصة باذن الله في المنتدى و أبي كل عضو يرسم الشخصيات بأي طريقة يحبها ( هذا اللي يبي يثبت انه أحسن من مانغا كوين ) هههههههههه

قصتي ( الانتقام ) تدور أحداثها حول أميرة يونانية اسمها (سلين ) و هذه الأميرة مغرورة و متكبرة .. تحب قائد الجيش ( أميكوس ) و لم تعلم أن هناك أحد آخر متيم في حبها ..
الضاابط الأول في الجيش (بيبلو ) الفارس ذو النظرة الثاقبة و الجسد الرياضي الرشيق .. صاحب أقوى سيف في مدينة أركاس
و تقوم الحرب و يموت (أميكوس ) أمام عيني سيلين على يد الضابط (كاستر ) و بعدما شاهدت موت خطيبها أمام عينيها أقسمت على أن تنقذ أركاس من (الأيليون ) اللذين احتلوا شبه الجزيرة اليونانية بكاملها ..و تصبح فارسة تحرر اليونان كله من قبضة (كاستر)

ما راح أقول لكم النهاية ..
ان شاء الله راح أنشر القصة في وقت قرييييب
و أشوف منو اللي يقبل التحدي

تبدوا القصة مثيرة حقا
شبيه بقصة لدي:6 لكن ابطالي من العصور الوسطى وليسوا يونانين
احببت شخصيات قصصك والفكرة العامة للقصة والزمن الذي اخترته
و اتشوق لارى ما يمكن ان يقدمه الاعضاء من تخيلات و رسومات ^_^
تحياتي

شكرا على الرد الجميل



و انشاء الله نشوف رسمات حلوة من رساااااااامين المنتدى :D

مرحبا اختي العزيزة .. طبعا ماشاءالله منجا كوين ترسم كوميكس عجيب .. اما بالنسبة لي فانا لحد الآن مامشيت تجاه الكوميكس .. لكن ممكن اعطيج امثلة على الشخصيات ...

مو كل الشخصيات لكن تخيلت الللي يحب الاميرة (المتيم بها) تكون شخصيته مثل Van من فلم Escaflowne واعتقد راح يركب عليه الشكل !!
:)

ان شاءالله راح احاول ارسم شخصياتك ...مش وعد ولا تحدي .. لكن رسم الكوميكس يبيله شغلانه !! (بالنسبة لي :) ) ..


تحياتي لج اختي العزيزة

DinaUAE

اميرة الخيال
اظن اني ارغب برسم شخصية سلين " و ان كنت لا اعد بارفاق الرسمة سريعا " ^_^ بصراحة البارحة عانيت من بعض الارق و وجدت نفسي اصمم بعض الملابس اليونانية .. لذا قبل ان ابدا بتحديد ملامح هذه الشخصية كنت اود ان اسألك ان كنت تحبين ان تصفيها او تذكري ما يمزها .. ام اترك ذلك لخيالي ^_^ .. و هل تردينها فارسة بملابس انثوية ام انها ستغير استايلها كليا وربما تربط شعرها او تقصه و ترتدي ملابس الرجال .. اتمنى ان اسمع منك قريبا .

تحياتي

ها ها ها ها اها ...^^؛ اميرة الخيال..؟؟

اهلا ...^^...

انت حيل تسرعتي ليش قلتي ( هذا اللي يبي يثبت انه أحسن من مانغا كوين ) .....
:أفكر: قوية انج تقولي منو يبي يتحداني المهم انت ما تعرفين منو ....اصحاب هذا المنتدى...:أفكر: ترى كلهم يقدرون يتحدوني ويصيرون احسن مني بعد..^^

المهم ...انا شاكرة لج هذا الموضوع الحلو ...والحمد الله ان الكوميكس عجبج وانا ان شاء اله بعد شوي بفصل النت علشان اكمل الكوميكس^^..

اوكي راح ارسم الشخصيات علشانج ...

باياتو+سلامي

مشكووووووورين على الردود ( أخيرا أحد عطاني ويه)


dinauae ان شاء الله نشوف رسمج ( عاد نبي البطل حلو و وسيييييييم)


L.B البطلة لون شعرها أصهب ( أحمر ) و طوييييل و عيونها عسلية (يعني قطوة) و رسمي اللي تتخيلينه عادي



مانغا كويييييييين خلصي الكوميكس قبل ما نذبحج آنا و ساكورا أوكيييييي و نبي نشوووووووف رسمج العجييييب ( آنا ليش أقولج أحسن أقول حق ساكورا توقف على راسج في البيت و تحن عليج هههههههه)

و مشكورين على الردود و ناطره ردود من أعضاء المنتدى الباقين (عاد عطونا ويه الله يخليكم )

شكل القصه حلوه :D

طيب حطي وصف بسيط لكل شخصيه عشان يسهل رسمها ^_^

شلونج حبيبتي أميرة الخيال^^

والله الموضوع عجيب و حلوة فكرته و أتمنى إنج تحطين القصة بسررررررررررررررعة لأن الأعضاء ناطرين ^^(أعتقد إنج فاهمة قصدي ;-) )

بعدين على اللي قلتيه عن كوميك متنجا كوين ^^

أفا ؟؟؟تشكين بصديقتج الصدوقة^^

إني لهااااااااااااااااا:غضب: (صرت فلم عربي:6 )

هههههههههههههه أفا عليج انا قاعدة علة على راسها ^^


أهم شي إنها تكمل المانجا ^^


ننطر رسومات الأعضاء و القصة إن شاالله


سي يو ;-)

Last_Angel اذا حطيت وصف راح أحد من ابداعاتكم ( يعني كل واحد يتخيل اللي يبيه المجال مفتوح ) و بعدين راح اتعرفين/ اتعرف الوصف لما أحط القصة في منتدى المنوعات انشاء الله و أبي الكل يقراها و يعطيني كل واحد رأيه في القصة


ساكورا هلا والله ( أيتها الرفيقة العبيطة ) قعدي فوق راس مانغا و حني عليها هذي نصيحتي لج و بعدين أبيج انتي بعد تشاركين و ترسمين (بيبلو) و هذا مو طلب يعني قصب عليج و الا ( كفختج طراقات ) :D هههههههههه عادي الميانة طايحة رفيجتي من ايام الثانوي ههههه

:واو:
اميرة الخيال!! دشيتي المنتدى ؟؟!


نوووووووووووور المنتدى والله يا هلا


منجا ليش ما خبرتيني ههههههههههههههههه انت قلتي انها بدش المنتدى بس لين يومج هذا وانا ما ادري انه اميرة الخيال دشت :6


على العموم تراني (( متـــــــــــــــــــتخبلة)) على القصة :واو: :واو: خطييييييييييييييييييييييييييييييييييييييرة .. احس انها وايد روعة و مشوقة


وايد اندمجت ههههههههه ..

وانا قاعدة اقراها اتخيل كل شخصيه و كيف شكلها يااااااااااااي خاطري ارسمها ..بس ما اوعدج :( لاني مشغولة وايد هالايام .. على العموم بحاول ;-)

هلاااااااااااااااااا و الله Miss_kimino حبيبتي و الله أشكرك على الاهتمام

مانغا كوين قالتلي عنج و قالت انك تبيين قصة عشان اتسوينها كومكس صح؟؟


ترى مانغا كل يوم تكلمني عنج اذا تبين قصة عندي قصة لج راح تبكين منها اسمها (لحن الألم)


انتي صح من الامارات ؟؟


اذا انتي من الامارات ترى شهر ثمانية راح انسافر اهناك اذا تبيني أعطيج القصة عادي (لأنها طوييلة حيل يعني ما يصير أدزها ايميل)

و اذا تبين تفاصيل قصة ( الانتقام) آنا حطيتها في منتدى المنوعات


شاكرة لج اهتمامج و ترحيبج فيني مشكووووووووورة

اقتباس:

---

الرسالة الأصلية كتبت بواسطة أميرة الخيال

ساكورا هلا والله ( أيتها الرفيقة العبيطة ) قعدي فوق راس مانغا و حني عليها هذي نصيحتي لج و بعدين أبيج انتي بعد تشاركين و ترسمين (بيبلو) و هذا مو طلب يعني قصب عليج و الا ( كفختج طراقات ) :D هههههههههه عادي الميانة طايحة رفيجتي من ايام الثانوي ههههه

---

><

:":

أنا شبلشني معاج><

الحين وين أروح و وين أولي><.....

حبيبتي أميرة الخيال^^ ؛ شلونج ....

آآآآآآآآآآآآ....مو لازم أرسم و أعتقد إنج مليتي من كثر ما أقولج إني ما أعرف أرسم صبيان خاصة :غضب:

صعبين بالنسبة لي><

و بعدين تعالي:غضب:

إنتي شنو قايلة ؟؟؟...أنا رفيقة عبيطة :غضب: لا و بعد بتكفخيني طراقات :غضب:


ممكن اقبل بالعبيطة:6

بس الطراقات لأ:غضب:

و مو غصب عني أرسم :غضب:

هههههههههههههههههههههههههههههههههههههههههههههه

طلعتي كل اللي بجبدي ^^


الحين أقولج أتمنى إنج تكملين القصة و انا الحين رايحة اقراها ^^


سي يو ;-)

موضوع جميل وفكرة رائعة من اختنا اميرة الخيال الرائعة في مجال التأليف:)

حسنا سأجرب حظي;-) وشكرا على الموضوع الجميل:)
مادام الموضوع فيه مانجا كوين فيطيب لي الاشتراك فيه^^

ثانكس شاهين على التشجيع



و ان شاء الله أشوف رسوماتك في وقت قريب ;)

حلوة فكرة الموضوع

اقتباس:

---

راح أنشر هذي القصة باذن الله في المنتدى و أبي كل عضو يرسم الشخصيات بأي طريقة يحبها

---

ان شاء الله شكل الشخصية يعجبك :)

و أخيرا احد رسم رسمة ^^


حلوة رسمتج يا الأميرة زيلدا ^^

شكلها كيوت^.^


المهم ^^


يالله ننطر رسوماتكم ^^




سي يو ;-)

القصة شكلها ممتعة .. منتظرين آخر التفاصيل عنها :)

.....................................
....................................

..............

.... .......... .........

السلام عليكم :p

هاي رسمتي وهي شخصيه من تاأليفي أتمنى تعيبكم:biggrin:

وهاي يووم ألونه..:biggrin:

شوورايكم؟؟

:tongue2:

black hole رسمج :

روعااااااه

شغل عدل يا فنانة إنتي D:

.............
............