ماذا كنا نفعل أيام المدرسة؟

كلنا كنا في المدرسة وحدثت لنا مواقف وحوادث واحداث وذكريات جميلة لا نزال نتذكرها ونضحك عليها... لذا سيكون هذا الموضوع للجميع يخبرنا فيه عما حدث له في المدرسة:)

فمثلا في الثانوية كان عندي صديق يرسم انمي فظيع ^^ لكنه في صف غير صفي.. وكنا نتنقل بين صفوف المواد... فلما ندخل صف العربي مثلا يكون صديقي وربعه طالعين من العربي ويأشر لي على طاولته اللي جالس عليها... اروح واجلس مكانه على طول واشوف رسمته على الطاولة وبعد التمقل والتأمل ازيدها رسوم وهكذا... والاخ كان يحب رسم انمي كبمارو وجزيرة الكنز وشخصيات الرعب:)

نتمنى ان تكتبون مالديكم من مواقف وذكريات مدرسية!!!

همم اتذكر اني في صف اولى متوسط في حصة فاضية كنت قاعد اشخبط على لدفتر ولا اني مكمل رسمة لSmoke (أو واحد من روبوتات الجزء الثالث الرهيبية*احبهم كلهم*)
المهم ويجيني صديقي اشرف ويشلح الرسمة وينحاش... وانا الاحقه في لصف والمدرس يطالع... لين ماقال لأشرف هات الرسمة..

وبعدين يوم اخذها وطالع... قال لي "ايش الخرافات هاذي" انا جتني صدمة.. على بالي بيمدح..:!

بس الحمدلله على الأقل رجعت لي وماشققها...

:":

بس ذاك كان مو مدرس الفنية... مدرس الفنية كان يقدر رسمي للمركبات... (ذاك الوقت كنت اموت في رسم السيارات والطيارات)

هههههههه ...

موضوع حلو ..

أنا اللي أعرفه أن عندنا بالثانوية واحد أكبر مني بسنة .. يرسم على كل طاولات

المدرسة لوحات فنية .. طبعا .. كاريكتارية .. ههههههههههههه

مرة رسم على طاولة من الطاولات الصحاف و أهو يتكلم .. الصحاف بزاوية ..

و بقية الخطاب بالثلاث أرباع الطاولة ..

و مرة راسم منتخب البرازيل كلهم ..

ههههههههههههههههههه .. طبعا مو كل طاولات المدرسة .. بس ما مرت طاولة

عليه و سلمت من أيدة .. بكل فصل لازم فيه رسمة من رسماته ..

الله يخليه .. مخرب الأملاك العامة .. :6

تعال اسئلنا احنا الي في المدرسه التعيسه:"
في اشكثر مواقف صارت بس بذكر موقف منهم:6

مره في منتصف الكورس الي فات كان عندي دفتر دايما ارسم فيه،دفتر الجفرافيا.. لن الحصه ممله جدا جدا حتى النخاع:6

وأتى ذاك اليوم للاستاذ والذي كان له ان يرى فيه من الرسم مالذّ وطاب:o

وبعدين قام يراوي الطلاب ( بهدف انه يمصخرني قدامهم)،بس العكس صحيح،كلهم استانسوا على الرسمات(مع انهم كانوا شخابيط!!)..

وبعدها عطاني محاضرة وان الدفتر هذا بيشوفه الموجه ومادري شنوO_o
والي سويته بعدين اني شقيت الصفحات الي فيها الرسم:D

شفت الاساتذه يااستاذ شاهين:p :6

ههه صراحة مالوم مدرسك شاعر... تخيل عندك 24 حصة في الأسبوع وطالب تقابله في اليوم اكثر من ساعتين... او ساعة لمدة سنة كاملة... يوم رايح يوم جاي... وانت تشرح وينبح صوتك تقول لفلان اكست وفلان اقعد.... ويفلان ليش ماتكتب ويافلان داري ايش...

وبعد كل ذا التعب يلقى واحد في حصته قاعد يشخبط ويرسم... شو ماجاك الإلهام إلا في وسط الشرح:6

يحيه الشاعر!!

عيل أنا مره رسمت عصابة مافيا!! ((كاريكاتير)) , على كتاب التربية الاسلامية :6 وأول صفحة بالكتاب وحش!!
لين الحين ربيعي يتذكره الكاريكاتير ويضحك ههههههه

اممم مقلب؟

أنا أذكر مقلب مسونه على ربيعي لما كنت بالكلية :D
كان ما يعرف انجليزي , وكنا بحصة انجليزي وطالب منّا المدرس مسمينه (كيت كات) نسوي جمل بالانجليزية والأسلئة موجهه للطالب!!... ماخذين قواعد يديده :6

هالأخ ما عرف يكمل زين!! وياني ... وباقتله كم جملة!!
وطلب مني أكملهم :6 ...ويلس معاي يتطالع يقولي كيف؟
وضحلي كيف تكتبها!!وأنا أكتبله واقوله...

عاد آخر جملة مادري قبل الأخيرة كان فيها شيء عن السمك :6 !!
كتبت جملة بمعنى (ما أتذكرها زين) انه يقول ...
=... أنا اسوي كذا لأني سمكة!!...=

عاد يوم ياه المدرس عشان يصحح وقرأ هالجملة !!
يلس يعلق علييييه :" !! صار مسخرة!! ((عاد هالمدرس يعلق بالكلام والحركات :6 ))

عاد فقعنا ضحك نحنا!! :"
قالي الله يسامحك :D
أعتقد بيتوب أنه اييني مره ثانية :D ...
الله يرحمه :" ...

:)

ههههههههههههههه
عليكم حركات شباب ^_^
ويا شاعر.. انتو مدرسينكم غير شكل.. احنا مدرسينا يمدحون ويشجعون (مو كلهم هههه)

ريكس.. حركاتك تشبه حركاتي هههههههههههههه
أنا في الثانوي كنت مولع بحركات النينجا والخداع...

عاد مرة كنت اكلم شباب وانا في حوش المرسة وهم يطلون من الطابق الثاني وبعد ماخلصت مشيت.. عاد في واحد رمى علي قوطي كولا... لكني وبسرعة ركضت عنه مع اني ماعطهم ظهري..:0) تعجبوا الاخوان قالوا لي كيف سويتها؟؟ قلت لهم توكم تعرفون اني نينجا... هههههههههههههه بس هالحركة كان وراها خدعة ^^

الحل بالمقلوب:
:6 ماصار بالمقلوب.. هههههههه
لما كنت اتكلم معاها كان واحد ماسك قوطي... فلما مشيت راقبت ظلهم على الارض اللي امشي عليها فحدث ماتوقعته فركضت شوي هههههههههههههه بس ^_^

حركة ثانية:
كنت واقف اطل من الطابق الثاني واكل سندويتش في الفسحة:)
فشافني صديقي في الساحة وِأشر لي على اساس انه بيجيني...
ولما راح الدرج.. بسرعة رحت نفس المكان بس في الطابق الثالث ههههههههههههههه... بعد فنرة ياني الطابق الثالث.. وحالته حالة ههههههههه يقول لي: تصدق يا شاهين.. احس ان نظري صار يقرب البعيد ههههههههههههههه..

وسلامتكم.

هههههههههههههه موضوع حلو يا شاهين



صراحه صار لي موقف مع صديقاتي العبطيشن ساكورا و مانغا و بقية الشلة في الثانوية ..


كنا آنا و ساكورا تونا طالعين من الامتحان و مانغا ما طلعت رحت قلت حق ساكورا اشرايج انبوق أغراضها و رسماتها

و سوينا جذي و بعدين يوم طلعت مانغا اخترعت ما لقت أغراضها و شكت فينا بس آخر شي قامت تلحقنا بالمدرسة


بعد مرة سويت فيها جذي (وناسة أحب أطفر مانغا كوين) جان تقعد تلحقني في المدرسة و آنا أركض شايلة أغراضي و أغراضاها و شافتنا مدرسة و زفتنا " شنو أنتو يهال جذي تراكضون " بس صج ذكريات لا تنسى

و صراحه كانت أحلى أيام الثانوي يوم التخرج شنو كان استعباط (أشوه ما بجيت ) بس حسيت انه مانغا تبي تبجي عشان آنا و ساكورا راح نطلع المدرسة :0)

ههههههههههههه صرت نينجا و احنا ما ندري يا شاهين هههههه

بس حركاتك مو أحسن من حركاتي



مرة كنت يايبه معاي مسجلة (هدفون) في المدرسة علشان أبي أسمع رفيجتي نونا اغنية

طبعيي ممنوع مسجلات في المدرسة عشان جذي رحنا انخشينا في مكان محد يشوفنا فيه في أحد صفوف الانجليزي المهجورة (حلوة هذي )
آنا صراحه خفت جان أقول حق رفيجتي طلعي كتبك عشان اذا أي أحد شافنا يحسب انا ندرس

و بعدين مرت ربع ساعة و الا باب الصف ينفتح

ما أشوف الا الناظرة و الوكيلة عند الباب :واو: بس أشوه ما شافوا الهدفون

و يوم راحوا انحشنا و رحنا الكفتيريا و من الخرعة ما قدرت أدرس لمدة ساعة و كل ما أفتح الكتاب أقعد أضحك من الخرعة هههههه

هههههههههههههههههههههههههههههههههههههههههه:D

موضوع خطير الصراحة!!!!! ريفلكس...والله عيوني دمعت من الضحك بعد ما قريب سالفتك!!!:" ...:D خخخ...والله حرام عليك...

شاهيـــــــــــن ...ضحكتني سالفة..يوم كنت في الطابق الثاني ..و خدعت ربيعك و اختفيت عنه و سرت الطابق الثالث!!!
صدج ضحكت من الخااااااااطر!!! :D ههههههههههه!!!
أي والله نينجا:0) ...

أميرة الخيال...
قصصج تمووووووووت ضحك...أحلى شي يوم المدرسة تزفكم...
و يوم الوكمان..ذكرتيني بنفسي>_<أنا جبانة أخاف يوم اييب شي المدرسة و يكون ممنوع ..مثل كومكس الأنيمي!! ههههه


اتذكر يوم كنت في مدرسة خاصة في الصف الخامس ..مستحيل انسى...خخخخ..كان في ولد شيطااان في صفنا قاعد جدامي...
و كانت مرة علينا حصة انجليزي...و كان استاذنا سوري...فطبعا كان دوم يلبس بدل...
شو صار؟....كان الاستاذ يصحح الورك بوك :6 جان الولد يقطع ورقة صغيرة من دفتر...و يتــــــــرسه كوريكتر (الماسح الأبيض السائل)...
و كان يتريا اللحظة الحاسمة اللي بيوقف الاستاذ عدّاله و يعطيه ظهره...خخخ!!! و فعلا يت اللحظة...أول ما لف الأستاذ...*طبعا" الصف حشرة و تقول يالسين في سوق اللي رايح و اللي راد* فا الاستاذ مسطل ولا يدري باللي يصير... >_< ....جان يحط الولد الشرير الورقة المتروسة كوريكتر داخل جيب الاستاذ اللي في البنطلون, بدقة و هدووء....Mission Complete عقولتهم...
و الاستاذ خبر خيــــــــــــــــــــــــــــــر!! خخخخ :D
اليوم الثاني......
WHO THE HELL WAS IT??!! SHOW YOUR SELF!!
لووول...طبعا محد اعترف!!

هههههههههههه
حلوه سوالفكم شاهين ويا أميرة الخيال :D

Shadow Cat
هذا اللي حط القرطاسه عن جد خطير!!
يعني مليانه من المزيل وحطها بدون ما يحس المدرس!!
والله خطير :6 !!

عيل هذاك اللي سويتله المقلب بالكلية أشوه عن اللي سويته عشخص ثاني من زمان :أفكر: .. لما كنت بالثاني ثانوي...

الله يسلمكم هذا واحد دوم أحب امزح وياه خاصة أنه متأثر بالأجانب ويقلدهم بكل شيء!! ((قاهرني هههه )) وعادي يتقبل المزاح ويضحك :p

عاد يوم من الايام كان المدرس مشغول مادري بشو , المهم قالنا اقرو شيء بالكتاب لين ما أيي ...

وطبعا منو بيقرأ :6 , قعدنا الا نتكلم ونسولف ...
وماشاء الله كان صفنا أكثر صف فيه شباب ومشاغبة!!

عاد انا مادري شو ياني!! يتني فكرة أسويها على هالانسان ((الله يسامحني يمكن كنت أهبل وقتها :" ))

طلعت من الدفتر ورقة فاضية ورسمت صورة كريكاتيريه لويهه تفطس ضحك :p ...
وفوق هذا حطيت بيانات عن هالشخص , عن دمه وعمره ولونه وهواياته الخ , عاد كيف !؟! كله مبالغ فيه وأشياء مضحكة! كلها بهالورقة!!

عاد أنا رويتها للطالب اللي جنبي!! وصارت تتنقل بالصف من طالب لين طالب :! , وكل مره حد يمسكها يموت ضحك ويقول اللي جنبه هات أشوف!!!!

هذاك الأخ المسكين يشوف شيء غريب يستوي!! يشوفهم يضحكون ويطالعونه!! وقام يشوف شسالفة :6
واكتشف أن الورقة مكتوب فيها أشياء عنه!!عاد بعد شو !! لين أغلب الصف شافها!! لا تعالو شوفوه يوم يبي ياخذ الورقة وما يخلوه !!
الصراحة فطس ضحك!! :"
((مادريت عمري اني شرير لهدرجة :( ... ))

عاد أخيرا لما مسكها ... وشاف اللي فيها , عصب وقطع الورقة!!
وطالعني بنظرة !!...ببساطه زعل يعني :6 ...

عاد بعدين أنا تندمت جدا وقتها اللي سويته مو هيّن!! وكسر خاطري فعلا...
وسرتله ويلست اراضيه وما خزت عنه لين ما ضحك :p ...
هو طبعا يعرف ان قلبي طيب , واللي سويته كانت مجرد غلطه ((أي غلطة خليت أغلب الصف يضحك عليه ههههههههه )) وسامحني عليها...

هاي من المواقف اللي ما أنساها صراحة هههههههههههه
لكن لين الحين متندم على هالشيء :6 ...

Ralph Jones Here ":"

هههههههههههه كأنكم تقرأون أفكاري ":" يبدو ان الرسامين يفكرون بالطريقة نفسها على امتداد الأقطار و البلدان :) :D ههههههه من أين تريدون ان أبدأ ؟؟؟:D هناك قصة كنت دائما أتذكرها ولا أظن انني سانساها ما حييّت ^^ ... فقد كنت أذكر بأن لقبي اثناء سنوات دراستي بالمدرسة "رسام المدرسة" حيث كنت امثل مدرستي بكل المناسبات الفنية و المسابقات الدولية (إييييه ... الماضي الجميل :" :" ) .... وقد كنت دائما المسؤول عن معرض المدرسة السنوي ( كنت شعّبي جدا وقتها خخخخخ ^^ ) ... ولقد كان هناك مسابقة كبيرة كل عام للرسم يشارك بها عدد كبير من الطلاب ذكورا و اناثا ( مدرستنا كانت مختلطة وقتها ":" ) و لقد كان من المسّلم به من دون نقاش فوزي بسهولة بتلك المسابقة ( أظن انني فزت بالجائزة الأولى 4 مرات :6 ) ... لكن مسابقة هذه السنة كانت مختلفة لسوء حظي :" فقد أشتركت بالمسابقة احدى الطالبات الجديدات ( هذه الفتاة قد أنعم الله عليها بالجمال لدرجة كبيرة ) ... طبعا انا لا أرحم منافسيني أبدا مهما كانوا وسماء :6 ...على أية حال فان نظام المسابقة بأختصار هو ان يقوم كل طالب برسم ثلاث لوحات و من ثم تقوم لجنة من الطلاب بتقييم اللوحات و أعلان الفائز ... أظن انني رسمت سلاحف النينجا الأربعة كرسمتي الأولى ... و ثلاث شخصيات من الكابتن ماجد ( ماجد و وليد و أمجد ) بالرسمة الثانية ^^ ... و كانت رسمتي الاخيرة لوحة عن مركبة فضائية تسبح بالفضاء :) كنت واثقا من الفوز لدرجة انني لم اهتم بتفاصيل التلوين ... و عند اعلان النتائج تفاجات انني و الفتاة الجميلة قد تأهلنا معا للمرحلة النهائية :واو: :واو: الفتاة شاركت برسمة واحدة و هي عبارة عن حصان ... ويا له من حصان !! :واو: حصان أجرب و يا أخجلا :" فقام الحكام بالاعلان ان علي رسم لوحة جديدة انا و الفتاة !! فقررت ان أحجّم هذه الفتاة لحجمها الطبيعي مهما كلف الامر ... :غضب: انها مسألة مهابتي بالمدرسة كرسامها المحبوب ... فقررت أن اخرج كل ما بجعبتي ضدها ... فرسمت بالنهاية فارسا عربيا يصول و يجول بالمسجد الأقصى ... ( المواضيع الأسلامية هي من اختصاصي ^^ ) أظن ان الفتاة قد رسمت راعية أبقار .... هههههه لم يكن بوسعي التميز بين البقرة و الراعية ههههههه ^^ .....

المفاجاة الكبرى كانت فوز الفتاة علي ....... :واو: كانت هذه أول صدمة لي بعالم الرسم ... و قد طمئنني أصدقائي و مدرس الرسم (رحمه الله ) بان فوز هذه الفتاة يعود لمكانة والدها بمجلس الأدارة ....( رغم انني كنت اعلم لم فازت >_< )

لكن ما أثار الضحك الهستيري بعد ذلك هو انني شاركت بالمسابقة ذاتها بالعام القادم ... طبعا الفتاة نفسها كانت هناك :غضب: و قد تدربت جاهدا للفوز هذه المرة اكن الفتاة شاركت بنفس الرسوم القبيحة :! و فازت !!!

هههههههههههههههههه هذه أحد قصصي المضحكة ( الكوميديا السوداء أن جاز التعبير عنها بصورة أفضل ) أيام المدرسة ... و هي أحداث حقيقية 100 % .... أتمنى ان تكون قد اعجبتكم @@

بامان الله ...

Ralph Jones ... Out

هههههههههههههههه قصة حلوة ياريكس...
انا صار معاي نفس الشئ تقريبا

انا كان عندي طالب في المدرسة ياكل طباشير ههههههههههههه وقصير القامة ويتهيبل حتى اللي اصغر منه يضربه ويسمونه شرشبيل لانه يقول نفسه : لن اترككم يا سنافر حتى لو كان هذا اخر عمل اقوم به في حياتي هههههههههههه... لكن ربما لأني شخصية غير عادية :6 كان دائما يريد ملازمتي ومشاغبتي ههههههههههه وكان على الضرب اللي يجيه مايبي يهدني ^_^ عاد صار لي كيس الرمل مالي ^_^

على فكرة كنت اسميه كابتن فول!!!
عاد مرة رسمت له رسمة بالالوان اشخصيته الجديدة كابتن فول ^^ وكتبت وراها معلومات شخصية عنه طبعا استهزاء ^_^ من المعلومات انه دمه نوع من الكتشب البارد..الخ.
واعطيته الرسمة يدا بيد وصار يضحك من الصورة وكنوع من الضحك والهزل راح عطى مدرسنا لمادة الانجليزي تونسي وظريف ^^ كنت وايد اعزّه ... شاف الرسمة وقرأ المعلومات المسخرة وقطعها هههههههههههههههههه ... كابتن فول ما توقع ردة فعله ههههههههههههههههه!!!

ولي قصص كثيرة مع الكابتن فول!!
captain fool
هذي التسمية مثل
captain power
ههههههههههههههه

قصتك حلوة يا رالف... صج انها محزنة لكنها اسعدتني لان الفتاة فازت ههههههههههههه هذا اذا كان هذا ما حصل فعلا ^^ لأن من القهر ان يفوز من لايستحق ... ههههههههه هذا ما حصل لي ايضا لكن ليس بالضبط ^_^
ليس مع فتاة >_< ... بل ان من فاز يكون ابنا لرسام معروف وربما الهمه بالفكرة... الله اعلم:": لكن القهر ان الجائزة هي تذكرة الى عالم ديزني>_<.

عليكم حركات:p

ههههههههاهاه،سوالف حلوه ومضحكه من الكل، سوالف ريكس والاستاذ واميرة الخيال وشادو كات ورالف..
________
في شي غرييييييييب:o لنرى معا ما هو الغريب

اقتباس:

---

ههه صراحة مالوم مدرسك شاعر

---

وأيضا

اقتباس:

---

يحيه الشاعر!!

---

مايحتاي أتكلم،انتوا عارفين الخطأ الكبير الي وقعتوا فيه:D
______
تويا

أخخخ بس،خاطري تجي مكاني وتجرب:p صدقني حصة ممله لآخر درجة><،حصة جغرافيا سهله.
وترى هو مايعلي صوته كلش،دايما صوته واطي(يسمع نفسه!؟!) وكل الطلاب منزعجين منه،أففففففف، أحس نفسي متضايق لما اتذكره:6
______

اشرايكم بتحويله سريعه على سوالف الباصات المدرسيه خخخخخخخخ هاهاهاه:D
الله يذكرنا بايام الابتدائيه والاعدادية،لما كنا في باص،كان لما يتقابلون باصين في نفس الشارع تكون الحرب قد اعلنت للجميع فتوقع قوطي بيبسي او طباشير على راسك في أي لحظه من لحظات الشدة والحرب:6 :واو: عاد الا اذا كنا مع باصات الحريم،طبعا احنا دايما الأقوى..هههه

لكن مره من المرات قامت حرب بالغة الفظاعة فقد أستمرت أكثر من 7 دقائق من القذائف الطباشيريه والأوراق الصلبه المقذوفه بـالأستيك الصناعي المدور!!وعدة مداقع هجوميه باصغه:6 من الحجم الكبير..

كنا مع باص في نفس المدرسه،صاح التحذف بكل شي تتوقعه،طبعا انا كرسيي كان قبل الأخير أو قبل قبل الأخير،وماخذ وضعيه انفرادية هجوميه دفاعية احترافيه،كنت أبطل الدريشه وأحذف باللي عندي من ذخائر وأسكر،عاد شوف اشلون البصاغ على الجامه:غضب: لاعت جبدي فعلا،وخصوصا اذا كانت محشوه بالماده الخضراء:0)

طبعا الحرب دامت مده،ليش ان كان عند الدوار زحمه:6

سلام^^

هههههه موضوعك رائع شاهين في بعض الذكريات جميلة ...


بقولك لكم ...ذكرى ...

قبل ما تقراه أقولك أن الرسم ينفعك في العلامات شوي

في الصف الأول متوسط ....
كان عندنا امتحات علوم نقصت فيه أتذكرت اخذت على ورقة الأمتحان 6 ......من 8 على ذيك الأيام .....يعني صار المجموع 13 من 15 .....
فقلت حق أستاذ العلوم ...رسمه ...في لوحة منقول طبعا من الكتاب .........ولونتها ...كانت أتذكر عن دور السحب ...فأعجب بها الأستاذ والطلاب ....فعطاني الأستاذ العلامة الكاملة في العلوم ...":" :D :D :D

وهذا رائع :p :p

أنا أتذكر أني رسمت رسمة عمري ما أنساها .. كانت رسمة ممتازة جدا .. أحسن من رسماتي الموجودة حاليا .. و المدرس جلس معي عليها عشان أخلصها .. كنت راسم رجال شايل شنطة و كان الرجال مسرع .. عاد أنا راسمها على طريقة الزوم من ناحية الصدر مع الجزء السفلي من الوجه و جزء من الفخوذ .. و طبعا راسم الحقيبة ماسكها بيده .. أنا ذاك الوقت قعد معي المدرس عشان يعلمني رسم اليد .. الله يرحمها من أيام .. :"

ههههههههههه هداف على سالفة الباصات





أذكر كنت دايما أروح بالباص مع الشلة و دايما الباص يمر على مدرسة صبيان


ولما يمر الباص يقمون الصبيان يقطون و يحذفون علينا الوصخ و الزبالة و الصخر ?:

تعقدنا أحنا البنات


عاد مرة اجتمعنا و جمعنا كل الوصخ اللي معانا و ماي و كل شي و يوم وصلنا حق مدرسة الصبيان بدأنا الهجوم


و الله وناسة كانت حرب طاحنه هههههههههههه واحد حذف الكيس ماله علينا جان أمسك الكيس و أفتحه و أقط أغراضه بالشارع


اليوم الثاني يوم وصلنا عند مدرسة الصبيان قاموا يحذفون علينا زجاج و واحد من الصبيان قام يتفل علينا (يبصق) وووووووووووع?:


بس لا زالت المعركة مستمرة ههههههههه

الحين انا خلصت المدرسه يعني اقدر اشارك هني :D

خطيت الاندر ايج الحين :p

ههههههههه موضوع حلو يا شاهين ^^

أنا عندي سوالف شكثر عن المدرسة ، لو أقولها كلها لكم راح تتعبون ^^!

سمعوا هالسالفة مثلا :

مرة أيام الإعدادية .. في حصة الإنجليزي ، الأستاذ سأل شنو أحسن وجبة عندكم ^^ ،، في واحد يمّي مسكين مايعرف إنجليزي كلش كلش >< جان يقول لي : قول لي شي أبي أشارك .
قلت له وعلى وجهي علامة شر : قول I like eating frogs
قال لي : شنو يعني ؟؟
قلت له : يعني أنا أحب الصالونة (مرق) ^^!!
والمسكين رفع صبعة (( أول مرة في حياته يرفع صبعة في حصة الإنجليزي)) ، والأستاذ ماصدّق ^^ وقال له : فلان (يعني قال اسمه)
والمسكين قال : I like eating frogs <<<< وعلى ويهه علامة انتصار ^^

وإحنا متنا من الضحك عليه هههههههههههههههههههههههه

وسلامتكم ^^

ههههه بعد أبي أقول سالفة ثانية ^^!!

مرّة أيام الثانوية .. حصة الجيولوجيا .. الأستاذ يعطي بعض الطلبة أقلام سبورة ويكتبون الحل في جدول على السبورة ... وأنا هالحصة كلش كلش ماحبها >< قمت أنا وأصدقائي نقذف قطع محايات على الطلبة اللي يكتبون على السبورة هههههههه صج صج فلّه ^^ بس للأسف .. آخر
قطعة قذفتها صادت رقبة الأستاذ ههههههههههه شافني وسوّيت روحي بريء واتّهم صديقي ^^

ههههههههههههههههههههه

لووووووووووووووول


عليك حركات عجيبة هارد روك ^^

بالنسبة للقصص هذي يا هارد روك أنا صارت لي زيها ..
مرة أنا كنت نايم في حصة الفيزياء (هذي الحصة أنا أكرهها كره العالمين ) عاد كان المدرس ينقل الطلاب عشان يكتبون في الدفتر .. عاد إذا تكلم كلمتين أقلد صوته مع همهمة .. فمثلا قاعد يقول " و عندما تكوووووون " .. أنا أرد وراه " اهم اهم اهههههم " و بصوت عالي :D .. و اللي جنبي قاعد يقول ترا الأستاذ يسمع و أنا أقول بالطقاق :cool: << كل هذا صار في ثاني ثانوي :)

هههههههههههههههههه حلوة الحركة يا بولبن هههههههه
عيل تقول في الطقاق حق المدرس:D

اسمع هالسالفة عيل

مرة أيام الإعدادي .. بعد حصّة الرياضة كان عندنا حصة عربي .. إحنا رجعنا من الملعب حرّانين والعرق يلعب فينا .. رحنا الصف وفصخنا دلاقاتنا (جواربنا) وعلّقناهم على الدريشة (الشباك) هههههههه والريحة ماقصّرت ملت الصف ريحة الربيع هههههههه .. انزين .. وحضر المدرس الصف .. يشم ريحة موطبيعية !!! بس الصراحة المدرس كان وايد طيب !! راح وواصل الدرس وماقال شي عن جواربنا .. بس المسكين ماقدر يتحمّل وايد .. قال باروح وباجي انتوا اقروا الدرس مرة ثانية .. راح ولا رجع هههههههههه
رحت غرفة المدرسين بالفسحة (الفرصة) وسألت عنه.. قال لي مدرس ثاني إن مدرسنا اليوم مو صاحي ... راسه افتر عليه وراح المستشفى !!!

هاذي كانت نتيجة غاز الربيع اللي تظهر من جواربنا هههههههه :6

ههههههههههه .. يا شين ريحة الجوارب بعد الرياضة .. أجل إسمع هذي

مرة الشباب في الطابور ( وانا من بينهم طبعا) واقفين ننتظر النشيد الوطني .. يوم جا النشيد الوطني بدال ما ننشده قاعدين ننشد أنشودة إسلامية و هي " أن تدخلني ربي الجنة .. هذا أقصى ما أتمنى .. " الى آخر الأنشودة :) ..

هههههههههههههه حلوة ذي يا بولبن هههههههههههههه
على الأقل تغيير شوي مو كله سلام وطني نفسه ههههه :D

عيل اسمع هذي السالفة ..

مرة أيام الثانوية ... الأستاذ دخل الصف وقعد يهذر ويهذر (يعني يشرح) جان في واحد من ربعنه برع الصف .. الأخ متأخّر ومايقدر يدخل لأن الأستاذ بيسجّل له تأخير .. قام وانتظر لين الأستاذ يغفل ويدخل بسرعة ( لا تنسى ان باب الصف مفتوح!!) .. انتظر شوي جان الأستاذ يكتب شي في السبورة!! استغل الفرصة ودخل بسرعة .. في هذي اللحظة أنا حطّيت دبّوس في كرسيّة :D .. جلس عليه وصرخ صرخة !!!!!! آآآآآآآآآآآآآه :واو:

هههههههههه أنتبه له الأستاذ وعرف إنه وصل متأخّر وعقوبته الدبّوس هههههه

دبوس...؟؟؟


هههههههههههههههه لو تدري ياهارد روك!!!

هههههه


.... ماقول إلا اسم... "مهلل" ههههه

بو لبن يعرف السالفة!:0)

أحح .. :) .. بس عقوبة حلوة ^^ .. أجل اسمع هذي ..

مرة أنا جالس مع الشباب في حصة الفيزياء (كل مشاكلي في ذيك الحصة ":" ) .. لما انتهت الحصة زميلي رمى المحاية كان يبي يصقع واحد من اللي قدام و جات في المكان الحساس من ورا عند المدرس :أفكر: .. عاد التفت و لا قال شي بس حط عينه على واحد غير زميلي :D

هههههههههههههه مسكين الأستاذ ههههههههه ((في مكان حسّاس!!))

أسمع هالسالفة يابولبن ^^

مرة في رمضان في أيام الثانوية .. كان عندنا أحياء ( اختبار عملي !!) في المختبر .. المدرس كوّن مجموعات حق الطلبة .. وحق كل مجموعة راس خروف .. لازم على كل الطلبة إنهم يشتغلون ويظهرون المخ من الراس (لازم يظهر المخ سليم) و العين واللسان .. أنا مجموعتي مايبون يشتغلون لأنهم يقولون الشغلة مقرفة .. محد تحرّك فيهم الا أنا .. رحت وأنا خوك اكسر الراس واظهر المخ سليم على قولت الأستاذ (لا تنسى إننا في رمضان!!) وظهّرت أفضل مخ بالنسبة للمجموعات .. وبعدين جينا حق العين،، السالفة صار فيها اشمئزاز شوي :D المهم يوم خلّصت جيت باغسل إيدي ... الملاعين الطلبة خلّصوا الصابون عنّي !!!!!!!!!!!!!!!!
غسلت إيدي بماي خالي وطلعت ..

يوم ركبت السيارة حق الرجعة الكل قام يقول (( ريحة لحم !!!!! ))

هههههههههههههه مسكين الأستاذ ههههههههه ((في مكان حسّاس!!))

أسمع هالسالفة يابولبن ^^

مرة في رمضان في أيام الثانوية .. كان عندنا أحياء ( اختبار عملي !!) في المختبر .. المدرس كوّن مجموعات حق الطلبة .. وحق كل مجموعة راس خروف .. لازم على كل الطلبة إنهم يشتغلون ويظهرون المخ من الراس (لازم يظهر المخ سليم) و العين واللسان .. أنا مجموعتي مايبون يشتغلون لأنهم يقولون الشغلة مقرفة .. محد تحرّك فيهم الا أنا .. رحت وأنا خوك اكسر الراس واظهر المخ سليم على قولت الأستاذ (لا تنسى إننا في رمضان!!) وظهّرت أفضل مخ بالنسبة للمجموعات .. وبعدين جينا حق العين،، السالفة صار فيها اشمئزاز شوي :D المهم يوم خلّصت جيت باغسل إيدي ... الملاعين الطلبة خلّصوا الصابون عنّي !!!!!!!!!!!!!!!!
غسلت إيدي بماي خالي وطلعت ..

يوم ركبت السيارة حق الرجعة الكل في السيارة قام يقول (( ريحة لحم !!!!! ))

و في رمضان عاد :) .. أجل إسمع هذي .

مرة قال المدرس حقنا جيبوا أي شي و أنا أشرحه .. قلت للمدرس حتى لو كان صرصور ؟ (عاد لا تحقد علي :D ) .. قال مو مشكلة .. عاد اليوم الثاني جبت له الصرصور بس المسكين مات في الكيسة :( .. و المدرس قال ما يصلح .. عاد جيت و استهبلت على الطلاب و اوريهم الصرصور .. عاد في اللي طررش و اللي قال الله يقرفك :0)

يا مجرم !!!!

قتلت صرصور!!!! حرام عليك:"

:" :" :" :"

عيل اسمع هالسالفة

مرة أيام الثانوية .. كان عندنا اختبار عملي كيميه (كيمياء) .. والاختبار هو عبارة عن مسحوق تضيف عليه مواد صفرة أو برتقالية أو بنفسجية علشان تعرف شنو هالمسحوق .. الأستاذ قال لنا لاحد يستنشق الغاز اللي بيظهر من التفاعل.. في واحد من الربع طلع له غاز برتقالي .. راح وشم هالغاز و.. بقى لا يغمى عليه .. شرّبناه ماي لين قعد .. يوم قعد قال : بقيت أمووووت!!
ههههههههههههه على باله بيشم ريحه حلوة !!!

موضوع رهييب شاهين..

أنا صارت لي مواقف وايد في المدارس بذكر ابرزها..

مره في الاعداديه كنت أحب اشارك بالرسم في المسابقات لين ما طفرت من الرسم و من حشره مدرسه الرسم...طبعا" هي دايما" تي تاخذني من الحصص على كيفها ...في يوم حصه الرياده خذتني المدرسه عشان اتدرب حق المسابقه ..خلتنا و سارت ..إنتهزت الفرصه و شردت للصف ..كانت مربيه صفنا و البنات متيمعات يتناقشون عن أمور الصف ..فييت و قلت حق المدرسه مشكلتي و إنه إذا حد حضر و سأل عني تقولهم محد..ما مرت خمس دقايق إلا و دقت بنت الباب ..و أنا عاد إنخشيت تحت الطاوله..سالت وين هانا سان..قالولها : هانا سان مــحـــد ..مــــاتــت و المدرسه معاهم طبعا"
و سارت بنت ..جان اطلع ..و بعد شوي يت بنت ثانيه جان انخش..و ردوا صرخوا هــــانـــا ســـان مـــحد..و رديت أيلس و نحن نضحك عليهم بعد خمس دقايق ..إندق الباب..و توني يايه بنخش جان اتفاجىء المديره يايه زياره ..على طول وقفت...يلست تكلمنا... وبعدين قالت حد عنده مشكله..على طول رفعت يدي..جان أقولها مس الفن و توني بكمل إنفجروا البنات من الضحك لانهم عارفين المشكله..قلتلها تاخذني من الحصص{ وحده مجتهده} و في نفس اللحظه ..فتحت مدرسه الفن الباب ..يت بنفسها بعد ما يئست من البنات و حطت عينها في عيني و هي معصبه..عاد المديره قالت هاذي حصه نشاط تقدرين تسيرين وياها..قلت في قلبي يا ويلي و مسكتني مدرسه الفن بيدها عشان ما اشرد..و انا ميته من الضحك عليها لاني أول مره اشوفها جيه معصبه...النهايه

طولت واايد...

هههههههههههههههه موقف طريف حقاً يا هانا سان ^^
ضحكني المقطع اللي قلتي فيه إنج تنخشّين عن الطالبات تحت الطاولة
لووووووووووول :D
مبيّن عليج شاطرة ^^ شي طيّب:6


سي يو :0)

بو لبن ..هارد ....ما شاء الله عليكم .....عندكم سوالف وايد ....مره ...وحلوه


عجبتني أكثر شئ .....ريحه الربيع ...:D ههههههههه

مشكور يا الجني على تعليقك .. أنا برضوا عندي سوالف بس أبي أترك المجال للأعضاء بالمشاركة :) ... نبي نسمع سوالفكم يا شباب ":"

إنسى الموضوع :mad:

بقول موقف صار لي في الاول الاعدادي..والله موقف كانه انيمي :0)

مره كنت انا و ربيعتي ياسين نرسم رسمه في حصه العربي الحصه اللي كلنا نكرها :D و فجاه لمحتنا المس,..و انا عاد عشان ما تشوف الرسمه على طول لفيت الورقه و سويتها طائره ورقيه و فريتها من الدريشه..المشكله في الصف في 3 درايش و نحن قاعدين عند الدريشه الثانيه..في اللحظه اللي فريتها من الدريشه الثانيه..مادري كيف طارت الورقه و دخلت من الدريشه الاولى اللي هيه مجابله المس و على طول يت في ويه المس ..جان تفتحها و هي تضحك و ردت الورقه حقنا .و انا ميته من الضحك مستغربه كيف إستوت هاي الحركه :D

حلوة قصتك يا هانا سن ذكرتني بشي .....

مرة كنا قاعدين بحصة رياضيات كنت بالابتدائي وقتها قالت لنا المعلمة ابنوا مكعب وانا و زميلتي خلصنا بدري قلت للمعلمة ابي ازين المكعب قالت لي طيب بس عندك الزينة قلتلها لا ابنزل حق غرفة الفنية قالتلي طيب بس لا تطولون هناك قلنالها طيب ........... ونزلنا انا و زميلتي و لا عاد رجعنا كنا نلعب بغرفة الفنية و بنفس الوقت نزين المكعب علشان المعلمة ما تكشفنا و يوم جينا نرقى قعدنا نسوي اخر لمسة قطعت زميلتي جلد اصبعي بالغلط ...........الله عاقبني

ههههههههههههههههههه ضحكتوني و الله

عليكم سوالف عبيطة .. :D :D

بو لبن و هارد روك شنو هالشطانة ههههههههه