انزال لعبه كامله من الانترنت !!!!

اخواني ...انا دائما اقرا مواضيع يطلبون فيها كيفية انزال لعبه كامله ... المساله والله مو بهالبساطه !! انا يوم من الايام بانزل بس ديمو جلست حول 4 ساعات لا وآخرتها ينقطع الاتصال عند 95% :)بغيت انهبل ياشيخ !!! فمابالك بلعبه كامله؟! الواحد يوفر على نفسه ويشتري اللعبه من اي محل ....او copy اوفر واحسن واريح .
احسب كم بتكلف فاتوره الهاتف؟! لنفرض انك بتجلس من 8 الى10ساعات اللي بتنزل فيها اللعبه(خلونا صريحين) ؟!!لانك اذا جلست الوقت هذا ونزلت اللعبه تمام ...ماراح تنزل غيرها وغيرها؟؟ نعم اكيد وخذ مصاريف( وبعدين وش يضمن لك انك بعد ماتجلس الوقت هذا كله ماراح ينفصل عليك عند 99 او 98 % ؟؟؟؟ والله ان ياشيخ تكره الالعاب !!!!) :) يعني مسالة تنزيل لعبه بالامكانيات المتوفره حاليا عند الاكثريه (مستحييييييل) هذا والله اعلم.. ومن عنده تعليق الله يحييه ... وبالتوفيق :)

Sir.Artist 2001

السلام عليكم ..
صح كلامك يا Sir.Artist الواحد اذا يبي ينزل لعبه كامله والله يزهق يعني لو تبي تنزل اصغر حجم لعبه على الأقل 7 ساعات احنا بالكويت ما يحسبون تكاليف التلفون بس كل شهر 60 دينار يعني تدفه حق الأشتراك وخلاص بس هذا ما يمنع انك ما تشتري اللعبه كوبي بس في طريقه واحده لتنزيل هو الأشتراك عن طريق القمر الصناعي اعتقد اب هالحال ما في كلام :)
وشكرا.......

انزين يا أخ Sir.Artist... ليش ما تستخدم برامج التنزيل المعروفة...
احتياطا اذا انقطع الخط... وبعدها تقدر تكمل... :( :o :واو: :D ;) ?: :p

ممكن تستخدم برنامج مثل GetRight أو DownLoad Accelerator Plus

عشان لو قطع الاتصال ترجع تحمل من نفس النقطة اللي فصلت عندها

المهم اذا كان اتصالك مودم انسى تنزل ألعاب كاملة كبيرة من النت

أما لو عندك DSL أو T1 or T3 (مافي أمل طبعا) هنا يختلف الموضوع لأن سرعة التنزيل بهذه التقنيات أسرع بكثير جدا جدا

السلام عليكم
اخوي BlackFox
حبيت اعرف انت مشترك مع اي شركه هذي الي تدفع 60 دينار بالشهر
انا عندي خدمة DSL اب 30 دينار في الشهر .
او اخر لعبه نزلتها DIABLO2 حجمها131 MB اخذت معاي حوالي ساعتين او اقل.نصيحه مني روح اسأل قبل ما تشترك مع اي شركه.
ومشكورين .........

اخوكم خالد

بس أرجو منكم أن تكتبوا لي أسماء محلات تبيع كوبي في جدة ويكون حديث
يعني شرايط جديدة

السلام عليكم.....
يا اخ Fawwar انت ما فهمت قصدي قصدي ندفع حق التلفون 60 دينار سنويا يعني ماله شغل بالأشتراك اما الأشتراك انا اشتراكي كوالتي نت 30 دينار شهريا :)
ويا Sir.Artist هذي وصله حق خوش برنامج يكمل التنزيل ليمه ينقطع خطك
http://216.40.195.89/getright45beta2.exe
وشكرا...

اشكركم اخواني على التجاوب الحلو ...reflex ,blackfox,supernova ,fawwar المساله مو مسالة ان الخط ينقطع... نعدي هذي ...لكن مثل ماوضحت...المده والتكلفه هي المشكله ( الا ) من عنده تقنيه افضل من المودم العادي مثل ماوضح الاخ supernova ..!! اخ blackfox اشكرك ...واقولك اني كنت استعمل gozilla وحاليا استعمل realdownload عندي خبر عن البرامج هذي بس مثل ماقلنا ان المشكله هي (المده) والتكاليف !!! باختصار شديد انا افضل اني اشتري copy ب 15 الى 50 احسن لي !! ولا وش رايكم؟؟؟؟ :)

Sir.Artist 2001

اسمحولي بالمشاركه

انا اشوف انه ماله داعي انك أتعب نفسك وتسحب لعبه وفـ الاخير يقطع عليك زي ماقال ارتست

حتى لو ببرامج مثل القيت رايت أو أو .. (((لحد الآن مافي شيء جديد ها ؟ ههههه))


اصلأ انا مااسحب الشباب في جده ماشاء الله مايقصرون أول بأول الالعاب تنزل عندهم

بعدين اللعبه الديمو لاتسحبونها

فىأختراعات مجلات

وانترنت العالم العربي pc اسطوانه تحصل فيها اللعبه ديمو كل ماعليك انك ايش تسوي ؟؟
ومجلة وندوز
تروح

تسحب الكراك حقها طبعا الكراك ماشاء الله مرررررررحه حجمه قليل (((فوق الستين او المية ميجا بايت))
الشيء اللى يرفع الضغط انهم

يبيعون اللعبه

تقريبا بـ 40 كوبي

ريال!! او درهم

بعدين انا استخدم مودم يعني انسى

اوف,,!! بس لو عندي ISDN 500Kb
فـ الثانيه


شرط محلات البيع ماتشوف وجهي :)

مرحبا شباب
والله اذا تبون الصج الواحد يشتري كوبي احسن او ارخص .
بس اذا حب انه يالعب بالنت لا زم اصلي .
يا اخ BlackFoxاسمحلي اذا كنت ما فهمتك , بس انا ادفع اشتراك التلفون 30 دينار بالسنه وانا اقولك بس لتصحيح معلوماتك وانا معاك انه الكوبي اوفر واحسن . بالنسبه للملكه السعوديه راح تركب خدمة DSL قريبا .
انا قريت الخبر من منتدي الشامله نت .
او مشكورين
اخوكم خالد

اهلا شباب
انا من زمان ما دخلت على المنتدى لأن في مشكله في Home Network بس انشالله اخلصها بأسرع وقت

انا الحين مركب ستلايت يسحب 1MB في الثانيه هذا اذا كان سيرفر اللي تسحب منه سريع :)
المهم أنا سحبت Monkey Island Demoحجمه 127 MB في 45 دقيقه وسحبت مود حجمه 254 بأقل من ساعه وساحب فلم FFx حجمه 30 MB بـــــــ 10 دقائق . بس ارساله 25KB/S :( وانشاله اركب DSL يرسل 125 KB/S.

هل يعرف احد موقع اقدر اسحب منه العاب كامله ؟

وشكرا مقدما

هلا فيك PCman
في وايد مواقع تسحب منها او هذا واحد منهاhttp://www.imaginers.com/iw
فيه العاب وبرامج كامله او افلام بعد وتقدر تدخل علىDirectDownloads يعطيك وصلات تسحب منها .

شكرا Fawwar

ISDN speed : 128 kb per second
DSL speed : 384 kb per second
كل هذه السرعات و أكثر (T1) متوافرة في الإمارات الحمد لله.

بالنسبة إلى موضوع اللعبة الكوبي ما تشتغل بالإنترنت فهذا خطأ
فأنا أملك لعبة ريد أليرت 2 كوبي و ألعب بيها في الإنترنت

يا عم انت غاوي تعقدنا :)

عقبالنا إن شاء الله

قولو آمين :)

السلام عليييكم....
اي والله شباب كل كلامكم في حكم
يعني زبدة الموضوع انك تخلي الديمو حق الداون لود واذا عجبتك اشترها كوبي والي عنده الأشتراك عن طريق القمر الصناعي مو مشكله يقدر ينزل بالأقل لعبه او لعبتين بس الأفضل انك تشتري كوبي ماهو غالي يعني بالكويت اغلى لعبه كوبي 3 دنانير ما يقارب 33ريال سعودي واذا نزلتها كامله انت ماراح تظمن انها تدوم اب جهازك لازم تخزنا على سي دي لأنه يمكن تسوي فورمات حق الجهاز فتطر انك تخزنها بدال لا تخزن اشترها احسن :)
ومشكوريين......

الف شكر للجميع !! انا معاكم في كل شي تقريبا ! اخ dungeon كلامك تمام بالنسبه لل demo games من magazines فهي الصراحه مريحتنا كثير اذا الواحد يبي يتعرف على اي لعبه قبل مايشتريها ...لكن فيه العاب لسه مانزلت على ال magazines على مااعتقد ....مثل لعبة alone in the dark الجديده وهي اللعبه اللي انا حاولت انزلها قبل فتره .... ولا شيكت على المحلات اذا موجوده ولا لا ... الصراحه انا مشغول حاليا بلعبة Rune !! :)

Sir.Artist 2001

شباب كلامكم مفيد و لكن
1 - لنسخ البرامج إلى أسطوانات يلزمك رايتر و تراه مفيييييييييد جدا و انا عندي واحد
2 - أفضل برنامج للنسخ على فترات (يعني تقطع الخط و تكمل بعدين) هو برنامج
get smart
و تحصله على الموقع
www.tucows.com
و على فكرة هالموقع فيه برامج تهبل
و بعدين في برامج نسخ مواقع تنسخها لك بالكامل
و الله لو عندي في فلسطين ستالايت يجيب خط سرعة 1 ميجا في الثانية
:أفكر: :أفكر: :أفكر: كان ما أحد سبقني بالنت:D :D :D :D
أي خدمة أنا جاهز
بس كم يكلف هذا الستالايت في الإمارات ؟
عندنا الستالايت ب 64 كيلو ب 700 دولار بالشهر !!!!!!!!

أقول ياشباب
أنا سمعت انه الADSL ستنزل في السعوديه
باشتراك وقدره 220 ريال سعودي شهريا



هيييييييي

في احد يعرف فين احصله علشان اشتراكي مخلص

او اي تقنه تانيه(على فكره هل هذي التقنيه حلوه ولا هبلا)

أنا شا كك انها مالها داعي
اذا احد يعرف يفيدنا واذا احد يعرف يزبط موضوع او يكتبلنا فيه عن تقنيات الاتصال بالانترنت وسرعه كل منها في الابلود والداون لود يكون افضل
انا عندي مجله فيها هذا الكلام بس مدري وين راحت نحنا حولنا على بيت جدييد قبل شهرين والمجله كانت عندي من قبل 3 شهور
بس وينها الان الله اعلم

انشالله ادورلكم عليها واكتبه الا اذا احد سبقني

بصراحة موضوع حلو مره مشكور يا sir.artist وأنا بصراحة أوافق الكثير من الشباب في أن الواحد يشتري اسطوانة أفضل من التنزيل عن طريق النت وخصوصاً إذا كانت مساحة اللعبة كبيرة فمثلاً بعض الألعاب تتكون من أسطوانتين أو أكثر في هذي الحالة أشتر أسطوانة وأرتاح...:)
بس عندي سؤال ل PC man عن الستلايت هل يمكن للشخص أنه يشترك فيه في السعوديه؟
و إذا فيه أمكانيه ممكن الخطوات الله لايهينك...


مشكورين







Dr.x

العفو Dr.X !! وموضوعك حساس جدا نتمنى احد من الشباب او pc man يشرح لنا اكثر ...!!
see ya :)


Sir.Artist 2001

لا طريقه ولا شي لانه عندنا شركات متخصصه لهاذي الخدمه

عارف يا PC man وقد قريت أعلان في مجلة عن الشي هذا بس السؤال هل نقدر نشترك من الكويت ونحطه في السعوديه .......؟