عرض للطباعة
كل واحد يدش و يكتب رد , موافق , أو غير موافق .
الفرصة هي , أن كل واحد يسجل معانا و أنا سأقوم بتأليف قصة عنه في كيفية قضاء يومه ( من أوله لآخره )
بسرعة ردوا , ترى وراي رحلة لمانشستر , لأن ديفيد بيكهام طالبني شخصيا لحضور حفل زواج ولده بروكلين , يا الله ترى ما عندي وقت
انا موافقة.
انا موافقه اقصد انا موافق
الانسة العزيزة ديكستر : ( قصة يوم كامل )
قامت ديكستر من النوم الساعة 11.23 صباحا و طبعا هذا بعد محاولات أمها التي دامت 20دقيقة , لأن حضرة المدموزيل ديكستر كانت ساهرة على الإنترنت ترد على موضوع سكوال , زكريات الطفولة , ما أدري شنو قاعدة تتذكر الساعة 2.41 صباحا عن ذكريات طفولتها , و كعادتها يوميا نست تشرب عصير البرتقال اللي حضرته هنديتهم ( كوماري ) و شربت بيبسي و طبعا هي تخالف رأي سوسن ( صديقة من المنتدى ) اللي يا ما حذرت من تناول البيبسي لأنه صديق أمريكا .
شربت البيبسي , و بعدين كملت قراءة كتاب ( كيف تصبح أمركيا ) - و بيني و بينكم ترى ديكستر حالفة من أول ما خلصت الإجازة إنها تقرأ هذا الكتاب كله و اللي إنتوا ما تدرونه إنها تقرأ يوميا سطرين ( مسكينة وايد مشغولة ) ..
بعد ما خلصت القراءة اليومية ( تبي تصير مثقفة ) , انتقلت إلى الإنترنت و كانت الساعة 1 ظهرا . قعدت ساعة و نص .. و بعدين نادت عليها كوماري و تقولها : يا الله بابا غدا غدا .
بعد ما تأففت , قامت من كرسيها و راحت تأكل مع الأهل و خلصت الساعة 4.50 , ( كل هذا غدا) ورجعت على المنتدى تكمل المشاركات , لأنها هي و سورا عاملين رهان منو اللي يوصل حق 3000 مشاركة . و ديكستر المسكينة ( طايح حظها ) للحين ما كملت ال600 مشاركة , فلازم تستخدم كل الوسائل المتاحة ( شريفة أو غير شريفة .. المهم الفوز ) .
و مسكينة كل يوم على هذا المنوال ( ما تمل ) .. لكن اليوم خطر لها خاطر إنها روح تتسوق على الإنترنت ( تبي تصير مشهورة أمام رفيقاتها في المدرسة ) .. دورت و دورت و ما لقت غير أمازون تتسوق من عنده .. بعدين وجدت طيارة مكتوب عليها 120000 $ .. عجبتها و قررت إنها تشتريها , مو قاعد اقول لكم ( طايح حظها ) قرأت السعر كانه 120$ و اعتقدت ان الأصفار عبارة عن سنتات ( على منو تبين تصيرن مثقفة ) ..
و طيعا كان معاها كرت أبوها مال البنك ( بنك الراجحي ) و اشترت هذي الطيارة اللعبة ..
و أكيد إنكم عارفين شنو اللي صار فيها .. مسكينة أبوها ما خلاها .. علشان كذه ما كانت موجودة في المنتدى الأيام الماضية .. لأنها كانت هربانة إلى السودان ( ما أدري ليش ما تواجه الموقف بشجاعة ) ..
و كاميرة مصورنا إلتقط صورتها و هي متنكرة في زي رجل سودانب .. بس على منو ..
شكرا شكرا .
(في اشياءمن القلتها اسوية)
العقو يا ديسكتر .. بس يا ريت تقولين بيضنا الوجه أو لا ..
بيضة الوجة وزيادة.
تسلمين يا الغالية ..
الآن إنتظروا قصة شون مايكل
انا ما اوافق:(
ارفين انطم ,,,,,,,,, أنا موافق
أنا موافق
-----------
خخخخخخخخخخخخخخخخخ
الله يقطعك ذي قصة تبيض الوجه انت ووجهك
----------
قبل لا اشوفها
----------
دكستر شنو سويتي بالطيارة ممكن تسلفيني اياها انا عارف
انها طيارة مشاكل عشان كذا باخذها و اطيح فيها و اول
ما اطيح فيها اشوف تعور الطيحه ولا لا ايه هين عاد قابلوني
اذا جيت رديت عليكم بعد الطيحه
خخخخخخخخخخخخخخخخخخخخخ
(( يستهبل هو ووجهه ))
خذها لكن مو اذا صارلك شي تروحون تشتكون علي
انا مالي شغل. :cool: :cool: :cool:
كخخخخخخ الا قل من الي معلمك كلمة انطم.....( الوراعين كبروا):)اقتباس:
كتب العضو (كايتو كيد)
ارفين وافق تكفى ,,,,,,,,, وانا بانطم
حبينا : شون مايكل ( قصة يومك السعيد )
قام الأستاذ شون مايكل من النوم الساعة 8.46 صباحا , و للعلم ترى قام غصبا عليه لأن أمه لازم تروح حق الجامعة لأنها معيدة و أبوه مسافر حق الإكوادور لأن عنده بيزنيس. و طبعا أمه نالت نصيبها من حركات شون مايكل , لأن حرام شون .. كل يوم يحلم في مصارعة , مرة مع ستيف أوستن و مرة مع برت هارت .( مسكين لأنه حرام في مبارياته الأخيرة في بطولة المدارس خسر المباريات ال15 و إحتل المركز الأخير بجدارة لأنه ضامن هذا المركز ) ..
قام شون و هو معصب و كان عليه إنه يهتم بإخوانه الصغار ( مسكين منحوس ) خاصة إنه مواعد الربع ( الأصدقاء ) علشان يروحون لسوق الفيصلية .. طبعا إخوانه ما هدوه ( تركوه ) أول شيء : جهز لمزنة حليب نيدو ( مسكينة ها البنت قاصين عليها , قايلين لها إنها إذا شربت حليب نيدو راح تفر روس شباب منطقة الرياض ) و بعدين راح ساعد اخوه مايكل أوين على لبس ملابس فريق ليفربول لأنه عند مباراة مهمة ( حتى أخوه الصغير حظه أحسن من حظه ) . و بعدين غير ملابس عمشة علشان يغير الحفاظ ..
مسكين ما وجد الحفاظ و أخته الرقيقة مو متعودة إلا على حفاظ بامبرز .. ركب سيارته الشفر موديل 90 و حط إخوانه في الخلف و على حظه النحس السيارة كانت خالية من البنزين . مشت شوية و توقفت في الشارع الرئيسي و إضطر يأشر لأي واحد يتكرم يأتي و ينقذه من هذه الورطة ..
واحد هندي تكرم و وقف السيارة و ركب شون و إخوانه في السيارة ( دبة السيارة يعني في الخلف ) .. حرام و الساعة 1 ظهرا و إخته تصيح و تبكي .. و أخيرا وصل إلى الغنيم ( الولد راقي )..
و بعدين راح حق قسم الحفايظ و لحسن حظه .. ما بقي إلا قطعة واحدة و لما خذاه علشان يشتريه .. قاله البائع 230 ريال .. شون رد وقال ليش فقال البائع هذا سعر آخر قطعة عندنا في الغنيم .. و بعد هواش و تناجر صار السعر 200 ريال , و لما طلع المحفظة ما لقى و لا فلس .. حرام وجهه صار أحمر مثل الطماط ..
و بعد الكلام اللي تعرفونه مثل الله يخليك و المسامح كريم .. وافق البائع على مسامحته بشرط أن يعمل في الغنيم طوال اليوم علشان يعوض القطعة الأخيرة ..
حبيبنا شون اشتغل في قسم الصور التراثية و صور أول صورة سنعة في حياته .. و في الوقت اللي كان فيه شون يشتغل كان أرفين في سوق الفيصلية مع الربع .. و لما وصلوا بيوتهم الساعة 12 مساء ( نص الليل ) .. قام أرفين و اتصل بشون و يقوله آخر مغامراته العاطفية في سوق الفيصلية و بس عليكم إنكم تتخيلون شكل شون و هو يسمع كلام أرفين ..
على فكرة هذي هي الصورة اللي صورها شون .. سنعة .. صح
خلاص مسامحك بس لا تصيحاقتباس:
كتب العضو (ارفين)
خلاص أنا انطميت آخر مرة والله آسف
حظة نحس.
قولوا رأيكم قي القصتين ..
----------------------------------------
و باالنسبة ل كايتو كيد و violet angel
قصتكم راح تكون بكرة ..
كايتو كيد ياشيييين التقليد......الحين انا ابصم بالعشرة اصابع:) انك بزر
ياهههههههههههههه الاخير مره وحده وما اقول الا الله يسامحك.........;)
المهم .. عجبتك و لا لأ
أكبر منك يا ارفين يا كبير انت
أنا أمزح معك لاتزعل ;)
والله اعجبتني
تسلم يا شون مايكل ......... ارفين أنا آسف لا تزعل
ما اقصدك انت اقصد الي كتب القصه ياهههههههههههههههههههههههههههه
ههههههههههه (متفشل من جد ) على العموم شكراً
مواااااااااااااااااااافق بدري شوي بس موافق
احم
وين قصتي
أنا موافقة
موافق يا فاضح
وش دعوه ازعل منك يا كايتو كيد
انا منافق .. سوري .. موافق:)
قصة كايتو كيد : المصاصة الضائعة
قام كايتو كيد من النوم و هو معصب لأن الأستاذ كايتو كان قاعد يحلم إنه يحل إحدى القضايا الشائكة ( مثل ما يقولون في الكرتون ) , و للأسف أخت كايتو الصغيرة قصت حبل أفكاره ( على فكرة إسمها شيزورو و اللي يبي يتعرف هذي فرصته لأن كايتو بالجامعة :) ) و قومت كايتو من النوم علشان الأخت مواعدة صديقاتها إنها تروح معاهم إلى الحديقة و كايتو المغلوب على امره لازم ينفذ الأوامر .
و شرب عصير التفاح و إخته شربت عصير مانجا ( و لا واحد مغسل أسنانه ) , و ركبوا في سيارة كايتو كورفيت موديل 96 و هذي معلومة للبنات مثل سورا و رينوا - ترى كايتو ولد نعمة لا تفوتونه - و راحوا الحديقة العامة و كايتو ما نسى يأخذ معاه كمبيوتره المحمول علشان يشارك في المنتدى علشان كل ما يشارك أي واحد إسمه كونان يروح يرد علشان يقولون إن كايتو ليس أقل ذكاء من كونان و أخيرا وصلوا إلى الحديقة العامة , و شافت شيزورو صديقاتها و كايتو ينطر ( ينتظر ) أخته في السيارة ( حسباله راح تخلص بسرعة ما يدري إنهم بدوا يحشون في خلق الله و حتى لو صارت الحرب العالمية الثالثة لا أحد يقدر يخليهم يسكتون ).
و فجأة سمع كايتو صرخة , عرف إنه شيء حصل, و شاف وحدة من صديقات أخته المصون قاعدة تبكي سأل عن السبب قالوا له إنه مصاصتها ضاعت ( أو أحد سرقها ) و كايتو ما صدق خبر ( صار له 10 أيام مو حال و لا قضية ) فراح يجمع الأدلة و الشهود و كان أحد الشهود رجل عجوز طايح حظه , سأله كايتو إن كان قد شاف شيئا فرده عليه شريت لي شيء ( مسكين كايتو أهم شاهد و أطرش ) , الشاهدة الثانية كانت أخته اللي ما ردت على سؤال أخوها إن كانت فد شافت شيئا و استمر التحقيق طوال اليوم و راحت عليهم وجبة الغداء المجانية في بيتزا هت ( لأنه كان يوم مفتوح ) و وجبة العشاء في بيرجر كنج ( لأن خالتهم عازمتهم على العشاء ) ,
مسكين حظه اليوم نحس و حتى المنتدى ما شارك فيه ,
و في الخير خمنوا من طلع السارق أو بمعنى أصح الشره اللي يحب يأكل ..
طبعا عرفتوه .. هو ... آسف .. هي .. شيزورو أخت كايتو بعد جهد و عناء طويل
صورة كايتو بعد معرفة الجاني:
و هو يقول : الحقيقة تنتصر دوما
موافق
لا تخافون كل واحد و دوره
**********300*********
أنا موافق*******300*******
ياههههههههههه حلوه حقت كايتو كيد
فاضح الدجالين؟؟؟
المشكلة انه دجال
اقول
انا ابيك تفضحني
اشوف قوتك