GeForce FX 5600 -VS- GeForce Ti 4800 ..

عرض للطباعة

14-09-2003, 02:58 AM
ADSL

GeForce FX 5600 -VS- GeForce Ti 4800 ..

السلام عليكم :) ..

في الاّونة الأخيرة , لاحظت بعض النقاشات من إخواننا الأعضاء لمحاولة تحديد الأفضل بين GeForce FX 5600 ونظيره GeForce Ti 4800 , فقررت كتابة هذا الموضوع لعل البعض يستفيد منه ..

الـ Ti 4800 ما هو إلا كسر لمعالج Ti 4600 فقط , مع إضافة ميز AGP 8X فقط , وإلا فإنهما يمتلكان نفس المحرك الرسومي : nfiniteFX II Engine ونفس التقنيات ..

بينما الـ FX تم تصنيعه على أساس محرك جديد كليا يحمل إسم : CineFX Engine , لا يمكنني التفصيل في الموضوع تماما لأني لا أملك الخبرة الكافية التي تخولني للخوض في التفاصيل الدقيقة ..

الـمحرك الرسومي للـ Ti 4800 يحتوي على تقنية Pixel Shaders ويقابله في الـ FX 5600 تقنية PIXEL SHADERS 2.0 أي أنه تم تطويرها في FX 5600 ..

الـمحرك الرسومي للـ Ti 4800 يحتوي على تقنية VERTEX SHADERS المهتمة بعرض المضلعات , ويقابله في الـ FX 5600 تقنية VERTEX SHADERS 2.0 أي أنه تم تطويرها في FX 5600 ..

في المحرك الرسومي للـ FX 5600 , يستطيع دعم 1024 أمر في فترة وجيزة , مما يسمح للتأثيرات المعقدة مثل الدخان والنار أو العشب أن تظهر بواقعية كبيرة !! كذلك الإضاءة المعقدة تستطيع تحسين الرسوم والصور بشكل مثير ..

مما يتميز به المحرك أيضا , إيضاح التفاصيل الدقيقة في الرسومات , مثلا الطلاء على السيارة , يظهر أولا بشكل لامع وملفت للنظر !! ثم ينتقل بنا غلى تفاصيل مثيرة جدا في إخراجه الرسومي لصدأ السيارة كما في الصورة التالية :
http://nvidia.com/docs/io/3204/AginTruck_strip_01.jpg
كما يعمل أيضا على تحسن نوعية كل نقطة شاشة ( البكسل ) ..

في FX 5600 كل نقطة شاشة , تمر بالعديد من الحسابات الرياضية الحادة لتقرير لونه وسطوعه , حتى يخرج بأفضل شكل ممكن , تفضل هذة الصورة :
http://nvidia.com/docs/io/3209/morrowind.jpg

تقنية Intellisample الموجودة في الـ FX 5600 , لتنعيم الحواف , التقنية الأولى الذكية في هذا المجال , تقوم بعمليات عدة حتى تصل في النهاية إلى صورة ناعمة تماما خالية من الحواف القاسية .. هذة صورة تبين عمل تقنية Intellisample , في الجزء العلوي بدون التقنية , وفي السفلي مع التقنية :

http://nvidia.com/docs/io/3227/aa_example.jpg

الـ DirectX 9 وما أدراك ما الـ DirectX 9 :) .. قد تكفي هذة الصورة عن الحديث , هذة صورة مع تفعيل دايركت إكس 9
http://nvidia.com/docs/io/3227/plant_dx9.jpg
وهذة الصورة مع دايركت إكس 8
http://nvidia.com/docs/io/3227/plant_dx8.jpg

أظن أن الفرق واضح :) ..

هذة كانت مقارنة بسيطة , وإن صح القول هي عرض لميزات FX 5600 والتي يجهلها البعض :) , أترككم مع هذا الإختبار من تومز هاردوير , والذي نرى فيه تفوق الـ FX 5600 على نظيره Ti 4600 , وكما قلت سابقا فإن رقاقة Ti 4800 تعتمد على رقاقة Ti 4600 ..

http://www6.tomshardware.com/graphic/20030...d_guide-15.html

سلام :) ..
14-09-2003, 06:58 AM
MoaeD

موضوع مميز جدا اخوي ADSL :)

وجا في وقته بالضبط عشان يسهل الخيار لأخواننا اللي بيشترون كروت عرض

خصوصا اقتراب شهر ملئ بالألعاب المنتظره :) !!

تم تثبيت الموضوع لتميزه :) !!

(للمعلوميه: اي واحد يناقش هالكلام بدون صور واثباتات وبدون اسلوب الحوار المعتاد راح يوقف .. )
14-09-2003, 10:40 AM
gangster_kw

حاليا انا استخدم fx5600

كرت روعه
من انتاج MSI
وحاصل على جائزه افضل كرت لعام 2003 بموقع tom hardware

شغلت عليه لعبه هيت مان2 على ادق التفاصيل واقوى عرض :)
وصج لاحظت تقنيه تنعيم الحواف :)

هذي صورة للكرت

http://www.msi.com.tw/images/product...g/8912VTDR.jpg
15-09-2003, 03:25 PM
l)@RK-l)EVIL

1 مرفق

كتبت رد قبل شوي وماادري وين راح على العموم
الي يقول ان كرت الاف اكس
5200 او 5600 لكافي لتشغيل العاب الدايركت اكس 9 فهو غلطان
لعبه هالف لايف 2 المنتظره لم يستطع كرت ال5200 وال5600 بتشغيلهم بالشكل السليم والسبب بطئ الكرت والسبب ان هذي الكروت بطيئه والعاب الداركت اكس 9 تحتاج لسرعه لتشغيلها وهذه الكروت لاتتحمل تشغيلها والافضل شراء اف اكس 5900 او راديون 9700 او راديون 9800 فقط لاغير

او انتظار كروت جديده تدعم الداريكت اكس 9
وهذه صوره توكد كلامي :o

اللعب بسرعه 10 فريم الى 15 فريم كحد اقصى بكروت الاف اكس 5200 او ال5600 وهذي سرعه بطيئه جدا اي لم تصبح حتى نصف السرعه المطلوبه لتشغيل الالعاب بالشكل الصحيح للاسف فالافضل انك تشتري 4800 لاعاب الدايركت اكس 8
او تنتظر قليلا وتشتري كرت جديد يدعم الدايركت اكس 9
زجميع المواقع قالت ان ال5200 وال5600 ضعيف لتشغيل العاب الدايركت اكس 9 نسبيا ولكن للالاب الحاليه التي تدعم الدايركت اكس 8 هو كافي

اذا كانت هالف لايف 2 من اوال الالعاب الي تستخدم الدايركت اكس 9 فمابالكم بالالعاب المستقبليه
فانا اقول قبل شراء اي كرت فكرو بالكرت وفكرو قبل شراءه
15-09-2003, 03:56 PM
l)@RK-l)EVIL

1 مرفق

NVIDIA´s GeForce FX 5600 Ultra - too low for a DirectX 9 card. Even the use of the optimized codepath for NVIDIA cards (Mixed Mode) that is running with lower floating point precision and without High Dynamic Range effects shows bad results on those cards

هذا اثبات من موقع تومز هاردوير للي لايصدق كلامي ويقول ان الكرت هذا ال5600 الي هو اقوى من ال5200 ان الكرت هذا ضعيف جدا لتشغيل العاب الدايركت اكس 9 يعني بالعربي الكرت فاشل لاهو زين لاعاب دايركت اكس 9 ولا هو سريع مثل الكروت الثانيه لتشغيل العاب الدايركس اكس 8 الكرت نازل وسعره اهني اول مانزل بالكويت ب55 دينار وكرت ال4800 ضاله شكثر نازل وحاليا يباع ب75 دينار بالكويت مع انه قديم انا عندي حتى ال4200 افضل من هذي الكروت وانا اقول نطرو ولاتشترون شي مايفيدكم لاعاب الداركت اكس 9 ولا 8 ((عيل شنو الفايده))
الكرت فايده ان يشغل العاب الدايركت اكس 8 وسعره رخيص فقط
ووجود فيه الدايركت اكس 9 مجرد منظر

وهذي صور من موقع تومز هارد وير وتبين كلامي شوف كرت الاف اكس بنفسكم عند تشغيل اللعبه على الدايركت اكس 9 للاسف رقم مخجل 10 فريم فقط اي ثلث القوه المطلوبه لان القوه العاديه يجب ان تكون 30 فريم على الاقل للعب اللعبه مثل العاب البلاي ستيشن اي مثل السرعه لكن هو بطيئ جدا

والي حتى الان مو مصدق كلامي في الف موقع قايل الكلام هذا ومن بينهم تومز هاردوير وميجا جيمز وغيره وغيره وبعدين الكلام هذا رسمي مو تاليفات يعني

وبعدين على فكره الصوره هذي مالت البينش مارك الي بدون استخدام تقنيه التنعيم وغيره والريزيليوشين والريفريش ريت ضعيف ولما زادو الريزيليوشين لم يشتغل الكرت لان مايتحمل
يعني ريزيلوشين قليل وبدون استخدام تقنيه التنعيم والريفريش ريت قليل وبالغصب اشتغل ولا بشكل ضعيف جدا ايضا

===========================
وملاحظه اتوقع ان الناس راح يخالفوني عشان جذي يبتلكم اكثر من مصدر لان في ناس اهني مايثقون بالكلام لما واحد يقولهم
===========================

وملاحظه اخرى كتبت رد وانمسح على فكره وساكت ارجو عدم تكرار الشي لاني الان مخزن الرد هذا والموضوع كله ببرنامج خاص واذا انمسح راح يبين :o
15-09-2003, 04:42 PM
sul911

للأسف كلام دارك ديفل صح شوفو الصورة لمقارنة في هاف لايف

http://www6.tomshardware.com/busines...ges/image7.gif

بس ملاحظة هاف لايف غير كاونتر استرايك الجديد

لأنك لو دخلت موقع نيفيدا لقيت ان الـ FX 5600 يدعم اللعبة بشكل كامل :biggthump
15-09-2003, 05:15 PM
MoaeD

المشكله اللي ذكرتها اخوي دارك ديفل هي مشكله متعلقه عموما بالFX وهي مشكلة التنعيم وما راح تشتغل مع هالف لايف 2 وراح تكون بطيه جدا !!

وهذي المشكله قد ذكرتها لك بالموضوع النقاش حق المقارنه بين راديون واف اكس

على العموم FX صنع خصيصا للعبة DOOM3 ومن ميز هالكروت انها تعتمد عل ترك الضباب فقط بالمنطقه المحيطه حتى ما يكون الرسم ثقيل على الكرت بالتالي يسبب مشاكل معها

بعدين اختلف معك اخوي بأنه الFX غير متوافق مع العاب الدايركت اكس 9 والدليل توافقه الكلي مع DOOM

وما اخذ الFX5600 جائزة احسن كرت في تومز هاردوير (اللي جايب مقارناتك منه)

الا لأنه كان افضل جيله من الكروت سواء بالسعر او الأداء :)

---------------
للمعلوميه ما احد حذف ردك وترى يبان اذا انحذف ردك لجميع المراقبين سواء كانو على البي سي ااو لا وتقدر تسأل احد غيري اذا تبغى تتأكد من هالشي لأني مو راعي هالحركات:)
---------------

المشكله اللي تكلمت عنها يقال انها ستحل فقط (وموب اكيد) في كرت 5900 والكرت راح يشغل اللعبه بدون مشاكل بس بدون خاصية التنعيم الا بعد حل المشكله :) !!
15-09-2003, 06:59 PM
فاضل711

هاف لايف لن تشتغل زين في كل بطاقات انفادا

لأن هاف لايف 2 دعمت شركة أي تي أي و لم تدعم نيفادا أبدا!!!!

هذي المشكلة

ما تلاحظ أن ريديون 9600 أقوى من أف أكس 5900 !! ( في هاف لايف 2 أقصد)
15-09-2003, 07:02 PM
فاضل711

و على فكرة الألعاب للحين ما توصلت ل الدعم الكامل للدايركت أكس 9

و بعدين 4800 اعتبرت برع التحدي!!! في هاف لايف 2 !!

و لم يكن لها أي قوة في تشغيلها!
16-09-2003, 01:13 AM
MoaeD

اقتباس:

المشاركة الأصلية كتبت بواسطة فاضل711

هاف لايف لن تشتغل زين في كل بطاقات انفادا

لأن هاف لايف 2 دعمت شركة أي تي أي و لم تدعم نيفادا أبدا!!!!

هذي المشكلة

ما تلاحظ أن ريديون 9600 أقوى من أف أكس 5900 !! ( في هاف لايف 2 أقصد)

بسبب المشكله اللي قلتها وهي مشكلة التنعيم

لأنها كروت FX فيها هالمشكله التقنيه

صحيح Ati فيها نفس المشكله لكن Ati بمجرد تحديث تستطيع حل المشكله

اما FX فقالت الشركه انه لا يمكن ايجاد حل لهذه المشكل الا (وربما) مع FX5900 !!
16-09-2003, 08:15 AM
l)@RK-l)EVIL

Re: GeForce FX 5600 -VS- GeForce Ti 4800 ..

اقتباس:

المشاركة الأصلية كتبت بواسطة MoaeD

المشكله اللي ذكرتها اخوي دارك ديفل هي مشكله متعلقه عموما بالFX وهي مشكلة التنعيم وما راح تشتغل مع هالف لايف 2 وراح تكون بطيه جدا !!

وهذي المشكله قد ذكرتها لك بالموضوع النقاش حق المقارنه بين راديون واف اكس

على العموم FX صنع خصيصا للعبة DOOM3 ومن ميز هالكروت انها تعتمد عل ترك الضباب فقط بالمنطقه المحيطه حتى ما يكون الرسم ثقيل على الكرت بالتالي يسبب مشاكل معها

بعدين اختلف معك اخوي بأنه الFX غير متوافق مع العاب الدايركت اكس 9 والدليل توافقه الكلي مع DOOM

هل انا قلت انه مو متوافق مع الدايركت اكس 9 ...انا قلت متوافق لكن بطيئ فشنو الفايده ننطر جديد احسن فليش الاستعجال

وما اخذ الFX5600 جائزة احسن كرت في تومز هاردوير (اللي جايب مقارناتك منه)

لان سعره يعتبر عالمي مقارنتا مع مواصفاته وهو جديد اذا ال4200 ال8 اكس 128 ميجا نفس سعره وهو قديم ضاله شكثر نازل والشركه مقلله مواصفاته عشان سعره يناسب للجميع وهو ينفع للالعاب الحاليه فقط وبعدين تقدر تلعب هالف لايف 2 ودووم 3 بال4200 او 4800 عادي بس ماراح تستفيد من تاثيرات الدايركت اكس 9

الا لأنه كان افضل جيله من الكروت سواء بالسعر او الأداء :)

مقارنتا بالسعر والمواصفات مع العلم ان جديد وسعره رخيص والاكسسوارات الموجوده في واللالعاب فهو افضل صفقه

---------------
للمعلوميه ما احد حذف ردك وترى يبان اذا انحذف ردك لجميع المراقبين سواء كانو على البي سي ااو لا وتقدر تسأل احد غيري اذا تبغى تتأكد من هالشي لأني مو راعي هالحركات:)
---------------

اوكي سوري انا مو قصدي عنك اصلا بس انا كتبت رد وانمسح فقلت تنبيه فقط للي مسحه

المشكله اللي تكلمت عنها يقال انها ستحل فقط (وموب اكيد) في كرت 5900 والكرت راح يشغل اللعبه بدون مشاكل بس بدون خاصية التنعيم الا بعد حل المشكله :) !!

المشكله كلها معروفه وخبراء المواقع تكلمو عنها نيفادا تبي تجمع درايفر ال5600 وال5200 مع درايفر 5900 وفرق القوه بينهم مختلف وماينفع واذا نزلو درايفر يديد راح يرقون مستوى فقط ال5900 لان ال5200 وال5600 مستحيل ونطر وشوف لما تنزل اللعبه عشان تتاكد لان الكرت يشتغل بثلث القوه الي تحتاجها اللعبه وعمري ماسمعت بدرايفر يطور اداء الكروت بنسبه 70%خصوصا ان الكرت بطيئ
16-09-2003, 05:34 PM
sul911

1 مرفق

FX 5600 يشتغل على هاف لايف 100% وانا عندي بانش مارك ولا نقطة تعليقة مرة علي وهذي صورة :biggthump
16-09-2003, 05:45 PM
Kasser

الظاهر تغير مسار الموضوع :أفكر:

مش مهم لكن بالكلام عن هاف لايف 2 انشالله ينزل تحديث او شيء او يمكن لو فيه الغاء التنعيم والشغلات اللي ماهي زينة مع الكارت ويرجع كلو تمام :p
17-09-2003, 11:14 PM
Neo Cid

لاااااااااع ..

يا حبكم للتحطيم .. :o

تقولون هالكلام بعد ما شريت 4800 .. :31:

عالعموم .. لو تتبرعون لي بـ5600 ما عندي مانع ..

إلا المقارنة ب256 ميجا ولا 128 ؟ ..

و شكرا .. :)
17-09-2003, 11:16 PM
فاضل711

ليش ال 4800 ما عجبك!؟!؟
18-09-2003, 01:12 AM
ThEmixer

Neo Cid

هلا أخوي كيف حالك واش أخبارك كيف صحتك تصدق أنا أكثر واحد أعزك بس لو تبادلني كرتك بكرتي5600 !!!!

لأن الكرت ذا خايس بمعنى الكلمة يعني ترا ذا الكلام الي قريته عن الكرت ماراح يفيدك! تدري ليش لأن الكرت بطئ علشان كذا أي تحسين في الرسوم راح يأثر في الكرت وأنا لمن الحين ماستعملت أي من خيارات ذا الكرت الفاشل أعطيك مثال:

في لعبة نيد فور سبيد حطيت خيار ازالة الحواف على أخر شي 8x وحطيت كثافة العب على أقل شي640 ضرب 480 تتوقع اش صار ؟ صار العب ابطئ من انك تبطل خيار ازالة الحواف وتلعب على أعلى كثافة الي هي حوال فوق الألف!!!!!!!!!!! ولك أن تتخيل اذا حطيت خيار ازالة الحواف على أعلى شي 8x وحطيت الكثافة كمان على أعلى شي ذيك الساعة أنا من ناحيتي أقول كرتي القديم أحسن (GeForce 2 mx) !!!!!!!!!!!!!!!!!!!!!!!!

وعلى فكرة مواصفات جهازي مثالية يعني 100% من ذا الكرت الخايس.

علشان كذا أنا أحسدك على الكرت الي عندك ها واشرايك راح التحطيم الحين ؟!
18-09-2003, 05:09 AM
فاضل711

غريبة !!!!!!

تشتغل معاي !! بآخر حلاوة!

تصدق جهازك فيه شي!
18-09-2003, 09:14 AM
Kasser

Re: GeForce FX 5600 -VS- GeForce Ti 4800 ..

اقتباس:

المشاركة الأصلية كتبت بواسطة ThEmixer

Neo Cid

هلا أخوي كيف حالك واش أخبارك كيف صحتك تصدق أنا أكثر واحد أعزك بس لو تبادلني كرتك بكرتي5600 !!!!

لأن الكرت ذا خايس بمعنى الكلمة يعني ترا ذا الكلام الي قريته عن الكرت ماراح يفيدك! تدري ليش لأن الكرت بطئ علشان كذا أي تحسين في الرسوم راح يأثر في الكرت وأنا لمن الحين ماستعملت أي من خيارات ذا الكرت الفاشل أعطيك مثال:

في لعبة نيد فور سبيد حطيت خيار ازالة الحواف على أخر شي 8x وحطيت كثافة العب على أقل شي640 ضرب 480 تتوقع اش صار ؟ صار العب ابطئ من انك تبطل خيار ازالة الحواف وتلعب على أعلى كثافة الي هي حوال فوق الألف!!!!!!!!!!! ولك أن تتخيل اذا حطيت خيار ازالة الحواف على أعلى شي 8x وحطيت الكثافة كمان على أعلى شي ذيك الساعة أنا من ناحيتي أقول كرتي القديم أحسن (GeForce 2 mx) !!!!!!!!!!!!!!!!!!!!!!!!

وعلى فكرة مواصفات جهازي مثالية يعني 100% من ذا الكرت الخايس.

علشان كذا أنا أحسدك على الكرت الي عندك ها واشرايك راح التحطيم الحين ؟!

لان المذر بورد مش 8x
18-09-2003, 02:51 PM
FROOSTY

5 مرفق

وليه يا نيوسيد متندم على كرتك كرتك نفسه عندي والله رهيب بشكل ومرتاح معه
وثانيا ياخوي كافي انه اغلى من الاف اكس 5600 :D

وانا ابعطيكم صور من بعض الالعاب عندي والعبها على كرتي GeForce Ti 4800 وزيي الفل والله رهيب والباقي عليكم (لووك اات ذ يس)....
في الملفات المرفقه :D ;) :D كل الصور وانا العبها اونلاين الا بعضها لحالي مع الكومبيوتر.... :)
وفي رد اخر ابحط فيه باقي الصور....وللـــــــــــــــعـــــــــــــلـــم....انا اشتغل على (خيارات قوة الكرت)
الاول على كوالتي (افضل شي) -- الخيار الثاني على 2X -- الخيار الثالث على 8X

وحطيت صح على الشارب .... ;)

وللعلم شباااااااااااب ترا سرعة المعالج وقوة الجهاز لهم دووور كبييييييير ايضا :)
18-09-2003, 03:05 PM
FROOSTY

5 مرفق

اضافة صور :D
18-09-2003, 05:12 PM
MoaeD

دارك ديفال :

بطئ مع دايركت اكس 9

اول مره اسمع عن كرت متوافق مع دايركت اكس 9 ويصير بطئ !!

بالنسبه لتشغيله هالف لايف 2 نخلي الكلام للعبه نفسها والنقاش في شي ما صار هو نقاش عقيم :) ..

بالنسبه لعضويتك القديمه انا وقفتك 4 ايام بالتاريخ لكن بسبب مشاكل بالنسخه الجديده شكلها ما رجعت

فأرجو انك تكلم المشرف الغامدي او مشرف المنتدى وهم يرجعونها لك انشاء الله ..

نيو سيد :

كرتك حلو بس لو انك شاريه قريب فأنت مستعجل :) !!

لأنه خلاص راح عهد الTi حاليا والماشي بالسوق هو الFX :)

موب عشان احطمك بس المفروض شاورت ي باقي الأعضاء هنا :) !!..

وبالنسبه لمقارنتك هي عن 128 ولا 256 اقولك :

في الFX 5600 الناقل فيه صغير فما يكفي انه يشتغل بهالسرعه :) !!

ولذلك اختبارات الFX5600 بين 256 و 128 تقون الفروق صغيره وما تسوى من يدفع مبلغ محترم مقابل فرق بسيط بالأداء :) !!

ذا ميكسر :

المشكله زي ما قالك اخوي كاسر الألعاب .. المذر بورد عندك لا تدعم ال8× !!

فروستي :

الTi4800 اغلى من الFx5600 عندنا هنا !!

اما برى السعوديه العكس :) !!

وبعدين للمعلومية ليش الTI4800 غالي لأنه فيه منفذ vidio in !!

وهذي الخاصيه ما تتوفر بالFX5600 ولذلك سعر الTi4800 ما رخص زي باقي عائلة Ti !!

والTi4800 قوي بس عيبه انه ما يدعم الدايركت اكس 9 بالأضافه الى انه الناقل فيه اقل من الFX !!
18-09-2003, 07:26 PM
فاضل711

الصور اللي عطيتنا اياها أنا طلعتها في الأف أكس 5600 ز يمكن أدق أكثر في الحواف!
تعرف ليش أدق؟ الناقل لل4800 موصل x4 أما الأف أكس 5600 فهو موصلx8

أنا أعترف أن كرتك سريع بعد التجارب اللي شفتها بعيني !

و أما الأف أكس 5600 أكثر دقه !!!
أما عن هاف لايف2

الكرت ريديون 9600 برو قدم أداء أكبر من الأف أكس 5900 ألترا في هاف لايف 2

تعرفون ليش!؟

لأن valve دعمت ال ATI أكثر من نيفادا بكثييير و لم تكترث ل نيفادا

و نتمنى تتحسن الحاله في الدرايفر الجديد للأف أكس!
19-09-2003, 01:48 AM
ThEmixer

لاحول ولا قوة الا بالله يعني انتم ماتبون تقتنعون من واحد مجرب ان ذا الكرت خايس ترا والله مالي خلق أروح أدور على موضوعي الي فيه مواصفات جهازي انتم دوروه وشوف المواصفات بنفسكم سواء معالج تلاقوه فوق الألفين أو سواء مذربورد تلاقوها تدعم 8X ومن نفس شركة الكرت MSI سواء رام تلاقوه 512 انتم يعني على اي اساس قلتوا من المذربورد؟؟؟؟؟؟؟؟؟؟؟؟؟؟؟؟؟؟؟

-------------------------------------------------------
أخ فاضل 711:

أحس انك تناقض نفسك ما أدري هو علشان التحدي ولا ايش تدري مره سألتك عن قنبلة الصين لمن تنفجر في جنرالز قتلي ما تبطئ وبعدها بكم يوم قريت في منتدى ثاني انت تقول بنفسك انها تبطئ!!!!!!!!!!

------------------------------------------------------

وترا على فكرة الصور ماتبرهن شي لأن من السهولة واحد يحط رسوم قوية لكن وين السرعة ياحبيبي الا اذا كان راح تعطونا ملف فيديو ذا شي ثاني.

وعلى فكرة سعر الـ4800 بـ800 ريال وسعر الـ5600 أبو 265 بـ900 ريال.

أنا صراحة أتعجب من البعض يهتم بالرسوم أكثر من اهتمامه بالسرعة!؟

هذا اختصار كلامي:

4800 : للناس الي تبي تلعب من جد حيث يقدم سرعة تزيد من معدل الحماس!!

5600 : هذا الي يحب الصور الفوتوغرافية حيث سيتمتع برسوم مذهلة ولكنها رسوم غير متحركة!!
يعني تشغل العبة علشان تقعد بس تناظر الرسوم سبحان الله!
19-09-2003, 02:03 AM
MoaeD

Re: GeForce FX 5600 -VS- GeForce Ti 4800 ..

اقتباس:

المشاركة الأصلية كتبت بواسطة ThEmixer

لاحول ولا قوة الا بالله يعني انتم ماتبون تقتنعون من واحد مجرب ان ذا الكرت خايس ترا والله مالي خلق أروح أدور على موضوعي الي فيه مواصفات جهازي انتم دوروه وشوف المواصفات بنفسكم سواء معالج تلاقوه فوق الألفين أو سواء مذربورد تلاقوها تدعم 8X ومن نفس شركة الكرت MSI سواء رام تلاقوه 512 انتم يعني على اي اساس قلتوا من المذربورد؟؟؟؟؟؟؟؟؟؟؟؟؟؟؟؟؟؟؟

أخ فاضل 711:

أحس انك تناقض نفسك ما أدري هو علشان التحدي ولا ايش تدري مره سألتك عن قنبلة الصين لمن تنفجر في جنرالز قتلي ما تبطئ وبعدها بكم يوم قريت في منتدى ثاني انت تقول بنفسك انها تبطئ!!!!!!!!!!

------------------------------------------------------

وترا على فكرة الصور ماتبرهن شي لأن من السهولة واحد يحط رسوم قوية لكن وين السرعة ياحبيبي الا اذا كان راح تعطونا ملف فيديو ذا شي ثاني.

وعلى فكرة سعر الـ4800 بـ800 ريال وسعر الـ5600 أبو 265 بـ900 ريال.

أنا أقول ان 4800 أحسن من كرتي وعاد الي مايبي يقتنع بكيفه أنا مليت من كثر أقول كرتي خايس.

طيب ليه انت الوحيد اللي اشتكى منه ؟!

بعدين البطئ في جينيرالز تلقاك حاطه على اعلى شي مرره !!

شايفه راديون 9800 ولا اف اكس 5900 يوم ترفع الرسوم على اخر شي :o ?!!!

اذا تبي صوره حلوه وسرعه بنفس الوقت ركبه على مذربورد 8X وحاول ما ترفع الرسوم لاخر شي مره

نقص منها شوي

وبعدين هات موديل المذر بورد حقتك عشان نشوف هي تدعم 8X ولا لأ !!
19-09-2003, 02:23 AM
ThEmixer

من قالك أنا الوحيد أصلا المشلكة في المنتدى ذا ان كل واحد يتحدى الثاني علشان كذا الكلام راح مايكون دقيق من البعض واذا تبي الدليل عندي بس ممكن يزعلو!

بالنسبة لجنرالز أنا أشغلها على كثافة متوسطة مع تبطيل جميع خيارات الكرت (تنعيم تلميس سمكرة تشطيب...الخ) لكن العب يبطئ خاصة بعد فترة بسيطة من العب . كذلك جربت لعبة مافيا لكن العب نفس الشي طبعا أن ما أقول ان العب بايخ مره ولا يطاق. وجربت sof صراحة كل ماحسيت اني برمي الكرت في سلة المهملات العب ذي العبة لأنها الوحيدة الي اشتغلت على الهااااااااااااااااااااااااااااااااااااااي في كل شي ومن أحسن مايكون.

أقلك في أداء اسمها بحث جزاهم الله خير المنتدى حطوها اكتب فيها (رأيكم في جهازي الجديد) وراح تلقى كل شي بالتفصيل.

تحياتي...
19-09-2003, 11:20 AM
فاضل711

هلا !!

أنا قلتلك أنها سريعة لأني ما جربتها :p (عالكرت لأني كل ما أدخل مباراة no SW)

بس لما جربتها ما حسيت بالبطء اللي ما يطاق !

أما نيد فور سبيد لازم تشتغل و اسأل مجرب !

و توني مجرب unreal 2 و حلاوة آخر سرعة و آخر نقاوة (اللعبة ديمو )

مادري والله شو أقولك روح جرب ال 4800 و قولنا!
----------------------------------------------------------------------------------

عالعموم يا شباب شو رايكم في الريديون 9600 برو؟ّ!
19-09-2003, 01:46 PM
sul911

Re: GeForce FX 5600 -VS- GeForce Ti 4800 ..

انا جينيرالز حاطه على اعلى شي ولا في تقطيع حتى في الصاروخ الصيني والماذربورد حقتي 4x
19-09-2003, 01:55 PM
فاضل711

ترى مو كل شي على الكرت !

السرعة عندي 1993 ميغا هرتز

و جينيرالز أحسن سرعة لها 1800 ميغا هرتز

يعني تاخذ تقريبا سرعة الكمبيوتر كلها!

عشان جي تبطأ يوم الصاروخ الصيني (بس مو بطء قوي ) بطء خفيف !
19-09-2003, 01:57 PM
supernova

ThEmixer
حسب تجربتي اعتقد ان التقطيع بسبب الرام
وأنا مجرب الكرت FX5600 ومافيه تقطيع

ممكن اعرف نوعية الرام
وكم الرام
وكم البص
وكم الCL
:)
19-09-2003, 02:20 PM
MoaeD

يا سوبر نوفا يقول انه التنعيم عنده ما اشتغل وهذا سبته من المذربورد 8X

وعلى قولتك الرام يأثر خصوصا على جينيرالز لأنها تحتاج رام قوي خصوصا على البي سي !!

حتى احيانا احس 512 (البص عندي333 ) يقطع احيانا ولا يكفي اللعبه !!

عشان كذا دايما حط في بالك الرام اذا بتلعب بجينيرالز !!
19-09-2003, 02:43 PM
FROOSTY

اخوي ThEmixer انت غلطت في سعر الــGeForce Ti 4800

سعره 950 ريال

ويااخ مؤيد كلامك صحيح وانا كان ودي يقولون الشباب هالكلام من البدايه الاف اكس عامه قوي في دقة الرسوم والتي اي اسرع واقوى في سرعته في المضلعات لكن اقولها بصراحه وريحوو انفسكم شباب

الاف اكس دقة في الرسوم وتقنيات جديده--ماتفرق مرره--بس تأثر

التي اي اكثر قوه واسرع...........انا تعجبني السرعه ورسوم معقوله (يعني حلوه) ولا رسوم بدون سرعه

وقصدي مو ان الاف اكس بطئ لا بس الاف اكس دقيق في الرسوم وخاصه الدايركس يساعد اكثر في حلاوة رسومه لكن اذا حطيت على اعلى قوه للكرت....فالاف اكس بيخسر سرعته

هذي الصراحه :D ;) :D
ويااخ ThEmixer انصحك نصيحه اذا كانت مذربورد حقتك تمام وتدعم 8X افتح الجهه اللي تقدر تشوف منها قطع الجهاز من كيس جهازك وحطه على جهه (او وجه المكيف للفتحه ذي)
وعطني خبر ان ماقطع عليك يعني التقطيع بسبب الحراره ..... وشكرا
19-09-2003, 02:47 PM
فاضل711

ما قلت أنا و كما قال الخبير محمد أس أم

أن جينيرالز تعتمد أكثر على مواصفات الجهاز أكثر من الكرت!
19-09-2003, 11:05 PM
Neo Cid

مشكورين لكل من اقنعني و حطمني و أخسف بي الدنيا وما تلت .. :D

لا تطمنوا .. انا مرتاح مع ال4800 .. مع ان رسومة مو وايد قوية .. لكنها حلوة و سريعة ..

مستمتع فيها بفاينل فانتسي 11 اونلاين .. اللعبة هذي فيها مضلعات الدنيا بصورة واحدة ..

تلقى تقريبا مرات 30 شخص بشكل و عدة و أسلحة مختلفة يركضون و يتحركون بالشاشة و الحمد لله ماشي

تمام ..

انا شريته بأول الصيف .. يعني كنت مستعيل وقتها وما فكرت بكروت الـFX لأني جربت أحدهم ولا الATI ..

مفكر أغير كرت الشاشة بعد سنة أو سنة و شوي .. طبعا بعد ما أمل من رسومة ..

و بالنسبة لهالف لايف 2 ..من وين أقدر أحصل على مختبر قدرات الجهاز ؟ ..

و سامحوني عالاطالة .. و مشكورين جميعا على ردودكم ..

موفقين .. :)
20-09-2003, 08:04 PM
Kasser

Re: GeForce FX 5600 -VS- GeForce Ti 4800 ..

اقتباس:

المشاركة الأصلية كتبت بواسطة ThEmixer

من قالك أنا الوحيد أصلا المشلكة في المنتدى ذا ان كل واحد يتحدى الثاني علشان كذا الكلام راح مايكون دقيق من البعض واذا تبي الدليل عندي بس ممكن يزعلو!

بالنسبة لجنرالز أنا أشغلها على كثافة متوسطة مع تبطيل جميع خيارات الكرت (تنعيم تلميس سمكرة تشطيب...الخ) لكن العب يبطئ خاصة بعد فترة بسيطة من العب . كذلك جربت لعبة مافيا لكن العب نفس الشي طبعا أن ما أقول ان العب بايخ مره ولا يطاق. وجربت sof صراحة كل ماحسيت اني برمي الكرت في سلة المهملات العب ذي العبة لأنها الوحيدة الي اشتغلت على الهااااااااااااااااااااااااااااااااااااااي في كل شي ومن أحسن مايكون.

أقلك في أداء اسمها بحث جزاهم الله خير المنتدى حطوها اكتب فيها (رأيكم في جهازي الجديد) وراح تلقى كل شي بالتفصيل.

تحياتي...

أخوي انا عندي 5600 اف اكس وشغلت العاب كثييرة منها:
1. Rise Of Nations شغالة بسرعة ولا أي نقطة تعليقة وكل خيارات الرسوم على اعلى شيء بقياس 1024
2. Hitman 2 : توني جايبها امس وبصراحة رفعت كل شيء على high في خيارات الفيديو و اقسم لك بالذي رفع السماء بلا عمد انه مافيه أي نقطة تعليق والحركة روووعة واحس انه احسن من نسخة ps2 اللي كانت عندي.
3. Jedi Knight II : نفس سالفة Hitman كل شيء عالي وكل شيء مشتغل زين بدون تقطيع او تباطئ بسيط!
4. Ghost Recon : هذي اللعبة يصير فيها شوي تباطئ اذا حطيت الظلال بسبب كثرة المجسمات واذا كثرت المجسمات كثرت الظلال ويتباطئ الكارت.
5. Morrowind : أفضل لعبة عندي , رسومها تاريخية و لكن اذا خليت الظلال على اقصى حد يصير تباطئ اذا كثرت المجسمات او الشخصيات على الشاشة ...
6. Warcraft III : أقصى حد بالرسوم , قياس عرض 1204 , وشغالة وكأنها مولودة لجهازي !!
7. Max Payne : تقريبا رسومها مش بالجودة الحالية مالت هالسنة بس شغالة زينة 200%

ومستعد اخذ صور اوحتى لقطات فيديو اذا عندك برنامج يصور لقطات من الجهاز .. أنا بكامل الاستعداد لأبرهن بأي شيء

كارت 5600 يطلب Motherboard بها دعم AGP 8x لاتسألني وش معناه لكنه ضروري ومكتوب على علبة الكارت !! اذا كان مش 8x اظن بصير بطيء او مايشتغل ...
21-09-2003, 10:38 PM
ahla game

السلام عليكم و رحمه الله و بركاته

الحين عندي سؤال :jester:

Half Life 2 راح تكون احسن على اي كرت ( ATI Radeon 9800 ) و او (Nvidia FX ?!)

وشكرا على الموضوع :biggthump
22-09-2003, 05:59 PM
MoaeD

Re: GeForce FX 5600 -VS- GeForce Ti 4800 ..

اقتباس:

المشاركة الأصلية كتبت بواسطة ahla game

السلام عليكم و رحمه الله و بركاته

الحين عندي سؤال :jester:

Half Life 2 راح تكون احسن على اي كرت ( ATI Radeon 9800 ) و او (Nvidia FX ?!)

وشكرا على الموضوع :biggthump

Radeon افضل :)

ولو سمحت ازل الأعلان من التوقيع

لك مهلة يوم او تتعرض للتوقيف :أفكر:

الساعة الآن 10:10 AM

جميع حقوق برمجة vBulletin محفوظة ©2026 ,لدى مؤسسة Jelsoft المحدودة.
جميع المواضيع و المشاركات المطروحة لا تعبر عن رأي موقع منتدى المنتدى .

User Editable Threads, Thread Admins and Group Moderators provided by Threadmins and Group Moderators (Lite) - vBulletin Mods & Addons Copyright © 2026 DragonByte Technologies Ltd. Runs best on HiVelocity Hosting.