زوجي العزيز ... زوجتي العزيزة ...

السلام عليكم

مدري وش يبي العنوان :p

كيف أحوالكم طيبين ^__________________^

أمس كانت خشتي كذه -________________- بسبب بعض الإشاعات المغرضة يلي سمعتها

وبعض البزران يلي مدري وش يبون مني .. :33:

قبل لأبدأ بموضوعي يلي أتمنى يعجبكم بوضح أمر واحد يلي طلع اشاعة علي وكذب وقال أني طلبت الرقابة فأقوله الله يستر عليك :33:

أنا آخر شخص افكر بهالشي لأنه أمر سخيف بالنسبة لي .. يعني مدري اذا كتبت موضوعات كاريكاتير أو غيرها فهذا معناه أني أبي اصير مراقب ..؟

الحمد لله بس .. المشكلة يا ريتها على كذه اذا شافوا احوالك طيبة مع مراقب أو شخص يقولوا انت تتمصلح معه عشان يعطوك الرقابة.. :33:

ياخي لو انها براتب كنت فكرت فيها الصراحة.. :09:

ومع ذلك مدري وش يبون بالضبط أنا بالنسبة لي والله يشهد بعمري ما طلبتها او فكرت فيها لأنها عبارة

عن كتلة من القلق الغير منقطع والمزعج .. ويلي يقهرك اكثر لما يجي واحد ويقول انت دايم تدافع عن المراقبين !!! :bigeyes:

تناقض ياخي كيف أنتقدهم بكاريكاتيرات وكيف أدافع عنهم المهم أنه يلفق الإشاعة بالشكل يلي يناسبه .. :jester:

انا مع الحق دائما سواء كانت مراقب ولا وزير خارجية ولا راعي بقالة .. ولما اجي أشارك بمنتدى

وأكتب فيه واساعد هذا وهذا (أقصد الشكاوي والإقتراحات) فمو معناها اني أبي رضى الإدارة ..

أنا شخص فاضي جدا بشكل ما يوصف واسهر كثير :bigeyes: وهذا يلي متعبني :31: فشي طبيعي

أني أدخل الشكاوي مرات واساعد فلان وفلان بشكل عفوي منه اضيع وقت ومنه اقدم خدمة للمنتدى يلي أنا فيه ..

وطبيعي غير متصنع وبعيد عن الرياء :31:

مختصر الكلام يلي قاعد يتفلسف ويقول هالكلام عني ومسوي ناشر اخبار وقاعد يقول لفلان وعلتان اقوله اهجد تكفى :33:

لاتخاف الأمور الدنيوية السخيفة ذي ما تهمني ولا أفكر فيها اصلا ..

يعني بالله ريحني شوي وفك عني تراني زهقان زهق وعندي مشاكل ليوم المشاكل .. يعين الله يرضا على يلي قاعد يألف بهالكلام

عشان ترتاح نفسيتك خلاص ان شاء الله يعينوك مراقب أتمنى والله .. أو يعطوك ترقية.. يمكن تريحني وتفكني ... :31:


المهم

ما عليكم من الكلام يلي فوق نرجع للزبدة :09: ويلي هو موضوع اليوم عبارة سعا ل واحد أبي اجابات صريحة منكم .. :jester:


لو افتضرنا انك تزوجت (تزوجتي) والله أكرمك (أكرمكِ) بزوج (زوجة) صالح (صالحة)

وعشت أنت وزوجتك (زوجك) حياة سعيدة ورغيدة .. ثم شاء الله سبحانه وتوفت زوجتك (توفى زوجك) .. :31:

يا ترى بتتزوج بعدها ؟ (بتتزوجي بعده؟) مع الوضع بالحسبان احتمال يكون عندكم أولاد ولد ولدين بحاجة الى رعاية .. :bigeyes:

وابي أعرف اذا اجوبتكم ايجابية ليه واذا سلبية ليه؟ :33:

طبعا وجود الأولاد مو ضروري لكن حابب أعرف رايكم سواء بوجودهم أو بدونهم ..


ياريت تعطوني آراءكم من كل الجوانب .. وياريت لا أحد يجي ويقولي اذا تزوجت يصير خير :12: >_______< أنا اقول افترض يعني .. :33:


ودمتم سالمين ومعليه على الكلام يلي بالبداية لكن الأمر شاغلني من فترة .. :p

-____________- says:
طيب ماعندك اضافات انت وخشتك ؟
Odin... says:
مدري
Odin... says:
اذا تزوجت بعدها .. ورجعت هذي للحياة مرة ثانيه .. تطلق الثانيه او لا -_-؟
Odin... says:
ياخي احس ان سؤالك زي كذا .. ماتجاوب عليه بدقيقتين -_-
-____________- says:
ههههه







:33:

والله تعتمد على نقااط كثيره تبنى عليها هذه المسأله

أولاً مدى الحب والعلاقه بزوجتي

وأنا ماتوقع ولا راح اتزوج وحده ماحبها...ولادخلت قلبي...لأني لازم ابادلها الشعور..وبكذا راح تقوى علاقتنا....وبمبدأ الحب المتبادل راح تتأسس العائله على طول في رخاء باذن الله

ثانياً مدة الحياة الي عشناها سوى...يعني ممكن مايمر سنه سنتين بالحياة الزوجيه وتموت بقدرة الله...فراح يكون عند الواحد شعور بالنقص فيضطر للحل والي راح اقوله بالاخير

ثالثاً الاولاد

وجودهم ام عدمهم يحدد زواج زوجة اخرى...وراح اشرح كيف

بالنسبة للنقطة الاولى حبي لزوجتي يحكم مستقبلي من بعدها...وهذا يسمى الوفاء...دامك عشت مع وحده سنين حبيتها وحبتك وسرتم لبعض...فصعبه بالاخير تتزوج غيرها لانك بتضل تذكرها...وتظلم زوجتك الثانيه وقد تنسى وتعيش بذاكرتك مع زوجتك الاولى...والحب الاول اذا اكتمل بزواج راح يكون مؤلم الفراق

أما النقطة الثانيه...فحياتك مع من حبيت ويعتمد على النقطه الاولى....كل ماطالت كل ماكثرت الاحداث...أياً كانت...فانها تزيد الترابط والمحبه...مهما حدث من زعل فتشعر بأنك مربوط بحبيبك...فعندما تعود له تحس بانك احببته اكثر وافتقدته اكثر...وعند فراقه تعي انه لن يعود...وذلك يزيد الألم >_<

واخيراً النقطة الثالثه...تعتمد على عمر أبنائك وعلاقتهم بأمهم...وحاجاتهم...فان كانوا صغار وفي مقتبل العمر من شهور الى 5 او 6 او 7 سنين فتحتاج للزواج بزوجة نستعده لرعايته او رعايتها...وزوجة مستعد لتقدم لها الحب كما كان لزوجتك السابقه...اما اذا كان ابنك او ببنتك اكبر من كذا...فممكن ترعاها وتطلب مساعدة اقاربك...ولكن ان اضطريت اتزوج الثانيه بشروط ان تقبل الرعايه...وان احبها وارعاها كالأولى...


كلامي كثير...لكن الى الان هذا الي راح اقوله...والباب مفتوح للنقاش معي او الاضافه :reporter:

يؤ دايم فاضي الله يعينك ويشغلك بنفسك :)



بالنسبه للزواج الثاني .. حسب الظروف اللي بتواجهني


وبعدين موب شرط اني اتزوج عشان ارعى عيالي !!


لأنه احيانا يكون فيه جدتهم من أمهم مثلا او امي تكون وحده منهم مستعده لتربيتهم !!


فأصير اتزوج عشان اعيش حياتي مو عشان اربي عيالي :)

يعني مايهمك عيالك بقدر ماتهتم بنفسك؟!

عيالك الي قدامهم المستقبل والحياة وانت الي بتكون شايب يالله تقوم ماتبي تهتم

بعدين صح ماهو شر زوجه ثانيه...بس يكفي امك انت بعد تجيب عيالك انواع القلق

بزعل فترة طبعا ..
لكن الحياة تستمر و عمرها ما وقفت لموت احد ..
خصوصا ان ..
The body has his needs :cool: ..
اما العيال فطبعا لما اتزوج بحرص على ان زوجتي الثانية تهتم فيهم ..
و اذا ما عجبها الوضع قضبتها الباب ..

ليش القلق ..طق لك اربع ..والله يكتب اللي فيه الخير :33:

بفكر اولا بتمعن !

مرض يلي في بالي :bigeyes:..


بووب سؤالي على جوابك هو اول شيء بسم الله على زوجي :09:..

ثاني شيء هو اني ماراح اتزوج غيره..


لاني اكيد بكون احب زوجي ان شاء الله.. فكيكف راح اعيش مع رجل ثاني و انا قلبي متعلق بالاول..

حتى لو الاول ميت (بسم الله عليه :sorry: ) .. ما راح انساه لو مهاما ايش..


فبكل بساطة اعيش وحيدة .. ولو الله رزقني بعيال منه كان احسن عشان يضل ذكره معي للابد :)..

ما اظن ان الواحد يقدر يحكم بهالسهوله من الحين ..

خل نتزوج بعدين وعقب لكل حادث حديث ..

مع اني اشك باني بتزوج من بعد زوجي الاول ..

ODIN

تحط المحادثة وتسحب أمس :p
على العموم لساني أنتظر جوابك.. :33:


hitler is back

والله التحليل :bigeyes:
طيب الحين بتتزوج ولا لأ؟ :31: <=== تعقد


MoaeD

ايه صحيح دايم فاضي وبقوة :)
ومشكور لإبداء رأيك ..


عماد 18

يا زعولي أنت :p
ايه صحيح الحياة حتستمر لكن زوجتك يلي حبيتها وقضيت
معها أفضل سنين عمرك..
بتنساها على طول وبتطقها زواجة ..؟

اقتباس:

---

The body has his needs

---

خخخخخ هذا الموهم عندك :cool:
وأما العيال فحتكون متطمن عليهم تحت رعاية الزوجة الثانية؟
طيب بسألك سؤال بعد.. الزوجة الثانية حتكون حاببها مثل الأولى ؟


king_kubaj

قاعد أتخيلك متزوج أربع وش بتلحق عليه..؟ :p
بعدين القلب واحد موب 4 ولا وش رايك؟ :33:

lucy
you bet i can :cool:

will you marry me ؟ :creep:

يالله تصيرين الأولى ..ام محمد من قدك :tongue2:

بوب ..ياخي اصابع يديك ميب زي بعض :marchmell

مثلا واحد عنده مودم مافيه الا بورت واحد والثاني عنده مودم فيه اربع بورتس :33:

اقتباس:

---

المشاركة الأصلية كتبت بواسطة لوسي

الوفاء من صفات المرأة..

--------------

بس ركز على أول جملة :33:

---

عجبتني اول جملة :tongue2:

هيق :tongue2:
===

وردي هو .. صعبة .. على حسب .. معرف شقول :06:

راحت عليك خلاص شوفي كيف مبسوطين الطابور اللي وراك :tongue2:

http://celso.jeeran.com/wave.gif

قضيت افضل و الا اسوأ هذه سنة الحياة ..
طبعا انا اتكلم عن لو توفت زوجتي لا قدر الله و انا ما تعديت ال45 ..
لو توفت قبل كذا فالشي الطبيعي اني اتزوج ..
و سالفة احلى سنين و الا اسوأ سنين كلام افلام و مسلسلات ..
و الدعوة مو وفاء زي ما تقول الاخت لوسي ..
لو الزواج على الزوجة خيانة لها ما كان الله احل الزواج باكثر من وحدة :أفكر: ..
ما ادري ليه مصرة على هالكلام !!
الرجال خلقه غير خلق المرأة ..
من جميع النواحي ..
النفسية و الجسمانية ..
لذا فشي طبيعي انه يكون في اختلاف بينهم خصوصا بسالفة الزواج بثانية ..
و الي يتزوج على زوجته بعد وفاتها مو ضروري يكون لانه نساها ..
انا اتكلم بواقعية مو خيالية ..
و الا وش يضرني ..
اقدر اقول لو تموت زوجتي لا قدر الله في شهر العسل ما راح اتزوج طول عمري :tongue2: ..
لكن الموضوع واقعي فرديت عليه بواقعية ..
اما حب الزوجة الثانية ..
فانا والدتي متوفية من 10 سنين تقريبا ..
و ابوي تزوج بعد وفاتها ب5 سنين ..
و بصراحة ما شفت منها الا كل خير ..
بالعكس معزتها بمعزة الوالدة الله يرحمها ..
المحبة ما ترجع لان الزوجة الثانية ضروري تكون شريرة زي الافلام ..
ترجع لتربيتها و اخلاقها ..

يعني بقعد كم سنة
وبعدها اتزوج


واذا كان عندي عيال

ما اتوج الا الي قلبها طيب وحنونة

HArb200

لايا شيخ طيب والمعنى؟ :33: :31:


لوسي

أنا معك لكن وش فيها أول جملة ؟ :33:


flarestar

اقتباس:

---

مرض يلي في بالي

---

ايه :bigeyes:
كلامك جميل لكن ما تظنين أنك حتتعبي
اذا عشتي بقية عمرك لوحدك .. وبالذات اذا
وراك حمل وهم كبير هو تربية الأولاد ؟


Angel whisper

ممممم هو معك حق لكن حبيت آخذ تصور منكم
وطبعا ممكن اذا تزوجتي تختلف الفكرة بس حبيت أعرف آراءكم المبدئية ..


king_kubaj

اقتباس:

---

مثلا واحد عنده مودم مافيه الا بورت واحد والثاني عنده مودم فيه اربع بورتس :33:

---

الله يرجك عليك تشبيه :tongue2:


MetalGear

ههههه يعني ما تتخيل وش ممكن تسوي؟ :33:

عماد عشرطعش

اقتباس:

---

و سالفة احلى سنين و الا اسوأ سنين كلام افلام و مسلسلات ..

---

وليه ما يكون كلامنا :33:
أنت مالك ايام كانت هي الأميز بحياتك ومستحيل تنساها؟

اقتباس:

---

و الدعوة مو وفاء زي ما تقول الاخت لوسي ..

---

هي ما تقصد أن الزواج الثاني خيانة ..
تقصد العشرة كيف ينساها الواحد بهالبساطة ...؟ وشي حلو يكون
الشخص وفي لكن موب شرط تكون الخيانة هي الكلمة العكسية ..

اقتباس:

---

و بصراحة ما شفت منها الا كل خير ..

---

الله يبارك فيها ... لكن في حالات عكس كذه تماما..
والأغلب نشوف بأن زوجة الأب تكون ظالمة ..

يعني بالمختصر المفيد .. بتحب الثانية مثل الأولى ؟ :33:


لوسي

اقتباس:

---

تدري زوجها اش سوى..تزوج صديقتها عليها بعد وفاتها بكم يوم..

---

مجرم ذا الحقيقة .. والكثر اجراما صديقتها ..
ياخي طيب يصبر له فترة سبحان الله حب النفس بس -______-


xbs

مشكور على ابداء رايك..

والله ان كنت شايب خالص مانيب متزوج

اما ان كنت 45 وتحت مب اتزوج وحده

كان اربع :p

لوسي
انت ما غير تجيبين لي سالفة ان الاغلبية ما يعرفون شروط التعدد http://www.webpost.net/sp/spikeyman/dog.gif ..
شكلك من خوفك من هالنقطة ما راح تتزوجين ابد :06: ..
قلت لك للمرة المليون ..
الي ما يعدلون و الي ما يوفرون شروط التعدد ..
مو ضروري يكون هالشي هو عيبهم الاهم ..
يمكن ايمانه ضعيف و اعتقد ان هذا هو اهم اسباب عدم عدله بين زوجاته ..
فاذا الزوجة الاولى رضت بهالانسان فتستاهل اللي يجيها ..
الرسول صلى الله عليه و سلم قال : اذا اتاكم من ترضون دينه و خلقه فزوجوه او كما قال عليه الصلاة و السلام ..
هذا دليل على ان هو الانسان الي يستاهل الزواج و راح يرضى زوجته ان شاء الله لانه موصى من الرسول صلى الله عليه و سلم ..
بينما الان اهتمام الناس منصب بان الواحد ينقال عنه هذا ولد فلان و عنده الشيء العلاني ..
لذا من العادي جدا اننا نجد الكثير من هالنوع الي ما يهمه غير نفسه ..
ليه كل ماجا طاري التعدد نتحمس http://www.webpost.net/sp/spikeyman/dog.gif ؟!

بوب
اكيد لي ايام بس وش علاقتها ؟؟
قلت لك و ركزوا على هالنقطة !!
موب ضروري لما اتزوج على زوجتي فهذا يعني اني نسيتها ..
احلى ايام حياتي طفولتي ..
هل معنى هالشي اني استمر بتصرفاتي الطفولية ؟!
اما سالفة احب الثانية مثل الاولى ..
فهالشي ينحكم عليه من خلال العشرة ..
مثل ما هو في احتمال انها ما تكون بقدرها في احتمال ايضا انها تكون افضل منها ..

انا اؤيد كلام عماد .. لأنه الأكثر واقعيه !!

اقتباس:

---

المشاركة الأصلية كتبت بواسطة BOOOB_2002

flarestar


ايه :bigeyes:
كلامك جميل لكن ما تظنين أنك حتتعبي
اذا عشتي بقية عمرك لوحدك .. وبالذات اذا
وراك حمل وهم كبير هو تربية الأولاد ؟

---

ترى ما كنت اقصدك انت :09:


و على كلامي بالعكس.. بتعب اذا تزوجت غيره.. تكفي المقارنة بمعاملة الاول ة الثاني

هذي لحالها تذبح..

يعني الاول كان يقول لي كذا لما اسوي هذا الشيء.. هذا ما يقول زي الاول كذا و كذا..


و بعدين ليش اخلي عيالي يعيشون مع واحد غريب.. احسن لهم اني اعيش لحالي :)


و هذا الكلام انا مقتنعه فيه مو بس اقوله كذا خرابيط ^___^

اقتباس:

---

ترى ما كنت اقصدك انت :09:

---

عارف ^____________^

وتبين الصدق أنا من صفكم أكره أتزوج على الزوجة الأولى يلي حبتني
وحبيتها مهما صار حتى لو توفت لا سمح الله فمستحيل افكر بغيرها
لأني من النوع يلي ما ينسى العشرة والمحبة وحتى لو كان الظرف قاهر
فما أظن أني راح اسويها ولا أتجرأ لأني راح احس أنها تراقبني هنا وهنا ^______^
وراح تفضل شاغلة تفكيري . وراح افضل اسأل نفسي لو كنت أنا المتوفي فراح تتزوج غيري ؟
.شي جميل يكون للشخص حب واحد قوي أفضل من 10 عادية ..
بيعيش متهني طول عمره وبدعو الله يجمعني فيها بالجنة ^______^
أما الأولاد فراح اربيهم بنفسي وأطلب المساعدة من اهلي أو من أهل زوجتي اذا اقتضى الأمر
وماراح اقصر عليهم بشي موب عشانهم عيالي بس لأنهم عيال الزوجة يلي حبيتها
وعشت فترة من عمري معها ^_____^

أنا هذا راي الصراحة .. ويلي معارضه فهذا الشي راجع لطبيعة الشخص .. وتكوينته
النفسية وتربيته أيضا .. ^^


سنوب

روقنا :p

همممممممممم عن الموضوع الاول انا اشوف انك عضو خير وصريح وما عندك اسلوب الكاعه والمجاملاتhttp://www.abunawaf.ws/forum/html/emoticons/unsure.gif
ما عليك من احد طنش :tongue2:



ايوه عن الموضع الثاني
بصراحه موضوع صعب وبيغاله تفصيل..http://www.abunawaf.ws/forum/html/em...s/blushing.gif



هممممممم

بصراحه التفكير فيه من البدايه يعور..عشان كذا الله لا يبلانا..

وانا صار...اممم مدري وش اقول

لا مقدر اتزوج صعبه....احس قلبي بيعورني لما اتذكر الاول وانا مع الثاني

بقارن حياتي ذي وذيك...بحاول اشوف الاول في كل شي مع الثانيو اظلمه...


خاصه ان كنت كبيره وعندي عيال صراحه مالها اي لازم...!


بس اممممممم تدري وش الصعب

اذا كنت صغيره....ولا عندي احد...ومجتعنا صعب تقعد فيه المرة وحيده...

مدري

اخاف بيكون الزواج مفر لا بد منه مش لحب ولا خرابيط..لا عشان بس الستر...
بس الفكره ذي بحد ذاتها تعور..اني اتزوج ثاني...عشان كذا ماحب افكر بالموضوع ذا>_<


الله يستر بس...


مشكور عالموضوع..الي يعور القلب..بوب...:31:

اقتباس:

---

المشاركة الأصلية كتبت بواسطة Lena

هممممممم

بصراحه التفكير فيه من البدايه يعور..عشان كذا الله لا يبلانا..

وانا صار...اممم مدري وش اقول

لا مقدر اتزوج صعبه....احس قلبي بيعورني لما اتذكر الاول وانا مع الثاني

بقارن حياتي ذي وذيك...بحاول اشوف الاول في كل شي مع الثانيو اظلمه...


خاصه ان كنت كبيره وعندي عيال صراحه مالها اي لازم...!


بس اممممممم تدري وش الصعب

اذا كنت صغيره....ولا عندي احد...ومجتعنا صعب تقعد فيه المرة وحيده...

مدري

اخاف بيكون الزواج مفر لا بد منه مش لحب ولا خرابيط..لا عشان بس الستر...
بس الفكره ذي بحد ذاتها تعور..اني اتزوج ثاني...عشان كذا ماحب افكر بالموضوع ذا>_<


الله يستر بس...


مشكور عالموضوع..الي يعور القلب..بوب...:31:

---

بالنسبه للبنات انا مع كلامك الأخير

لا كانت البنت صغيره وتوفى عنها زوجها لازم تتزوج عشان الستر


والحب راح يجي انشاء الله بعد الزواج :)


هو يمكن ما يكون مثل حب الأول


بس الواحد لازم ينسى لأنه هالحياة الماضي فقط يعترض طريقك ولا يخليك تمشي للأمام ..


وبعدين حاجات الأنسان النفسيه والجسميه خصوصا عند صغر السن ما راح توقف عند حزننا !!


يعني كلام التفاهات اللي يقول بأحزن على الزوجه الأولى طول حياتي وهي متوفيه وانا صغير صعبه مره مره ولا تخش العقل !!


لأنه مهما كان حزني اكيد بتتفوق عليه متطلباتي ومستلزمات عيشي ..


وزي ما قلت الماضي دائما عثره ونادرا ما يكون مهم للأنسان ..

اقتباس:

---

ما عليك من احد طنش :tongue2:

---

ايه والله يمدحون الطناش كثير :09:

معك حق الموضوع قلق ×_____×

وصعب التفكير فيه على العموم مشكورة على رأيك
وفعلا مرات الزواج الثاني يكون للستر بس يفضل الأمر صعب -______-


مؤيد

مشكور لإبداء رأيك ..
وبالنسبة للكلام يلي ذكرته فقلت برد سابق لي هذا الشي يرجع لطبيعة هذا
الشخص وتكوينه ونفسيته .. وحتى تربيته يعني صعب .. نحكم احد
بشي معين كل شخص يختلف عن الثاني بالتفكير ..

السلام..

يمكن ردي شوي متأخر بس زي ماانتم عارفين مشاغل الحياة :cool: <===لايكثر

المهم ندخل بصلب الموضوع..

الصراحه مااخفي عليكم إني اول ماقريت الموضوع قلت بنفسي إذا زوجي الأول توفى(لاقدر الله) وكانت له معزه بقلبي كبيره .. مستحيل اتزوج غيره ..

بس بعدين فكرت وقلت .. لو عندي عيال مين يستر علي ويستر عليهم؟!
مااقدر اقعد في بيت اهلي لأنهم ماراح يديمون لي للأبد..
طبعا ماراح ارضى بأي احد يطرق الباب..
إذا كان له استعداد يتحملني مع عيالي حياه الله..
اما إذا هو مو قدها باالسلامه..


ومثل ماقالت لينا بنت صغيره باالسن شي بديهي لازم تتزوج بعد زوجها لو بعد مثلا 5 سنين راح يمديها شوي تنسى ..


يعني لو انا مثلا .. راح اتزوج بعده إذا كنت صغيره باالسن اما إذا كنت فوق الأربعين عاد الله يحينا :o


والله يعين..
مشكور بوب وماقصرت على هاالموضوع..








ياللهslaaaaaaaaaaaaaaaaaaaaam

اقتباس:

---

المشاركة الأصلية كتبت بواسطة ~MâLâK~

ومثل ماقالت لينا بنت صغيره باالسن شي بديهي لازم تتزوج بعد زوجها لو بعد مثلا 5 سنين راح يمديها شوي تنسى ..

---

:cool: ياني حركات



لا عاد نجي للجد...

بصراحه صدق هالكلمه...قد ماهي تعور...وقد ما انا بحس بالم...بس موته اكيد ابتلاء من ربي واختبار لصبري....انشالله برجع واكون معه بالجنه ...



ما راح اتزوج الثاني عشان يلا بس بوسع صدري....ييييه نسيت الاول.....هذاك ذكرى وانتهت...



لالا مستحيل

بتزوج الثاني والاول معي بقلبي...بتزوج الثاني لاني محتاجه له بس...الحاجه حدتني...


لاني وحده احب الاخلاص صراحه...بس الاخلاص بموقف زي كذا بحيث اني ماتزوج فانتازيا...


الا اذا امي كانت حيه...او عندي ولد كبير يرعاني والله ماتزوج وش حادني...






:bigeyes: ايف بدا قلبي يعورني اكره التفكير التشاؤمي

~MâLâK~

Lena


مشكوريشن على آرائكم الحكيمة بس سؤال أخير
ما بتكونوا ظلمتوا الزوج الثاني بهالحالة :33:
أقصد لأنكم حتفضلوا متذكرين الأول وعلاقتكم بالثاني ما تتجاوز كونها
علاقة عادية يمكن باردة أحيانا ..
شكلي بقلبها أـحزان

بس شوفي ردي السابق واحكموا مدري أنا قعدت أسأل نفسي لو كنت أنا
المتوفي فهل يا ترى بتتزوج غيري؟ :31:

اقتباس:

---

وتبين الصدق أنا من صفكم أكره أتزوج على الزوجة الأولى يلي حبتني
وحبيتها مهما صار حتى لو توفت لا سمح الله فمستحيل افكر بغيرها
لأني من النوع يلي ما ينسى العشرة والمحبة وحتى لو كان الظرف قاهر
فما أظن أني راح اسويها ولا أتجرأ لأني راح احس أنها تراقبني هنا وهنا ^______^
وراح تفضل شاغلة تفكيري . وراح افضل اسأل نفسي لو كنت أنا المتوفي فراح تتزوج غيري ؟
.شي جميل يكون للشخص حب واحد قوي أفضل من 10 عادية ..
بيعيش متهني طول عمره وبدعو الله يجمعني فيها بالجنة ^______^
أما الأولاد فراح اربيهم بنفسي وأطلب المساعدة من اهلي أو من أهل زوجتي اذا اقتضى الأمر
وماراح اقصر عليهم بشي موب عشانهم عيالي بس لأنهم عيال الزوجة يلي حبيتها
وعشت فترة من عمري معها ^_____^

أنا هذا راي الصراحة .. ويلي معارضه فهذا الشي راجع لطبيعة الشخص .. وتكوينته
النفسية وتربيته أيضا .. ^^

---

:31: مدري وش يبي الموضوع الصراحة بس أنا هذا راي مستحيل أغيره يمكن تختلفون لأنكم بنات بحاجة لستر ومعونة :31:

مشكور على الموضوع اخ BOOOB_2002


انا اتوقع بتزوج غيره لانه مات وراح بحاله و ربي ان شاء الله يدخله اوسع جناته


بس انا لسى قدامي حياتي ليش اعيشها بألم و هم اتزوج واربي اولادي مع زوجي الجديد

اللي يقولون انهم ماراح يتزوجون يمكن يكونو صادقين بس الله يعينهم على العذاب اللي راح يعيشونه :)
و مره ثانية مشكور اخوي عالموضوع

اقتباس:

---

مرض يلي في بالي

---

تكفيين ..يررررحم ابوووك ..ترا مااا شوفتا http://celso.jeeran.com/buckwheat.gif

اقول لايكثر يامطشر ,,

يا ناس يا عالم يا هووووه!
ليش قلبتوها كذا

طيب أفرضوا العكس!
الثاني كان أحسن من الأول ؟

تبون تنسون الأول؟

في هذه الحالة أنتم الظلمة!

في حالتي أتوقع إني أحتاج فترة... بس الفترة مو عشان أنساها.... ولا هوبمعنى أني أتزوج وحده ثانية إني نسيت الأولى!


وهناك نقطة

حكاية "تتزوج عليها وما تتزوج عليها".... لا والله أبي أتزوج على الأرض صراحة ما أبي أتزوج عليها!

هالجملة عبيطة

ليش ما تتسمى تزوج وحدة ثانية؟ يعني قد قريتوا في الكتب العربية القديمة (أيام كانت الأحقاد ولا شيء مقارنة باللي الحين):
" وتزوج عليها فلان بن فلان"؟

لا تبون تلقون مكتوب

" و اقترن بأخرى"!

يا ناس هالجملة ما كانت موجودة سابقا و لكن أصبحت موجودة بفعل الحسد يعني كلها ( حسد×حسد) للقوة حقد!

يعني لو نبعد التحيز و كل شيء نجد أنه أمر طبيعي جدا جدا.

وصراحة... لو نسأل سؤال ثاني... هل ترضى (ترضين) أن تتزوج زوجتك (يتزوج زوجك) بأخرى بعد موتك؟ أم ترفض(ين)؟؟؟

نعيد الصياغة....

هل تريد أن يرضى شريك حياتك عليك أو أن ترضى (ترضين) عليه(ا) و يغضب الله عليكما الأول(انت/أنتِ) للحسد و الثاني(هي/هو) لأنه حرم ما أحل الله له(ا)؟؟؟؟؟


صراحة التعدد يحل مشكلة كبيرة و لكننا للأسف نجعل منه مشكله كبيرة!
الحريم حرَموه والرجال أستحلوه و حللوا حرامه.

آسف غثيتكم..... بس حكموا العقل وأوزنوا العاطفة في نقاشاتكم بالله!

اقتباس:

---

المشاركة الأصلية كتبت بواسطة Lena

:cool: ياني حركات



لا عاد نجي للجد...

بصراحه صدق هالكلمه...قد ماهي تعور...وقد ما انا بحس بالم...بس موته اكيد ابتلاء من ربي واختبار لصبري....انشالله برجع واكون معه بالجنه ...



ما راح اتزوج الثاني عشان يلا بس بوسع صدري....ييييه نسيت الاول.....هذاك ذكرى وانتهت...



لالا مستحيل

بتزوج الثاني والاول معي بقلبي...بتزوج الثاني لاني محتاجه له بس...الحاجه حدتني...


لاني وحده احب الاخلاص صراحه...بس الاخلاص بموقف زي كذا بحيث اني ماتزوج فانتازيا...


الا اذا امي كانت حيه...او عندي ولد كبير يرعاني والله ماتزوج وش حادني...






:bigeyes: ايف بدا قلبي يعورني اكره التفكير التشاؤمي

---

الحب بيجي لزوجك الثاني مع العشره !!


وبعدين لعلمك ما راح يتزوجك احد ثاني وبيرعاك ويحب عيالك الا من محبته لك :) !!


وصعبه المحبه تكون من طرف واحد يا لينا خلينا نكون واضحين وصريحين :) !!


صح ولا لأ ؟!

اول شي اربع كل ما فطست وحده دخلنا الاحتياط:09:

اقول تبون الصدق ..

اخرتها كل واحد بيتزوج وحده ( وتخب ) مسوين رجال اعمال :tongue2:؟

واذا توفت لا سمح الله انا متأكد اذا كان يحب زوجته او هي تحبه ..

وعندهم أولاد ..

انا متأكد ..أنه ماراح يتزوج ..وبالنسبة للنساء ..

أتوقع أني اعرف شخص مقرب لي جداً دليل على كلامي ..! :)

king_kubaj : يعني برأيك كذا انتهت القضيه:33:

الحين أنتم تسبقون الأحداث وكل واحد يقول رأيه ويناقش -_____- يا عالم تزوجوا أنتم أول بعدين أذا توفى أحد من الطرفين تظاهروا قصدي تناقشوا ..

بعدين الواحد ما يقدر يحكم من الحين لان النفسية أو حالة الشخص تتغير مع الزمن .. ولا انا غلطان -____-

اقتباس:

---

المشاركة الأصلية كتبت بواسطة RPG_master

اول شي اربع كل ما فطست وحده دخلنا الاحتياط:09:

---

هههههههه ملعب موب حريم :tongue2:


وانا أؤيد كلام خوباج :33:

اقتباس:

---

المشاركة الأصلية كتبت بواسطة king_kubaj

اقول تبون الصدق ..

اخرتها كل واحد بيتزوج وحده ( وتخب ) مسوين رجال اعمال :tongue2:؟

واذا توفت لا سمح الله انا متأكد اذا كان يحب زوجته او هي تحبه ..

وعندهم أولاد ..

انا متأكد ..أنه ماراح يتزوج ..وبالنسبة للنساء ..

أتوقع أني اعرف شخص مقرب لي جداً دليل على كلامي ..! :)

---

http://www.montada.com/images/icons/icon14.gif u came at the right time

*(Chii)*

العفو ومشكورة على ابداء رأيك ^_______^



ZANTETSUKEN

مشكور لردك ^^

اقتباس:

---

اول شي اربع كل ما فطست وحده دخلنا الاحتياط :09:

---

بدري :reporter:



king_kubaj

هه كلامك هو عين العقل بس جاء متأخر .. بعدين وين رأيك
بالمثال يلي طرحته حق البورتس :reporter:


THE LUCKY GUY

كلامك فيه شي من الصحة لكن لازم الواحد يحط باعتباره مثل هالأمور عشان
اذا واجهته يكون مآخذ قرار ويعرف يتصرف حينها .. وثانكس على الرد


Undine

مشكورة على المرور ^^

الزواج الثاني ماله طعم ولا نكهة ولا ايتها حاجة :31:
وما الحب الا للحبيب الأولي :33: <=== حكيم

اقتباس:

---

المشاركة الأصلية كتبت بواسطة king_kubaj

اقول تبون الصدق ..

اخرتها كل واحد بيتزوج وحده ( وتخب ) مسوين رجال اعمال :tongue2:؟

واذا توفت لا سمح الله انا متأكد اذا كان يحب زوجته او هي تحبه ..

وعندهم أولاد ..

انا متأكد ..أنه ماراح يتزوج ..وبالنسبة للنساء ..

أتوقع أني اعرف شخص مقرب لي جداً دليل على كلامي ..! :)

---

صح اننا ما تكلمنا عن الأولاد


بس قريبك اللي تتكلم عنه اولاده كبار نسبيا واكبرهم ولد يعني بالعربي بأذن الله ما تحتاج زواج


خصوصا انه ذا الولد ثقه على اخوانه ^^


لكن يمكن اكثر العيال بنات ولا هيب كبار لسن زواج مثلا ولا عندهم اخوان كبار وصعبه تستر عليهم !!


الا انها تتزوج شخص ثاني !!