ذكرياتي مع super robot war F Final

هلوووووو

هالموضوع فقط لعشاق لعبة super robot war

و بالاخص الجزء F Final على البلاي ستيشن الاول

منو فيكم لعبها ؟ ^.^

انا اذكر يوم شريتها

كنت توي ما عرف لها عدل

كل اللي اعرفه هو كيف اخلي الروبوت يتفادى الضربات و اخليه يصوب 100% و الاشياء البسيطه ^^

المهم شغلت اللعبه و شفت اللقطات اللي يحطونهم في البدايه

تحمست حق اللعبه وايد

رحت بديت

طلعلي اختار شكل البطل اللي هو شخصية مألفتها اللعبه

<<< كنت ما عرف شالفرق بينهم

اخترت اي واحد و بديت

يا سلام البدايه عندك 100000 و عندك وايد روبوتات من البدايه

العاده بس مازنجر خخخ

طبعا صرفت الفلوس كلها

اكثر شي على billvine اللي هو aura battler الاحمر ^.^

هذا بدونه ما كنت نهيت لعبة super robot war ex فعلا كان عن ستين روبوت

و اكيد Getta Dragon هم نفس الشي هم كان نافعني في ex و الجزء الثاني

و الروبوت اللي مال بانبريستو الابيض امممم اللي يسوقه masake بو شعر اخضر خخخ

ذول اللي اهتميت فيهم في البدايه

شفت معاي خماسي خخخ انا ما لعبت الجزء الثالث لان اللعبه اختربت +_+ و الحين مو لاقيها

فمو عارف حزتها ان خماسي منه فايده

بديت اللعبه

طلعلي مكان كئيب

معاي gundam F91

و اللي تطلع وياه

لا و طاقتهم ناقصه و حالتهم حاله _-_

لعبت

و اخيرا وصلت اللي انا اسميها الطيارة الرئيسية هههههه اللي تطلع و بعدين تختار الروبوت اللي بتلعب فيهم

اخترت اللي زودتهم

و لعبت المرحله

سهله كانت ^.^

المكان اللي بعده تضايقت يوم شفت ان الروبوتات الي لعبت فيهم بدو ناقصين يعني مو 100

اللي يعرف اللعبه فاهم عليي _-_

تحبطت شوي لكن قدرت انهي المرحله

و جذي مرحله ورا مرحله اشوه المراحل اللي عقب دايما يبدون 100 ^^

الا شوية مراحل

اخيرا وصلت لمرحله اخواني ما قدروا ينهونها

هم يعرفون يلعبون شوي ماشي حالهم

لعبت المكان ولا فيه جولات

يعني لازم انهيه بوقت محدد

فهمت ان لازم آخذ روبوت لكل قاعده في ال map

فاخترت الروبوتات اللي يقدرون يتحركون مرتين

ال جندامز و billvine ذول حزتها اللي كانو يتحركون مرتين

نهيت المكان باعجوبه هههههه

بس المكان اللي بعده على ما اظن المكان اممم 42 او 43 والله ما اذكر رقمه

المهم ما عرفت شلازم اسوي فيه

اذبح كل اللي ضدي يطلعولي اعداء غيرهم و يحطولي game over

حاولت فيه الف مره لكن _-_

و من يومها انا اكره لعبة f final

احقد عليها خخخخخ

نزلت لعبة super robot war a يا سلام سهله و احلى بمليون مره

و عقبها alpha هم حلوه و سهله ^^ عالاقل الروبوتات ملوتنا ما يموتون بضربه وحده خخخ

مني بديت اعرف للعبه اكثر

نزلت impact و حبيتها وايد

نهيتها و مني فكرت احاول في f final بعد مره

وصلت لنفس المرحله البايخه -_-

قعدت احرك الروبوتات ملوتي في كل مكان في ال map

بدون ما اهاجم اللي ضدي

بس اتمشى في المكان

بالاخير وديت الطيارة الرئيسية خخخ افتكر كنت مختار مالت aura battler اللي لونها ازرق

ما عرف اسمها -_-

المهم اخذتها حق طرف ال map تحت عاليسار كلش

مني خلصت المرحلة خخخ

الظاهر كان لازم تودي الطيارة الى احد اطراف الخريطه _-_

استانست واااااااو عييييد
اقدر اكمل

كووووول

ههههه

المهم لعبت الاماكن اللي بعده

بدت اللعبه تصير اصعب و اصعب

وايد اماكن عن الجاندامز خصوصا اعداء z gundam

قرفوني -_- و اعداء aura battler هععععع

اخيرا طلعلي روبوتات يدد

طلعلي daitran 3 معنه سكه شوي -_- و ما يتحرك وايد لكن اهون من مازنجر

خخخ

بديت استخدم L Daim المتطور

حركته القوية مفيده

هو المشكله اول شي بس تقدر تزيد الروبوتات خمس زيادات _-_ فمايصيرون قواية وايد

هالشي قرفني شوي

وصلت اماكن ابعد لحد الآن اغلب الاماكن عالارض مو في الفضاء

و اماكن عادية و ما فيها اثارة

بس انك تزيد ليفيل الروبوت ملوتك و تزيد اسلحتهم تقريبا كل المفيدين ترست الاسلحة المهمه لهم

طلع great mazinger

فعلا فرق بينه و بين مازنجر السكراب

هذاك ال armor ماله يبدي 2400 وااااو

لكن ما استخدمته صراحه

المفيدين لحد الحين billvine و getta dragon و dancougar و اللي لونه ابيض مال بانبريستو خخخ

و الباجي مثل goshogun و جريت مازنجر و خماسي و دايتران 3 كلهم جمهور

اللعبه بدت تصير صعبه شوي

طلعلي مكان ل g gundam طبعا انا متبري من كل ال gundams عدا v gundam

اما g gundam تفاجأت منه صج قوي بهاللعبه حركاته قوية

المهم طلع ماستر جاندام ضده

مره وحده تحول او صار مينون خخخ g gundam تغير شكله شوي و اللي يسوق ههههه صار خبل

طلعتها حركه يمسك سيف يقعد يقرقر ثلاث ساعات -___- بالاخير ضربه بالسيف خخخ

المهم لعبت هالجم مكان ل g gundam طلع النينجا اللي وياه هم يطلع في impact و البطله مالته لكن وحشها فاشل بهاللعبه

لعبت مكان بس هم الثلاثه فيه

يمكن 3 جولات اخيرا وصلت الطيارة الرئيسية ههههههه

طلع مازنجر لوحده مع الوحش الابيض مال بانبريستو -_-

المهم نهيت المرحله بالاخير طلع مثل دخان من g gundam قلت الظاهر انتهت مدة صلاحيته

اطلع واحد شعره طويل لابس نظارة مو نظارة نص نظارة خخخ قعد يقرقر بالاخير طلع روبوت gundam

بعد المرحله شفت الروبوت god gundam خخخ

شكله ما عجبني

وقفته غبيه هههههه

لكن ما دام الزيادات اللي زيدتها ل g gundam قبل ما يتطور ظلت نفسها مخالف استخدمه ^^

لعبت الجم مكان اللي بعده ليلحين على الارض

طلع هال god gundam شي _-_

يصير خبل لما يوصل ماله 130 و تطلعله حركة map و god finger اثنينهم مفيدين و اقويا

و اهم شي تتغير وقفت الروبوت ههههه بدال الوقفة الغبية يوقف وقفة كوول عجبتني ^^

بعد جم مرحله اخيرا طلعلي شي كنت متحمس له وايد ^.^

shin getta robot واااااااااو و بعده بجم مرحله بايخه ل evangelion -_- طلعلي mazinkaiser

واااااو هههههه بس ضرباته ارقامها عجيبه لكنه useless هالمازنكايزر خخخ اما shin getta شي رهيب افضل روبوت ^^

طبعا v gundam طالع لكنه سكه و ما منه فايده

بس يتفادى اللي ضده

و اذا نقشوه مع السلامه خخخ يسكلك هالدرع يعني بعيش خخخ

طلعلي اخيرا الوحش البطل اللي يسوقه الشخصي اللي اخترتها في البداية

طلعلي الروبوت الازرق مو ابو سيف خخخ تعال فهم الحين _-_

تعرفون المشاهد في بداية اللعبه

المشهد اللي قبل مازنكايزر اظن

في وحده شعرها اخضر عندها هالروبوت الازرق

تسوي حركة اسمها black hole مادري شنو عقب خخخ

المهم خوش روبوت

مفيد عالاقل ^^ و يتحرك مرتين ههههه

لعبت مرحلة اممم يمكن ال 55 كانو اعداء aura battler مليون واحد -_-

في البداية ما يكون معاك billvine ولا l gaim ولا الوحش الابيض خخخ

بس عقب يطلعون معاك ^^

خوش مرحله

تحصل منها ملايين هههههه

اخيرا رحنا للفضاء شوي تغيير

اماكن ل L gaim اعداءه قواية شوي -_-

بعد جم مرحله خماسي طلعتله حركتين يدد

اللي يسير سيارة ههههههه و النسف الكير المتطور

شي لطيف

خخخ

طلعلي وحش احمر طاقته 19000 ideon اظن اسمه

سكه ضعيف فاشل _-_

يسوقونه ثلاثه قلت اكيد قوي عيل

لا و عنده حركه توصل الى ماله نهايه و رقمها 9999 هههههه لكن ما يصير تستخدمها

مهما تسوي فيه ما تقدر تستخدمها

هو بس يستعرض فيها في مرحلته خخخ

تحسفت على كل فلس حطيته عليه هههههه

طلعلي مكان ل gunbuster وااااااااااو

هذا صح طاقته 16000 لكنه هم مميزاته اكثر من جذي درعه 2400 الظاهر هذا اكثر شي في البدايه يعني

و اقوى ضربة يبدي رقمها 4400 واااااو و ال energy مايوت _-_ روبوت ممتاز

بس المصيبه بس طلع ويانا صارت اللعبه صعبه و الاماكن بايخه +_+

طلعلي اعداء البطل

شخصيات مألفتها اللعبه

كلهم عندهم حركات map _-_

واحد صوته يضحك طاقته 52000

و وحده تطلع في المشاهد اللي اول شي تباري الوحش الابيض

هم عله ثانيه

و العلة الثالثه واحد شكله ردي لون وحشه ازرق هم يطلع في المشاهد

المهم ذول الثلاثه يلوعون الجبد كل شوي يطلعون و يولون

يوم توصل هالمراحل راح تقدر تترس الروبوتات 10 مرات بدل 5

وااااااو مني تحلم يكون عندك فلوس هههههه تخلي وحوشك كلهم قواية ^^

طبعا وحشي المفضل billvine تغير لونه صار اخضر على رمادي خخخ بس ما تغير فيه شي ثاني

اللي تركب معاه اللي شعرها وردي يطلعها شي كوول

يسوي كل شي تتخيله خخخ

هي و اللي تسوق gunbustar

عندهم اياه ^^

اما الوحش الابيض خخخ عنده شي انه يقدر يسوي اي شي يبيه

تنقيش 100% او يتفادى او الدرع او النار

لكن بدل ما يكون هالتنقي 25 يخلليه 50 خخخ

المهم

وصلت مكان على القمر او كوكب مو الارض يعني خخخ

يطلع وحش معاك طاقته 52000 و عنده HP Full

يسوقه واحد مشمخين ويهه ههههه هذا اظنه يطلع في الجزء الثالث و يكون ضدنا

لكن وحشه يكون غير

االمهم هالوحش يساعدك

لوحده يتحرك

و المكان اللي ضدك هم اعداء البطل الثلاثه

مكان سهل لا تخافون منه ههههه يطلع معاك عدو الوحش الابيض granzun اظن اسمه

يسوقه واحد اسمه شو

شعره وردي

و معاه وحده شعرها احمر و وحشها احمر

اللي تلعب فيهم الطريج الثالث في super robot war ex

بعد ما تنهي طرج الوحش الابيض و طريج الساحره مالته يطلعلك طريجه لكنه صعب

خلصت المكان الاخير و عندي بس روبوت واحد مشلخ ههههه

المهم يطلعولك

يكونون اقويا

المهم تذبح اعداء البطل

يطلعولك اعداء ideon الجياكر خخخ

تشيلهم و ينتهي المكان

هو كل جم مرحله يطلعولك وحوش ما منهم فايده

بس جذي زيادة عدد

جم واحد ملوت v gundam

و خرابيط z gundam

ما منهم فايده

-_-

في بعد مرحله ل L gaim يكون هو بس اللي تقدر تهاجم فيه خخخ

اخيرا وصلت مكتن اخوي حسبه الاخير

انا قلت له المكان الاخير ما يخلون الموسيقى مالته جذي خخخ

طلعولي اعداء البطل نفسهم الثلاثه مع اللي يطلع في المشاهد اللي طاقه اظن 60000 الف او 62

ما اذكر

طبعا كلهم يتحركون مرتين و الوحوش العاديه اللي ضدك هم اغلبهم يتحركون مرتين

لكن معاك الوحش اللي طاقته 52000 الف ما يساعد وايد لكن احسن من ولا شي

انا لعبت هالمكان و كان شي واحد مضايقني

حركة الوحش اللي ضدنا ابو 62000 خخخ عنده حركه قوية اظن توصل 11 او 13 ما اذكر

اظن 13 خخخ و رقمها فوق 4000

و حركة map توصل خمسه اظن يسويها مثل دائرة حواليه

و ال armor ماله 6500 و النحشه او التنقيش اظنه كان 300 و شي

خخخ

شي رهيب و تنترس طاقته و كل شي +_+

طبعا انا طلعت حرك دانكوجار السيف

لما تترس حركة السيف العاديه عشر مرات يصير تشتريها ب 90000 هههههه

و عندي حركة shin getta robot و حركة billvine و gunbuster و god gundam اللي صار يتحرك مرتين ^^

ذول بس اللي حركاتهم قواية و تقدر تذبح فيهم هالغول اللي طلعلك خخخ

استخدمت خطة shin getta robot هههههه

احطه في الارض

اقطه عند الوحش ابو 62000 اطلعه و اسويله حركته القوية مع نار اللي تخلي الضربه الضعف

افففف صارت 25000 تقريبا و بعد مره سويتها

بس باقيله شوي

خله يلعب بعد مره

اللي مع L gaim البنت عندها اللي تخلي الروبوت يتحرك بعد مره

ذبحت ذاك الوحش مني ارتحت

خميت الثلاثة الاغبيا

كل ما تذبح واحد منهم الثانيين يتخبلون و يسوونلك تنقيش 100% و نار و خرابيط خخخ

خلصت هالمكان

طلعلي مكان مثل جولات

لازم توقف وحوشك على اشياء قاعده تقرب من الارض

و ضدك جم وااحد من gundam wing اللي ما شميت ريحته بهاللعبه خخخ ما صار معاي _-_

و ضدك ماجيما و هامان اعداء zz gundam

المكان فيه صعوبه -_-

خلصته

وصلت المكان ال اممم 76 اظن

طلعلي عدو دانكوجار

واحد شعره وردي

طلعلي وايد منه

الظاهر نسخ ^^

لازم تذبح النسخه الاصليه عقب يختفون كلهم

خربوطه المكان سهل ^^

كان فيه البنت البطله اللي مع god gundam صايرة ضدنا

مع اللي لابس نص نظارة خخخ

اردايه ^^

نهيت المكان

مني بدون ما يخلونك تزيد وحوشك

بدا المكان

اخترعت @@

سمعت اغنية المكان لا هذا المكان الاخير _-_

استانست

احلى شي عندي في كل لعبه آخر مكان ^.^

طلع ضدي الوحش الاخير اللي بالجزء الثاني

و اللي يسوقه نفسه عدو دانكوجار خخخ

و طلعولي سخافات من ideon و هم ابو نص نظارة و الخبلة مالت ud gundam

دانكورجار و جود جاندام لازم تلعب فيهم

و تنقي اظن 15 غيرهم

اخترت المهمين

المكان لازم ما تخلي وحده من اعداء ideon تموت

لازم تساعدها خخخ

من البدايه تطرش لها وحوشك

هذا اول شي سويته

و هم هاجمت الغبيه اللي مالت god gundam تصير طاقتها النص تقريبا مني يطلعلك مشهد

مثل فيلم صغير

متنا من الضحك انا و اخوني لما شفناه ههههههه

دومون و البطله مالته جنهم قاعدين يرقصون و بالاخير يسوون الحركه القوية مالت god gundam


dinkookin و شي جذي خخخ على فكره نسيت اقول هالحركه تطلعله بعدين و كل مرحله تزيد رقمها

و تنقص 120 من الانيرجي و يقدر يسوويها بس لما يكون ماله 150 خخخ

المهم يسوونها في المشهد و يطلع ريال بدل الكره ههههه واحد شعره اصفر و احنا قاعدين نضحك

انفجر وحش الغبيه و ظل بو نص نظارة خميناه

اخيرا بس ظل عدو دانكوجار مع وحشه

الشي الحلو في المرحله

ان هذا اللي هو الاخير عدو دانكوجار يسوي اللي يترس الطاقه كامله في كل جوله و زياده يسوي اللي يخلي ال armor الضعف و يسوي نار ازرق اللي يخلي حركته ثلاث اضعاف قوتها

في كل جوله يسويهم

درعه جم 13000 خخخ و نحشته او تنقيشه 375 اظن خخخخخ و حركته توصل 11 و رقمها 4200 على ما افتكر

يتحرك مرتين

و عنده 4 وحوش حرس قراب يمه

انا سويت خطة shin getta robot

تصوروا ذبحته فيها ^.^

جان يطع بعد مره خخخخخ

بعد جوله طلع واحد من اعداء z gundam

يريدو او شي جذي اسمه

احنا انسميه جريده خخخ

راح فجر نفسه عند الاخير

و shin getta robot هناك

ماتو اثنين من حرس الاخير و shin getta robot خخخ و الاخير ما صار فيه شي

خخخخخخخخخخخخخخخ

مني صرت مينون انا

رحت هاجمت بكل وحوش

مره وحده تعرفون المكان اللي قبل اللي قلت لازم نوقف الاشياء قبل ماتوصل للارض

هالاشياء وصلت في المكان الاخير

شنو صار

طلع ideon انا ما اتخرته بالاصل

المهم طلع هو و طيارته الرئيسية

طاقتها 30000 اظن

و الغبيه اللي دافعنا عنها في بداية المكان اللي ما كان لازم تموت

المهم ideon سوا حركة مثل انتحار

فجر روحه و طيارتة الرئيسية مع الغبيه مع كل الاشياء اللي كانت تقرب من الارض

انتهى ideon مني شوي اشفقت عليه هههههه

المهم هاجمت الاخير ذبحته

و ذبحت الحرس ملوته

خلصت اللعبه

قرقرقرقرقر بعد هالقرقر حطولي مشهدين صغار

الاول اللي اسمها ريلينا مالت اجنحة جاندام خخخ قاعده تصافح واحد ما عرفه -_-

و حاطين حجي وايد

oaz و هالخرابيط ملوت اجنحة جاندام خخخ

عقب مشهد سريع مثل صور

لقطات لكل ابطال اللعبه

اللي اذكرهم اعضاء خماسي قاعدين يركضون لخماسي ههههه و دومون و حبيبته امممممم خلونا سااكتين هههههه

و جم لقطه

اخر شي حطولي صورة الوحوش الرئيسية

وحش البط الازرق

يعني كوول خخخ

و خلصت اللعبه

طلعلي بالاخير صور الشخصيات الرئيسية ملوت اللعبه

كل صورة احلى من الثانيه هههههه

و بالاخير صورة جماعيه ^.^

طبعا انا لعبت اللعبه بعد مرة و طلعت مشاهد لاتحاد shin getta robot و mazinkaiser

و البطل الثاني ابو سيف

و طبعا great mazinger و الغبيهه اللي وياه ههههههه

و اخيرا gunbuster

^.^

السلام عليكم ....

ما شاء الله ... قصة كاملة ... هاللعبة عندي بس ما لقيت وقت ألعبها Super Robot War F Final

رغم أنها من انتاج العام 1999 الا أنني حصلت عليها منذ بضعة أشهر فقط !!

والسلام
أحمد : أخ للجميع

السلام عليكم


الصراحة والله مادري شنو اقولك جبت القصه كامله

وما قصرت

وبعدينا انا لعبتها الجزء لأول ونهيته


ولعبت الجزء الثاني روعه :)

ولا وصلت لمرحله 56 هذي اصعب المراحل


اتصدق هذي اللعبه اخذت مني ثلاث شهور وانا العبها احاول انهيها


وماقدرت لأني ماحصلت ديسك جديد لاني كل مايعلق دسك اشتري ولا

صار العدد تسع ديسكات من بلي ستيشن ون وعجبني الصراحة

غريت مازنجر ومازينكايسر و GX9800 الشخصيه الجديد في اللعبه


وتقبل تحياتي لكم

التنين لأخضر

مرحبا بالحبايب

أنا لعبت الجزء الأول والثاني وصراحه كانوا شئ وخاصه المرحله الآولى إسمها

mazinger-Z vs getter robot G

ولعب ألفا 1 وألفا ps2 وطبعا إمباكت الي هو أحلى جزء وطبعا لوجود جريندايزر

والجزء الي أتمنى أشوفه هو super robot wars A حق الجيم بوي أدفانس وكذلك D

مع الشكر على الموضوع الرائع

اقوى واحد بجميع السوبر روبوت هو Edeon
بلا اي منازع :biggthump

اصعب مرحلة هي التي تتحدا فيها رئيس اخير قصة الغايم. :أفكر:

اقتباس:

---

المشاركة الأصلية كتبت بواسطة Guilty Gear X

اقوى واحد بجميع السوبر روبوت هو Edeon
بلا اي منازع :biggthump

اصعب مرحلة هي التي تتحدا فيها رئيس اخير قصة الغايم. :أفكر:

---

من هو Edeon!! هل هو أحد الأبطال أو الأشرار...

اقتباس:

---

المشاركة الأصلية كتبت بواسطة DarkLordDragon

من هو Edeon!! هل هو أحد الأبطال أو الأشرار...

---

هومن الابطال....

i play it also :cool: :cool:
but please guys there's game called Click Manga:Dynamic Robot Taisen 1 & 2
as anyone know from where can i get it please :أفكر: :أفكر: ?
i tried for search about this game really

thanx

السلام عليكم ....
أخ ( دوك توجو ) ....

أنا عندي Click Manga Dynamic ( لعبتين ) ...

المفروض انك تحصل هاللعبتين من الموقع التالي اللي أنا عضو فيه ( ما أفهم شي كله بالاسباني :06: :06: ) ،، و اذا واجهت أي مشاكل أرسل لي عالخاص

http://www.arkania.org/~garada/pn/mo...t&file=bttinfo

في أمان الله
أخوك أحمد

اهلين بالحلوين

ما توقعت احد يرد هي هي

مشكوووووورين عالردود احب اشوف ناس تسوالف عن السوبر روبوت ^.^ <<< جذي يصير ويهي

اكيد اللي لعبها عرف انها من اصعب الالعاب اقصد f final

احد قال المكان 56 يعلق عنده امممم ما اذكره بصراحه لكن اظنه قريب من مرحلة اعداء aura battler

احد الاخوان قال يبي اللعبتين super robot war A , D على الجيم بوي

انا عندي A بس مو اصليه عشان جذي ما قدرت انهيها لاني ما اقدر اخزن عليها شي خخخ

المحول ينبط و البطاريات ما تساعد و بالغلط تنعاد و تعال ارجع لنفس المرحله خخخ

اللي اييب القهر فيها انك لازم تشوف الحركات

خخخ

اما D لعبه تونس ^.^

فيها صعوبه عالامكان البعيده

المكان الاخير يطلعلك واحد طاقته 200000 خخخ لكنها ما تنترس المشكله انك لو ذبحته يطلعولك وحوش اعداء ضدك و يطلع هو بعد مره ثانيه خخخ

لما تنهيها يطلعلك كل وحش من وحوشك شكثر استخدمته يعني شكثر ذبح وحوش احصائيه ^^

اذا نهيتها و بديت مره ثانيه راح تتفاجأ لانك راح تقدر تترس اسلحة كل وحوشك و درعهم و طاقتهم و كل شي حدهم

يعني مثلا حركة shin getta بدل ما يكون حدها 6250 اظن تصير 7200 هههههه

واااااااو ^.^

و اهم شي ان الزيادات تظل مثلها يعني كل وحش شوي زودت اسلحته و زودت طاقته يظل نفسه حتى اللي يسوقون هم اي شي زدته فيهم يظل

^^

احد قال ما يعرف edion خخخخ

راح اعطيكم موقع فيه اغاني سوبر روبوت و ريال روبوت

تلاقون وايد وحوش تعرفونها من الالعاب

مثلا raideen machine robo daitran 3 goshogun dancougar و غيرهم

و تلاقون في الريال روبوت riyal robots songs تلاقون edion و aura battler و l gaim و جم جاندام

يعني موقع لطيف ^.^ و اهم شي في صورة صغيره لكل وحش راح تعرفون اشكال الوحوش و اساميهم اذا شفتوا اسم الغنيه اللي تحملها

http://www.j-hero.com/plamocherid/music/robot.htm

هذا سوبر روبوت

اما هذا

http://www.j-hero.com/plamocherid/music/realrobot.htm

ريال روبوت


^^

شباب ما قلتولي شنهي افضل لعبه لعبتوها من العاب سوبر روبوت ؟ يعني استمتعتوا فيها مو شرط ان الحركات فيها احلى و و الخخخخخ

و يا ريت لو كل واحد يقول ايهو الجزء الي واجه فيه صعوبه و الجزء اللي عجبته مراحله

و اهم شي تقولون ايهو الروبوت اللي تفضله في الالعاب و القائد المفضل ^.^

انا افضل dancougar اما القائد المفضل اللي يسوق billvine اللي اسمه شو

سي يوووو

مشكور أخويhohoho على الموضوع

وأنا لعيت ونهيت بسsuper robot imact,2alpha
بس عندي أحلى جزء impact
وحلى روبوت عندي
machine robo
وكل مايطلع يقول شعر

السلام وعليكم

اشكر اخوي صاحب الموضوع على اللعبه الممتازه :cray: والصراحه هذي احلا الالعاب لعبتها على البلاي ستيشن ون ومسليه جداً جداً لاكن للأسف نسيت اكثر اسامي الروبوتات لاني من زمان مو لاعب اللعبه.

الالعاب اللى لعبها ل سوبر روبوت اهي

Super Robot War اسمه تايسون بس اهو لعبته البروبوتات كبار فيه 35 مرحله ارض و 35 مرحله فضاء.
Super Robot War F
Super Robot War F Final
Super Robot War Ex
Super Robot War alpha
Super Robot War impact
Super Robot War alpha 2

وارجو من الجميع افادتي بأسامي الالعاب لهذي اللعبه
وفي العاب لعبتها بس نسيت اساميهم ولاكن ماعرف اعبر عن حلاوة اللعبه وشكرا لكم جميعاً

انا عجبني الفا لانه اول جزء لعبته.

ايديون نزل سنه 1982 مؤلفه كان يوسشيوكي تامينو (مؤلف القندام) كان طوله 105 متر من اطولا لسوبر روبتس عموما. القصه كانت عميقه وفيها اختراع.

في مقابله هيدياكي انو رشحوا لمحبين الانمي وقال اي محب للانمي لازم يشوفه بعدين احط المقابله.

اهلا اخي سازابي

كم اتذكر مواضيعك فا انا اعرف ابرز الاعضاء هنا في قسم الالعاب فقط اعرف اسم العضو لاكن اعرف انك متخصص في الروبوتات واخبارهم :)

شكرا لك على القصة الرائعة أما بنسبة عن أفضل سوبار روبوت فهو super robots wars f fainal
أما عن الأصعب فهو super robots impactمرحلة 97
أما أفضل روبوت فهو shin getta robot:biggthump
وشكرا مرة أخرى على الموضوع المميز

صج كلامك يا أخ شين دراغون أصعب مرحله بأمباكت هي المرحله97 اللي يطلع فيها الرئيس مال دانغايوه (العور) خلصتها بعد عناء طويل بس أصعب سوبر روبوت هو ألفا غايدن خصوصا الرئيس الأخير كل ما أوصل طاقته نص يزيدها مره ثانيه.:biggthump